පුවත්

ඉන්දියාව සහ ශ්‍රී ලංකාව අතර පවතින දීර්ඝ කාලීන මිත්‍රත්වය තවදුරටත් ශක්තිමත් කරමින් මේ අසීරු අවස්ථාවේ ශ්‍රී ලංකාව වෙනුවෙන් සමීප මිතුරකු ලෙස එකට එක්ව ජන ජීවිත බේරා ගැනීමට සුවිශාල දායකත්වය ලබා දීම සම්බන්ධයෙන් ඉන්දීය මහ කොමසාරිස් සන්තෝෂ් ජා මහතාට විපක්ෂ නායක සජිත් ප්‍රේමදාස සිය ගෞරවය සහ ස්තූතිය සමස්ත ඉන්දීය රජයටත්, ඉන්දීය ජනතාවටත් පුද කළේ ය.

මෙරට ආපදා තත්ත්වය හමුවේ කඩිනම් සහන ලබාදීම සඳහා ක්‍රියාත්මක විය යුතු ආකාරය පිළිබඳව ඉතා සවිස්තරව කරුණු සොයා බැලීම සඳහා ජපානයේ හදිසි ආපදා කළමනාකරණය පිළිබඳ විශේෂඥයින් කණ්ඩායමක් පසුගියදා මෙරටට පැමිණ ඇත.

විපක්ෂ නායක සජිත් ප්‍රේමදාස පසු ගිය 27වන දින රටේ හදිසි තත්ත්වයක් පත් කරන්නැයි ඉල්ලා සිටි මොහොතේ එය මායින් නොකළ මාලිමා ආණ්ඩුව දින කිහිපයකට පසුව හදිසි තත්ත්වයක් ප්‍රකාශයට පත් කළ බවත්, ඒ වන විට වැළැක් විය හැකිව තිබූ බොහෝ විනාශ සිදු වී අවසන් බවත් සමගිජන බලවේගයේ දුෂණ විරෝධී කමිටුවේ කැඳවුම්කරු නිරෝෂන් පාදුක්ක පැවසී ය.

පැවති අයහපත් කාලගුණයෙන් නුවරඑලියේ එලවලු වගාව විනාශ වී ඇති බවත්, ඒ අනුව ඉල්ලුමට සරිලන සැපයුමක් නොමැති වීම හමුවේ එලවලු මිල ඉහළ යා හැකි බව නුවරඑලිය ආර්ථික මධ්‍යස්ථානයේ ලේකම් එස්.සනිද්දාසන් පැවසීය.

ආපදා අවස්ථාවේ වැඩි මිලට බඩු විකුණා අයුතු ලාභ ගන්නා වෙළෙඳුන්ට එරෙහිව දැඩිව නීතිය ක්‍රියාත්මක කරන බව අත්‍යවශ්‍ය සේවා කොමසාරිස් ජනරාල් බී.කේ. ප්‍රභාත් චන්ද්‍ර කීර්ති නිවේදනයක් නිකුත් කරමින් පවසයි.

ආපදා හේතුවෙන් සිදුවූ මරණ ගණන 390ක් දක්වා ඉහළ ගොස් ඇතැයි ආපදා කළමනාකරණ මධ්‍යස්ථානය සඳහන් කරයි.

ඉන්දිය අග්‍රාමාත්‍ය ශ්‍රී නරේන්ද්‍ර මෝදි අද ජනාධිපති අනුර කුමාර දිසානායක සමග දුරකතන සංවාදයක නිරතව තිබිණ.

පසුගියදා හටගත් ගංවතුරෙන් සහ නායයාමෙන් විපතට පත් ජනතාවට උපරිම සහන සලසන අතර මේ නිසා විනාශයට පත් වූ විහාරස්ථාන, පල්ලි කෝවිල්, ඇතුළු සියලු පූජ්‍යස්ථාන පිළිසකර කිරීමට නිසි ප්‍රමුඛතාව ලබාදෙන මෙන් ශ්‍රී ලංකා පොදු ජන පෙරමුණේ ජාතික සංවිධායක මන්ත්‍රී නාමල් රාජපක්ෂ රජයෙන් ඉල්ලා සිටී.

දැනට රටේ පවතින ව්‍යසන තත්ත්වයෙන් ආපදාවට පත් වූ ජනතාව වෙත අත්‍යවශ්‍ය භාණ්ඩ පරිත්‍යාග කිරීම සඳහා විදෙස් රටවල්, සංවිධාන, පුද්ගලයින් මෙන්ම විදෙස්ගත ශ්‍රී ලාංකිකයින් විසින් විවිධ විමසීම් කර ඇත.

ශ්‍රී ලංකාව මුහුණ දී සිටින ආපදා තත්ත්වයට සහන සැලසීම වෙනුවෙන් මෙරට රජයේ ආයතන සහ මානුෂීය සංවිධාන සමඟ ඒකාබද්ධ ප්‍රතිචාරයක් දැක්වීම සඳහා ඊයේ සිය හදිසි සම්බන්ධීකරණ පද්ධතිය සක්‍රීය කිරීමට එක්සත් ජාතීන්ගේ සංවිධානය පියවර ගෙන ඇත.

සිදුවූ ව්‍යසනයත් සමග ලක්ෂ එකොළහකට අධික පිරිසක් පීඩනයට, අසරණ භාවයට පත්ව සිටින බවත්‍, ඒ අය වෙනුවෙන් රජයේ වෛද්‍ය නිලධාරින් ගේ සංගමයේ වෛද්‍යවරු 23,000ක් සෞඛ්‍ය කඳවුරු වෙත යොමු කර ඇතැයි රජයේ වෛද්‍ය නිලධාරීන්ගේ සංගමයේ (GMOA) ලේකම් වෛද්‍ය ප්‍රභාත් සුගතදාස පැවසී ය.

දකුණු පළාතේ සිට ආධාර රැගෙන එන ලොරි රථ විශේෂ පරීක්ෂාවකට ලක් කිරීමට තීරණය කර ඇතැයි අමාත්‍ය ආනන්ද විජේපාල පැවසූ බව සදහන් කරමින් සමාජ මාධ්‍ය තුළ සංසරණය වන පුවත සාවද්‍ය පුවතක් වන බවත්, එම සාවද්‍ය පුවත දැඩි ලෙස ප්‍රතික්ෂේප කරන බවත් දන්වමින් මහජන ආරක්ෂක හා පාර්ලිමේන්තු කටයුතු අමාත්‍යංශය නිවේදනයක් නිකුත් කර ඇත.

ආපදා අවස්ථාවකදී සදාචාර විරෝධී ලෙස සත්‍යයෙන් තොර පුවත් සමාජගත කරන පුද්ගලයන්ට එරෙහිව දැඩි නීතිමය පියවර ගන්නා බව පොලිස් මාධ්‍ය ප්‍රකාශක සහකාර පොලිස් අධිකාරි එෆ්. යූ. වුට්ලර් පැවසීය.

ඉදිරි සති දෙකක කාලය තුළ දිවයිනේ හිතකර සාමාන්‍ය කාලගුණ තත්ත්වයක් පවතින බව කාලගුණ විද්‍යා දෙපාර්තමේන්තුව පවසයි.

ශ්‍රී ලංකාවේ මෑත කාලීන ඉතිහාසයේ දරුණුතම ස්වභාවික විපත් අතරින් එකක් වූ ‘දිට්වා’ සුළි කුණාටුවෙන් සිදුවූ අතිවිශාල හානියෙන් පසුව රට යළි ගොඩනැංවීම අරමුණු කරගත් ‘Rebuilding Sri Lanka’අරමුදල ස්ථාපනය කිරීමට කැබිනට් මණ්ඩල අනුමැතිය ලැබී තිබේ.

රත්තරන් පවුමක මිල දින පහක් තුළ රුපියල් 6,000 කින් ඉහළ යෑමෙන් කොළඹ හෙට්ටිවීදිය රත්තරන් වෙළෙඳපොළේ කැරට් 22 රන් පවුමක් මිල රුපියල් 315,000 ක් බවට පත්වූ බව හෙට්ටිවීදිය රත්තරන් ව්‍යාපාරිකයෝ අද (1) පැවසූහ.

හදිසි නීතිය යටතේ අත්‍යවශ්‍ය සේවා කොමසාරිස් ජනරාල් කාර්යාලය ලෙස අවශ්‍ය පරිදි තීන්දු තීරණ ගන්නා බව අත්‍යවශ්‍ය සේවා කොමසාරිස් ජනරාල් ප්‍රභාත් චන්ද්‍ර කීර්ති පවසයි.

කැලණි ගඟේ ජල මට්ටම සම්බන්ධයෙන් වාරිමාර්ග දෙපාර්තමේන්තුවේ ජල කළමණාකරණ අධ්‍යක්ෂ එල්.එස් සූරියබන්ඩාර විසින් පැහැදිලි කිරිමක් සිදුකළේය.