පුවත්

මානව හිමිකම් හා ප්‍රජාතන්ත්‍රවාදය වෙනුවෙන් ස්වීඩන් රජය විසින් පිරිනමන ජාත්‍යන්තර "Per Anger" සම්මානය ශ්‍රී ලාංකික සිවිල් ක්‍රියාකාරිකයෙකු වන බ්‍රිටෝ ප්‍රනාන්දු වෙත පිරිනැමීමේ සම්මාන ප්‍රදානෝත්සවය අද (21) ශ්‍රී ලංකා වේලාවෙන් සවස 7.30 ට ස්වීඩනයේ දී පැවැත්වේ.

ඩ්‍රෝන තාක්ෂණය යොදා ගනිමින් වගා සඳහා බීජ ඉසීමේ වැඩසටහනට සමගාමීව  මහනුවර දිස්ත්‍රික්කය තුළ  බීජ හා පොහොර ඉසීමේ වැඩසටහනක් මිනිපේ හසලක දී ඊයේ (20)  ආරම්භ කෙරිණ.

අටමස්ථාණාධිපති පල්ලේගම හේමරතන හිමි විසින් බරපතල ලෙස අපයෝජනයට ලක් කර ඇතැයි වින්දිතත්වයට පත්ව සිටින දැරියට අපහාස කරමින් සහ බලහත්කාරය යොදවමින් නින්දිත සහ තුච්ච ප්‍රකාශයක් කල හිටපු පාර්ලිමේන්තු මන්ත්‍රී, සර්වජන බලය පක්ෂයේ ජාතික සංවිධායක වන දිලුම් අමුනුගමට එරෙහිව ජාතික ළමාආරක්ෂක අධිකාරිය වෙත සහ ළමා පොලිස් කාර්‍යංශයට පැමිණිල්ලක් කළේ යැයි 'ළමා හිංසනයට තිත' (Stop Child Cruelty) පදනමේ වත්මන් සභාපතිනි වෛද්‍ය තුෂ් වික්‍රමනායක (Dr. Tush Wickramanayaka) පැවසුවා ය.

රජය විසින් කළ යුතුව ඇත්තේ , දේශපාලන නාට්‍ය සහ මාධ්‍ය සිරස්තල කෙරෙහි අවධානය යොමු කරනු වෙනුවට, අප රටේ ජනතාව වෙනුවෙන් අර්ථවත් ප්‍රතිඵල අත්කර දීම සඳහා සිය අවධානය යොමු කිරීම බව ශ්‍රී ලංකා පොදුජන පෙරමුණේ ජාතික සංවිධායක පාර්ලිමේන්තු මන්ත්‍රී නාමල් රාජපක්ෂ සදහන් කරයි.

මඩකළපුව මහනගර සභාවේ මහජන පුස්තකාල නව ගොඩනැගිල්ල ජනාධිපති අනුර කුමාර දිසානායක ගේ සහභාගිත්වයෙන්, හිටපු පාර්ලිමේන්තු මන්ත්‍රී එම්.ඒ. සුමන්තිරන් අතින් අද (20) පෙරවරුවේ විවෘත කෙරිණි.

තමා දේශපාලන අරමුණකින් තොරව පොදු ජාතික කාරණාවක් වෙනුවෙන් හඬ නැඟීමට පැමිණි බව බෝම්බ ප්‍රහාරයකින් දෑස් අහිමි වූ ලෝක සම්මානිත මෝස්තර නිර්මාණ ශිල්පිනී ආශ්චර්යා ජයකොඩි ප්‍රකාශ කළා ය.

ලෝක සෞඛ්‍ය සංවිධානයේ 79 වන ලෝක සෞඛ්‍ය සමුළුවේ සමාරම්භය ලෝක සෞඛ්‍ය සංවිධානයේ අධ්‍යක්ෂ ජනරාල් Dr. Tedros Adhanom Ghebreyesus ගේ ප්‍රධානත්වයෙන් සහ සමාජික රටවල් 194ක සෞඛ්‍ය අමාත්‍යවරුන්, රාජ්‍ය තාන්ත්‍රික නිලධාරීන් ඇතුළු නියෝජිත පිරිසක ගේ සහභාගීත්වයෙන් පසුගිය දා ස්විට්සර්ලන්තයේ ජිනීවා හි පිහිටි ලෝක සෞඛ්‍ය සංවිධාන මුලස්ථානයේ දී පැවැත්විණි.

දමිළ ජනතාවට විරුද්ධව යුද නොකළ බවත්; යුද්ධසටන් කළේ එල්ටීටීඊ  ත්‍රස්තවාදීන් සමග යැයි ද ශ්‍රී ලංකා පොදුජන පෙරමුණේ ජාතික සංවිධායක පාර්ලිමේන්තු මන්ත්‍රී නාමල් රාජපක්ෂ පැවසීය.

පාස්කු ප්‍රහාරයට පෙර වව්නතිව්හි දී සිදුවූ පොලිස් නිලධාරීන් දෙදෙනා ගේ ඝාතනය සම්බන්ධයෙන් පරීක්ෂණ නොමග යැවීම සඳහා  කුමන්ත්‍රණය කළ බවට සැක පිට ත්‍රස්ත මර්දන ඒකකය රඳවා ප්‍රශ්න කරන හිටපු බුද්ධි ප්‍රධානි සුරේෂ් සලේ අද (20) කොටුව මහේස්ත්‍රාත් පසන් අමරසේන හමුවට ඉදිරිපත් කිරීමට නියමිතය.

ජනාධිපති ලේකම් කාර්යාලයෙන් 2015 ට පෙර පැවැති රජයෙන් ජාතික නිදහස් පෙරමුණට ලබා දුන් රජයේ වාහන 40ක් අවභාවිතා කරමින් රජයට රුපියල් මිලියන 09ක පාඩුවක් සිදු කළ බව කියන සිද්ධියට අදාළව ඇප මත සිටින සිටින හිටපු ඇමති විමල් වීරවංශ මහතා ඇතුළු දෙදෙනාට එරෙහි නඩුව නීතිපති උපදෙස් සඳහා ලබන නොවැම්බර් මස 11 තෙක් කල් තබන ලෙස කොටුව මහේස්ත්‍රාත් පසන් අමරසේන අද 20 නියෝග කළේය.

2022 වසරේ දී ගාලුමුවදොර පිටියේ සාමකාමී උද්ඝෝෂණයක් සිදු කළ අරගලකරුවන්ට පහරදීමේ සිද්ධියට අදාළව නඩුව තුවාල කරුවන්ට අදාළ වෛද්‍ය වාර්තා 39 ලැබී ඇතැයි අපරාධ පරීක්ෂණ දෙපාර්තමේන්තුව අධිකරණයට දන්වා සිටියේ ය.

ඇප මත මුදා හැර සිටින සැකකාර රාජාංගනය සද්ධාරතන හිමි මහේස්ත්‍රාත්වරයා හමුවීමට අවසර ඉල්ලා ඇති බවත් මහේස්ත්‍රාත්වරයා හමුවීමට හැක්කේ විවෘත අධිකරණයේ පමණක් බවත් උපදෙස් ලබා දෙන ලෙස සැකකාර හිමිනම වෙනුවෙන් පෙනී සිටි නීතිඥවරයාට කොටුව මහේස්ත්‍රාත් පසන් අමරසේන දැනුම් දුන්නේ ය.

පසුගියදා අරවින්ද ද සිල්වා ගේ නිවසේ සිටිය දී සැක සහිත ලෙස මිය ගිය ශ්‍රී ලන්කන් ගුවන් සමාගෙම් හිටපු විධායක නිලධාරි කපිල චන්ද්‍රෙස්න රාත්‍රි 1.30 ට පමණ නිවසේ පහළ තට්ටුවේ පැන්ට්‍රි කාමරයේ සුදු පාට වතුර බෝත්ලක් තියාගෙන වතුර ෆිල්ටරය ළඟ සිටිනු තමන් දුටු බව අරවින්ද සිල්වා ගේ නිවසේ සේවය කරන රාජේන්ද්‍ර කුමාර්  සිවකුමාර් කොටුව මහේස්ත්‍රාත් පසන් අමරසේන  හමුවේ කැඳවූ ශ්‍රී ලංකන් ගුවන් සමාගමේ හිටපු ප්‍රධාන විධායක කපිල චන්ද්‍රසේන ගේ මරණ පරීක්ෂණයේ සාක්ෂි ලබා දෙමින් අද (19) පැවැසී ය.

ETI Finance Ltd මුල්‍ය සමාගමේ මුදල් තැන්පත්කළ තැන්පත්කරුවන් මුහුණ පා ඇති අවාසනාවන්ත තත්ත්වය සම්බන්ධයෙන් ඔවුන් අද, (19) ශ්‍රී ලංකා මහා බැංකුව ඉදිරිපිට උද්ඝෝෂණයක නිරත විය.

ජනතාවගේ තොරතුරු දැනගැනීමේ අයිතිවාසිකම සුරක්ෂිත කිරීම ඕනෑම ප්‍රජාතන්ත්‍රවාදී රජයක මූලික වගකීමක් වන බවත්, ශ්‍රී ලංකා ප්‍රජාතාන්ත්‍රික සමාජවාදී ජනරජයේ ආණ්ඩුක්‍රම ව්‍යවස්ථාව මඟින් තහවුරු කර ඇති ජනතාව ගේ මෙම මූලික අයිතිවාසිකම කිසිදු අයුරකින් උල්ලංඝනය නොකරන ලෙසත් රජයෙන් ඉතා දැඩිව ඉල්ලා සිටින බව ශ්‍රී ලංකා වෘත්තීය ජනමාධ්‍යවේදීන්ගේ සංගමය (SLWJA) සඳහන් කරයි.

 ඌව පළාත්  ප්‍රධාන අමාත්‍යවරයා වශයෙන් කටයුතු කරමින් සිටිය දී රජයට  පාඩුවක් කළේ යැයි මහාධිකරණය හමුවේ අධි චෝදනා එල්ල වී ඇති පාර්ලිමේන්තු මන්ත්‍රී චාමර සම්පත් දසනායක ගේ විදෙස් ගමන් තහනම තාවකාලිකව ඉවත් කිරීමට   කොළඹ ප්‍රධාන මහේස්ත්‍රාත් අසංග එස් බෝදරගම  අද  (19) නියෝග කළේ ය.

හන්තාන පරිසර ආරක්ෂණ කලාපයේ පිහිටි ජනතා වතු සංවර්ධන මණ්ඩලය සතු ඉඩම් කොටසක් පරිසර හිතකාමී කලාපයක් වශයෙන් නම් කිරීමේ යෝජනාවක් හන්තාන පාරිසරික ආරක්ෂක ප්‍රදේශ කළමණාකරණ කමිටුවට ඉදිරිපත් වී ඇත.

මහනුවර ජාතික රෝහලේ පිළිකා ප්‍රතිකාර ඒකකයේ නව ඔසුසල මහජන අයිතියට පත් කිරීම රෝහල් අධ්‍යක්ෂ වෛද්‍ය ඉරේෂා ප්‍රනාන්දු ගේ සහභාගීත්වයෙන් එම වාට්ටු සංකීර්ණයේ දී ඊයේ (18) සිදුවිය.