V2025

පුවත්

ඒකාබද්ධයේ තවත් අය මෛත්‍රී ළඟට යාවි - ගම්මන්පිල

ශ්‍රී ලංකා පොදුජන පෙරමුණෙන් අපේක්ෂක ධුර නොලැබුණු බොහෝ පිරිසක් එක්සත් ජාතික පක්ෂයෙන් හා ශ්‍රී ලංකා නිදහස් පක්ෂය ප්‍රමුඛ එක්සත් ජනතා නිදහස් සන්ධානයෙන් ඉදිරි මැතිවරණට ඉදිරිපත් වනු ඇතැයි පිවිතුරු හෙළ උරුමයේ නායක පාර්ලිමේන්තු මන්ත්‍රී උදය ගම්මන්පිල මහතා පැවසීය.

පිවිතුරු හෙළ උරුමයේ ප්‍රධාන කාර්යාලයේදී අද (11දා) පැවැති මාධ්‍ය හමුවකදී අදහස් දක්වමින් හෙතෙම මේ බව පවසා සිටියේය.

ඉදිරි පළාත් පාලන මැතිවරණය සඳහා ඒකාබද්ධ විපක්ෂයේ සාමාජිකයන්ට ශ්‍රීලංකා පොදුජන පෙරමුණෙන් අපේක්ෂක ධුර ලබාදීමට යෑමේදී හිත්රිදවීම් සිදුව ඇතැයි ද ඔහු එහිදී පැවසිය.

ඒ අනුව ජාතික නිදහස් පෙරමුණේ ජයන්ත විජේසේකර මහතා සහ මහජන එක්සත් පෙරමුණේ ශ්‍රියානි විජේවික්‍රම මහත්මිය ඒකාබද්ධ විපක්ෂයෙන් මේ වනවිට ඉවත්ව ජනාධිපති මෛත්‍රීපාල සිරිසේන මහතාට සහාය පළ කිරීමට තීරණය කර තිබෙන බවද ඔහු කියා සිටියේය.

ඒකාබද්ධ විපක්ෂය නියෝජනය කළ එක්සත් ජනතා නිදහස් සන්ධානයේ දිගාමඩුල්ල දිස්ත්‍රික් පාර්ලිමේන්තු මන්ත්‍රිනී ශ්‍රියානි විජේවික්‍රම මහත්මිය ජනාධිපතිවරයාට සහය දැක්වීමේ තත්ත්වයට හිතාමතා ඇයව පත් කළා යයි ඔහු පැවසිය.

 ශ්‍රියානි ගියා නෙවේ යැව්වා :

 ශ්‍රියානි විජේවික්‍රම මහත්මියට කිසිදු ප්‍රතිපත්තිමය ගැටළුවක් හෝ කලකිරීමක් නොතිබුණු අතර, එම තත්ත්වය ඇති වුයේ නාම යෝජනා කමිටුව කැඳවීමෙන් පසුව බව ද shriyani 1000pxගම්මන්පිල මහතා පැවසිය.

අම්පාර දිස්ත්‍රික්කයේ නායකයින් හය වතාවක් හෝ ඊට වැඩි සංඛ්‍යාවක් ජාතික නාමයෝජනා කමිටුවට කැඳවීමක් කළ අතර, සමහර නායකයින් ඒ සඳහා එක් නොවු බවද ඒ නිසා ශ්‍රියානි විජේවික්‍රම මහත්මියට රස්තියාදු විමට සිදුවු බව ද පැවසු ගම්මන්පිල මහතා, අවසානයේ ඇති වු තත්ත්වය හමුවේ දේශපාලන මිනීමැරුමක් සිදුවු බව ද කියා සිටියේය.

 මීට වඩා දූරදර්ශීව කටයුතු කිරීමට...

 පවතින තත්ත්වය හමුවේ ආණ්ඩුවේ ගත වු තෙවසර පිළිබඳ ජනමත විමසුමක් බවට පුංචි ඡන්දය පත් කර ඇති මොහොතක මීට වඩා දූරදර්ශීව කටයුතු කිරීමට සිදුවන බව ද ගම්මන්පිල මහතා පැවසීය.

වෙනත් පක්ෂයක අපේක්ෂක ධුර සම්බන්ධව බන්දුල ගුණවර්ධන මහතා සමග වචන හුවමාරුවක පැටලීමට තමාට සිදු වූ බව පැවසු ගම්මන්පිල මහතා, එම සිද්ධියෙන් පසුව බන්දුල ගුණවර්ධන මහතාගෙන් මා සමාව ගත් බවත්, තමාගේ ගුරුවරයාගෙන් සමාව ගැනීම තමාට ගැටලුවක් නොවන බවත් වැඩිදුරටත් කියා සිටියේය.

Comment (0) Hits: 557

සිව් වසරකට පසු ජනපතිගෙන් බැසිල්ට ඇමතුමක්

ඒකාබද්ධ විපක්ෂය සහ ශ්‍රී ලංකා නිදහස් පක්ෂය අතර සමගියක් ඇතිකිරීමට ගත් අවසාන උත්සාහය ද අසාර්ථක වී තිබේ.

ඒ අනුව සඳුදා (දෙසැම්බර් 11) උදෑසන ඒකාබද්ධ විපක්ෂය ශ්‍රී ලංකා පොදුජන පෙරමුණ වශයෙනුත් ශ්‍රී ලංකා නිදහස් පක්ෂය, එක්සත් ජනතා නිදහස් සන්ධානය ලෙසිනුත් නාමයෝජනා භාරදීම ආරම්භ කර තිබේ.

අනුරාධපුර දිස්ත්‍රික්කයේ ගල්නෑව ප්‍රාදේශීය සභාව සඳහා ශ්‍රි ලංකා පොදුජන පෙරමුණ සඳුදා උදෑසන අනුරාධපුර දිස්ත්‍රික් ලේකම් කාර්යාලයේ දී නාම යොජනා භාර දුන් අතර බදුල්ල දිස්ත්‍රික්කයේ පළාත් පාලන ආයතන 11ක් සඳහා එක්සත් ජනතා නිදහස් සන්ධානයේ නාමයෝජනා බදුල්ල දිස්ත්‍රික් ලේකම් කාර්යාලයට භාර දී තිබුණි.

පළාත් පාලන ආයතන 93ක් සඳහා නාමයෝජනා භාරගැනීම සඳුදා උදෑසන ආරම්භ වූ අතර ලබන 14 වෙනි දින දහවල් 12ට එය අවසන් වීමට නියමිතය. ඉතිරි පළාත් පාලන ආයතන සඳහා නාමයෝජනා ඉදිරියේදී කැඳවීමට නියමිතයි.

besil

 මෛත්‍රීපාල සිරිසේන ජනාධිපතිවරයාගේ පාර්ශවය සහ හිටපු ජනාධිපති මහින්ද රාජපක්ෂගේ පාර්ශවය අතර සමගියක් ඇතිකිරීමට පසුගිය දිනවල භික්ෂූන් වහන්සේ පිරිසක් උත්සාහ කර ඇතත් එය ද අසාර්ථකවී තිබේ.

එහි එක් පියවරක් ලෙසින් මහින්ද රාජපක්ෂ පාලනය සමයේ දේශපාලන වශයෙන් විරසකව සිටි දෙදෙනෙකු වන ජනාධිපති මෛත්‍රිපාල සිරිසේන සහ හිටපු අමාත්‍ය බැසිල් රාජපක්ෂ අතර දුරකථන සංවාදයක් ද සිදුව තිබේ.

ජනාධිපතිවරයා සමග දුරකථන සංවාදයක් සිදු වූ බව හිටපු අමාත්‍ය බැසිල් රාජපක්ෂ බීබීසි සිංහල සේවයට තහවුරු කළ නමුත් සාකච්ඡාව පිළිබඳව තොරතුරැ හෙළි කිරීමෙන් වැළකී සිටියේය.

ආචාර්ය මැදගොඩ අභයතිස්ස හිමියන්ගේ මැදිහත්වීමෙන් ජනාධිපතිවරයා බැසිල් රාජපක්ෂ හිටපු අමාත්‍යවරයා අමතා තිබූ බව සන්ඩේ ටයිම්ස් පුවත්පත වාර්තා කර තිබුණි. පුවත්පත පවසන පරිදි, දෙපාර්ශ්වය එකතු කිරීමේ හැකියාව පිළිබඳව එහිදී කතාබහට ලක්වී තිබේ.

  99154279 1510400 1390441947872879 930476888 nශ්‍රීයානි විජේවික්‍රම මන්ත්‍රීවරිය ජනාධිපති මෛත්‍රීපාල සිරිසේනට සහාය පළකිරීමට තීන්දු කර තිබේ

 ජනාධිපතිවරයා සහ බැසිල් රාජපක්ෂ හිටපු අමාත්‍යවරයා අතර එවැනි කතාබහක් ඇතිවූයේ වසර හතරකට වැඩි කාලයකට පසුව බව ද වාර්තා වේ. හිටපු අමාත්‍ය බැසිල් රාජපක්ෂගේ ක්‍රියාකලාපය, ජනාධිපති මෛත්‍රිපාල සිරිසේන මහින්ද රාජපක්ෂ ආණ්ඩුවෙන් ඉවත්වීමට එක් ප්‍රධාන හේතුවක් වූ බව විශ්වාස කෙරේ.

ආචාර්ය මැදගොඩ අභයතිස්ස හිමියන් මෙන්ම එක්සත් ජාතික පෙරමුණේ ජාතික ලැයිස්තු මන්ත්‍රී ධුරයක් හොබවන අතුරලියේ රතන හිමියන් ද මේ දෙපාර්ශවය එක්කිරීමේ අරමුණින් සාකච්ඡා පවත්වා තිබේ.

එම සියලු සාකච්ඡා අසාර්ථකවීමෙන් අනතුරුව ඉරිදා (දෙසැම්බර් 11) ප්‍රකාශයක් කළ ශ්‍රී ලංකා නිදහස් පක්ෂයේ මහලේකම් දුමින්ද දිසානායක අමාත්‍යවරයා, පළාත් පාලන මැතිවරණයේ දී අත, බුලත් කොළය සහ තවත් සලකුණු අනුව ශ්‍රීලනිපය ක්‍රම තුනකින් තරග කරන බව නිවේදනය කළේය.

දිස්ත්‍රික්ක කිහිපයකට අත ලකුණින්ද තවත් දිස්ත්‍රික්ක කිහිපයකට බුලත් කොළයෙන් ද තරග කරන බව පැවසූ ඔහු තවත් පළාත් පාලන ආයතන කිහිපයක් සඳහා සුළු පක්ෂ සමග එක්ව වෙනත් ඡන්ද ලකුණකින් තරග කරන බව කියා සිටියේය.

 පිල් මාරුව ඇරඹේ :

 මේ අතර පළාත් පාලන මැතිවරණය කේන්ද්‍ර කරගනිමින් සිදුවන පිල් මාරුව ආරම්භ කරමින් ඒකාබද්ධ විපක්ෂය නියෝජනය කළ දිනේශ් ගුණවර්ධන මන්ත්‍රීවරයාගේ නායකත්වයෙන් යුත් මහජන එක්සත් පෙරමුණේ දිගාමඩුල්ල දිස්ත්‍රීක් පාර්ලිමේන්තු මන්ත්‍රීනි ශ්‍රියානි විජේවික්‍රම ජනාධිපති මෛත්‍රීපාල සිරිසේනට සහාය පළකිරීමට තීන්දු කර තිබේ.

ඉරිදා පස්වරුවේ ජනාධිපති නිල නිවසේදී ජනාධිපති මෛත්‍රීපාල සිරිසේන හමූ වූ ශ්‍රියානි විජේවික්‍රම මන්ත්‍රීවරිය, ජනාධිපතිතුමා ගෙන යන වැඩපිළිවෙළ සමග එක්වෙමින් ඉදිරි දේශපාලන කටයුතුවල නිරත වන්නේ යයි සඳහන් කළ බව ජනාධිපති කාර්යාලය නිවේදනය කළේය.

අලියා ලකුණින් මෙවර මැතිවරණයට ඉදිරිපත්වන එක්සත් ජාතික පක්ෂයේ නාමයෝජනා සැකසීම තවමත් සිදුවෙමින් පවතින බව පක්ෂයේ මහලේකම කබීර් හෂීම් පැවසීය.

(බීබීසී සිංහල සේවය)

Comment (0) Hits: 514

පුංචි ජන්දයේ පළමු නාමයෝජනාව පොහොට්ටුවෙන් ගල්නෑවට

පළාත් පාලන මැතිවරණය වෙනුවෙන් වන පළමු නාමයෝජනාව ශ්‍රී ලංකා පොදුජන පෙරමුණ විසින් අද (11)වනදා අනුරාධපුර දිස්ත්‍රික් තේරීම්භාර නිලධාරියා වෙත ලබාදී ඇත.

ගල්නෑව ප්‍රාදේශීය සභාව සදහා එම නාමයෝජනාව බාර දුන් අතර පොදුජන පෙරමුණේ අනුරාධපුර දිස්ත්‍රික් බලයලත් නිලධාරී ජන්න ජයසුමන උතුරු මැද පළාත් සභාවේ හිටපු ප්‍රධාන අමාත්‍ය එස්.එම්.රංජිත් ඇතුළු පිරිසක් ඊට සහභාගී වී ඇත.

මීට අමතරව ත්‍රිකුණාමලය දිස්ත්‍රික්කයේ කින්නියා ප්‍රාදේශීය සභාවට සහ ත්‍රිකුණාමලය නගර/කඩවත්සතර ප්‍රාදේශීය සභාව සඳහා ද ශ්‍රීලංකා පොදුජන පෙරමුණ විසින් අද පෙරවරුවේ නාමයෝජනා බාරදීමට නියමිත බවද වාර්තා වෙයි.

Comment (0) Hits: 522

සන්ධානය පොළොන්නරුවට 'අත' ලකුණින්!

ඉදිරි පළාත් පාලන මැතිවරණය සඳහා ශ්‍රී ලංකා නිදහස් පක්ෂය හා ඒකාබද්ධ පොදුජන පෙරමුණ එක්ව තරඟ කිරීමට පැවති අවසන් සාකච්ඡාව බිඳ වැටීමත් සමග ශ්‍රී ලංකා නිදහස් පක්ෂය ප්‍රමුඛ එක්සත් ජනතා නිදහස් සන්ධානය 'බුලත් කොළයෙන්' තරඟ කිරීමට තීරණය කර තිබේ.

එහිදී පොලොන්නරුව, අනුරාධපුරය හා ගම්පහ දිස්ත්‍රීක්ක වලට 'අත' ලකුණින් තරඟ කිරීමට ජනාධිපති මෛත්‍රීපාල සිරිසේන මහතා යෝජනා කර තිබේ.

එසේම, ශ්‍රී ලංකා නිදහස් පක්ෂය ඇතැම් පළාත් පාලන ආයතන කිහිපයක් සඳහා තොන්ඩමන් මහතාගේ පක්ෂයේ 'කුකුලා' ලකුණ යටතේද නැගෙනහිරට අතාවුල්ලගේ පක්ෂය යටතේද තරඟ වැදීමට තීරණය කර තිබේ.

 බැසිල් නැගෙනහිරට බෝට්ටුවෙන් :Cartoon ship clipart kid

 ඒ අතර මල් පොහොට්ටුවෙන්ද තරග වැදීම සඳහා අවසන් තීරණය ගෙන ඇති බැසිල් රාජපක්ෂ මහතාගේ ඒකාබද්ධ පොදුජන පෙරමුණ, නැඟෙනහිර පළාතේ පළාත් පාලන ආයතන කිහිපයක් සඳහා කරුණා අම්මාන් මහතාගේ පක්ෂයේ "බෝට්ටුව" ලකුණෙන්ද තරග කිරීමට තීරණය කර තිබේ

Comment (0) Hits: 679

ශ්‍රීයානි ගියෙත් බැසිල් නිසා - එකාබද්ධයේ නායකයින් තීන්දුවක් ගන්න සාකච්ඡා

බැසිල් රාජපක්ෂගේ අත්තනෝමතික හැසිරීමට එරෙහිව තීරණයක් ගැනීමට ඒකාබද්ධ විපක්ෂය නියෝජනය කරන පක්ෂ නායකයින් නිල වශයෙන් සාකච්ඡා අරඹා ඇති බව වාර්තා වෙයි.

දේශපාලන ආරංචිමාර්ග සඳහන් කරන ආකාරයට පසුගිය කාලයක පටන් බැසිල් රාජපක්ෂගේ අත්තනෝමතික දේශපාලන තීන්දු සම්බන්ධව මහින්ද රාජපක්ෂ වෙත පැමිණිලි කළත් ඊට අදාළව යහපත් ප්‍රතිචාරයක් නොලැබීම හේතුවෙන් මහජන එක්සත් පෙරමුණ ඇතුළුව ඒකාබද්ධ විපක්ෂය නියෝජනය කරන දේශපාලන පක්ෂ නායකයින් මෙම තීන්දුව ගෙන ඇත.

එහිදී බැසිල් රාජපක්ෂ සුක්ෂම ආකාරයෙන් ඒකාබද්ධ විපක්ෂය නියෝජනය කරන දේශපාලන පක්ෂ දුර්වල කිරීමේ සැලසුමක් දියත්කර තිබීමත් එය දේශපාලනය තුළ තමන්ගේ කේවල් කිරීමේ හැකියාව දුර්වල කරන අවදානම් තත්ත්වයක් ලෙස පක්ෂ නායකයන්ගේ අවධානය යොමුව ඇත.

ජාතික නිදහස් පෙරමුණේ ප්‍රබලයන් තිදෙනෙකු සහ ක්‍රියාකාරී දේශපාලන සාමාජිකයන් රාශියක් මේ වන විට එම පක්ෂය අතහැර දැමීමට හේතු වුයේ බැසිල් රාජපක්ෂගේ ක්‍රියා බවත් දිනේශ ගුණවර්ධන හැරුණු විට මහජන එක්සත් පෙරමුණ නියෝජනය කල එකම පාර්ලිමේන්තු මන්ත්‍රීවරිය වූ ශ්‍රියානි විජේවික්‍රම ශ්‍රී ලංකා නිදහස් පක්ෂයට එක්වීම තීරණය කරන තැනට වැඩකටයුතු සිදුකළේද බැසිල් බව සාකච්ඡාවට මුල්වී සිටින පක්ෂ නායකයින්ගේ අදහස වී තිබේ.

වාර්තා වන ආකාරයට ඒකාබද්ධ විපක්ෂය නියෝජනය කරන දේශපාලන පක්ෂ එළඹෙන පළාත් පාලන මැතිවරණයට පෙර මෙම සාකච්ඡා අවසන් කිරීමට තීරණය කර ඇත.

එසේම සාකච්ඡාවේ අවසන් තීරණයක් ගන්නා තුරු මේ වන විටත් සකස් වෙමින් පවතින පළාත් පාලන නාමයෝජනා ලැයිස්තු සඳහා තම පක්ෂ සාමාජිකයන් සාධාරණ ප්‍රමාණයක් ඇතුලත් කර ගැනීම වෙනුවෙන් තදින් පෙනී සිටීමත් ඒ සඳහා පක්ෂ භේදයකින් තොරව මැදිහත්වීමටද ඔවුන් තීරණය කර ඇත.

Comment (0) Hits: 609

ශ්‍රී ලංකා නාවික හමුදාවට 67 යි: අභිමානයෙන් සමරයි !

ශ්‍රී ලංකා නාවික හමුදාවේ 67 වන සංවත්සරය දෙසැම්බර් 9 වනදාට යෙදී තිබූ අතර ඒ නිමිත්තෙන් නාවික හමුදාධිපති, වයිස්අද්මිරාල් සිරිමෙවන් රණසිංහගේ උපදේශකත්වය හා මගපෙන්වීම යටතේ ආගමික, සමාජ සුභසාධන සහ නාවික සම්ප්‍රදායන්ට මුල්තැනක් ලබා දෙමින් සංවිධානය කර තිබිණ.

පසුගිය ‍නොවැම්බර් මස 21 වන දින අනුරාධපුරය ශ්‍රී මහා බෝධිය අභියස පැවති නාවික ධජයන්ට සෙත්පැතීමේ ධජ පූජාව සහ කප්රුක් පූජාව සමගින් ආරම්භ කරන ලද ආගමික වැඩසටහන් මාලාවේ ක්‍රිස්තියානි දේව මෙහෙය කොටහේන ශාන්ත ලුසියා‍ දෙව් මැදුරේ ද, මුස්ලිම් ආගමික උත්සවය කොළඹ චැතැම් වීදියේ ජුම්මා මස්ජිඩ් මුස්ලිම් පල්ලියේ ද, හින්දු ආගමික උත්සවය කොටහේන, පොන්නම්බලවානේශ්වරම් හින්දු කෝවිලේදී ද පැවැත්විණ.

එසේම දෙසැම්බර් 8,9 යන දෙදින පැවැත්වුණු සමරු වැඩසටහන් මෙම අවස්ථාවන් සඳහා ‍නාවික හමුදා සේවා වනිතා ඒකකයේ ගරු සභාපතිනි, සන්ධ්‍ය රණසිංහ, නාවික හමුදා මාණ්ඩලික ප්‍රධානී රියර් අද්මිරාල් නීල් රෝසයිරෝ, නාවික විධානයන් භාර ආඥාපතිවරුන්, අධ්‍යක්ෂක ජෙනරාල්වරුන්, ජ්‍යෙෂ්ඨ නාවික නිලධාරීන්, නාවිකයන් මෙන්ම ඔවුන්ගේ පවුල්වල සාමාජික සාමාජිකාවන් ද එක්ව සිටියහ.

View the embedded image gallery online at:
http://newstube.lk/news?start=8100#sigProIdd75e562f44

 

Comment (0) Hits: 567

ප්‍රශ්න අවසන් : දෙමළ ජාතික සන්ධානය නිවස ලකුණින් මැතිවරණයට

දෙමළ ජාතික සන්ධානයේ පැවති ගැටළු සියල්ල සාකච්ඡා මාර්ගයෙන් විසන්දාගත් බවත් ඒ අනුව ඉදිරි පළාත් පාලන ජන්දයේදී ඉලංගෙයි තමිල් අරසුකච්චි පක්ෂයේ “නිවස”ලකුණ යටතේ මැතිවරණයට ඉදිරිපත් වන බව උතුරු පළාත් සභා මන්ත්‍රී එම. කේ. සිවාජිලිංගම් සඳහන් කරයි.

ඒ අනුව ඉදිරි පළාත් පාලන ජන්දයේදී ඉලංගෙයි තමිල් අරසුකච්චි, ප්ලොට් හා ටෙලෝ පක්ෂ සියල්ල ඒකාබද්ධව උතුරු නැගෙනහිර පළාත් වෙනුවෙන් ඉදිරි පළාත් පාලන මැතිවරණයට එක්ව තරග කිරීමට නියමිතව ඇත.

විපක්ෂ නායක, පාර්ලිමේන්තු මන්ත්‍රී ආර්.සම්බන්ධන්ගේ ප‍්‍රධානත්වයෙන් විපක්ෂ නායක කාර්යාලයේ ඊයේ(09) පැවැත්වු මෙම සාකච්ඡාව සඳහා ඉලංගෙයි තමිල් අරසුකච්චි පක්ෂ නායක මාවෙයි සේනාධිරාජා, ටෙලෝ පක්ෂ නායක සෙල්වම් අඩෙක්කලනාදන්, ප්ලොට් සංවිධාන නායක ධර්මලිංගම් සිද්ධාර්ථන් මහතා ඇතුළු පිරිසක් සහභාගී වී ඇත.

දෙමළ ජාතික සන්ධානය තුළ තිබු ගැටළු විසඳාගෙන ඇති බැවින් තම පාර්ශවයට ශක්තිමත්ව මැතිවරණයට මුහුණදීමේ හැකියාව නැවත ලැබී ඇති බවත් ඒ හමුවේ දෙමළ ජාතික සන්ධානයට එරෙහිව කුමන සන්ධාන බිහිවුවද තම ජයග‍්‍රාහණය වළක්වාලීමට ඒ කිසිඳු පාර්ශවයකට හැකියාවක් නොමැති බව සාකච්ඡාවේ සාර්ථකත්වය සඳහන් කරමින් සිවාජිලිංගම් මන්ත්‍රීවරයා අවධාරණය කර ඇත.

Comment (0) Hits: 481

'ප්‍රේමදාස හොදයි- රනිල් ඉන්නකන් එජාපයට යන්නේ නැහැ' - ජානිපෙ මන්ත්‍රී

තමන් එක්සත් ජාතික පක්‍ෂයට එක්වන බවට පසුගිය දින කිහිපයේම පලවී තිබු වාර්තා අසත්‍ය බවත්, තමන් කිසිසේත්ම වත්මන් එක්සත් ජාතික පක්‍ෂය නායකත්වය යටතේ දක්නට නොලැබෙනු ඇති බව විමල් විරවංශ මහතාගේ ජාතික නිදහස් පෙරමුණේ පාර්ලිමේන්තු මන්ත්‍රී නිරෝෂන් ප්‍රේම්රත්න මහතා පැවසිය.

එක්සත් ජාතික පක්ෂ පාලන ඉතිහාසයේ දුප්පත් මිනිසුන්ට සෙතක් සිදුවුයේ ප්‍රේමදාස පාලන සමයේදී පමණක් බවද ඔහු කියා සිටියේය.

මාතර දිස්ත්‍රීක් පාර්ලිමේන්තු නිරෝෂන් ප්‍රේම්රත්න මහතා එබව කියා සිටියේ, ජාතික නිදහස් පෙරමුණු පක්‍ෂ මූලස්ථානයේ පැවති මාධ්‍ය හමුවකදීය.

 විමල් දාල යන්නේ නැහැ :

 එහිදී අදහස් පල කල ජානිපෙ පාර්ලිමේන්තු මන්ත්‍රී ජයන්ත සමරවීර මහතා, ජයන්ත සමරවීර, උදයශාන්ත ගුණසේකර, නිරෝෂන් ප්‍රේමරත්න යන පාර්ලිමේන්තු මන්ත්‍රීවරුන් තම පක්‍ෂයෙන් ඉවත්ව යන බවටත්, ඉන් පසු තම පක්ෂයට පාර්ලිමේන්තු මන්ත්‍රීවරයෙක් ලෙස ඉතිරි වන්නේ විමල් වීරවංශ මහතා පමණක් බවටත් මාධ්‍ය වාර්තා පලව තිබීම තම පක්‍ෂයට එරෙහි අවලාද මෙහෙයුමකට කොටසක් බව සඳහන් කළේය.

ප්‍රතිපත්තිමය කරුණු මත තම පක්ෂය ඕනෑම පක්ෂයක් සමග එක්වීමට සුදානම් බවද ඔහු එහිදී අවධාරණය කර සිටියේය.

වීඩියෝ

Comment (0) Hits: 655

නාවික හමුදාවේ නැවක් හා ගිණි අවි තොගයක් වසර ගණනක් තිස්සේ දිරයි

ශ්‍රී ලංකා නාවික හමුදාව විසින් මිලදී ගෙන පාවිච්චි නොකළ රුපියල් මිලියන 239 පමණ වටිනා මැෂින් තුවක්කු හා මිලියන 50ක් පමණ වටිනා ගුවන් යානා නාශක තුවක්කුවක් ඇති බව විගණනයේ දී හෙළිව තිබේ.

1995-1997 කාල පරිච්ජේදයේ දී මිලට ගෙන ඇති මැෂින් තුවක්කු (Machine gun) 10ක් හා ගුවන් යානා නාශක අවියක් (Anti-aircraft) මෙසේ භාවිතා නොකළ හැකි තත්ත්වයට පත්ව ඇති බව වාර්තාවේ.

එම ගිනි අවි පරීක්ෂණ මණ්ඩලයක නිර්දේශ ලබා ගෙන පරිහරණය කිරීමට කටයුතු නොකර ගබඩා කර තිබී ඇත.

ඊට අමතරව 1999 දී ස්ටලින් පවුම් මිලියන 2.03ක් ගෙවා මිලට ගත් නෞකාවක් වර්ෂ තුනක සිට වයඹ නාවික විධානයේ නැංගුරම් ලා ඇති බව ද හෙළිව තිබේ.

(සත්හඬ)

Comment (0) Hits: 607

2018 අයවැය 2/3න් සම්මතයි

2018 අයවැය තෙවන වර කියවීම වැඩි ජන්ද 99කින් පාර්ලිමේන්තුවේදී අද (09) සම්මත විය.

අයවැයට පක්ෂව ජන්ද 155ක් ලැබුණු අතර විපක්ෂව ලැබුණේ ජන්ද 56ක් පමණි.

එක්සත් ජනතා නිදහස් සංධානයේ මහින්ද පාර්ශවය සහ ජනතා විමුක්ති පෙරමුණ අයවැයට විරුද්ධව ජන්දය ප්‍රකාශකර තිබු අතර පාර්ලිමේන්තු මන්ත්‍රී විජේදාස රාජපක්ෂ අයවැයට පක්ෂව ජන්දය ප්‍රකාශකොට තිබිණ.

ජාතික නිදහස් පෙරමුණේ නියෝජ්‍ය නායක පාර්ලිමේන්තු මන්ත්‍රී වීරකුමාර දිසානායක අයවැය ජන්ද විමසන අවස්තාවේදී පාර්ලිමේන්තු සභාගර්භයේ සිට නැත.

 

Comment (0) Hits: 469

ඉන්ධන හිඟවීම නිසා තැරැව්කරුවන්ගේ කල්ල මරේ !

නියමිත වෙලාවට ගුවන් යානා ඉන්ධන ආනයනය නොකිරීම නිසා, රුපියල් 480 ක වැඩිපුර මිලකට ඉන්ධන ලීටරයක් ගැනීමට ඛනිජ තෙල් සංස්ථාවට සිදු වී තිබේ.

පසුගිය 8 වන සිකුරාදා ඉන්ධන නැවක් පැමිණීමට නියමිතව තිබුණ ද එය ප්‍රමාදවීම නිසා ඉන්දියාවේ ඉන්දියන් ඔයිල් සමාගමෙන් මෙට්‍රික් ටොන් 14000 ක් හදිසි මිලට ගැනීමට කටයුතු යොදා ඇත.

සාමාන්‍යයෙන් ගුවන්යානා ඉන්ධන ලීටරයක් ඩොලර් 1.70ක මිලකට ගන්නා අතර හදිසි මිලදී ගැනීමේ දී ඩොලර් 4.70ක මිලකට ගැනීමට සිදුව තිබේ.

අදාළ ගුවන්යානා ඉන්ධන රැගත් නෞකාව ලබන 13 වන දින මෙරටට ළඟා වීමට නියමිතය.

එහෙත් එම කාලය තුළ දී ගුවන්යානා සඳහා අවශ්‍ය ඉන්ධන සංස්ථාව තුළ පවතීද යන්න ගැටලූසහගතය.

Comment (0) Hits: 524

පාසල් නිලඇඳුම් වවුචර්වලින් හොද්ද බොර වෙයි

පාසල් ළමුන් සඳහා නිල ඇඳුම් රෙදි ලබා දීම සඳහා හඳුන්වාදුන් වව්චර් පත් ක්‍රමය නිසා 2015 වසරට වඩා 2016 වර්ෂයේදී එක් ශිෂ්යයකු වෙනුවෙන් රුපියල් 74.98ක් වැඩිපුර වැය කිරීමට සිදු වී ඇති බව අධ්‍යාපන අමාත්‍යංශ ආරංචිමාර්ග සඳහන් කරයි.

2016 වර්ෂයේ දී අමාත්‍යංශය විසින් සිසුන් 4,342,381ක් දෙනෙක් සඳහා එක් අයකුට රුපියල් 529.22ක් බැගින් රුපියල් මිලියන 2,298.06ක පිරිවැයක් දරා ඇත.

2014 වර්ෂය වෙනුවෙන් වැය කර තිබූ මුළු මුදල 2013 වර්ෂයට සාපේක්ෂව සියට 38.77කින් වැඩි වී ඇති අතර 2015 වර්ෂයේ දී 2014 වර්ෂයට සාපේක්ෂව සියට 14.46කින් අඩු වී ඇත.

එහෙත් 2016 වර්ෂයේ දී වව්චර් පත් බෙදා දීම වෙනුවෙන් වැයකර තිබූ මුදල 2015 වර්ෂයේ වැය කර තිබුණු මුදලට වඩා සියට 11.91කින් වැඩිවීමක් බව වාර්තා වේ.

Comment (0) Hits: 570

එක් වෙයිද නැද්ද ? - මහින්දගේ ස්ථාවර හෙළිවේ !

ශ්‍රී ලංකා නිදහස් පක්ෂය හා ඒකාබද්ධ විපක්ෂය සමඟි කිරීම වෙනුවෙන් පැවැත්වෙන සාකච්ඡා ඉතා රහසිගතව තවදුරටත් පැවැත්වෙන අතර එක් කොන්දේසියක් හැරෙන්නට අනෙක් සියලුම කොන්දේසිවලට එකඟ වන බව ශ්‍රී ලංකා නිදහස් පක්ෂයෙන් ඒකාබද්ධ විපක්ෂයට දැනුම් දී ඇතැයි දේශපාලන අභ්‍යන්තර ආරංචි මාර්ගවලින් වාර්තා වෙයි.

ආණ්ඩුවෙන් ඉවත්වීම හැර අනෙකුත් කොන්දේසිවලට එකඟවන බවත් පොදුජන එක්සත් පෙරමුණේ මහ ලේකම්ධුරය ඒකාබද්ධ විපක්ෂයට ලබාදීමට ශ්‍රී ලංකා නිදහස් පක්ෂයේ පාර්ශ්වයෙන් එකඟතාව ලැබී තිබෙන බවත් එම ආරංචිමාර්ග පවසයි.

එසේ එකඟතාවකට පැමිණියහොත් "පුටුව" ලාංඡනය යටතේ පොදුජන එක්සත් පෙරමුණෙන් පළාත් පාලන මැතිවරණයට තරග කිරීමට හැකි බවත් අපේක්ෂකයන්ගෙන් 50%කට වඩා බහුතරයක් ඒකාබද්ධ විපක්ෂයට ලබාදීමටත් ශ්‍රී ලංකා නිදහස් පක්ෂය එකඟ වී ඇති බවත් වාර්තා වේ.

මීට අමතරව පොදුජන එක්සත් පෙරමුණේ සභාපති ධුරය සම්බන්ධයෙන්ද යම් නම්‍යශීලීත්වයක් ඇති කරගැනීමට ශ්‍රී ලංකා නිදහස් පක්ෂය යෝජනා කර තිබෙන බවද දැනගන්නට ඇත.

 යහපත් ප්‍රතිචාරයක් නැහැ :

ශ්‍රී ලංකා නිදහස් පක්ෂය ඉදිරිපත් කර තිබෙන මේ කරුණුවලට ඒකාබද්ධ විපක්ෂයෙන් තාමත් යහපත් ප්‍රතිචාරයක් ලැබී නැත. එහෙත් එම සාකච්ඡා තවදුරටත් සිදුකරන බව වාර්තා වෙයි.

මීට අමතරව පසුගිය දිනවල ආණ්ඩුවෙන් ඉවත් වූ ශ්‍රී ලංකා නිදහස් පක්ෂයේ මැති ඇමැතිවරුන් පිරිසක් සහ පසුගිය දිනවල ආණ්ඩුවෙන් ඉවත්වීමට සූදානම්ව සිටි ශ්‍රී ලංකා නිදහස් පක්ෂයේ අමාත්‍යවරුන් පිරිසක් අතරද රහසිගත සාකච්ඡාවක් ආරම්භ වී තිබේ.

මේ අතර නාමයෝජනා සම්බන්ධයෙන් ඒකාබද්ධ විපක්ෂයේ පැනනැඟී ඇති අර්බුද පිළිබඳ සාකච්ඡා කිරීමටද ස්ථාන කිහිපයකම සාකච්ඡා පැවැත්වමින් පවතී.

මහින්දගේ ස්ථාවරය මෙන්න :

basil 1

බැසිල් : ඒකාබද්ධය හසුරුවන් සුක්කානම

මේ අතර ජාතික නිදහස් පෙරමුණේ නායක විමල් විරවංශ මහතා විසින් පවත්වාගෙන යනු ලබන 'ලංකා සී නිව්ස්' වෙබ් අඩවිය වාර්තා කර ඇත්තේ, ජනවාරි මාසයේදී පැවැත්වීමට නියමිත පළාත් පලාන මැතිවණය සදහා දැනට ඒකාබද්ධ විපක්‍ෂයේ සිටින දේශපාලන පක්‍ෂ ‘පොදුජන පෙරමුණ’ ලෙස තරග කිරීමට ඉඩ ඇති බව හිටපු ජනාධිපති මහින්ද රාජපක්‍ෂ මහතා පැවසු බවයි.

එක්සත් ජාතික පක්ෂය සමගින් එක්ව මේ වන විට හවුල් ආණ්ඩුවක් කරමින් සිටින ශ්‍රී ලංකා නිදහස් පක්‍ෂය සමග සන්ධාන ගතවීමට අදහසක් නැති බවද ඒ මහතා සදහන් කල බව ද එම වෙබ් පුවතේ සඳහන් වේ.

ආන්ඩුවේ සිටින පක්‍ෂයක් සමග ‘පොදුජන පෙරමුණ’ සන්ධාන ගත වුවහොත් ආණ්ඩුවේ ප්‍රතිපත්ති පොදුජන පෙරමුණද පිලිගත්තේ යයි ඇගවෙන බවද මහින්ද රාජපක්ෂ මහතා පෙන්වා දී තිබේ.

මෙම හේතුන් නිසා ශ්‍රීලනිපය සමග එක්ව තරග කිරීමට ඒකාබද්ධ විපක්ෂයේ නියෝජිතයින් විරුද්ද වූ බවද ඔහු වැඩි දුරටත් කියා සිටියි.

Comment (0) Hits: 766

ඊ-මේල් ඔස්සේ ව්‍යාපාරිකයින් කොල්ලකන තැතක්

මෙරට භාණ්ඩ ආනයනය සහ අපනයනය කරන ව්‍යාපාරිකයින්ගේ ඊ-මේල් පණිවිඩ වල අඩංගු තොරතුරු ආශ්‍රයෙන් මුදල් වංචා කිරීමේ කූට ජාවාරමක් පිලිබද තොරතුරු වාර්ථා වී ඇතැයි ශ්‍රී ලංකා පරිගණක හදිසි ප්‍රතිචාර සංසදය (SRI LANKA CERT) පවසයි.

ව්‍යාපාරික කටයුතුවලදී තමන්ගේ ව්‍යාපාරික සගයාගේ මුදල් ගෙවීම් සදහා භාවිතා කලයුතු සුපුරුදු බැංකු ගිණුම වෙනස් කර ඇති බවට දැනුම් දීමක් හෝ එය වෙනස් කර ඇති බවට ඊ -මේල් පණිවිඩයක් ලැබුණහොත් දුරකථන ඇමතුමක් දී තොරතුරු තහවුරු කර ගැනිමෙන් පසු ඊට ප්‍රතිචාර දැක්වීම වඩා වැදගත් බව සංසදය සදහන් කරයි.

මෙහිදි අදාළ ව්‍යාපාරිකයින් සිය ව්‍යාපාරික කටයුතු වෙනුවෙන් හුවමාරු කර ගන්නා ඉ-මේල් පණිවිඩ ‍වල තොරතුරු යොදා ගනිමින් මෙම වංචා සහගත ක්‍රියාව සිදු කරන බවත් පසුගිය මාස දෙකක කාලය තුලදි මේ සම්බන්ධව පැමිණිලි දහයක් පමණ ලැබී තිබෙන බවත් ශ්‍රී ලංකා පරිගණක හදිසි ප්‍රතිචාර සංසදයේ ප්‍රධාන තොරතුරු ආරක්ෂක ඉංජිනේරු රොෂාන් චන්ද්‍රගුප්ත මහතා පවසයි.

 මිලියන 15ක වංචාවක් :

විශේෂයෙන්ම මෙහිදී මුදල් බැරකල යුතු බැංකු සහ ගිණුම් අංක පිලිබද ව්‍යාජ තොරතුරු එම ව්‍යාපාරිකයින් වෙත යොමු කර ‍ඔවුන් නොමග යවමින් මෙම වංචාව සිදු කරන බවත් මේ වන විට රුපියල් මිලියන 15ක පමණ මුදලක් වංචා කර තිබෙන බවට තොරතුරු අනාවරණය වී තිබෙන බවත් චන්ද්‍රගුප්ත මහතා වැඩිදුරටත් සදහන් කරයි.

මේ අන්දමින් සිදු කරන වංචනික ක්‍රියාවන්ට ගොදුරුවීමෙන් වැලැක්විම සදහා නිරන්තරයෙන් දැනුවත් කිරීම් සහ තාක්ෂණික උපදෙස් ලබාදීම සිදු කරන බවත් 0112691692 දුරකථන අංකයට ඇමතීමෙන් මේ පිලිබද වැඩිදුර විස්තර දැනගත හැකි බවත් සංසදය පවසයි.

Comment (0) Hits: 519

'බැදුම්කර හොරා මා නොවේ' - රවි කියයි (වීඩියෝ)

තමන් මුදල් ඇමති ලෙස කටයුතු කලත් මහ බැංකුව රාජ්‍ය බැංකු කිසිවක් මුදල් අමාත්‍යංශය යටතේ පාලනය නොවූ බව හිටපු මුදල් ඇමති රවි කරුණානායක මහතා පවසයි.

එවන් තත්වයකදී එම ආයතනවල තීන්දු තීරණ සම්බන්දයෙන් තමන් වගකිව යුතු නැති බවද හිටපු ඇමතිවරයා කියා සිටී.

lankanewsweek.com වෙබ් අඩවියේ කර්තෘ සුජිත් මංගල ද සිල්වා සමග කල සාකච්ජාවක දී ඔහු එබව පවසා සිටියේය.

සත්‍ය කුමක්දැයි ඉදිරියේදී ජනතාව තේරුම් ගනු ඇති බවද මන්ත්‍රීවරයා පවසයි.

 ජනතාව දවසක ඇත්ත තේරුම් ගනීවි:

 ''මං වරදක් කරලා නෑ. ජනතාව දවසක ඇත්ත තේරුම් ගනීවි. එදාට ජනතාව යලිත් මා සමඟ එක් වේවි. කවදාවත් ඇත්ත වසන් කරන්නට බෑ.

මම කුඩා කල සිට සමාජසේවා කටයුතුවල නිරත වෙනවා. බලය තිබුණත් නැතත් මම ඒ කටයුතු නතර කරන්නේ නෑ. ජනතා මෙහෙවර මම නතර කරන්නේ නෑ.

සමාජ සේවා කටයුතු සිදු කරන කොට පක්ෂ විපක්ෂ සතුරන් තියෙනවා. ඒ සතුරුකම්වලට මුහුණ දෙන්න අපට ශක්තිය තිබෙනවා'' යැයි ද හිටපු ඇමැතිවරයා සඳහන් කරයි.

මහ බැංකුව හෝ රාජ්‍ය බැංකු කිසිවක් තමන් යටතේ නොතිබූ නිසා බැදුම්කර නිකුතුවට තමන්ගේ කිසිදු සම්බන්ධයක් නැති බව රවී කරුණානායක මහතා මීට පෙර වතාවකද සදහන් කර තිබිණ.

වීඩියෝ

Comment (0) Hits: 854

චන්දික හතුරුසිංහ : නව ශ්‍රී ලංකා ක්‍රිකට් පුහුණුකරු ලෙස නම් කෙරේ

ශ්‍රී ලංකා ක්‍රිකට් කණ්ඩායමේ නව ප්‍රධාන පුහුණුකරු ලෙස චන්දික හතුරුසිංහ පත්කර ඇති බව ශ්‍රී ලංකා ක්‍රිකට් ආයතනය නිවේදනය කළේය.

ඒ අනුව ලබන දෙසැම්බර් 20 වෙනි දින ඔහු ශ්‍රී ලංකා ක්‍රිකට් ප්‍රධාන පුහුණුකරු ධුරයේ රාජකාරි ආරම්භ කරනු ඇති බව ද ශ්‍රී ලංකා ක්‍රිකට් ආයතනය නිකුත් කළ නිවේදනයේ සඳහන් වෙයි.

ඒ අනුව ලබන ජනවාරි මාසයේ ශ්‍රී ලංකා කණ්ඩායමේ බංගලාදේශ සංචාරය, හිටපු ශ්‍රී ලංකා ක්‍රිකට් ක්‍රීඩකයෙකු සහ බංග්ලාදේශ කණ්ඩායමේ හිටපු ප්‍රධාන පුහුණුකරු වන චන්දික හතුරුසිංහ යටතේ ශ්‍රී ලංකාව මුහුණ දෙන පළමු සංචාරයය.

බංගලාදේශ ජාතික ක්‍රිකට් කණ්ඩායමේ සාර්ථකම පුහුණුකරු ලෙස සැළකෙන ඔහු පසුගිය නොවැම්බර් මාසයේ එම තනතුරින් ඉල්ලා අස් විය.


hahurusighe

ශ්‍රී ලංකාව විසින් වැඩිම මුදලක් ගෙවා ලබා ගන්නා ක්‍රිකට් පුහුණුකරු චන්දික හතුරුසිංහ වනු ඇති බව මාධ්‍ය වාර්තාවල දැක්වේ.

"අපි එතුමාට කිව්වේ 2019 වෙනකම් වගකීම් භාරගෙන වැඩ කරන්න කියලයි. වැටුප ගැන එතුමා කිව්වා, ඔහු එතරම් මුදලක් ගැන හිතන්නේ නැහැයි කියලා," පසුගියදා මාධ්‍ය හමුවකදී ක්‍රීඩා අමාත්‍ය දයාසිරි ජයසේකර පැවසීය.

"රට වෙනුවෙන් වැඩ කොටසක් කරන්න තියෙනවා කියලයි එතුමා කිව්වේ. එතුමා දැනට ඩොලර් 40,000 ක් වගේ වැටුපක් ගන්නවා. ඒ වැටුප පැත්තකින් තියලා අභියෝග මැද අපේ ක්‍රීඩකයන් බාර ගැනීම ගැන අපි එතුමාට අපේ ගෞරවය පුද කළ යුතුයි."

චන්දික හතුරුසිංහ සමග බංගලාදේශයේ පිතිකරු පුහුණුකරු ලෙස කටයුතු කළ තිලාන් සමරවීර දැනටමත් ශ්‍රී ලංකා කණ්ඩායමේ පිතිකරු පුහුණුකරු තනතුරේ කටයුතු කරමින් සිටියි.

dayasiri චන්දික හතුරුසිංහ මීට ඉහතදී ශ්‍රී ලංකා ක්‍රිකට් කණ්ඩායමේ පිතිකරු පුහුණුකරු ලෙස කටයුතු කර තිබෙන අතර 2010 දී එවකට කණ්ඩායමේ නායකය වූ කුමාර් සංගක්කාරගේ විරෝධය ද නොතකා ඔහු එම තනතුරින් ඉවත්කිරීමට එවකට ක්‍රිකට් බලධාරීන් කටයුතු කර තිබුණි.

(බීබීසී සිංහල සේවය)

Comment (0) Hits: 588

ආණ්ඩුවේ තවත් නෑමක් අත ළඟ: ඊ පාස්පෝට් ටෙන්ඩරය ලංසු නොතැබූ සමාගමකට

නව විද්‍යුත් විදෙස් ගමන් බලපත්‍රය සැපයීමේ ටෙන්ඩරය කිසිඳු ලංසු කැඳවීමකින් තොරව M/S De La Rue Lanka Currency and Security Print Ltd සමාගමට ලබාදීම සඳහා විදුලි සංදේශ සහ ඩිජිටල් යටිතල අමාත්‍ය හරීන් ප්‍රනාන්දු ඉදිරිපත් කළ අමාත්‍ය මණ්ඩල සංදේශය සඳහා කැබිනට් මණ්ඩලයේ අනුමැතිය ලැබී ඇතැයි වාර්තා වෙයි.

ටෙන්ඩරය රුපියල් බිලියන 1.3 යි

රුපියල් බිලියන 1.2 ක වටිනාකමකින් යුතු මෙම ටෙන්ඩරය ලංසු කැඳවීමකින් තොරව M/S De La Rue Lanka Currency and Security Print Ltd සමාගමට ලබාදීම පිටුපස බරපතල මුල්‍ය අක්‍රමිකතාවක් සිදුව ඇති බවට සැකසංකා මතුකරන්නක් බව ආණ්ඩුවේ අභ්‍යන්තර ආරංචිමාර්ග සඳහන් කර සිටියි.

ලංසු තියලත් නෑ

යෝජිත නව විද්‍යුත් විදෙස් ගමන් බලපත්‍රය සැපයීමේ ටෙන්ඩරය සඳහා ලංසු කැඳවීමේදී M/S De La Rue Lanka Currency and Security Print Ltd සමාගම ඒ සඳහා ඉදිරිපත් නොවූ බව සඳහන් කරන එම ආරංචිමාර්ග වැඩිදුරටත් පෙන්වා දෙන්නේ මේ වන විටත් රජයේ මුද්‍රණ දෙපාර්තමේන්තුව රුපියල් මිලියන 600ක් වැයකිරීම හරහා නව විද්‍යුත් විදෙස් ගමන් බලපත්‍ර මුද්‍රණය කිරීමට හැකියාවක් ඇති බවටද යෝජනාවක් ඉදිරිපත් කර ඇති බවය. එවැනි යෝජනාවක් නොතකා M/S De La Rue Lanka Currency and Security Print Ltd සමාගමට මෙම ටෙන්ඩරය නිකුත් කිරීමේ යෝජනාවට කැබිනට් අනුමැතිය පළවීම ගැටළු සහගත බවද ආණ්ඩුවේ අභ්‍යන්තර ආරංචිමාර්ග සඳහන් කර සිටියි.

ජනාධිපති නිරීක්ෂණ ඉවතට

මීට ඉහතදීද විද්‍යුත් විදෙස් ගමන් බලපත්‍රය සැපයීමේ ටෙන්ඩරය M/S De La Rue Lanka Currency and Security Print Ltd සමාගමට ලබාදීම සඳහා අනුමැතිය ඉල්ලන යෝජනාවක් කැබිනට් මණ්ඩලය වෙත යොමුවූ අතර එහිදී ජනාධිපතිවරයා ඊට සිය නිරීක්ෂණ සපයමින් පෙන්වාදී තිබුණේ තනි සමාගමකට ලබාදීම වෙනුවට තරගකාරී ලංසු ක්‍රමයක් හරහා අදාළ ටෙන්ඩරය නිකුත් කළ යුතු බවය.

කෙසේ වුවත් දිගින් දිගටම අදාළ සමාගම වෙත මෙම ටෙන්ඩරය ලබාදීම සඳහා වන ක්‍රියාවලියක් ආණ්ඩුවේම පාර්ශව කිහිපයක් වෙතින් දියත්වූ බවත් එහි ප්‍රතිපලයක් ලෙස 2017 ජුනි 13 වනදා ICTA සහ M/S De La Rue Lanka Currency and Security Print Ltd සමාගම විද්‍යුත් විදෙස් ගමන් බලපත්‍රය සැකසීමට අදාළ ව්‍යාපෘතිය ක්‍රියාත්මක කිරීම සහ ඊට අදාළ තාක්ෂණික අවශ්‍යතා අධ්‍යයනය කිරීමට අවබෝධතා ගිවිසුමක්ද අත්සන්කොට තිබේ.

කැබිනට් මණ්ඩලයේ තීරණය සහ ජනාධිපතිවරයාගේ නිරීක්ෂණ නොතකා ඇතිකරගත් මෙම ගිවිසුමෙන් පසුව 2017 අගෝස්තු 09 වනදා අංක CP/17/1576/722/017 දරණ හවුල් කැබිනට් සන්දේශයක් විදුලි සංදේශන සහ ඩිජිටල් යටිතල අමාත්‍ය හරීන් ප්‍රනාන්දු සහ ආගමන විගමන දෙපාර්තමේන්තු විෂය අයත් එස්. බී. නාවින්න විසින් කැබිනට් මණ්ඩලයට ඉදරිපත් කර ඇත. එහෙත් එම අවස්ථාවේද කැබිනට් මණ්ඩලයේ නිර්දේශය වී තිබුණේ එක් සමාගමක් වෙනුවට “ස්විස් චැලේන්ජ්” ක්‍රමය යටතේ විද්යුත් විදෙස් ගමන් බලපත්‍ර ව්‍යාපෘතිය දියත්කළ යුතු බවය.

De La Rue සමාගමට ස්විස් චැලේන්ජ් ඇලජික්

වාර්තා වන ආකාරයට කැබිනට් මණ්ඩලයේ මෙම නිර්දේශයට M/S De La Rue Lanka Currency and Security Print Ltd සමාගම එකඟත්වය පළකර නොමැත. එසේම මෙරට බ්‍රිතාන්‍ය මහ කොමසාරිස්වරයාද අදාළ ටෙන්ඩරය M/S De La Rue Lanka Currency and Security Print Ltd සමාගමට පැවරීමට කටයුතු කරන ලෙස ආණ්ඩුවේ ප්‍රධානීන් කිහිපදෙනෙකුට දැනුම්දී ඇති බවද දැනගන්නට ඇත.

පසුගිය නොවැම්බර් 02 වනදා හරීන් ප්‍රනාන්දු අමාත්‍යවරයා විසින් අංක 17/2522/749/022 දරණ කැබිනට් සංදේශය ඉදිරිපත්කර ඇත්තේ ඒ අනුව බවත් එහිදී කිසිඳු ලංසු කැඳවීමකින් තොරව සහ 2017 අගෝස්තු 09 වනදා ඉදිරිපත් කළ කැබිනට් සංදේශයට අදාළ නිර්දේශ සංශෝධනය කරන ලෙස ඉල්ලා තිබු බවත් ආණ්ඩුවේ අභ්‍යන්තර ආරංචිමාර්ග සඳහන් කර සිටියි.

ආගමන විගමන නිලධාරීන්ට වැඩ නැතිවෙයි

මේ අතර ආගමන විගමන දෙපාර්තමේන්තු ආරංචිමාර්ග පෙන්වා දෙන්නේ M/S De La Rue Lanka Currency and Security Print Ltd සමාගම බ්‍රිතාන්‍ය කොටස් හිමිකාරෙත්වයක් සහිත සමාගමක් බවත් එවැනි සමාගමකට විදෙස් ගමන් බලපත්‍ර නිකුත් කිරීමේ ක්‍රියාවලිය මුළුමනින්ම පැවරීම තුළ එම ක්‍රියාවලිය මුළුමනින්ම පෞද්ගලික සමාගමකට නිරාවරණයවීමේ අවධානමක් ඇති බවය. එසේම මෙම කටයුත්ත හේතුවෙන් පසුගියදා රුපියල් බිලියන 1ක් වියදම් කොට ආගමන විගමන දෙපාර්තමේන්තුව තුළ ස්ථාපිත කළ ‘නව විදෙස් ගමන් බලපත් කාර්යාලයයට අනුබද්ධ 400 කට අධික සේවකයන් හට රාජකාරියක් නොමැතිව යන අවධානමක්ද මතුව ඇති බවද එහි වෘත්තීය සමිති සඳහන් කර සිටියි.

වැඩ වර්ජනයක් අත ළඟ

එසේම තම දෙපාර්තමේන්තුවේ සියලු වෘත්තීය සමිති M/S De La Rue Lanka Currency and Security Print Ltd සමාගමට විද්‍යුත් විදෙස් ගමන් බලපත්‍ර සැපයීමේ ටෙන්ඩරය සැපයීම සම්බන්ධව විරෝධය පළකරන බවත් සේවක විරෝධය නොතකා අදාළ සමාගමට එම ටෙන්ඩරය ලබාදුනහොත් ඊට එරෙහිව දැඩි වෘත්තීය ක්‍රියාමාර්ග ගැනීමට වෘත්තීය සමිති සුදානම්ව සිටින බවද ඔවුන් සඳහන් කර සිටියි.

Comment (0) Hits: 705

ඉමෝලා ජයගත් ශ්‍රීලාංකික රේස් ශූරයා

අපි රටට ආදරය කලාට රට අපිට ආදරේ නැහැ. රේස් වලින් ගිනස් වාර්තාවක් තියල ක‍්‍රීඩාවෙන් සමුගන්නවා. ඩිලන්ත මාලගමුව පැරීසියේදි පවසයි.

උතුරු දිග ඉතාලියේ ඉමෝලා ප‍්‍රදේශයේ පිහිටි ලෝක ප‍්‍රසිද්ධ ෆෙරාරි වාහන නිශ්පාදන සමාගමේ හිමිකරුවන් වන නැසි ගිය එන්සෝ ෆෙරාරි හා ඔහුගේ පුත් ඩිනෝ ෆෙරාරි නමින් ප‍්‍රසිද්ධ ජාත්‍යයන්තර මෝටර් රථ ධාවන පථය නොහොත් ලෝක මෝටර් රථ ශූරතා ඉතිහාසයේ සුප‍්‍රසිද්ධ ඉමෝලා ධාවන පථයේ වසරකට වරක් පවත්වන ඉසව් පහකින් සමන්විත ලැම්බෝර්ගනී සුපර් ටි‍්‍රප්‍රෝ 2017 ජාත්‍යයන්තර ශූරතා තරඟාවලියේදී ශ්‍රීලංකාවේ ප‍්‍රසිද්ධ මෝටර් රථ ශූරයෙක්වූ ඩිලන්ත මාලගමුව එක් ඉසව්වකින් තෙවන ස්ථානය දිනා ගනිමින් මෙම ධාවන පථය ජයගත් ප‍්‍රථම ශ්‍රීලාංකිකයා වීමේ භාග්‍ය හිමිකර ගත්තේය. මෙම තරඟය නැරඹීමට හා ඩිලන්ත වෙනුවෙන් ජය ඝෝෂා නැගීමට ඉතාලියේ වෙසෙන බොහෝමයක් ශ්‍රීලාංකිකයෝ සහභාගි වුවෝය. 

ඉහත සඳහන් ඉමෝලා ධාවන පථය වසරකදී ලෝකයේ ජාත්‍යයන්තර පලමු පෙලේ මෝටර් රථ ධාවන ශූරතාවයන් කිහිපයක් පවත්වනු ලැබේ. ඒ අතරින් පෝර්මියුලා වන් ශූරතාවය විශේෂිතවේ. ලෝක ප‍්‍රසිද්ධ මෝටර් රථ ධාවන ශූරයෙකුවූ බ‍්‍රසීල ජාතික ඇරිටන් සේනා වර්ෂ 1994 මැයි මස 01 වෙනිදාා මෙම ධාවන පථයේ සිදුවූ අනතුරකින් මිය ගියේය. එම අනතුර හේතු කොට ධාවන පථය නවීකරනය කිරීමට සිදු වූයේය. කි:මී: 4.909ක් දිග වංගු 15 කින් සමන්විත මෙම ධාවන පථයේ අවම ධාවන කාල වාර්තාව ලෙස සනිටුහන් වන්නේ මිනිත්තුවයි තත්පර 20 දශම 411කි. හිටපු ලෝක ශූර ජර්මන් ජාතික මයිකල් ෂූර්මාකර් විසින් වසර 2003දී පෝර්මියුලා එක ශූරතාවයේදී ෆෙරාරි කාරයක් පදවමින් ඉහත වාර්තාව තැබුවේය.

බ‍්‍රසීල ජාතික ඇරිටන් සේනා, නෙල්සන් පිකේ, ප‍්‍රංශ ජාතික ඇලන් ප්‍රොස්ට්, බි‍්‍රතාන්‍ය ජාතික නයිජෙල් මෙන්සෙල්, මයිකල් ෂූර්මාර්කර්, ස්පාඤ්ඤ ජාතික ප‍්‍රනැන්ඩු අලොන්සෝ වැනි පැරනි ලෝක ප‍්‍රසිද්ධ මෝටර් රථ ධාවන ශූරයෝ මෙම ධාවන පථයේ ජය ලැබූ අය අතරින් කිහිප දෙනෙකි.

එවැනි ඉතිහාසයක් ඇති ඉමෝලා ශූරතාවයක් ජයගත් ප‍්‍රථම ශ්‍රීලාංකිික ඩිලන්ත මාලගමුව එම ශූරතාවය ලබා ගැනීම සඳහා පැරිස් අගනුවර කොන්කෝඞ් චතුරශ‍්‍රය අසල පිහිටි ජාත්‍යයන්තර මෝටර් රථ සම්මේලන මූලස්ථානයට පැමිනි අවස්ථාවේදී ඔහු සමඟ මෙසේ සංවාද වූයේය.

ප‍්‍රශ්නය:

ඩිලන්ත ඔබ වර්තමාන ශ්‍රීලංකාවේ ප‍්‍රථම ස්ථානයේ සිටින කාර් රේස් ධාවන ශූරයෙක්. ඉමෝලා ජයග‍්‍රහානය දක්වා ඔබගේ රේස් ඉතිහාසය විස්තර කරන්නේ කෙසේද?

පිලිතුර:
මම මින් පෙර ආසියාවේ තමයි ගොඩක් රේස් පැද්දේ. සිංගප්පූරුව, කොරියාව, මැලේසියාව, ජපානය, ඩුබායි ආදි රටවල පැවැත්වූ ශූරතාවයන් විශාල ප‍්‍රමානයක් ජය ගැනීමට මට හැකි වුනා පමනක් නොවෙයි ආසියාවේ වැඩිම ලැම්බොර්ගනී කාරයෙන් රේස් ගනනාවක් ජයගත් පුද්ගලයා වීමේ භාග්‍යයත් ලැබුනා. ඒ අතර තමයි මේ වසරේ සිට යුරෝපයේ ලැම්බෝර්ගනී ශූරතාවයන්ට සහභාගි වීමේ අවස්ථාව ලැබුනේ. එහිදී ප‍්‍රථමයෙන් ප‍්‍රංශයේ පැවැත්වූ පෝල් රිකාර්ඞ් ධාවන ශූරතාවයට සහභාගි වීමට අවස්ථාව ලැබුනා. ඉන් පසු ස්පාඤ්ඤය හා ඉතාලියේ ශූරතාවයන් කිහිපයකට සහභාගි වුනා. ඉන් පසුවයි ඉතාලියේ ශූරතාවයන් කිහිපයකට සහභාගි වුනේ. ඉන් පසුවයි ඉතාලියේ සුප‍්‍රසිද්ධ ඉමෝලා ධාවන පථයේ ලැම්බෝර්ගනී සුපර් ටි‍්‍රපෝ ශූරතාවයට සහභාගි වුනේ. එහි රේස් 5ක් තිබුනා. එකකදී මගේ වාහනය අනතුරකට භාජනය වුනා. නමුත් එක් ප‍්‍රධාන ඉසව්වක් ජය ගැනීමට හැකි වුනා. එම තරඟයේදි මම ආරම්භ කළේ 15 වෙනියට. නමුත් අවසන් කළේ දෙවෙනියට. එසේ වුවද එම ඉසව්වේදි වෙනත් වාහන අනතුරක් හේතු කොට අවසාන වටයට පෙර ඉසව්ව අවසන් කිරීමට බලධාරීන් තීරනය කිරීම හේතුවෙන් ඒ වනවිට මම සිටි තෙවන ස්ථානය මට ලබා ගැනීමට මට හැකි වුනා. ඒ ගැන මම සතුටු වෙනවා. මන්ද ? මින් පෙර ආසියාතික ධාවන ශූරයෙක් ඉමෝලා වල ජය අර ගෙන නැහැ. ඒවගේම එම අවස්ථාව හිමි කරගත් ප‍්‍රථම ශ්‍රීලාංකිකයා වීමේ භාග්‍යයත් මට ලැබුනා. මෙම සියලූ කරුනු හේතු කොට ඉමෝලා වල පැවැත්වූ ලැම්බෝර්ගනී සුපර් ටි‍්‍රපෝ ලෝක ශූරතාවය ගැනත් එහිදී මම ලබා ගත් ජයග‍්‍රහාන ගැනත් සතුටු වීමට පුළුවන්.

ප‍්‍රශ්නය:
ඔබ යුරෝපයේ ශූරතාවයන්ට එක් වන්නේ බෝහෝ මෑතක. ඉන් පෙර ආසියාව, මැද පෙරදිග ශූරතාවයන් රැුසකට සහභාගිවී ජයග‍්‍රහාන රැුසක් හිමි කර ගන්නවා ආසියාවේ හා යුරෝපයේ ශූරතාවයන් අතර සමාන අසමානකම් තිබේද? එසේ නම් ඒ මොනවාද?

පිලිතුර:
ආසියාවේ හා යුරෝපයේ කියල විශාල වෙනසක් නැහැ. නමුත් යුරෝපයේ මෙන් ආසියාවේදී අපේ වාහනය හරි හැටි නඩත්තු වෙන්නේ නැහැ. යුරෝපයේදි එක රේස් එකක් අවසන් වුනාම ඊලඟ රේස් එකට ප‍්‍රථමයෙන් වාහනය අළුතෙන්ම අළුත් වැඩියා කරනවා. නමුත් ආසියාවේදී එහෙම තත්වයක් නැහැ. අනෙක් කරුන නම්; යුරෝපයේ තමයි ලෝකයේ හොඳම කාර් රේස් ධාවකයෝ ඉන්නේ. එම නිසා යුරෝපා ශූරතාවයන් ඉතා උසස් හා තරඟකාරි මට්ටමකින් පැවැත් වෙනවා. අනෙක් කරුන තමයි යුරෝපයේ බොහෝ ධාවකයෝ මෙම ධාවන පථයන්හී කිහිප විටක් තරඟ වලට සහභාගි වෙලා ධාවන පථය ගැන හොඳ අත් දැකීම් තිබෙනවා. මට ඉමෝලා වල පුහුනු වෙන්න ලැබුනේ එක දවසයි. ඉතින් එවැනි ධාවකයෝ සමග ශූරතාවයක් ජය ගන්නවා කියන්නේ විශාල අභියෝගයක්. කෙසේ නමුත් එවැනි ශූරයන් සමග තරඟ කොට එක් ඉසව්වක් මට ජය ගැනීමට හැකි වීමත් විශේෂයෙන් ශ්‍රීලංකාව වැනි කුඩා රටක කොල්ලෙක් යුරෝපයේ දැවැන්තයන් සමඟ තරඟ කොට ජයග‍්‍රහාන හිමි කර ගැනීමත් ඉතිහාසගත සිදුවීමක්. එම නිසාම යුරෝපයේ ක‍්‍රිඩා පුවත්, මා ගැන විශේෂ ලෙස හදුන්වා දීමට පෙළඹුනා..

ප‍්‍රශ්නය:
ඉහත පැවැත්වූ ශූරතාවයේ දෙවන ස්ථානය හිමි කරගත් ඔබට තෙවන ස්ථානයට යෑමට සිදුවුනා. එසේ වුනේ ඇයි?

පිලිතුර:
අවසාන වටයට පෙර වටයේදී මට පසුපසින් පැමිනි වාහන දෙකක් අනතුරකට භාජනය වුනා. එබැවින් ධාවන පථය අවහිර වුනා. එමනිසා තරගය අවසන් කිරීමට බලධාරී විනිසුරු මඩුල්ල තීරනය කලා. එබැවින් ශූරතාවයේ නීතිරීති වලට අනුව අනතුරට පෙර වටයේ ස්ථාන ලබා දීමට ඔවුන්ට සිදුවුනා. ඒක තමයි නීතියානුකූල ක‍්‍රමවේදය. එම නිසා මට තෙවන ස්ථානය හිමිවුනා. නමුත් අනතුර සිදුනොවී තරගය අවසන් කලා නම් මට ප‍්‍රථමයා වෙන්නත් ඉඩ තිබුනා.

ප‍්‍රශ්නය:
ඉතාලියේ ඔබ සහභාගිවූ ශූරතාවය නැරඹීමට හා ඔබව ධෛ ර්‍්‍යයමත් කිරීමට ඉතාලියේ වෙසෙන බොහෝමයක් ශ්‍රීලාංකිකයෝ පැමින සිටියේය. ඒ ගැන ඔබට පැවසීමට ඇත්තේ කුමක්ද?

පිලිතුර:
ලෝකයේ ඉන්න වාසනාවන්තම කාර් රේස් කී‍්‍රඩකයා මම වෙන්න ඇතැයි මම සිතනවා. හේතුව මම තරඟ කල හැම අවස්ථාවකම අපේ සහෝදර ශ්‍රීලාංකිකයෝ විශාල ප‍්‍රමානයක් ශ්‍රීලංකා ජාතික ධජයන් අතැතිව මට ධෛ ර්‍්‍යය ලබා දීමට පැමින සිටියා. නමුත් වෙනත් ක‍්‍රීඩකයන් වෙනුවෙන් ජාතික ධජ රැුගත් එහෙම පිරිසක් නියෝජනය වුනෙත් නැහැ. වෙලත් නැහැ. බොහෝමයක් නරඹන්නෝ රේස් එක බලන්න පැමිනියාට ධාවකයෝ දිරිමත් කිරීමට පැමිනි පිරිස් නොවෙයි. නමුත් අපේ ශ්‍රීලාංකිකයෝ සිය ගනනක් එක පොදියට නැරඹුම් ශාලාවේ ජය ඝෝෂා නගමින් කොඩි වනමින් මාව දිරිමත් කිරීමට පැමිනීම යුරෝපා මාධ්‍යයට පවා විශේෂ දෙයක් වුනා. එහෙම වෙන්නේ කලාතුරකින්. ඔවුන් ශ්‍රීලාංකික පේ‍්‍රක්ෂකයෝ ගැන විශේෂයෙන් සඳහන් කලා. එය යුරෝපයට අමුතු දෙයක්. ඔවුන්ගේ ජය ඝේෂාව තරඟය සඳහා මට නව පනක් ලබා දුන්නා. එම නිසා මා ඉපැදුන රටෙන් මට කිසිම අනුග‍්‍රහායක් නොලැබුනත් රටට හා ක‍්‍රීඩාවට ආදරය කරන පිරිසක් මාව දිරිමත් කිරීමට පැමිනීම ගැන මම ආඩම්බර වෙනවා. ඒ ගැන ඉතාලියේ ශ්‍රීලාංකික සහෝදර සහෝදරියන්ට මම විශේෂයෙන් ස්තුතිය පුද කිරීමට කැමැත්තෙමි.

ප‍්‍රශ්නය:
ඉපැදුන රටෙන් ඔබට කිසිම අනුග‍්‍රහායක් නොලැබුන බව පැවසුවා. වර්තමාන ක‍්‍රීඩා ඇමති ඔබ උපන් ප‍්‍රදේශයෙන් පාර්ලිමේන්තුවට පැමිනි මන්ත‍්‍රී වරයෙක්. ඔබ ඔවුන්ව දැනුවත් කලාද ? එසේ නම් එහෙම වුනේ ඇයි?

පිලිතුර:
ඔයා දැක්ක නේද මගේ රේස් පදින වාහනය. ඉදිරියෙන්ම ගහලා තියෙන්නේ ශ්‍රීලංකා ධජය. අනෙක් කිසිම වාහනයක ඔවුන්ගේ ජාතික කොඩි ගහල නැහැ.ඇයි ඒ ? මම සැම විටම තරග කළේ රට වෙනුවෙන්. ජයග‍්‍රහාන ලබා ගත්තේ රට වෙනුවෙන්. නමුත් එහි ප‍්‍රතිඋපකාර ගැන සඳහන් කලෝත් ලැබුන දෙයක් නැහැ. අවශ්‍යය සියලූ දෙනා දැනුවත් කරලා තියෙන්නේ නමුත් වැඩක් නැහැ. අපි බලමු මොනවා හරි කරන්න යැයි වර්තමාන ඇමති තුමා වරක් මට පැවසුවා. නමුත් සිදුවූ දෙයක් නැහැ. ඔයා දකින්න ඇතිනේ පසුගිය කාලේ කෝටි ප‍්‍රකෝටි ගනන් වියදම් කරල දලදාා මාලිගාව ලඟ කාර් රේස් පැද්දෙ. අවශ්‍යයම නම් ඹ්න තරම් අත්දැකීම් කියන්න පුළුවන්. නමුත් නීරස දේවල් වලට කාලය වැය කරන්නේ ඇයි ? වැඩිපුරම තියෙන්නේ කලකිරීම්.අපි රටට ආදරේ කලාට රට අපිට ආදරේ නැහැ. කොටින්ම කියනව නම් මම පිටරට වල ජාත්‍යයන්තර රේස් ශූරතාවයන් දිනලා තියෙනවා. නමුත් එම රටවල තියෙන අපේ එම්බසියවත් මට කතා කරලා ස්තුතියක්වත් කරලා නැහැ. ඉතින් රට ගැන මොන කතාද නේද? නමුත් ප‍්‍ර‍්‍රථම වතාවට මම මෙවර පැරීසිියට පැමිනි වෙලාවේ ප‍්‍රංශයේ ඉන්න අපේ ලංකාවේ තානාපති තුමා මා වෙනුවෙන් පිලිගැනීමේ උත්සවයක් පැවැත්වුවා.ඒ වෙලාවේ මගේ ඇස් දෙක කඳුළු වලින් පිරුනා. ඒ මන්ද? මගේ අවුරුදු 37ක රේස් ඉතිහාසයේ එය තමයි මට රාජ්‍ය අනුග‍්‍රහායක් ලැබුනු ප‍්‍රථම අවස්ථාව. එවැනි අය තමයි අපේ තානාපති සේවයට පත් කල යුුත්තේ. එබැවින් ප‍්‍රංශ තානාපති බුද්ධි ආතාවුද මැතිතුමා ඇතුළු කාර්ය මන්ඩලයට මම විශේෂයෙන් ස්තුති වන්ත වෙනවා.

ප‍්‍රශ්නය:
තව කොපමන කලක් මෙම ශූරතාවයන්ට සහභාගි වන්නේද?

පිලිතුර:

අඩුම තරමින් තව අවුරුදු 10ක් වත් තරඟ වලට සහභාගි වීමට බලාපොරොත්තු වෙනවා. දැනට මම තරඟ කරන්නේ මට වඩා වයස අවුරුදු 10ක 15කට පමණ වයසින් අඩු තරඟ කරුවන් සමග. රටට තියෙන ආදරයත් ක‍්‍රීඩාවට ඇති ආදරයත් හිතේ තියෙන හයියත් සමඟ තව කලක් තරඟ වලට ඉදිරිපත් වීමට බලාපොරොත්තු වෙනවා.කාර් රේස් වලින් ගිනස් වාර්තාවක් තියලම මම රේස් වලින් සමුගන්නවා.

ප‍්‍රශ්නය:
මොකක්ද ඒ ගිනස් වාර්තාව?

පිලිතුර:
දැනට මම අවුරුදු 37ක් රේස් පැදල තියෙනවා. වැඩිම කාලයක් ජාත්‍යයන්තර තලයේ රේස් පැදපු කෙනා ලෙස ගිනස් වාර්තාවක් තියනවා.

සුනිල් ආනන්ද පැරීසියේ සිට

 

View the embedded image gallery online at:
http://newstube.lk/news?start=8100#sigProId9026c05812

 

 

Comment (0) Hits: 748

Page 451 of 454