දකුණු කොරියානු ජනාධිපතිවරණයෙන් ජයග්‍රහණය කළ ලී ජේ-මියුන්ග් ජනාධිපතිවරයා ලෙස දිවුරුම්දී තිබෙයි.
විදෙස් මාධ්‍ය වාර්තා කළේ සෝල්හි ජාතික සභාවේ පැවති සිය පදවි ප්‍රාප්ති උත්සවයේදී ඔහු මෙලෙස දිවුරුම් දුන් බවයි.
දකුණු කොරියාවේ පැවති ජනාධිපතිවරණයෙන් විපක්ෂය නියෝජනය කරමින් ඉදිරිපත් වූ ලී ජේ මියුන්ග් මෙලෙස ජයග්‍රහණය වාර්තා කර තිබෙයි.
අමෙරිකාවට බලපා ඇති සුළි කුණාටුවක් හේතුවෙන් මියගිය පුද්ගලයින් සංඛ්‍යාව, 25 ක් දක්වා ඉහළ ගොස් තිබේ.
කෙන්ටකී, මිසුරි, වර්ජිනියා, ඉලිනොයිස්, ඉන්දියානා ඇතුලු ප්‍රාන්ත රැසකට ඉන් බලපෑම් එල්ල වී ඇති බව විදෙස් මාධ්‍ය වාර්තා කරයි.
ඒ හේතුවෙන් නිවාස සහ ගොඩනැගිලි 5000 කට පමණ හානි සිදුව තිබේ.
විදුලිය විසන්ධි වී ඇති නිවාස, ව්‍යාපාරික ස්ථාන ඇතුලු ගොඩනැගිලි සංඛ්‍යාව, හාර ලක්ෂ පනස් නමදහසක්.
ගස් කඩා වැටීම් සහ තද සුළං හේතුවෙන් ප්‍රවාහන කටයුතු මෙන්ම සන්නිවේදන සබඳතා ද අඩාල වී ඇත.
සුළි කුණාටුවෙන් අමෙරිකාවේ පුද්ගලයින් මිලියන 50 කට පමණ බලපෑම් එල්ල විය හැකි බවට කාලගුණ බලධාරීන් පුරෝකතනය කළේ ය.
මයික්‍රොසොෆ්ට් සමාගම විසින් සේවකයින් 6,000ක් පමණ සේවයෙන් ඉවත්කිරීමට තීරණය කර තිබේ.
විදෙස් මාධ්‍ය වාර්තා කරන්නේ පසුගිය අඟහරුවාදා මයික්‍රොසොෆ්ට් සමාගම විසින් මෙම නිවේදනය කර ඇති බවය.
මෙම සේවක කප්පාදුව මයික්‍රොසොෆ්ට් සමාගමේ ශ්‍රම බළකායෙන් 3% කටත් වඩා අඩු ප්‍රමාණයක් බව වාර්තා වේ.
සේවක කප්පාදුව හරහා සමාගම බලාපොරොත්තු වන්නේ, පිරිවැය පාලනය කිරීම සහ කෘත්‍රිම බුද්ධිය සඳහා ඩොලර් බිලියන ගණනක් ආයෝජනය කිරීම බව විදෙස් මාධ්‍ය වාර්තා අතර සඳහන්ය.
2023 දී මයික්‍රොසොෆ්ට් සේවකයින් 10,000ක් සේවයෙන් ඉවත්කිරීමෙන් පසු සිදුකරන විශාලතම සේවක කප්පාදුව මෙයයි.
මේ වන විට මයික්‍රොසොෆ්ට්සමාගමේ සේවකයින් 228,000 ක් පමණ සේවය කරනු ලැබේ.
ඊශ්‍රායලයේ ප්‍රධාන ජාත්‍යන්තර ගුවන්තොටුපොළක් වන බෙන්-ගුරියන් ගුවන් තොටුපොළ පිහිටි ප්‍රදේශයට බැලස්ටික් මිසයිල ප්‍රහාරයක් එල්ල කර තිබෙයි.
ඉරානයේ අනුග්‍රහය ලබන යෙමනයේ හූති කැරලිකරුවන් විසින් මෙම ප්‍රහාරය එල්ල කර ඇති බව විදෙස් මාධ්‍ය වාර්තා කරයි.
මෙම ප්‍රහාරයෙන් පුද්ගලයන් 06දෙනෙක් තුවාල ලබා ඇති බව වාර්තා වෙයි.
ප්‍රහාරයෙන් අමතුරුව එම ගුවන්තොටුපොළේ ගුවන් ගමන් කටයුතුද තාවකාලිකව අත්හිටුවීමට පියවර ගෙන ඇත.
මිලියන 63කට අධික පරිශීලකයින්ගෙන් යුත් පාකිස්තාන යූ ටියුබ් නාලිකා 16 ක් ඉන්දියාව තුළ තහනම් කිරීමට එරට රජය පියවර ගෙන තිබේ.
අද (28) සිට ක්‍රියාත්මක වන පරිදි ඉන්දීය ස්වදේශ කටයුතු අමාත්‍යංශය විසින් මෙම පියවර ගත් බව විදෙස් මාධ්‍ය වාර්තා කළේය.
කාශ්මීරයේ පෙ‍හෙල්ගම් ප්‍රහාරයෙන් පසු ප්‍රකෝපකාරී හා වාර්ගික අර්බුද උත්සන්න වන ආකාරයේ ප්‍රකාශ සිදුකරන බවට චෝදනා කරමින් අදාළ නාලිකා තහනම් කර ඇති බව සඳහන් වේ.
ඉන්දියාව තුල තහනමට ලක්වූ පාකිස්තාන යූ ටියුබ් නාලිකා අතර ප්‍රවෘත්ති නාලිකා මෙන්ම පාකිස්තාන මාධ්‍යවේදීන් කිහිපදෙනෙකුගේ නාලිකා ද ඇතුලත් වන බව විදෙස් මාධ්‍ය වාර්තා කළේය.
කැනඩාවේ වැන්කුවර් නුවර පැවති වීථි සැණකෙළියකට මෝටර් රථයක් කඩා වැදීමෙන් සිදුවූ අනතුරකින් පුද්ගලයින් 09 දෙනෙකු මියගොස් තිබේ.
තවත් පිරිසක් තුවාල ලබා ඇති බව විදෙස් මාධ්‍ය වාර්තා කළේය.
කෙසේ වෙතත් මෙම සිද්ධිය ත්‍රස්තවාදී ක්‍රියාවක් නොවන බව එරට පොලීසිය සඳහන් කරයි.
සිද්ධිය සම්බන්ධයෙන් 30 හැවිරිදි සැකකරුවෙකු අත්අඩංගුවට ගෙන ඇති අතර, ඔහු වැන්කුවර් නුවර පදිංචිකරුවෙකි.
පිලිපීනයේ විශාලතම සැමරුමක් ලෙස සැලකෙන, ලපු ලපු දින සැමරුමක් කැනඩාවේ වැන්කූවර් නුවර පැවැත්වෙන අතරතුර අනතුර සිදුව තිබිණි.
සිද්ධිය සම්බන්ධයෙන් කැනඩා අග්‍රාමාත්‍ය මාර්ක් කාර්නි සිය ශෝකය පළ කළේ ය.
තුර්කියේ විශාලතම නගරය ලෙසින් සැලකෙන ඉස්තාන්බුල් හි ප්‍රබල භූ කම්පන මාලාවක් සිදුව තිබේ.
විදෙස් වාර්තා පෙන්වා දුන්නේ එහි ප්‍රබලම භූ කම්පනය රික්ටර් මාපකයේ 6.2ක අගයක් සටහන් වී ඇති බවයි.
තවමත් හානි පිළිබඳ නිෂ්චිත වාර්තා ලැබී නොමැති වුවත්, ගොඩනැගිලි සෙලවූ බවට තොරතුරු ලැබී ඇති බව විදෙස් වාර්තාවන්හි දැක්වේ.
තුර්කි බලධාරීන් මහජනතාවට අනතුරු අඟවා ඇත්තේ අනාරක්ෂිත වියහැකි ගොඩනැගිලිවලට නොයන ලෙසයි.
භූමිකම්පාවට මුහුණදුන් ඇතැම් පුද්ගලයන් පවසා ඇත්තේ වසර හයක් තුළ මෙතරම් ප්‍රබල භූමිකම්පාවකට තමන් කිසිදා මුහුණ දී නොමැති බවයි.
මානවරූපී රොබෝවරුන් එක්වූ ලොව පළමු අර්ධ මැරතන් ධාවන තරගය චීනයේ බීජිං නුවරදී ඊයේ (19) පවත්වා තිබෙයි.
විදෙස් මාධ්‍ය වාර්තා කළේ මිනිස් ධාවකයන් සමඟ මෙම තරගයට රොබෝවරු 21ක් තරගවැද ඇති බවයි.
මෙහිදී සැතපුම් 13 ක දුරක් මැරතන් ධාවනය පවත්වා ඇති බවත් වාර්තා වෙයි.
මෙම අර්ධ මැරතන් ධාවන තරගය මානවරූපී රොබෝවරුන්ගේ විශ්වසනීයත්වය, කල්පැවැත්ම සහ ආරක්ෂාව වැනි පුළුල් හැකියා සඳහා සිදු කළ පරීක්ෂණයක් ලෙස විදෙස් වාර්තා පෙන්වා දී ඇත.
කොලොම්බියාවේ නගර රැසක කහ උණ වසංගතයක් පැතිර යමින් පවතින බවට තොරතුරු වාර්තා වෙයි.
විදෙස් මාධ්‍ය වාර්තා කළේ පසුගිය වසරේ දී ආරම්භ වූ මෙම වසංගතයෙන් මේ වන විට රෝගීන් 74ක් හමු වූ බවයි.
ඉන් පුද්ගලයන් 34දෙනෙක්ම මියගොස් තිබෙයි.
දෙස් විදෙස් සංචාරක ආකර්ෂණයක් දිනා ඇති එරට නැගෙනහිර ටොලිමෝ පළාතට මෙම අවදානම් තත්ත්වය උද්ගත වී තිබෙන බව වාර්තා වෙයි.
පවතින තත්ත්වය සැලකිල්ලට ගනිමින් එරට රජය හදිසි සෞඛ්‍ය තත්ත්වයක් ප්‍රකාශයට පත් කර ඇත.
ගාසා තීරයට ඊශ්‍රායලය එල්ල කළ ප්‍රහාරවලින් පුද්ගලයින් 70 දෙනෙකු මියගොස් ඇතැයි විදෙස් මාධ්‍ය සදහන් කරයි.
ඒ අතර, තවත් විශාල පිරිසක් තුවාල ලබා ඇති බව එරට සෞඛ්‍ය අංශ සඳහන් කරයි.
ප්‍රහාර හේතුවෙන් සිදුව ඇති මරණ සංඛ්‍යාව තවදුරටත් ඉහළ යා හැකි බව විදෙස් මාධ්‍ය සඳහන් කරන අතර, ගාසාහි ලක්ෂ සංඛ්‍යාත පිරිසක් කුසගින්නෙන් පෙළෙන බව එක්සත් ජාතීන්ගේ සංවිධානය සඳහන් කරයි.
ඒ අනුව දැවැන්ත ආහාර හා මානුෂීය අධාර අවශ්‍ය කෙරෙන බවයි එම සංවිධානය පෙන්වා දෙයි.
මේ වන විට ගාසා තීරයට මානුෂීය ආධාර සැපයීමේ මාර්ග ද අවහිර කරමින් ඊශ්‍රායලය මෙහෙයුම් ක්‍රියාත්මක කරන බව වැඩිදුරටත් විදෙස් වාර්තා සදහන් කරයි.
අමෙරිකා ජනාධිපති ඩොනල්ඩ් ට්‍රම්ප්ගේ තීරු බදු පැනවීමට එරෙහිව නැගී සිටීමට තම රට හා එක්වන්නැයි චීන ජනාධිපති ෂී ජින් පිං යුරෝපා සංගමයෙන් ඉල්ලා සිටියි.
ඔහු එහිදී පෙන්වා දී ඇත්තේ, තීරු බදු හමුවේ හටගත් යුද්ධයකින් කිසිදු රාජ්‍යයක් ජයග්‍රහණය නොකරන බවයි.
අමෙරිකාවට ආනයනය කෙරෙන චීනයේ ඇතැම් භාණ්ඩ සඳහා මේ වනවිට සියයට 145 ක තීරු බද්දක් පනවා තිබේ.
චීනය ද එරටට ආනයනය කෙරෙන අමෙරිකා භාණ්ඩ සඳහා සියයට 84 ක තීරු බද්දක් මීට පෙර ප්‍රකාශයට පත්කළේය.
නවතම විදෙස් මාධ්‍ය වාර්තා සඳහන් කරන්නේ, චීනය විසින් අමෙරිකා භාණ්ඩ සඳහා සියයට 125 ක නව තීරු බද්දක් ප්‍රකාශයට පත්කර ඇති බවයි.
මෙම නව තීරු බද්ද හෙට සිට ක්‍රියාත්මක වීමට නියමිතය.
කෙසේ වුවද චීනය සමග ගිවිසුමක් ඇතිකර ගැනීමට තවමත් අපේක්‍ෂාවෙන් පසුවන බව, අමෙරිකා ජනාධිපති ඩොනල්ඩ් ට්‍රම්ප් කියා සිටි.
එමගින් දෙපාර්ශවය අතර යහපත් එකඟතාවකට පැමිණීමට හැකිවනු ඇති බවට ඔහු විශ්වාසය පළ කරයි.
මේ අතර උත්සන්න වෙමින් පවතින වෙළෙඳ යුද්ධය මධ්‍යයේ ගෝලීය රත්‍රං මිල වාර්තාගත ලෙස ඉහළ ගොස් ඇති බව වාර්තා වේ.
පැපුවා නිව්ගිනියාව අසල රිච්ටර් මාපකයේ 6.9ක ප්‍රබල භූමිකම්පාවක් ඇති වූ බව අමෙරිකාවේ භූවිද්‍යා සමීක්ෂණ ආයතනය (USGS) පවසයි.
එරට වේලාවෙන් අද (05) උදෑසන මෙය ඇති වී ඇති බවයි සඳහන් වෙයි.
පැපුවා නිව්ගිනියාවට අයත් එරටට බටහිරින් පිහිටි දූපතක්වන නව බ්‍රිතාන්‍ය දූපත ආසන්නයේ මෙය සිදුවී ඇත.
එම දූපතේ අගනුවර වන Kimbe නුවරට කිලෝමීටර් 194ක් ගිනිකොන දෙසින් මෙම භූමිකම්පාව ඇතිව ඇතිව බව විදෙස් මාධ්‍ය වාර්තා කරයි.
එමෙන්ම මෙම භූමිකම්පාවෙන් අනතුරුව රික්ටර් මාපකයේ 5.3ක පසුකම්පනයක් ඇතුළුව පසුකම්පන කිහිපයක් ද ඇති වූ බව එක්සත් ජනපද භූවිද්‍යා සමීක්ෂණ දත්තවලට සඳහන් වේ.
භූමිකම්පාව හේතුවෙන් වෙරළබඩ ප්‍රදේශවලට අනතුරුදායක සුනාමි රළ ඇති විය හැකි බවට පුරෝකථනය කර පැපුවා නිව්ගිනියාවට සුනාමි අනතුරු ඇඟවීම් නිකුත් කිරීමට එම සමීක්ෂණ මධ්‍යස්ථානය කටයුතු කර තිබේ.
කෙසේ නමුත් ඉන් අනතුරුව එම සුනාමි අනතුරු ඇඟවීම අවලංගු කර ඇති බවයි සඳහන් වෙයි.
දකුණු කොරියානු ජනාධිපති යුන් සුක් යෝල් ධුරයෙන් නෙරපා හැරීමට එරට ව්‍යවස්ථා අධිකරණය අද (04) තීන්දු කර තිබේ.
එම නඩුවේ තීන්දුව අද ප්‍රකාශයට පත් කෙරුණු අතර එහිදී යුන් සුක් යෝල් ජනාධිපති ධුරයෙන් නෙරපීමට අධිකරණය තීන්දු කෙරුණි.
තීන්දුව ලබාදුන්නේ දකුණු කොරියාවේ ඉහළම අධිකරණයේ විනිසුරුවන් 08 දෙනෙකුගෙන් යුතු මඩුල්ලක් විසින් වන අතර, එහිදී ඔවුන් 08 දෙනාම එම තීන්දුවට පක්ෂව ඡන්දය ලබා දී තිබුණි.රටට හදිසි යුද නීතිය පැනවීමට දකුණු කොරියානු ජනාධිපති යුන් සුක් යෝල් කටයුතු කළේ පසුගිය වසරේ දෙසැම්බර් 03දාය.
ඉන් අනතුරුව පාර්ලිමේන්තුවට දෝෂාභියෝගයක් ඉදිරිපත් කරමින් දකුණු කොරියානු ජනාධිපති යුන් සුක් යෝල් ධුරයේ කටයුතු කිරීම අත්හිටුවීමටත් එරට පක්ෂ විපක්ෂ දේශපාලනඥයින් කටයුතු කළේය.
ඔහු සම්බන්ධ නඩුවක් එරට ව්‍යවස්ථා අධිකරණයට ඉදිරිපත් වූයේ ඉන් අනතුරුවය.
ඒ අනුව තවත් දින 60ක් තුළ ජනාධිපතිවරණයක් පැවැත්වීමට නියෝග කෙරුණු අතර, වත්මන් වැඩබලන ජනාධිපති හන් දොක් සූ යි එතෙක් ධුරයේ කටයුතු කරනු ඇත.
පුද්ගලයින් 2000කට අධික පිරිසකට මරුකැඳවමින් සිදුවූ භූකම්පනය හේතුවෙන් මියන්මාරයේ සතියක ශෝක කාලයක් ප්‍රකාශයට පත් කර තිබේ.
මියන්මාර හමුදා පාලනය විසින් අප්‍රේල් මස 06 වන දින දක්වා එම ශෝක කාලය ප්‍රකාශයට පත් කර ඇති බව විදෙස් මාධ්‍ය වාර්තා කළේය.
පසුගිය 28 වනදා මියන්මාරයට බලපෑ ප්‍රබල භූ කම්පනයෙන් පුද්ගලයින් 2000කට අධික පිරිසක් මියගොස් ඇති බවට මේ වන විට තහවුරුවී තිබේ.
කඩා වැටුණු ගොඩනැගිලි සුන්බුන් අතර සිරවූවන් සොයා තවදුරටත් සෝදිසි මෙහෙයුම් ක්‍රියාත්මකයි.
මේ අතර තුවාල ලැබූ පුද්ගලයින් විශාල පිරිසක් රෝහල් ගත කිරීම හේතුවෙන් එරට රෝහල් පද්ධතිය ද අර්බුදයකට පත්ව ඇති බව ලෝක සෞඛ්‍ය සංවිධානය පෙන්වා දෙයි.
භූකම්පනයෙන් රෝහල් ගොඩනැගිලි ද හානියට පත්ව ඇති අතර බොහෝ රෝහල් රෝගීන්ගෙන් පිරීගොස් ඇති බව එම සංවිධානය පවසයි.
ටොන්ගා රාජ්‍ය ආසන්න දකුණු පැසිෆික් සාගරයේ භූකම්පනයක් සිදුව තිබේ.
විදෙස් මාධ්‍ය වාර්තා කළේ, එය මැග්නිටියුඩ් 7.1 ක ප්‍රභලත්වයකින් යුතු බවයි.
භූ කම්පනය කිලෝමීටර 10 ක් පමණ මුහුදු අභ්‍යන්තරයේ සිදුව තිබේ.
ටොන්ගා රාජ්‍යයේ පන්ගයි ප්‍රදේශයේ සිට කිලෝමීටර 90 ක් පමණ ගිනිකොන දෙසින් භූ කම්පනය සිදුවිය.
මියන්මාරයේ පසුගිය (28) වැනි දින සිදූ වූ භූ කම්පනයෙන් මේ වන විට මිය ගොස් ඇති ප්‍රමාණය 1600 ක් පමණ වන බව විදෙස් මාධ්‍ය වාර්තා කරයි.
මේ වන විට පුද්ගලයින් 3400 පමණ තුවාල ලබා ඇති අතර තවත් පුද්ගලයින් 139 ක් පමණ අතුරුදහන් වී ඇත.
ලැබෙමින් පවතින තොරතුරු මත මරණ සංඛ්‍යාව ශීඝ්‍රයෙන් ඉහළ යා හැකි බව ඉඟි පළවෙමින් ඇත.
භූ චලනයෙන් තායිලන්තයේ පුද්ගල මරණ 17ක් වාර්තාවී ඇති අතර පුද්ගලයින් 83 දෙනෙකු අතුරුදන්ව තිබේ.
එක්සත් ජනපද භූ විද්‍යා සේවයේ ස්වයංක්‍රීය පද්ධතියක් වන පේජර් සඳහන් කරන්නේ මෙම භූමිකම්පාවෙන් පුද්ගලයින් 10,000කට වැඩි පිරිසක් මිය යාමේ හැකියාව ඇති බව ය.
මෙය ඇස්තමේන්තුවක් පමණක් වන අතර එය ගණනය කරනු ලබන්නේ කම්පනයේ තීව්‍රතාවය සහ බලපෑමට ලක් වූ ප්‍රදේශයේ ජනගහනය ඇතුළු අනෙකුත් සාධක මත ය.
භූ කම්පනය තායිලන්තය ඇතුළු අසල පිහිටි රටවල්වලට ද දැනුණු අතර ගලවා ගැනීමේ කණ්ඩායම් මේ වන විට මියන්මාරයේ සහ තායිලන්තයේ කඩා වැටුණු ගොඩනැගිලිවල සුන්බුන් අතර සිටින දිවි ගලවා ගත් අය සොයා මෙහෙයුම් ක්‍රියාත්මක කරමින් සිටිති.
මියන්මාරයේ රික්ටර් පරිමාණ ඒකක 7.7ක ප්‍රබලත්වයෙන් යුතු භූමිකම්පාවක් මාර්තු 28 වන දා සිදු විය.
එක්සත් ජනපද භූ විද්‍යා සමීක්ෂණ ආයතනය (USGS) සඳහන් කළේ, එය එරට වේලාවෙන් දහවල් කාලයේදී සිදු වූ අතර ඉන් පසුව රික්ටර් පරිමාණ ඒකක 4.5 සහ 6.6 අතර පසු කම්පන 4ක් ද එම ප්‍රදේශයේ සිදුව ඇති බව ය.
මියන්මාරයේ ඇති වූ භූ කම්පන තත්ත්වයෙන් අවම වශයෙන් පුද්ගලයින් 144 දෙනෙකු ජීවිතක්ෂයට පත්ව ඇතැයි වාර්තා වේ.
එමෙන්ම තවත් පුද්ගලයින් සිය ගණනින් තුවාල ලබා ඇතැයිද විදෙස් මාධ්‍ය වාර්තා කර ඇත.
මියන්මාරයේ මැන්ඩලේ ප්‍රදේශය කේන්ද්‍ර කරගනිමින් රික්ටර් මාපකයේ 7.7ක ප්‍රභල භූ කම්පනයක් ඇති වූ අතර එහි ප්‍රභලත්වය තායිලන්තයේ බැංකොක් නුවරට ද දැනී ඇති බව විදෙස් මාධ්‍ය වාර්තා කර තිබුණි.
මේ අතර අද දෙරණ කළ විමසීමකදී විදේශ කටයුතු අමාත්‍යංශයේ ප්‍රකාශකයෙකු පැවසුවේ දෙරටේ සිටින ශ්‍රී ලාංකිකයින් සම්බන්ධයෙන් තවදුරටත් පසු විපරම් සිදුකරන බවය.
එමෙන්ම හදිසි අවස්ථාවකදී තායිලන්තයේ සිටින ශ්‍රී ලාංකිකයින්ට +66 812498011 හදිසි දුරකථන අංකයට සම්බන්ධ වන ලෙසත් විදේශ කටයුතු අමාත්‍යංශය උපදෙස් ලබා දී තිබේ.
කැනඩාවේ නව අග්‍රාමාත්‍යවරයා ලෙස මාර්ක් කාර්නි දිවුරුම් දී ඇත.
ජස්ටින් ටෲඩෝ අග්‍රාමාත්‍ය ධුරයෙන් මෙන්ම ලිබරල් පක්ෂ නායකත්වයෙන් ඉල්ලා අස්වීම හේතුවෙන් නව අග්‍රාමාත්‍යවරයෙකු පත් කෙරුණි.
59 වන වියේ පසුවන මාර්ක් කාර්නි ඒ අනුව අග්‍රාමාත්‍ය ධුරයට පත්ව තිබේ.
පක්ෂ සාමාජිකයන් එක්ලක්ෂ පනස්දෙදහසකට අඩු සංඛ්‍යාවක් ඡන්දය දුන් තරගයක දී වැඩි ප්‍රතිශතයක් අත්කර ගැනීමට ඔහුට හැකිවී ඇත.
ප්‍රකාශිත ඡන්දවලින් 86%ක් ලබාගත් කාර්නි මෙසේ අග්‍රාමාත්‍ය ධුරයට පත්වූ බව කැනඩා වාර්තා සඳහන් කරයි.
ආර්ථික විද්‍යාඥයෙකු සහ දේශපාලන නවකයෙකු වන මාර්ක් කානි කැනඩාවේ සහ එංගලන්තයේ මහ බැංකු අධිපතිවරයා ලෙස මීට පෙර කටයුතු කර තිබේ.
දිවුරුම් දීමේ උත්සවයෙන් පසුව අදහස් පළ කරමින් කැනඩා අගමැතිවරයා පැවසුවේ ඩොනල්ඩ් ට්‍රම්ප් සමඟ කතා කිරීමට ද තමන් බලාපොරොත්තු වන බවයි.
එක්සත් ජනපදයට සහ ජනාධිපති ට්‍රම්ප්ට ගරු කරන බව ද කැනඩා නව අගමැතිවරයා එහිදී පවසා තිබේ.
newstube.lk වෙබ් අඩවියේ පළවන සියළු ප්‍රවෘත්ති සහ විශේෂාංග ආශ්‍රිතව කිසිවකුට හානිකර යමක් පළ වී ඇත්නම් ඒ අගතියට පත් පාර්ශවයට ඊට ප්‍රතිචාර දැක්වීමට ඇති අයිතියට අපි ගරු කරමු.
ඔබගේ ප්‍රතිචාර
