V2025

විදෙස්

එක්සත් ජාතීන්ගේ නියෝජිතයෙකු ළමා අපයෝජනයක් හේතුවෙන් වසර 16 ක් හිරේට

ළමා අපයෝජන චෝදනා එල්ල වූ එක්සත් ජාතීන්ගේ සංවිධානයේ හිටපු නියෝජිතයෙකු හට නේපාලයේදී වසර 16 ක සිර දඬුවමක් නියම කර ඇති බව වාර්තා වේ.

කැනඩා ජාතික පීටර් ජෝන් නමැති 62 හැවිරිදි මෙම එක්සත් ජාතීන්ගේ හිටපු නියෝජිතයාට නේපාලයේ 14 හැවිරිදි සහ 12 හැවිරිදි ළමුන් දෙදෙනෙකු අපයෝජනයට ලක් කළ බවට චෝදනා එල්ල වී තිබූ අතර පසුව පැවති නඩු විභාගයෙන් අනතුරුව ඔහුට මෙම දඩුවම පමුණුව ඇත.

ඒ අනුව ඔහුට වසර 16 ක සිර දඩුවමක් නියම කර ඇති එරට අධිකරණය ළමුන් දෙදෙනාට නේපාල රුපියල් ලක්ෂ 5 බැඟින් වූ වන්දියක් ද ගෙවීමට නියම කර තිබේ.

 

එක්සත් ජාතීන්ගේ සංවිධානයට අයත් ආයතන රැසක කටයුතු කර ඇති පීටර් ජෝන් ළමා අපයෝජන චෝදනාවට අදාලව 2018 වසරේ අප්‍රේල් මාසයේ කත්මණ්ඩු නුවරදී අත්අඩංගුවට ගනු ලැබීය.

Comment (0) Hits: 499

මෝදිගේ පළමු අය වැය අද

දෙවැනි වරටත් ඉන්දීය අග‍්‍රාමාත්‍යවරයා ලෙස තේරි පත්වූ නරේන්ද‍්‍ර මෝදිගේ නව ආණ්ඩුවේ පළමු අයවැය අද ඉන්දීය පාර්ලිමේන්තුවේදී ඉදිරිපත් කිරීමට නියමිතය. ඊයේ දිනයේදී 2019 වසර සදහා ආර්ථික සමීක්ෂණ වාර්තාව පාර්ලිමේන්තුවට ඉදිරිපත් කරන ලදී.

ඉන්දීය ආර්ථික උපදේශක ක‍්‍රිෂ්ණමූර්ති සුබ‍්‍රමනියම්ගේ උපදේශකත්වයෙන් සකස් කර ඇති මෙවර මෝදි ආණ්ඩුවේ අය වැය වාර්තාව මුදල් අමාත්‍ය නිර්මලා සීතාරාමන් විසින් පාර්ලිමේන්තුවට ඉදිරිපත් කරනු ඇත.

ඉන්දීය ආර්ථිකය පසුබෑමට ලක්වෙමින් තිබෙන පරිසරයක් තුළ නව අය වැය තුළින් 7%ක ආර්ථික වර්ධනයක් මෝදි රජය අපේක්ෂා කරන අතර එය මුදල් ලෙස ගතහොත් ඇමරිකානු ඩොලර් ට්‍රිලියන 05ක මුදලකි.

Comment (0) Hits: 497

මෙක්සිකෝවේ මුදල් ඇමති ඉල්ලා අස් වෙයි

මෙක්සිකෝවේ මුදල් අමාත්‍ය කාලෝස් උර්සුවා සිය ධුරයෙන් ඉල්ලා අස්වී ඇතැයි වාර්තා වේ.

ඉල්ලා අස්වීමට අදාලව ඔහු විසින් ලිඛිත ඉල්ලීමක් ඉදිරිපත් කර ඇති අතර යොමුකර ඇති ඉල්ලා අස්වීමේ ලිපියෙන් වත්මන් මෙක්සිකෝ පාලනය සහ ජනාධිපතිවරයා දැඩි ලෙස විවේචනය කර ඇති බව සදහන්ය.

මේ වන විට මෙක්සිකානු ආර්ථිකයේ විෂමතා රැසක් පවතින බව පෙන්වාදී ඇති මුදල් අමාත්‍යවරයා රටේ ආර්ථික ප්‍රතිපත්ති අන්තවාදයෙන් තොරව ක‍්‍රියාත්මක විය යුතු බවද පෙන්වා දී ඇත.

ලතින් අමෙරිකාවේ දෙවන විශාලතම ආර්ථිකයට හිමිකම් කියන මෙක්සිකෝවේ මුදල් අමාත්‍යවරයා ලෙස 64 හැවිරිදි කාලෝස් උර්සුවා 2018 වසරේ දෙසැම්බර් මාසයේ සිට කටයුතු කරනු ලැබූ අතර පසුගිය කාලය පුරා මෙක්සිකෝ ආර්ථිකයේ යම් පසුබෑමක් දක්නට ලැබිණ.

Comment (0) Hits: 534

ස්ට්‍රොම්බොලි ගිනි කන්ද සක‍්‍රිය වී අයෙක් මරුට

ඉතාලියේ ස්ට්‍රොම්බොලි ගිනිකන්ද සක‍්‍රිය වී විදාරණය වීමෙන් එක් අයෙක් මියගොස් ඇතඅ බව වාර්තා වේ.

ගිනි කන්දෙන් නිකුත් වූ ගල් කැබැල්ලක් වැදීමෙන් මෙම මරණය සිදුව ඇත. ඉතාලියේ ස්ට්‍රොම්බොලි දිවයිනේ පිහිටා ඇති මෙම ගිනි කන්ද පසුගියදා සක‍්‍රිය වී ඇති අතර අලු සහ දුම් වලාවන් නිකුත් වෙමින් තිබූ බවද සදහන්ය.

මෙසේ අනපේක්ෂිත ලෙස මියගොස් ඇත්තේ කදු තරණය සදහා සහභාගී වූ විදෙස් සංචාරකයෙකි.

මෙය සක‍්‍රිය වීමෙන් තවත් පිරිසක් සිරවී සිටින අතර ඔවුන් ගලවා ගැනීමේ මෙහෙයුම්ද මේ වන විට ක‍්‍රියාත්මකය.

Comment (0) Hits: 506

ට‍්‍රම්ප් - තානාපති ගැටුමට තෙරේසත් මැදිවෙයි

ඇමෙරිකානු ජනාධිපති ඩොනල්ඩ් ට‍්‍රම්ප් බ්‍රිතාන්‍ය තානාපතිවරයා සම්බන්ධයෙන් පල කළ අදහස් වලට බ‍්‍රිතාන්‍ය අගමැතිනි තෙරේසා පිළිතුරු ලබා දී ඇත්තේ තමන්ගේ තානාපතිවරයා වෙනුවෙන් පෙනී සිටින බව පවසමිනි.

බ්‍රිතාන්‍ය තානාපතිවරයා විසින් ට‍්‍රම්ප් අදක්ෂ මුග්ධ ජනාධිපතිවරයකු බව පවසමින් යවන ලද විදයුත් පණිවිඩයක් හේතුවෙන් එම තානාපතිවරයා සමග කටයුතු නොකරන බව ට‍්‍රම්ප් සදහන් කර ඇත්තේ බ‍්‍රිතාන්‍ය අගමැතිනි තෙරේසා මේ පිළිබදවද විවේචනය කරමිනි.

ඊට පිළිතුරු දුන් තෙරේසා මේ බි‍්‍රතාන්‍ය තානාපති ශ‍්‍රිමත් කිම් ඩාරොජ් වෙනුවෙන් පෙනී සිටිමින් ට‍්‍රම්ප්ගේ ප‍්‍රකාශය හෙලා දැක ඇත. මේ හේතුව නිසාම දෙරට අතර මේ වන විට තිබූ හොද හිත පලුදු වෙමින් තබෙනු දැකිය හැකිය. ව්ශේ්ෂයෙන් තෙරේසා මේගේ ක‍්‍රියාකලාපය දිගින් දිගටම විවේචනය කිරීමට ට‍්‍රම්ප් කටයුතු කිරීමද ඊට හේතුවක් වී ඇත.

Comment (0) Hits: 515

ලිබියාවේ බෝම්බ ප‍්‍රහාරයක්: 44ක් මරුට

ලිබියාවේ සංක‍්‍රමණික රැදවුම් මධ්‍යස්ථානයකට එල්ල වූ බෝම්බ ප‍්‍රහාරයකින් එහි සිටි 44 දෙනෙකු ජීවිතක්ෂයට පත්ව ඇති බව විදෙස් මාධ්‍ය වාර්තා කර සිටියි. එම ප‍්‍රහාරයෙන් තවත් 150කට ආසන්න ප‍්‍රමාණයක් තුවාල ලබා ඇති බවද එම මාධ්‍ය සදහන් කරයි.

එක්සත් ජාතීන්ගේ සංවිධානයේ මානව හිමිකම් පිළිබද කොමසාරිස් මිචෙල් බැචලෙට් මේ පිළිබදව අදහස් දක්වමින් මෙය යුධ අපරාධයක් බවට සදහන් කර ඇත. එසේම මේ සම්බන්ධයෙන් ස්වාධීන පරීක්ෂනයක් සිදු කිරීමටද එක්සත් ජාතීන්ගේ සංවිධානය කටයුතු කරන බවද ඔහු සදහන් කර ඇත.

Comment (0) Hits: 479

ඉන්දියාවට ඕන විදියට ඇමෙරිකා ග‍්‍රීන් කාඩ්පත වෙනස් වෙයි

ඇමෙරිකා එක්සත් ජනපදයේ පදිංචිය සදහා විදේශිකයන් වෙත අවස්ථාව හිමිකර දෙන ග‍්‍රින් කාඩ්පත් ක‍්‍රමය සදහා නව නීතී සැකසීමට ඇමරිකාව පියවර ගෙන ඇත. එහිදී නව පනත ඉන්දියාවට වාසි සහගත ලෙස ඉදිරිපත් කිරීම කෙරෙහි අවධානය යොමුව ඇතැයි විදේශ මාධ්‍ය වාර්තා කරයි.

ඉහළ තාක්ෂණ කුසලතා සහිත සංක‍්‍රමණිකයන්ට සාධාරණත්වය යන්න තේමා කර ගනිමින් මෙවර පනත ඉදිරිපත් කිරීමට නියමිත අතර එම පනත ලබන සතියේදී පාර්ලිමේන්තුවට ඉදිරිපත් වනු ඇතැයි පැවසේ.

ඉන්දියාව සහ ඇමරිකා එක්සත් ජනපදය මේ වන විට මිත‍්‍ර රටවල් ලෙස විවිධ ගිවිසුම් වලටද එළඹ ඇති අතර ආසියාවේ ආධිපත්‍ය තහවුරු කර ගැනීම වෙනුවෙන් ඉන්දියාව කටයුතු කරමින් සිටියි.

Comment (0) Hits: 640

ඉරානය න්‍යෂ්ටික ගිවිසුම් කඩ කරයි

ඉරානය විසින් 2015 වසරේදී ලෝක බලවතුන් සමග ඇති කරගත් න්‍යෂ්ටික ගිවිසුමේ සීමාවන් උල්ලංඝනය කරමින් යුරේනියම් න්‍යෂ්ටික බන්ධන නිස්සාරණය කර ඇති බව අන්තර්ජාතික පරමාණුක බලශක්ති අධිකාරිය සදහන් කරයි.

ඒ හරහා ඉරානයට න්‍යෂ්ටික බලාගාර ඉන්ධන සපයා ගැනීමට මෙන්ම න්‍යෂ්ටික බෝම්බ නිෂ්පාදනයටද වැඩි ඉඩකඩක් ඇති බව එම අධිකාරිය වැඩි දුරටත් සදහන් කරයි.

මේ පිළිබදව අදහස් දැක්වූ ඉරාන බලධාරීන් සදහන් කර ඇත්තේ ඇමරිනුකානු ජනාධිපතිවරයා විසින් ඉරානයට විරුද්ධව ගනු ලැබූ පියවර හේතුවෙන් මේ ආකාරයේ ක‍්‍රියා සිදු කිරීමට කටයුතු කර ඇති බවයි.

කෙසේ වුවද මෙම ක‍්‍රියාව හරහා ඉරානයට දැඩි ප‍්‍රතිවිපාක වලට මුහුණ දීමට සිදුවන බව යුරෝපා සංගමය සදහන් කරයි.

Comment (0) Hits: 519

ට‍්‍රම්ප් - බ්‍රිතාන්‍ය තානාපති ගැටුමක්

ඇමෙරිකාවේ බ්‍රිතාන්‍ය තානාපතිවරයා සමඟින් තවදුරටත් කටයුතු කිරීමට බලාපොරොත්තු නොවන බව  ඇමෙරිකානු ජනාධිපති ඩොනල්ඩ් ට්‍රම්ප් පවසයි.

ජනාධිපතිවරයා විසින් ට්විටර් පණිවිඩයක් මිගින් තව දුරටත් සදහන් කර ඇත්තේ බ්‍රිතාන්‍ය අගමැතිනිය නුදුරේදීම ධුරයෙන් ඉවත්වීම සමස්ත බ්‍රිතාන්‍යයට යහපත් පුවතක් වනු ඇති බවයි.

අමෙරිකාවේ බ්‍රිතාන්‍ය තානාපති කිම් ඩරෝක් සමඟින් ඉදිරියේදී කිසිදු ගනුදෙනුවක් පවත්වා නොගන්නා බව අමෙරිකානු ජනාධිපති ඩොනල්ඩ් ට්‍රම්ප් පවසයි.

ට්‍රම්ප් පරිපාලනය අධාර්මික, අදක්ෂ හා මුග්ධ බවට බ්‍රිතාන්‍ය තානාපතිවරයා යැවූ බවට සදහන් විද්‍යුත් පණිවිඩයකට ප්‍රතිචාර දක්වමින් ට‍්‍රම්ප් විසින් මෙම ට්විටර් පණිවිඩය නිකුත් කර ඇත.

Comment (0) Hits: 495

කාබුල් අගනුවර බෝම්බ පිපිරීමක්. 34ක් මරුට

ඇෆ්ගනිස්තානයේ කාබුල් අගනුවර සිදුවූ බෝම්බ පිපිරීමකින් පුද්ගලයන් තිස් හතර දෙනෙක් මියගොස් ඇති බව වාර්තා වේ.

එහිදී හැටකට අධික පිරිසක් තුවාල ලබා ඇති බවද විදෙස් වාර්තා සඳහන් කරයි.

කාබුල් නගරයේ පිහිටි ආරක්ෂක අමාත්‍යාංශ ගොඩනැගිල්ල ඉදිරිපිටදී බෝම්බ පිරවූ ට්‍රක් රථයක් මෙසේ පුපරවා හැර ඇති අතර

ඒ සමග ගොඩනැගිල්ලට ඇතුල්වූ තලිබාන් තුවක්කුකරුවන් පිරිසක් වෙඩි තැබීමක්ද සිදුකර ඇතැයි එම වාර්තා වැඩි දුරටත් සදහන් කරයි.

 කාර්යබහුල වේලාවකදී සිදුවූ මෙම ප්‍රහාර වලින් බොහෝ පිරිසක් තුවාල ලැබූ බවයි විදෙස් වාර්තා සඳහන් කළේ.

 තුවක්කුකරුවන් පාලනය කිරීම සඳහා ආරක්ෂක අංශ ප්‍රතිප්‍රහාරයක්ද දියත් කර ඇති අතරබෝම්බ ප්‍රහාරයෙන් තුවාල ලැබූවන් ප්‍රතිකාර සඳහා රෝහල් ගතකර ඇත. ඔවුන් අතර ළමුන් තිහකට අධික පිරිසක් සිටින බව සදහන්ය.

 එමෙන්ම සිදුවීමන් මියගිය සංඛ්‍යාව තවදුරටත් ඉහළයා හැකි බවද එම වාර්තාවල සඳහන් කරයි.

 ඇෆ්ගනිස්තානයේ සටන් විරාමයක් ක්‍රියාත්මක කිරීම සම්බන්ධයෙන් ත්‍රස්තවාදී කණ්ඩායම් සමග හත් වන වටයේ සාකච්ඡා කටාර් රාජ්‍යයේදී ආරම්භ කර දින දෙකකට පසුව මෙම ප්‍රහාරය සිදුකර තිබීමත් විශේෂත්වයකි.

Comment (0) Hits: 597

යේමනයට කොළරාව

මේ වන විට යේමනය පුරා කොළරා රෝගය ඉතා සීඝ‍්‍රයෙන් ව්‍යාප්ත වෙමින් පවතින් බව එක්සත් ජාතීන්ගේ සංවිධානය සදහන් කර සිටියි.

මේ වසරේ ගත වු මාස කිහිපය තුළ කොලරා රෝගීන් හාර ලක්ෂ හැට දහසකට අධික පිරිසක් වාර්තා වි ඇති බව සදහන් කරන එක්සත් ජාතීන්ගේ සංවිධානය ඒ හේතුවෙන් 700කට අධික පිරිසක් මියගොස් ඇති බවද සදහන කරයි.

රෝගය වැළදී ඇති පිරිසෙන් ලක්ෂ 2ක පිරිසක් පාසල් සිසුන්ය.

පසුගියදා යේමනයට ඇති වූ ගංවතුර තත්වයත් සමග කොළරා රෝගය සීඝ‍්‍රයෙන් ව්‍යාප්ත වන්නට ඇති බව එක්සත් ජාතීන්ගේ සංවිධානයේ අදහසයි.

Comment (0) Hits: 512

කියුබාවේ ගමක් හදන්න ලංකාවෙන් මුදල්

සුළි කුණාටුවක් හේතුවෙන් හානියට පත් වු කියුබාවේ ගම්මානයක් නැවත ගොඩනැඟීම සඳහා ඇමරිකානු ඩොලර් 50,000 ක මුදලක් පරිත්‍යාග කිරීමට කැබිනට් මණ්ඩලයේ අනුමැතිය හිමිව ඇත.

කියුබාවට දැඩි හානි ගෙන දෙමින් මෙම වසරේ ජනවාරි මස ඇති වු සුළි කුණාටුවෙන් හානියට පත්ව ඇති හවනාහි රෙග්ලා ආශ්‍රිත ගම්මානයක් මෙලෙස සංවර්ධනය කිරීමට නියමිතය.

දෙරට අතර පවතින මිත්‍රත්වය තවදුරටත් තහවුරු කිරීම සඳහා මේ වසර වන විට දෙරට අතර රාජ්‍ය තාන්ත්‍රික සබඳතා ආරම්භ කර 60 වසරක් පිරීම වෙනුවෙන් මෙම මුදල් පරිත්‍යාග කිරීමට කටයුතු කර තිබීම විශේෂත්වයකි.

ඒ සදහා විදේශ කටයුතු අමාත්‍ය තිලක් මාරපන මහතා ඉදිරිපත් කල යෝජනාව සඳහා අමාත්‍ය මණ්ඩලය විසින් අනුමැතිය ලබා දී තිබේ.

Comment (0) Hits: 531

ග්‍රීක පාලක පක්ෂයට ජනතා අකමැත්ත

ග්‍රීක මැතිවරණයෙන් පාලක සරීසා පක්ෂය පරාජයට පත් වී ඇත. ජයගත් නව ප්‍රජාතන්ත්‍රවාදී පක්ෂයේ නායක කිරියාකොස් මිට්සොටෝකිස් එරට මීළඟ අගමැතිවරයා ලෙස තේරී පත්වීමට නියමිතය.

ජයග්‍රහණය පිළිබඳව අදහස් දක්වමින් ඔහු කියා සිටියේ ග්‍රීසියේ නව වෙනසක් කිරීම සඳහා ජනතාව තමන්ට ජනවරමක් ලබාදුන් බවයි.

නිකුත් වී තිබූ ප්‍රතිඵලවලට අනුව කිරියාකොස් මිට්සොටෝකිස් නායකත්වය දුන් නව ප්‍රජාතන්ත්‍රවාදී පක්ෂය 39.6 % ක ඡන්ද ප්‍රතිශතයක් ලබාගෙන මැතිවරණයේ පෙරමුණ ගෙන තිබූ අතර පාලක සරීසා පක්ෂයට ලබා ගැනීමට හැකිවුණේ සියයට 31.6% ක ඡන්ද ප්‍රතිශතයක් පමණි.

වාමාංශික පක්ෂයක් වන සරීසා පක්ෂයට නායකත්වය දුන් ග්‍රීක අගමැති ඇලෙක්සිස් සිප්‍රාස් 2015 සිට එරට පාලනය කළේය.

ග්‍රීක මැතිවරණ ක්‍රමය යටතේ පක්ෂයක් පාර්ලිමේන්තුවට තේරී පත්වීමට ජාතික මට්ටමෙන් සියයට 3 ක ඡන්ද ප්‍රතිශතයක් ඉක්මවා යා යුතු අතර ආසන 300 න් 250 කට මන්ත්‍රීවරුන් පත් වන්නේ සමානුපාතික ක්‍රමයක් යටතේයි.

මෙවර මැතිවරණයෙන් නව ප්‍රජාතන්ත්‍රවාදී පක්ෂයට පාර්ලිමේන්තුවේ ආසන 155ත් 167ත් අතර ප්‍රමාණයක් දිනාගනු ඇත.

වැඩිම ඡන්ද ප්‍රමාණය දිනාගන්නා පක්ෂයට ආසන 50 ක් ප්‍රසාද ලෙස හිමි වන අතර මෙම ප්‍රසාද ආසන ක්‍රමය මෙවර මහ මැතිවරණයෙන් පසු අවලංගු වීමද විශේෂත්වයකි.

Comment (0) Hits: 473

ඉරානයට දැඩි සම්බාධක

ඉරානයට එරෙහිව තවදුරටත් දැඩි සම්බාධක පනවන බව අමෙරිකානු ජනාධිපති ඩොනල්ඩ් ට්‍රම්ප් පවසා සිටියි.

ඊට අදාළ ලේඛනයට ද ජනාධිපති ට්‍රම්ප් ඊයේ අත්සන් කරනු ලැබීය.

දෙරට අතර අර්බුදය උග්‍රවී ඇති පසුබිමක අමෙරිකාව ඉරානයට එරෙහිව යළිත් සම්බාධක පනවා තිබීම විශේෂත්වයකි.

ඉරානයේ ආධ්‍යාත්මික නායක අයතුල්ලා අල් ඛමේනිද මෙම නව සම්බාධක වල ඉලක්කයක් වී තිබෙන බව මාධ්‍ය වාර්තා කරයි.

පසුගියදා ඉරානය විසින් අමෙරිකානු ඩ්‍රෝන යානයක් බිම හෙලනු ලැබූ අතර ඊට ප්‍රතිචාරයක් ලෙස සම්බාධක පැනවීම සිදුකර ඇති බව පැවසේ.

ඉරාන නායකයන් සමග සාකච්ඡාවකට තමා සූදානම් බව අමෙරිකානු ජනාධිපතිවරයා මීට පෙර ප්‍රකාශ කළද තමාට එරෙහි සම්බාධක ඉවත් කරන තුරු සාකච්ඡාවකට එක් නොවන බව ඉරානය පවසයි.

එමෙන්ම ට්‍රම්ප් රජය යුද පිපාසයකින් පෙලෙන බවටත් ඉරානය චෝදනා කර සිටියි.

මේ අතර සිය ට්විටර් ගිණුමේ සටහනක් තබමින් ඉරාන විදේශ ඇමති ජාවෙඩ් සරීෆ් සඳහන් කළේ අමෙරිකාව රාජ්‍ය තාන්ත්‍රිකභාවය අවමානයට පත් කිරීමට කටයුතු කර ඇති බවයි.

 

කෙසේ නමුත් මෙම වාතාවරණය තුළදී රාජ්‍ය තාන්ත්‍රික භාවය භාවිත කරන ලෙසත් ඉවසීමෙන් කටයුතු කරන ලෙසත් ජගත් සංවිධානය දෙපාර්ශවයෙන් ඉල්ලා ඇතැයිද සඳහන්ය.

 

එමෙන්ම මේ පිළිදව රුසියන් ජනපති පුටින් විසින් පසුගියදා අනතුරු අගවනු ලැබීය.

 

Comment (0) Hits: 536

ඉන්දුනීසියාවේ භූ කම්පනයක්

ඉන්දුනීසියාවේ මොලූක්කු මුහුදේ අද උදැසන භූ කම්පනයක් හටගෙන ඇති බව වාර්තා වේ. රික්ටර් මාපකයේ 7.1 ක ප‍්‍රභලත්වයකින් යුතුව සිදු ව ඇති එම භූ කම්පනය තුළින් මේ වන විටත් කිසිදු අනතුරක් සිදුව නොමැත.

සුලවේසි සහ මල්කුකූ දිවයින් අතර වන කිලෝ මීටර් 24ක් ගැඹුරු මුහුදේ මෙම භූ කම්පනය සිදු ව ඇතත් සුනාමි අනතුරුඅ හැගවීම් ක‍්‍රියාත්මක වී නොමැති බවද සදහන්ය.

Comment (0) Hits: 491

මැදපෙරදිග උණුසුම් : තෙල් මිලට සහ ගුවන් ගමන්වලට බලපෑම් !

1 2

යමක් ගිනිගෙන දැවෙන ආකාරය දැක්වෙන ඡායාරූපයක් ඉරානයේ රාජ්‍ය පුවත් ඒජන්සිය වන 'Irna' ආයතනය නිකුත් කර තිබිණි

හෝමස් සමුද්‍ර සන්ධිය ආසන්න ප්‍රදේශයකදී ඇමෙරිකාවට අයත් නියමුවන් රහිත ආරක්ෂක සෝදිසි මෙහෙයුම් යානයකට පහර දී බිම හෙළීමෙන් ඉරානය "විශාල අත්වැරද්දක්" සිදු කර ඇතැයි ඇමෙරිකානු ජනාධිපති ඩොනල්ඩ් ට්‍රම්ප් පවසයි.

කෙසේ වෙතත්, මාධ්‍යවේදීන් අමතමින් ඔහු ප්‍රකාශ කළේ, එය කිසිවෙකු අතින් සිදු වූ අත්වැරදීමක් (human error) මත සිදුවූවක් විය හැකි බවය.

"සිතාමතා සිදු කළ දෙයක් බව විශ්වාස කිරීමට අපහසුයි," යනුවෙන් ඔහු වැඩිදුරටත් සඳහන් කළේය.

ඇමෙරිකානු මාධ්‍ය වාර්තා කරන පරිදි එකට එක කිරීමක් වශයෙන් ඉරානයට ප්‍රහාර එල්ල කිරීමට ජනාධිපති ඩොනල්ඩ් ට්‍රම්ප් බ්‍රහස්පතින්දා අනුමැතිය ලබා දී ඇති නමුත් පසුව එම තීරණය වෙනස් කර ඇත.

අදාළ යානය සිය ගුවන් කලාපයට ඇතුළු වී ඇති බව ඉරානය පවසන අතර ඇමරිකාව එය ප්‍රතික්ෂේප කරයි.

නියමුවන් රහිත ඇමරිකානු යානයට ප්‍රහාර එල්ල වූයේ දෙරට අතර උණුසුම් තත්ත්වයක් වර්ධනය වෙමින් පවතින අතරතුරදීය.

2

නියමුවන් රහිත 'RQ-4 Global Hawk' යානයක්

ඉරාන විදේශ කටයුතු අමාත්‍ය ජවාඩ් සරිෆ් පැවසුවේ, ඇමෙරිකාව "අපට අයත් භූමි සීමාවට අනවසරයෙන් ඇතුළු වූ," බවට එක්ත් ජාතීන්ගේ සංවිධානය වෙත පැමිණිලි කරනු ඇති බවය.

අදාළ නියමුවන් රහිත යානය පැහැදිලි ලෙස ම ඔත්තු සේවා මෙහෙයුමක නිරත වූ අතර එය ජත්‍යන්තර නීතිය අමුඅමුවේ උල්ලංඝණය කිරීමක් බව ඉරානයේ, එක්සත් ජාතීන්ගේ තානාපති මජිඩ් ටක්ට් රාවන්චි පැවසීය.

එක්සත් ජාතීන්ගේ මහ ලේකම්වරයා සහ ආරක්ෂක කවුන්සිලය වෙත ලිපියක් යොමු කරමින් රාවන්චි පවසා ඇත්තේ, ඉරානය යුද්ධයක් අපේක්ෂා නොකළ අතර සතුරු ක්‍රියාකාරකම් හමුවේ සිය භූමිය ආරක්ෂා කිරීමට ඇති අයිතිය වෙනුවෙන් පෙනී සිටි බවය.

ට්‍රම්ප් කීවේ කුමක් ද?

3 1

ධවල මන්දිරයේදී අදහස් පළ කළ ජනාධිපති ඩොනල්ඩ් ට්‍රම්ප්, යානය බිම හෙළීම හැඳින්වූයේ, "නිරාකරණය වෙමින් පැවති ගැටලුවක් යළි ඇවිස්සූ," සිද්ධියක් ලෙසය.

ඔහු පැවසුවේ, අදාළ නියමුවන් රහිත යානය ජාත්‍යන්තර මුහුදු සීමාවට අයත් අහසේ පියාසර කළ අතර ඉරාන ගුවන් අවකාශයේ පියාසර නොකළ බවය.
"මම හිතන්නේ ඉරානයට අත්වැරැද්දක් වෙන්න ඇති - මට හිතෙන විදිහට කවුරුන් හෝ වැරදීමකින් යානයට ප්‍රහාර එල්ල කරලා තියෙන්නේ," ඔහු සඳහන් කළේය.

"ඒක කාගෙ හරි පිස්සු මෝඩ වැඩක්."

4

සෙසු ප්‍රතිචාර !
රුසියානු ජනාධිපති ව්ලැදිමීර් පුතින් අනතුරු අඟවා ඇත්තේ, ඇමෙරිකාව සහ ඉරානය අතර පවතින ගැටුම් "අනපේක්ෂිත ප්‍රතිවිපාක සහිත ව්‍යසනයක්" බවට පත් විය හැකි බවය.

මේ අතර, එක්සත් ජාතීන්ගේ මහ ලේකම් අන්තෝනියෝ ගුටරෙස් සියලු පාර්ශවවලින් ඉල්ලා ඇත්තේ, උපරිම ඉවසීමෙන් කටයුතු කරන ලෙසය.

ඇමෙරිකාවේ ඩිමොක්‍රටික් හවුස්හි කතානායක නැන්සි පෙලෝසි පැවසුවේ, ඉරානය සමග යුද වැදීමට ඇමෙරිකාවට රුචියක් නොමැති බවය.

මේ අතර, ඉරානයේ හැසිරීම "අනුමත කළ නොහැකි" බවට ඉරානය වෙත පණිවුඩයක් යැවීමට උත්සහ දරන බව සෞදි අරාබියේ විදේශ අමාත්‍ය අඩෙල් අල්-ජුබෙයිර් බීබීසී පුවත් සේවයට පැවසීය.

ඉන්ධන මිලට සහ ගුවන් ගමන්වලට බලපෑම් !

ඉහත කී සිදුවීමත් සමග ලෝක වෙළෙඳපළේ ඉන්ධන මිල 5%කින් ඉහළ ගොස් ඇති අතර ගුවන් ගමන්වලට ද බලපෑම් එල්ල වී ඇත.

යුනයිටඩ් එයාර්ලයින්ස් ගුවන් සමාගම ඇමෙරිකාවේ නිවෝර්ක් සිට ඉන්දියාවේ මුම්බායි දක්වා ගුවන් සේවා අත්හිටුවා තිබේ. ඒ, එම ගුවන් ගමන් ඉරාන ගුවන් අවකාශය හරහා වැටී තිබීම හේතුවෙනි. එම සමාගම පැවසුවේ, "දැඩි ආරක්ෂක විශ්ලේෂණයකින් අනතුරුව," එම තීරණයට එළඹි බවය.

මැදපෙරදිග උණුසුම: මෙතෙක් සිදුවූයේ කුමක් ද?

5
ඉරාන ගුවන් අවකාශය තුළදී නියමුවන් රහිත ඇමෙරිකානු "ඔත්තු සේවා" යානයකට පහර දී බිම හෙළූ බව ඉරානයේ රාජ්‍ය ආරක්ෂක හමුදා ශාඛාවක් වන ඉස්ලාම් විමුක්ති ආරක්ෂණ බළකාය පවසා තිබේ.

එරට රාජ්‍ය මාධ්‍ය වාර්තා කළේ, ඉරානයේ හෝමොස්ගන් පළාතේ කුමෝබාරක් ප්‍රදේශය ආසන්නයේදී අදාළ යානයට ආරක්ෂක හමුදා විසින් ප්‍රහාර එල්ල කරනු ලැබූ බවය.

ඇමෙරිකාව එය තහවුරු කරමින් පවසා ඇත්තේ, හෝමස් සමුද්‍ර සන්ධිය ඉහළින් පියාසර කරමින් තිබියදී ඉරාන ගුවන් මිසයිල ප්‍රහාරයකින් එම යානය කඩා වැටී ඇති බවය.

ඇමෙරිකානු නාවික හමුදාවට අයත් 'MQ-4C Triton' මාදිලියේ යානයකට එලෙස ප්‍රහාර එල්ල වී ඇති බව ඇමෙරිකානු නිලධාරියෙකු රොයිටර් පුවත් සේවයට පවසා තිබිණි.

මෙම සිද්ධිය වාර්තා වූයේ, මැදපෙරදිග කලාපයේ පවතින උණුසුම් තත්ත්වය හමුවේ අතිරේක හමුදා භටයින් 1000ක් එම කලාපයට යවන බවට ඇමෙරිකාව නිවේදනය කිරීමෙන් දින කිහිපයකට පසුවය.

ඕමාන් ගල්ෆ් කලාපයේදී ඉන්ධන ප්‍රවාහන නෞකාවලට බෝම්බ ප්‍රහාර එල්ල කළ බවට ඇමෙරිකාව ඉරානයට චෝදනා කළේය.

පසුගිය බ්‍රහස්පතින්දා ඕමාන් ගල්ෆ් කලාපයේදී ඉන්ධන නෞකා දෙකකට ප්‍රහාර එල්ල වූ අතර, ඊට මසකට පමණ පෙර එක්සත් අරාබි එමීර් රාජ්‍යයේ වෙරළ ආසන්නයේදී තවත් නෞකා 4ක් ඉලක්ක කර ප්‍රහාර එල්ල විය.

බ්‍රහස්පතින්දා සිදුවූ ප්‍රහාරය සම්බන්ධයෙන් ඇමෙරිකා එක්සත් ජනපදය ද ඉරානයට චෝදනා එල්ල කළ අතර ඉරානය එය ප්‍රතික්ෂේප කළේය.

(බීබීසී)

 

Comment (0) Hits: 573

හෙලිකොප්ටරයක් කඩා වැටී ඇමරිකානු බිලියනපතියා ජීවිතක්ෂයට

බහමාස් රාජ්‍යයේ දී සිදු වු හෙලිකොප්ටර් අනතුරකින් අැමෙරිකානු බිලියනපතියෙකු වන ක්‍රිස් ක්ලයින් මියගොස් ඇතැයි වාර්තා වේ.

හෙලිකොප්ටර් යානය කඩා වැටීමෙන් අනතුර සිදුව ඇති අතර එම අවස්ථාවේ තවත් පිරිසක් අදාළ යානය තුළ සිට ඇති බව විදෙස් මාධ්‍ය සදහන් කරයි.

බටහිර වර්ජිනියා ප්‍රාන්තයේ 62 හැවිරිදි ක්‍රිස්ටෝෆර් ක්ලයින් ව්‍යාපාර ගණනාවක හිමිකරුවෙකු වන අතර ඔහුගේ ආදායම අමෙරිකානු ඩොලර් බිලියන 1.9ක් පමණ වන බවද සඳහන්ය.

Comment (0) Hits: 594

බ්‍රිතාන්‍යයේ අගමැති වෙන්න දෙදෙනෙක් සූදානමින්

බ්‍රිතාන්‍යයේ මීළග අගමැතිවරයා තෝරාපත් කරගැනීමේ අවසන් ඡන්ද විමසීම සඳහා පාලක කන්සවේටිව් පක්ෂයේ බොරිස් ජොන්සන් සහ ජෙරමි හන්ට් සුදුසුකම් ලබා ඇතැයි විදෙස් මාධ්‍ය වාර්තා කරයි.

මේ අනුව බ්‍රිතාන්‍යෙය් මීලග අගමැතිවරයා ලබන මස අවසානයේදී තේරීපත් වනු ඇති බව විදෙස් පුවත් පවසයි.

බ්‍රිතාන්‍යෙය් පාලක කන්සවේටිව් පක්ෂ නායකත්ව සටනේ අවසන් තරගකරුවන් දෙදෙනා පසුගියදා තේරීපත් වුණි.

එහිදී හිටපු විදෙස් කටයුතු ලේකම්වරයා වූ බොරිස් ජොන්සන් සහ වත්මන් විදෙස් ලේකම් ජෙරමි හන්ට් දෙදෙනා නායකත්ව සටනේ අවසන් අදියර සදහා සුදුසුකම් ලබා ඇත.

මේ අනුව මොවුන් දෙදෙනාගෙන් පක්ෂ නායකත්වයට පත්වන තැනැත්තා බ්‍රිතාන්‍ෙය් මීලග අග්‍රාමාත්‍ය ධුරය සඳහාද තේරීපත් වනු ඇත.

පක්ෂ නායකත්වය තෝරාගැනීම සඳහා පක්ෂ අභ්‍යන්තරයේ ඡන්ද විමසීම් මාලාවක් පැවැත්වුණු අතර ඡන්දයේ පස්වැනි අදියර සඳහා ජොන්සන් හන්ට් සහ මයිකල් ගෝවේ ඉදිරිපත්වූ විය. එහිදී පක්ෂයේ පාර්ලිමේන්තු මන්ත්‍රීවරුන්ගේ ඡන්ද 160ක් ලබාගත් බොරිස් ජොන්සන් පහසු ජයක් ලබාගත්තේය.

දෙවැනි ස්ථානයට පත්වූ හන්ට් දිනාගැනීමට සමත්වුණේ ආසන 77ක් පමණි.

පක්ෂයේ පාර්ලිමේන්තු මන්ත්‍රීවරුන්ගෙන් අඩකට වඩා වැඩි පිරිසකගේ සහාය තමන් වෙත හිමි වීම ගෞරවයක් බව මේ සම්බන්ධයෙන් අදහස් දැක්වූ ජොන්සන් පවසා ඇත.

අට වසරකට පෙර ලන්ඩන් නගරාධිපතිවරයා බවට පත්වෙමින් කන්සවේටිව් පක්ෂයේ කැපීපෙනෙන ස්ථානයකට පත්වූ බොරිස් ජොන්සන් බ්‍රිතාන්‍යය යුරෝපා සංගමයෙන් වෙන්වීමේ බ්‍රෙක්සිට් මතවාදයේ නායකත්වය ද ඉසිලීය.

යෝජිත පරිදි ලබන ලබන ඔක්තෝබර් මස 31වැනිදා බ්‍රිතාන්‍යය යුරෝපා සංගමයෙන් ඉවත්වීමේ වැඩපිලිවෙල ක්‍රියාත්මක කිරීමේ හැකියාව තමන් සතු බවද පසුගියදා බොරිස් ජොන්සන් සඳහන් කළේය.

Comment (0) Hits: 520

Page 8 of 22