V2025

විදෙස්

කියුබාවේ ව්‍යවස්ථා සංශෝධනයක් ! 

පෞද්ගලික දේපළ අත්පත් කරගැනීම සඳහා ප්‍රථම වරට ඉඩ සළසමින් ව්‍යවස්ථා සංශෝධනයක් ඉදිරිපත් කිරීමට කියුබාව සැරසෙන බව විදෙස් මාධ්‍ය වාර්තා සඳහන් කරයි.

ඒ අනුව 1959 වසරේදී කියුබානු විප්ලවයෙන් ෆිදෙල් කස්ත්‍රෝ බලයට පැමිණීමෙන් 2011 වසරේ වරක් පමණක් සංශෝධනය වූ කියුබානු ව්‍යවස්ථාව වසර 7 කට පසුව යළිත් සංශෝධනයවීමට නියමිතව ඇත.

1959 කියුබානු විප්ලවයෙන් පසුව සැකසුණු ව්‍යවස්ථාවේ  පෞද්ගලික දේපළ අලෙවිය තහනම් කළ අතර, 2011 වසරේ එයට සංශෝධනයක් එක් කෙරිණ.

ඒ අනුව ඉදිරි සතියේ සිදුවන නව සංශෝධනය හරහා පෞද්ගලික දේපළ පරිහරණය සඳහා ඉඩ සළසමින් සකස් කර ඇති බව වාර්තා වන අතර ඒ  මගින් රාජ්‍ය ව්‍යවසාය පිළිබඳ නව විධිවිධානද ඇතුළත් කර ඇති බවද වාර්තා වෙයි.

එසේම නව කියුබානු ව්‍යවස්ථාව මේ වසරේදී ජනමත විචාරණයකටද ලක් කෙරෙනු ඇති බවද වාර්තා වෙයි.

Comment (0) Hits: 219

අමෙරිකානු උප ජනාධිපති  විෂ සහිත සර්පයෙක් :   නිකොලස් මදුරෝගෙන් චෝදනා !

අමෙරිකානු උප ජනාධිපති මයික් පෙන්ස්   විෂ සහිත සර්පයෙකු බව වෙනිසියුලානු ජනාධිපති නිකොලස් මදුරෝ විසින් චෝදනා කර ඇත.

විදෙස් මාධ්‍ය වාර්තා කරන ආකාරයට අමෙරිකානු උප ජනාධිපතිවරයා විසින් වෙනිසියුලානු ජනාධිපති නිකොලස් මදුරෝ ඒකාධිපතියෙකු ලෙස හඳුන්වමින් අවස්ථා කිහිපයකදීම චෝදනා කීරිමට ප්‍රතිචාර වශයෙන් වෙනිසියුලානු ජනාධිපතිවරයා මේ බව ප්‍රකාශ කර ඇත.

වෙනිසියුලාවට එරෙහි සම්බාධක දීර්ඝ කරන ලෙස පවසමින් අමෙරිකාව ඉදිරියේ දණ නමා ඇති බවට ද නිකොලස් මදුරෝ යුරෝපා සංගමයට ද චෝදනා කර ඇති බවද  විදෙස් මාධ්‍ය වැඩිදුරටත් සඳහන් කර තිබේ.

Comment (0) Hits: 171

නවාස් ෂරීෆ් අත්අඩංගුවට !

පාකිස්තානයේ හිටපු අගමැති නවාස් ෂරීෆ් ඊයේ  (13) ලාහෝර් ගුවන් තොටුපොළේදී අත්අඩංගුවට ගනු ලැබිණි. 

ඒ එංගලන්තයේ ලන්ඩන් නුවර සුඛෝපභෝගී නිවාස සංකීර්ණයක් මිලදී ගැනීම සම්බන්ධයෙන් එල්ල වී තිබෙන දූෂණ චෝදනා වලට වරදකරු කරමින් පාකිස්තාන අධිකරණයක් ඉකුත් දා හිටපු අගමැතිවරයාට වසර දහයක සිර දඬුවමක් නියම කිරීම නිසාය.

එම දඬුවමට එරෙහිව අභියාචනයක් ඉදිරිපත් කිරීම සඳහා ලන්ඩනයේ සිට පාකිස්තානයට පැමිණි අවස්ථාවේදී මෙසේ  හිටපු අගමැතිවරයා සමඟ ඔහුගේ දියණිය ද අත්අඩංගුවට පත්වූ අතර නවාස් ෂරීෆ්ට සහාය දක්වන පාක්ෂිකයන්ගේ විරෝධතා නැවැත්වීම සඳහා ආරක්ෂක අංශ නගරයේ ස්ථාන කිහිපයක ස්ථාන ගත කිරීමට පාකිස්තාන බලධාරීන් කටයුතු කර තිබූ බවද විදෙස් මාධ්‍ය වාර්තා කරයි.

එළඹෙන 25 වනදා පැවැත්වෙන පකිස්තාන මැතිවරණය හමුවේ නවාස් ෂරීෆ්ගේ මුස්ලිම් ලීගය  ඉම්රාන් ඛාන්ගේ පක්ෂය සමඟ ප්‍රබල තරගයකට මුහුණ දී සිටින අතර හිටපු අගමැතිවරයාව අත්අඩංගුවට ගැනීම ඔහුගේ පක්ෂයට දැඩි බලපෑමක් කරනු ඇති බවද විදෙස් මාධ්‍ය වාර්තා කර ඇත.

මේ අතර  හිටපු ක්‍රිකට් ක්‍රීඩක ඉම්රාන් ඛාන්ගේ පක්ෂයට පාකිස්තානයේ ආරක්ෂක අංශවල සහාය හිමිවන බවට ද චෝදනා එල්ල වී තිබේ.

Comment (0) Hits: 180

සෞදි කාන්තාවන්ට රිය පැදවීමට අවසර !

මානව හිමිකම් ක්‍රියාකාරින් හා සංවිධාන විසින් දීර්ඝ කාලයක් තිස්සේ ගෙන ගිය අරගලයක ප්‍රතිඵලයක් ලෙස  සෞදි කාන්තාවන්ට අද (24) රිය පැදවිමේ අවසරය ලබාදී ඇත.මෙතෙක් ලොව කාන්තාවන්ට  රිය පැදවීමට අවසර හිමිනොවූ එකම රට ලෙස ඉතිහාසගතව සිටියේ ද  සෞදියේ කාන්තාවන්ය. 

කාන්තාවන්ට රිය පැදවීමට පැවති තහනම ඉවත් කිරීමත් සමඟ මේ වන විට ඔවුන් බහුතරයක් මෝටර් රථ පැදවීමේ අවසර පත්‍ර ලබා ගැනීමට සහ රියදුරු පුහුණුව සඳහාද යොමුවෙමින් සිටින බව විදෙස් මාධ්‍ය සඳහන් කරයි.

Comment (0) Hits: 192

ඇමරිකානු ගුවන් සේවය : ප්ලාස්ටික් භාවිතයෙන් ඉවත් වෙයි !

ඇමරිකානු ගුවන් සේවය මේ මස සිට ප්ලාස්ටික් භාවිතයෙන් ඉවත් වන බව ජුලි 10 වනදා  නිවේදනය කර ඇති බව විදෙස් මාධ්‍ය වාර්තා කරයි.
 
එහිදී භාවිත කළ ප්ලාස්ටික්වලින් නිෂ්පාදිත බීමට භාවිතා කර ගන්නා කප්, බීම බට වැනි දිරාපත් නොවන ද්‍රව්‍යවලින් සම්පූර්ණයෙන්ම ඉවත් වන බව ප්‍රකාශ කර ඇත.
 
ඒවා වෙනුවට පිදුරු හා දැව වැනි දිරාපත් වන ද්‍රව්‍යවලින් නිෂ්පාදිත උපකරණ භාවිතා කරන බවත්  පරිසර හිතකමි ඇඳුම් පැළඳුම් වෙත මාරු වන බවටත් ගුවන් සමාගම නිවේදනය කර ඇත.
 
එමෙන්ම මේ මස සිට ආරම්භ වන මෙම ගුවන්යානා සංකීර්ණවල සියළුම ගුවන්තොටුපොළවල් සහ පරිසර හිතකාමී විකල්පයන් භාවිතා කිරීම ආරම්භ කරන බව ගුවන් සමාගම සඳහන් කරයි.
 
සමාගම ගත් මෙම පියවර මගින් වාර්ෂිකව ප්ලාස්ටික් රාත්තල් 71,000 ක් තුරන් කිරීමට හැකි වනු බවද සමාගම ගණන් බලා ඇත.
 
ඇමරිකානු ගුවන් සේවා සමාගමේ උපසභාපති ජිල් සර්ඩෙක් සඳහන් කර සිටින්නේ  සමාගම හරිත විකල්පයන් වෙත මාරු කටයුතු කළ බවයි.
එසේම "පරිසරය කෙරෙහි  මෙම ද්‍රව්‍යවලින් වන බලපෑම නතර කර අනාගත පරම්පරාව සඳහා ලෝකය තිරසාර කිරීමට අපේ කොටස ඉටු කිරීමට අපි කැපවී සිටිමු" ලෙසද ඔහු සඳහන් කර ඇත.
 
ඇමරිකන් එයාර්ලයින්ස් යනු ලොව විශාලතම ගුවන් සේවා සමාගම වන අතර, ප්ලාස්ටික් භාවිතයෙන් ඉවත් වී පිදුරු භාවිතයට ලක් වූ විශාලතම සමාගම් අතරින් එකක් ලෙස හැඳින්විය හැකිය.
 
එමෙන්ම 2020 වර්ෂය වන විට එය සියළුම ගබඩා තුළ ප්ලාස්ටික් පිදුරු කඩිනමින් විසුරුවා හරින බවයි.

Comment (0) Hits: 155

තුර්කි හමුදා කුමන්ත්‍රණයේ 47ක් : වසර 2කට පසුව අත්අඩංගුවට

වසර දෙකකට පෙර තුර්කියේ සිදුවූ හමුදා කුමන්ත්‍රණයට සම්බන්ධ 47 දෙනෙකු එරට පොලීසිය විසින්  අත්අඩංගුවට ගෙන ඇති බව විදෙස් මාධ්‍ය වාර්තා කරයි.

එම වාර්තා සඳහන් කරන ආකාරයට මෙසේ අත්අඩංගුවට පත්ව තිබෙන්නේ  ඇමරිකාවේ වාසය කරන ප්‍රකට ඉස්ලාම් දේශකයෙකු වන ෆෙතුල්ලා ගුලන්ගේ අනුගාමිකයින් පිරිසක්ය.

තුර්කියේ මහමැතිවරණය සහ ජනාධිපතිවරණය අද (24) පැවැත්වීමට නියමිතව තිබියදී මෙම අත්අඩංගුවට ගැනීම් සිදුව තිබීම විශේෂත්වයක් බවද විදෙස් මාධ්‍ය වාර්තාවල සඳහන් වෙයි.

Comment (0) Hits: 186

පැය 24 ක් ඇතුළත බ්‍රිතාන්‍ය ඇමතිවරු 2ක්  ඉල්ලා අස්වෙති

බ්‍රිතාන්‍යය යුරෝපා සංගමයෙන් ඉවත්වීමේ ක්‍රියාදාමය සම්බන්ධයෙන් මතු වී තිබෙන දේශපාලන අර්බුදය හමුවේ බ්‍රිතාන්‍ය විදේශ ලේකම් බොරිස් ජොන්සන් සිය පදවියෙන් ඉල්ලා අස් වී තිබේ.

විදේශ ලේකම්වරයා ඉල්ලා අස්වූයේ බ්‍රිතාන්‍යය යුරෝපා සංගමයෙන් ඉවත්වීම (බ්‍රෙක්සිට්) සම්බන්ධ අමාත්‍ය ඩේවිඩ් ඩේවිස් ඉල්ලා අස්වීමෙන් පැය කිහිපයකට පසුවය.

අගමැතිනි තෙරේසා මේ ඉදිරිපත් කළ බ්‍රෙක්සිට් සම්බන්ධ සිය සැලසුම බොහෝ මන්ත්‍රීවරුන්ගේ කෝපයට හේතු වී තිබෙන අතර, බොරිස් ජොන්සන් සිය ඉල්ලා අස්වීම නිවේදනය කළේ අගමැතිනිය සිය සැලසුම පාර්ලිමේන්තුවට ඉදිරිපත් කිරීමට විනාඩි 30 කට කලිනි.

හිටපු විදේශ ලේකම්වරයාට ස්තුතිය පුදකරමින් නිවේදනයක් නිකුත් කළ අගමැති කාර්යාලය, ඉක්මනින්ම නව විදේශ ලේකම්වරයෙකු පත්කරන බව දැනුම් දුන්නේය.

බොරිස් ජොන්සන්ගේ ඉල්ලා අස්වීමත් සමග "ඉතා අපහසු සහ දුෂ්කර තත්වයකට" පත්ව සිටි අගමැතිනි තෙරේසා මේ, "දරුණු අර්බුදයක්" දක්වා ඇද දැමීමට "ඉඩ තිබෙන" බව දේශපාලන කටයුතු පිළිබඳ බීබීසී සංස්කාරකවරිය ලෝරා කුසේන්බර්ග් පවසයි.

සඳුදා සවස් යාමයේ කොන්සර්වේටිව් පක්ෂ මන්ත්‍රීවරුන් සමග සාකච්ඡාවකට පෙරාතුව අදහස් දැක්වූ අගමැතිවරියගේ නිල ප්‍රකාශකයා, අගමැතිනිය පදවියෙන් ඉවත් කිරීමට උත්සාහ කළහොත් ඇය එයට එරෙහිව සටන් වදිනු ඇතැයි කියා සිටියේය.

2019 මාර්තු 29 වෙනි දින බ්‍රිතාන්‍යය යුරෝපා සංගමයෙන් ඉවත්වීමට නියමිතය. එහෙත් ඉන් අනතරුව දෙපාර්ශ්වය අතර වෙළෙඳ සම්බන්ධතා පැවැත්වෙන්නේ කෙලෙස ද යන්න සම්බන්ධයෙන් දෙපාර්ශවය තවමත් එකඟත්වයකට පැමිණ නැත.

(බීබීසී)

Comment (0) Hits: 241

ඇමරිකාවට එරෙහි යුරෝපා තීරුබදු : අද සිට ක්‍රියාත්මකයි !

ජනපති ඩොනල්ඩ් ට්‍රම්ප්ගේ වෙළෙඳ ප්‍රතිපත්තියට විරෝධය දැක්වීමක් වශයෙන්  අමෙරිකානු භාණ්ඩ සඳහා තීරුබදු පැනවීමට යුරෝපා සංගමය පියවර ගෙන ඇති අතර එය අද (22) සිට ක්‍රියාත්මක බව විදෙස් මාධ්‍ය වාර්තා සඳහන් කරයි.

ඊට අනුව යුරෝ බිලියන 2.8ක වටිනාකමින් යුත් අමෙරිකාවෙන් යුරෝපයට ආනයනය කෙරෙන භාණ්ඩ සඳහා මෙම තීරුබදු පැනවීම සිදුවේ..
 
ඒ අනුව මත්පැන් විශේෂ , යතුරු පැදි ,  ආහාර , ඩෙනිම් ඇතුළු ඇඟලුම්  යන අමෙරිකානු නිෂ්පාදන ගණනාවක්  යුරෝපා සංගම් තීරු බද්දට යටත් වනු ඇත.

නව බදු ප්‍රතිපත්තිය සම්බන්ධයෙන් අදහස් දක්වමින් යුරෝපා සංගම් සභාපති ජීන් ක්ලෝඩ් ජන්කර් සඳහන් කර සිටින්නේ  අමෙරිකාව යුරෝපා සංගමයට බදු පැනවීම සියලු න්‍යායන්ට හා ඉතිහාසයට එරෙහි කටයුත්තක් බවය.

අමෙරිකාවට ආනයනය කෙරෙන වානේ මත 25%ක සහ ඇලුමිනියම් මත 10%ක තීරුබද්දක් හඳුන්වා දෙන බව ජනපති ඩොනල්ඩ් ට්‍රම්ප් පසුගිය මාර්තු මාසයේදී නිවේදනය කල අතර ඒ අනුව  මේ මස පළමු වන දා සිට යුරෝපා සංගමය කැනඩාව, මෙක්සිකෝව ඇතුළු රටවල් ගණනාවකට එම තීරුබදු ක්‍රියාත්මක වෙමින් ඇත.

Comment (1) Hits: 252

තායිලන්ත ගුහාවේ අතුරුදහන්වූ දරුවන් හමුවේ : ඒත් ඉවතට ගැනීම ප්‍රශ්නයක් ! 

දින 9 ක් තිස්සේ තායිලන්තයේ ගුහාවක් තුළ සිරවී සිටි පාපන්දු කණ්ඩායමේ (පිරිමි) දරුවන්  12 දෙනා  සහ ඔවුන්ගේ පුහුණුකරු ඊයේ (2) දා දුෂ්කර  මෙහෙයුමකින් පසු සොයා ගත් බව විදෙස් මාධ්‍ය වාර්තා කරයි.

ඒ  එම ලෙන් මුඛයේ සිට කිලෝමීටර් 4ක් පමණ ඈතින් පිහිටි  කුඩා වියළි ස්ථානයක රැඳී සිටියදීය. එහිදී ඔවුන්ව පළමුව සොයාගෙන ඇත්තේ බ්‍රිතාන්‍ය ජාතික කිමිදුම් කරුවන් දෙදෙනෙකු වන අතර ඒ අවස්ථාවේ එම කණ්ඩායම දැඩි කුසගින්නකින් පසුව ඇති බවද සඳහන් වෙයි.

උතුරු තායිලන්තයේ චියෑන්ග් රායි පළාතේ පිහිටි තාම් ලුආන්ග් නොන් නමැති මෙම ගුහාව අධික වර්ෂාව නිසා ජලයෙන් යටවී තිබූ බැවින් මොවුන් බේරාගැනීම සදහා දුෂ්කර  ජීවිතාරක්ෂක මෙහෙයුමක් දියත් කිරීමට සිදුව ඇති අතර මේ වන විට එම කණ්ඩායම  බේරාගත් නමුත් ඔවුන්ව ගුහාවෙන් එළියට ගැනීම ප්‍රශ්නයක් වී ඇති බවද විදෙස් වාර්තා සඳහන් කරයි.

ඒ එම ගුහාවේ විශාල ප්‍රමාණයක් ජලයෙන් යටවී ඇති නිසාය. එහෙයින් ජීවිතාරක්ෂක කණ්ඩායම් වල අදහස වී ඇත්තේ එම කණ්ඩායම ගුහාවෙන් පිටතට ගැනීමට නම් ඔවුන් වෙත පිහිනුම් සහ කිමිදුම් පුහුණුවක් ලබාදිය යුතුව ඇති බවත් එමෙන්ම ගංවතුර පහව යන තුරු ගුහාවේ විසීමට පුහුණු කිරීමටද සිදුවන බවය.

එසේම මාස හතරක පමණ කාලයකට අවශ්‍ය ආහාර ඇතුළු ජලයද සහ අනෙකුත් අත්‍යාවශ්‍ය ද්‍රව්‍යද ලෙන තුළට සැපයීමට සිදුව ඇති බවද ඔවුන් සඳහන් කර ඇත.
මෙම  දරුවන් 12 දෙනා වයස අවුරුදු 11 ත් 16 ත් පසුවන අතර පුහුණුකරු වයස අවුරුදු 25 ත් පසුවන අතර මෙම කණ්ඩායම  අතුරුදහන් වී ඇත්තේ ජූනි 23 දා සිටය. 

ඇමෙරිකා එක්සත් ජනපදය, බ්‍රිතාන්‍ය ද ඇතුලු රටවල විශේෂ හමුදා  කණ්ඩායම්වල සහය මීට ලැබී ඇති අතර  1,000 කට අධික පිරිසක් මෙම ජීවිතාරක්ෂක මෙහෙයුමට දායකවූ බවද වාර්තා වෙයි.

images 14

Comment (0) Hits: 239

ජෙනීවා මානව හිමිකම් කවුන්සිලයෙන් ඇමරිකාව ඉවත් වෙයි !

රටවල් 47 කින් සමන්විත  එක්සත් ජාතීන්ගේ මානව හිමිකම් කවුන්සිලයෙන් ඉවත් වීමට  ඇමෙරිකා එක්සත් ජනපදය තීන්දු  කර ඇතැයි විදෙස් මාධ්‍ය වාර්තා සඳහන් කරයි.

මෙයට හේතු වී ඇත්තේ මානව හිමිකම් කොමසාරිස්‌ සෙයිද් රාද් හුසේන් ඒක පාක්‌ෂිකව කටයුතු කරන බවට ඇමරිකාව චෝදනා නැගීමය.

ඊශ්‍රායලය සම්බන්ධව මානව හිමිකම් කොමසාරිස්‌ කටයුතු කරන්නේ ඊශ්‍රායල් විරෝධී පිළිවෙතක්‌ බවටද ඇමරිකාවේ මතය වී ඇත.

මානව හිමිකම් කවුන්සිලයේ ක්‍රියා කලාපය ගැන ඊශ්‍රායලයද දැඩි විරෝධතාවයක්‌ එල්ල කර තිබේ.

මාධ්‍ය වාර්තාවල දැක්වෙන ආකාරයට ජිනීවා  පදනම් කරගනිමින් ක්‍රියාත්මක වන එක්සත් ජාතීන්ගේ මානව හිමිකම් කවුන්සිලය ප්‍රතිසංස්කරණයකට ලක්විය යුතු යැයි ඇමෙරිකා එක්සත් ජනපදය නිරන්තරයෙන් සඳහන් කළ අතර එසේ නොකළහොත් ඉන් ඉවත් වන බවට මීට පෙර අවස්ථා කිහිපයකදීම අවධාරණය කර ඇත.

ඇමෙරිකා එක්සත් ජනපද නිලධාරීන් සහ එක්සත් ජාතීන්ගේ මානව හිමිකම් කවුන්සිල නිලධාරීන් අතර පසුගිය සතියේදී සාකච්ඡා කිහිපයක් පවත්වා ඇති බවත් ඇමෙරිකා එක්සත් ජනපද ඉල්ලීම් සපුරාලීමට එක්සත් ජාතීන්ගේ මානව හිමිකම් කවුන්සිල නිලධාරීන් අසමත් වී තිබෙන අතර ඒ හේතුවෙන් අදාළ සාකච්ඡා අසාර්ථක වී ඇති බවද එහි සඳහන්ය.

මේ අතර විදෙස් මාධ්‍ය වාර්තා පෙන්වා දෙන්නේ ට්‍රම්ප් පාලනය ආරම්භයේ සිටම ඇමෙරිකා එක්සත් ජනපදය සහ එක්සත් ජාතීන්ගේ සංවිධානයේ මානව හිමිකම් කවුන්සිලය ඇතුළු විවිධ සංවිධාන අතර අර්බුද ඇතිවූ බවත් ඇමෙරිකා ජනාධිපතිවරයා අවස්ථා කිහිපයකදීම එක්සත් ජාතීන්ගේ සංවිධානය විවේචනය කරමින් බරපතළ චෝදනා එල්ලකර ඇති බවය.

එසේම ඇමෙරිකා ජනාධිපතිවරයාගේ සංක්‍රමණික ප්‍රතිපත්ති හේතුවෙන් ඇමෙරිකා-මෙක්සිකෝ දේශසීමාවේදී දරුවන් මාපියන්ගෙන් වෙන් වීම ද ඉකුත් දා එක්සත් ජාතීන්ගේ මානව හිමිකම් කවුන්සිලයේ මහ කොමසාරිස් සෙයිද් රාද් අල් හුසේන්ගේ විවේචනයටද ලක්ව ඇති බවද එහි සඳහන්ය.

මීට පෙර ජෝර්ජ් ඩබ්. බුෂ් ජනාධිපතිවරයාගේ ධුර කාලයේදී ඇමෙරිකා එක්සත් ජනපදය වසර තුනක් එක්සත් ජාතීන්ගේ මානව හිමිකම් වර්ජනය කල අතර ඇමෙරිකාව නැවත එක්සත් ජාතීන්ගේ මානව හිමිකම් කවුන්සිලයට එක්වූයේ ජනාධිපති බැරැක් ඔබාමාගේ ධුර කාලයේදීය.

Comment (0) Hits: 279

මෙක්සිකෝ ජනාධිපතිවරණයේ ජය වාමාංශික අපේක්ෂක ලෝපේස්ට !

මෙක්සිකෝවේ ඊයේ (01) පැවැති ජනාධිපතිවරණයෙන් වාමාංශික අපේක්ෂකයා  වූ ඇන්ඩ්‍රෙස් මැනුවෙල් ලෝපේස් ජයග්‍රහණය කර ඇත.

එහිදී  ඇන්ඩ්‍රෙස් මැනුවෙල් ලෝපේස්  53%ක ඡන්ද ප්‍රතිශතයක් ලබා ගෙන ඇති අතර විදෙස් මාධ්‍ය වාර්තා කර සිටින්නේ  දෙවැනි ස්ථානය හිමි කරගෙන ඇති අපේක්ෂකයාට වඩා දෙගුණයක  ඡන්ද ප්‍රතිශතකයක් ලබා ගැනීමට ලෝපේස් සමත්ව ඇති බවය. 

"මෙක්සිකෝ සිටි" හී හිටපු නගරාධිපතිවරයාද  වන ලෝපේස්  ජනාධිපතිවරණයෙදී ජනතාවට ලබාදී ඇති ප්‍රධාන පොරොන්දුව වී ඇත්තේ රට තුළ පවතින දුෂණය තුරන් කරන බවය. ඒ පිළිබඳ එරට වැසියන් මෙන්ම මාධ්‍යද දැඩි අවධානයකින් පසුවන බවද විදෙස් මාධ්‍ය වාර්තා වල සඳහන්ව ඇත.

මේ අතර පාලක විප්ලවවාදී පක්ෂය ඉදිරිපත් කළ අපේක්ෂකයාට  ජනාධිපතිවරණයේදී ලැබී ඇත්තේ  තුන්වන ස්ථානය වන අතර මෙය  පසුගිය කාලයක් පුරාවට  මෙම විප්ලවාදී පක්ෂය විසින් මෙක්සිකානු දේශපාලනය තුළ පවත්වාගෙන සිටි  ආධිපත්‍යය දෙදරා යාමක් ලෙස විචාරයකයින් හඳුන්වාදී ඇත.

Comment (0) Hits: 166

ජපානයේ ප්‍රබල භුමිකම්පාවක් !

ජපානයේ සිදුවූ භූමිකම්පාවකින් පුද්ගලයින් හතරදෙනෙකු මියගොස් තවත් 200ක පමණ පිරිසක් තුවාල ලබා ඇති බව විදෙස් මාධ්‍ය වාර්තා කරයි.

ජපානයේ ඔසාකා ප්‍රදේශය ආශ්‍රිතව මෙම භූ කම්පනය සිදුව ඇති අතර එය රික්ටර් මාපාංක 6.1ක ප්‍රබලත්වයකින් සටහන්ව ඇති ප්‍රබල භූ කම්පනයක් බවද එම වාර්තා සඳහන් කර සිටියි.

එහෙත් මේ හමුවේ  සුනාමි අවධානමක් නොමැති බවද එම වාර්තා සඳහන් කරන අතර   උදෑසන, කාර්යබහුල වේලාවක  මෙම භූමිකම්පාව නිසිදුවීම නිසා හානි වැඩිවී ඇති බවද  සඳහන් වෙයි.

Comment (0) Hits: 202

පැවතෙන ජාතිය අමතක කරන්න : මහතීර් යෞවනයෙන් ඉල්ලයි ! 

තමන් පැවතෙන ජාතිය අමතක කොට සියල්ලන් ශුද්ධ මැලේසියානුවන් ලෙස සිතිය යුතු බව අග්‍රාමාත්‍ය ධුරයට නැවත පත්වූ මහතීර් මොහොමඩ් එරට  යොවුන් පරපුරෙන් ඉල්ලීමක් කර තිබෙන බව විදෙස් මාධ්‍ය වාර්තා කරයි.

සිංගප්පූරු රූපවාහිනී සේවාව සමඟ සම්මුඛ සාකච්ඡාවකට සහභාගි වෙමින් අමාත්‍යවරයා මේ බව සඳහන් කර ඇති අතර  මැලේසියාව බහුවාර්ගික, බහුභාෂා, බහු ආගමික රටක් පමණක් නොව බහු සංස්කෘතික දේශයක් ලෙස සැළකිය යුතු බවද අවධාරණය කර ඇතැයි ද වාර්තා වේ.

 එසේම පැවතෙන ජාතිය අමතක කොට සියල්ලන් එක්ව අවබෝධයෙන් කටයුතු කළ යුතු බවත් රටේ සංවර්ධනයට එය අත්‍යාවශ්‍ය බවද මහතීර් අග්‍රාමාත්‍යවරයා එහිදී පෙන්වාදී ඇති බවද වැඩිදුරටත් වාර්තා වෙයි.

මැලේසියාවේ ජනගහණයෙන් සියයට 70 ක් ස්වදේශිකයන් වන අතර, හතරෙන් එකක් චීන සම්භවයක් සහිතය. ඉන්දියානුවන් ඇතුලු අනෙකුත් ජාතීන්ගෙන්ද  මැලේසියානු ජනගහණය සමන්විත වන අතර එහි ජාතිකත්ව පදනමින් වාද විවාද මතුවුවද  1969 වසරෙන් පසු මැලේසියාවේ වාර්ගික ගැටුමක් ඇතිවී නැත.

Comment (0) Hits: 191

ඉන්දියාව උග්‍ර ජල හිඟයක් අභිමුව !

ඉතාම නුදුරු කාලයකදී ඉන්දියාවට ඉතිහාසයේ දරුණුතම ජල හිඟයට මුහුණදීමට සිදුවනු ඇතැයි අධ්‍යයනයකින් හෙළිවී තිබෙන බව විදෙස් මාධ්‍ය වාර්තා සඳහන් කරයි.

ඉන්දීය රජය වෙනුවෙන් සකස්කර ඇති  එම අධ්‍යයන වාර්තාවට අනුව ඉන්දියාවේ  මිලියන 600ක ජනතාවක් එම  ජල හිඟයට සෘජුව  මුහුණදෙනු ඇති අතර මේ වන විටත් ජාල හිඟය හේතුවෙන් පීඩාවට පත්වන ප්‍රදේශ මේ හමුවේ බරපතල අවධානමකට ලක්වනු ඇති බවද එහි සඳහන්ව ඇති බවද වාර්තා වෙයි.

එමෙන්ම ප්‍රමාණවත් ජල සැපයුමක් නොමැතිවීමෙන් වාර්ෂිකව ඉන්දීය ජනගහණයෙන් දෙලක්ෂයකගේ ජීවිත අහිමි වන තත්ත්වයක් ඇති බවත් ඒ   හේතුවෙන් මීට කඩිනම් විසඳුම් සකස් කිරීමට ඉන්දීය රජයේ අවධානය යොමුකරවන්නටද එම වාර්තාව නිර්දේශ කර ඇත.

ගෝලීය ජල සම්පත්වලින් සියයට 04ක් ඉන්දියාව සතුවුවත් ලෝක ජනගහණයෙන් සියයට 16 ක් තරම් අති විශාල ජනගහණයක් එරට සතුවීම හේතුවෙන් පවතින ජල සම්පත් පවා බෙදා හැරීමේ දුෂ්කරතා පවතී.

Comment (0) Hits: 200

කෑම සහ ඉන්ධන අවභාවිතා කළාට හමුදා නිලධාරියාට මරණ දඬුවම !

තම භට කණ්ඩායම් සහ ඔවුන්ගේ පවුල්වලට සීමාව ඉක්මවා අතිරේක ආහාර  සහ ඉන්ධන සැපයීමේ වරදට  උතුරු කොරියානු මහජන හමුදාවේ උසස් නිළධාරියෙකුට මරණ දඩුවම නියම කර තිබෙන බව විදෙස් මාධ්‍ය වාර්තා කරයි.

එහි සඳහන් ආකාරයට අදාළ කටයුත්තේදී එම නිලධාරියා  හමුදා නීතිය සහ කම්කරු පක්ෂයේ නීති උල්ලංඝණය කල ඇති බව සඳහන් කරමින් මෙම දඬුවම නියමකර තිබේ.

උතුරු කොරියානු නායක කිම් ජොන් අන් විසින් එම නියෝගය සිදු කර ඇති අතර දඬුවම නියම වූ හමුදා නිළධාරියා උතුරු කොරියානු හමුදාවේ ලුතිතන් කර්නල්වරයෙකු බව ද  විදෙස් මාධ්‍ය සදහන් කරයි.

Comment (0) Hits: 189

FIFA තරගාවලියට : ත්‍රස්ත සංවිධාන අනතුරු අඟවයි !

රුසියාවේ පැවැත්වෙන 2018 ලෝක ශුරතා පාපන්දු තරගාවලිය ඩ්‍රෝන බෝම්බ ප්‍රහාරයක් එල්ල කිරීමට ඉඩ ඇති බවට ත්‍රස්ත සංවිධාන  අනතුරු අඟවා ඇතැයි විදෙස් මාධ්‍ය වාර්තා කරයි.

අයි.එස් සංවිධානයද  මීට පෙර වීඩියෝ දර්ශන පෙළක් සමඟ   ලෝක කුසලාන පාපන්දු තරගාවලියට ප්‍රහාර එල්ල කරන බවට අනතුරු ඇඟවූ අතර  පාපන්දු තරගාවලියේ තරග පැවැත්වෙන ක්‍රීඩාංගන විනාශ වන අයුරු එම විඩියෝවල  ප්‍රදර්ශනය කර තිබිණ.

ඉරාකය සහ සිරියාව කේන්ද්‍ර කරගනිමින් ක්‍රියාත්මක වන අයි.එස් සංවිධානය ත්‍රස්ත සංවිධානයක් ලෙස නම් කර ඇත. කෙසේ වුවත් රුසියාව සඳහන් කර ඇත්තේ තම රටේ ක්‍රීඩාංගන ආශ්‍රිතව ශක්තිමත් ආරක්ෂාවක් යොදවා ඇති බවය. එසේම ආරක්ෂක අංශ ඕනෑම අවස්ථාවකට මුහුණදීම සඳහා සූදානම් බවද ඔවුන් දැනුම්දී ඇති බවද මාධ්‍ය වාර්තා වල දැක්වේ.

Comment (0) Hits: 192

කැපිටල් ගැසට් පුවත්පත් කාර්යාලයට වෙඩි ප්‍රහාරයක් !

අමෙරිකාවේ මේරිලෑන්ඩ් ප්‍රාන්තයේ පිහිටි කැපිටල් ගැසට් නම් පුවත්පත් ආයතනය වෙත එල්ලවූ වෙඩි ප්‍රහාරයකින් පුද්ගලයින් 5 දෙනෙකු මියගොස් තවත් තිදෙනෙක් තුවාල ලබා ඇති බව විදෙස් මාධ්‍ය වාර්තා සඳහන් කරයි.

jarrodramosමේරිලෑන්ඩ් ප්‍රාන්තයේ පිහිටි කැපිටල් ගැසට් නම් අමෙරිකානු පුවත්පත් කාර්යාලයේ ප්‍රවෘත්ති කාමරය තුළට එහි වීදුරු දොර ඔස්සේ වෙඩි ප්‍රහාරය එල්ල කර ඇත්තේ 20 හැවිරිදි තරුණයකු වන අතර මේ වන විටත් එම  සැකකරු අත්අඩංගුවට ගෙන ප්‍රශ්න කරමින් සිටින බව මේරිලෑන්ඩ් පොලිසිය සඳහන් කරන බවද  එම මාධ්‍ය වාර්තා සඳහන් කර සිටියි.

සාරා සැන්ඩර්ස්ගේ  ට්වීටර් සටහන 

Capturesaras

මේ අතර සිද්ධිය සම්බන්ධයෙන් අදහස් දක්වමින් අමෙරිකානු ජනපතිගේ මාධ්‍ය ලේකම් සාරා සැන්ඩර්ස් ප්‍රකාශ කර ඇත්තේ  මෙය අහිංසක මාධ්‍යවේදීන්ට එල්ල වූ ප්‍රහාරයක් බවත් සිත් පිත් නැති ප්‍රචණ්ඩකාරී දුෂ්ඨ ප්‍රහාරය දැඩි ලෙස හෙළා දකින බවත් ය.

Dg1MITIXcAAACs4

Comment (0) Hits: 200

රයිසින් කාශ්මීර් පුවත්පතේ කර්තෘවරයාව වෙඩි තබා ඝාතනය කරයි !

කාශ්මීරයේ ශ්‍රී නගර්හිදී සන්නද්ධ ප්‍රහාරයකින් ඝාතනයට ලක්වූ රයිසින් කාශ්මීර් පුවත්පතේ කර්තෘ සුජාට් බුකාරිගේ(52) අවමංගල්‍ය කටයුතු  15 වනදා සිදුකර ඇති අතර ඊට දහස් සංඛ්‍යාත පිරිසකගේ සහභාගීත්වයක් පැවති බව ඉන්දීය මාධ්‍ය වාර්තා සඳහන් කරයි.

යතුරුපැදියකින් මුහුණු ආවරණය කරගෙන පැමිණි 3 දෙනෙකු පසුගිය 14 වනදා ඔහුව වෙඩි තබා ඝාතනය කළ අතර, එම සිදුවීම  CCTV කැමරාවල සටහන් වී තිබූ බවද  ඉන්දීය මාධ්‍ය වාර්තා කර ඇත.

කාශ්මීරයේ බෙදුම්වාදී අරගලය පිළිබඳ වාර්තාකරණය හේතුවෙන් සුජාට් බුකාරි වෙත ත්‍රස්තවාදීන්ගේ තර්ජන පැවති බවත් එම වාර්තාවල සඳහන්ව ඇත.

සුජාට් බුකාරි අවසන් වරට නිකුත් කළ ට්විටර් පුවත වී ඇත්තේ කාශ්මීර ජනතාවගේ මානව හිමිකම් උල්ලංගණය වීම පිළිබඳව ජගත් මානව හිමිකම් කොමසාරිස්වරයාගේ ප්‍රකාශයකි.

Captureaswe

Comment (0) Hits: 193

Page 4 of 11