විදෙස්

හමාස් සංවිධානය භාරයේ සිටින, නිදහස් කිරීමට නියමිත, ඉතිරි ප්‍රාණ ඇපකරුවන් පිලිබඳ නාම ලේඛනය සහ ඊශ්‍රායල හමුදා භාරයේ පසුවන පලස්තීන සිරකරුවන්ගේ නාම ලේඛනය අද (08), දෙපාර්ශ්වය අතර හුවමාරු වූ බව එම සංවිධානය නිවේදනයක් මගින් දන්වා සිටී. ඒ, ඊජිප්තුවේ පැවැත්වෙන ගාසා සටන් විරාම සාකච්ඡා අතරතුර ය.

එක්සත් ජනපද ජනපති, ට්‍රම්ප් විසින් ඉදිරිපත් කර ඇති, කරුණු 20කින් සමන්විත, අදියර කිහිපයකින් යුත් එම සටන් විරාම යෝජනාවලියේ පළමු අදියර ක්‍රියාවට නැංවෙන නිශ්චිත කාල වකවානු පිලිබඳ, දෙපාර්ශ්වය මෙතෙක් අවසන් තීරණයකට එළැඹ නැත. කෙසේ වෙතත්, ඒ සඳහා ඉක්මන් පියවර ගන්නා ලෙස සියළු මැදහත් පාර්ශ්ව බල කර සිටිති.

ඊශ්‍රායල අග්‍රාමාත්‍ය බෙන්ජමින් නෙතන්යාහුගේ සමීපතමයකු වන එරට උපාය මාර්ගික කටයුතු පිලිබඳ අමාත්‍ය, රොන් ඩර්මර් (Ron Dermer) අද සාකච්ඡා පිණිස සහභාගී වීමට නියමිතය. තුර්කි රාජ්‍යයේ බුද්ධි විශේෂඥයකු වන ඉබ්‍රහිම් කාලින් ( Ibrahim Kalin) ද ඊට එක්වේ.

හමාස් සංවිධානය, ගාසා තීරයේ තිරසර සහ පූර්ණ සටන් විරාමයක් ඉල්ලා සිටී. ඒ සඳහා ඊශ්‍රායල හමුදා ගාසා තීරයෙන් මුළුමනින් ඉවත් විය යුතු බවත්, පලස්තීන ජාතික තාක්ෂණික කමිටුවක් යටතේ, එහි පූර්ණ ප්‍රතිසංස්කරණ වහා ආරම්භ කළයුතු බවත්, ඔවුහු අවධාරණය කරති.

එසේනම්, හමාස් සංවිධානය නිරායුධ විය යුතු බවට ඊශ්‍රායල පාර්ශ්වයෙන් වන යෝජනාව, එම සංවිධානය තරයේ ප්‍රතික්ෂේප කරයි.

ඊශ්‍රායලය සහ හමාස් සංවිධානය වහා දැනට පවතින සටන් නතර කර දෙපාර්ශ්වය අතර ප්‍රාණ ඇපකරුවන් සහ පලස්තීන සිරකරුවන් හුවමාරු කර ගැනීමේ කටයුතු කඩිනම් කළ යුතු බව එක්සත් ජනපද මතයයි.

 (සටහන | Reuters ඇසුරින්; හර්ෂ උදයකාන්ත පීරිස්)
(This email address is being protected from spambots. You need JavaScript enabled to view it.)
10/8/2025

ඉන්දියාවේ හිමාචල් ප්‍රදේශ් (Himachal Pradesh) කඳුකර ප්‍රාන්තයේ බස් රථයක් මතට ඊයේ (07), පස් කන්දක් කඩා වැටී සිදු වූ අනතුරකින්  15 දෙනකු ජීවිතක්ෂයට පත් ව ඇතැයි වාර්තා වේ.  

අනතුරින්, කුඩා දරුවන් දෙදෙනකු  තුවාළ  ලබා තවත්  දරුවකු අතුරුදන් ව ඇතැයි, ජාතික විපත් ප්‍රතිචාර බලකායේ  (NDRF) සහකාර අණදෙන නිලධාරී  කරම් සිඞ් (Karam Singh) මාධ්‍යයට පැවසීය.

මියගිය පිරිස අතර, පිරිමි පුද්ගලයින් 9  දෙනෙක්,  කාන්තාවන් සිව්  දෙනෙක් සහ කුඩා දරුවන් දෙදෙනක් වෙති.  

පස් කන්ද නාය යාමෙන් යටවූ බස් රථයේ සුන් බුන්වලට සිරවී  සිටි එහි ගමන් ගත මගීන් 18 දෙනකු සොයා මුදා ගැනීම් කණ්ඩායම් වහා මෙහෙයුම් දියත් කළහ. පසුගිය දින කිහිපය පුරා  ප්‍රදේශයේ පවතින අධික වර්ෂාපතනය හේතුවෙන් මෙම අනතුර සිදුව තිබේ.

ඉන්දීය හිමාල කලාපය වෙත  සතිය පුරා ඇදහැළෙන අධික වර්ෂාපතනයෙන් ප්‍රදේශයේ ජල ගැලීම් රැසක් ද හට ගෙන තිබේ.

එම අයහපත් කාලගුණික තත්ත්වයෙන්  සිදු වූ අනතුරු වලින්, බටහිර බෙන්ගාල ප්‍රාන්තයේ දාර්ජීලින් (Darjeeling) දිස්ත්‍රික්කයේ පමණක් පුද්ගලයින් 23 දෙනකු පමණ ජීවිතක්ෂයට පත්වී ඇතැයි, වාර්තා වේ. එම අනතුරුවලින් අසල්වැසි නේපාලයේ මියගිය  සංඛ්‍යාව 50ක් වන අතර මහාමාර්ග, නිවාස සහ දේපල රැසක් ද ජලයෙන් යටවී විනාශව  තිබේ.


(සටහන | Reuters ඇසුරින්; හර්ෂ උදයකාන්ත පීරිස්)
(This email address is being protected from spambots. You need JavaScript enabled to view it.)
10/8/2025



Death toll climbs to 15 after landslide hits bus in India's Himachal Pradesh

ගාසා වාසීන්ට ආධාර රැගෙන මධ්‍යධරණී මුහුදේ යාත්‍රා කරමින් තිබූ  සිය  'ගාසා ෆ්‍රීඩම්' (Gaza Freedom) සිවිල් යාත්‍රා මුළුවට අද (08)  ඊශ්‍රායල හමුදා ප්‍රහාර එල්ල කළ බව එහි සංවිධායකයෝ පැවසූහ. පලස්තීන ප්‍රදේශය කරා යාත්‍රා කරමින් තිබු එම  යාත්‍රා රැසකට ඊශ්‍රායල හමුදා බාධා කළ බවද ඔවුහු කියා සිටිති.

එම යාත්‍රා මත නැගි ඊශ්‍රායල හමුදා, එහි සන්නිවේදන කටයුතු කඩාකප්පල්  කළ බව ද වාර්තා වේ.

(සටහන | Reuters ඇසුරින්; හර්ෂ උදයකාන්ත පීරිස්)
(This email address is being protected from spambots. You need JavaScript enabled to view it.)
10/8/2025


Gaza aid flotilla says Israeli forces attack convoy, intercept several boats

එක්සත් ජනපද ජනපති ඩොනල්ඩ් ට්‍රම්ප් ගෙන ආ කරුණු 20කින් යුත් සාම යෝජනාවලියට හමාස් සංවිධානය කොන්දේසි සහිතව ඊයේ (07) සිය ප්‍රසාදය පළ කළේය.

කටාර් අගමැති සහ එක්සත් ජනපද ජ්‍යෙෂ්ඨ සාම නියෝජිතයෝ, ඊශ්‍රායලය සහ පලස්තීන හමාස් සංවිධානය සමග වක්‍ර සාකච්ඡාවලට සහභාගී වීම  පිණිස ඊයේ ඊජිප්තුව වෙත  ලඟා වූහ.  

ගාසා ගනුදෙනුව සාර්ථක වනු ඇතැයි ධනාත්මක මතයක පසු වන බව ජනපති ට්‍රම්ප්  පැවසීය. එක්සත් ජනපද විශේෂ නියෝජිත ස්ටීව් විට්කොෆ් (Steve Witkoff) සහ  ජනපති ට්‍රම්ප් ගේ බෑණා  වන   ජෙරාඩ් කුෂ්නර් (Jared Kushner) ද ඊජිප්තුව බලා පිටත් වූ එක්සත් ජනපද නියෝජිත පිරිස අතර වෙති. කුෂ්නර්, ජනපති ට්‍රම්ප් ගේ පළමු ධුර කාලයේ ඔහුගේ  මැද පෙරදිග විශේෂ නියෝජිත ලෙස ද කටයුතු කළේය.

සිය සාම සැලැස්ම හුදු ගාසා තීරය  පමණක් නොව  සමස්ත මැද පෙරදිග කලාපයම ඉලක්ක කර සකස් කළ එකක් බව වොෂින්ටනයේදී, මාධ්‍ය  ඇමතූ ජනපති ට්‍රම්ප් කියා  සිටියේය.

ඊජිප්තුවේ පැවැත්වෙන අද (08) සාකච්ඡා  පෙර දෙදිනටම වඩා සාර්ථක වනු ඇතැයි   අනුමාන කෙරේ. එක්සත් ජනපද ජ්‍යෙෂ්ඨ නියෝජිතයින් සහ කටාර් අග්‍රාමාත්‍ය, ෂෙයික් මොහම්මෙද් බින් අබ්දුල්රහ්මාන් අල්-තානි   (Sheikh Mohammed bin Abdulrahman al-Thani)  ද ඊට සහභාගී වීමට නියමිතය. ගාසා සාම  සැලැස්ම සහ ප්‍රාණ ඇපකරුවන් නිදහස් කිරීම පිලිබඳ කරුණු අද සාකච්ඡාවන්ට ඇතුළත් වේ.  


(සටහන | Reuters ඇසුරින්; හර්ෂ උදයකාන්ත පීරිස්)
(This email address is being protected from spambots. You need JavaScript enabled to view it.)
10/8/2025



Hamas says on war anniversary it's ready to reach Gaza deal, but conditions remain

විභාග වෙමින් පැවැති නඩුවක විත්තිකරු විසින් ඇල්බේනියාවේ අභියාචනාධිකරණ විනිසුරු මඬුල්ලේ සභාපති විනිසුරුට වෙඩි තබා ඝාතනය කොට ඇත.

මෙසේ ඝාතනය වී ඇත්තේ, ඇස්ට්‍රිට් කලාජා නම් වන අභියාචනාධිකරණ විනිසුරුවරයායි.

තිස් හැවිරිදි වියේ පසුවන සැකකරු එම ස්ථානයෙන් පළා ගිය නමුත් පසුව පොලිස් අත්අඩංගුවට පත්ව ඇත.

ඔහු භාවිත කළ බවට විශ්වාස කෙරෙන රිවෝල්වරය ද සොයා ගත් බව පොලිසිය පවසයි.

මෙම සැකකරු නඩු විභාගයට සහභාගී වූ පියෙකුට සහ පුතෙකුට ද වෙඩි තබා ඇත. ඔවුන් දෙදෙනා ද රෝහල වෙත ගෙන යන ලද අතර ඔවුන්ට සිදුවූ තුවාලවලින් ජීවිත තර්ජනයක් නොමැති බව සඳහන් වෙයි.

අදාළ නඩුව දේපළ ආරවුලක් සම්බන්ධව පැවති නඩුවක් බව ඇල්බේනියානු පුවත්පත් කියයි.

ඇල්බේනියාවේ අගමැති එඩි රාමා විනිසුරු කලාජාගේ පවුලට සිය ශෝකය පළ කරමින් “විනිසුරුවරයාට එරෙහිව සිදුකළ සාපරාධී අපරාධයට උපරිම දඬුවම් හිමි වනු ඇතැයි” ප්‍රකාශ කර ඇත.

එසේ ම, මෙම ඝාතනය අධිකරණ අභ්‍යන්තර ආරක්ෂක පද්ධතිය පිළිබඳ අවධානය යොමු කරවන බව ද පැවසීය.

ඇල්බේනියානු ජනාධිපති බජ්රාම් බෙගාජ් මෙම ඝාතනය “සමස්ත අධිකරණ පද්ධතියට එරෙහි දරුණු ප්‍රහාරයක්” ලෙස හෙළා දැක ඇත.

( mawbima)

Albanian judge shot dead in court by man during trial

ඉකුත් සති අන්තයේ, හදිසි හිම කුණාටුවකට  මැදි වූ තිබ්බතයේ නැගෙනහිර මුහුණතේ පිහිටි  කලාපයේ, එවරස්ට් කඳු තරණයේ  යෙදී සිටි 200කට අධික කඳු නගින්නන් පිරිසක්  මුදා ගැනීමට මෙහෙයුම් දියත් කර ඇතැයි වාර්තා වේ.   ඊයේ (06) ආරම්භ වූ එම මුදා ගැනීමේ මෙහෙයුම් අද (07) අවසන් වීමට නියමිතය.

එවරස්ට් තරණයේ යෙදී සිටියදී, එම  හිම කුණාටුව හේතුවෙන් තිබ්බතයේ  කර්මා (Karma) නිම්නයේ  අතරමං  වී සිටි  350කට අධික පිරිසක් ප්‍රාදේශීය මුදා ගැනීමේ  කණ්ඩායම් විසින් ආරක්‍ෂිත ස්ථාන කරා රැගෙන ඒමට කටයුතු කෙරිණි. ආරක්‍ෂිත ස්ථාන කරා ලඟා වීමට,  දැඩි හිම පතන මධ්‍යයේ කි. මී. 18ක -  19ක දුරක් 'පයින්' ගමන් කිරීමට ඔවුන්ට සිදු විය.  

ඔක්තෝබර 1 දා ඇරඹි ජාතික දින නිවාඩු සමයේ එවරස්ට් කඳු  තරණයට චීන ජාතිකයින් රැසක්  එක්ව සිටි බව වාර්තා වේ.  මුහුදු මට්ටමේ සිට මීටර් 4,200ක උසකින් පිහිටි කර්මා නිම්නයේ හදිසි හිම කුණාටුව සිකුරාදා (03) සන්ධ්‍යාවේ හට ගත්තේය. එය සෙනසුරාදා (04) දිනයේද  අඛණ්ඩව පැවතිණි.

මීට ශත වර්ෂයකට පමණ ඉහත, බටහිර රටවල කඳු නගින්නන් විසින් මුලින්ම තරණය කරන ලද කර්මා නිම්නය, එවරස්ට් කලාපයේ පිහිටි අති  පෞරාණික කොටසක් සේ සැලකේ.



(සටහන | Reuters ඇසුරින්; හර්ෂ උදයකාන්ත පීරිස්)
(This email address is being protected from spambots. You need JavaScript enabled to view it.)
10/7/2025


Evacuation of stranded Everest trekkers set to wrap up on Tuesday, source says

කුරුළු උණ හේතුවෙන් උතුරු නෙදර්ලන්තයේ කුකුළු ගොවිපළක කුකුළන් 71,000කට අධික සංඛ්‍යාවක් විනාශ කිරීමට පියවර ගෙන තිබේ.

ඉකුත් මාර්තු මාසයෙන් පසුව, එරටින් කුරුළු උණ රෝගය වාර්තා වූ ප්‍රථම අවස්ථාව මෙය වේ.

රෝගය ව්‍යාප්ත වීමේ අවදාම අවම බැවින්, ගොවිපළ කුකුළන් අභ්‍යන්තරයේ තබා ආරක්ෂා කිරීම දැනට අනවශ්‍ය බව රජය කියයි.

කෙසේ වෙතත්, රෝග ව්‍යාප්තියේ අන්තරයාකර බව තවදුරටත් අධ්‍යයනය පිණිස, කුරුළු රෝග විශේෂඥයින් නුදුරේදීම හමු වීමට නියමිතය.


(සටහන | Reuters ඇසුරින්; හර්ෂ උදයකාන්ත පීරිස්)
(This email address is being protected from spambots. You need JavaScript enabled to view it.)
10/7/2025


Netherlands to cull 71,000 chickens after bird flu detection

එක්සත් ජනපද ගුවන් තොටුපොළ රැසක් කාර්ය මණ්ඩල ගැටළු හේතුවෙන් ප්‍රමාදයට ලක්වේ. ඊයේ (06) සිට එරට නෙවාර්ක් (Newark ) සහ ඩෙන්වර් (Denver) ඇතුළු ගුවන් තොටුපොළ රැසක ගුවන් ගමන් පාලකවරු 'ලෙඩ නිවාඩු' වාර්තා කර සේවයෙන් වැළකී සිටින බව වාර්තා වේ.

එක්සත් ජනපද ෆෙඩරල් රජය අදියරෙන් අදියර වසා දැමීමට, ජනපති ට්‍රම්ප් ගත් තීරණයත් සමග මෙම ගැටළුකාරී තත්ත්වය හට ගෙන තිබේ. එම තීරණයත් සමග බොහෝ රාජ්‍ය ආයතන අර්ධ වශයෙන් හෝ මුළුමනින්ම වසාදැමීමට පියවර ගැනෙමින් පවතී. ෆෙඩරල් රාජ්‍ය ආයතන පවත්වාගෙන යාම පිණිස, කොන්ග්‍රසය විසින් අදාළ අය වැය හෝ තාවකාලික අරමුදල් අනුමත නොකිරීම ඊට හේතුවයි.

බොහෝ රාජ්‍ය ආයතනවල සේවකයින් වැටුප් රහිත අනිවාර්ය නිවාඩු යැවීමට පියවර ගෙන ඇති අතර තවත් පිරිස් වෙත නියමිත් වැටුප් පොරොත්තුවෙන් තොරව සේවයේ යෙදීම අනිවාර්ය කර තිබේ. ඒ අනුව, ගුවන්තොටුපොළ වැනි ආයතන අත්‍යවශ්‍ය සේවා ලෙස නම් කර ඇත. කෞතුකාගාර, ජාතික වනෝද්‍යාන සහ තවත් පරිපාලන ආයතන රැසක් අත්‍යවශ්‍ය සේවා කාණ්ඩයෙන් ඉවත් කොට තාවකාලිකව වසා දැමීමට පියවර ගෙන තිබේ.

අත්‍යවශ්‍ය සේවා කාණ්ඩයට අයත් ගුවන් ගමන් පාලකවරුන් 13,000කට සහ ප්‍රවාහන ආරක්ෂක පරිපාලන නිලධාරීන් 50,000කට අධික පිරිසකට වැටුප් පොරොත්තුවෙන් තොර සේවය අනිවාර්ය කර ඇත. ඒ අනුව, මෙම මස 14 දිනට අපේක්ෂිත ඔවුන්ගේ මීළඟ වේතනපත නියමිත දිනට නොලැබී යාමේ අවදානමක් ඇතැයි ඔවුහු කියා සිටිති.

ඉකුත් සතියේ ෆෙඩරල් රාජ්‍ය ආයතන වසා දැමීම ඇරඹීමත් සමග ඇතැම් ප්‍රදේශවල ගුවන් තොටුපොළ කාර්ය මණ්ඩල ද 50%කින් කපා දැමීමට රජය පියවර ගත්තේය.

ගුවන් ගමන් පාලකවරුන්ගේ ගැටළු හේතුවෙන් නෙවාර්ක්, ෆීනික්ස් ( Phoenix), ඩෙන්වර්, ලාස් වේගාස් (Las Vegas) සහ බර්බෑන්ක් ( Burbank) ඇතුළු ගුවන් තොටුපොල රැසක ගුවන් ගමන් බෙහෙවින් අඩාල ව ඇතැයි, ෆෙඩරල් ගුවන් සේවා අධිකාරිය (FAA) පැවසීය. ඊයේ දිනය තුළ පමණක්, එක්සත් ජනපද ගුවන්තොටුපොළ වෙතින් පිටත්වන සහ ඒ වෙත ලඟා වන ගුවන් යානා 4000කට අධික සංඛ්‍යාවක් ප්‍රමාදයන්ට ලක් වූ බව වාර්තා වේ.


(සටහන | Reuters ඇසුරින්; හර්ෂ උදයකාන්ත පීරිස්)
(This email address is being protected from spambots. You need JavaScript enabled to view it.)
10/7/2025



Staffing issues cause delays at US airports as shutdown persists

රාත්‍රිය පුරා ඊයේ හැළුණු රුසියානු මිසයිල සහ ඩ්‍රෝන වර්ෂාවකින් යුක්‍රේනයේ 05 දෙනකුවත් ජීවිතක්ෂයට පත් වී ඇතැයි වාර්තා වේ. රුසියානු ප්‍රහාරයෙන් නිවාස සහ විදුලි ජනන මධ්‍යස්ථාන ඇතුළු පොදු දේපළ රැසක් ද විනාශ වී තිබේ.

මිය ගිය පස් දෙනාගෙන් සිව් දෙනෙක් එකම පවුලේ සාමාජිකයෝ වෙති.

පෝලන්ත දේශ සීමාව ආසන්නයේ පිහිටි ලුවීව් (Lviv) හි කර්මාන්ත උද්‍යානයක් ද ප්‍රහාරයෙන් ගිනිගෙන දැවෙමින් ඇතැයි යුක්‍රේන මාධ්‍ය ප්‍රකාශ කළේය. ප්‍රදේශවාසීන්ට නිවෙස් තුළම ආරක්ෂාව සලසා ගන්නා ලෙස දැනුම් දී තිබේ.

යුක්‍රේනයේ හමුදා කාර්මික උද්‍යාන, ගෑස් සහ බලශක්ති ජනන මධ්‍යස්ථාන ඉලක්ක කර දැවැන්ත ප්‍රහාරයක් එල්ල කළ බව රුසියානු හමුදා ඊයේ (05) ප්‍රකාශ කළහ.
රුසියානු ප්‍රහාරය මිසයිල 50කට සහ ඩ්‍රෝන 500කට අධික සංඛ්‍යාවකින් සමන්විත වූ බව යුක්‍රේන ජනපති වොලොද්මීර් සෙලෙන්ස්කි (Volodymyr Zelenskiy) පැවසීය.

(සටහන | Reuters ඇසුරින්; හර්ෂ උදයකාන්ත පීරිස්)
(This email address is being protected from spambots. You need JavaScript enabled to view it.)
10/5/2025

Five killed, energy infrastructure damaged in Russian air attack on Ukraine

නේපාලයේ ඉකුත් සිකුරාදා (03) සිට ඇද හැළෙන ධාරාණිපාත වර්ෂාපතනය සහ ආශ්‍රිත විපත් හේතුවෙන් 47 දෙනකුවත් ජීවිතක්ෂයට පත්ව ඇතැයි, එරට විපත් කළමනාකරණ නිලධාරීහු පැවසීය.

නාය යෑම් සහ හදිසි ගංවතුර හේතුකොට මාර්ග රැසක් අවහිර වී ඇතැයි වාර්තා වේ.

ඉන්දියානු දේශසීමාව ආසන්නයේ පිහිටි නැගෙනහිර ඉලම් (Ilam) දිස්ත්‍රික්කයේ සිදු වූ නාය යෑමකින් පුද්ගලයින් 35දෙනෙක් ජීවිතක්ෂයට පත් වූහ.

ගංවතුරට හසු වීමෙන් තවත් පුද්ගලයින් 09දෙනෙක් අතුරුදන්ව ඇති අතර, අකුණු සැර වැදීමෙන් තිදෙනෙක් ජීවිතක්ෂයට පත් වූහ.

මේ අතර නැගෙනහිර ඉන්දියානු දේශ සීමාවේ පිහිටි බටහිර බෙංගාලයට අයත් කඳුකර කලාපයක් වන දර්ජීලින් (Darjeeling) හි අධික වැසි හේතුවෙන් හට ගත් නාය යෑම් වලින් පුද්ගලයින් 07දෙනකු වත් ජීවිතක්ෂයට පත්ව ඇතැයි වාර්තා වේ. ප්‍රදේශය පුරා විසිරි සුන් බුන් අතර තිබී මළසිරුරු 07ක් හඳුනාගත් බව නේපාල මාධ්‍ය පවසයි.

නාය යෑම් හේතුවෙන් නේපාලයේ ප්‍රධාන සහ අධිවේගී මාර්ග අවහිරව තිබේ. මාර්ගයේ ධාවනය වෙමින් පැවති මෝටර් රථ එහි සිරවී සිය ගණනක් මගීහු අතරමං ව සිටිති.

දේශීය ගුවන් ගමන් ද සම්පූර්ණයෙන් අඩාලව පවතී. එහෙත්, ජාත්‍යන්තර ගුවන් සේවා සාමාන්‍ය පරිදි ක්‍රියාත්මක බව කත්මණ්ඩු ජාත්‍යන්තර ගුවන් තොටුපොළ දන්වා සිටී.

අග්නිදිග නේපාලයේ කොෂී (Koshi) ගංගාවේ ජල මට්ටම අන්තරායකර සීමාව ඉක්මවා ඇතැයි වාර්තා වේ. වාර්ෂිකව නැගෙනහිර ඉන්දියාවේ බිහාර් ප්‍රාන්තයේ මාරාන්තික ජලගැලීම් හට ගැනෙන්නේ එම ගංගාව පිටාර ගැලීමෙනි. අන්තරායකර ජල මට්ටම හේතුවෙන් ගංගාවේ වාන් දොරටු 56ම විවෘත කර ඇතැයි සුන්සාරි (Sunsari ) දිස්ත්‍රික් ආණ්ඩුකාර ධර්මේන්ද්‍ර කුමාර් මිශ්‍රා (Dharmendra Kumar Mishra) පැවසීය. සාමාන්‍ය තත්ත්වයහිදී විවෘත්ත කෙරෙන්නේ වාන් දොරටු 10ත්, 12ත් අතර සංඛ්‍යාවක් පමණක් බව ද ඔහු කියා සිටියේය.

අන්තරායකර කාලගුණික තත්ත්වය හේතුවෙන් කොෂී ගංගාව හරහා පිහිටි පාලම මතින් මෝටර් රථ ධාවනය තහනම් කර තිබේ.

ගංගා රැසක් පිටාර ගැලීමෙන්, කත්මන්ඩු අගනුවර සියළු මාර්ග ජලයෙන් යටවී නිවාස රැසකට හානි සිදුවී තිබේ. අගනුවරට පිවිසෙන සියළු මාර්ග ජලයෙන් යටවීමෙන්, එහි සිට සෙසු ප්‍රදේශ වෙත සහ ඒ වෙත සියළු ප්‍රවාහන සේවා ඇණහිට ඇත.

ධාරාණිපාත වැසි සහිත අයහපත් කාලගුණික තත්ත්වය හෙට (06) තෙක් නොවෙනස්ව පවතිනු ඇතැයි කාලගුණ බලධාරීහු ප්‍රකාශ කරති.

(සටහන | Reuters ඇසුරින්; හර්ෂ උදයකාන්ත පීරිස්)
(This email address is being protected from spambots. You need JavaScript enabled to view it.)
10/5/2025


Heavy rains kill at least 47 in Nepal, block roads

ජෝර්ජියානු ජනපති මදිරය ඉදිරියේ ඊයේ (04) කළහකාරී ලෙස හැසිරුණු විරෝධතා කරුවන් පළවා හැරීමට එරට කැරළි මර්ධන පොලිසිය 'ගම්මිරිස්' සහ ජල ප්‍රහාර එල්ල කළේය. විරෝධතාකරුවන් 5දෙනකු පොලිස් අත්අඩංගුවට පත් විය. එරට පාර්ලිමේන්තු මැතිවරණය පැවති ඊයේ දිනයේ, විපක්ෂය විසින් දැවැන්ත උද්ඝෝෂණ රැළියක් සංවිධානය කර තිබිණි.

මිලියන 3.7ක ජනගහනයෙන් යුත් දකුණු කොකාසස් (Caucasus) ප්‍රාන්තයේ සියළු නගරසභා බලය දිනාගත් බව පාලක 'ජෝර්ජියානු සිහිනය' (Georgian Dream) පක්ෂය පැවසීය. එරට ප්‍රධාන විපක්ෂ දෙකම මැතිවරණයට සහභාගී වීමෙන් වැළකී සිටියහ.

මැතිවරණය අවසන් වීමට සුළු වෙලාවකට පෙර විරෝධතාකරුවන් පිරිසක් ටිබිලිසි (Tbilisi) අගනුවර පිහිටි ජනපති මැදුරට බලහත්කාරයෙන් ඇතුළු වීමට උත්සාහ ගත් බව විදෙස් මාධ්‍ය වාර්තා කළේය. ජෝර්ජියානු පාලක පක්ෂය, රුසියානු ගැති ඒකාධිපතිවාදී රජයක් පවත්වාගෙන යන බවට ඔවුහු චෝදනා එල්ල කරති.

රජය පලවා හැරීම පිණිස බටහිර පක්ෂපාතී විපක්ෂ සන්ධානය පසුගිය වසරේ ඔක්තෝබරයේ සිට උද්ඝෝෂණ වල නියැලෙමින් සිටී. පාලක පක්ෂයේ පාර්ලිමේන්තු මැතිවරණ ජයග්‍රහණය, මැතිවරණ වංචාවක් බව ඔවුහු කියා සිටිති. මේ අතර, ඡන්ද මංකොල්ලයක් පිලිබඳ පාලක පක්ෂයෙන් එල්ලවන චෝදනා ප්‍රතික්ෂේප කරන බව ද විපක්ෂ කියා සිටී.

බිඳී ගිය සෝවියට් සංගමයේ අළු මතින් නැගී සිටි බටහිර ගැති රාජ්‍යයක් වූ ජෝර්ජියාවේ එම සබඳතා, 2022 වසරේ රුසියාව විසින් යුක්‍රේනය ආක්‍රමණය කිරීමත් සමග දෙදරා ගියේය.

(සටහන | Reuters ඇසුරින්; හර්ෂ උදයකාන්ත පීරිස්)

(This email address is being protected from spambots. You need JavaScript enabled to view it.)
10/5/2025

Georgian police clash, detain protesters as ruling party says it won local elections

මැට්මෝ (Matmo) සුළි කුණාටුව හේතුවෙන් ඊයේ (04) රාත්‍රියේ සිට හෙනාන් (Hainan) පළාත වෙත සිදු කෙරෙන ගුවන් ගමන් සහ මගී ප්‍රවාහන යාත්‍රා සේවා තාවකාලිකව නතර කරන බව චීන රජය දැනුම්දුන්නේය. එරට වාර්ෂික නිවාඩු සංචාර සිදු කෙරෙන උච්ඡතම කාලසීමාව මෙය වේ.

ඒ අනුව, හේකු (Haikou) ජාත්‍යන්තර ගුවන්තොටුපොළින් පිටත්වන සහ ඒ වෙත ළඟා වන සියළු ගුවන් ගමන් එරට වේලාවෙන් ඊයේ ප.ව.11.00 සිට තාවකාලිකව අවලංගු කර තිබේ. සුළි කුණාටුව හේතුවෙන් දකුණු චීනයේ ග්වන්ඩොන් ( Guangdong ) සහ යුනාන් (Yunnan) ඇතුළු ප්‍රදේශ රැසක දැඩි සුළං සහිත තද වැසි හට ගත හැකි බවට අනතුරු අඟවා තිබේ. හෙනාන් සංචාරක කලාපයේ සියලු සංචාරක මගී යාත්‍රා සේවා ද ඊයේ ප.ව.6.00 සිට තාවකාලිකව නතර කර ඇත.


(සටහන | Reuters ඇසුරින්; හර්ෂ උදයකාන්ත පීරිස්)
(This email address is being protected from spambots. You need JavaScript enabled to view it.)
10/5/2025

මුලාශ්‍රය :

China to cancel some flights as Typhoon Matmo nears Hainan during peak holiday travel

Sanae Takaichi ජපානයේ පළමු කාන්තා අගමැතිනිය ලෙස පත්වීමට නියමිතව තිබේ.

ඒ, ජපානයේ පාලක පක්ෂය විසින් සිය පක්ෂයේ නව ප්‍රධානියා ලෙස Takaichi තෝරා පත් කර ගැනීමත් සමගය.

ෂිගේරු ඉෂිබා වෙනුවට අගමැතිවරයෙකු තෝරා ගැනීම සඳහා පාර්ලිමේන්තුවේ ඡන්ද විමසීමක් ඔක්තෝබර් 15 වන දින පැවැත්වීමට නියමිතය.


Takaichi poised to become Japan's first female PM after winning LDP poll

Sanae Takaichi set to be Japan's first female PM after winning Liberal Democratic Party leadership contest

සමාජ මාධ්‍ය ඔස්සේ ටියුනීසියානු ජනාධිපතිවරයාට අපහාස කළ බවට චෝදනා එල්ල වූ පුද්ගලයෙක්ට මරණ දඬුවම නියම කිරීමට එරට අධිකරණය තීරණය කර ඇත.

ජනාධිපතිවරයාට අපහාස කිරීම සහ ජාතික ආරක්ෂාවට තර්ජනය කිරීම යන චෝදනා මත මෙම දඬුවම නියම කර ඇති බව මානව හිමිකම් සඳහා වූ ටියුනීසියානු ලීගයේ ප්‍රධානියා පවසා තිබේ.

2021 වසරේ දී ජනාධිපති කයිස් සයිඩ් ටියුනීසියාවේ බලතල අත්පත් කර ගැනීමෙන් පසු, අදහස් ප්‍රකාශකිරීමේ දැඩි සීමා පනවා ඇත.

මෙම තීන්දුව එය ටියුනීසියාවේ පෙර නොවූ විරූවක් බව සඳහන්.

මෙලෙස දඬුවම් නියම වූ වී ඇත්තේ 56 හැවිරිදි සාමාන්‍ය කම්කරුවෙක්ට වන අතර, ඔහු සීමිත අධ්‍යාපනයක් ලැබූ පුරවැසියෙක්ය.

ඔහුගේ නීතිඥවරයා පවසා ඇත්තේ, ෆේස්බුක් සටහන් සම්බන්ධයෙන් නබියුල් උසාවියේ විනිසුරුවරයා තම සේවාදායකයාට මරණ දඬුවම නියම කළ බවයි. එය කම්පන සහගත සහ පෙර නොවූ විරූ තීන්දුවක් බව හෙතෙම පැවසීය.

කෙසේ නමුත් එම තීන්දුවට එරෙහිව අභියාචනයක් ඉදිරිපත් කර ඇති බව ඔහු වැඩිදුරටත් පැවසීය.

ටියුනීසියාවේ අධිකරණ විසින් අවස්ථා කිහිපයකදී මරණ දඬුවම් නියම කර ඇතත්, වසර 30කට වැඩි කාලයක් තිස්සේ එම තීන්දු ක්‍රියාත්මක කර නොමැත.

( aruna.lk)

Tunisian sentenced to death for Facebook posts criticising president

Tunisia man sentenced to death for social media posts seen as insulting to president

A court in Tunisia sentenced a man to death for Facebook posts seen as insulting to the president

ගාසා තීරයට බෝම්බ හෙලීම වහා නතර කරන ලෙස ඊයේ (03) එක්සත් ජනපද ජනපති, ඩොනල්ඩ් ට්‍රම්ප් ඊශ්‍රායල අග්‍රාමාත්‍ය , බෙන්ජමින් නෙතන්යාහු වෙත දැනුම් දුන්නේය.

ඒ, සිය භාරයේ සිටින ප්‍රාණ ඇපකරුවන් නිදහස් කිරීමට හමාස් සංවිධානය කැමැත්ත පළකිරීමෙන් අනතුවය.

ජනපති ට්‍රම්ප් විසින් ඉදිරපත් කරන ලද කරුණු 20කින් සමන්විත ගාසා සාම සැලැස්මද කොන්දේසි සහිතව පිළිගැනීමට හමාස් සංවිධානය එකඟත්වය ප්‍රකාශ කර තිබේ. කෙසේ වෙතත්, අවි බිම තැබීම සම්බන්ධයෙන් එකඟත්වයක් නැතැයි, එම සංවිධානය පවසයි.

ජනපති ට්‍රම්ප්ගේ ගාසා සම සැලැස්මේ පළමු අදියරට ඉක්මනින් සූදානම් වන බව ඊශ්‍රායල රජය පවසයි. හමාස් ප්‍රතිචාරය අනුව, එම භාරයේ සිටින ඊශ්‍රායල ප්‍රාණ ඇපකරුවන් සියල්ල නිදහස් කිරීම එහි පළමු අදියරයි.

ඉරිදාට (05) ප්‍රථම සිය සාම යෝජනාවට හමාස් සංවිධානය ප්‍රසාදය පල නොකරන්නේ නම්, මිහිපිට අපාය නැරඹීමට සූදානම් වන්නැයි, එක්සත් ජනපද ජනපති ට්‍රම්ප්, හමාස් සංවිධානයට ප්‍රබල අනතුරු ඇඟවීමක් සිදු කිරීමත් සමග ඊයේ, එම සංවිධානය කොන්දේසි සහිතව සාම සැලැස්මට ප්‍රතිචාර දක්වා ප්‍රකාශයක් නිකුත් කළේය.

ගාසා පැනයට පිළියම් යෙදිය හැක්කේ තමාට පමණක් බව ජනපති ට්‍රම්ප් ගේ විශ්වාසයයි. එහෙයින්, දෙවසරක ගාසා යුද්ධය අවසන් කිරීමට ඔහු අසීමිත දේශපාලන පිරිවැයක් ආයෝජනය කරමින් සිටී. ගාසා යුද්ධය හේතුවෙන් සිය දහස් ගණනක් ජීවිත අහිමි වෙමින් පවතින අතර, ඊශ්‍රායලය සීග්‍රයෙන් ගෝලීය වශයෙන් හුදෙකලා වෙමින් පවතී.

තිරසර සාමයට හමාස් සංවිධානයේ සූදානම පෙන්වා ඇතැයි, ජනපති ට්‍රම්ප් ඊයේ පැවසීය.

"ඊශ්‍රායලය, ගාසා තීරයට බෝම්බ හෙලීම වහා නතර කළ යුතුයි. එවිට, ප්‍රාණ ඇපකරුවන් ආරක්ෂිතව සහ ඉක්මනින් ගෙන්වා ගත හැකියි. අපි සාකච්ඡාවට සූදානම්, දීර්ඝ වශයෙන්..! මේ, ගාසා ගැන ප්‍රශ්නයක්ම නොවෙයි, මෙය සමස්ත මැදපෙරදිග කලාපයම දීර්ඝ කාලයක් බලා සිටි සාම සමයේ ඇරඹුමයි," ට්‍රම්ප් ඔහුගේ ටෘත් සමාජ ජාලයේ එසේ සඳහන් කළේය.

ජනපති ට්‍රම්ප්ගේ දර්ශනය හා එක්ව, ඊශ්‍රායල මූලධර්ම ප්‍රතිපත්තීන්ට අනුව යුද්ධය අවසන් කර සාම මාවතට පිවිසීමට එක්සත් ජපදය හා පූර්ණ සහයෝගයෙන් කටයුතු කරන බව ඊශ්‍රායල අග්‍රාමාත්‍ය කාර්යාලය ද පැවසීය.

කෙසේ වෙතත්, ට්‍රම්ප්ගේ දැනුම් දීමෙන් පසුවද ඊශ්‍රායල හමුදා, ගාසා නගර මධ්‍යයේ ඇති ප්‍රධාන විවෘත මාර්ගයක් වන ටලටීනි වීදියට (Talateeni Street) යුද ටැංකි යොදා ගනිමින් ප්‍රබල බෝම්බ ප්‍රහාරයක් එල්ල කළේය. හමාස් සංවිධානය සාම සැලැස්මට සිය ප්‍රතිචාර නිවේදනය කිරීමත් සමග ගාසා නගරයට ඊශ්‍රායලය ගුවනින් බෝම්බ ප්‍රහාර ද එල්ල කළේය. ඉන්, නිවාස රැසක් විනාශයට පත් විය.

හමාස් සංවිධානය සාම යෝජනාවලිය පිළිගෙන, දැන්වත්, අප්‍රමාදීව කටයුතු කළ යුතු බව ප්‍රංශ අග්‍රාමාත්‍ය එම්මානුවෙල් මැක්‍රන් (Emmanuel Macron) ද දන්වා සිටී.

දෙවසරක යුද්ධයෙන් මේ වනවිට ගාසා තීරයේ 66,000කට අධික පිරිසක් ජීවිතක්ෂයට පත්ව සිටිති.


(සටහන | Reuters ඇසුරින්; හර්ෂ උදයකාන්ත පීරිස්)
(This email address is being protected from spambots. You need JavaScript enabled to view it.)
10/4/2025


Trump asks Israel to stop bombing Gaza, saying Hamas is ready for peace

එක්සත් ජනපදය වෙත අපනයනය කළ ජපානයේ නිසාන් විද්‍යුත් මෝටර් රථ 19,077ක් එම සමාගම විසින් යළි කැඳවා තිබේ. එම මෝටර් රථ ත්වරිත ආරෝපණයේදී (quick charging) අධි උෂ්ණත්වයක් පෙන්වීම හේතුවෙන් ගිනි අවදානමක් හටගත හැකි බවට වන සාධනීය සැකය මත එම තීරණය ගෙන තිබේ.

මෙම වසරේ අපනයනය කළ නිසාන් මෝටර් රථ 880,000කට අධික සංඛ්‍යාවක එන්ජිම, ආරක්ෂක එයාර් බෑග් සහ විද්‍යුත් ආරෝපණ බැටරි පද්ධතීන් ආශ්‍රිත දෝෂ පවතින බව අනාවරණය වී ඇතැයි 'ඒඉන්වෙස්ට්' (AInvest) වෙබ් අඩවිය පවසයි.

එම මෝටර් රථ යළි කැඳවීමට සිදු වීමෙන් වසරේ මුල් කාර්තුව තුළ නිසාන් සමාගමට ඇමෙරිකානු ඩොලර් බිලියන 1.38ක පාඩුවක් සිදුව තිබේ. සමාගමට ඩොලර් බිලියන 4.5ක වාර්ෂික මූල්‍ය හිඟයකට මුහුණ දීමට සිදුව ඇතැයි ද වාර්තා වේ. නිෂ්පාදන මෙහෙයුම් ක්‍රියාවලිය ස්ථාවරව පවත්වාගැනීම උදෙසා ඇතැම් කර්මාන්තශාලා වසා දැමීමට මෙන්ම රැකියා 20,000ක් කප්පාදු කිරීමට ද සමාගම විසින් පියවර ගෙන තිබේ.

නිසාන් සන් නාමය යටතේ නිෂ්පාදිත රෝග් (Rogue) ඇල්ටිමා (Altima) සහ ඉන්ෆිනිටි QX50 (Infiniti QX50) වර්ගයේ මෝටර් රථ පෙළක් මෙම අර්බුදයට ලක්ව ඇත.


(සටහන | Reuters ඇසුරින්; හර්ෂ උදයකාන්ත පීරිස්)
(This email address is being protected from spambots. You need JavaScript enabled to view it.)
10/3/2025

Nissan to recall over 19,000 US vehicles, citing quick charging fire risk