V2025

විදෙස්

පීටර් මුතාරිකා දෙවැනි වරටත් ජනපති ධුරයට

මලාවි ජනාධිපති පීටර් මුතාරිකා දෙවැනි වරටත් ජනාධිපති ධුරයේ දිවුරුම් දෙනු ලැබීය. ඒ පසුගියදා පැවති මැතිවරණයෙන් ජය ගැනීමත් සමගය.

කෙසේ වුවද විදෙස් මාධ්‍ය වාර්තා සදහන් කර තිබුණේ විපක්ෂය මැතිවරණයේ ප්‍රතිඵල ප්‍රතික්ෂේප කරන බවය.

 එවන් තත්වයක් තුළ දෙවැනි වරටත් මලාවි ජනාධිපති ධුරය සඳහා තේරීපත් වූ පීටර් මුතාරිකා සිය ධුරයේ දිවුරුම් දීමට කටයුතු කර ඇත.

 ඒ වෙනුවෙන් මලාවිහි බ්ලන්ටයර් අගනුවර දැවැන්ත උත්සවයක් සංවිධානය කර තිබුණු අතර ඊට ආරාධිතයන් රැසක්ද එක්ව සිටි බව මාධය වාර්තා සදහන් කරයි.

 මලාවි මැතිවරණයේ ප්‍රතිඵල පසුගිය සති අන්තයේදී නිකුත්වීමට නියමිතව පැවැතියත්ද අධිකරණ තීන්දුවක් අනුව එය කල්දැමීමට මැතිවරණ කොමිසමට සිදුවිය.

 මැතිවරණ දූෂණ සම්බන්ධයෙන් මැතිවරණ කොමිසමට පැමිණිලි 147ක් ඉදිරිපත්ව තිබීම ඊට හේතුවයි.

 කෙසේ නමුත් පසුගිය සඳුදා එම තහනම් නියෝගය ඉවත්කිරීමට අධිකරණය තීන්දු කිරීමත් සමඟ ජනාධිපති මුතාරිකාගේ ජය තහවුරු වූ අතර ඔහු දිවුරුම් දුන්නේ ඉන් අනතුරුවය.

 පැවැති ජනාධිපතිවරණයෙන් විපක්ෂයේ නායක ලසාරස් චක්වේරා ජය ලබනු ඇතැයි පූර්ව මැතිවරණ සමීක්ෂණවලින් අනාවරණය වූවත් වැඩි ඡන්ද ප්‍රතිශතයක් ලබාගනිමින් බලය තහවුරු කරගැනීමට හිටපු ජනාධිපති මුතාරිකා සමත්වීම විශේෂත්වයකි.

Comment (0) Hits: 544

අයිෆල් කුළුණට 130යි

ලොව ප‍්‍රකට ප්‍රංශයේ අයිෆල් කුළුණ මහජනතාවට විවෘත කර වසර 130ක් සම්පූර්ණ වී ඇත. ඒ ඊයේ දිනටය.

ඒ වෙනුවෙන් එහි අලංකාර විදුලි ආලෝක සංදර්ශනයක් පවත්වා තිබේ.

ප්‍රංශයේ ඉතා වැදගත් මෙන්ම ඓතිහාසික ස්මාරකයක් වන අයිෆල් කුළුණේ ඉදිකිරීම් 1887 වර්ෂයේදී ආරම්භ කළ අතර ඉන් වසර දෙකකට පසුව එනම් 1889 වර්ෂයේ මැයි 15වන දා එය පොදු ජනතාව වෙනුවෙන් විවෘත කරනු ලැබීය.

යකඩ ගැහැණිය යන අන්වර්ත නාමයෙන් හඳුන්වන මෙහි නිර්මාණකරුවා වන්නේ පැරිසියේ සිටි ඉංජිනේරුවරයෙක් වන ගුස්ටාෆ් අයිෆල්.

අයිෆල් කුළුණ සම්පූර්ණයෙන් ඉදිකොට අවසන් කිරීම සඳහා වසර දෙකකුත් මාස දෙකක් සහ දින පහක් ගතවී ඇති අතර ඒ සඳහා සේවකයන් 300ත් 450ත් අතර පිරිසක් දායක වී ඇත.

මුළු උස අඩි එක්දහස් හැට තුනකින් සමන් විත මෙය නැරඹීමට 1889 වර්ෂයේ සිට මේ දක්වා මිලියන 300ක පමණ පිරිසක් පැමිණ ඇති බව වාර්තා වන අතර සෑම වර්ෂයකම මිලියන හතක පමණ පිරිසක් එහි පැමිණෙන බව විදෙස් වාර්තා කරයි

Comment (0) Hits: 971

නව ජපන් අධිරාජ්‍යයා සහ ට්‍රම්ප් හමුවෙයි

ජපානයේ නව අධිරාජ්‍යයා වන නරුහිතෝ කුමරු සහ අමෙරිකානු ජනාධිපති ඩොනල්ඩ් ට්‍රම්ප් අතර හමුවක් පසුගියදා සිදුව ඇත.

ඒ අනුව විදෙස් මාධ්‍ය වාර්තා කරන්නේ ජපාන අධිරාජ්‍යයා හමුවූ පළමු විදෙස් නායකයා වන්නේ ඩොනල්ඩ් ට්‍රම්ප් බවය.

සිව්දින නිල සංචාරයක නිරත ඩොනල්ඩ් ට්‍රම්ප් ටෝකියෝ නුවර පිහිටි රාජකීය මන්දිරයේදී ජපාන අධිරාජ්‍යයා හමුවී ඇති බව එරට මාධ්‍ය වාර්තා කරයි.

මේ අතර ඩොනල්ඩ් ට්‍රම්ප් සහ ජපාන අග්‍රාමාත්‍ය ෂින් සෝ අබේ ගොල්ෆ් තරඟයකට දසහභාගී වී ඇති අතර සුමෝ තරඟාවලියක් නැරඹීමට ද එක් වී ඇති බව එම වාර්තා තවදුරටත් සදහන් කරයි.

 

Comment (0) Hits: 583

ඇමෙරිකාව සහ රුසියාව සබඳතා යළි එක්විය යුතුයි - පුටින්

ඇමෙරිකා-රුසියා සබඳතා සම්පූර්ණයෙන්ම යළිත් ගොඩනැගීමට තමාට අවශ්‍ය බව රුසියානු ජනාධිපති ව්ලැද්මියර් පුටීන් පවසා ඇතැයි විදෙස් මාධ්‍ය වාර්තා කරයි.

අමෙරිකානු ජනාධිපති ඩොනල්ඩ් ට්‍රම්ප් ද එය අපේක්ෂා කරන බවට තමා විශ්වාස කරන බව රුසියානු ජනාධිපතිවරයා මෙහිදී ප‍්‍රකාශ කර ඇත.

රුසියාවේ නිල සංචාරයක නිරත අැමෙරිකානු රාජ්‍ය ලේකම් මයික් පොම්පියෝ හමුවූ අවස්ථාවේ රුසියානු ජනාධිපතිවරයා මේ බව ප්‍රකාශ කර තිබේ.

රුසියාවේ නිල සංචාරයක නිරත අැමෙරිකානු රාජ්‍ය ලේකම්වරයා එරට විදේශ කටයුතු අමාත්‍යවරයා ඇතුළු රුසියානු රජයේ උසස් නිලධාරීන් කිහිපදෙනෙකු සමඟ සාකච්ඡා පවත්වා ඇති බව ද විදෙස් මාධ්‍ය වාර්තා කළේය.

Comment (0) Hits: 576

රාජ්‍ය ආයතන වල ඔබේ දරුවන්ගේ ජායාරූප එල්ලා ගන්න - යුක්රේන් නව ජනපති

කිසිඳු රාජ්‍ය ආයතනයක තම ජායාරූපය ප්‍රදර්ශනය නොකරන ලෙසත් ඒ වෙනුවට රාජ්‍ය ආයතන තුළ තම දරුවන්ගේ ජායාරූප එල්ලාගෙන සිටීමේ වැදගත් කම  යුක්‍රේනයේ නව ජනාධිපතිවරයා ලෙස වොලොදිමීර් සෙලෙන්ස්කි අවධාරණය කර තිබේ.

ජනාධිපති යනු විශේෂයක්  නොවන බව මෙන්ම ඒ වෙනුවට තීන්දු තීරණ ගැනීමේදී දරුවාගේ ජායාරූපය දෙස බලා තීන්දු තීරණ ගැනීමේ වැදගත්කමත් ඔහු අවධාරණය කර ඇත.

යුක්රේන නව ජනාධිපතිවරයා මේ බව සඳහන් කර ඇත්තේ සිය ට්වීටර් ගිණුමේ සටහනක් තබමින්ය.

IMG 20190526 WA0002

යුක්‍රේනයේ නව ජනාධිපතිවරයා ලෙස වොලොදිමීර් සෙලෙන්ස්කි පසුගිය මැයි 20 වනදා සිය ධූරයේ දිවුරුම් දුන් අතර  ඔහු  වඩාත් ප්‍රකටව සිටින්නේ ප්‍රහසන නළුවෙකු ලෙසයි.

ඔහු එක්තරා ප්‍රහසනාත්මක රූපවාහිනී වැඩසටහනකදී යුක්‍රේන ජනාධිපතිවරයා ලෙස චරිත නිරූපණයක්ද සිදුකර තිබුණි.

පසුගිය මාසයේ පැවති ජනාධිපතිවරණයට ඉදිරිපත්වූ සෙලෙන්ස්කි ඉන් ජය ගත්තේ සියයට හැත්තෑ තුන ඉක්මවූ ඡන්ද ප්‍රතිශතයක් හිමිකර ගනිමින්ය.

ජනාධිපතිවරයා ලෙස දිවුරුම් දෙමින් වොලොදිමීර් සෙලෙන්ස්කි ප්‍රකාශ කර තිබුණේ රුසියානු සහාය ලබන කැරලිකරුවන් රටේ නැගෙනහිර ප්‍රදේශයේ සිදුකරන ගැටුම් අවසන් කිරීම සඳහා ප්‍රමුඛත්වය දී කටයුතු කරන බවයි.

එමෙන්ම පොදු ජනතාවට සේවය කළහැකි අය පමණක් බලයට පත්විය යුතු බවද ඔහු එහිදී පෙන්වා දුන්නේය.

Comment (0) Hits: 603

දකුණු අප්‍රිකාව යළිත් සිරිල් රම්පෝසාට

දකුණු අප්‍රිකානු මහමැතිවරණයෙන් ජය ගැනීමට ජනාධිපති සිරිල් රම්පෝසාගේ අප්‍රිකානු ජාතික කොංග්‍රසය සමත් විය.

පසුගිය අටවැනිදා පැවති දකුණු අප්‍රිකානු මහමැතිවරණයෙන් අප්‍රිකානු ජාතික කොංග්‍රසය ජයග්‍රහණය කළේ සියයට පනස් හතයි දශම පහක ඡන්ද ප්‍රතිශතයක් හිමිකරගනිමිනි.

කෙසේ නමුත් 1994 වර්ෂයේ සුදු ජාතික පාලනය අවසන් කිරීමෙන් පසුව එම කොංග්‍රසය මහමැතිවරණයකදී ලබාගත් අවම ඡන්ද ප්‍රතිශතය මෙය බව විදෙස් වාර්තා සඳහන් කළේය.

එහෙත් මෙම ජයග්‍රහණයත් සමඟ අඛණ්ඩව හය වන වරටත් රටේ පාලන බලය හිමිකර ගැනීමට අප්‍රිකානු ජාතික කොංග්‍රසය සමත්ව තිබීම විශේෂත්වයකි.

මෙහිදී එරට පළාත් නවයෙන් අටකම බලය එම පක්ෂයට හිමිව ඇත.

එහිදී ජයග්‍රහණය සඳහා උරදුන් පිරිසට ස්තූතිය පල කළ ජනාධිපතිවරයා ආර්ථික වර්ධනයක් ඇති කරමින් රටට නව යුගයක් උදා කරන බවද ප්‍රකාශ කළේය.

දකුණු අප්‍රිකාවේ හිටපු ජනාධිපති ජේකබ් සූමා ධුරයෙන් ඉල්ලා අස්වීම හේතුවෙන් 2018 වර්ෂයේ පෙබරවාරි මාසයේ සිට එරට ජනාධිපතිවරයා ලෙස කටයුතු කරන්නේ සිරිල් රම්පෝසාය.

එලෙස ධුරයට පත්වීමෙන් පසුව රම්පෝසා මුහුණපෑ පළමු මහමැතිවරණයද මෙයයි.

Comment (0) Hits: 589

පනස් හැවිරිදි කැමී රිටා 24 වෙනි වරටත් එවරස්ට් තරණය කරයි

එවරස්ට් කන්ද වැඩිම වාර ගණනක් තරණය කළ පුද්ගලයාට හිමි ලෝක වාර්තාව තවදුරටත් තහවුරු කිරීමට නේපාලයේ කඳු නගින්නෙකු වන කැමී රිටා ෂෙර්පා සමත්ව ඇත.

ඒ අවස්ථා 24 කදී එවරස්ට් කන්ද සාර්ථකව තරණය කරමිනි.

පනස් වන වියේ පසුවන ඔහු ගතවූ දින 7 ක කාලය තුළ දෙවරක් එවරස්ට් තරණය කිරීමද විශේෂත්වයක්හු වන ඔහු පළමු වරට එවරස්ට් කන්ද තරණය කර ඇත්තේ 1994 වසරේදීය.

ලෝකයේ උසම කන්ද වන එවරස්ට් කන්ද අඩි 29,029 ක උසකින් යුක්ත වන අතර එම දුර 24ක් වතාවක් තරණය කිරීම විශේෂ හැකියාවක් ලෙස පෙන්වා දිය හැකිය.

 

Comment (0) Hits: 605

IS ඉන්දියාවේ පළාතක් නම් කරලා!

ISIS ඉස්ලාම් රාජ්‍ය ත්‍රස්ත සංවිධානය ඉන්දියාව තුළ සිය ඉස්ලාම් රාජ්‍යයේ පළාතක් ස්ථාපිත කළ බව නිවේදනය කර තිබේ.

එය ඉන්දියාවේ කාශ්මීර් ප්‍රදේශය කේන්ද්‍ර කරගනිමින් නිර්මාණය කළ මෙම ඉස්ලාම් රාජ්‍යයේ නවතම පළාත වලියාහ් ඔෆ් හින්ඩ් ලෙස නම් කර ඇතැයි ඔවුන්ගෙ අමාක් පුවත් වාර්තා පවසයි.

කාශ්මීරයේ ක්‍රියාත්මක ආයුද සන්නද්ධ සටන්කරුවන් සහ ඉන්දීය ආරක්ෂක අංශ අතර පසුගියදා ෂොපියාන් දිස්ත්‍රික්කයේ, අම්ෂිපෝරා නගරයේදී ඇති වූ දරුණු ගැටුම්වලින් පසුව ඔවුන් මෙම නව ඉස්ලාම් රාජ්‍යය පළාත ප්‍රකාශයට පත්කර ඇති බවද සඳහන් වෙයි.

එමෙන්ම, සිරියාව සහ ඉරාකය කෙනේද්‍ර කරගනිමින් බිහිකළ ඉස්ලාම් රාජ්‍ය ත්‍රස්ත රාජ්‍යය පසුගිය අප්‍රේල් මාසයේදී බිඳ වැටීමත් සමග ඔවුන් මේ ආකාරයේ නව ප්‍රහාර සහ නව ඉසව් වෙත සිය ජාලය ක්‍රියාත්මක කිරීමට කටයුතු කරමින් සිටින බවද විදෙස් වාර්තා පවසයි.

කෙසේ වෙතත්, ඉන්දියාව මේ සම්බන්ධයෙන් මෙතෙක් ප්‍රතිචාර දැක්වීමක් සිදුකර නොමැති අතර, මෑතකදී ඉන්දියාව සහ පාකිස්තානය අතර යුද අවදානම ඉහළ යෑම දක්වාම මෙම ප්‍රදේශයේ ත්‍රස්ත ක්‍රියා හේතු විය.

පසුගියදා ශ්‍රී ලංකාවේ කිතුණු දේවස්ථාන සහ සංචාරක හෝටල් ඉලක්ක කරමින් එල්ලකළ පාස්කු ඉරිදා ත්‍රස්ත ප්‍රහාරයද ISIS ඉස්ලාම් රාජ්‍ය ත්‍රස්ත සංවිධානයේ ප්‍රහාරක ජාලය දකුණු ආසියාව වෙත දිගුකළ අවස්ථාවක් බවද විදෙස් වාර්තා වැඩිදුරටත් පෙන්වා දෙයි.

Comment (0) Hits: 657

විකට නළුවා ජනපති වෙද්දී අගමැති ඉල්ලා අස්වෙයි

යුක්‍රේනයේ නව ජනාධිපතිවරයා ලෙස වොලොදිමීර් සෙලෙන්ස්කි දිවුරුම් දීමත් සමග එරට අගමැතිවරයා සිය ධුරයෙන් ඉල්ලා අස්වී ඇති බව විදෙස් වාර්තා සඳහන් කළේය.

යුක්‍රේනයේ නව ජනාධිපතිවරයා ලෙස තේරී පත්වූ සෙලෙන්ස්කි වඩාත් ප්‍රකටව සිටින්නේ ප්‍රහසන නළුවෙකු ලෙසයි.

ඔහු එක්තරා ප්‍රහසනාත්මක රූපවාහිනී වැඩසටහනකදී යුක්‍රේන ජනාධිපතිවරයා ලෙස චරිත නිරූපණයක්ද සිදුකර තිබුණි.

පසුගිය මාසයේ පැවති ජනාධිපතිවරණයට ඉදිරිපත්වූ සෙලෙන්ස්කි ඉන් ජය ගත්තේ සියයට හැත්තෑ තුන ඉක්මවූ ඡන්ද ප්‍රතිශතයක් හිමිකර ගනිමින් වීම විශේෂත්වයකි.

ජනාධිපතිවරයා ලෙස දිවුරුම් දෙමින් වොලොදිමීර් සෙලෙන්ස්කි ප්‍රකාශ කර තිබුණේ රුසියානු සහාය ලබන කැරලිකරුවන් රටේ නැගෙනහිර ප්‍රදේශයේ සිදුකරන ගැටුම් අවසන් කිරීම සඳහා ප්‍රමුඛත්වය දී කටයුතු කරන බවයි.

එමෙන්ම පොදු ජනතාවට සේවය කළහැකි අය පමණක් බලයට පත්විය යුතු බවද ඔහු එහිදී පෙන්වා දුන්නේය.

මේ අතර නව ජනාධිපතිවරයා දිවුරුම් දීමේ අවස්ථාවේදීම එරට පාර්ලිමේන්තුව විසුරුවාහැර තිබීම විශේෂත්වයකි.

යුක්‍රේන පාර්ලිමේන්තු මැතිවරණය පැවැත්වීමට නියමිතව තිබුණේ මේ වසරේ ඔක්තෝබර් මාසයේ වුවත් එය කඩිනමින් පැවැත්වීමට තමා තීරණය කළ බව සෙලෙන්ස්කි වැඩිදුරටත් පවසා තිබුණි.

ඊට විරෝධය පලකිරීමක් ලෙස අගමැති වොලොදිමීර් ග්‍රොයිස්මන් ධුරයෙන් ඉල්ලා අස්වීමට පියවර ගෙන ඇත.

රජයේ සියලු වගකීම් සහ ඉදිරි අභියෝග භාරගන්නැයිද ඔහු නව ජනාධිපතිවරයාගෙන් ඉල්ලා තිබෙන අතර එසේ වුවද නව රජය පිහිටුවන තෙක් ග්‍රොයිස්මන් වැඩබලන අගමැතිවරයා ලෙස සේවය කරනු ඇතැයිද විදෙස් වාර්තාවල වැඩිදුරටත් සඳහන් වෙයි.

Comment (0) Hits: 571

තායිලන්ත මැතිවරණයෙන් සිනවත‍්‍රා ගොඩ යන ලකුණු

පසුගියදා පැවත්වුණු තායිලන්ත මහ මැතිවරණයෙන් එරට විපක්ෂයට වැඩි ආසන සංඛ්‍යාවක් හිමි වී ඇතැයි විදෙස් ආරංචි මාර්ග සදහන් කරයි.

2014 වසරේ හමුදා කුමන්ත්‍රණයෙන් පසු ප්‍රථම මැතිවරණය මෙය වන අතර බලයෙන් පහ කෙරුණු හිටපු අගමැති තක්ෂින් සිනවත්‍රාගේ සහය ලබන පක්ෂය ආසන 136ක් ලබා ගෙන ඇත.

හමුදාවේ සහය පල වන පී.පී.ආර්පී. පක්ෂය ලබා ඇත්තේ ආසන 115ක් පමණකි.

කෙසේ වුවද තවමත් මැතිවරණයේ අවසන් ප‍්‍රතිඵල නිකුත් කොට නොමැත.

Comment (0) Hits: 563

ජොකෝ විඩෝඩෝ යළිත් ඉන්දුනීසියානු ජනාධිපති පුටුවට

ඉන්දුනීසියානු ජනාධිපතිවරයා ලෙස ජොකෝ විඩෝඩෝ යළි තේරී පත් වී ඇත.

පසුගිය මාසයේ පැවති ජනාධිපතිවරණයේ ප්‍රතිඵලවලට අනුව ප්‍රතිවාදී අපේක්ෂක ජනරාල් ප්‍රභාවෝ සුබියන්ටෝ පරාජයට පත් කරමින් හිටපු ජනාධිපතිවරයා නැවත බලයට පත්ව ඇති බව විදෙස් මාධ්‍ය වාර්තා කරයි.

67 හැවිරිදි ප්‍රභාවෝ එම ප්‍රතිඵලයට අභියෝග කරන්නේ ද යන්න පිළිබද මෙතෙක් තහවුරු කර නැත. එහිදී ජොකෝ විඩෝඩෝ සියයට 55.5ක ඡන්ද ප්‍රතිශතයක් ද ප්‍රභාවෝ සියයට 44.5ක ඡන්ද ප්‍රතිශතයක් ද ලැබී තිබිණ.

මිලියන 192ක පිරිසක් ඡන්දය සදහා සුදුසුකම් ලබා තිබූ අතර ප්‍රාදේශීය සහ ජාතික මට්ටමේ මහජන නියෝජිතයින් 20,000ක් ද එහිදී තෝරා ගැණුනි.

Comment (0) Hits: 532

ඉරාන - ඇමරිකා සබැදියාවට කණකොකා හඩයි

ඉරානය - සහ ඇමරිකාව අතර ඇති කරගෙන ඇති සබදතාව මේ වන විට දෙදරා යමින් පවතින බව වාර්තා වේ.

ඊට ආසන්නතම හේතුව ලෙස දක්වා ඇත්තේ ඇමරිකානු ජනාධිපතිවරයා විසින් ඉරාණයට සම්බාධක පැනවීමයි.

ඩොනල්ඩ් ට‍්‍රම්ප් විසින් ඒ ආකාරයේ සම්බාධකයන් ඉරානයට පැනවීමට හේතු වූයේ න්‍යෂ්ටික වැඩපිළිවෙල සම්බන්ධයෙන් දෙරට අතර තිබූ එකගතාවයන් ඉරානය විසින් කඩ කිරීමයි. කෙසේ වුවද මේ වන විටත් ඉරානය අන්තර් ජාතික න්‍යෂ්ටික ගිවිසුමෙන්ද අර්ධ වශයෙන් ඉවත් වීමට කටයුතු කර ඇත.

Comment (0) Hits: 740

ඉරානය සමග යුද්ධයක් නෑ - ට‍්‍රම්ප්

ඉරානය සමග යුධමය තත්වයකට එළඹීම කෙරෙහි තමා තුළ කිසිදු අදහසක් නොමැති බව ඇමරිකානු ජනාධිපතිවරයා පවසයි.

ස්විස්ටර්ලන්ත ජනාධිපතිවරයා සමග පසුගියදා ධවල මන්දිරයේදී පැවති සාකච්ඡාවකිදී ඔහු මේ බව සදහන් කර ඇති බව විදෙස් ආරංචි මාර්ග සදහන් කරයි.

න්‍යෂ්ටික අවි භාවිතය සම්බන්ධයෙන් ඇමරිකාව සහ ඉරානය අතර පමුගිය කාලයේ මකභේදයන් උත්සන්න වූ අතර ඒ නිසාම ඉරානයට එරෙහි සම්බාධක පැනවීමටද ඇමරිකාව කටයුතු කර තිබිණ.

Comment (0) Hits: 590

ගුවන් ප‍්‍රහාරවලින් සිරියාවේ සිවිල් 15ක් මරුට

සිරියාවේ වයඹ දිග ප්‍රදේශයට එල්ල වූ ගුවන් සහ ෂෙල් වෙඩි ප්‍රහාර හේතුවෙන් සිවිල් වැසියන් 15 දෙනෙකු ජිවිතක්ෂයට පත්ව ඇති බව විදෙස් මාධ්‍ය වාර්තා කරයි.

ප්‍රහාරවලින් තවත් පුද්ගලයින් 20 දෙනෙකු පමණ තුවාල ලබා ඇති බව විදෙස් වාර්තා සඳහන් කළේය.

මියගිය අය අතර වයස අවුරුදු 05ක් වයසැති කුඩා දරුවන් වන බව ඔවුන් සදහන් කරන අතර රුසියාවේ සහය ලබන එරට හමුදාව විසින් කැරලිකරුවන් සිටින ප්‍රදේශ ඉලක්ක කර ගනිමින් අඛන්ඩව ගුවන් ප්‍රහාර සහ ෂෙල් වෙඩි ප්‍රහාර එල්ල කරන බවද විදෙස් වාර්තා සඳහන් කර සිටියි.

Comment (0) Hits: 534

ඔස්ට්‍රේලියාවේ හිටපු අගමැති අභාවප්‍රාප්ත වෙයි

ඔස්ට්‍රේලියාවේ හිටපු අග්‍රාමාත්‍යවරයෙකු මෙන්ම කම්කරු පක්ෂ හිටපු නායකයෙකු වූ බොබ් හෝක් අභාවප්‍රාප්ත වී ඇත.

89 වන වියේ පසුවූ ඔහු සිඩ්නිහි සිය නිවසේදී අභාවප්‍රාප්ත වී ඇති බව විදෙස් මාධ්‍ය වාර්තා කළේය.

බොබ් හෝක් 1983 වසරේ සිට 1991 වසර දක්වා ඔස්ට්‍රේලියානු අග්‍රාමාත්‍ය ධුරයේ කටයුතු කර ඇති අතර වැඩිම කාලයක් අග්‍රාමාත්‍ය ධුරයේ කටයුතු කළ කම්කරු පක්ෂයේ නායකයාද ඔහුය.

Comment (0) Hits: 578

ඔසී අගමැතිට බිත්තර ප‍්‍රහාරයක්

ඔස්ටේ‍්‍රලියාවේ අගමැති ස්කොට් මොරිසන්ට බිත්තර ප‍්‍රහාරයක් එල්ල වී ඇති බව විදෙස් මාධ්‍ය වාර්තා කරයි. ඔහු එසේ බිත්තර ප‍්‍රහාරයකට ලක්ව ඇත්තේ ප‍්‍රාදේශීය කාන්තා සංගමයක උත්සවයකට සහභාගී වෙමින් සිටියදීය.

25 හැවිරිදි කාන්තාවක් විසින් මෙම බිත්තර ප‍්‍රහාරය එල්ල කලද එම බිත්තරය පුපුරා ගොස් නැත. කෙසේ වුවද එම ප‍්‍රහාරය එල්ල කළ තැනැත්තිය මේ වන විට අත් අඩංගුවට ගෙන ඇති අතර අගමැතිවරයා ප‍්‍රකාශ කර ඇත්තේ ඇය බියගුලු තැනැත්තියක් ලෙසිනි.

Comment (0) Hits: 559

ඉන්දුනීසියාවට දැඩි ආරක්ෂාවක්

ඉන්දුනීසියාවේ ජනාධිපතිවරණය පසුගියදා ප‍්‍රකාශයට පත් වූ අතර එහි ප‍්‍රථිඵල ප‍්‍රකාශයට පෙර රට පුරා දැඩි ආරක්ෂක තත්වයක් ක‍්‍රියාත්මක කිරීමට ඉන්දුනීසියාව කටයුතු කර ඇත.

ලබන සතියේදී ප‍්‍රකාශයට පත් කිරීමට නියමිත ජනාධිපතිවරණ ප‍්‍රථිඵලයත් සමග ඉන්දුනීසියාවට ප‍්‍රහාරයක් එල්ල වීමේ සැළසුමක් පිළිබදව වාර්තා වීම හේතුවෙන් මේ ආකාරයේ ආරක්ෂඛ විධි විධාන යෙදීමට කටයුතු කර ඇත.

එම වාර්තාවලට අනුව මේ මස 21 සට 23 දක්වා දිනයන්හි ඉන්දුනීසියානු ජනයා වැඩිපුර රැුස්වන ස්ථානයකට මේ ආකාරයේ ප‍්‍රහාරයක් එල්ල වනු ඇතැයි සැක කරන අතර ඒ හේතුවෙන් ජකාර්තා අගනුවර පොලිස් නිළධාරීන් 32,000ක පමණ පිරිසක් ආරක්ෂාව සදහා යොදවා ඇතැයි වාර්තා වේ.

Comment (0) Hits: 556

පැපුවානිව්ගිනියාවේ පොළොව හෙල්ලෙයි

පැසිෆික් කලාපයේ පැපුවා නිව්ගිනියා රාජ්‍යයේ බුලෝලෝ භූ කම්පනයක් හටගෙන ඇති බව ඇමෙරිකානු භූ විද්‍යා සමීක්ෂණ ආයතනය වාර්තා කර සිටියි.

රික්ටර් පරිමාණයේ 7.2ක තරම් විශාග භූ කම්පනයක් වූ ඒ තුළින් සිදු ව ඇති ජීවිත හා දේපළ හානි පිළිබද කිසිවක් තවමත් වාර්තා වී නොමැත.

බුලෝලෝ නගරයට කිලෝ මීටර් 30ක දුරින් මෙම භූ කම්පනය හට ගෙන ඇත.

 

Comment (0) Hits: 552

Page 10 of 22