V2025

විදෙස්

අතීතය පැත්තකට දැමූ : ට්‍රම්ප් - උන් හමුව

“ඇමෙරිකා එක්සත් ජනපදය සහ උතුරු කොරියාව අතර නව සබඳතා” සහ “ආරක්ෂක සහතිකය” යන කරුණු ජනාධිපති ට්‍රම්ප් සහ උතුරු කොරියානු නායක කිම් ජොන් උන් අත්සන් කළ ලියවිල්ලේ සඳහන්ව ඇතැයි වාර්තා වේ.

කලක් සතුරන් වූ ජනාධිපති ඩොනල්ඩ් ට්‍රම්ප් සහ උතුරු කොරියානු නායක කිම් ජොන් උන් මෙම ඓතිහාසික හමුවේදී නැවත එකිනෙකා හමුවන බව ද ප්‍රකාශ කළහ. 

කොරියානු අර්ධද්වීපය සම්පූර්ණයෙන්ම න්‍යෂ්ටික අවිවලින් තොර කලාපයක් බවට පත් කිරීමත් ඇමෙරිකා එක්සත් ජනපදය උතුරු කොරියාවේ ආරක්ෂාව පිළිබඳ සහතික වීමත් යන කරුණු ද අදාළ ලියවිල්ලේ සඳහන් යැයි වාර්තා වේ. 

න්‍යෂ්ටික අවිහරණය සම්බන්ධයෙන් විමසූ විට “අපි එම ක්‍රියාවලිය ආරම්භ කරනවා” යැයි ද “එය ඉක්මනින්ම ආරම්භ කරනවා” යැයි ද ජනාධිපති ට්‍රම්ප් පැවැසීය. 

ට්‍රම්ප් -කිම් විස්තීර්ණ ලියවිල්ලකට අත්සන් තබති 

ඓතිහාසික හමුවෙන් පසු ඇමෙරිකා එක්සත් ජනපද ජනාධිපති ඩොනල්ඞ් ට්‍රම්ප් සහ උතුරු කොරියානු නායක කිම් ජොන් උන් ‘විස්තීර්ණ’ ලියවිල්ලකට අත්සන් තැබූහ. 

කොරියානු අර්ධද්වීපය න්‍යෂ්ටික අවිවලින් තොර කලාපයක් බවට පත් කිරීමේ අරමුණින් ඇමෙරිකා එක්සත් ජනපද ජනාධිපතිවරයාගේ සහ උතුරු කොරියානු නායකයාගේ හමුව පැවැත්වුණද ඔවුන් දෙදෙනා අත්සන් තබන ලද ලියවිල්ලේ අන්තර්ගතය සම්බන්ධයෙන් කිසිදු සවිස්තර විස්තරයක් මාධ්‍යයට ඉදිරිපත් නොවීය. 

මෙම ඓතිහාසික හමුවත් සමඟ රාජ්‍ය තාන්ත්‍රික ක්‍රියාවලියේද නව පරිච්ඡේදයක් ආරම්භ වනු ඇති අතර ඊසාන දිග ආසියාවේ ආරක්ෂක භූ දර්ශනයට ද වෙනස්කම් ගෙනෙනු ඇත. හිටපු ඇමෙරිකා එක්සත් ජනපද ජනාධිපති රිචඞ් නික්සන් 1972 වසරේදී බීජිං නුවරට ගමන් කිරීම පමණක් හේතු කරගෙන චීන පරිවර්තනය ආරම්භ විය.  

රිචඞ් නික්සන්ගේ නිල සංචාරයත් සමඟ වසර 25කට ආසන්න කාලයක් දෙරට අතර නොතිබුණු සන්නිවේදන හා රාජ්‍ය තාන්ත්‍රික සබඳතා ඇති විය. 
ලියවිල්ලට අත්සන් තැබීමට පෙර එය ‘විස්තීරණ ලිපියක්’ එසෙත් නැතිනම් පුළුල් කරුණු ඇති ලියවිල්ලක් යැයි ට්‍රම්ප් ජනාධිපතිවරයා පැවැසීය. 

අප දෙදෙනා අතර ඓතිහාසික හමුවක් පැවැති බව උතුරු කොරියානු නායක කිම් එම අවස්ථාවේදී කීය.  

“අතීතය පැත්තකට දැමීමට අපි තීරණය කළා. ලෝකය ඉදිරියේදී විශාල වෙනස්කම් රැසක් දකිවී” යැයි ද උතුරු කොරියානු නායකයා එහිදි කීය.  

න්‍යෂ්ටික අවිහරණ ක්‍රියාවලිය ඉක්මනින්ම සිදුවනු ඇතැයි සඳහන් කළ ඇමෙරිකා ජනාධිපති ඩොනල්ඞ් ට්‍රම්ප් තමන් හා උතුරු කොරියානු නායකයා අතර “විශේෂ බැඳීමක්” ඇති වූ බව ද සඳහන් කළේය. එපමණක් නොව උතුරු කොරියාව සමඟ ඇතිවන සබඳතාව තරමක වෙනස් සබඳතාවක් වනු ඇතැයි ද හෙතෙම කීය.  

“මේ හමුවෙන් පසු තවත් බොහෝ බොහෝ බොහෝ දේ සිදු වේවි” ට්‍රම්ප් පැවැසීය. 

ට්‍රම්ප්ගෙන් කිම්ට ධවල මන්දිරයට ආරාධනයක්

සිංගප්පූරු හමුව එසේත් නැතිනම් ‘ට්‍රම්ප්-කිම්’ හමුවෙන් ඇමෙරිකා එක්සත් ජනපද ජනාධිපති ඩොනල්ඩ් ට්‍රම්ප් උතුරු කොරියානු නායක කිම් ජොන් උන්ට ධවල මන්දිරයට ආරාධනා කර ඇතැයි රොයිටර් පුවත් සේවය වාර්තා කරයි.

ඓතිහාසික හමුව සිංගප්පූරු වේලාවෙන් උදෑසන නවයට ආරම්භ වූ අතර නායකයන් දෙදෙනා අතර පෞද්ගලික හමුවෙන් පසු ඔවුන් දෙදෙනාගේ සහ දෙරටේ නිලධාරීන්ගේ සහභාගීත්වය ඇතිව ඉහළ පෙළේ රාජ්‍ය තාන්ත්‍රික සාකච්ඡාවක් පැවැත්විණි.

එම සාකච්ඡාවලින් පසු ඇමෙරිකා ජනාධිපතිවරයා සහ උතුරු කොරියානු නායකයා ගිවිසුමකට ද අත්සන් තැබූහ.

ඉන් පසුව ඇමෙරිකා ජනාධිපතිවරයා නැවත වරක් මාධ්‍යවේදීන් හමුවේ අදහස් දැක්වීය. උතුරු කොරියානු  නායකයාට ධවල මන්දිරයට ආරාධනා කරන්නේ දැයි මාධ්‍යවේදියකු එහිදි විමසා සිටි අතර ඊට පිළිතුරු දෙමින් ‘ඇත්ත වශයෙන්ම ඔව්’ යැයි ට්‍රම්ප් ජනාධිපතිවරයා පැවැසීය.

ඉන් අනතුරුව ඔබ දෙදෙනා නැවත හමුවනවාදැයි තවත් මාධ්‍යවේදියකු විමසා සිටි අතර ‘ඔව් බොහෝ අවස්ථා ගණනකදී’ යැයි ඊට පිළිතුරු දෙමින් ට්‍රම්ප් පැවැසීය.

Comment (0) Hits: 204

විනිසියුලාවේ ඉදිරි වසර 6ත් : චාවේස්ගේ ගෝලයාටම

වෙනිසියුලාවේ පසුගියදා පැවති  ජනාධිපතිවරණය ජයග්‍රහණය කිරීමට එරට වත්මන් ජනාධිපති නිකලස් මදුරෝ සමත්ව ඇත.

එහිදී ප්‍රකාශිත ජන්ද සංඛ්‍යාවෙන් 67.7%ක ප්‍රතිශතයක් ලැබීමට මදුරෝ සමත්ව ඇති අතර ඔහුගේ ප්‍රධාන ප්‍රතිවාදියා වූ හෙන්රි ෆෝල්කන් ලබා ඇත්තේ ප්‍රකාශිත ජන්ද ප්‍රමාණයෙන් 21.2% ක ප්‍රතිශතයක් පමණි.

එහෙත් විදෙස් මාධ්‍ය වාර්තා කර ඇත්තේ මෙවර පැවති වෙනිසියුලානු ජනාධිපතිවරණය සඳහා ජන්ද දායකයින් අතර ඉතා අඩු උනන්දුවක් පැවති බවත් එහෙයින් සමස්ථ ජන්ද ප්‍රමාණයෙන් ජනාධිපතිවරණය සඳහා ජන්දය ප්‍රකාශ කර ඇත්තේ 46%ක් පමණ කුඩා ප්‍රතිශතයක් බවයි.

එසේම විපක්ෂ දේශපාලන කොටස් මැතිවරණය වර්ජනය කරන ලෙස ජනතාවගෙන් ඉල්ලා ගෙන ගිය ප්‍රචාරයද මැතිවරණයේ  ප්‍රකාශිත ජන්ද වල අඩුවීමට බලපෑ බවද විදෙස් මාධ්‍ය වාර්තා පෙන්වා දෙයි.

කෙසේ වුවත් 2019 වසරේ සිට මදුරෝ ජනාධිපතිවරයාගේ නව ධූර කාලය ආරම්භ වන අතර එය වසර 6කට බලපවතවෙයි.

සිය ජයග්‍රහණය සම්බන්ධව අදහස් දක්වමින් මදුරෝ සඳහන් කර ඇත්තේ විපක්ෂ දේශපාලන කොටස් තමන්ව අවතක්සේරු කළත් එය පරාජය කරවන්න කටයුතු කල තම ආධාරකරුවන්ට ප්‍රශංසා කරන බවය.

එසේම ඉදිරි වසර දෙක තුළ තවත් කිසිදු මැතිවරණයක් නොපැවැත්වෙනු ඇති බවත් සඳහන් කළ මදුරෝ කෙසේ වුවත් තම ජනාධිපතිවරණ සටනේ ප්‍රධාන සටන්පාඨය වූ "ආහාර අර්බුදය කඩිනමින් විසඳීම" වෙනුවෙන් කැපවෙන බවද සඳහන් කර ඇත. එසේම තම ජයග්‍රහණය ඓතිහාසික මෙන්ම වාර්තාගත ජයග්‍රහණයක් බවත් එය ආරක්ෂාකර ගැනීමට කැපවෙන බවද ඔහු පවසා ඇත.

Comment (0) Hits: 299

ඇමරිකා - උතුරු කොරියා නායක හමුව ඇරඹේ !

ලෝක දේශපාලනය නව පිටුවක් පෙරළමින් උතුරු කොරියා – අමෙරිකා නායකයින් අතර ඓතිහාසික හමුව මේ වනවිට ආරම්භ වී තිබේ.විදෙස් මාධ්‍ය සඳහන් කරන ආකාරයට මෙම සාකච්ඡාවේ  පළමු  විනාඩි 40 තුළ භාෂා පරිවර්තකයින් දෙදෙනා සමග නායක දෙපළ පමණක් සිටිනු ඇති අතර ඉන් අනතුරුව සෙසු උපදේශකයින් වැඩිදුර සාකච්ඡා සඳහා සහභාගී වනු ඇත.

මේ සම්බන්ධව සාකච්ඡාවට පෙර අදහස් දක්වමින්  අමෙරිකානු ජනාධිපති ඩොනල්ඩ් ට්‍රම්ප් සඳහන් කර ඇත්තේ මෙම  ඓතිහාසික හමුව අතිශය සාර්ථක වනු ඇති බවය.

මේ අතර උතුරු කොරියානු නායකයා පවසා ඇත්තේ, සිංගප්පූරුවේ පැවැත්වෙන මෙම සාකච්ඡාවට බාධා තිබූ බවත් ඒ මැඩගෙන සාකච්ඡා සඳහා තම පාර්ශවය කැපවූ බවය.

Comment (0) Hits: 332

අවධානයෙන් ඉන්න : මීළඟ වසංගතය "නිපා"

වවුලන් ඇතුළු සත්ව විශේෂ කිහිපයක් වෙතින් මිනිසාට බෝවන වසංගත රෝගයක් වන නිපා (nipah) වෛරසය සම්බන්ධව ලෝක සෞඛ්‍ය සංවිධානයේ විශේෂ අවධානය යොමුව ඇත.

මීළඟට මිනිසුන් අතර පැතිර යන වසංගතය බවට නිපා පත්වීමේ අවධානමක් ඇති බැවින් ඒ පිළිබඳ සැළකිලිමත් වන ලෙස ඉන්දියාව ඇතුළු රටවල් කිහිපයකට දැනුම්දී ඇති බවද වාර්තා වෙයි.

මෙම නිපා වෛරස් රෝගී තත්ත්වය ඉන්දියාවේ කේරළ ප්‍රාන්තයෙන් සොයාගෙන ඇති අතර මේ වන විටත් ඊට ගොදුරුවූ 9 දෙනෙකු මියගොස් 25කට අධික පිරිසක් අසාධ්‍යව සිටින බවද වාර්තා වෙයි.

මෙම වෛරසය සඳහා මෙතෙක් නිශ්චිත ඖෂධයක් සොයාගෙන නොතිබීමත් රෝගය වැළඳුනු පුද්ගලයින් අතුරින් 70%ක් මියයාමේ අවධානමක් පැවතීමත් හේතුවෙන් නිපා වඩාත් හානිකර බලපෑමක් සිදුකරන බව වැඩිදුරටත්  වාර්තා වෙයි.

Global NiphaandHendraRisk 20090510

Nipah virus confirmed in kerala

nipa

Comment (0) Hits: 306

ට්‍රම්ප් හම්බෙන්න : කිම් ජොන්ග් උන් සිංගප්පූරුවට !

ඇමෙරිකාවේ ජනාධිපති ඩොල්ඩ් ට්‍රම්ප් සමඟ සාකච්ඡාවට සහභාගී වීම සඳහා උතුරු කොරියා නායක කිම් ජොන්ග් උන් සිංගප්පූරුව වෙත පැමිණ ඇති බව වාර්තා වෙයි.

විදෙස් මාධ්‍ය වාර්තා කර ඇති ආකාරයට ඔහු සමඟ විශේෂ ධුත පිරිසක්ද මේ සංචාරයට එක්ව ඇත.

ට්‍රම්ප් සහ කිම් ජොන්ග් උන් අතර  අදාළ හමුව එළැඹෙන අඟහරුවාදා (12) සිංගප්පූරුවේ සෙන්ටෝසා දූපතේදී පැවැත්වීමට නියමිතය.

Comment (0) Hits: 191

මැලේසියාවේ හිටපු අගමැති : දූෂණ විරෝධි කොමිසම හමුවට

මැලේසියාවේ හිටපු අගමැති නජීබ් රසාක් අද (22) එරට දූෂණ විරෝධි කොමිසමේ මූලස්ථානයට කැඳවා ඇති බව විදෙස් මාධ්‍ය වාර්තා කරයි.

ඒ සිය පාලන සමයේදී මැලේසියානු රාජ්‍ය අරමුදලක් වෙතින්  ඩොලර් මිලියන 10. 6 මුදලක් තම පෞද්ගලික ගිණුමට බැර කිරීමට නියෝග කිරීම සම්බන්ධයෙන් ප්‍රකාශයක් ලබා දීම සඳහාය.

හිටපු අගමැති නජීබ් රසාක් පාලන සමය අතිශය දුෂිත වූ බවත්  රාජ්‍ය මුදල් එම සමයේ ඩොලර් බිලියන ගණනක් අවභාවිත කර ඇති බවට හිටපු අගමැතිවරයාට චෝදනා එල්ලවී ඇති බවත් විදෙස් මාධ්‍ය වැඩිදුරටත් සඳහන් කර ඇත.
 
 අසාර්ථක රාජ්‍ය පාලනයකින් පසු පසුගිය 9 වන දා පැවති මැතිවරණයෙන් නජිබ් රසාක් පරාජය වීමට ආසන්නතම හේතුව වූයේ ද ඔහුට එරෙහිව එල්ලවූ බරපතල දුෂණ සහ මුල්‍ය අක්‍රමිකතා චෝදනා ය.

Comment (0) Hits: 249

කිම් ජොන්ග් උන් හමුවීමට ට්‍රම්ප් සිංගප්පූරුවට !

උතුරු කොරියානු නායක කිම් ජොන්ග් උන් සමඟ පැවැත්වෙන හමුවට සහභාගී වීම සඳහා ඇමෙරිකා එක්සත් ජනපද ජනාපධිති ඩොනල්ඩ්  ට්‍රම්ප් සිංගප්පූරුව බලා පිටත්වී ඇතැයි විදෙස් මාධ්‍ය සඳහන් කරයි.

කැනඩාවේ පැවැති ජී7 සමුළුවට සහභාගී වීමෙන් අනතුරුව ජනාධිපති ට්‍රම්ප් එරට සිට සිංගප්පූරුව බලා පිටත් වී ඇත.

ට්‍රම්ප් සහ කිම් ජොන්ග් උන් අතර  අදාළ හමුව එළැඹෙන අඟහරුවාදා (12) සිංගප්පූරුවේ සෙන්ටෝසා දූපතේදී පැවැත්වීමට නියමිතය.

Comment (0) Hits: 196

මැලේසියාවේ හිටපු අගමැතිගේ නිවසක : මිලියන 2.87 ලංකා මුදල් 

මැලේසියාවේ හිටපු අගමැති නජීබ් රසාක්ට අයත් පෞද්ගලික නිවසක තිබී  ‘ශ්‍රී ලංකා රුපියල්' මිලියන 2.87ක් සොයාගෙන ඇති බව විදෙස් මාධ්‍ය වාර්තා කරයි. බරපතල මුල්‍ය අක්‍රමිකතා සහ දුෂණ  සම්බන්ධව චෝදනා ලබා සිටින  මැලේසියාවේ හිටපු අග්‍රාමාත්‍යවරයාට අයත් නිවසක් සහ එම පවුලට අයත්  ස්ථාන හයක් පසුගිය 16,17 යන  දිනවල පරීක්ෂා කිරීමට එරට ආරක්ෂක අංශ කටයුතු කල අතර එහිදී මෙම මුදල් තොගය සොයාගෙන ඇත. 

මෙම පරීක්ෂාවේ දී  මිල අධික අත්බෑග් සහ ඔරලෝසූ බහාලූ පෙට්ටි 284ක් සහ මුදල් බහාලූ මළු  72ක් ආරක්ෂක අංශ සොයාගෙන ඇත. 

මැලේසියානු පොලිසියේ වාණිජ අපරාධ ඒකකය විසින් මෙම වැටලීම් කර තිබෙන අතර  මැලේසියාවේ මුදල් විශුද්ධිකරණයට එරෙහි පනත, ත්‍රස්තවාදයට මුදල් සැපයීමට එරෙහි සහ නීතිවිරෝධී ක්‍රියාවලට එරෙහි පනත යන පනත් යටතේ මෙම වැටලීම් සිදුකළ කරනු ලැබූ බවද විදෙස් වාර්තා වල වැඩිදුරටත් දැක්වේ. එසේම හිටපු අගමැතිවරයා විසින්ම ආරම්භ කරනු ලැබු ‘1 මැලේසියා ඩිවලොප්මන්ට් බර්හාඩ්’ රාජ්‍ය අරමුදලෙන් ඩොලර් බිලියන ගණනක මුදලක් වංචා කළ බවට චෝදනා එල්ලවී ඇති අතර මේ සම්බන්ධයෙන් ඇමෙරිකා එක්සත් ජනපදය ඇතුළු රටවල් හයක පොලිස් පරීක්ෂණ පැවැත්වෙමින් ඇත.

Comment (0) Hits: 336

පකිස්තානයේ හිටපු අගමැතිට රාජද්‍රෝහී චෝදනා ! 

පකිස්තානයේ 2007 වසරේ, පර්වේස් මුෂාරෆ් අග්‍රාමාත්‍ය ධුරය හොබවද්දී, හදිසි තත්ත්වයක් ප‍්‍රකාශයට පත් කර, මහාධිකරණ විනිසුරුවරුන් නිවාස අඩස්සියට ගැනීම සහ  තවත් අධිකරණ විනිසුරුවරුන් 100 කට ආසන්න පිරිසක් නෙරපා දැමීමට කටයුතු කිරීම සම්බන්ධව ඔහුට එරෙහිව රාජද්‍රෝහී චෝදනා එල්ලවී ඇති බව විදෙස් මාධ්‍ය සඳහන් කරයි.

එම චෝදනා සම්බන්ධයෙන්, විශේෂ අධිකරණයක් යටතේ නඩු විභාගයක් පැවැත්වෙන අතර එම අධිකරණය  මුෂාරෆ්ගේ ගුවන් බලපත‍්‍රය සහ ජාතික හැඳුනුම්පත අවලංගු කිරීමට නියෝග කර ඇති බවද වාර්තා වෙයි.

හමුදා කුමන්ත‍්‍රණයකින් බලයට පත් පර්වේස් මුෂාරෆ් 1999 වසරේ සිට 2008 තෙක් පාකිස්තානයේ අගමැති ධුරය ඉසිළු අතර පාකිස්තානයේ තවත් අගමැතිවරියක වන බෙනාසීර් බූතෝ ඝාතන සිද්ධිය පසුපස ද මුෂාරෆ් සිටින බවට චෝදනා එල්ල වී ඇත.

Comment (0) Hits: 222

පළමු වරට CIA මුල් පුටුවට කාන්තාවක් !

CIA සංවිධානයේ හිටපු අධ්‍යක්ෂ  Michael Richard Pompeo අමෙරිකානු රාජ්‍ය ලේකම් ලෙස පත්කිරීමත් සමඟ  පුරප්පාඩු වූ එම තනතුර  සඳහා 61 වියේ පසුවන  Gina Haspel පත්කිරීමට ඇමරිකා එක්සත් ජනපද සෙනට් මණ්ඩලයේ අනුමැතිය හිමිව ඇති බව වාර්තා වෙයි. 

අමෙරිකානු සී.අයි.ඒ. රහස් ඔත්තු සේවයේ නව අධ්‍යක්ෂවරිය ලෙස 61 හැවිරිදි Gina Haspel පත් කිරීමට නිර්දේශ කර සිටියේ එරට ජනාධිපති ඩොනල්ඩ් ට්‍රම්ප් විසින් වන අතර ඒ සම්බන්ධව  සෙනට් මණ්ඩලයේ පැවති ජන්ද විමසීමේදී  Gina Haspel ට  54ට 45ක් ලෙස ජන්ද හිමිව ඇත.

Gina Haspel  ගේ මෙම පත්වීම සී.අයි.ඒ.  රහස් ඔත්තු සේවය සදහා  කාන්තාවක් පත්වූ පළමු අවස්ථාව ලෙස ඉතිහාස ගතවන අතර විදෙස් මාධ්‍ය සඳහන් කර සිටින්නේ අමෙරිකානු බුද්ධි අංශය පිළිබඳ මනා දැනුමක් ඇති ඇයව එම තනතුරට පත්කිරීම ට්‍රම්ප් පාලනය ගනුලැබූ වැදගත් තීරණයක් බවය.

Comment (0) Hits: 250

උතුරු කොරියාව සමඟ ගිවිසුමකට ට්‍රම්ප් සුදානම් වෙයි !

උතුරු කොරියානු නායක කිම් ජොන්ග් උන් සහ තමන් අතර සිංගප්පූරුවේදී පැවැත්වෙන හමුවේදී කොරියානු යුද්ධය අවසන් කිරීමේ ගිවිසුමකට අත්සන් තැබීමට ඉඩ ඇති බව අමෙරිකානු ජනාධිපති ඩොනල්ඩ් ට්‍රම්ප් පවසා ඇතැයි විදෙස් මාධ්‍ය වාර්තා සඳහන් කරයි.වාර්තා කර ඇති ආකාරයට එළඹෙන  12 වනදා පැවැත්වෙන එම හමුව යම් දිනෙක උතුරු කොරියාව සමග සබඳතා සාමාන්‍ය අතට පත් කිරීමට හේතු විය හැකි බව ද ජනපති ට්‍රම්ප් පවසා ඇත.

අමෙරිකානු ජනාධිපති ඩොනල්ඩ් ට්‍රම්ප් මෙසේ අදහස් දක්වා ඇත්තේ  ජපාන අගමැති ශින්සෝ අබේ සමඟ ඒකාබද්ධ ප්‍රවෘත්ති සාකච්ඡාවකට එක්වෙමින් වන අතර  උතුරු කොරියානු නායකයා හා තමන් අතර පැවැත්වෙන පළමු හමුවේදීම  ගිවිසුමකට අත්සන් තැබීමට ද අපේක්ෂා කරන බවද ට්‍රම්ප්  පවසා ඇත.

Comment (0) Hits: 231

මැක්ස් තන්ඩර් නිසා කොරියානු සාම කතා අවධානමේ

ඇමරිකාව සහ දකුණු කොරියාව ඒකාබද්ධ යුද අභ්‍යාස පැවත්වීමට කටයුතු කිරීම පිළිබඳව විරෝධය පළකරමින් දකුණු කොරියාව  සමග පැවැත්වීමට නියමිතව තිබූ සියලු සාකච්ඡා නතර කිරීමට උතුරු කොරියාව තීරණය කර ඇති බව විදෙස් මාධ්‍ය වාර්තා කරයි.

මේ බව වාර්තා කරමින් උතුරු කොරියානු මාධ්‍ය සඳහන්  කරන්නේ දකුණු කොරියාව සහ අමෙරිකාව යුද අභ්‍යාසවල නිරත වීම උතුරු කොරියාව ප්‍රකෝප කීරීමක් සහ ආක්‍රමණයක් සඳහා පෙරහුරුවක් ලෙස තම රට හඳුනාගෙන ඇති බවය.

මෙම යුද අභ්‍යාසය මැක්ස් තන්ඩර් නමින් හඳුන්වා ඇති අතර ඒ සඳහා  අමෙරිකානු  ගුවන් යානා 100කට අධික සංඛ්‍යාවක් යොදා ගන්නා අතර  බී 52 වර්ගයේ බෝම්බ හෙළන ගුවන් යානා, ප්‍රහාරක ජෙට් යානා රැසක් මෙන්ම සෙබලුන් 1200කට අධික පිරිසක් ද ඊට සහභාගී කර ඇත.

මේ  සමග ජූනි 12 වන දා උතුරු කොරියානු නායකයා සහ අමෙරිකානු නායක ඩොනල්ඩ් ට්‍රම්ප් අතර සිංගප්පූරුවේදී පැවැත්වීමට යෝජිත සාකච්ඡා පවා අවධානමේ වැටී ඇති බව ද විදෙස් මාධ්‍ය සඳහන් කරයි.

Comment (0) Hits: 279

ඩෙන්මාකයේත් බුර්කා -නිකාබ් තහනමක් !

ඩෙන්මාකයේ මුස්ලිම් කාන්තාවන්ට සම්පූර්ණයේ මුහුණ වැසෙන සේ බුර්කාව හෝ නිකාබ් ඇඳීම තහනම් කිරීමේ යෝජනාවක් එරට  පාර්ලිමේන්තුවේ වැඩි ඡන්ද 45කින් සම්මත වී ඇති බව විදෙස් මාධ්‍ය වාර්තා සඳහන් කරයි.
 
ඊට අනුව අදාළ  යෝජනාවට පක්ෂව ඡන්ද 75ක් ලැබුණු බවත් විපක්ෂව ඡන්ද 30ක් ලැබී ඇත.
 
ඒ අනුව මෙම  නීතිය අගෝස්තු පළමු වැනි දා සිට ක්‍රියාත්මක වීමට නියමිතව ඇත.
 
බුර්කාව හැඳීම පළමුවෙන්ම තහනම් කළ යුරෝපීය රට  ප්‍රංශය වන අතර පසුව බෙල්ජියම, ඔස්ට්‍රියාව සහ බල්ගේරියාව  වැනි යුරෝපා රටවල් ගණනාවක් එය  තහනම් කර ඇත.

Comment (0) Hits: 237

මැලේසියාවේ පැරදුණු අගමැතිට රටින් පිටවීම තහනම් වෙයි !

මැලේසියාවේ පසුගියදා පැවති මහ මැතිවරණයෙන් පරාජයට පත්වූ හිටපු අග්‍රාමාත්‍ය නජීබ් රසාක් සහ ඔහුගේ බිරිඳ රොස්මා මන්සූර්ට රටින් පිටවීම තහනම් කර ඇති බව විදෙස් මාධ්‍ය වාර්තා කරයි.

මැලේසියාවේ ආගමන - විගමන දෙපාර්තමේන්තුව උපුටා දක්වමින් විදෙස් මාධ්‍ය සඳහන් කර සිටින්නේ හිටපු අග්‍රාමාත්‍යවරයාට එරෙහිව එල්ලවී තිබෙන මුල්‍ය අක්‍රමිකතා චෝදනා ඊට හේතුවී ඇති බවයි.

වැඩිදුරටත් වාර්තා කර තිබෙන ආකාරයට හිටපු අග්‍රාමාත්‍යවරයා ඇතුළු ඔහුගේ පවුලේ සාමාජිකයන් අද (12) විදෙස් ගතවීමේ අපේක්ෂාවෙන් සිටියත් රජයේ බලධාරීන් එය වලක්වා ඇත.

Comment (0) Hits: 277

ස්පාඤ්ඤ අගමැති : විශ්වාසභංගය පරදියි !

ස්පාඤ්ඤ අග්‍රාමාත්‍ය  මරියානෝ රනෝයිට එරෙහිව ඉදිරිපත් කළ විශ්වාසභංග යෝජනාවෙන් ඔහු පරාජයට පත් වී ඇති බව විදෙස් මාධ්‍ය වාර්තා සඳහන් කරයි.ඊට අනුව  350 ක් වූ ස්පාඤ්ඤ පාර්ලිමේන්තු මන්ත්‍රිවරුන්ගෙන් 180 දෙනෙකු අග්‍රාමාත්‍යවරයා ට  විරුද්ධව ඡන්දය ප්‍රකාශ කර ඇත.

ස්පාඤ්ඤ පාර්ලිමේන්තුව තුළ  විශ්වාසභංගයක් ජයග්‍රහණය කිරිමට නම් ජන්ද 176 ක බහුතරයක් ලබාගත යුතුව ඇත. මරියානෝ රනෝයි නායකත්වය දරන ජනතා පක්ෂයේ නිලධාරින් 29 දෙනෙකු පසුගිය සතියේදි ඩොලර් දහස් ගණනක මූල්‍ය වංචාවකට වරදකරුවන් බව එරට අධිකරණය තීන්දුකර තිබූ අතර මෙම විශ්වාසභංගය පරාජයවීම සහ එම චෝදනාව අතර සම්බන්ධයක් ඇති බවද විදෙස් මාධ්‍ය වාර්තාවල සඳහන් ය.

Comment (0) Hits: 211

92ක් වයස මහතීර් මලයාසියාව දිනයි

මලයාසියානු මහ මැතිවරණයෙන් හිටපු අග්‍රාමාත්‍ය මහතිර් මොහොමඩ් ප්‍රමුඛ විපක්ෂය ජයග්‍රහණය කර ඇත.

මලයාසියානු මැතිවරණ කොමිසම උපුටා දක්වමින් විදෙස් මාධ්‍ය සඳහන් කරන ආකාරයට විපක්ෂ සන්ධානය පාර්ලිමේන්තු ආසන 220න් 115ක් ජයග්‍රහණය කර ඇත.
මලයාසියාවේ රජයක් පිහිටුවීමට පක්ෂයක් ජය ගත යුතු ආසන සංඛ්‍යාව වන්නේ ආසන 112ක් පමණි.

92 හැවිරිදි මහතිර් මොහොමඩ් ප්‍රමුඛ විපක්ෂ සන්ධානය එලෙස ජයග්‍රහණය කළේ, වසර 60කට අධික කාලයක් පාලක පක්ෂය ලෙස ක්‍රියා කළ බරිසාන් ජාතික සන්ධානය පරදවමින් වන අතර ඒ අනුව මහතිර් මොහොමඩ් අද (10)  දින සිය අග්‍රාමාත්‍ය ධූරයේ දිවුරුම් දීමට නියමිතව ඇත.

රාජ්‍ය අරමුදලකින් අමෙරිකානු ඩොලර් මිලියන 700ක මුදලක් සොරකම් කළ බවට මලයාසියානු අග්‍රාමාත්‍ය නජීබ් රසාක්ට චෝදනා එල්ල වන අතර මෙය පාලක පක්ෂයේ පරාජයට බලපෑ ප්‍රධාන හේතුව වූ බවද විදෙස් මාධ්‍ය වාර්තා වල සඳහන්ව ඇත.

2013 වසරේදී පැවති මැතිවරණයේදී මලයාසියානු විපක්ෂයට විශාල ප්‍රගතියක් අත්කර ගැනීමට හැකි වුවත් රජයක් පිහිටුවීමට ප්‍රමාණවත් ආසන සංඛ්‍යාවක් දිනා ගැනීමට සමත් වුයේ නැත.

Comment (0) Hits: 302

පකිස්තානයට අන්තර්වාර අගමැතිවරයෙක්

පකිස්තානයේ හිටපු අගවිනිසුරු නසීර් උල් මුල්ක්  (Nasir Ul Mulk) එරට අන්තර්වාර රජයේ අග්‍රාමාත්‍යධුරය සඳහා නම් කර ඇත.

ඒ අනුව ජුලි 15 පැවැත්වෙන පකිස්තාන මහ මැතිවරණය අවසන් වන තුරු ඔහු එම ධුරයේ කටයුතු කිරීමට නියමිත බව විදෙස් මාධ්‍ය වාර්තා කරයි.

වත්මන් පකිස්තාන අග්‍රාමාත්‍ය ෂාහිඩ් අබ්බාසි උපුටා දක්වන විදෙස් මාධ්‍ය සඳහන් කර සිටින්නේ යෝජිත මහ මැතිවරණය වෙනුවෙන් එළඹෙන බ්‍රහස්පතින්දා පකිස්තාන පාර්ලිමේන්තුව විසුරවා හැරීමට නියමිතව ඇති බවය.

Comment (0) Hits: 238

මලයාසියානු මහ මැතිවරණයේ ජන්ද විමසීම ඇරඹේ

2013 ට පසුව පැවැත්වෙන මලයාසියානු මහ මැතිවරණයේ ජන්ද විමසීම මේ වන විට ආරම්භවී ඇති බව විදෙස් මාධ්‍ය සඳහන් කරයි.

මෙම මැතිවරණයේ ප්‍රධාන තරගකරුවන් ලෙස සිටින්නේ අග්‍රාමාත්‍ය නජීබ් රසාක් සහ එරට විපක්ෂ නායක මහතීර් මොහොමඩ් ය.

කෙසේ වුවත් විදෙස් මාධ්‍ය අනාවරණය කර සිටින්නේ එරට පවතින දේශපාලන පසුබිම තුළ නිදහස් හා සාමකාමී මැතිවරණයක් පිළිබඳ විශ්වාසයක් තැබීම දුෂ්කරව ඇති බවය.

Comment (0) Hits: 225

Page 5 of 11