V2025

විදෙස්

බ්‍රිතාන්‍ය මැතිවරණයෙන් කොන්සවෙටිව් පක්ෂය ජය

බ්‍රිතාන්‍ය මහ මැතිවරණයෙන් කොන්සවෙටිව් පක්ෂය සමස්ත බහුතර ජයග්‍රහණයක් හිමි කරගෙන තිබේ.

බ්‍රිතාන්‍ය පාර්ලිමේන්තුවේ ආසන 650ක් වෙනුවෙන් මන්ත්‍රීවරුන් තෝරා පත් කර ගැනීම සඳහා බ්‍රහස්පතින්දා මහ මැතිවරණය පැවැත්විණි.

මහ මැතිවරණයෙන් සමස්ත බහුතරය දිනා ගත හැක්කේ, ආසන 326ක් ජය ගන්නා පාර්ශවයටය.

මේ වන විට ආසන 649ක ඡන්ද ප්‍රතිඵල ප්‍රකාශයට පත් කර ඇති අතර ඉන් ආසන 364ක් කොන්සවේටිව් පක්ෂයට හිමි වී තිබේ.

මෙම ප්‍රතිඵලය තුළින් බ්‍රිතාන්‍යය ලබන මාසයේදී යුරෝපා සංගමයෙන් ඉවත් කර ගැනීම සඳහා තමන්ට ජන වරමක් හිමි වන බව අග්‍රාමාත්‍ය බොරිස් ජොන්සන් පවසයි.

මීට පෙර 2015 සහ 2017 වසරවලදී ද එක්සත් රාජධානියේ මහ මැතිවරණය පැවැත්විණි.

 

Comment (0) Hits: 534

බෙන්ජමින් නෙතන්යාහුට දූෂණ චෝදනා

ඊශ්‍රායල අග්‍රාමාත්‍ය බෙන්ජමින් නෙතන්යාහුට දූෂණ චෝදනා එල්ල වී ඇතැයි විදෙස් මාධ්‍ය වාර්තා කළේ ය.

අල්ලස් ලබා ගැනීම, විවිධ වංචා සිදු කිරීම සහ විශ්වාසය කඩ කිරීම සම්බන්ධයෙන් ඔහුට චෝදනා එල්ල වී ඇති බව එරට නීතිපතිවරයා උපුටා දක්වමින් විදෙස් මාධ්‍ය සඳහන් කළේය.

කෙසේ වෙතත් ඊශ්‍රායාල අග්‍රාමාත්‍යවරයා ඒම චෝදනා ප්‍රතික්ෂේප කරන අතර, ඔහු සඳහන් කර ඇත්තේ, මෙම චෝදනා තමන්ට එරෙහිව සිදු කරනු ලබන කුමන්ත්‍රණයක ප්‍රතිඵලයක් බවයි.

තමන් ධූරයෙන් ඉල්ලා අස්නොවන බවත්, මේ සම්බන්ධයෙන් විධිමත් පරීක්ෂණයක් කල යුතු බව අග්‍රාමාත්‍යවරයා ප්‍රකාශ කළේ ය.

 

Comment (0) Hits: 484

38දෙනෙකු සමඟ චිලී ගුවන් හමුදා යානයක් අතුරුදන්

ඇන්ටාක්ටිකාව බලා පියාසර කරමින් තිබූ චිලී ගුවන් හමුදාවට අයත් ගුවන් යානයක් අතුරුදන්වී ඇති බව චිලී ගුවන් හමුදාව නිවේදනය කරයි.

සී-130 හර්කියුලස් වර්ගයේ ප්‍රවාහන ගුවන් යානයක් වන මෙය චිලි රටේ පුන්ටා අරිනාස් වෙතින් ගුවන් ගතවී තිබේ.

මෙම ගුවන් යානය තුළ පුද්ගලයින් 38 දෙනෙකු සිට ඇති බව විදෙස් මාධ්‍ය වාර්තාවල සදහන් වේ. අතුරුදහන් වූවන් අතර කාර්ය මණ්ඩලය 17 ක් සහ මගීන් 21 ක් ඇතුළත් වේ.

යානය ඇන්ටාක්ටිකාවේ කිං ජෝර්ජ් දිවයිනේ පිහිටි කඳවුරක් වෙත පියාසර කරමින් තිබී ඇත.

යානය අතුරුදන්වීම ගැන තමා කනගාටුවට පත්ව ඇති බවත් අගනුවර වන සන්තියාගෝ සිට තත්ත්වය නිරීක්ෂණය කරමින් සිටින බවත් චිලී ජනාධිපති සෙබස්තියන් පිනේරා මහතා පවසයි.

අතුරුදන් වූ යානය සහ එහි සිටි පුද්ගලයන් සොයා ගැනීම සඳහා සෝදිසි සහ මුදාගැනීමේ මෙහෙයුම් ක්‍රියාත්මක කර ඇති බව විදෙස් මාධ්‍ය වාර්තා වැඩිදුරටත් සදහන් කරයි.

Comment (0) Hits: 881

ඕස්ට්‍රේලියාවේ පර්ත් නුවර රත් වෙයි

වසර 122 කින් පසුව ඕස්ට්‍රේලියාවේ පර්ත් නුවරට වාර්තා සහගත ලෙස උෂ්ණාධික කාලගුණ තත්ත්වයක් ඇතිව තිබෙන බව විදෙස් වාර්තා සදහන් කරයි.

පසුගිය සෙනසුරාදා දිනයේ පර්ත් නුවර උෂ්ණත්වය සෙල්සියස් අංශක හතළිහයි දශම හතරක් ලෙස වාර්තා වී ඇත.

පර්ත් ගුවන්තොටුපොළ ආශ්‍රිත උෂ්ණත්වය මීටත් වඩා ඉහළ ගොස් ඇති බවයි වාර්තාවල සදහන් වෙයි.

පසුගිය සෙනසුරාදා දිනයේ ලෝකයේ ස්ථාන රැසකින් උෂ්ණාධික කාලගුණයක් වාර්තා වූ අතර, ඕස්ට්‍රේලියාවේ ස්ථාන 10 ක මෙම කාලගුණ තත්ත්වයන් වාර්තා විය. ලබන බදාදා දිනය වන විට ඇඩිලේඩ් නගරයට සෙල්සියස් අංශක හතළිස් දෙකක උෂ්ණත්වයක් වාර්තා විය හැකි බව  කාලගුණ අංශ සදහන් කරයි.

නිව් සවුත්වෙල්ස් සහ ක්විස්ලන්ඩ් ප්‍රාන්තවලට බලපෑ ලැව් ගිනි තත්ත්වයත් සමග උෂ්ණත්වය ඉහළ ගොස් ඇති බව විදෙස් වාර්තා වැඩිදුරටත් සදහන් කරයි.

Comment (0) Hits: 505

දිල්ලි කම්හලක ගින්නකින් 43 ක් මරුට

ඉන්දියාවේ නවදිල්ලි නගරයේ කර්මාන්තශාලාවක ඇති වූ ගින්නකින් පුද්ගලයන් 40 දෙනෙකුට වැඩි සංඛ්‍යාවක් ජීවිතක්ෂයට පත්ව තිබේ.

ගින්න හටගෙන තිබෙන්නේ ගමන් මළු නිෂ්පාදනය කරන කර්මාන්තශාලාවක ය.

අද අළුයම හටගත් මෙම ගින්නෙන් මිය ගිය සියලු දෙනා එහි සේවය කළ කම්කරුවන් ය.

ගින්න පාලනය කිරීමට අපහසු වී තිබෙන්නේ අන්ජා මන්දි ප්‍රදේශයේ පිහිටා තිබූ මෙම කර්මාන්තශාලාවට ළඟා වීම, පටු මාර්ග හේතුවෙන් අසීරු වූ හෙයිනි.

ගින්න ඇතිවීමට හේතුව හෝ ගින්නෙන් විපතට පත් අවසන් සංඛ්‍යාව තවම තහවුරු වී නැත. බේරාගැනීමේ මෙහෙයුම් තවදුරටත් ක්‍රියාත්මක ය.

 

Comment (0) Hits: 569

කලාපීය ආර්ථික සහයෝගීතාවට ඉන්දියාව සම්බන්ධ නොවේ

ලොව විශාලතම නිදහස් වෙළඳ ගිවිසුම ලෙස සැලකෙන කලාපීය ආර්ථික සහයෝගීතාවයට සම්බන්ධ නොවන බව ඉන්දියාව නිවේදනය කළේ ය.

ඉන්දීය අග්‍රාමාත්‍ය නරේන්ද්‍ර මෝදි සඳහන් කළේ, RCEP යනුවෙන් ද හැඳින්වෙන මෙම ගිවිසුම එකඟවූ ප්‍රතිපත්ති අනුකූලව පවත්වාගෙන නොයන බැවින් මෙම පියවර ගත් බවයි.

මෙම ගිවිසුම සියලු පාර්ශවයන් වාසි ලබන අන්‍යෝන්‍ය වශයෙන් වාසිදායක සහයෝගීතාවයක් විය යුතු බව ඉන්දියාව මීට පෙර පවසා තිබිණ.

මෙම නිදහස් වෙළඳ ගිවිසුමට එළඹුණහොත් සිය වෙළඳපොළ ලාභදායී චීන නිෂ්පාදනවලින් පිරී ගොස් දේශීය නිෂ්පාදකයන්ට අහිතකර බලපෑම් එල්ලකරනු ඇතැයි ඉන්දියාව බියපළ කර තිබේ.

ඉන්දියාව ගිවිසුමට අත්සන් නොතැබීම හමුවේ , චීනය මෙම ගිවිසුමෙන් වැඩිම වාසි අත්කරගන්නා රාජ්‍යය බවට පත්වනු ඇති.

ඉන්දියාවෙන් තොරව මෙම ගිවිසුමට එළැඹීමට ඊට අත්සන් තැබීමට නියමිත අනෙක් රටවල් 16 එකඟත්වය පළකර තිබේ.

එම අත්සන් තැබීම ලබන වසරේ සිදුවනු ඇති.

මෙම රටවල් 16 අතරට ආසියාන් සංවිධානයේ සාමාජික රටවල් 10 සහ චීනය, ඉන්දියාව, ජපානය, දකුණු කොරියාව, ඕස්ට්‍රේලියාව සහ නවසීලන්තය යන රටවල් අයත්විය.

Comment (0) Hits: 576

මෙක්සිකෝ ගුවන් අනතුරකින් 14දෙනෙකු මිය යයි

මෙක්සිකෝවට අයත් පෞද්ගලික ගුවන් යානයක් අනතුරට ලක්වීමෙන් පුද්ගලයින් 14 දෙනෙකු ජීවිතක්‍ෂයට පත්ව ඇත.

ලාස්වේගාස් සිට මොන්ටෙරේ දක්වා පියාසර කරමින් තිබූ ගුවන් යානයක් මෙලෙස අනතුරට පත් වී ඇත.

ගුවන් යානය පසුගිය ඉරිදා සිට මෙක්සිකෝ රේඩාර් පද්ධතියෙන් අතුරුදන්වී ඇති අතර, පරික්‍ෂණවලින් අනතුරුව ගුවන් යානයේ සුන්බුන් මෙකේසිකෝවේ කදුකර ප්‍රදේශයකින් අද හමුවූ බවත්, එහි ගමන් ගත් සියලු දෙනා ජීවිතක්‍ෂයට පත්ව ඇති බවයි එරට මාධ්‍ය වාර්තා කරයි.

ගුවන් යානය කඩා වැටීමට හේතුව සොයා මේ වන විටත් පරික්‍ෂණ ආරම්භ කර ඇති බව එම මාධ්‍ය වාර්තා වැඩිදුරටත් සදහන් කරයි.

Comment (0) Hits: 478

අඩි 100ක් ගැඹුරු ළිඳක සිර වී සිටින පුංචි සුජිත්

තමිල්නාඩු ප්‍රාන්තයේ ගැඹුරු ඉතා පටු ළිඳක පැය ගනනාවක් සිරවි සිටින අවුරුදු දෙකක් පමණ වයස සුජිත් නැමති කුඩා දරුවෙකු බේරාගැනීම සඳහා මේ වනවිට විශේෂ මෙහෙයුමක් දියත් කර ඇත.

ඉන්දියාවේ තමිල්නාඩු ප්‍රාන්තයේ ගම්මානයක ගැඹුරු ඉතා පටු ළිඳකට වැටී දෙහැවිරිදි සුජිත් අනතුරට පත්වන්නේ ඉකුත් සිකුරාදා දිනයේදී.

එරට ත්‍රිවිධ හමුදාව, ආපදා අංශ ඇතුළු විශාල පිරිසක් මේ වන විට දැඩි පරිශ්‍රමයක් දරමින් සංකිර්ණ මෙහෙයුමක නිරතව සිටින බව එරටින් ලැබෙන නවතම වාර්තා සදහන් කරයි.

එම දරුවා මුදාගැනීමට මෙහෙයුමක් ආරම්භ කර පැය ගණනාවක් ඉක්ම ගොස් ඇතත් දරුවා බේරා ගෙන ඇත.

මේ වනවිට සිරව සිටි ස්ථානයේ සිට මීටර් 70ක් පමණ පහළට වැටී ඇති සුජිත් අඩි 100 ක් පමණ වන ගැඹුරු ස්ථානයක සිරව සිටින බව වාර්තා වේ.

සිදුවීම වාර්තා වූ සැණින් මුදාගැනීමේ කණ්ඩායම් පැමිණ මෙහෙයුම් ආරම්භ කර තිබුණි.

ඔවුන් දරුවා සිරව සිටින ස්ථානයට යාබද පෙදෙසක සිට කැණීම් පටන් ගෙන ඇති අතර උමං මාර්ගයකින් දරුවා සිටින ස්ථානයට ළඟා වී ඇත.

Comment (0) Hits: 597

පශු වෛද්‍යවරියක් දූෂණය කර මරා දැමූ සිව් දෙනෙකුව වෙඩි තබා මරා දමයි

පසුගිය 28 වැනිදා සිය යතුරු පැදියෙන් ගමන් කරමින් සිටින අතරතුර හයිද්‍රාබාද් නුවරදී 27 හැවිරිදි පශු වෛද්‍යවරියක දූෂණය කර, ඝාතනය කිරීමේ සිද්ධියට සම්බන්ධ සැකකරුවන් සිව් දෙනා පොලිස් වෙඩි පහරින් ජීවිතක්ෂයට පත්ව තිබේ.

සැකකරුවන් අපරාධය සිදුවූ ස්ථානයට රැගෙන ගිය අවස්ථාවේ පොලීසියෙන් මිදී පලා යාමට උත්සාහ කිරීමේදී මෙම වෙඩි තැබීම සිදු කර ඇති බව ඉන්දීය මාධ්‍ය වාර්තා කරයි.

තරුණ වෛද්‍යවරිය සමූහ ලෙස දූෂණය කර, මරා දැමීමේ සිද්ධිය සම්බන්ධයෙන් අත්අඩංගුවට ගත් වයස අවුරුදු 20ත් 26ත් අතර වයස්වල පසුවන මෙම සැකකරුවන් සිව් දෙනා පොලිස් භාරයේ පසුවූහ.

පශු වෛද්‍යවරිය සමූහ දූෂණයට ලක්කර ඝාතනය කිරීමේ සිද්ධියට සම්බන්ධ සැකකරුවන්ට එරෙහිව පසුගිය දින කිහිපයේම ඉන්දියාවේ ප්‍රදේශ රැසක ජනතාව වීථි බැස විරෝධය පළ කළේ, සැකකරුවන්ට තමන්ට භාර දෙන ලෙස ඉල්ලමිනි.

මෙම පශු වෛද්‍යවරිය පසුගිය 28 වැනිදා සිය යතුරු පැදියෙන් ගමන් කරමින් සිටින අතරතුර සමූහ දූෂණයට ලක්ව තිබූ අතර පසුව දූෂකයින් ඇයගේ සිරුර පුළුස්සා දමා තිබිණ.

Comment (0) Hits: 509

ඉරාකයේ ආණ්ඩු විරෝධි උද්ඝෝෂණ උග්‍ර අතට

ඉරාකයේ ක්‍රියාත්මක ආණ්ඩු විරෝධි උද්ඝෝෂණ අතරතුර හටගත් ගැටුම්වලින් පුද්ගලයින් 40 දෙනෙකු මිය ගොස් තිබේ.

බැග්ඩෑඩ් නුවරදී පොලීසිය එල්ල කළ කඳුළු ගෑස් ප්‍රහාර හේතුවෙන් ඉන් දෙදෙනෙකු මිය ගොස් ඇත.

ප්‍රචණ්ඩ විරෝධතා හමුවේ තව ත් 2000 ට අධික පිරිසක් තුවාල ලබා ඇති බව විදෙස් වාර්තා සදහන් කරයි.

බොහෝ පිරිසක් මිය ගොස් ඇත්තේ ආරක්ෂක අංශ සමග ඇතිකරගත් ගැටුම් හේතුවෙනි.

රැකියා ලබා නොදීම යහපත් රාජ්‍ය සේවයක් හා දූෂණයට එරෙහිව ඉරාක වැසියන් මෙම ප්‍රචණ්ඩ විරෝධතා ආරම්භ කර ඇත.

මෙම මස මුලදී ඉරාකයේ පැවති මෙවැනිම රාජ්‍ය විරෝධි උද්ඝෝෂණයකින් පුද්ගලයින් 150 දෙනෙකු මිය ගියහ.

Comment (0) Hits: 569

ඔස්ට්‍රේලියාවේ නිව් සවුත්වේල්ස් ප්‍රාන්තයේ ලැව් ගින්නක්

ඔස්ට්‍රේලියාවේ නිව් සවුත්වේල්ස් ප්‍රාන්තය පුරා පැතිර යන ලැව්ගිනි හේතුවෙන් සිඩ්නි නගරය ආසන්නයට දැඩි බලපෑම් එල්ලවී ඇත.

නිව් සවුත් වේල්ස් ප්‍රාන්තයේ නිවාස රැසක් ලැව් ගින්නට හසුවී විනාශ වී ඇතැයි විදෙස් මාධ්‍ය වාර්තාවල දැක්වේ.

ලැවිගිනි නිවා දැමීම සදහා යොදවා ඇති ගිනි නිවන භටයින්ගේ සංඛ්‍යාව දෙදහසකට අධිකය. මෙම ලැව්ගිනි හේතුවෙන් ඔස්ට්‍රේලියාවේ විශාලතම නගරයද දුමාරයකින් වැසී තිබේ.

නිව් සවුත් වේල්ස් ප්‍රාන්තයේ පැතිර යන ලැව්ගිනි හේතුවෙන් විනාශ වී ඇති බිම් ප්‍රමාණය හෙක්ටයාර මිලියන 1.6කට අධික ය.

Comment (0) Hits: 565

කැනඩාවේ ටෲඩෝ සිය අගමැති තනතුර රැක ගනී

කැනඩා අගමැති ජස්ටින් ටෲඩෝ නැවත වරක් අගමැති තනතුර පත්වීම සඳහා සුදුසුකම් ලබා තිබෙනවා. ඒ පිටපිට දෙවැනි වරටත් කැනඩා මහ මැතිවරණය ජයග්‍රහණය කරමිනි. කෙසේ වෙතත් ඔහුගේ ජනප්‍රියත්වය සැලකිය යුතු අන්දමකින් බිඳවැටී ඇත.

පසුගිය 2015 වසරේදී ආසන 177 ක් දිනා ගනිමින් බලයට පැමිණි ටෲඩෝගේ ලිබරල් පක්ෂය මෙවර දිනාගෙන ඇත්තේ ආසන 157 ක් පමණි. ඒ අනුව ඔවුන්ට ආසන 20 අහිමි වී තිබේ. 2015 දී බහුතර බලයක් සහිතව ආණ්ඩුව පිහිටවූ ලිබරල් පක්ෂයට මෙවර සුළුතර ආණ්ඩුවක් පිහිටුවීමටයි සිදුව තිබෙන්නේ.

දෙවැනි තැන දිනාගත් ඇන්ඩෘ ෂියර්ගේ කන්සර්වෙටිව් පක්ෂය ආසන 121 ක් දිනාගෙන තිබෙනවා. එය පසුගිය මැතිවරණයට සාපේක්ෂව ආසන 26 ක වැඩිවීමකි. 

විශේෂත්වය වන්නේ ආසන 121 ක් පමණක් හිමි වුවද කන්සර්වේටිව් පක්ෂය, ටෲඩෝගේ ලිබරල් පක්ෂව අභිබවා යන ඡන්ද ප්‍රතිශතයක් දිනාගෙන තිබීමයි. ලිබරල් පක්ෂය සමස්ත ඡන්ද 5,915,950 ක් හිමිකර ගනිද්දී කැනේඩියානුවන් 6,155,662 ක් කන්සර්වේටිව් පක්ෂයට සිය කැමැත්ත ලබා දී ඇත.

ජාත්‍යන්තර විචාරකයන් සඳහන් කරන්නේ මෙය ටෲඩෝ ලැබූ ප්‍රබල පරාජයක් බවයි.

තෙවැනි ස්ථානයට පත් වූ බ්ලොක් ක්විබොකොයිස් පක්සය 32 ක් දිනාගත් අතර විශේෂත්වය වන්නේ එම ආසන සියල්ල ක්විබෙක් ප්‍රාන්තයේ ආසන වීමයි. නිව් ඩිමොක්‍රටික් පක්ෂය ආසන 24 ක් දිනාගෙන තිබේ. කෙසේ වෙතත් ඔවුන්ට පසුගිය මැතිවරණයේදී ආසන 39 ක් හිමිව තිබිණි.

Comment (0) Hits: 577

දේවස්ථානයක වෙඩි තැබීමකින් 14ක් මරුට

බර්කිනා ෆාසෝහි දේවස්ථානයක් තුළ සිදුවු වෙඩි තැබීමකින් පුද්ගලයින් 14 දෙනෙකු ජිවිතක්ෂයට පත්ව තිබේ.

විදෙස් මාධ්‍ය සඳහන් කළේ ඊයේ (01) දිනයේ නැගෙනහිර හන්ටුකුරාහි දේවස්ථානයක මෙම වෙඩි තැබීම සිදුව ඇති බවයි.

තුවක්කුකරුවන් පිරිසක් විසින් සිදුකළ මෙම වෙඩිතැබීමේ දී තවත් විශාල පිරිසක් තුවාල ලබා ඇති බබර්කිනා ෆාසෝහි දේවස්ථානයක් තුළ සිදුවු වෙඩි තැබීමකින් පුද්ගලයින් 14 දෙනෙකු ජිවිතක්ෂයට පත්ව තිබේ.

විදෙස් මාධ්‍ය සඳහන් කළේ ඊයේ (01) දිනයේ නැගෙනහිර හන්ටුකුරාහි දේවස්ථානයක මෙම වෙඩි තැබීම සිදුව ඇති බවයි.

තුවක්කුකරුවන් පිරිසක් විසින් සිදුකළ මෙම වෙඩිතැබීමේ දී තවත් විශාල පිරිසක් තුවාල ලබා ඇති බව සඳහන්.

වෙඩි තැබීම සිදුකළ පුද්ගලයින්ගේ අනන්‍යතාවය මෙතෙක් තහවුරු වී නොමැති අතර වෙඩි තැබීමට හේතුව පිළිබඳවද මෙතෙක් අනාවරණය වී නොමැති බව විදෙස් මාධ්‍ය වාර්තා කළේය.ව සඳහන්.

වෙඩි තැබීම සිදුකළ පුද්ගලයින්ගේ අනන්‍යතාවය මෙතෙක් තහවුරු වී නොමැති අතර වෙඩි තැබීමට හේතුව පිළිබඳවද මෙතෙක් අනාවරණය වී නොමැති බව විදෙස් මාධ්‍ය වාර්තා කළේය.

Comment (0) Hits: 542

හගිබිස් ජපානය හොල්ලයි

හගිබිස් සුළි කුණාටුව හේතුවෙන් ජපානයේ පුද්ගලයින් හය ලක්ෂකයට අධික පිරිසක් ආරක්ෂිත ස්ථාන කරා යොමු කර තිබේ.

ඇතැම් ප්‍රදේශවලට මිලිමීටර 700ක පමණ ධාරානිපාත වැසි ඇති විය හැකි බව කාලගුණ බලධාරීන් සඳහන් කර තිබේ.

ජපානය මෙවැනි දරුණු සුළි කුණාටුවකට මුහුණ දෙන්නේ වසර 60කට පසුව ය.

3 වන කාණ්ඩයට අයත් සුළි කුණාටුවක් ලෙස හැඳින්වෙන හගිබිස් හමා යන්නේ පැයට කිලෝමීටර 195ක වේගයෙන් ය.

ටෝකියෝ අගනුවර, ෂිසූකා, කනගාවා, නගෝයා, නිගාටා ඇතුළු ජපානයේ මධ්‍යම සහ නැගෙනහිර ප්‍රදේශවලට මෙයින් දැඩි බලපෑම් එල්ල වනු ඇතැයි පැවසෙයි.

කාලගුණ නිවේදනයට අනුව ඉදිරි පැය 48 තුළ හකෝනේ නගරයට මිලිමීටර 700ක පමණ තද වැසි ඇති විය හැකි ය.

Comment (0) Hits: 599

මාලදිවයින් හිටපු ජනපති වසර 5ක සිරදඬුවමක්

මාලදිවයින් හිටපු ජනාධිපති අබ්දුල්ලා යාමීන්ට වසර 5 ක සිරදඬුවම් නියම කර තිබේ.

ඒ මුදල් විශුද්ධිකරණ චෝදනා යටතේ එරට අධිකරණයක් මගින් ඔහු වරදකරු කරමිනි.

සිර දඬුවමට අමතරව ඔහුට අමෙරිකානු ඩොලර් මිලියන 05 ක දඩයක් ද නියම කර තිබේ.

පංච පුද්ගල විනිසුරු මඩුල්ලක් හමුවේ විභාග කෙරුණු නඩුවේ තීන්දුව අද ප්‍රකාශයට පත් කෙරුණු බව මාලදිවයින් මාධ්‍ය වාර්තා කළේය. 

ඒ අනුව විනිසුරු මඩුල්ලේ ඒකමතික තීරණයට අනුව මාලදිවයින් හිටපු ජනාධිපතිවරයාට දඬුවම් නියම කෙරිණ.

පෞද්ගලික වාසි ලබා ගැනීමේ අරමුණින් රජයේ මුදල් අවභාවිත කිරීම සම්බන්ධයෙන් මාලදිවයින් හිටපු ජනාධිපති අබ්දුල්ලා යාමීන්ට චෝදනා එල්ල වී තිබිණ.

Comment (0) Hits: 553

ඉන්දුනීසියාවේ ප්‍රබල භූ කම්පනයක් !

ඉන්දුනීසියාවේ ඊයේ හටගත් භූ කම්පනයෙන් පුද්ගලයන් විසිදෙනෙක් මියගොස් ඇති බව විදෙස් මාධ්‍ය සදහන් කරයි.

ඉන් තුවාල ලැබූ සංඛ්‍යාව සියය ඉක්මවන බව සදහන් වේ.

නැගෙනහිර මලුකූ පළාතේ හටගත් භූ කම්පනයේ ප්‍රබලත්වය මැග්නිටියුට් ඒකක 6.5 ක් වන අතර, එම කම්පනයත් සමග ප්‍රදේශයේ ජනතාව දැඩි ලෙස භීතියටත් කලබලයටත් පත්ව ඇති බවද වාර්තා වේ. 

කෙසේ නමුත් ඉන් සුනාමි අවධානමක් නොමැති බව බලධාරීන් තහවුරු කර ඇත.

භූ කම්පනයෙන් ගොඩනැඟිලි ඇතුළු දේපළ රැසක් විනාශ වී ඇති බවත්,  කඩාවැටුණු ගොඩනැගිලිවල සුන්බුන් තුළ සිරවී සිටින පිරිස් සොයා තවදුරටත් සෝදිසි මෙහෙයුම් සිදු කරන බවත් එම වාර්තා සදහන් කරයි. 

 

 

 

 

Comment (0) Hits: 630

ප්‍රංශ හමුදා භටයන් 13ක් මරුට

මාලි රාජ්‍යයේ ජිහාද් සටන්කාමීන්ට ‍එරෙහි මෙහෙයුමක් අතරතුර සිදුවූ හෙළිකොප්ටර් යානා අනතුරකින් ප්‍රංශ හමුදා භටයන් 13ක් මියගොස් ඇති බව විදෙස් මාධ්‍ය වාර්තා කරයි.

ප්‍රංශ ජනාධිපති විදෙස් මාධ්‍ය වෙත ප්‍රකාශයක් කරමින් සඳහන් කර ඇත්තේ හමුදා නිලධාරීන් 12ක් සහ කෝප්‍රල්වරයෙක් මේ අනතුරින් මිය යන්නට ඇති බව ආරංචි මාර්ග සඳහන් කරන බවයි.

Comment (0) Hits: 515

චීනය ට එරෙහිව කසකස්ථාන ජනතාව නැගිටියි

චීනය විසින් තම රටට සිදු කරන බලපෑම් වලට එරෙහිව කසකස්තාන ජාතිකයන් විසින්  සුල්තාන් සහ අල්ටිමාට් යන ප්‍රධාන නගර දෙකකදී විරෝධතා පවත්වා ඇත.

එහිදී විරෝධතාකරුවන් බහුතරයක්  පොලිස්භාරයට ගෙන ඇති අතර අනෙකුත් පිරිස විසිරුවා හැරීමට කටයුතු කර ඇත.

මධ්‍යම ආසියානු ජනරජයක් වන කසකස්තානයේ විශාලතම ආයෝජකයෙක් මෙන්ම වෙෙළඳ සහකරුවෙක්ද ලෙස චීනය කටයුතු කරනු ලබයි.

එහි තවත් කර්මාන්තශාලා රැසක්ම ආරම්භ කිරීමට චීනය සැලසුම් කර සිටින බව විදෙස් වාර්තා සදහන් කර සිටියි.

කෙසේ නමුත් කසකස්තානය තුල චීන ව්‍යාපාර මෙලෙස ව්‍යාප්ත වීම සම්බන්ධයෙන් එරට වැසියන් දක්වන්නේ දැඩි විරෝධයක් එල්ල කරනු ලබන්නේ චීනය තම රට තුළ සිය ව්‍යාපාර ව්‍යාප්ත කිරීම මගින් රට ආර්ථික වශයෙන් ග‍්‍රහණයට ගැනීමට කටයුතු කරන බවට සදහන් කරමිනි.

Comment (0) Hits: 555

Page 7 of 24