V2025

විදෙස්

ඩයනා සහ ඩොඩීගේ පිළිරුව හැරඩ්ස් වෙළඳ මන්දිරයෙන් ඉවතට

ලන්ඩනයේ සුඛෝපභෝගී 'හැරඩ්ස්' වෙළඳ මන්දිරයේ තබා ඇති ඩයනා කුමරිය සහ ඩොඩී අල් ෆයිඩ්ගේ රුව සහිත ලෝකඩ ප්‍රතිමාව ඉන් ඉවත් කිරීමට නියමිතය.

ඩයනා-ඩොඩී ලෝකඩ ප්‍රතිමාව 'හැරඩ්ස්' වෙළඳසැලේ පැරණි හිමිකරු වන මොහොමඩ් අල් ෆයිඩ් වෙත භාර දීමට නියමිතව ඇත.

1997 වසරේ අගෝස්තු 31 වෙනිදා ඩයනා කුමරිය සහ ඇයගේ සමීප මිතුරෙකු වූ ඩොඩී අල් ෆයිඩ් පැරිසියේ දී මාරක රිය අනතුරකින් මරණයට පත්විය.

ඉන් අනතුරුව ඔවුන් දෙපලගේ රුව සහිත ලෝකඩ ප්‍රතිමාව නිර්මාණය කර ඇත්තේ ඩොඩී අල් ෆයිඩ්ගේ පියා, මොහොමඩ් අල් ෆයිඩ්ගේ උපදෙස් පරිදිය.

ඉහත කී ප්‍රතිමාව අල් ෆයිඩ් පවුල වෙත යළි ලබා දීමට කාලය එළඹ ඇති බව 'හැරඩ්ස්' සමාගම පැවසීය.

මොහොමඩ් අල් ෆයිඩ් විසින් කටාර් රාජකීය පවුල වෙත 'හැරඩ්ස්' වෙළඳ මන්දිරය පවුම් බිලියන 1.5 මුදලකට අලෙවි කරනු ලැබුවේ 2010 වසරේදීය.

'අවිහිංසක ගොදුරු' නමින් හැඳින්වුණු ප්‍රතිමාව 2005 වසරේ දී මහජන ප්‍රදර්ශනය සඳහා තැබුණු අතර ඩයනා කුමරිය සහ ඩොඩී අල් ෆයිඩ් පරෙවියෙකුගේ සෙවනේ හිඳ නර්තනයේ යෙදෙන අයුරු එහි දැක්වේ.

 99580271 gettyimages 2819889හැරඩ්ස් වෙළඳ මන්දිරය තුළ ඇති ඩයනා කුමරිය සහ ඩොඩී අල් ෆයිඩ්ගේ ඡායාරූප

සිය මෑණියන් අනුස්මරණය කිරීම සඳහා කෙන්සින්ටන් මාලිගයේ මහජනතාවට විවෘත කොටස තුළ පිළිරුවක් ස්ථාපනය කිරීම සඳහා වන නව සැලසුමක් පිළිබඳ ඩයනා කුමරියගේ පුතුන් වන විලියම් කුමරු සහ හැරී කුමරු පසුගිය වසරේ දී නිවේදනය කළහ.

ඩයනා කුමරිය මෙලොවින් සමුගෙන වසර 20 ගතව ඇති අතර මොහොමඩ් අල් ෆයිඩ්ගේ මතය වූයේ එය හදිසි අනතුරක් නොවන බවය.

  • "අපේ අම්මා ගැන මෙතෙක් නොකී කතාව"; විලියම් සහ හැරී ඩයනා කුමරිය ගැන කතා කරති
    "සොඳුරු සිතැත්තී"- මේගන් මාකල්
  • ඩයනා-ඩොඩී ප්‍රතිමාව මේ දක්වා සුරැකිව තබා ගැනීම පිළිබඳ අල් ෆයිඩ් පවුල ටයිම්ස් පුවත්පත වෙත නිවේදනයක් නිකුත් කරමින් කටාර් දේපළ සමාගමට ස්තූතිය පළ කර තිබේ.

"දසලක්ෂ සංඛ්‍යාත මිනිසුන්හට මේ විශිෂ්ට පුද්ගලයන් දෙදෙනාට ගෞරව දැක්වීමට සහ අනුස්මරණය කිරීමට මෙමගින් අවස්ථාව ලැබුණා"

"දැන් ඔවුන් නිවහන වෙත රැගෙන ඒමට කාලයයි" යනුවෙන් එම නිවේදනයේ වැඩිදුරටත් සඳහන් වේ.

Comment (0) Hits: 396

ලෝගන් සහ ජේක්: යූටියුබ් කළඹන පෝල් සහෝදරයෝ

සියදිවි නසාගත්තේ යැයි අනුමාන කළ හැකි මළසිරුරක වීඩියෝවක් සමාජ ජාල ඔස්සේ ප්‍රකාශයට පත්කිරීම පිළිබඳව මිලියන 15කට අධික නිත්‍ය රසික පදනමක් හිමි ලෝගන් පෝල් දැඩි විවේචනයට ලක් විය.

ඇමරිකානු ජාතික ලෝගන් හා ජේක් සහෝදරයන් ඔවුන්ගේ යූටියුබ් නාලිකා, බ්ලොග් සහ රැප් ගීත ඔස්සේ ලොවපුරා මිලියන ගණනකගේ සීහින තාරකා බවට පත් වී සිටිති.

ඔවුන්ගෙන් බහුතරය තරුණ තරුණියන්ය.

ජපානයේ ෆුජි කදුපාමුල 'අකිගිහරා' වනාන්තරයේ මළසිරුරක් සොයාගන්නා අකාරයේ වීඩියෝවක් ලෝගන් සහ ඔහුගේ මිතුරෝ පසුගියදා අන්තර්ජාලයට මුදා හැරියහ.

ඔවුන්ගේ එම ක්‍රියාව සමාජ ජාල තුළ මහත් කැලඹීමක් ඇති කළ අතර, පසුව ඔහු වීඩියෝව ඉවත්කර ගත්තේය.

ඔවුන්ගේ රසිකයන් අතරෙන් ඇතැමෙකු "අගෞරවයක්" සහ "අශික්ෂිත" ක්‍රියාවක් ලෙස එම වීඩියෝව හෙළා දැක තිබිණ. ඇතිවූ බලපෑම හමුවේ, මෙය තමන් "නොමග යැවීමක්" ලෙස සඳහන් කරමින් ලෝගන් පෝල් ට්විටර් ජාලය ඔස්සේ සමාව අයැද සිටියේය.

 99462664 b24fdd12 55a6 479a a51f 82cc8152041e

"මම එම වීඩියෝව කිසි ලෙසකින්වත් නිකුත් නොකරන්න තිබුනා. අප හමුවේ තිබූදේ පටිගත කිරීම් නවතා දමන්න තිබුණා. මට බොහෝ දේ වෙනස් විදියකට කරන්න තිබුණා... ඒත් මට නොහැකිවුනා," ඔහු පැවසීය.

Comment (0) Hits: 291

ඇමරිකාව සීමාව ඉක්මවා යනවා - ඉරානය

ඇමරිකා එක්සත් ජනපදය විසින් තම අධිකරණ ප්‍රධානියා වන සධීක් අමොලි ලාර්ජානිට එරෙහිව සම්බාධක පැනවීම සීමාව ඉක්මවා යාමක් ලෙස ඉරානය නිවේදනය කර ඇත.

විදෙස් මාධ්‍ය සඳහන් කරන ආකාරයට මීට අදාලව ඉරානයේ ප්‍රතිචාරය බරපතල විය හැකි බවත් ඒ සම්බන්ධව සියළු වගකීම් ට්‍රම්ප් ප්‍රමුඛ ඇමරිකාව විසින් දැරිය යුතු බව ඉරාන විදේශ අමාත්‍යංශයද නිවේදනය කර ඇත.

එසේම එක්සත් ජනපදය සමඟ කවර ප්‍රශ්නයක් ඇතිවුවත් තමන් ලෝක බලවතුන් සමඟ න්‍යෂ්ටික වැඩපිළිවෙල සම්බන්ධව ඇතිකරගෙන තිබෙන සම්මුතියේ කිසිඳු වෙනසක් නොකරන බවද අදාළ නිවේදනය නිකුත් කරමින් ඉරාන විදේශ අමාත්‍යංශය සඳහන් කර ඇත.

Comment (0) Hits: 314

ඇමරිකාවේ හිටපු ආරක්ෂක ප්‍රධානියකු සමඟ ට්‍රම්ප් ගැටුමක

ඇමරිකා එකසත් ජනපදයේ හිටපු සේනා සංවිධායකයකු වන ස්ටීව් බෙනන් සමඟ ඇමරිකා ජනාධිපති ඩොනල්ඩ් ට්‍රම්ප් ගැටුමක් ඇතිකරගෙන ඇති බවට විදෙස් මාධ්‍ය වාර්තා කරයි.

ඊට අනුව ඩොනල්ඩ් ට්‍රම්ප් සඳහන් කර ඇත්තේ හිටපු ආරක්ෂක ප්‍රධානියෙකු වන බෙනන් හෙළි නොකළයුතු රහස් තොරතුරු ප්‍රමාණයක් ග්‍රන්ථ කතුවරයෙකුට ලබාදී ඇති බවය.

ඒ පිළිබඳ අදහස් දක්වමින් ට්‍රම්ප් සහ ඔහුගේ නීතිවේදීන් සඳහන් කර ඇත්තේ වත්මන් ජනාධිපතිවරයා සිය රාජකාරි අරඹන විට එහි කටයුතු කිරීම සඳහා සුදානමක නොසිටි බවට බෙනන් සඳහන් කර ඇති බවත් ඒ හරහා ඔහු සිය සේවක ගිවිසුම කඩකිරීමක් සිදුකර ඇති බවය.

එසේම බෙනන් මේ ප්‍රකාශ සිදුකර ඇත්තේ තමන්ගේ තනතුර අහිමිවීම හේතුවෙන් පැමිණි මානසික ආතතිය නිසා බවද ට්‍රම්ප් පාර්ශවය සඳහන් කර ඇත.

Comment (0) Hits: 334

ට්‍රම්ප්ගෙන් ඉරානයට නව සම්බාධක

ඉරානයට නව සම්බාධක පැනවීමට ඩොනල්ඩ් ට්‍රම්ප් තීරණය කර ඇති බව විදෙස් මාධ්‍ය වාර්තා සඳහන් කරයි.

ඇමරිකානු ජනාධිපතිවරයාගේ මෙම තීරණය සම්බන්ධව එරට භාණ්ඩාගාර ලේකම්වරයා මාධ්‍ය වෙත අනාවරණය කළ බවත් ඊට අනුව මෙම නව සම්බන්ධක පැණවීම ඉරානයේ ඉහළ පෙළේ නියෝජිතයන් ඉලක්ක කර සම්බන්ධක පැණවීම ට්‍රම්ප්ගේ සැළසුම බවද එම වාර්තා වල සඳහන්ව ඇත.

මේ අයුරින් ට්‍රම්ප් ඉරානය වෙත සම්බාධක පැණවීමට සුදානම් වන්නේ 2015 වසරේ ඇතිකර ගත් ගිවිසුම පරිදි මේ වන විටත් ඉරානයට පනවා ඇති සම්බාධක ඉවත් කිරීමට නියමිතව තිබියදී බවත් ඒ හේතුවෙන් එම ගිවිසුමද අවධානමක ඇති බවද විදෙස් මාධ්‍ය වාර්තා වල සඳහන්ව ඇත.

එසේම ට්‍රම්ප් ගේ මෙම තීරණය හේතුවෙන් න්‍යෂ්ටික ගිවිසුම අවධානමට පත්වන බව යුරෝපා බලවතුන්ද ඇමරිකා එක්සත් ජනපද බලධාරීන් දැනුවත් කර ඇති බවත් ඒ හේතුවෙන් මෙම තීරණය සම්බන්ධව නැවත සිතා බලන ලෙසද ඔවුන් එක්සත් ජනපද බලධාරීන්ට අවධාරණය කර ඇති බවද විදෙස් මාධ්‍ය වාර්තා වල සඳහන්ය.

කෙසේ වුවත් ඇමරිකා එක්සත් ජනපද භාණ්ඩාගාර ලේකම්වරයා සඳහන් කර ඇත්තේ ඉරානය සමඟ ඇති න්‍යෂ්ටික ගිවිසුමෙන් මුළුමනින්ම ඉවත්වීම ට්‍රම්ප් ජනාධිපතිවරයාගේ අදහස බවය.

Comment (0) Hits: 284

රාජ්‍ය විරෝධී උද්ඝෝෂණයෙන් ඉරානය ඇවිලෙයි

ඉරානයේ මතුව තිබෙන ආණ්ඩු විරෝධී උද්ඝෝෂණය මේ වන විට ප්‍රචණ්ඩ ස්වභාවයකට පත්ව ඇති බවත් පසුගිය දින කිහිපය තුළ පමණක් 20 කට අධික පිරිසක් මියගොස් 400 කට අධික පිරිසක් අත්අඩංගුවට ගෙන ඇති බව විදෙස් මාධ්‍ය වාර්තා සඳහන් කර සිටියි.

විදෙස් මාධ්‍ය සඳහන් කරන ආකාරයට 2009 වසරෙන් පසුව ඇතිවූ බරපතලම ආණ්ඩු විරෝධී උද්ඝෝෂණය මේ වන විට සිදුවෙමින් ඇති අතර දරාගත නොහැකි ජීවන වියදම ඉහළයාම, විරැකියාව ආණ්ඩුවට එරෙහි උද්ඝෝෂණයේ ප්‍රධාන සටන්පාඨ වී ඇත.

කෙසේ වුවත් අදාළ ආණ්ඩු විරෝධී උද්ඝෝෂණය විප්ලවයේ ශුද්ධත්වයට සහ සාරධර්ම වලට විරුද්ධ බව කියන ඉරාන ජනාධිපතිවරයා වැඩිදුරටත් සඳහන් කර සිටිඔන්නේ රටක් වූ විට විනයක් ඇතිව හැසිරිය යුතු බවත් භාෂණයේ නිදහස සහ විරෝධය පෑම සඳහා නිදහස ලබාදී තිබියදී ප්‍රචණ්ඩකාරීව හැසිරීම අනුමත කල නොහැකි තත්ත්වයක් බවය.

එසේම ආණ්ඩු විරෝධයේ නියලී සිටින්නේ ඉතාම සුළුතරයක් බවත් ඔවුන්ගේ කඩාකප්පල්කාරී ක්‍රියා හේතුවෙන් රටේ නීතිය මෙන්ම ජාතික අභිලාෂ නිසිලෙස සපුරා ගැනීම දුෂ්කරවී ඇති බවද ඉරාන ජනාධිපතිවරයා පවසයි.

කෙසේ වුවත් විරෝධතා කරුවන් සඳහන් කර සිටින්නේ මේ වනවිට ඉරාන ආණ්ඩුව සිය බුද්ධි අංශ මෙන්ම ආරක්ෂක අංශ යොදවා ජනතා විරෝධතා මර්දනය කරමින් සිටින බවය. එසේම මේ වන විට ජීවන වියදම ඉහල යාම පමණක් නොව තමන්ගේ භාෂණයේ සහ සාමුහිඛව රැස්වීමේ නිදහසටද බාධා එල්ලවී ඇති බවය.

Comment (0) Hits: 298

දැරියක් දූෂණය කොට ඝාතනය කිරීම පාකිස්තානය කළඹයි

දරුවන් ඝාතනය කිරීමේ "අපරාධ රැල්ලක්" මුල්කර ගනිමින් පාකිස්තානයේ කසුර් නගරයේ හටගත් කැරලි කෝලාහලවලදී උද්ඝෝෂණකයන් දෙදෙනෙකු මරුමුවට පත්විය.

දූෂණය කොට ගෙල මිරිකා මරා දමා තිබූ අට හැවිරිදි සෙනබ් දැරියගේ මළසිරුර අඟහරුවාදා (ජනවාරි 09) දින කසළ බැහැර කරන ස්ථානයක තිබී හමුවිය. ඒ වන විට ඇය අතුරුදහන් වී දින කිහිපයක් ගතවී තිබුණි.

පැහැර ගැනීම්, ලිංගික අතවර සහ ඝාතන සම්බන්ධයෙන් බලධාරීන්ගේ ක්‍රියාමාර්ග ප්‍රමාණවත් නොමැති බව කුපිතවූ පිරිස් පවසති.

කසුර් (Kasur) පොලීසිය පවසන පරිදි පසුගිය දෙවසර ඇතුළත මේ හා සමාන ඝාතන 12ක් සිදු වී තිබේ.

pakisthan 1
ඉන් පස්දෙනෙකුගේම ඝාතනවලට එක් සැකකරුවෙකු සම්බන්ධ බව ද පොලීසිය පවසයි. සැකකටයුතු 90 දෙනෙක්ගෙන් පමණ ඩීඑන්ඒ (DNA) සාම්පල ලබාගැනීමෙන් අනතුරුව, අදාළ සැකකරු අල්ලා ගැනීම පිණිස සියයකින් පමණ සමන්විත පොලිස් බලඇණියක් යොදවනු ලැබ තිබේ.

ලාහොර් නගරයට කිලෝමීටර 20ක් පමණ දකුණු දෙසින් පිහිටි කසුර් පොලිස් මූලස්ථානය ඉදිරිපිට කලහකාරී ලෙස හැසිරුණු කුපිත වූ පිරිස්වලට පොලීසිය වෙඩි තැබීමෙන් දෙදෙනෙක් මරුමුවට පත්විය.

pakisthan 3

සෙනබ්ගේ ඝාතනයත් සමග පාකිස්තානය පුරා සිදුවන කෘර ඝාතනයන්ට එරෙහිව උද්ඝෝෂණ රැල්ලක් මතු වී තිබේ.

ඝාතකයන් අත්අඩංගුවට ගන්නා ලෙස ජනප්‍රිය සිනමා සහ ක්‍රිකට් තාරකාවන් ඉල්ලා සිටින අතර, යුද හමුදාව ද පොලීසියට සහාය දීමට ඉදිරිපත්ව සිටී.

සෙනබ් දැරිය අතුරුදහන්ව තිබුනේ ඇය කුරාණය කියවීමට යමින් සිටියදීය. ඉන් පසුව අඟහරුවාදා ඇගේ සිරුර හමුවුනේ නිවසට කිලෝමීටර දෙකක් පමණ දුරකිනි.

දැරිය අතුරුදහන් බව පැමිණිලි කිරීමෙන් පසුව පොලීසිය නිසි ක්‍රියාමාර්ග නොගත් බව සෙනබ්ගේ පවුලේ සාමාජිකයෝ චෝදනා කරති. එසේම, දැරිය ගමන්ගත් මාර්ගයේ ඇති සීසීටීවී (CCTV) දර්ශන පවා රැස්කර තිබුනේ පොලීසිය නොව ඇගේ ඥාතීන් විසිනි.

දැරිය පුද්ගලයෙක් අතින් අල්ලාගෙන රැගෙන යන ආකාරය සමාජ මාධ්‍ය තුළ පුළුල් ලෙස සංසරණය විය.

pakisthan 4

"පොලීසිය ක්ෂණික පියවර ගත්තේ නම් වරදකරු අත් අඩංගුවට ගැනීමට තිබුනා," සෞදි අරාබියේ වන්දනාවක නිරතව සිටි සෙනබ්ගේ පියා ඉස්ලාමාබාද්වෙත නැවත පැමිණීමෙන් අනතුරුව Geo TV වෙත පැවසීය.

මාස කිහිපයකට වරක් මීට සමාන සිදුවීම් කසුර් ප්‍රදේශයේ සිදුවන බව පොලීසිය පවසයි.

නගර මධ්‍යයේ පිහිටි නිවසට ආසන්න කඩයකට ගිය අවුරුදු නවයක දැරියක් පසුගිය මාසයේ අතුරුදහන් විය. පසුව එම ග්‍රහණයෙන් පළා ඒමට ඇය සමත්වූ නමුත්, එමගින් ඇතිවූ දැඩි කම්පනයෙන් දැරිය තවමත් පීඩා විඳින බව වාර්තාවේ.

සෙනබ්ගේ ඝාතනය සාමාජ මාධ්‍ය ඔස්සේ කෝපය පුළුල් ලෙස පැතිරීමට හේතුවූ අතර, #JusticeforZainab ව්‍යාපාරය ලොවපුරා වැඩි අවධානයක් දිනාගෙන ඇත.

Comment (0) Hits: 271

2018 ට එක්සත් ජාතීන්ගේ මහ ලේකම්ගෙන් රතු නිවේදනයක්

නව වසර සාමයේ වසරක් කරගමු කියා ඉල්ලීමක් කරන්නට නොහැකි බවත් ඒ වෙනුවට ලෝකය පිළිබඳ රතු එළියක් දල්වා අනතුරු ඇඟවීමක් කරන්නට සිදුව ඇති බව එක්සත් ජාතීන්ගේ මහ ලේකම් අන්ටෝනියෝ ගුටරෙස් සඳහන් කරයි.

ජනවාරි 01 වනදා නිවේදනයක් නිකුත් කරමින් එක්සත් ජාතීන්ගේ මහ ලේකම්වරයා මෙසේ සඳහන් කර සිටියේ ඇමරිකා එක්සත් ජනපදය සහ සෝවියට් රුසියාව අතර පැවති තුෂ්ණි යුධ සමයට පසුව එල්ලවී ඇති වැඩිම න්‍යෂ්ටික අනතුරක් පිළිබඳ සිය කණගාටුව ප්‍රකාශ කරමින්ය.

එසේම කාලගුණ විපර්යාස බලාපොරොත්තුවූ ආකාරයට වඩා වේගයෙන් සිදුවෙමින් ඇති බවත් එම අසාමාන්‍යතා ඇතුළුව දරුණු ආකාරයේ මානව හිමිකම් කඩවීම්, ජාතිකත්ව අර්බුද සහ රට රටවල් අතර අර්බුද වැඩිවී තිබීම ගැනද මහ ලේකම්වරයා සිය කණගාටුව පළකර සිටියේය.

කෙසේ වුවත් එක්සත් ජාතීන්ගේ මහ ලේකම්වරයාගේ මේ රතු නිවේදන ප්‍රකාශයට ආසන්නතම හේතුව ලෙස විදෙස් මාධ්‍ය සඳහන් කර සිටින්නේ උතුරු කොරියානු නායක කිම් ජොන් උන් විසින් දිගින් දිගටම ඇමරිකා එක්සත් ජනපදය ඇතුළු රටවලට එල්ල කරන න්‍යෂ්ටික තර්ජනයයි.

ජනවාරි 01 වනදා නව වසර නිමිති කරගෙන සජීවී රූපවාහිනී විකාශයක් හරහා නිවේදනයක් නිකුත් කරන අතර තුරද උතුරු කොරියානු නායකයා සඳහන් කර සිටියේ න්‍යෂ්ටික මිසයිල එල්ල කිරීමේ බොත්තම ඕනෑම මොහොතක තම මේසය මත සුදානමින් ඇති බව සිය සතුරන් මතකතබා ගත යුතු බවය.

Comment (0) Hits: 267

කැළිෆෝනියාවේ ස්වභාවික ව්‍යසනයෙන් දිවි බේරාගත් අය සොයා මෙහෙයුම්

අධික වර්ෂාව හේතුවෙන් හටගත් ගංවතුර සහ "ඉණවටක්" මඩ මධ්‍යෙයේ දකුණු කැළිෆෝනියාවේ අවම වශයෙන් 15ක් මියගොස් ඇති බව බලධාරීහු පවසති.

එසේම තවත් 160කට අධික පිරිසක් රෝහල්ගත කර ඇත. දරුණු කුණාටුව හේතුවෙන් ඉන් 20 දෙනෙකු තුවාල ලබා ඇති අතර ඒ අතරින් සිව් දෙනෙකුගේ තත්වය බරපතලය.

නැගෙනහිර සැන්ට බාබරා ප්‍රදේශයේ (Santa Barbara) රොමෙරො කැනියන් හි (Romero Canyon) 300ක පමණ පිරිසක් කොටු වී සිටිති.

එහි පවතින තත්වය "පළමු ලෝක යුද්ධයේ යුද පිටියක්" ලෙසින් දිස්වන බව පොලීසිය පවසයි.

පසුගිය මාසයේ ඇති වූ ලැව්ගිනි මෙන්ම මෙම ගංවතුර සහ පස්කඳු කඩාවැටීම හේතුවෙන් කිලෝමීටර 48කට වඩා දිගින් යුත් මුහුදුබඩ මාර්ගයක වාහන ගමනාගමනය සම්පූර්ණයෙන්ම ඇනහිට තිබේ.

අනතුරටපත් පුද්ගලයන් පිළිබඳ නිශ්චිත සංඛ්‍යාලේඛන නොමැති බවත් මියගිය සංඛ්‍යාව ඉහළ යා හැකි බවත් හදිසි සහන සේවකයෝ පවසති.

ගංවතුර හේතුවෙන් දහස් සංඛ්‍යාත පිරිසක් සිය නිවාසවලින් ඉවත්වී ඇති අතර, 50කට අධික සංඛ්‍යාවක් මුදවාගෙන තිබේ.

දරුණු ලෙස අනතුරට පත් නිවාස ඉවත්කිරීමේ සීමාව තුළ නොමැති බව ද නිලධාරීහු පවසති.

මෝටර් රථ ප්‍රමාණයේ විශාල ගල් මාර්ගයේ

අධික වර්ෂාව සහ කඳු නාය යෑම් නිසා සමහර නිවාස සම්පූර්ණයෙන්ම ගැල වී ගොස් ඇති බව සැන්ට බාබරාහි ගිනි නිවන දෙපාර්තමේන්තුවේ ප්‍රකාශක මයික් එලිසන් (Mike Eliason) පවසයි.

කුඩා මෝටර් රථ ප්‍රමාණයේ විශාල ගල් පෙරළීමෙන් මාර්ග අවහිර වීඇති බවට ලොස් ඇන්ජලීස් වාර්තාකරු පවසයි

දිවි ගලවාගත් අය අතර වයස අවුරුදු 14ක දැරියක් ද සිටින අතර සුන්බුන් බවට පත්වූ නිවසේ ඇය පැය 4ක් පමණ සිරවී සිට තිබේ.

මඩෙන් නැහැවී සිටි දැරිය බේරාගන්නා ඡායාරූපයක් ගිනි නිවීමේ සේවය විසින් ප්‍රකාශයට පත් කර තිබුණි.

කුණාටුව හේතුවෙන් මිය ගියේ යැයි සැළකිය හැකි පස්දෙනෙක් අඟහරුවාදා (ජනවාරි 09) හමුවූ බව පළාතේ ගිනි නිවන දෙපාර්තමේන්තු ප්‍රධානියා සඳහන් කළේය.

බී.බී.සී.

Comment (0) Hits: 314

ඩොනල්ඩ් ට්‍රම්ප් නමින් දුම්රිය ස්ථානයක්

ඇමරිකානු ජනාධිපති ඩොනල්ඩ් ට්‍රම්ප් නමින් දුම්රිය ස්ථානයක් නම් කිරීමට ඊශ්‍රායල් රජය තීරණය කර ඇත.

විදෙස් මාධ්‍ය වාර්තා කර ඇති ආකාරයට මධ්‍යම ජෙරුසලමේ සිට වෙස්ටන් වෝල් දක්වා ඉදිවෙමින් තිබෙන අධිවේගී දුම්රිය මාර්ගයේ එක් ප්‍රධාන දුම්රිය ස්ථානයක් ට්‍රම්ප්ගේ නමින් හඳුන්වන්නට තීරණය වී ඇති අතර ඒ බව ඊශ්‍රායල් ප්‍රවාහන අමාත්‍ය Yisrael Katz ද ඒ බව තහවුරු කර ඇත.

කෙසේ වුවත් ජෙරුසලම ඊශ්‍රායලයේ අගනුවර ලෙස පිළිගැනීමට ඇමරිකා එක්සත් ජනපදය ගෙන ඇති යෝජනාවට එරෙහිව එක්සත් ජාතීන්ගේ මහා මණ්ඩලය යෝජනාවක් සම්මත කරගෙන ඇත.

ඊට පෙර එක්සත් ජාතීන්ගේ ආරක්ෂක මණ්ඩලය වෙතද ඇමරිකාවේ තීරණයට එරෙහිව යෝජනාවක් ඉදිරිපත් කළ නමුත් ඇමරිකාව නිශේධ බලය යොදා එම යෝජනාව පරාජය කරන්නට කටයුතු කරනු ලැබීය.

Comment (0) Hits: 349

ඇමරිකාව සීතලෙන් ගල්ගැහෙද්දී ඔස්ට්‍රේලියාව ගිනියම් වේ !

මෙතෙක් වාර්තා වී ඇති අවම උෂ්ණත්වය සහ දැඩි හිමපතනය මැද නැගෙනහිර ඇමරිකානුවන් පීඩා විඳිමින් සිටියදී, ඔස්ට්‍රේලියාවේ සිඩ්නි නුවර වැසියන් අවුරුදු අසූවකට පසු වැඩිම උෂ්ණත්වයක් සටහන් වූ කාලපරිච්ඡේදයක දරාගත නොහැකි දැඩි උණුසුම් කාල ගුණයකින් බැට කමින් සිටිති.

 us seethala 1

 99513028 99488973 hi043856060

ඇමරිකානු කාලගුණ වාර්තාවලට අනුව ජනවාරි 6 වන දින නිව්යෝක් නගරයේ උෂ්ණත්වය -13C (8F) දක්වා පහත වැටී තිබුණි.

 99513029 99478703 gettyimages 901281770ඇමෙරිකාවේ මිනිසුන් පමණක් නොව අධික සීතලෙන් පීඩා විඳින වෙනත් ජීවීන්ද දැක ගත හැකි විය.

 99519668 turtleඅධික සීතල ජලය දරා ගත නොහැකිව සිටි මුහුදු කැස්බෑවෙක්

පවතින අයහපත් කාලගුණය හේතුවෙන් ජෝන් එෆ් කෙනඩි ගුවන් තොටුපළ ඇතුළු අනෙකුත් ගුවන් තොටුපළවල දහස් ගණන් ගුවන් ගමන් ප්‍රමාද වී ඇත.
ඇතැම් ඇමෙරිකානු ප්‍රදේශවල අඩියකට වඩා වැඩි හිම තට්ටු දැකිය හැකිය.

 99513030 99475732 hi043847890 99513031 99478698 hi043844502නැගෙනහිර කැනඩාවේ උෂ්ණත්වය -50C (-58F) දක්වා පහත වැටී ඇති බවට කාලගුණ වාර්තාවල සඳහන් වේ.

ඕස්ට්‍රේලියාවේ සිඩ්නි නුවර තත්වය :

 99514463 99496060 hi043884929පසුගිය ඉරිදා කැමරා කාචයේ සටහන් වූ සිඩ්නි නුවර බොන්ඩි වෙරළ තීරය

ඔස්ට්‍රේලියාවේ සිඩ්නි නුවර 40C කට අධික උෂ්ණත්වය හේතුවෙන් වීදි වැසියන්ට පානීය ජලය ලබා දීමට පුණ්‍යායතන රැසක් ඉදිරිපත් වී ඇත.

 99514465 99496126 gettyimages 901985960

අළු බඳුන තරගාවලිය පැවැත්වෙන සිඩ්නි නුවර ක්‍රිකට් පිටියේ උෂ්ණත්වය 57.5C (135.5F) ක් ලෙස සටහන්විය.

 99514466 99495939 d2326f47 9711 43fd b375 cbfc6c0a8c2d

ඕස්ට්‍රේලියාව සහ එංගලන්තය අතර පැවති අළු බඳුන අවසන් තරගය නැරඹීමට පැමිණි ක්‍රීඩාලෝලීන් දැඩි උණුසුම මැද

 99519672 99517278 doga

උෂ්ණත්වය දරා ගත නොහැකි වූ සතුන්: දැඩි ලෙස රත් වුණ මෝටර් රථයක සිට පොලීසිය විසින් බේරා ගත් බලු පැටියෙක්

Comment (0) Hits: 320

කොලොම්බියාව නොසන්සුන් : රූ රැජනකට ක්‍රීඩා ඇඳුමක් අන්දලා

කොලොම්බියාවේ ජාතික කාන්තා පාපන්දු කණ්ඩායම වෙනුවෙන් නිර්මාණය කරන ලද ක්‍රීඩා ඇඳුම් ප්‍රචලිත කිරීම සඳහා රූ රැජනකට අන්දවා රූපවාහිනියේ විකාශනය කරමින් ප්‍රචාරක වාසියක් ලැබූ අඩිඩාස් සමාගම දැඩි විවේචනයට ලක්ව ඇත.

කාන්තා ජාතික කණ්ඩායම වෙනුවෙන් අඩිඩාස් සමාගම නිර්මාණය කරන ලද මෙම ඇඳුම් කට්ටලය කොලොම්බියානු රූ රැජනක් මෙන්ම ලෝක රූ රැජනක්ද වූ මේ වන විට නිළියක මෙන්ම නිරූපිකාවක ලෙසද ප්‍රකට පෝලිනා වෙගා ඩිප්පා ට අන්දවා එය රූපවාහිනියේ විකාශය කර තිබේ.

මෙම විවේචනය වඩාත් දැඩි වීමට හේතු වී ඇත්තේ පිරිමි කණ්ඩායමේ ක්‍රීඩා ඇඳුම ප්‍රචලිත කිරීම සඳහා සුපිරි ක්‍රීඩක ජේම්ස් රොඩ්රිගස් යොදා ගනිද්දී කාන්තා ඇඳුමට නිළියක් යොදා ගැනීමයි.

කොලොම්බියානු කාන්තා පාපන්දු කණ්ඩායම මේ වන විට පිරිමි කණ්ඩායමටත් වඩා ජාත්‍යන්තර වශයෙන් දස්කම් දැක්වීමට සමත්ව තිබේ.

nintchdbpict000365992011

Comment (0) Hits: 370

උතුරු - දකුණු කොරියා ඉහළ පෙළේ සාකච්ඡා අද සිට

කාලාන්තරයක පටන් දැඩි ආතතිගත සම්බන්ධයක් සහිත උතුරු කොරියාව සහ දකුණු කොරියාව අතර ඉහල පෙළේ සාකච්ඡා අද (09) පස්වරුවේ ආරම්භ කිරීමට නියමිතව ඇති බව විදෙස් මාධ්‍ය වාර්තා කරයි.

එක් පාර්ශවයකින් නියෝජිතයන් පස් දෙනා බැගින් සහභාගී වන මෙම සාකච්ඡා උතුරු කොරියාවට අයත් දේශසීමා ගම්මානයක් වන පැන්මුන්ජොම් හිදී පැවැත්වෙන බවත් ඊට සහභාගී වන දකුණු කොරියානු දුත පිරිස මේ වන විටත් උතුරු කොරියාව බලා පිටත්ව ගොස් ඇති බවද එම මාධ්‍ය වාර්තා සඳහන් කරයි.

දෙරට අතර සාමය සහ සුහදත්වය වර්ධනය කිරීමේ අපේක්ෂාවෙන් යුතුව ලබන මාසයේ දකුණු කොරියාවේ පැවැත්වෙන සීත සෘතු ඔලිම්පික් තරගාවලියට උතුරු කොරියානු ක්‍රීඩකයින් සහභාගී කරවීමේ හැකියාව සම්බන්ධව මෙහිදී වැඩි අවධානයක් යොමුවනු ඇති බවද විදෙස් මාධ්‍ය වල සඳහන්ය.

Comment (0) Hits: 265

රුපියානු විපක්ෂ නායකයාට ජනාධිපතිවරණය තහනම්

රුසියානු විපක්ෂ නායක ඇලෙක්සි නාවල්නිගේ ජනාධිපතිවරණ අපේක්ෂකත්වය තහනම් කිරීමට එරට මධ්‍යම මැතිවරණ කොමිසම තීරණය කර ඇති බව විදෙස් මාධ්‍ය වාර්තා කරයි.

ඊට පදනම්වී ඇත්තේ රුසියානු විපක්ෂනායකයාට එරෙහිව එල්ලවී ඇති දුෂණ චෝදනා ය.

රුසියානු මධ්‍යම මැතිවරණ කොමිසම විපක්ෂ නායකයාගේ අපේක්ෂක ධුරය අහෝසි කිරීම වෙනුවෙන් සිදුකල ජන්ද විමසීමේදී එම කොමිසමේ සාමාජිකයන් 13 දෙනාගෙන් 12 දෙනෙකු එම තහනම අනුමත කර ඇත.

ඒ අනුව 2018 වසරේ මාර්තු මාසයේ පැවැත්වෙන රුසියානු ජනාධිපතිවරණයේදී සිව්වන වතාවටත් ජනාධිපතිවරයා වීමේ අවස්ථාව ජනාධිපති පූටින් හට ලැබෙනු ඇති බවත් ඔහුට කිසියම් හෝ තරගයක් ලබාදීමට සිටි එරට විපක්ෂ නායක ඇලෙක්සි නාවල්නිගේ ජනපතිවරණ අපේක්ෂකත්වය තහනම් වීම හේතුවෙන් තරගයක් නොමැතිවම එම අවස්ථාව පූටින් වෙත හිමිව ඇති බවද විදෙස් මාධ්‍ය සඳහන් කර ඇත.

 කෙසේ වුවත් රුසියානු මධ්‍යම මැතිවරණ කොමිසමේ තීරණයට විරෝධය පළකරන රුසියානු විපක්ෂ නායක ඇලෙක්සි නාවල්නි සඳහන් කර සිටින්නේ පූටින් පාලනය අභූත චෝදනා එල්ලකර තමන්ගෙන් දේශපාලන පළිගැනීමක් සිදුකර ඇති බවය. එසේම මතුව ඇති තත්ත්වයට විරෝධය පළකිරීමක් ලෙස එළඹෙන ජනාධිපතිවරණය වර්ජනය කරන ලෙසද ඔහු රුසියානු ජනතාවගෙන් ඉල්ලා ඇත.

Comment (0) Hits: 331

චීන මුහුදේ නැව් දෙකක් ගැටෙයි : 32ක් අතුරුදහන්

චීන මුහුදේ නෞකා දෙකක් ගැටී සිදුවූ අනතුරකින් එක් නෞකාවක සේවය කළ තිස් දෙකකින් යුතු කාර්යමණ්ඩලය අතුරුදහන් වී ඇති බව විදෙස් මාධ්‍ය සඳහන් කරයි.

එම වාර්තාවල සඳහන් වන ආකාරයට මෙසේ අනතුරට පත්ව ඇත්තේ ඉන්ධන ප්‍රවාහනය කල නෞකාවක් සහ භාණ්ඩ ප්‍රවාහනය කල නෞකාවක් වන අතර එම අනතුරින් පසුව ඉන්ධන ප්‍රවාහනය කරමින් තිබූ නෞකාව ගිනිගෙන ඇත.

චීන මුහුදේ සිදුවූ මෙම අනතුරින් අතුරුදහන්වූ නෞකා කාර්යමණ්ඩලය සොයා චීන ජීවිතාරක්ෂක බලකා විශේෂ මෙහෙයුමක් දියත් කර ඇති බවත් ඒ සඳහා නෞකා 8ක් යොදවා ඇති බවත් එම වාර්තා සඳහන් කර සිටියි.

අනතුරට පත් නෞකා දෙක අතුරින් භාණ්ඩ ප්‍රවාහනය කළ නෞකාවේ සිවය කළ විසි එක් දෙනෙකුගෙන් සමන්විත කාර්ය මණ්ඩලය බේරාගැනීමට චීන ජීවිතාරක්ෂක කණ්ඩායම් සමත්ව ඇත.

මේ වන විට දකුණු කොරියාවද සිය වෙරළාරක්ෂක හමුදා අනතුරු වූ පෙදෙසට යොමුකර ඇති අතර අතුරුදන්වූවන් අතර ඉරාන ජාතිකයින් 30 දෙනෙකු සහ බංග්ලාදේශ ජාතිකයින් දෙදෙනෙකු ද වන බවද විදෙස් මාධ්‍ය වාර්තා කර ඇත. ඉන්ධන රැගත් නැව පැනමා දේශයේ ලියාපදිංචි එකක් වන අතර ඉන්ධන ටොන් 136,000ක් රැගෙන ඉරානයේ සිට දකුණු කොරියාව බලා යාත්‍රා කරමින් තිබියදී නෞකාව මෙම අනතුරට මුහුණ දී ඇත.

අනෙක් නෞකාව අමෙරිකාවේ සිට දකුණු චීනය දක්වා ටොන් 64,000ක බරකින් යුත් ධාන්‍ය තොගයක් රැගෙන යාත්‍රා කරමින් සිට ඇත.

විදෙස් මාධ්‍ය වාර්තා කරන්නේ, භාණ්ඩ ප්‍රවාහන නෞකාවේ සියලු කාර්ය මණ්ඩලය චීන ජාතිකයින් වන බවයි.

Comment (0) Hits: 262

හා හා හරි හාවා' කාටූන් ශිල්පියා මෙලොවින් සමු ගනී

'හා හා හරි හාවා' හෙවත් 'බග්ස් බනී' (Bugs Bunny) කුඩා අවදියේ අපට බෙහෙවින් සමීප කාටූන් චරිතයකි.

'බග්ස් බනී' ප්‍රතිනිර්මාණය කළ සජීවිකරණ සිනමා ශිල්පී බොබ් ගිවන්ස් මෙලොවින් සමුගෙන තිබේ.

ඔහු මිය යන විට අනූනව වෙනි වියේ පසු විය.

හැට වසරකට එහා යන බොබ් ගිවන්ස්ගේ වෘත්තීය ජීවිතය තුළ ඔහු ඩිස්නි, වෝනර්ස් බ්‍රදර්ස් සහ හැනා-බාබරා වැනි සිනමා නිෂ්පාදන සමාගම් තුළ සේවය කර තිබේ.

'ටොම් ඇන්ඩ් ජෙරී' (Tom & Jerry ) සහ 'ඩැෆී ඩක්' (Daffy Duck) ද ඔහු අතින් නිර්මාණ වූ සෙසු කාටූන් චරිත අතර වේ.

1937 වසරේ දී ඩිස්නි සමාගමේ සේවය කළ බොබ් ගිවන්ස් 'ඩොනල්ඩ් ඩක්' (Donald Duck) සහ 'ස්නෝ වයිට්' (Snow White) යන කාටූන් චරිත සම්බන්ධයෙන් පළමුව කටයුතු කළේය.

අනතුරුව 1940 වසරේ දී වොනර්ස් බ්‍රදර්ස් සමාගමට එක් වූ ඔහු 'බග්ස් බනී' චරිතය ප්‍රතිනිර්මාණය කිරීමත් සමග ප්‍රසිද්ධියක් දිනා ගත්තේය.

'ටොම් ඇන්ඩ් ජෙරී'

 84834725 tomjerryindex

'බග්ස් බනී' වෙනුවෙන් ඊට පෙර අඳින ලද සිතුවම් එහි නිෂ්පාදක සමාගමේ අවශ්‍යතාවයන්ට නොගැලපී ඇති බව පැවසේ.

ටුපැක් ජීවතුන් අතරද?

ඉන් අනතුරුව බොබ් ගිවන්ස් අතින් ප්‍රතිනිර්මාණය වූ 'බග්ස් බනී' ප්‍රධාන චරිතය එහි පළමු නිල රූප නිර්මාණය බවට පත් විය.

ඒ සමග සජීවීකරණ සිනමා කර්මාන්තය තුළ ඔහු ප්‍රසිද්ධියට පත්විය.

සිනමා කර්මාන්තය වෙත යළි පැමිණීමට පෙර ඔහු දෙවන ලෝක යුද සමයේ ඇමරිකානු හමුදාව වෙනුවෙන් සේවයේ නිරත විය.

බොබ් ගිවන්ස් කළ නිර්මාණ වෙනුවෙන් සමාජ ජාල තුළ ගෞරවය පළ වී තිබිණි.

Comment (0) Hits: 450

ප්‍රාන්ත භාණ්ඩාගාරය සුද්ද කළ හිටපු මහ ඇමති හිරේට

ඉන්දියාවේ බිහාර් ප්‍රාන්ත හිටපු ප්‍රධාන අමාත්‍ය ලාලු ප්‍රසාද් යාදේව්ට වසර තුනකුත් මාස හයක සිර දඬුවමක් ඉන්දීය අධිකරණය විසින් නියම කර ඇති බව ඉන්දීය මාධ්‍ය වාර්තා කරයි.

ඊට අදාලව ලාලු ප්‍රසාද් යාදේව් වෙත එල්ලවී ඇති චෝදනාව වී ඇත්තේ ඔහු විසින් ප්‍රාන්ත භාණ්ඩාගාරයෙන් ඉන්දීය රුපියල් ලක්ෂ 87කට අධික මුදලක් වංචා කිරීම ය.

අදාළ චෝදනාවට වැරදිකරුවීම හේතුවෙන් සිරදඬුවමට අමතරව ඉන්දීය රුපියල් ලක්ෂ 05ක දඩයක් ද එරට අධිකරණය විසින් නියම කර ඇති බවද එම මාධ්‍ය වාර්තා වැඩිදුරටත් සඳහන් කර සිටියි.

1948 උපත ලබා ඇති ඉන්දියාවේ ප්‍රවීන දේශපාලනඥයෙකු වු ලාලු ප්‍රසාද් යාදේව් 2004 – 2009 සමයේ මනමෝහන් සිං පාලන සමයේ ඉන්දියාවේ දුම්රිය අමාත්‍යධුරයද හොබවා ඇති අතර සිය දේශපාලන දිවිය තුළ බරපතල දුෂණ චෝදනා 7 කට ආසන්න ප්‍රමාණයක් ලබා ඇත.

Comment (0) Hits: 294

කෙසෙල් නිසා ඊජිප්තු ගායිකාවකට සිර දඬුවම් !

 

25 හැවිරිදි ඊජිප්තු නිළියක වන ෂයිමා අහමඩ් හට වසර දෙකක සිර දඬුවමක් ඊජිප්තු අධිකරණය විසින් නියම කර තිබේ.

මෙවැනිම අයුරින් ගීතයක් සදහා සිදු කළ රූපරචනාවකට පෙනී සටීම නිසා පසු ගිය වසරේදී ඊජිප්තු අධිකරණය නර්තන ශිල්පිනියන් තිදෙනෙක් සදහා එක් අයෙකුට මාස 6 බැගින් සිර දඩුවම් නියම කර ඇති අතර තවත් ගායිකාවක අබ්දුල් වහාබ් හට ඈ පෙනී සිටි (Have You Drunk From The Nile?) ගීතය ගායනයෙන් අනතුරුව නඩු විභාගයකට මුහුණ දෙන්නට සිදුව තිබේ.

ඒ ඈ ගේ ගායනය හා ඊට අදාළ රංගනය ‘‘නයිල් ගගේ ජලය පානය කරන්නන් අසනීප වන බවට‘‘ පණිවිඩයක් සමාජ ගත කරවන බවට චෝදනා එල්ල වීම නිසාය . අධිකරණය මේ සම්බන්ධව ප්‍රකාශ කර සිට ඇතිතේ ඈ වැරදි පණිවිඩ ප්‍රචාරය කිරීමට සහය වූ බවයි.

ඊජීප්තු නීතිය මගින් සිදු කරන මෙවැනි ක්‍රියා මාර්ග කාන්තාවන් කලාත්මක කටයුතු වලින් ඈත් කිරීමට හේතුවක් වනු ඇති බවට අන්තර්ජාතික ප්‍රජාව මේ වන විට අදහස් දක්වමින් සිටි.

Comment (0) Hits: 325

Page 11 of 12