V2025

විදෙස්

දලයි ලාමාගෙන් අයිෆෝන් 'ඇප්' එකක්

අනුගාමිකයන්ට තම සංචාර මෙන්ම ඉගැන්වීම් හා යාවත්කාලීනවිම සඳහා ජංගම දුරකථන යෙදවුමක් (App) දලයි ලාමා හිමියන් හඳුන්වා දුන්හ.

ටිබෙට් දේශයෙන් පිටුවහල් කරනලද 82 හැවිරිදි අධ්‍යාත්මික නායකයා සතුව මිලියන 16 ඉක්මවූ ට්විටර් අනුගාමිකයෝ සිටිති.

මුදල් අයකිරීමකින් තොරව භාවිත කළහැකි මෙම නව යෙදවුම දැනට අයිෆෝන් (iPhone) මගින් පමණක් බාගත කරගැනීමට හැකිවේ. එහි ප්‍රවෘත්ති, වීඩියෝ, ඡායාරූප සහ උන්වහන්සේගේ ඉගැන්වීම් තොරතුරු ඇතුළත් වනුඇත.

2013දී රෝමානු කතෝලික සභාව 'පෝප් ඇප්' (Pope App) දියත් කර ලද අතර, එය භාවිත කරන්නන්ට පව් සමාකරගැනීමේ යෙදවුමක් තුළින් තම ප්‍රගතිය නිරීක්ෂණය කිරීමේ හැකියාව ද ලබාදී තිබුණි.

තම අනුගාමිකයන්ගේ ආගමික අවශ්‍යතා ඉටුකිරීමටත්, ඔවුන් හා නිරන්තර සබඳතා පැවැත්වීමටත්, විවිධ උපකාර කිරීමටත් වෙනත් බොහෝ ආගමික යෙදවුම්ද ඊට සමගාමිව නිර්මාණ විය.

දලයි ලාමා හිමියන්ගේ මෙම නව යෙදවුම 'දලයි ලාමා' යනුවෙන් සරළව නම්කර ඇත.

Comment (0) Hits: 313

මිය ගියා' යැයි දොස්තර කී බිලිඳාට පණ එයි

අලුත උපන් බිළිඳෙකු මිය ගොස් ඇතැයි අත්වැරදීමකින් නිගමනය කළ වෛද්‍යවරුන් දෙදෙනෙකු සේවයෙන් පහ කළ බව ඔවුන් සේවය කළ ඉන්දීය රෝහල පවසයි.

අදාළ බිළිඳා උපත ලබා තිබෙන්නේ ඔහුගේ නිවුන් සොහොයුරා උපතේදීම මිය යාමෙන් පැය කිහිපයකට පසුවය. ඉන් අනතුරුව උපත ලැබූ නිවුන් සොහොයුරා ද මිය ගොස් ඇතැයි මැක්ස් පෞද්ගලික රෝහලේ වෛද්‍යවරුන් වැරදි ලෙස නිගමනය කර තිබේ.

අවමංගල්‍ය උත්සවය සඳහා බිළිඳා රැගෙන යන අතරවාරයේ දරුවා ජීවතුන් අතර සිටින බව දෙමාපියන්ට දැකගැනීමට හැකි වී තිබේ.

දරුවා බහාලූ බෑගය සෙලවෙන බව දැක කම්පනයට පත් වූ දෙමාපියන් වහාම දරුවා අසල රෝහලක් වෙත රැගෙන ගිය බව දරුවාගේ මුත්තණුවන් උපුටා දක්වමින් ප්‍රදේශයේ මාධ්‍ය වාර්තාකර තිබිණ. එහිදී දරුවා මිය ගොස් නැති බව දෙමාපියන්ට දැනුම් දී තිබේ.

"අපේ සෞඛ්‍ය සේවය ඉතාම හොඳයි"

ඒ සමගම ඉතා ඉහළ මුදලක් වැය කිරීමට සිදු වන ඉන්දියාවේ පෞද්ගලික සෞඛ්‍ය සේවයේ ප්‍රමිතිය පිළිබඳව යළිත් වරක් සංවාදයක් මතු වී තිබේ.

ඒ පිළිබඳව වෛද්‍ය විශේෂඥයන් සමග පැවති මූලික සාකච්ඡාවලින් අනතුරුව අදාළ වෛද්‍යවරුන් දෙදෙනාගේ සේවය අත්හිටුවීමට පියවර ගන්නා ලද බව මැක්ස් රෝහල පවසයි.

ඉන්දීය වෛද්‍ය සංගමයේ විශේෂඥයන් ඇතුළු බාහිර කණ්ඩායමක් විසින් ඒ පිළිබඳව තවදුරටත් පරීක්ෂණ පවත්වනු ලැබ තිබෙන බව ද එහි සඳහන් වේ.
මේ අතර ඉන්දීය ආණ්ඩුව ද සිදුවීම සම්බන්ධයෙන් වෙනම පරීක්ෂණයක් ක්‍රියාත්මක කරමින් සිටී.

සිය රාජකාරිය නිසි පරිදි ඉටු නොකිරීම සම්බන්ධයෙන් මෑත මාසය කිහිපැය තුළ ඉන්දියාවේ පුද්ගලික රෝහලකට චෝදනා එල්ල වූ දෙවෙනි අවස්ථාව මෙය ය. ඩෙංගු රෝගය වැළඳුනු දැරියක වෙනත් රෝහලකදී පසුගිය මාසයේ මිය ගිය නමුත්, සිය දියණියට ප්‍රතිකාර කිරීම පිණිස අති විශාල මුදලක් තමන්ගෙන් අයකර ගත් බව එම දැරියගේ දෙමාපියෝ පැවසූහ.

Comment (0) Hits: 264

උතුරු කොරියාව: ධවල මන්දිරය සහ රාජ්‍ය ලේකම් ප්‍රතිවිරුද්ධ මතයක?

උතුරු කොරියාව හා සාකච්ඡා කිරීම සම්බන්ධයෙන් ඇමරිකාවේ ස්ථාවරයේ වෙනසක්වූ බවට ඇමරිකානු රාජ්‍ය ලේකම් රෙක්ස් ටිලර්සන් (Rex Tillerson) කළ සඳහනට ප්‍රතිවිරුද්ධ ප්‍රකාශයක් ධවල මන්දිරය සහ ඔහුගේම පාලනය යටතේ ඇති ඇමරිකානු රාජ්‍ය දෙපාර්තමේන්තුව නිකුත්කර තිබේ.

කොන්දේසි විරහිතව උතුරු කොරියානු රජය සමග සාකච්ඡා කිරීමට තමන් සූදානම් බව ඔහු අඟහරුවාදා (දෙසැ 12) වොෂිංටනයේ පැවති ප්‍රතිපත්ති පිළිබද සමුළුවකදී ප්‍රකාශ කළේය.

"අප උතුරු කොරියාව සමග ඕනෑම මොහොතක සාකච්ඡා කිරීමට සූදානම් බවටත්, පළමු සාකච්ඡාව පූර්ව කොන්දේසි නොමැතිව පැවැත්වීමට කැමති බවටත් රාජ්‍යතාන්ත්‍රික අංශ අපව දැනුවත්කලා"යැයි සමුළුව අමතමින් රාජ්‍ය ලේකම්වරයා ප්‍රකාශ කළේය.

 99205365 6f6fcd15 945f 4043 b955 1a99bfbeeeafනමුත් දිනක් ඇතුලත ධවල මන්දිරය සහ ඇමරිකානු රාජ්‍ය දෙපාර්තමේන්තුව අවධාරණය කළේ උතුරු කොරියාව පළමුවෙන්ම න්‍යෂ්ටික අවිහරණයට කැපවියයුතු බවය.

මෑත මාස කිහිපය තුළ ධවල මන්දිරය හා රාජ්‍ය ලේකම්වරයා ප්‍රසිද්ධියේ වෙනස් මත දැරූ තෙවන අවස්ථාව මෙම ප්‍රවෘත්තියත් සමග සටහන් විය.

 99205367 c14e55f4 74d5 4f71 aa92 7b493678a084උතුරු කොරියාව පසුගිය අප්‍රේල් මාසයේදී සිය යුද ශක්තිය ප්‍රදර්ශනය කළ අයුරු

මෙම සිදුවීමට අදාලව නම හෙළි නොකළ ධවල මන්දිර නිලධාරියෙක් "කවර හෝ එකඟත්වයකට පැමිණීමට, උතුරු කොරියාව තමන් විසින්ම තමන්ගේ චර්යාවේ වර්ධනයක් සකස්කර ගන්නා තෙක් බලාසිටිය යුතු බව පාලනාධිකාරියේ තීරණයේ වෙනසක් නොමැති බව" රොයිටර් සේවය වෙත බදාදා ප්‍රකාශ කළේය.

"රාජ්‍ය ලේකම්වරයා පැවසූ ආකාරයටම, එය සිදුවියයුතු නමුත්, තවදුරටත් මිසයිල අත්හදා බැලීම් හෝ න්‍යෂ්ටික අවි අත්හැර දැමිය යුතුයි" යනුවෙන් ඔහු වැඩිදුරටත් සඳහන් කර ඇත.

ඇමරිකානු රාජ්‍ය දෙපාර්තමේන්තු ප්‍රකාශකයා ද, ඉහත ප්‍රකාශය නැවතත් තහවුරු කර ඇත.

"උතුරු කොරියාව කැමැත්තෙන්ම බරපතල හා විශ්වසනීය ලෙස න්‍යෂ්ටික අවිහරණය පිළිබඳ සාකච්ඡාවට පැමිණෙන්නේ නම් ඔවුන් හා සාකච්ඡා මාර්ගයට පිවිසීමට අප විවෘතයි. නමුත් මේ ඊට අවස්තාව නොවේ" ඔහු ප්‍රකාශ කළේය.

Comment (0) Hits: 299

ජනපති ට්‍රම්ප්ගෙන් FBI වෙත වාග් ප්‍රහාරයක්

ඇමරිකානු ජනාධිපති ඩොනල්ඩ් ට්‍රම්ප් කෝපයෙන් යුතු ට්විටර් පණිවුඩ මාලාවක් නිකුත් කරමින් FBI හෙවත් මධ්‍යම විමර්ශන කාර්යාංශය දැඩි විවේචනයට ලක් කළේය.

FBI ආයතනයේ කීර්තිය විනාශ වී ඇති බව පවසන ජනාධිපති ට්‍රම්ප් එය "ඉතිහාසයේ මෙතෙක් පැවති නරකම තත්ත්වය" ලෙස විග්‍රහ කරයි.

ජාතික ආරක්ෂාව පිළිබඳ හිටපු උපදේශක මයිකල් ෆ්ලින් සම්බන්ධයෙන් පැවැත්වෙන පරීක්ෂණය අත්හැර දමන ලෙස FBI ආයතනයේ හිටපු ප්‍රධානී ජේම්ස් කෝමිගෙන් ඉල්ලීමක් කළ බව ජනාධිපතිවරයා ප්‍රතික්ෂේප කළේය.

රුසියාව සමග පැවති සබඳතා පිළිබඳ FBI ආයතනය වෙත සාවද්‍ය ප්‍රකාශ ලබා දීම මුල් කරගනිමින් ඇමරිකානු ජනාධිපති ඩොනල්ඩ් ට්‍රම්ප්ගේ ජාතික ආරක්ෂාව සම්බන්ධ උපදේශකවරයා ලෙස කටයුතු කළ මයිකල් ෆ්ලින් පසුගිය පෙබරවාරි මාසයේ දී සිය ධුරයෙන් ඉල්ලා අස්විය.

FBI ආයතනය වෙත සාවද්‍ය ප්‍රකාශ ලබා දීම පිළිබඳ ජනාධිපති ට්‍රම්ප් දැනසිටි බව ඇඟවෙන ට්විටර් පණිවුඩයක් පසුගියදා ඔහුගේ ටිව්ටර් ගිණුමේ පළ වී තිබිණි.

ජනාධිපතිවරයා වෙත එල්ලවන පීඩනය නැවතත් අලුත් වූයේ ඉන් අනතුරුවය.

ඒ සම්බන්ධයෙන් අදහස් දක්වමින් ජනාධිපති ට්‍රම්ප්ගේ පෞද්ගලික නීතිඥ ජෝන් ඩවුඩ් කියා සිටියේ තමන් විසින් සටහන් තබන ලද එම ට්විටර් පණිවුඩය අත්වැරදීමක් බවය.

  99036385 mediaitem99036384ජාතික ආරක්ෂාව පිළිබඳ හිටපු උපදේශක මයිකල් ෆ්ලින් ඉන් ඉවත් වූයේ එම ධුරය භාර ගෙන දින විසිපහකට පසුවය

 ජනාධිපතිවරණයේ සිය ප්‍රතිවාදියා වූ හිලරි ක්ලින්ටන්ගේ ඊමේල් පණිවුඩ පිළිබඳ පරීක්ෂණය මුල් කර ගනිමින් ඇමරිකානු ජනාධිපති ඩොනල්ඩ් ට්‍රම්ප් FBI ආයතනයේ අධ්‍යක්ෂවරයාව සිටි ජේම්ස් කෝමි ධුරයෙන් ඉවත් කිරීමට කටයුතු කළේ පසුගිය මැයි මාසයේදීය.

ඩිමොක්‍රටික් පක්ෂය එවක කියා සිටියේ ජනාධිපති ට්‍රම්ප්ගේ මැතිවරණ ව්‍යාපාරය හා රුසියාව අතර තිබූ බව පැවසෙන සබඳතා සම්බන්ධයෙන් FBI ආයතනය විසින් ගෙන යනු ලැබූ පරීක්ෂණ අධ්‍යක්ෂරයා සේවයෙන් පහ කිරීමට හේතු වූ බවය.

ජනාධිපතිවරණයේ දී තමන්ට රුසියාවේ සහාය ලැබුණු බවට පලවන වාර්තා ජනාධිපති ට්‍රම්ප් ප්‍රතික්ෂේප කරයි.

ජනාධිපතිවරණ ප්‍රචාරණ ව්‍යාපාරය ඩොනල්ඩ් ට්‍රම්ප්ට වාසි සහගතවන අයුරින් හැසිරවීම සඳහා වෙබ් අඩවිවලට රහසින් ඇතුළු වූ රුසියානු හැකරුන් උත්සාහ කොට ඇති බවට චෝදනා එල්ල වේ.

(බීබීසී සිංහල සේවය)

Comment (0) Hits: 267

ISISට එරෙහි යුද්ධය ඉවරයි - ඉරාක අගමැති

ඉස්ලාමීය රාජ්‍ය සංවිධානයට එරෙහි යුද්ධය අවසන් බව ඉරාක අග්‍රාමාත්‍ය හයිදර් අල් අබාඩි සඳහන් කර ඇත.

ඉරාක අග්‍රාමාත්‍යවරයා මේ බව සඳහන් කර ඇත්තේ බැග්ඩෑඩ් අගනුවර සම්මන්ත්‍රණයක් අමතමින්ය.

ඉරාක - සිරියානු දේශ සීමා කලාපයේ සම්පූර්ණ පාලනය ඉරාක හමුදාව අතට පත්ව ඇති බවත් ඒ අනුව ඉදිරියේදී සිදුකරන මෙහෙයුම් කටයුතු සීමාවනු ඇති බවත් අග්‍රාමාත්‍යවරයා සඳහන් කර ඇත.

කෙසේ වුවත් දේශසීමා ආශ්‍රිතව පැවති පාලනය ISIS සංවිධානය වෙතින් ගිලිහී ගියත් රට අභ්‍යන්තරයේ මරාගෙන මැරෙන බෝම්බ ප්‍රහාර එල්ලවීමේ අවධානම පහවගොස් නැති බවද අමාත්‍යවරයා අවධාරණය කර ඇත.

පසුගිය නොවැම්බර් මාසයේ දී ISIS සංවිධානය සතුව තිබු රාවා නගරයේ බලය ඔවුන් අතින් ගිලිහුණු අතර එම සංවිධානයේ පාලනය දේශ සීමා කලාපයේ ප්‍රදේශ කිහිපයකට පමණක් සීමා වුණි.

අයිඑස් සංවිධානය පරාජයට පත් කිරීම සඳහා අසල්වැසි සිරියාව තුළ ගෙන ගිය මෙහෙයුම අවසන් කළ බව පසුගියදා රුසියානු හමුදාව විසින් ස ප්‍රකාශයට පත් කරනු ලැබිණ.

Comment (0) Hits: 302

සිරියාවේ හමුදා කඳවුරකට 'ඊශ්‍රායලයෙන් මිසයිල ප්‍රහාරයක්'

සිරියාවේ දමස්කස් අගනුවරට පිටතින් පිහිටි හමුදා කඳවුරක් වෙත ඊශ්‍රායලය මිසයිල ප්‍රහාර එල්ල කර ඇති බව සිරියානු රජයේ රූපවාහිනිය වාර්තා කරයි.

ප්‍රහාරයෙන් හානි සිදු වී ඇතත් මිසයිල ප්‍රහාර දෙක මැඩපැවැත්වීමට හැකි වූ බව එම වාර්තාවේ වැඩිදුරටත් සඳහන් විය.

තමන් විසින් ප්‍රහාරය එල්ල කරන ලද බව ඊශ්‍රායල හමුදාව මෙතෙක් තහවුරු කර නොමැත.

එකසත් රාජධානිය මූලස්ථානය කරගත් සිරියාවේ මානව හිමිකම් නිරීක්ෂණ ආයතනය මීට ඉහතදී කියා සිටියේ ඊශ්‍රායලය විසින් එල්ල කරන ලද බවට සැක

කෙරෙන මිසයිල ප්‍රහාරයක් හේතුවෙන් දමස්කස් අගනුවර ආසන්නයේ පිපිරීමක් වාර්තාවූ බවය.

ප්‍රහාරයෙන් කෙතරම් හානියක් සිදුව ඇත්දැයි යන්න මෙතෙක් පැහැදිලි වී නොමැත.

සිරියාවේ මානව හිමිකම් නිරීක්ෂණ ආයතනයේ ප්‍රධානී රමී අබ්දෙල් රහ්මාන් ඒඑෆ්පී පුවත් සේවය වෙත අදහස් දක්වමින් කියා සිටියේ ප්‍රහාරයෙන් අවි ගබඩාව විනාශ වී ඇතත් එය කුමන පාර්ශවයකට අයත් කඳවුරක් දැයි යන්න සිය ආයතනය නොදන්නා බවය.

ඊශ්‍රායලයෙන් අනතුරු ඇඟවීමක්

සිරියාවට සහාය දක්වන ලෙබනනයේ හිස්බුල්ලා සංවිධානය වෙත අවිආයුධ ගෙනයාම වැළක්වීමේ අරමුණින් ඊශ්‍රායලය මීට ඉහතදී ද ආයුධ ගබඩා වෙත ප්‍රහාර එල්ල කර ඇත.

සිරියාවේ මානව හිමිකම් නිරීක්ෂණ ආයතනය පවසන පරිදි දමස්කස් අගනුවරට සැතපුම් කිහිපයක් දකුණු දෙසින් පිහිටි එල්-කිස්වාහ් නගරය තුළට ප්‍රහාරය එල්ල වී තිබේ.

ඉරානය විසින් නගරය ආසන්නයේ ස්ථීර හමුදා කඳවුරක් ඉදි කිරීමට යන බව පසුගිය මාසයේ දී වාර්තා විය.

සිරියාව තුළ කුමන හෝ ආකාරයකින් ඉරාන හමුදා යෙදවීමට ඉඩ නොදෙන බවට ඊශ්‍රායලයේ අගමැති බෙන්ජමින් නේතන්යාහු විසින් මීට ඉහත අනතුරු ඇඟවීය.

Comment (0) Hits: 237

නිහඬ බව බිඳින්නෝ": ටයිම් සඟරාවේ වසරේ පුද්ගලයා

ලිංගික අතවර සහ හිරිහැරවලට එරෙහිව නැගී සිටි "නිහඬ බව බිඳින්නෝ" නමින් හඳුන්වන කාන්තාවන් පිරිසක් "වසරේ පුද්ගලයා" ලෙසින් ඇමෙරිකාවේ ප්‍රකාශයට පත් කෙරෙන ටයිම් සඟරාව විසින් නම් කරනු ලැබ තිබේ.

හොලිවුඩ් නිෂ්පාදක හාවි වයින්ස්ටයින් ට එරෙහි ලිංගික අතවර චෝදනා එල්ලවීමෙන් අනතුරුව MeToo නම් හෑෂ්ටෑගය යටතේ බොහෝ කාන්තාවෝ තමන් මුහුණ දුන් අතවර පිළිබඳව හෙළිදරවු කිරීමට පෙළඹුනහ.

එහෙත් #MeToo ව්‍යාපාරය සමස්ත චිත්‍රය නොවන බව පවසන ටයිම් සඟරාවේ ප්‍රධාන කර්තෘ එඩ්වඩ් ෆෙල්සන්තාල් (Edward Felsenthal) හාවි වයින්ස්ටයින්ට චෝදනා එල්ලවීමත් සමග මතු වූයේ දශක ගණනාවක් ඇතුළත දක්නට ලැබුන වේගවත්ම සමාජ ව්‍යාපාරය බවත් සඳහන් කරයි.
සිය අත්දැකීම් හෙළි කිරීමට ඉදිරිපත් වූ සිය ගණනක් දිරිමත් කාන්තාවන් සහ ඇතැම් පුරුෂයන් විසින් එම ව්‍යාපාරය ආරම්භ කරනු ලැබූ බව ද කතුවරයා පෙන්වා දෙයි.

මහමගදී, වැඩපොළේ දී සහ පොදු ප්‍රවාහන සේවාවල දී ලිංගික හිංසන සහ අතවරවලට ලක්වන ශ්‍රී ලාංකික කාන්තාවගේ වේදනාව බීබීසී සිංහල සේවය ද පසුගියදා වාර්තා කළේය.

  • කාන්තා ලිංගික හිංසනය සහ ශ්‍රී ලංකාවේ ප්‍රතිචාර
  • ලිංගික හිංසනයෙන් බැට කන ‘ශ්‍රී ලාංකික දියණියෝ’
  • කාන්තාවගේ ඇඳුම, කාන්තා හිංසනයට හේතුවක්ද?
  • "කාන්තාවන්ගෙන් 90% කට ලිංගික අතවර"

ලොව පුරා දස ලක්ෂ සංඛ්‍යාත කාන්තාවන්ට සිය අත්දැකීම් හෙලිකිරීම පිණිස #MeToo සහයෝගිතා ව්‍යාපාරයක් බවට පත් වූ බව ද Time සඟරාව පෙන්වා දෙයි.
එම ව්‍යාපාරයට නායකයෙකු හෝ පිළිගත් ප්‍රතිපත්ති මාලාවක් නොවූ බව පවසන සඟරාව, සියලු ජනවර්ගවලට, සියලුම පන්තිවලට සහ සියලුම වෘත්තීන්ට අයත් කාන්තාවන් එයට සම්බන්ධ වූ බවත් සඳහන් කරයි.

kantha 1

එය ලිංගික අතවර පිළිබඳ සම්පූර්ණ කතා පුවත නොවන නමුත්, ලැජ්ජාව කෝපයක් බවට සහ හරවමින් දහස් ගණන් ජනතාව වීදියට කැඳවා බලගතු පුරුෂයන්ට එරෙහිව යුක්තිය ඉටුකරවා ගැනීමට එම ව්‍යාපාරය සමත් වූ බව සඟරාවේ අදහසය.

ලිංගික අතවරවලට ලක් වූ බව පැවසෙන විවිධ පසුබිම් සහිත කාන්තාවන්ගේ ඡායාරූපයක් සඟරාවේ කවරයේ ප්‍රකාශයට පත්කර තිබේ.

ඇමෙරිකානු ජනාධිපති ඩොනල්ඩ් ට්‍රම්ප්, Time සඟරාවේ "වසරේ පුද්ගලයා" අංශයේ දෙවෙනි ස්ථානය හිමිකරගෙන තිබේ.

Comment (0) Hits: 452

බාලි දූපතේ යමහල විදාරණය හමුවේ සූදානම

"රාත්‍රී කාලයේදී ගින්දර ඉහළ නගිනු පෙනෙනවා. මෙයින් පෙන්නුම් කෙරෙන්නේ විශාල ප්‍රමාණයේ විදාරණයක් නුදුරේම සිදුවිය හැකි බවයි." යැයි ආපදා කළමනාකරණ මණ්ඩලය ඉන්දුනීසියානු බසින් වූ සිය ෆේස්බුක් පිටුවේ සඳහන් කර ඇත.

Comment (0) Hits: 248

ට්‍රම්ප්ට එරෙහිව මැදපෙරදිග විරෝධතා

ඇමරිකානු ජනාධිපති ඩොනල්ඩ් ට්‍රම්ප් විසින් ජෙරුසලම ඊශ්‍රායලයේ අගනගරය ලෙස පිළිගැනීමට සූදානම් බව ජ්‍යෙෂ්ඨ පරිපාලන බලධාරියෙකු පැවසීමත් සමඟ මැදපෙරදිග පුරා ට්‍රම්ප් විරෝධී පෙලපාලී ඇතිව තිබේ.

ට්‍රම්ප්ගේ ජයාරූප මෙන්ම ඇමරිකානු ධජ ගිනිතබමින් එම විරෝධතාකරුවන් පවසා සිටින්නේ ට්‍රම්ප් ඇතුළු ඇමරිකාව සමස්ත මුස්ලීම් ජාතියේම ද්‍රෝහියකු ලෙස සලකා එම පාර්ශවයන්ට එරෙහිව ශුද්ධ වූ යුද්ධයක් ඇරඹිය යුතු බවයි.

කෙසේ වුවත් විදෙස් මාධ්‍ය වාර්තා සඳහන් කර සිටින්නේ ජෙරුසලම ඊශ්‍රායලයේ අගනගරය ලෙස සලකන ට්‍රම්ප්ගේ තීරණය ඉදිරියේදී ඔහු විසින්ම ප්‍රකාශයට පත්කිරීමට නියමිත බවය.මතභේදයට තුඩු දී ඇති එම තීන්දුව ඇමරිකානු ජනාධිපතිවරයා විසින් ප්‍රකාශයට පත් කිරීමට නියමිත බවයි. එසේම ටෙල් අවීව් නුවර පිහිටි ඇමරිකානු තානාපති කාර්යාලය වසර කිහිපයකින් ජෙරුසලම වෙත ගෙන යාම සඳහා ඇමරිකානු ජනාධිපතිවරයාගේ අනුමැතිය ලැබෙනු ඇති බවටද මාධ්‍ය වාර්තා පලවී ඇත.

මේ අතර ට්‍රම්ප්ගේ තීරණය සම්බන්ධව අදහස් දක්වන අරාබි රටවල නායකයින් සඳහන් කර සිටින්නේ අදාළ තීරණය ඊශ්‍රායලය විසින් පිළිගනු ලැබුවත් ඒ හරහා මැදපෙරදිග සාම ක්‍රියාදාමය කඩාකප්පල්වීමේ අවධානමක් ඇති බවය.

කාලයක පටන් නැගෙනහිර ජෙරුසලම සිය අනාගත රාජ්‍යයේ අගනුවර ලෙස පලස්තීනය විසින් සලකනු ලැබූ අතර ඊශ්‍රායලය විසින් ද ජෙරුසලම සිය අගනගරය පත්කර ගැනීමේ උත්සාහයක නිරතව සිටියී. එසේම යම් ආකාරයකින් ඇමරිකා එක්සත් ජනපදය නිල වශයෙන් ඊශ්‍රායලයේ අගනුවර ලෙස ජෙරුසලම පිළිගනු ලැබුවහොත් 1948 ඊශ්‍රායලය පිහිටුවීමෙන් පසුව ජෙරුසලම එහි ප්‍රධාන අගනගරය ලෙස පිළිගත් ලොව ප්‍රධාන රට බවට ඇමරිකාව පත්වනු ඇත.

View the embedded image gallery online at:
http://newstube.lk/world?start=180#sigProIdd7e50f62b4

Comment (0) Hits: 261

හැරී කුමරු සහ මෙගන් මාකල් විවාහය ලබන වසන්තයේදී

බ්‍රිතාන්‍යයේ හැරී කුමරු සිය පෙම්වතිය වන මෙගන් මාකල් සමග විවාහ වීමට නියමිත බව ක්ලැරන්ස් හවුස් මන්දිරය නිවේදනය කරයි.

Comment (0) Hits: 257

මෙක්සිකෝවේ "කොලපැහැ රත්‍රන්" රකින "අලිගැටපේර පොලිසිය"

ප්‍රසංග වේදිකාවක් සහිත මධ්‍යම චතුරශ්‍රයක් සහ කුඩා පල්ලියක් ඇති ටැන්සිටරෝ (Tancítaro) පිටතින් බලනවිට සැම අතින්ම මෙක්සිකෝ නගරයක්.

මා එහි ළඟාවන විට මරියාචි සංගීත කණ්ඩායමක් වාදනය කරමින් හිටියා. ඒ සංගීතය, ටැන්සිටරෝවාසීන් දෑස් යොමා සිටි අවමගුල් පෙරහැරක කොටසක්.
නමුත් මේ කුඩා නගරය මොකක් නමුත් වෙනස් ස්වරූපයක් දැරුවා. මෙක්සිකෝවේ සෑම තැනම දකින්නට ලැබෙන පික්අප් ට්‍රක්රථවලට වඩා මෙහි ඇති ඒවා වඩා දීප්තිමත් වගේම අලුත්.

ටැන්සිටරෝවලට බලය ලැබී තිබෙන්නේ අන් කිසිවකින් නොව, අලිගැටපේරවලින්. මෙක්සිකෝවෙ කොළපාට රත්‍රන් ලෙස හැඳින්වෙන අලිගැටපේර නිසා මෙහි වැසියන් පොහොසතුන් වෙලා. ඒ නිසාම මේ නගරය හඳුන්වන්නෙ මෙක්සිකොවේ අලිගැටපේර රාජධානිය කියායි.

30,000ක පමණ ජනතාවකගෙන් සමන්විත මේ නාගරික බලප්‍රදේශය, ඇමෙරිකාවේ කැලිෆෝනියාහි මුළු අලිගැටපේර අවශ්‍යතාව සපුරාලීමට තරම් අලිගැටපෙර නිපදවනවා.

 98987598 855b228d ddd0 4452 9c94 30eacf19bb50
මෙක්සිකෝවෙ "කොලපැහැ රත්‍රන්"

මෙක්සිකෝව ලෝක අලිගැටපේර ඉල්ලුමෙන් 45%ක් පමණ නිෂ්පාදනය කරනවා. ඒ අතරින් වැඩියෙන්ම අලිගැටපේර වගාකරන්නෙ මිචුහකන් (Michoacán) ප්‍රාන්තයයි.

වසරකට මේ ප්‍රාන්තයෙන් පමණක් අලිගැටපේර බිලියන 2 ට ආසන්න ප්‍රමාණයක් ඇමරිකා එක්සත් ජනපදයට අපනයනය කරනව.

අලිගැටපේර කර්මාන්තය විශාල ලාබදායී ක්ෂේත්‍රයක් වීම නිසා ම එය එය සංවිධානාත්මක අපරාධ කල්ලිවල ඉලක්කයක් බවට පත්වෙලා.

ටැන්සිටරෝවට ඇතුළුවන්නට තිබෙන්නේ මුර කපොලු රැසක් හරහායි. මෙහි ජනතාව ඒවා හඳුන්වන්නෙ පෙරහන් යන තේරුම ඇති ෆිල්ට්‍රොස් (filtros) නැතිනම් ෆිල්ටර්ස් (filters) ලෙසයි.

සමහර තැන් අන්තැන්වලට වඩා අවිධිමත්. වැලි කොට්ට කිහිපයක් තැනක ආවරණයක් පිටත කැඩුණු වාහන අසුනක වයෝවෘධ පුද්ගලයන් කිහිපදෙනෙක් හිඳගෙන සිටිනවා.

අප පසුකරගෙන එක් මුර කපොල්ලක පිකප් රථ කිහිපයක් නවතා තිබෙද්දී පිට හරහා එල්ලා ගත් රයිෆලයකින් සන්නද්ධව සිටි පුද්ගලයෙක් දුටුවා. මෙය හොඳින් ආයුධ සන්නද්ධ නගරයක්.

මිචුහකන්, 2006 දී "මත්ද්‍රව්‍යවලට එරෙහි යුද්ධය" ආරම්භ වූ ස්ථානයයි

එවක ජනපති ෆිලිපේ කල්ඩෙරොන් (Felipe Calderón) දියත් කළ උපාය මාර්යේ ඉලක්කය වුනේ මත්ද්‍රව්‍ය සැපයුම් ජාලය හමුදාව යොදා බිඳදැමීමයි.
නමුත්, මත්ද්‍රව්‍ය සම්බන්ධ ඝාතන විසඳනවා වෙනුවට, එම ජාලය කොටස් වලට කැඩී මත්ද්‍රව්‍ය වෙළෙඳාම අත්කරගැනීමට ඔවුනොවුන් අතර ගැටුම් උත්සන්න කිරීමට එය හේතුවුනා.

2007 සිට ආයුධ සන්නද්ධ පුද්ගලයන් එන්න පටන්ගත්තා" ටැන්සිටරෝ නගරාධිපති ආර්ටුරෝ ඔලිවේරා ගුටෙරස් පවසනවා.

" ප්‍රාදේශීය පොලීසියේ පාලනය නතුකර ගන්නා ලෙස ඔවුන් ප්‍රාදේශීය පාලනාධිකාරීන්ට පීඩනයක් එල්ලකළා. ඒවගේම මහජනයා බියවැද්දීම මගින් අවනත කරගන්නට උත්සාහ කළා. ඔවුන් ඉඩම් අත්පත් කරගනිමින් බියවැද්දීම් සහ ඝාතන කරන්නටවුනා, ගොඩක් පුද්ගලයන් අතුරුදහන්වුනා."

සක්‍රීය ඵලදායී පොලීසියක් නැති තත්ත්වයක් තුළ, සිය නගරවල ආරක්ෂාව තහවුරු කිරීම වෙනුවෙන් පොදු ජනයා සන්නද්ධ වීමට ගැනීම, 2013 දී මිචුහකන් "ස්ව-ආරක්ෂක කණ්ඩායම්" ආරම්භවීම දක්වා වර්ධනය වුනා.

ටැන්සිටරෝවෙදීත් එය ම සිදුවුනා.

නමුත්, මිචුහකන් ප්‍රාන්තයේ වෙනත් තැන්වල ස්ව-ආරක්ෂක කණ්ඩායම් සංවිධානාත්මක අපරාධ කල්ලිවල ග්‍රහණයට ලක්වීම හෝ රජයේ හමුදා විසින් අකර්මන්‍ය කරනු ලබද්දී ටැන්සිටරෝ වැසියන් වෙනස් දෙයකට පෙළඹුණා.

aligeta policeඅලිගැටපේර පොලීසිය

නගරයේ ප්‍රධාන චතුරශ්‍රයේ එක් පසෙක ටැන්සිටරෝ මහජන ආරක්ෂක අංශයේ මූලස්ථානය (CUSEPT) තිබෙනවා.

දේහාරක්ෂක ඇඳුම් ඇඟ ලූ සන්නද්ධ පුද්ගලයින් 9ක් හෝ 10ක් ඉන් පිටත සිටගෙන.

"ස්ව-ආරක්ෂක කණ්ඩායම් නගරය සංවිධානාත්මක අපරාධ කල්ලිවලින් මුදාගත්තා. පසුව රජයේ සහයෝගය ඇතිව අපි අලිගැට පේර නිෂ්පාදකයන් සමග එක්ව පොලීසියට බඳවාගැනීම් කළා" ටැන්සිටරෝ ආරක්ෂක මූලස්ථානයේ (CUSEPT) ප්‍රධානි හොසේ ඌගෝ සැන්චෙස් විස්තර කළා.

"මූලික අවශ්‍යතාව වුනේ නගර වැසියන්ගෙන් ම මේ හමුදාව නිර්මාණය කිරීමයි" ස්ව-ආරක්ෂක කණ්ඩායම්, සංවිධානාත්මක අපරාධ කල්ලිවලින් නාගරය මුදාගත්තා
swa ස්ව-ආරක්ෂක කණ්ඩායම්, සංවිධානාත්මක අපරාධ කල්ලිවලින් නගරය මුදාගත්තා

පොලිසිය ගොඩනගද්දී එහි වියදමෙන් කොටසක් දැරුවේ අලිගැට පේර නිෂ්පාදකයින්. කොපමණ හෙක්ටයාර ප්‍රමාණයක් සිය වගා බිමට අයත් ද යන පදනම මත ලබන ආදායම අනුව ඉන් ප්‍රතිශතයක් මේ සඳහා ඔවුන් ගෙවුවා.

නගර සභාවේ ද දායකත්වය ලැබූ මේ හමුදාවේ සාමාජිකයින් පුහුණුව ලැබුවේ ෆෙඩරල් හමුදාව යටතේයි.

CUSEPT හි ඉන්න හැමෝම කවරහෝ ආකාරයකින් අලිගැටපේර වගාවට සම්බන්ධයි. එයම මෙහි සාර්ථකත්වයට හේතුව බව නගරාධිපතිවරයා විශ්වාස කරනවා.

මිනිසුන්ට නැතිවෙන්න ගොඩක්දේ තිබෙනවා, ඒ නිසා එය ආරක්ෂා කරගැනීමට අවශ්‍යයි. ඔහු පැහැදිළි කළේය.

ඔවුන්ට මුදල් තිබෙනවා. ඔවුන්ගේ උපකරණ සිත් ඇදගන්නා සුළුයි. ඔවුන් ආයුධ සන්නද්ධයි, දේහාරක්ෂක කබා අඟලනවා. ඒ වගේම වෙඩි නොවදින පිකප් රථ ද ඔවුන් සතුයි.

ඔවුන්ගේ එක් මුර සංචාරයකදි මා අසුන් ගත්තෙ අලිගැටපේර වත්තක් හිමි ලොරෙනා ෆ්ලොරෙස් (Lorena Flores) අසලින්.

අපරාධ කල්ලිවලට කප්පම් ගෙවීමෙන් හෙම්බත්වූ නිසා පොලීසියට බැඳුනු බව ඇය කීවා.

සඳුදා සිට සිකුරාදා දක්වා දිනකට පැය 8 බැගින් ඇය පොලිසිය සමග වැඩ කරනවා. විවේක දිනයන්හි ඇය තම ගොවිපලේ වැඩ කරනවා. ජීවිතයට වැඩි ආරක්ෂාවක් ඇති බව ඇය පවසනවා.

ප්‍රජා සෝදිසිය

එක් අවස්ථාවක, හමුදාමය වෙස්වලාගැනීම් සඳහා යොදන වර්ණ (camouflage) ආලේප කරන ලද මුර පොලක් වූ දෙමහල් නිවසක් සහිත මංසන්ධියක අප නතර වුණා.

ඊට විරුද්ධ පැත්තේ මෝටර් රථ කිහිපයක් අසල කිහිපදෙනෙක් කතාබහක යෙදී සිටියා.

ඔවුන්, පොලීසිය සමග එක්ව මේ නගරයේ ක්‍රියාත්මකවන ස්ව-ආරක්ෂක කණ්ඩායම් 16න් එකක්. සැකකටයුතු යමක් අත්නම් ඔවුන් ඒ ගැන පොලිසියට ඔත්තු සපයනවා.

තමන් ළඟ ආයුධ තිබුනත් ඒවා මට නොපෙන්වන බව එක් අයෙකු මට කීවා.

මේ කණ්ඩායම් විවෘතව ආයුධ රැගෙන නොයන නමුත් පොලීසිය පවසන ආකාරයට අවශ්‍ය අවස්ථාවකදී පොලීසියට ඔවුන්ගේ සහය ලැබෙනවා.

අපට එය එතරම් පැහැදිලි නොවුනත්, ටැන්සිටරෝවට එය ඵලදායී වී ඇති බව පෙනෙනවා.
පසුතැවෙනවට වඩා ප්‍රවේශම හොඳයි
 98987676 6d6feb22 e134 4004 b731 a1f5e4501e9dධනවත් ගොවියෙක්වූ චේමා ෆ්ලොරෙස්

ඊළඟට මට හමුවුනේ 1982 සිට අලිගැටපේර වගාවේ යෙදෙන ධනවතකුවන චේමා ෆ්ලොරෙස්.

අලිගැටපේර ඉල්ලුම මේ තරමින් ඉහළ යතැයි තමා කිසිවිටෙක නොසිතු බව ඔහු පවසනවා.

එය හොඳට මෙන්ම නරකට ද ඔහුගේ ජීවිතය වෙනස්කර තිබෙනවා.

රියදුරු අසුනට යටින් ලොකු තුවක්කුවක්, මං ඇහුව ඒ ඇයි කියල.

"මේ මොහොතෙදි, මෙහි ප්‍රවේශම්සහගතයි, ආරක්ෂාව තියෙනව. මට බොරු කියන්න ඕන නැහැ වෙනත් අසුන්දර ප්‍රදේශත් තිබෙනවා." ඔහු පැවසුවා.

"ඔවුන් මගේ අවුරුදු 16ක පුතා පැහැරගත්තා. කප්පම හැටියට ඩොලර් මිලියනයක් ඉල්ලුවත් මට දෙන්නට තිබුනෙ ඉන් භාගයක් පමණයි. මාවත් දෙසැරයක් ම පැහැරගත්තා."

තමන්ට ගිනිඅවියක් දැරීමට අවසර ඇති බවත්, සැමවිටම තමාගේත්, පුත්‍රයාගේත් ආරක්ෂාව වෙනුවෙන් ශරීරාක්ෂකයන් සිව්දෙනෙක් තබාගැනීමට අවසර ඇති බවත් ඔහු පැවසුවා.

 98987678 cd0d7b49 87e1 4d46 8a87 f5a7a9f29d0eශරීරාක්ෂකයන්ට මැදිව

මෙපමණ ආරක්ෂාවක් ගොවියෙකුට අවශ්‍යවීම පමණට වැඩි යැයි සිතුනද, විකල්පය ඉතා නරක ප්‍රතිපල ගෙනදිය හැකිබව ඔබට වැටහෙනවා ඇති.

තවදුරටත් පැහැරගැනීම් හෝ කප්පම් ගැනීම් නොමැති බව නගරෙ ඉන්න හැමදෙනාම මට පවසනවා.

ලොරෙනා, චේමා වගේ නිෂ්පාදකයින්ට දැන් සැනසිල්ලේ නිදාගන්න පුළුවන්.

2017 වසරේ මේ දක්වා කාලය, දශක දෙකක් තුළ මෙක්සිකෝවට ලැබූ අනතුරුදායක ම කාලයයි.

දැඩි ආයුධ සන්නද්ධව තමන්ගේ ම ආරකට ක්‍රියාත්මකවන ටැන්සිටරෝවේ අලිගැටපේර පොලීසිය, මෙක්සිකොවේ අඳුරු යුගය තුළ දැකිය හැකි දීප්තිමත් සලකුණක් වගේ.

බීබීසී ප්‍රවෘත්ති වෙනුවෙන්,
කේටි වොට්සන්, ටැන්සිටරො සිට ලියූ ලිපියක් ඇසුරෙනි

Comment (0) Hits: 242

රුසියන් ගුවන් ප්‍රහාරයෙන් 53ක් මරුට

IS බල ප්‍රදේශයේ පිහිටි නැගෙනහිර සිරියානු ගම්මානයක් වන Al- Shafah ඉලක්ක කරගත් රුසියන් ගුවන් ප්‍රහාර වලින් සිවිල් වැසියන් 53 දෙනෙකු මියගොස් ඇතැයි වාර්තා වේ.

Comment (0) Hits: 224

Page 11 of 11