#newstube

ඔදියා සාහිත්‍යයේ විශිෂ්ටතම කෙටිකතා 30ක් රැගත් “ගුප්ත ගංගාව සහ තවත් ඔදියා කෙටිකතා” කෘතිය කවිවර ප්‍රකාශනයක් ලෙස 2026 මාර්තු 8වන ඉරිදා පෙ. ව. 11ට ගම්පහ ආසියානු සාහිත්‍ය උලෙළේ දී පාඨක ඔබ අතට පත්කෙරේ.

දේශපාලන අධිකාරියේ වෙනස්වීමත් සමග රටේ සෑම ක්ෂේත්‍රයක ම පුළුල් වෙනසක් බලාපොරොත්තු වූ ජනතාව අධ්‍යාපන පද්ධතිය තුළ ඒ වෙනස ඉතා ප්‍රබල අයුරින් අපේක්ෂා කරන්නේ යැයි අධ්‍යාපන, උසස් අධ්‍යාපන සහ වෘත්තීය අධ්‍යාපන අමාත්‍ය, අග්‍රාමාත්‍ය හරිණි අමරසුරිය පැවසුවා ය.

අපේ පරපුර පක්ෂයේ නිර්මාතෘ සහ සභාපති සිදම්බරම් කරුණානිධි

වතු කම්කරුවන්ට දිනකට රුපියල් 1750ක වැටුපක් ලබාදීමට ජනපතිවරයා මහත් පරිශ්‍රමයක් දරන මොහොතක, ඊට උදව් නොකොට දිගම්බරම් සහ මනෝ ගනේෂන් යන අය අක්කරයක්, අක්කර දෙකක් තරම් ඉඩම් වතු ජනතාව වෙනුවෙන් ඉල්ලා සිටිමින් ජනපතිවරයාගේ සුබදායි යහපත් වැඩසටහන අවුල් කිරීමට කටයුතු කරමින් සිටින බව අපේ පරපුර පක්ෂයේ සභාපති සිදම්බරම් කරුණානිධි කියයි.

අපේ පරපුර පක්ෂයේ නිර්මාතෘ සහ සභාපතිවරයා වන ඔහු මේ බව ප්‍රකාශ කළේ ඊයේ (14) කොළඹ පැවැති මාධ්‍ය හමුවකදීය.

එහිදි වැඩිදුරටත් අදහස් දැක්වූ ඔහු ..

ජනපතිවරයා වතු හාම්පුතුන් සමග සාකච්ඡා මාර්ගයෙන් වතු කම්කරු ජනතාවගේ දිනක වැටුප් වැඩිකිරීමට මහත් වෙහෙසක් ගන්නවා. එය අප අගය කළ යුතුයි. එහි ගෞරවය එතුමාට දිය යුතුයි. නමුත් දිගම්බරම් සහ මනෝ ගනේෂන් යන අය ජනපතිවරයාගේ උත්සහයට අකුල් හෙලමින් එය වැළැක්විමට කටයුතු කරනවාදැයි අපට සැකයි.

ඔවුන් කිසි දිනක ළගා කර ගත නොහැකි යෝජනා ගෙන එමින් ජනපතිවරයාගේ උත්සහය හෑල්ලුවට ලක් කරනවා. එය අප පක්ෂය තරයේ හෙළා දකිනවා. වතු කම්කරුවන්ගේ නිවාස, පානීය ජල අවශ්‍යතා, වැසිකිළි කැසිකිළි පහසුකම් වැඩිදියුණු කිරීමට වචනයකින් හරි උදව් කරනවා හැර එවැනි යෝජනා කඩා කප්පල් කිරීමට පියවර ගැනීම කිසිසේත්ම අනුමත කළ නොහැකියි.

(සටහන | ජේ.මුණසිංහ) 

තරුණ කටයුතු නියෝජ්‍ය අමාත්‍ය දිනිඳු සමන් හෙන්නායක

තොරතුරු තාක්ෂණය සහ ඉංග්‍රීසි ක්ෂේත්‍රයන් මෙරට තරුණ තරුණියන්ගේ පෞර්ෂ සංවර්ධනයට සහ ජාත්‍යන්තරයට ගැලපෙන තරුණයෙක් නිර්මාණය කිරීම වෙනුවෙන් ඉවහල් වන බව තරුණ කටයුතු නියෝජ්‍ය අමාත්‍ය දිනිඳු සමන් හෙන්නායක අවධාරණය කර සිටියි.

ඔහු එබව කියා සිටියේ, ජාතික යොවුන් සේනාංකයේ නිලධාරීන් සමග ඊයේ (16)  පැවති හමුවකදීය.

ජාතික යොවුන් සේනාංකයේ ප්‍රගතිය පිළිබඳව විමසම සඳහා තරුණ කටයුතු නියෝජ්‍ය අමාත්‍යවරයා විසින් මෙම හමුව කැඳවා තිබිණ.

මෙහි දී ජාතික යොවුන් සේනාංකයේ මෙතෙක් සිදු කළ වැඩසටහන්වල ප්‍රගතිය පිළිබඳව සාකච්ඡා වුනු අතර යොවුන් සේනාංකය සඳහා බඳවා ගත් නව උපදේශකවරුන් 26 දෙනෙක් සඳහා පත් වීම් ලිපි ප්‍රදානය කිරීම ද සිදු කෙරුණි.

මෙම අවස්ථාව  ඇමතූ නියෝජ්‍ය අමාත්‍යවරයා පැවසුවේ, රටේ වගකීම් භාරගැනීමට සිටින තරුණ පරපුරට හොඳ, ගුණාත්මක අධ්‍යාපනයක් ලබාදෙන වගකීම ජාතික යොවුන් සේනාංකය සතුව පවතිනව බවයි..

තාරුණ්‍යයේ නායකත්වය, පෞර්ෂ සංවර්ධනය, විනය ගොඩනැගීම යොවුන් සේනාංකයේ මූලික කාර්‍යභාරය බවත්, වසර 4ක් තුළ දශක 4කට මේ රට භාරගන්න සිටින නවීන තරුණ තරුණියන් ගොඩනගන වගකීම ජාතික තරුණ සේවා සභාවට හා ජාතික යොවුන් සේනාංකය යන ආයතන දෙකටම පවතින බව ද නියෝජ්‍ය අමාත්‍යවරයා ප්‍රකාශ කළේය.


තරුණයා වෙනස් කිරීමට පෙර අපිට වෙනස් වෙමු...


එම ආයතන දෙක තුළම සාධනීය වෙනස්කම් කරමින් ඉදිරියට යෑමට සිදු වන බවත්, පළමුව රටේ තරුණයා වෙනස් කිරීමට පෙර අපිට වෙනස් වීමට සිදු වන බව ද නියෝජ්‍ය අමාත්‍යවරයා වැඩිදුරටත් සඳහන් කළේය.

මෙම අවස්ථාවට ජාතික යොවුන් සේනාංකයේ සභාපති තරිඳු මුහන්දිරම්, ජාතික යොවුන් සේනාංකයේ අධ්‍යක්ෂ ගාමිණී වික්‍රමපාල, අධ්‍යක්ෂ මණ්ඩල සාමාජික අංජන සම්පත් අමරසිංහ ඇතුළු නිලධාරීන් එක් වූහ.

ත්‍රිකුණාමලය ශ්‍රී සම්බුද්ධ ජයන්ති බෝධිරාජ විහාරස්ථානයේ බුදුපිළිම වහන්සේ ඉවත් කිරීමේ සිදුවීමක් සහ පොලීසිය සහ ස්වාමීන් වහන්සේලා අතර උණුසම්කාරී තත්ත්වයක් නිර්මාණය වීමත් රටේම කතා බහට ලක්ව තිබේ.

ඩෙන්මාර්කයේ ඉදිරි ආරක්ෂාව  මීට පෙර නොවූ පමණේ දැඩි බාහිර තර්ජනයන්ට ලක්ව ඇති  බව, එරට හමුදා බුද්ධි ඒජන්සිය  පවසයි.

කාලගුණ ආපදාවෙන් පසු විදේශීය පරිත්‍යාගශීලීන්ගෙන් ලැබුණු පරිත්‍යාග අතර රුපියල් කෝටියකට අධික කල් පැනපු බාල බෙහෙත් (EXPIRED DRUGS) සහ විවිධ උපකරණ තිබී සොයාගෙන ඇතැයි සෞඛ්‍ය අමාත්‍යාංශය පවසයි.

දිස්ත්‍රික්ක 25කට බලපෑම් එල්ල කරමින් ශ්‍රී ලංකාවට බලපෑ දිට්වා සුළි කුණාටුවෙන් ඇති වූ ගංවතුර හේතුවෙන් සිදුවු හානිය පිළිබඳව එක්සත් ජාතීන්ගේ සංවර්ධන වැඩසටහන නවතම වාර්තාවක් එළිදක්වා තිබේ.

වැවිලි සහ ප්‍රජා යටිතල පහසුකම් අමාත්‍ය සමන්ත විද්‍යාරත්නගේ කුඩා දරුවා මත්ද්‍රව්‍යයට ඇබ්බැහි වූවෙක් බවත්, දරුවා ගැන තොරතුරු පොලිසියට ලබා නොදෙන ලෙස ඇමතිවරයා පාසලේ විදුහල්පතිවරයාට බලපෑම් කරන බවත් චාමර සම්පත් දසනායක මන්ත්‍රීවරයා විසින් පාර්ලිමේන්තුව තුළ පාර්ලිමේන්තු වරප්‍රසාදවලට මුවා වී  ප්‍රකාශයක් කිරීමත් ඔහු විසින්ම මෙහෙයවන සමාජ මාධ්‍ය ජාලා හරහා එම ප්‍රවෘත්තිය ප්‍රචාරය කර කිසිම පදනමක් නැති අසත්‍ය පුවත් මවා දරුවෙකුගේ අනාගතය ව්‍යසනයට ලක්කිරීමටත් එරෙහිව  අමාත්‍ය සමන්ත විද්‍යාරත්න ඊයේ (09) අපරාධ පරීක්ෂණ දෙපාර්තමේන්තුවේ පැමිණිල්ලක් ගොනු කළේය.

ඔහු පැවසුවේ කිසිම පදනමක් නැති මේ සාහසික අපරාධය සිදුකර තමන්ගෙන් පළිගැනීම වෙනුවට තම දරුවන්ගෙන් ද පළිගන්නා තරමට විපක්ෂයේ දූෂිතයින් කලබල වී ඇති බවය.

ඔහු ප්‍රකාශ කළේ මේ පිළිබදව නීතිය ක්‍රියාත්මක වනු ඇතැයි තමන් විශ්වාස කරන බවය.

මේ සිදුවීම් පෙළ ඉඟි කරමින් අගමැතිනී ආචාර්ය හරිනී අමරසූරිය පාර්ලිමේන්තුවේ දී ඊයේ විපක්ෂයෙන් ඉල්ලා සිටියේ දේශපාලනයේ දී විවේචන සහ දේශපාලන ප්‍රහාර එල්ල කිරීම වැඩිහිටි අප අතරට පමණක් සීමා කරගන්නා ලෙසත් දරුවන්ගේ අනාගතය ව්‍යසනයට ලක් කරමින් ඔවුන් විනාශ කිරීමේ ම්ලේච්ඡත්වයට නොපැමිණෙන ලෙසත්ය.

අපරාධ පරීක්ෂණ දෙපාර්තමේන්තුවේ පරිගණක අපරාධ විමර්ශන අංශයට සිය පැමිණිල්ල යොමු කර පැමිණි අමාත්‍යවරයා මාධ්‍ය අමතා මෙසේ කරුණු පැහැදිලි කළේය.

“ඊයේ දවස සිට පාර්ලිමේන්තු වරප්‍රසාද සහ සමාජ මාධ්‍ය භාවිතයෙන් අමුලික අසත්‍ය බොරු ජනගත කරමින් ඉන්නවා. ඒකත් එක්ක   දරුවාට සිදුවන පීඩාව සහ මානසික බිඳවැටීම්, අනෙක් පැත්තෙන් දේශපාලන ව්‍යාපාරයකට සහ රජයකට සිදුකරන අපහසුතාවයන් පිළිබඳ පැමිණිලි කරන්න තමයි අද අපරාධ පරික්ෂණ දෙපාර්තමේන්තුවට ආවේ.”

“මේ රටේ කුඩු තුරන් කරමින්, පාතාලය මඩිමින් නීතිය හරියට ක්‍රියාත්ම කරමින් සිදුකරන වෙනස තුළ වියරුවට වැටී සිටින දේශපාලන පක්ෂ මේ වනවිට ප්‍රහාර එල්ල කරමින් සිටින්නේ දේශපාලන පක්ෂවලට පමණක් නොවන බවත්  දේශපාලකයින්ගේ අහිංසක දරුවන්ට පවා ප්‍රහාර එල්ලවන බවත් ඇමතිවරයා කීවේය.

“ඉතාම කණගාටුයි කියන්න. අපි පාතාලයට කුඩුවලට අපරාධ වලට එරෙහි විවේචන කළා. ඒ විවේචන කරනකොට සාමාන්‍යයෙන් දරුවො ඉලක්ක කරගත්තෙ නෑ. අද දූෂිත දේශපාලනයක් කරන පාලකයින් විසින්  ද කුඩා දරුවන් පවා විවේචනයට ලක් කරමින් ඔවුන් මානසිකව බිඳ වට්ටමින් ඔවුන්ගෙනුත් පලි ගන්නවා. ඊට පාර්ලිමේන්තු වරප්‍රසාද පාවිච්චි කර මවන පුවත් එයාලගේ ගෝල බාලයින් විසින් විකෘති කරමින් සමාජ මාධ්‍ය හරහා පල කරනවා. “

“මම මේ කතා කරන්න ආවේ මගේ දරුව ගැන විතරක් නෙමෙයි. ජාතික ජන බලවේගය බලයට ආවේ දරුවන්ට රටක් හදන්න. එසේ තිබිය දී ඊයේ දවසේ පාර්ලිමේන්තුවේ ඇතිවුන සිද්ධියක් පාදක කරගෙන ඔවුන්ගේ සමාජ මාධ්‍ය ජාලා ක්‍රියාකරුවන් අපේ දරුවා ඉලක්ක කරමින් අසත්‍ය ප්‍රකාශන ගණනාවක් සිදුකරනු ලැබුවා.”

“මගේ දරුවා බදුල්ල මධ්‍යමහා විද්‍යාලයේ ඉගෙන ගනු ලබන්නේ. විශේෂයෙන්ම කීර්තිමත් පාසලක්. අපේ දරුවා අඩුම තරමින් ඕලෙවල් විභාගයවත් ලියලා නැති දරුවෙක්. ඒ දරුවා අයිස් මත්ද්‍රව්‍යවලට ඇබ්බැහි වෙලා කියලා ප්‍රචාරය කරනවා. තවත් විවිධ චෝදනා කරමින් ඔවුන් සමාජ මධ්‍ය තුළ අසත්‍ය ප්‍රවෘත්තියක් ගොඩනගනු ලබනවා.”

“අප දකිනවා මේවා දේශපාලන උවමනාවට නිර්මාණය කරන දේවල්. අප හිතනවා වඩාම හොඳයි මේ ගැන විදුහල්පති තුමාගෙන් අහන එක. එහෙම සිද්ධියක් වුනාද කියන එක. පොලිසියට දන්වන්න එපා කියලා බලපෑම් කරමින් ඉන්නවා කියලා සමාජ මාධ්‍ය තුළ ප්‍රවෘත්ති මවමින් තිබුණා. ඒ සම්බන්ධයෙන් තොරතුරු සහිතව, කවුද ඒ ප්‍රවෘත්ති පල කළේ… කවුද ඒවා සමාජ මධ්‍යයට මුදා හැරියෙ කියන කාරණා ගැන   සොයා බලන්න කියලා අද අපි පැමිණිල්ලක්   යොමු කළා. දැන් ඔවුන්ට පුලුවන් ඇවිත් කියන්න මේ තොරතුරුවල සත්‍යාසත්‍ය තාවය ගැන. “

“අසත්‍යතාවය ඔවුන්ට පැහැදිලි කරන්න පුලුවන්. නීතියට මුහුණ දෙන්න පුලුවන්. ඒ නිසා පුලුවන් මේ ගැන දූෂිත දේශපාලකයින්ට කියන්න…  දේශපාලන දේශපාලන ගනුදෙනු අපට බේරගන්න පුලුවන්. නමුත් මේ රටේ දරුවන්ගේ අනාගතය එදත් ඔයාල   විනාශ කළා. අදත්  විනාශ කරමින් තියනවා. ඒක අපට පැහැදිලිව පේනවා. කුඩුවලට අමතරව මාධ්‍ය ඇතුළෙත් මේ රටේ දරුවන්ගේ අනාගතය විනාශ කරන්න එපා කියලා දෙමව්පියෙක් හැටියට මම මතක් කරන්න කැමතියි.”

ඇමතිවරයා මෙහිදී  කීවේ දරුවන්ගේ අනාගතය විනාශ කිරීම සඳහා දේශපාලනය හෝ පාර්ලිමේන්තු වරප්‍රසාද භාවිතා කිරීම නොකළ යුතු බවය. මේ වනවිට වියරු වැටුන පිරිස් පවුල් ජීවිත විනාශ කරමින්, අනියම් සම්බන්ධතා ගැන කතා මවමින්, මූල්‍ය චෝදනා ගැන ප්‍රකාශ කරමින් මේ නව රජය කළු රජයක් බවට වූ චිත්‍රයක් සමාජය තුළ අඳින්නට උත්සාහ කරන බව සමන්ත විද්‍යාරත්න ඇමතිවරයා පැවසුවේය. ප්‍රවේසම් විය යුත්තේ දැන් කුඩු පැකට් එකක් දරුවාගේ පාසල් බෑගයට දමා ඔහුව අත් අඩංගුවට ගැනීමට සලස්වන තත්ත්වයට මේ වියරුව පත් වී ඇති බැවින් යැයි කී ඇමතිවරයා ජාතික ජන බලවේගයට හිතවත්ව කටයුතු කරන සියලුම සහෝදරවරුන්ට කල්පනාවෙන් වැඩ කරන ලෙස ද අවවාද කළේය.

සිදුවන පරිවර්තනයත් සමග පාර්ලිමේන්තුවේ සමහර උන් සිටින්නේත් වියරුවෙන් බව කී ඇමතිවරයා තමන් කළ පැමිණිල්ල සම්බන්ධව සාධාරණ විමර්ශනයක් සිදුවනු ඇතැයි අපේක්ෂා කරන බව කීවේය.

තමන්ගේ දරුවාට  චෝදනා කරන හිටපු මහ ඇමති සහ වත්මන් පාර්ලිමේන්තු මන්ත්‍රීවරයාට චෝදනා රාශියක් මත විමර්ශන සිදුවෙමින් ඇතැයි ද නිතිය ක්‍රියාත්මකවන විට අත්වන අවසන් ප්‍රතිඵලය මොනතරම් බිහිසුණුදැයි දන්නා බැවින් මේ පුද්ගලයාගේ වියරුව තේරුම් ගත හැකි යැයි ද ඇමතිවරයා පැවසුවේය.

මොනතරම් දූෂිත අපරාධකරුවෙක් සමග දේශපාලනිකව ගනුදෙනු කිරීමේ දී කිසිම අවස්ථාවක ඔවුන්ගේ දරුවන්ගෙන් ඇරියස් පිරිමසා ගැනීමට තමන් කටයුතු නොකළ බවත්  දෙමව්පියන්ගේ අපරාධවලට දරුවන් වගකිව යුතු නැති බවත් ඇමතිවරයා කීවේය.

මෙයින් වසර හාරසියයකට පමණ පෙර ස්පාඤ්ඤ ජාතික මිගෙල් දෙ සර්වන්තේස් සාවෙද්රා විසින් රචිත 'දොන් කිහෙතෝ' නවකතාවේ දෙවන කොටස මේ වන විට වෙළඳ පොළට නිකුත් වී තිබේ.

දිලිත් නැගී සිටියේ ය. ඒ සමඟම සර්වජන බලය ද නැගී සිටියේය. ඔවුන් එසේ නැගී සිටියේ හෙට දවසේ වාසිය දෙස බලා හෝ තමන්ට පහසු මොහොතක නොවේ. වඩාත්ම තීරණාත්මක මොහොතේ දී ය;

පෙරටුගාමී සමාජවාදී පක්ෂයේ 4 වන ජාතික සමුළුව, 'පන්තියට බලය-බලයට පක්ෂය' යන තේමාවෙන්, 2026 මාර්තු 1වන දා කොළඹ සුගතදාස ගෘහස්ථ ක්‍රීඩාංගණයේ දී පැවැත්වේ.

වත්මන් පාලනය කෙරෙහි තමාගේ විශ්වාසය සියයට සියයක්ම පවතින බව ප්‍රවීණ රංගන ශිල්පියෙකු මෙන්ම හිටපු අමාත්‍යවරයෙකු වන රන්ජන් රාමනායක පවසයි.

පාර්ලිමේන්තු මන්ත්‍රීවරුන්ගේ විශ්‍රාම වැටුප අහෝසි කිරීමට එරෙහිව, වත්මන් ආණ්ඩුව පලවා හරින ලෙස ඉල්ලා පොල් ගසා දේව කන්නලව් කිරීමේ වැඩසටහනක් ආරම්භ කරන බව විශ්‍රාමික පාර්ලිමේන්තු මන්ත්‍රීවරුන්ගේ එකමුතුවේ ලේකම්, හිටපු පාර්ලිමේන්තු මන්ත්‍රී ප්‍රේමසිරි මානගේ පැවසීය.

සෑම සෙනසුරාදාවක ම පැවැත්වෙන The Asian Review Sinhala ලේඛක-පාඨක සහෘද කතාබහ මෙවර වෙන්වන්නේ සුභාශිනී චතුරිකා විසින් පරිවර්තිත 'පියැසි කවුළුව' කෘතිය පිළිබඳ සහෘද කතාබහට යි.නොවැම්බර් 29වෙනි සෙනසුරාදා උදේ 10 ට පැවැත්වෙන මෙම කතාබහට සම්බන්ධ වීම සඳහා ගම්පහ විශාකා පාරේ අංක 16 දරණ ස්ථානයේ පිහිටි ආසියානු සාහිත්‍ය නිවහනට එන්න ඔබටත් පුළුවන්.

මා මනෝහාරී හේවාවසම් ගේ පුරප්පට්ටුවේ පළමු අර්ධයට කැමති නැත. එහෙත් මම කියවමි. මා නවකතාවේ මුල් කොටස කියවන්නේ නොරිස්සුම් සහගත හැඟීමෙනි.

ඉදිරි මැතිවරණවලට නාම යෝජනා ලබා දීමේදී මත්ද්‍රව්‍ය හා සංවිධානාත්මක අපරාධ වැරදිවලට සම්බන්ධද නැද්ද යන්න පිළිබඳව සොයා බැලීමට අනිවාර්යෙන් ම පොලිස් වාර්තාවක් ලබා ගන්නා බව ශ්‍රී ලංකා පොදුජන පෙරමුණේ ජාතික සංවිධායක පාර්ලිමේන්තු මන්ත්‍රී නාමල් රාජපක්ෂ පැවසීය.

ඉදිරියේදී පළාත් සභා මැතිවරණය පැවැත්වීමට නියමිතව ඇති බැවින් ඒ සඳහා නාම යෝජනා ලබා දීම, ඉදිරිපත් වන ආකාරය පිළිබඳව පක්ෂයක් ලෙස තීන්දුවක් ගත යුතු බව සඳහන් කළේ ය.

ඒ සම්බන්ධයෙන් තම පක්ෂය සමග කටයුතු කළ සහෝදර දේශපාලන පක්ෂ, වමේ හා අනෙකුත් දේශපාලන පක්ෂ හා ඒ බොහොමයක් නායකයන් සමග සාකච්ඡා කර තීරණයක් ගන්නා බව හෙතෙම පැවසීය.

මැතිවරණයට දින තීන්දු වූ පසු මැතිවරණයට තරග කරන ආකාරය පිළිබඳව ප්‍රකාශ කරන බවත් කෙසේ නමුත් අප ශක්තිමත් දේශපාලන පක්ෂයක් ලෙස ඉදිරිපත් වන බව ත් පාර්ලිමේන්තු මන්ත්‍රීවරයා සඳහන් කළේ ය

ඇය දෙස පිටතින් බලන කෙනකුට පෙනුණේ සාම්ප්‍රදායික ඉන්දියානු බිරිඳක්. අත් දිගට ඇඳපු සාරිය, නළලට වැටුණු පොල්තෙල් ගෑවුණු කොණ්ඩය, කරේ තිබුණු රත්තරන් මාලය... ඒත් ඒ සාරි පොට අස්සේ සැඟවිලා තිබුණේ ගිනි කන්දක්.

රත්නපුර දිස්ත්‍රික් ප්‍රාදේශිය ජ්‍යෙෂ්ඨ මාධ්‍යවේදී බලංගොඩ සරත් වීරවංශ විසින් රචිත "මට හැටයි...  කතා හැටයි..." කෘතිය  දොරට වැඩුම 2025.11.22 දින සවස 2.30 ට බලංගොඩ සේනක සෙන් සමාගමේ ශ්‍රවණාගාරයේ දි පැවැත්වීමට කටයුතු යොදා ඇත.

සමාජයේ යහපැවැත්ම සඳහා සෑම ආයතනයක ම නීතියේ ආධිපත්‍යය ක්‍රියාත්මක කිරීමට, මානව හිමිකම් සහ මූලික අයිතිවාසිකම් යථා තත්ත්වයට පත් කිරීමට, ප්‍රවර්ධනය කිරීමට සහ ආරක්ෂා කිරීමට ක්‍රම සොයා ගත යුතු යැයි අධිකරණ සහ ජාතික ඒකාබද්ධතා අමාත්‍ය, නීතිඥ, හර්ෂණ නානායක්කාර පැවසී ය.