#newstube

සෑම සෙනසුරාදාවකම පැවැත්වෙන The Asian Review Sinhala ලේඛක-පාඨක සහෘද කතාබහ මෙවර වෙන්වන්නේ රුවන්මලී කොඩිකාරගේ 'මඳ සිනා නගන විල්දිය' කාව්‍ය සංග්‍රහය පිළිබඳ සහෘද කතාබහට ය.

තමා කිසිදු අවස්ථාවක විපක්ෂයෙන් සහතික ලබා ගැනීමට බලාපොරොත්තු නොවන බව ප්‍රවාහන, මහා මාර්ග සහ නාගරික සංවර්ධන අමාත්‍යවරයා ලෙස දිවුරුම් දී අමාත්‍යාංශයේ වැඩ භාර ගනිමින් අමාත්‍ය බිමල් රත්නායක ප්‍රකාශ කළේය.

දැනට පවතින විපක්ෂය තුළ, 2029 වසරේදී තම පාර්ශ්වයට අභියෝගයක් විය හැකි වැඩපිළිවෙලක් හෝ දැක්මක් සහිත පක්ෂයක් නොමැති බව ද අමාත්‍යවරයා අවධාරණය කළේය.

ඔහු මෙම අදහස් පල කරන ලද්දේ නව අමාත්‍ය ධුරයේ වැඩ බාර ගැනීමේ අවස්ථාවේදී මාධ්‍ය අමතමිනි.


පොදු එකඟතාවක තීන්දුවක්


බිමල් රත්නායක වැඩිදුරටත් අදහස් දක්වමින් කියා සිටියේ, අමාත්‍යාංශවල යම් කුඩා වෙනස්කම් ප්‍රමාණයක් කර ගැනීමටත්, ඒ වගේම දක්ෂ අලුත් කණ්ඩායමකට නියෝජ්‍ය අමාත්‍ය තනතුරු සහ කැබිනට් අමාත්‍ය තනතුරක් ලබා දීමටත් තීරණය කරන ලද්දේ මාස ගණනක් තිස්සේ කරන ලද සංවාදයක ප්‍රතිඵලයක් ලෙස බවයි.

එය පොදු එකඟතාවක තීන්දුවක් බව ද  සඳහන් කළේය.

මෙම නව අමාත්‍යාංශ වගකීම් භාරගැනීම තුළ තමාට වැඩි වගකීමක් ලැබී ඇති බවත්, එය විශාල එකක් බවත්, ඒ ගැන සැකයක් නොමැති බවත් අමාත්‍යවරයා පැවසීය.

තවද, ඔහු පෙර වරාය සහ නාවික සේවා අංශය පිළිබඳව අදහස් දක්වමින් කියා සිටියේ, වරාය සහ නාවික සේවා අංශය උපාය මාර්ගිකව ඉතා වැදගත් වුවද, එය එක් ස්ථානයකට සීමා වී ඇති බැවින් ජනතාව දිනපතාම සම්බන්ධ වන ප්‍රමාණය අඩු බවයි.

කෙසේ වෙතත්, නාගරික සංවර්ධනය සහ ඊට අදාළ ක්ෂේත්‍රය ඊට වඩා වැදගත් සහ ප්‍රධාන බව ද ඒ මහතා පෙන්වා දුන්නේය.

තමාව විනිශ්චය කරනු ලබන්නේ විපක්ෂය නොව, තම පක්ෂය, තම පවුල සහ සමාජය බව ද අමාත්‍ය බිමල් රත්නායක වැඩිදුරටත් සඳහන් කළේය

තමන්ගේ ශරීරය ඇතුළෙ හංගලා යුදෙව් ජාතිකයින් රැකගන්න නාසි හමුදාවේ තිරස්චීන ගින්න එක්ක සටන් කරලා මුළු ජීවිතය ම ජය ගත්ත අවුරුදු 17ක කෙල්ලක ගෙ කතාවක් වූ මාරියා කියවන ඕනෑම ගැහැනියකට ඒ වේදනාවට සමාන වේදනාවක් අත්විඳින්න පුළුවන් වෙනවා කියන එක නම් පැහැදිලියි.

ජාතික ජන බලවේගය නියෝජනය කරන පාර්ලිමේන්තු මන්ත්‍රීවරයෙකුගේ පියා විසින් සිදු කරන ලදැයි කියන බරපතල මුදල් හා ඉඩම් වංචාවක් සම්බන්ධයෙන් හිටපු පළාත් සභා මන්ත්‍රී වරුණ රාජපක්ෂ  විසින් හෙළිදරව්වක් කර තිබේ.

මෙම චෝදනාවට ලක්ව ඇති පුද්ගලයා පිළිබඳව බලංගොඩ පොලිසියේ පැමිණිල්ලක් දැනටමත් ගොනු කර ඇති අතර, ඒ සම්බන්ධයෙන් වන බී වාර්තා ඇතුළු ව්‍යාජ ලෙස සකස් කළ ඔප්පු පිටපත් ද තමන් සතුව ඇතැයි වරුණ රාජපක්ෂ  ප්‍රකාශ කරයි.


කව්ද මේ සරත් හේමචන්ද්‍ර ?


චෝදනා එල්ල වී ඇති පුද්ගලයා, මාලිමාවේ පාර්ලිමේන්තු මන්ත්‍රීවරයෙකුගේ පියා වන අතර, ඔහුගේ නම සරත් හේමන්ද්‍ර වන බවත්, ඔහු 1950 වසරේ උපත ලබා ඇති බවත් සඳහන් වේ.

ඔහු රාජ්‍ය විදුලි ඉංජිනේරුවරයෙකු ලෙස කටයුතු කර ඇත. එම කාලය තුළ ඔහු විදුලිබල ව්‍යාපෘති (Hydro Projects) පිළිබඳ දත්ත සහ වඩාත් යෝග්‍ය ස්ථාන පිළිබඳ තොරතුරු එකතු කරගෙන ඇති අතර, විශ්‍රාම යන විට ඔහු වාර්තාවක් ද සකසාගෙන ඇත.

විදුලිබල මණ්ඩලයෙන් විශ්‍රාම ගැනීමෙන් පසු මෙම පුද්ගලයා කුඩා ජල විදුලි ව්‍යාපෘති (Mini Hydro Projects) ආරම්භ කර තිබේ. ව්‍යාපෘති සඳහා මුදල් හිඟ වූ විට ඔහු හවුල්කරුවන් සම්බන්ධ කරගෙන සමාගම් පිහිටුවා ඇත. වැඩ නිමවීමෙන් පසු සමාගමේ ඉතිරි කොටස් අනිත් පුද්ගලයාට අයිතිය පැවරීමෙන් විශාල මුදලක් ලබා ගැනීම ඔහුගේ ව්‍යාපාරික ක්‍රමය වී ඇත.

රත්නපුර දිස්ත්‍රික්කය කේන්ද්‍ර කරගත් මෙම ව්‍යාපෘති සඳහා මුදල් මදි වූ විට, ඔහු විවිධ පුද්ගලයන්ගෙන් ණයට මුදල් ලබාගෙන ඇත. මෙම මුදල් ණයට ගැනීමේ කටයුතු සඳහා චන්ද්‍රරත්න නම් පුද්ගලයෙකුගේ සහාය ද ලබාගෙන ඇත. මුදල් ලබා ගැනීමට ඔහු බොහෝ දෙනාට චෙක්පත් ද නිකුත් කර තිබේ.

මුදල් එකතු කරගත් මෙම පුද්ගලයා එකවරම අතුරුදන් වී තිබේ. ඔහු අතුරුදන් වීමෙන් පසුව, මුදල් ලබා දුන් අය විශාල අර්බුදයකට මුහුණ දී තිබේ.


ණයකරුවෝ නිවස වටලද්දී පියා උඩු මහලේ සැගවිලා....

ණයකරුවන් මෙම පුද්ගලයා සොයාගෙන එන විට, ඔහු තමන් පදිංචිව සිටි හෝ තමන්ට අයත්ව තිබූ කොට්ටාව ප්‍රදේශයේ පිහිටි දෙමහල් නිවසක් විකුණා දමා ඇත. නමුත් ඔහු නිවස විකුණුවද, එම ගෙදරින් ඉවත් වී නැත. ඔහු නිවස විකුණා, එහි උඩුමහලක පදිංචි වී සිටී.

ණයකරුවන් ඔහු සොයාගෙන පැමිණි විට, ඔහු පවසා ඇත්තේ මේ වෙලාවේ සල්ලි නැති බවත්, යථා කාලයේදී මුදල් ගෙවන බවත් ය.

ඔප්පු දෙකක් ලිවීමේ බරපතල වංචාව ණයකරුවන් විසින් පොලීසියේ පැමිණිලි ගොනු කර තිබූ අවස්ථාවක, නීති ක්‍රියාමාර්ග ගැනීම වළක්වා ගැනීම සඳහා මෙම පුද්ගලයා ඔප්පුවක් ඇපයක් ලෙස ලියා දීමට ඉදිරිපත් වී ඇත.


එකම ඉඩමකට ඔප්පු දෙකක්...

මෙම බරපතල වංචාව වන්නේ, ඔහු දැනටමත් විකුණා ඇති හෝ පදිංචිව සිටින ඉඩමේ ඔප්පුව, තවත් පුද්ගලයෙකුට ඇපයක් ලෙස ලියා දීමයි. සාමාන්‍යයෙන්, එකම ඉඩමකට ඔප්පු දෙකක් ලිවීම යනු රටේ නීතියට අනුව වංචාවක් වන අතර එය කූට ලේඛන සැකසීම නම් බරපතල නීති උල්ලංඝනය කිරීමක් ලෙස සලකනු ලබයි.

මෙම පුද්ගලයාගේ දරුවා වන මාලිමාවේ මන්ත්‍රීවරයා, නීතිය හොඳින් දන්නා නීති විශාරදෙයෙකු බවත්, ආණ්ඩුවේ බොහෝ නීති සකස් කිරීමට දායක වන බවත් මෙම හෙළිදරව්වේදී සඳහන් කෙරේ.

මෙහිදී යෝජනා කරන්නේ, සමාජය යහපත් කිරීමට සහ හොරු අල්ලන්නට යන මන්ත්‍රීවරයාට, අනුන්ගේ හොරකම් අල්ලන්නට පෙර ගෙදර හොරකම අල්ලා සාධාරණය ඉටු කිරීමට අවස්ථාවක් තිබෙන බවයි.

මන්ත්‍රීවරයාගේ වත්කම් බැරකම් ප්‍රකාශයේ වැඩි වත්කම් ප්‍රමාණයක් සඳහන් වී නොතිබුණද, ඔහුට තම පියාගේ වරදක් සිදුවී ඇත්නම්, ඒ සම්බන්ධයෙන් ඉදිරිපත් වී, අසාධාරණයට පත් වූ පාර්ශ්ව වෙනුවෙන් නීතිය ක්‍රියාත්මක කිරීමට සහයෝගය ලබා දීමට හෝ නොමිලේ නීති සහය ලබා දීමට හැකි බව පෙන්වා දෙයි.

මන්ත්‍රීවරයාට තම පියාගේ ක්‍රියාවෙන් කිසියම් ප්‍රතිලාභයක් ලැබුණාද නැද්ද යන්න හෝ තමා නිවැරදිද වැරදිද යන්න ප්‍රකාශ කිරීමේ වගකීමක් පවතින බව ද මෙහිදී අවධාරණය කර ඇත.

මිනරල් සෑන්ඩ්ස් ලිමිටඩ් සභාපති වශයෙන් කටයුතු කළ ගයාන් වෙල්ලාල පසුගිය මාසයේදී එම තනතුරෙන් ඉවත් කිරීම  නිසා ඇතිවූ පුරප්පාඩුවට මෙතෙක් පුද්ගලයෙක් පත්කර නැති අතර එම තනතුරේ වැඩ බැලීම සඳහා අමාත්‍යාංශ අතිරේක ලේකම්වරයකු පත්කර ඇතැයි වාර්තාවේ.

කලාපීය සංස්කෘතික සබඳතා සහ කාන්තා සවිබල ගැන්වීම සඳහා සන්ධිස්ථානයක් ලෙස, විවාහක කාන්තාවන් සමරන ඉන්දියාවේ වඩාත්ම ගෞරවනීය වේදිකාවක් වන මිසිස් ඉන්ඩියා ප්‍රයිඩ් ඔෆ් ද නේෂන්, කොළඹදී එහි ප්‍රථම ජාත්‍යන්තර අවසන් මහා තරඟය පැවැත්වීමට සූදානම් වේ.

වර්තමානයේ දී මේ රටේ වීදේශීය ජාවරම් කාරයෝ පිරී ඇතැයි සර්ව ජනබල පක්ෂ නායක පාර්ලිමේන්තු මන්ත්‍රී දිලිත් ජයවීර පවසයි.

විෂ මත්ද්‍රව්‍ය ව්‍යසනය පරදන ‘‘රටම එකට’’ ජාතික මෙහෙයුම වැඩසටහන ජනාධිපති අනුර කුමාර දිසානායකගේ ප්‍රධානත්වයෙන් කොළඹ සුගතදාස ක්‍රීඩාංගණයේ දී අද (30 වැනිදා) පෙරවරු 10.00 ට ඇරඹෙයි.

නිලංග දිල්හාන් විසින් රචිත ''රතු කුරුමිණි හීන'' කාව්‍ය සංග්‍රහය ජනගත කිරීමේ උලෙළ මාර්තු 27වන දින සවස 03.00ට නාරාහේන්පිට පිහිටි රුධිර පාරවියලන මධ්‍යස්ථාන ශ්‍රවණාගාරයේ දී පැවැත් වේ.

සේපාලි මායාදුන්නේ විසින් විරචිත අලුත්ම නවකතාව 'රාජ වල්ලිය' පිළිබඳව පාඨක - විචාරක සංවාදයක් ජනවාරි 24වන සෙනසුරාදා උදේ 10.00 ට ගම්පහ විශාඛා පාරේ ආසියානු සාහිත්‍ය නිවහනේ දී පැවත්වීමට නියමිත ය. 

රාජ්‍ය නිලධාරීන් සත්භාවයෙන් ගන්නා තීරණ වලදී සිදුවන පාඩු ගැන රාජ්‍ය පරිපාලන චක්‍රලේඛන සහ මුදල් අමාත්‍යංශයේ රෙගුලාසි අනුව ක්‍රියා කළ යුතු බව එක්සත් ජාතික පක්ෂ සභාපති වජිර අබේවර්ධන පැවසීය.

බ්‍රිතාන්‍ය රජය එරට වැසියන්ට ජපානයේ සංචාරය කිරීම පිලිබඳ මාර්ගෝපදේශන නිකුත් කරයි.

සෑම සෙනසුරාදාවක ම පැවැත්වෙන The Asian Review Sinhala ලේඛක-පාඨක සහෘද කතාබහ මෙවර වෙන්වන්නේ ප්‍රගීතිකා ජයසේකර ගේ 'වසිලිස්සා වැස්සේ' කාව්‍ය සංග්‍රහය පිළිබඳ සහෘද කතාබහටයි.

අයහපත් කාලගුණික තත්ත්වය හේතුවෙන් පසුගිය පැය 72 තුළ මරණ 46ක් වාර්තාවී තිබේ.

ශ්‍රී ලංකා යුද හමුදාවේ සිටි විණනන නිධාරියකු විගණකාධිපති ලෙස පත්කරන්නට අනුර කුමාර දිසානායක ජනාධිපතිවරයා සූදානම් වන බවත් එය කිසි සේත් ම නොකළ යුතු දෙයක් බවත් විශ්‍රාමික පොලිස් නිලධාරි අජිත් ධර්මපාල පවසයි.

''විදර්ශන සාහිත්‍ය ත්‍යාගය' තෙවන අදියර සඳහා මුද්‍රිත පිටපත් හා අත්පිටපත් භාර ගැනීම දැන් ආරම්භ වී තිබේ.

කැලණි විශ්වවිද්‍යාලිය පුස්තකාල විද්‍ය තොරතුරු විද්‍යා අධ්‍යයනාංශයේ  ජ්‍යෙෂ්ඨ කථිකාචාර්ය  නදීකා රත්නභාහු විසින් රචනා කරන ලද සමාජීය විද්‍ය පර්යේෂණ ලිපි සම්පාදන ප්‍රවේශය කෘතිය  අද (27) සවස 3.00 ට කැලණි සරසවි සමාජිය විද්‍යාපීඨ ශ්‍රවණාගාරයේ දී ජනගත කෙරේ.

‘සහස් කඳු තරණ මං පෙත්’ කෞෂල්‍යා ජයලත් ගේ දෙවන කාව්‍ය සංග්‍රහය යි.

'සිරිකොත' එක්සත් ජාතික පක්ෂ මූලස්ථානය අලුත්වැඩියා කිරීමේ කටයුතු සඳහා 2019 වසරේදී රාජ්‍ය ඉංජිනේරු සංස්ථාවේ සේවකයින් හා දේපළ යෙදවීම තුළින් රජයට රුපියල් මිලියන 1.6කට අධික පාඩුවක් සිදු කිරීම සම්බන්ධයෙන් අල්ලස් කොමිසමෙන් අත්අඩංගුවට ගත් එහි හිටපු විධායක අධ්‍යක්ෂ නිලූ දිල්හාර විජේදාස ඇප මත මුදාහරින ලෙස කොළඹ මහේස්ත්‍රාත් අධිකරණය නියෝග කර තිබේ.

ඒ අනුව සැකකරු රුපියල් ලක්ෂ 10 බැගින් වූ ශරීර ඇප දෙකක් මත මුදා හැරීමට නියෝග කර ඇති කොළඹ ප්‍රධාන මහේස්ත්‍රාත් අසංක එස් බෝදරගම සැකකරුගේ විදේශ ගමන් තහනම් කරන ලෙසත් නියෝග කර ඇත.

ඊට අමතරව සාක්ෂිකරුවන්ට බලපෑම් කිරීමෙන් වළකින ලෙසත් මෙහිදී මහේස්ත්‍රාත් විසින් සැකකරු වෙත කොන්දේසියක් පනවනු තිබේ.

ඉන් අනතුරුව පැමිණිල්ල යළි දෙසැම්බර් මස 09 වනදා කැඳවීමට නියම විය.

'උරුමය' වැඩසටහන යටතේ ස්ථිර ඔප්පු ලබා දෙන බවට පොරොන්දු වී රුපියල් කෝටි 10කට ආසන්න මුදලක් වංචා කළ බවට සැකකෙරෙන පුද්ගලයින් දෙදෙනෙකු අපරාධ පරීක්ෂණ දෙපාර්තමේන්තුව විසින් අත්අඩංගුවට ගෙන තිබේ.

පොලීසිය පැවසුවේ, වංචාවට සම්බන්ධ යැයි සැක 43 හැවිරිදි බකමූණ ප්‍රදේශයේ පදිංචි කාන්තාවක් පසුගිය 26 වෙනිදා අත්අඩංගුවට ගෙන අධිකරණයට ඉදිරිපත් කිරීමෙන් පසු රක්ෂිත බන්ධනාගාරගත කර ඇති බවය.

අත්අඩංගුවට ගන්නා අවස්ථාවේදී ඇය කිරිබත්ගොඩ තාවකාලික ලැගුම්හලක පදිංචිව සිට ඇති බව සඳහන්ය.

එමෙන්ම සිද්ධියට සම්බන්ධ අනෙක් 55 හැවිරිදි සැකකරු මහරගම ප්‍රදේශයේ පදිංචිකරුවෙකු වන අතර, ඔහුව පසුගිය 29 වනදා අත්අඩංගුවට ගෙන කල්මුණේ මහෙස්ත්‍රාත් අධිකරණයට ඉදිරිපත් කර තිබේ.

සැකකාරිය විසින් කල්මුණේ ප්‍රදේශයේ ව්‍යාපාරිකයින් 164 දෙනෙකුට "උරුමය" වැඩසටහන යටතේ ඔප්පු නොමති ඉඩම් සඳහා ස්ථිර ඔප්පු ලබදෙන බව පවසා තමා නීතීඥවරියක් බව පවසමින් එක් පුද්ගලයෙකුගෙන් රුපියල් ලක්ෂ 6 බැගින් ලබාගෙන ඇති බව විමර්ශනවලදී අනාවරණය වී ඇති බව සඳහන්ය.

පොලීසිය පැවසුවේ කල්මුණ ප්‍රදේශයේ ව්‍යාපාරිකයින් 50 දෙනෙකු 'සිරිකොත' එක්සත් ජාතික පක්ෂ මූලස්ථානයට සහ කොළඹ ප්‍රදේශයේ ප්‍රසිද්ධ හෝටලයකට කැඳවා දේශපාලන කරුණු සාකච්ඡා කර රැවටීමට ලක්කරමින් ඔප්පු ලබා දෙන බව පවසා වංචනික ලෙස මුදල් ලබාගෙන ඇති බවට විමර්ශනවලදී අනාවරණ වී ඇති බවය.

විමර්ශන නිලධාරීන් විසින් සැකකරු භාරයේ තිබූ වංචනිකව ලබාගත් මුදලින් රුපියල් ලක්ෂ 20ක් අත්හිටුවීම සඳහා අධිකරණයෙන් නියෝග ලබා ගැනීමටද කටයුතු කර තිබේ.

| aruna