#newstube

2024 ට සාපේක්ෂව 2025 දී 70% කට වඩා වැඩි FDI සෘජු විදේශ ආයෝජන ප්‍රමාණයක් පැමිණ ඇතැයි රජය පැවසුව ද සැබැවින් ම ලංකාවට නව FDI ඇවිල්ලා නැති තරම් යැයි Advocata ආයතනයේ ප්‍රධාන විධායක, ආර්ථික විශ්ලේෂක ධනනාත් ප්‍රනාන්දු පැවසී ය.

ගෝලීය ඇඟලුම් සහ රෙදිපිළි නිෂ්පාදන තාක්ෂණයේ ප්‍රමුඛයා වන MAS Holdings මෑතකදී නිමාවට පත් වූ 2025 ජනාධිපති පරිසර සම්මාන උලෙළේදී ඇඟලුම් සහ රෙදිපිළි ක්ෂේත්‍රය වෙනුවෙන් සම්මාන රැසක් දිනා ගනිමින් ගෞරවයට පාත්‍ර විය.

2025 තානාපති කුසලාන බැට්මින්ටන් තරගාවලිය ඔක්තෝම්බර් 31 සහ නොවැම්බර් මස 01, 02 යන දිනවල තෙවැනි වරටත් කොළඹ විශ්වවිද්‍යාලයේ ගෘහස්ත ක්‍රීඩාගාරයේ දී පසුගියදා පැවැත්වුණි.

ජනලේඛන හා සංඛ්‍යාලේඛන දෙපාර්තමේන්තුව මෙම වසරේ දෙවන කාර්තුවට අදාළව නිකුත්කළ නවතම දත්ත වාර්තාව අනුව මෙරට ධීවර අංශය, එළවළු බෝග වගාව සහ රබර් වගාකිරීම අස්ථාවර මාවතක ගමන් කරන බව අනාවරණය කර ඇත.

කෙසේ නමුත් 2025 වසරේ දෙවන කාර්තුව වන අප්‍රේල් 01 සිට ජුනි 30 දක්වා වූ කාලසීමාවට අදාළව සිදුකර ඇති මෙම කාර්තුවේ කෘෂිකාර්මික, කර්මාන්ත හා සේවා ආර්ථික කටයුතුවල ධන අගයක් වාර්තා කර තිබේ.

අදාළ ජාතික ගිණුම් ඇස්තමේන්තු දත්ත අනුව එළවළු වගාව, රබර් වගාව සහ මෙරට ධීවර නිෂ්පාදනය සෘණ අගයන් වාර්තා කර ඇත.

එළවළු වගාව 3.6%ක සෘණ අගයක්ද, කරදිය මත්ස්‍ය නිෂ්පාදනය 5.2%ක සෘණ වර්ධනයක් ද, මිරිදිය මත්ස්‍ය නිෂ්පාදනය 34.8%ක දැවැන්ත සෘණ අගයක් ද වාර්තා කර තිබේ.

අපනයන සඳහා සැලකිය යුතු දායකත්වයක් ලබා දෙන මෙරට රබර් වගා කිරීම 10.8%ක සෘණ අගයකින් පසුබැස ඇති බවද ජනලේඛන හා සංඛ්‍යාලේඛන දෙපාර්තමේන්තුව පෙන්වා දේ.

රබර් සංවර්ධන දෙපාර්තමේන්තුවට අනුව දෙවන කාර්තුවේ නිෂ්පාදන පහත වැටීමට හේතු වී ඇත්තේ මාර්තු - අප්‍රේල් කාලය රබර් වගාවේ දළු දමන කාලය වීම සහ මැයි - ජූනි කාලයේ ඇදහැලුණු අධික වර්ෂාවය.

මෙම ගණනය කිරීම අනුව මෙම කාර්තුවේ කෘෂිකාර්මික ආර්ථික කටයුතු 2%කින්, කර්මාන්ත ආර්ථික කටයුතු 5.8%කින්, සේවා ආර්ථික කටයුතු 3.9%කින් ලෙස ධන අගයන් වාර්තා කර තිබේ.

නිෂ්පාදන ප්‍රවේශය යටතේ එළිදක්වා ඇති දත්ත අනුව වී, ධාන්‍ය, උක්, පළතුරු, කුළුබඩු වගාකිරීම ආදී ක්ෂේත්‍ර සැලකිය යුතු අයුරින් ධන වර්ධනයක් පෙන්නුම් කර ඇත.

ශ්‍රී ලංකාවට විදේශ විනිමය ලබාදෙන ප්‍රධානම මූලාශ්‍රයක් වන තේ වගා කිරීම ද දෙවන කාර්තුවේදී 6%ක වර්ධනයක් වාර්තා කර තිබේ.

මස් පිණිස සතුන් ඇති කිරීම, 'කිරි නිෂ්පාදනය සහ බිත්තර නිෂ්පාදනය' යන උප කාණ්ඩ කිහිපයකින් සමන්විත සත්ව නිෂ්පාදනය මෙම වසරේ දී දෙවන කාර්තුවේදී කැපීපෙපන වර්ධනයක් පෙන්නුම් කර ඇති බවද අදාළ වාර්තාවේ සඳහන්.

එය 2024 දෙවන කාර්තුවට සාපේක්ෂව 13.9%ක සැලකිය යුතු වර්ධනයක්ය.

ඒ අනුව මස් පිණිස කුකුළන් ඇති කිරීම 10.9%කින්, බිත්තර නිෂ්පාදනය 35.3%කින්, කිරි නිෂ්පාදනය 2.5%කින් වර්ධනය වී ඇත.

ජනලේඛන හා සංඛ්‍යාලේඛන දෙපාර්තමේන්තුව වැඩිදුරටත් පෙන්වා දෙන්නේ මේ වනවිට බිත්තරයක නිෂ්පාදන මිල සැළකිය යුතු ලෙස අඩුවී ඇති බවය.

Ada derana.lk

මෙම වසරේ පළමු මාස 7 තුළ පමණක් දරුවන් කෘරත්වටයට පත් කිරීම් සම්බන්ධයෙන් වන පැමිණිලි 1,000 කට අධික ප්‍රමාණයක් ලැබී ඇති බව කාන්තා හා ළමා කටයුතු අමාත්‍ය සරෝජා සාවිත්‍රි  පෝල්රාජ්  පවසයි.

දණ්ඩ නීති සංග්‍රහය, සං‍ශෝධන පනත් කෙටුම්පත ඊයේ (24) පාර්ලිමේන්තුවේ දෙවනවර කියවීමේ විවාදයට එක්වෙමින් අමාත්‍යවරිය මේ බව පැවසුවාය.

නිවාස, පාසල්, රැඳවුම් නිවාස, මහාමාර්ගය ආදී ස්ථානවලදී දරුවන් කෘරත්වයට පත් වන බවද ඇය සඳහන් කළාය.

ඒ අනුව පසුගිය වසරේදී දරුවන් 1,350 දෙනෙකු කෘරත්වයට පත්ව ඇති බවද කාන්තා හා ළමා කටයුතු අමාත්‍ය සරෝජා සාවිත්‍ර පෝල්රාජ්  පැවසුවාය.

දරුවන් කායික වශයෙන් හෝ මානසික වශයෙන් දඩුවමට ලක්කිරීමෙන් ඉහළ ශිෂ්‍ය සාධනයක් අපේක්ෂා කළ නොහැකි බව පැවසු කාන්තා සහ ළමා කටයුතු ඇමැතිනී සරෝජා සාවිත්‍රී පෝල්රාජ්, එහිදී වැඩිදුරටත් මෙසේ සඳහන් කළාය.

"දණ්ඩ නීති සංග්‍රහය සංශෝධනය අවශ්‍ය වී තිබෙනවා. දරුවන්ගේ හිංසන සම්බන්ධයෙන් දඩුවම් කිරීමේ දී ශාරීරික හිංසන සම්බන්ධයෙන් අවධානය යොමුව තිබෙනවා. ළමුන් හා යෞවනයන් පූර්ණ සංවර්ධනයට පත්වන බවට වග බලාගත යුතු වෙනවා.

ඔවුන්ගේ සුබ සිද්ධිය රජය විසින් සිදුකළ යුතු වෙනවා. ගෝලීය වශයේන අපි නීති හා පතිපත්ති සමඟ එක්ව තිබෙනවා. එක්සත් ජාතීන්ගේ ළමා සම්මුතිය සමඟ අත්සන් කර තිබෙනවා.

ඒ අනුව ළමා අයිතිවාසිකම් සම්බන්ධයෙන් ප්‍රඥප්තියක් හදුන්වා දී තිබෙනවා. ළමුන් ප්‍රචණ්ඩත්වයට පත්වන අවස්ථා සම්බන්ධයෙන් සොයා බැලීමේ දී අද ඉදිරිපත් වන වගන්තිය සංශෝධනය කළයුතු වෙනවා.

පසුගිය කාලයේ ළමුන්ට සිදුවන කෘරත්වය 2011 වසරේ දී 1156 වශයෙන් සිදුව තිබෙනවා. 2020 වනවිට 2237 ක් ද 2022 දී 2096, 2024 වසරේ දී 1950 ක් සහ මේ වසරේ මේ වනවිට 1126 ක් අපරාධ වාර්තා වී තිබෙනවා. මේ ගැන කතා කිරීමේ දී කරුණු රැසක් තිබෙනවා.

ළමුන් කෘරත්වයට පත්වන අවස්ථා තිබෙනවා. නිවෙසේදී, ළමා නිවෙසේදී, පාසලේදී, බස් රියේ දී එවැනි දේ සිදුවෙනවා.

පසුගිය කාලයේ අපි විවිධ දේ දැක තිබෙනවා. ළමුන් විවිධාකාරයෙන් කෘරත්වයට පත්ව තිබෙනවා.

මව විදේශ ගතවීමේ දී ළමුන් ඇතැම් විට කෘරත්වයට පත්වෙනවා. ළමුන් විකල්ප රැකවරණ භාරයට දී ගියත් දරුවන් කායික, මානසික හිංසනයට ලක්වෙනවා. පසුගිය කාලයේ ඕනෑ තරම් අත්දැකීම් අපිට තිබෙනවා.

ඒ අනුව ළමා අයිතිවාසිකම් පිළිබඳ ප්‍රඥප්තියට අත්සන් කර තිබෙන රටක් ලෙස 1991 වසරේ දී අපි අපරානුමත කර තිබෙනවා. යම්කිදසි දරුවෙක් රැකවරණයේ දී හිංසනයට ලක්වෙනවා නම් ඒක වරදක් වෙනවා.

අද ගේන පනතින් අපි අපේක්ෂා කරන්නේ සියලුම දරුවන් හිංසනයෙන් මුදා ගැනීමයි. ලංකාව අත්සන් කළ ප්‍රධාන වගකීම්වලින් එකක් වෙනවා.

ඒ වෙනුවෙන් නීතිමය සහ ව්‍යවස්ථාමය ක්‍රියාමාර්ග ගන්න පූර්ණ එකඟත්වය පළකළ රාජ්‍යයක්. ඒ අනුව දරුවන් කායික හෝ මානසික හිංසනයට ලක්කරන්න බැහැ. ඒ අනුව දරුවෙක් අයිති වන්නේ ප්‍රදේශයේ දිසා අධිකරණයටයි.

ඒ නිසා අපි ගේන සංශෝධන තුළින් දරුවන්ට වඩා හොඳ හෙට දිනක් නිර්මාණය කිරීම අපේක්ෂා කරනවා.

පාසල් තුළ ශාරීරික දණ්ඩනය ද වරදක් වෙනවා. 2016 අංක 12 දරණ චක්‍රලේඛයෙන් පාසලේ විනය ගැන සඳහන් කර තිබෙනවා.''

 2025 වර්ෂයට අදාළ අධ්‍යාපන පොදු සහතික පත්‍ර සාමාන්‍ය පෙළ විභාගය අද (17) දිවයින පුරා විභාග මධ්‍යස්ථාන 3,545කදී ආරම්භ වේ.

2025 අ.පො.ස උසස් පෙළ විභාගයේ ප්‍රතිඵල මත පදනම්ව, 2025/2026 අධ්‍යයන වර්ෂය සඳහා විශ්වවිද්‍යාල ප්‍රවේශය සඳහා අයදුම්පත් භාරගැනීම අද (අප්‍රේල් 28) සිට ආරම්භ වන බව විශ්වවිද්‍යාල ප්‍රතිපාදන කොමිෂන් සභාව නිවේදනය කරයි.

ශ්‍රී ලංකා පොත් ප්‍රකාශකයින් ගේ සංගමය විසින් සංවිධානය කරනු ලබන 2026 'ස්වර්ණ පුස්තක' සහ 'රජත පුස්තක' සම්මාන සඳහා කෘති භාර ගැනීම මේ වන විට අරඹා ඇති බව පොත් ප්‍රකාශකයින්ගේ සංගමය සඳහන් කරයි.

පසුගිය දා සැමෝවා රාජ්‍යයේ Apia නගරයේ 2026 Samoa IBFC Universal Weightlifting Cup බර ඉසිලීමේ ජාත්‍යන්තර තරගාවලිය පැවති අතර එහි දී කිලෝගෑම් 79KG බර පංතියේ ස්නැච් අංශයේ කිලෝගෑම් 135KG බරක් ඔසවමින් රිදී පදක්කම දිනාගැනීමට පසිදු මාලවන සමත් විය.

මේ රජය දිව දෙකේ රජයක් බවත්, මේ අය වැය ජනතා සහන නොලැබෙන IMF එක ලියු අයවැයක ස්වරූපය ගන්නා අතර ම දුප්පත්කම තුරන් කිරීමේ වැඩසටහන් නොමැති බව විපක්ෂ නායක සජිත් ප්‍රේමදාස පැවසීය.

මුදල්, ක්‍රමසම්පාදන හා ආර්ථික සංවර්ධන අමාත්‍යවරයා ලෙස ජනාධිපති අනුර කුමාර දිසානායක විසින් අද (07) පස්වරුවේ ඉදිරිපත් කිරීමට නියමිත 2026 අයවැය යෝජනා කැබිනට් මණ්ඩලය විසින් අනුමත කර ඇත.

*සංචාරක ඉපැයීම් රජයේ ප්‍රධාන ආදායම් මාර්ගයක් ලෙස සැලකීම අගය කරනවා.

*ඉහළ වියදම් කිරීමේ හැකියාවක් ඇති සංචාරකයින් ආකර්ශනය කර ගැනීම වැදගත්.

- ටුවර් බ්ලූ හෝල්ඩින්ග්ස් ආයතනයේ ඒකාබද්ධ කළමණාකාර  අධ්‍යක්ෂ දර්ශන කබ්රාල් කියයි.

ලබන වසර (2026) සඳහා වූ  අයවැයෙන් මහා බ්‍රිතාන්‍ය, ස්විඩනය, ජර්මනිය, පින්ලන්තය හා ස්කැනේඩියානු රටවල් මෙන්ම ඕස්ට්‍රේලියාව, නවසීලන්තය, මැද පෙරදිග රටවල, ඉන්දියාව ආදි ඉහළ වියදම් කිරීමේ හැකියාවක් ඇති රටවල සංචාරකයින් මෙරටට ගෙන්වා ගැනීමේ පස් වැදෑරුම් යෝජනාවලියක් තමන් රජයට ඉදිරිපත් කර  ඇතැයි සුළු හා මධ්‍ය පරිමාණ සංචාරක කර්මාන්ත නියැලෙන්නෝ ප්‍රකාශ කළහ.

ඒ අනුව මෙරට සංචාරක කර්මාන්තයේ දියුණුවක් අපේක්ෂා කරන තමන් පොදු එකඟතාවයක් යටතේ පස් වැදෑරුම් යෝජනාවලියක් මුදල් ඇමැති සහ ජනපති අනුර කුමාර දිසානායක  ප්‍රමුඛ රජය වෙත ඉදිරිපත් කොට ඇතැයිද එම පිරිස පෙන්වා දෙති.

දැනට වසර 10ක් 15ක් පැරණි රථවාහන සංචාරක කර්මාන්තයේ යෙදී සිටින්නන් සංචාරකයින් ප්‍රවාහනය කිරීම සඳහා යොදා ගනී. මෙම පැරණි වාහන වෙනුවට අළුත් වාහන මිලදී ගැනීමට සහනදායී ණය යෝජනා ක්‍රමයක් හෝ තීරු බදු රහිත වාහනයක් ගෙන්වා ගැනීමට පහසුකමක් සැලසීමට තමන් යෝජනා කරන බව ටුවර් බ්ලූ හෝල්ඩින්ග්ස් ආයතනයේ ඒකාබද්ධ කළමණාකාර  අධ්‍යක්ෂ දර්ශන කබ්රාල් ප්‍රකාශ කළේය.

කොළඹ, කොල්ලුපිටියේ අද (04) දහවල් පැවැති විශේෂ මාධ්‍ය හමුවකදී ඔහු මේ බව කීය.


* ඊට අමතරව ඉංග්‍රිසි, ප්‍රංශ, ජර්මන්, ඉතාලි ඇතුලු ස්කැනේඩියානු රටවල භාෂාවන් පුහුණු වැඩසටහන් පවත්වා සංචාරක මාර්ගෝපදේශකයින් බිහි කිරීමට වැඩපිළිවෙළක් සැකසිය යුතුය.

* ඉතා ඉහළ මුදලක් වියදම් කරන විදේශීය සංචාරකයින් ආකර්ශනය කර ගැනීම සඳහා යාල, විල්පත්තු, සීගිරිය ඇතුලු ඓතිහාසික හා පෞරාණික මෙන්ම ස්වභාදහම නැරඹීමට යන පිරිස් වෙත ඩිජිටල්කරණය කළ ටිකට්පත් මිලදී ගැනීම් සහ අනෙකුත් සේවා නවීන ලෙස ඉටුකර ගැනීමට ඉඩ ප්‍රස්ථාව නිර්මාණය කළ යුතුය.

* ශ්‍රී ලංකාවේ සංචාරක ආකර්ශනීය ස්ථාන පිළිබඳව ලෝකය පුරා විවිධ මාධ්‍ය ඔස්සේ ප්‍රවර්ධන කටයුතු සිදුකිරීමට රජය ක්‍රියා කළ යුතුය.

* ශ්‍රී ලංකාවේ සංචාරක උරුමයන් පිළිබද අධ්‍යයනය කිරීමට සංචාරකයින්ට වැඩි ඉඩකඩක් ලබාදෙන ලෙස ප්‍රාදේශීය සහ පළාත් මට්ටමින්  පිහිටා තිබෙන සංචාරක ආකර්ශනිය ස්ථානවල  පහසුකම් වැඩිදියුණු කළ යුතුය.

* සංචාරකයින්ගේ සිත් ඇදගන්නා ලෙස හස්ත කර්මාන්ත නිර්මාණ  දැක බලා ගැනීමට, ඒවා පිළිබඳව අධ්‍යයනය කිරීමට පහසුකම් වැඩි කළ යුතුය.


මෙම පස් වැදෑරුම් යෝජනා මෙවර අයවැයෙන් ඉදිරිපත් කොට මෙරටට විදේශ විනිමය ඉපයෙන ප්‍රධාන මාර්ගයක් ලෙස රජය සලකන සංචාරක කර්මාන්තය දියුණු කරනු ඇතැයි තමන් බලාපොරොත්තුවන බවද කබ්රාල් කීය.

(ජේ.මුණසිංහ)

2026 වසරේ Silver Level කාණ්ඩයේ මලල ක්‍රීඩා තරගාවලියක් ලෙස ඕස්ට්‍රේලියාවේ ජාතික මලල ක්‍රීඩා තරගාවලිය (2026 Australian Athletics Championships) මෙවර සිඩිනි නුවර පාර්ක් ක්‍රීඩාංගණයේ දී අප්‍රේල් 9 සිට 12 දින දක්වා පැවත්වේ .

2026 මූල්‍ය වර්ෂය සඳහා දේශීය ආදායම් දෙපාර්තමේන්තුව (IRD) වෙත රුපියල් බිලියන 2,402 ක ආදායම් ඉලක්කයක් ලබා දී ඇති බව දේශීය ආදායම් කොමසාරිස් ජනරාල් නන්දන කුමාර ප්‍රකාශ කරයි.

ඇමරිකා එක්සත් ජනපදය, කැනඩාව සහ මෙක්සිකෝව යන රටවල සත්කාරකත්වයෙන් ලබන ජූනි මාසයේදී ආරම්භ වීමට නියමිත 2026 පාපන්දු ලෝක කුසලාන තරගාවලියට සහභාගී නොවන බව ඉරානය නිල වශයෙන් නිවේදනය කර තිබේ.

2026 වර්ෂයට යෝජිත අය වැය ප්‍රකාශ කිරීමත් සමග ම ශ්‍රී ලාංකීය  සෞඛ්‍ය සේවාව කබලෙන් ලිපට “තල්ලු” කිරීමට යන ආකාරයක් දක්නට තිබෙන බවත්, මෙම අයවැය යෝජනා තුළින් සෞඛ්‍ය සේවාව තුළ ඇති ප්‍රධානතම ගැටලු කිසිවක් ප්‍රමුඛතාවට අනුව හඳුනාගන්නට රජය අපොහොසත් වී ඇති බව දක්නට ලැබීමත් ඉතා කනගාටුදායක සිදු වීමක් යැයි රජයේ වෛද්‍ය නිලධාරින්ගේ සංගමය (GMOA) සඳහන් කරයි.

නීතියේ විධානයේ ආධිපත්‍යය බිඳවැටුණු කිසිදු රටක් සංවර්ධනය අත්පත් කර ගෙන නොමැති බවත්, නීතිය බිඳ වැටුණු රටක බලය හොබවන්නේ අපරාධකරුවන් බවත්, නීතියේ විධානයේ ආධිපත්‍යය තහවුරු වු රටක් ගොඩනැඟීම වෙනුවෙන් වත්මන් රජය කැප වී සිටින බැවින් 2026 වසර “නීතිය ඉදිරියේ සැවොම සමානයි” යන්නට පණ දෙන වසරක් යැයි ජනාධිපති අනුර කුමාර දිසානායක සඳහන් කළේය.

එළැඹෙන 2026 වසරේදී විගණන 3,508ක් සිදු කිරීමට නියමිත බව රජයේ මුදල් පිළිබඳ කාරක සභාවේදී අනාවරණය වී තිබේ.

2026 වසරේ ශුද්ධ වූ හජ් වන්දනා සමය ආරම්භ කරමින්, ශ්‍රී ලාංකික වන්දනාකරුවන් 325 දෙනෙකුගෙන් සමන්විත පළමු කණ්ඩායම ඊයේ (01) රාත්‍රියේ කටුනායක බණ්ඩාරනායක ජාත්‍යන්තර ගුවන් තොටුපොළෙන් සෞදි අරාබියේ ජෙඩා නුවර බලා පිටත්ව ගියේය.