විනෝදාස්වාද

ඕස්ට්‍රේලියාවේ Focus on Abilty - 2021 කෙටි චිත්‍රපට උලෙළේ International Most Online Votes තරඟ අංශය ජයග්‍රහණය කිරීමට Smiling Roses කෙටි වාර්තා චිත්‍රපටය නිර්මාණය කළ මලිඳු කාවින්ද කුමාරසිංහ සමත්විය.

මෙම චිත්‍රපට උලෙළ විශේෂ අවශ්‍යතා සහිත මිනිසුන් දිරිමත් කිරීම අරමුණු කරගනිමින් පැවැත්විණි. අදාළ තරඟ අංශය සඳහා රටවල් 21ක චිත්‍රපට 97ක් ඉදිරිපත්ව තිබිණි. දිරිමත් කාන්තාවක් ඇසුරින් නිමවූ Smiling Roses කෙටි වාර්තා චිත්‍රපටය සිය ජංගම දුරකථනය යොදාගනිමින් කළ බව ඔහු සඳහන් කරයි.

මීට ඉහතදී ඔහු විසින් නිර්මාණය කළ A Day After Revolution කෙටිචිත්‍රපටය ද ඉන්දියාවේ Ashaa International Film Festival 2021 හි හොඳම අධ්‍යක්ෂණය සඳහා වන සම්මානය දිනා ගන්නා ලදී.

කැලණිය විශ්වවිද්‍යාලයේ සිනමාව සහ රූපවාහිනී අධ්‍යයනය හදාළ, මලිඳු කාවින්ද කුමාරසිංහ කෙටි චිත්‍රපට අධ්‍යක්ෂණයෙහිද, කාව්‍ය නිර්මාණකරණයේද, මුහුණුපොතෙහි නිර්මාණාත්මත කතාන්දර රචනයෙහිද සමත් තරුණයෙකි. 'ගිහින් එන්නම් නාමලී' කාව්‍ය සංග්‍රහය සහ 'ලෙෆ්ට් රයිට්' නම් කෙටි චිත්‍රපටය ඔහුගේ නිර්මාණ වේ.

Smiling Roses කෙටි චිත්‍රපටය සහ එය ජයග්‍රහණය කළ මොහොත පහත ලින්කු ඔස්සේ නැරඹිය හැකිය.

ඩිල්ශානි චතුරිකා දාබරේ

ජනප්‍රිය රංගන ශිල්පිණි විශාකා සිරිවර්ධන  අභාවප්‍රාප්තවී තිබේ.

මිය යන විට 65 වැනි වියේ පසු වූ ඇය, පිළිකා රෝග තත්ත්වයක් හේතුවෙන් ඇය කලක් තිස්සේ ප්‍රතිකාර ලබාගෙන තිබූ අතර කුරුණෑගල රෝහලේදී ඊයේ (23) ජීවිතයට සමුදුන්නාය.

ඇය 1981 වසරේ සිරි කුලරත්නගේ “අනුරාධා” චිත්‍රපටයෙන් සිනමාවට පිවිසි ඇය “සනසන්න මා”, “සුර දුතියෝ” චිත්‍රපටවල ප්‍රධාන චරිත රඟපෑ අතර ‘යහළු යෙහෙළි‘ , "සසර චේතනා", "සඳ මඩල", "සත්‍යා දේවි" , ‘රන්දැම්වැල්‘, ‘ක්‍රිස්තු චරිතය‘,‘යසෝමා‘ ඇතුළු චිත්‍රපට 30 කට වැඩි ගණනක රඟපා තිබේ.

සරසවිය නැගී එන නිළිය සම්මානයෙන් 1985 දී ඇය පිදුම් ලද අතර 1986 ඕසීඅයිසී කුසලතා සම්මානයෙන් ද පිදුම් ලබා තිබේ.

‘තුලා දහර’ , ‘සරල සමනලි’ ,‘කිත්සිරිගේ ඉරණම’, ‘දෙවෙනි වේදිකාව’, ‘සැවිල් පාලික්’ වැනි ටෙලිනාට්‍ය රැසකට ද රංගනයෙන් දායක වී තිබේ. සපුගස්තැන්න, කලගෙඩිහේන ප්‍රදේශයේ ඇය පදිංචිව සිටියාය.

දේහය පිළිබඳ අවසන් කටයුතු ඇගේ උපන්ගම වූ කුරුණෑගල කටුපොතදී අද (24) සිදුකිරීමට නියමිතය.

හිටපු ප්‍රබල රග්බි ක්‍රීඩකයෙක්, පුහුණුකරුවෙක් සහ පරිපාලයෙක් මෙන්ම රග්බි සහ ක්‍රිකට් විස්තර විචාරයෙක් ආදි අංශ රැසකින් ප්‍රසිද්ධියක් උසුලා සිටි චන්ද්‍රෂාන් පෙරේරා  මීගමුවේ පිහිටි රෝහලක දී අද (24) පස්වරුවේ අභාවප්‍රාප්ත විය.

ශ්‍රී ලංකා ක්‍රිකට් ආයතනයේ හිටපු මාධ්‍ය කළමනාකරුවෙක් සහ ජාතික ක්‍රිකට් කණ්ඩායමේ හිටපු අභ්‍යාසකවරයෙක් ද වන චන්ද්‍රෂාන් පෙරේරා  වසර තුනකට අධික කාලයක් අසනීප තත්වයෙන් පසුවිය.

උගන්ඩාව යනු එල්ජීබීටී+ අයිතිවාසිකම්වලට නෛතිකභාවයක් ලබා නොදුන් රටවල් අතර නිතර දෙවේලේ කියවෙන රාජ්‍යයකි. සමලිංගික ලිංගික ක්‍රියා නීති විරෝධී උගන්ඩාව සංක්‍රාන්ති සමාජභාවී ප්‍රජාව සලකනු ලබන්නේ හුදෙක් ලිංගික වෘත්තියේ යෙදෙන පිරිසක් ලෙසය.

කෙසේවෙතත්, උගන්ඩාව තුළ හැරවුම් ලක්ෂයක් සනිටුහන් කරමින් තම ස්ත්‍රී-පුරුෂ සමාජභාවයට ගැලපෙන ජාතික හැඳුනුම්පතක් ලබා ගැනීමට එරට සංක්‍රාන්ති සමාජභාවී කාන්තාවක් සමත් වී තිබේ.

ඇය නමින් ක්ලියෝපැට්රා කම්බුගු ය. 35 හැවිරිදි ක්ලියෝපැට්රා නීත්‍යානුකූලව කාන්තාවක් ලෙස හඳුනාගනිමින් එරට රජයෙන් ජාතික හැඳුනුම්පතක් නිකුත් කර තිබේ. ඒ අනුව, උගන්ඩාවේ සංක්‍රාන්ති සමාජභාවී අනන්‍යතාවයක් දරන පුද්ගලයකු තම ස්ත්‍රී-පුරුෂ සමාජභාවයට ගැලපෙන ජාතික හැඳුනුම්පතක් ලබාගත් ඉතිහාසයේ පළමු අවස්ථාව මෙයයි.

ක්ලියෝපැට්රා සංක්‍රාන්ති සමාජභාවී ප්‍රජාව, අන්තර්ලිංගික ප්‍රජාව, ලිංගික වෘත්තියේ යෙදෙන පුද්ගලයන් සහ ස්ත්‍රි-පුරුෂ සමාජභාවයේ ද්වි-අනන්‍යතාවයෙන් පිටත (නැතහොත් නන්-බයිනරි) අනන්‍යතා හඳුනා ගන්නා ප්‍රජාව වෙනුවෙන් කටයුතු කරන මානව හිමිකම් ක්‍රියාකාරිනියකි.

කුඩා කල පටන් තමා වෙනස් බව හඳුනාගත් ක්ලියෝපැට්රා පවුලේ සාමාජිකයන් ඇතුළු සමාජයේ බොහෝ ඒකක වල විවිධ අන්දමේ වෙනස්කොට සැලකීම් වලට ලක්ව තිබේ. ක්ලියෝපැට්රා ජාත්‍යන්තර අවධානය දිනා ගන්නේ 2016 වර්ෂයේ නිකුත් වූ ද පර්ල් ඔෆ් ඇෆ්රිකා නම් සංක්‍රාන්ති සමාජභාවය වස්තුවිෂය කොටගත් චිත්‍රපටය හරහා යි.

අප්‍රිකානු මහද්වීපය තුළ සංක්‍රාන්ති සමාජභාවී ප්‍රජා අයිතිවාසිකම් සුරක්ෂිත කිරීමේ සටනේ දිගටම නිරත වන ක්ලියෝපැට්රා අවධාරණය කරන්නේ සමලිංගිකත්වය සාපරාදී වරදක් ලෙස හඳුනාගන්නා උගන්ඩාව ඇතුළු අප්‍රිකානු රටවල සිදුකිරීමට බොහෝ ප්‍රතිසංස්කරණ තිබෙන බවයි.

ඒ වෙනුවෙන් තමා දිගටම සටන් කරන බව ක්ලියෝපැට්රා සඳහන් කළාය.

Outbound Today