V2025

විනෝදාස්වාද

කුසල්ට ඉන්දියාවට එරෙහි තරගාවලියම අහිමි වෙයි

ආබාධයක් හේතුවෙන් කුසල් ජනිත් පෙරේරාට ඉන්දියාවට එරෙහි එක්දින සහ පන්දුවාර 20/20 තරගාවලි ක්‍රීඩා කිරිමට නොහැකි බව ශ්‍රී ලංකා ක්‍රිකට් ආයතනය පවසයි.

කුසල්ගේ උරහිස ආබාධය නැවතත් උත්සන්න වීම නිසා ඔහුට සති හතරත් අටත් අතර කාලයක් විවේක ගැනීමට සිදුව ඇති බවයි.

ශ්‍රී ලංකා පිලේ කඩුලු රකින්නා ද වන 30 හැවිරිදි ප්‍රවේගකාරී පිතිකරු කුසල් එක්දින ජාත්‍යන්තර 107 කදී ශ්‍රී ලංකා පිල නියෝජනය කර තිබේ.

ශ්‍රී ලංකා සංචිතයට ඇතුළත්ව සිටින තරුණ වේග පන්දු යවන ක්‍රීඩක බිනුර ප්‍රනාන්දු ද ආබාධයකට ලකම්ම නිසා තරගාවලිය අහිමිවී තිබේ.

Comment (0) Hits: 166

මහනුවර දමිළ වාණිජ මණ්ඩලයෙන් රුපියල් ලක්ෂ 12 ක වටිනාකමකින් යුත් වෛද්‍ය උපකරණ පරිත්‍යාගයක්

මෙරට කොවිඩ් ප්‍රතිකාර සේවාවන් ශක්තිමත් කිරීමේ අරමුණින් මහනුවර දමිළ වාණිජ මණ්ඩලය (KTTA) විසින් රුපියල් ලක්ෂ 12 ක් පමණ වටිනා වෛද්‍ය උපකරණ තොඟයක් සෞඛ්‍ය අමාත්‍ය පවිත්‍රා වන්නිආරච්චි මහත්මිය වෙත ප්‍රදානය කිරිම අද දින (09) සෞඛ්‍ය අමාත්‍යාංශයේ දී සිදු කෙරිනි.

ප්‍රදානය කරන ලද උපකරණ අතර Table top Pulse Oximeter 01 ක්, ECG Meter 02 ක්, Doppler Machine 10 ක් සහ N 95 Mask 2000 ක් ද විය.

මහනුවර දමිළ වාණිජ මණ්ඩලයේ සභාපති ආර්.අන්බලගන්  විසින් මෙම වෛද්‍ය උපකරණ සංකේතවත් ව සෞඛ්‍ය අමාත්‍ය පවිත්‍රා වන්නිආරච්චි වෙත ප්‍රදානය කරන ලදි.

මෙම අවස්ථාවට නුවර ප්‍රාදේශිය සෟඛ්‍ය සේවා අධ්‍යක්ෂ වෛද්‍ය සේනක තලගල , නියෝජ්‍ය ප්‍රාදේශිය සෞඛ්‍ය සේවා අධ්‍යක්ෂ වෛද්‍ය පී.නිතර්ශිනී, ව්‍යාපෘති සම්භන්ධීකාරක එම්.සිවරාජ්, Marlbo ව්‍යාපාර අධ්‍යක්ෂ හා සභාපති මනිමුත්තු , හා දමිළ වාණිජ මණ්ඩලයේ එස්. පරමේෂ්වරන්, චාල්ස් , එම්.ශ්‍රිධර් යන ද සහාභාගි වූහ.

kandy tamil 1000px

Comment (0) Hits: 133

කෝපා ඇමරිකා පාපන්දු කිරුළ ආර්ජන්ටිනාවට !

මේ වන විට ලෝක පාපන්දු ශ්‍රේණිගත කිරීම්හි තෙවැනි ස්ථානයේ පසුවන බ්‍රසීලය සහ එහි 8 වැනි ස්ථානයේ පසුවන ආර්ජන්ටිනාව, දකුණු ඇමරිකානු පාපන්දු තරගාවලියක අවසන් මහ තරගයකදී එකිනෙකාට එරෙහිව තරග වැදුණ 11 වැනි අවස්ථාව මෙය විය. මින් පෙර පැවති අවසන් මහ තරග 10 න් 8 ක ජය ආර්ජන්ටිනාවටද, 2 ක ජය බ්‍රසීලයටද හිමිවී තිබිණ.

අවසන් වරට පැවැති (2019) තරගාවලියේ ශූරතාවද සමගින් ශූරතා 9 කට හිමිකම් කියූ බ්‍රසීලය, මින් පෙර අනු ශූරතා 11 ක් සහ තෙවැනි ස්ථාන 7 ක් හිමිකර ගෙන සිටියේය. කෙසේ වුවත් මෙවර අවසන් තරගයේදී ආර්ජන්ටිනාව හමුවේ ලද පරාජයත් සමග තරගාවලිය පුරා අපරාජිතව සිටි බ්‍රසීලයට තවත් අනු ශූරතාවකින් සෑහීමකට පත්වීමට සිදුවිය.

තරගයෙන් අනතුරුව නේමාර් ද සිල්වා බාසිලෝනා ක්‍රීඩා සමාජයේ සිය සගයා වූ ලියනෝල් මෙසී අසලට පැමිණ ඔහු වැලඳ ගනිමින් ජය පරාජය බෙදා ගත්තේ පාපන්දු ලෝලින්ගේ හදවත් සසල කරමින්. මෙවර කෝපා අමෙරිකා පාපන්දු තරගාවලියේ රන් සපත්තුව මෙවර තරගවාරයේ ගෝල 04ක් වාර්තා කළ ආජන්ටිනා සුපිරි පාපන්දු ක්‍රීඩක ලියනොල් මෙසී දිනා ගත් අතර දක්ෂතම ක්‍රීඩකයාට හිමි රන් පන්දුවද ඔහු විසින් දිනා ගත්තා.

මෙවර කෝපා අමෙරිකා පාපන්දු තරගාවලියේ දක්ෂතම දැල් රකින්නා ලෙස සම්මාන දිනා ගත්තේ ආජන්ටිනාවේ එමිලියානෝ මාර්ටින්ස්. අවසන් තරගයේ වීරයා ලෙස ජයග්‍රාහී ගෝලය වාර්තා කළ ආජන්ටිනාවේ ඒන්ජල් ඩී මරියා සම්මාන දිනා ගත්තා.

lanka truth

Comment (0) Hits: 184

ඉන්දීය සිනමාවේ පුරෝගාමියකු වූ දිලීප් කුමාර් අභාවප්‍රාප්ත වෙයි

ඉන්දීය සිනමාවේ පුරෝගාමියකු වූ ජනප්‍රිය නළු දිලීප් කුමාර් අභාවප්‍රාප්ත වී තිබේ.

හෘදයාබාධයක් හේතුවෙන් රෝහල් ගතකර සිටි ඔහු මියයන විට වයස අවුරුදු 98 කි.

අධි රුධිර පීඩනය සහ ස්වසන අපහසුතා නිසා දිලිප් කුමාර් රෝහල් ගත කර තිබුනේ මීට සතියකට පමණ පෙර ය.

1921 දී පකිස්ථානයේ ටෙෂාවෝර්හිදී උපත ලද ඔහු මොහොමඩ් යූසුප් ඛාන් වන අතර පසුව බොලිවුඩ් සිනමානවට එක්වීම සඳහා දිලීප් කුමාර් ලෙසින් නම වෙනස් කළේය.

1950 සහ 1960 ඛේදාන්ත චරිත රඟපෑ ඔහු ෆිල්ම් ෆෙයාර් සම්මාන 08ක් දිනා ගැනීමට සමත්විය.

ඉන්දියාවේ ඉහළ මන්ත්‍රී මණ්ඩලයේ මන්ත්‍රීවරයෙකු ලෙස ද දිලිප් කුමාර් කටයුතු කළේය.

දශක 6ක් දිගු සිනමා දිවිය ඔහු ආරම්භ කරන්නේ 1944 දී 'ජවාර් භාතා' චිත්‍රපටයේ රංගනයත් සමඟ ය. එතැන් පටන් 1998 තෙක් සිනමාපට 65කට වැඩි ප්‍රමාණයක් සඳහා ඔහු රංගනයෙන් එක් වී තිබුණි.

'අන්දාස්' (1942), 'ආන්' (1952), 'දාග්' (1952), 'දේව්දාස්' (1955), 'අසාද්' (1955), 'නයා දර්' (1957), 'මධුමති (1958) 'මෝගල් ඊ අසාම්' (1960), කොහීනුර් (1960), 'ගංගා ජමුනා' (1961), ලීඩර් (1964), 'රාම් ඕ ශ්‍යාම්' (1967) යන සිනමාපටවල දිලිප් කුමාර්ගේ රංගනය ඒ අතරින් කැපී පෙනුනි.

පළමු ෆිල්ම් ෆෙයාර් සම්මාන උළෙලේ හොඳම නළුවා ලෙස සම්මානයට පාත්‍ර වූයේ දිලිප් කුමාර්ය. ඒ දාග් සිනමාපටයේ රංගනය වෙනුවෙනි.

ඉන්පසු දේව්දාස්, අසාද්, නයා දර්, කොහීනුර්, ලීඩර්, රාම් ඕ ශ්‍යාම්, ශක්ති යන සිනමාපටවල රංගනය වෙනුවෙන් හොඳම නළුවාට හිමි ෆිල්ම්ෆෙයා සම්මාන ඔහු දිනා ඇත.

චිත්‍රපට නිෂ්පාදකවරයකු ලෙස ද කටයුතු කළ ඔහු 1991 වසරේ පද්ම භූෂන්, 2015 දී පද්ම විභූෂණ සම්මානවලින් ද පිදුම් ලැබුවේය.

දිලිප් කුමාර්ගේ වියෝව සැලැවීමත් සමඟ ඉන්දීය අගමැති නරේන්ද්‍ර මෝදි, බොලිවුඩ් රංගන ශිල්පින්, ශිල්පිනියන් රැසක් සමාජ මාධ්‍ය ඔස්සේ සිය ශෝකය පළ කර තිබේ.

Comment (0) Hits: 151

Page 6 of 68