V2025

විනෝදාස්වාද

හම්බන්තොට ෆුට්බෝල් ලීග් 2021 තරගාවලිය 17 වනදා ඇරඹේ !

හම්බන්තොට දිස්ත්‍රික් ක්‍රීඩා සංවර්ධන පදනම සංවිධානය කරන "හම්බන්තොට ෆුට්බෝල් ලීග් 2021 තරඟාවලිය" 2021 ජනවාරි 17 දින ප.ව.3.00 ට තංගල්ල මහින්ද රාජපක්ෂ ක්‍රීඩාංගණයේදී ආරම්භ වේ. 

හම්බන්තොට දිස්ත්‍රික්කයේ ප්‍රථම වරට පවත්වන මෙම පාපන්දු ලීග් තරගාවලිය සදහා දිස්ත්‍රික්කයේ දක්ෂතම කණ්ඩායම් 05 ක් තරගවදී.

මේ සදහා මාධ්‍ය දැනුවත් කිරීමේ හමුවක් අද (15) තරුණ හා ක්‍රීඩා අමාත්‍ය නාමල් රාපක්ෂගේ ප්‍රධානත්වයෙන් තරුණ හා ක්‍රීඩා අමාත්‍යාංශ ශ්‍රවණාගාරයේදී පැවැත්වුණි.

  •  තරගාවලිය සදහා එක්වන කණ්ඩායම් 05 

01.   තංගල්ල ලා ටැංගෝලියන්ස්

02.    බෙලිඅත්ත පාපන්දු ක්‍රීඩා සමාජය

03.   අම්බලන්තොට පාපන්දු ක්‍රීඩා සමාජය

04.   හම්බන්තොට වයිට් ටයිගර්ස්

05.   කිරින්ද තරුණ ක්‍රීඩා සමාජය 

මෙම  කණ්ඩායම් 05 තංගල්ල මහින්ද රාජපක්ෂ ක්‍රීඩාංගණය, බෙලිඅත්ත ඩී.ඒ රාජපක්ෂ ක්‍රීඩංගණය, හම්බන්තොට නගර සභා ක්‍රීඩාංගණය යන ක්‍රීඩාංගණ තුනෙහි මාස එක හමාරක් කාලයක් මෙම තරගාවලිය පැවැත්වේ.

අවසන් මහා තරගය තංගල්ල මහින්ද රාපක්ෂ ක්‍රීඩාංගණයේදී 2021.02.28 වන දින රාත්‍රී 6.00 සිට විදුලි ආලෝක මධ්‍යයේ පැවැත්වේ.

  • තරගාවලියේ ජයග්‍රාහී කණ්ඩායමට කුසලානය හා මුදලින් ත්‍යාග
  • අනුශූරතාවය සමග මුදලින් ත්‍යාග
  • තරගාවලියේ සෑම තරගයකම දක්ෂතම ක්‍රීඩකයාට කුසලාන
  • තරගාවලියේ දක්ෂතම ක්‍රීඩකයා තේරීම
  • තරගාවලියේ වැඩිම ගෝල් රකින්නා තේරීම
  • තරගාවලියේ වැඩිම ගෝල් ලබාගන්නා ක්‍රීඩකයා සහ අවසාන මහා තරගයේ දක්ෂතම ක්‍රීඩකයා සහ දක්ෂතම ගෝල් රකින්නා යන ක්‍රීඩකයින්ට කුසලාන පිරිනැමීම.
  • මෙම තරගාවලියේ දස්කම් දක්වන ක්‍රීඩකයින් 25 දෙනෙකු තෝරා දිස්ත්‍රික් පුහුණු සංචිතයක් සකස් කිරීම සිදු වේ. මෙම මාධ්‍ය හමුව සදහා කොළඹ දිස්ත්‍රික් පාර්ලිමේන්තු මන්ත්‍රී මධුර විතානගේ, තරුණ හා ක්‍රීඩා අමාත්‍යාංශයේ ලේකම් අනුරාධ විජේකෝන්, ජාතික පාපන්දු සම්මේලනයේ සභාපති අනුර ද සිල්වා , ලේකම් ජස්වර් උමාර් ඇතුලු හම්බන්තොට ක්‍රීඩා සංවර්ධන පදනමේ නිළධාරීන් සහභාගී විය.
  • WhatsApp Image 2021 01 15 at 6.18.47 PM
Comment (0) Hits: 179

කොළඹ මහජන පුස්තකාලය පාඨක සේවා නැවත ආරම්භ කරයි

කොවිඩ් 19 වසංගත තත්ත්වය හේතුවෙන් තාවකාලිකව වසා තැබු කොළඹ මහා නගර සභාවට අයත් කොළඹ මහජන පුස්තකාලයේ ළමා පුස්තකාලය සහ වැඩිහිටි බැහැරදීමේ පුස්තකාලය 2021-01-04 වන දින සිට ප.ව.8.00 සිට ප.ව 4.00 දක්වා පාඨකයින්ට නැවත විවෘත කිරිමට අවශ්‍ය පියවර ගෙන ඇත.

එමෙන්ම එහි සේවාවන් සදුදා සිට සෙනසුරාදා දක්වා සතියේ දින 06 ක් ඉහත කාල සිමාවන් තුළ විවෘතව පවතින අතර, සේවා අධ්‍යයන කටයුුවල නිරත විශ්වවිද්‍යාල සිසුන් සදහා අධ්‍යනය ශාලා පහසුකම් හා විමර්ශ්‍න පුස්තකාලයද විවෘතව තැබේ.

කොළඹ මහජන පුස්තකාලයේ විද්‍යුත් සුචිය (Open Public Access Catalogue) pl.colombo.mc.gov.lk මඟින්ත ප්‍රවේශ විය හැකිය.

Comment (0) Hits: 195

සමාජ මාධ්‍ය බලවතාගෙන් හිටපු ලෝක බලවතාට ටොක්කක් !

පැවති අමරිකානු ජනාධිපති මැතිවරණය හමුවේ විශාල ජයග්‍රහණයක් ලැබූ ජෝ බයිඩ්න් එරට ජනපතිවරයා ලෙස දිව්රුම් දීමට තිබියදී  හිටපු ජනපති පරාජිත ඩොලන්ඩ් ට්‍රම්ප් විසින් කෙසේ හෝ බලයේ සිටීමට එරට ආණ්ඩු ක්‍රම ව්‍යවස්ථා උල්ලංඝනය කරමින් ඉතා පහත් ලෙස ජාතිවාදී හා කැරලිකාරී උත්සාහයක නිරත වීමත් සමගම ෆේස්බුක් සමාජ මාධ්‍ය ජාලය හි නිර්මාතෲ මාර්ක් සකර්බර්ග් විසින් ඔහුගේ නිළ ගිණුම් වාරණය කොට ඇත.

සැබවින්ම ලෝක බලවතා උවද ප්‍රජාතන්ත්‍රවාදී රාමුවෙන් ඉවත්වී කැරළිකාරී ලෙස සමාජය කුපිතකරමින් මාධ්‍ය සදාචාරය හා සාරධර්ම උල්ලංඝනය කරමින් නීති රෙගුලාසි කඩ කරමින් සිදු කල කඩාකප්පල් කාරී ක්‍රියා හේතුවෙන් ඔහුට ඉතා අවවාදාත්මක හා උඩගු හා ඒකාධිපති බල තන්හාවට කදිම පිලිතුරක් මේ වනවිට ෆේස්බුක් ආයතනය ලභා දී ඇත….

සැබවින්ම ඔහු සිදුකල පහත් ජනතා උසී ගැන්වීම නිසා ඇමරිකාව තුල ජීවිත් හතරකට ආසන්න අකාලයේ අහිමි වී ඇති අතර ඔහුගේ මෙම කුපිත් කිරීම ෆේස්බුක් සමාජ ජාලය භාවිතා කරමින් සමස්ථ ලෝකයටම ගෙන ගිය පණිවිඩය ඉතා නරක පූර්වාදර්ශයක් මෙන්ම ඔවුන්ගේ මාධ්‍ය අචාරධර්ම කඩ කිරීමක් ලෙස පෙන්වා දී තිබේ..

සැබවින්ම ශ්‍රී ලංකාවේ ජඩ මාධ්‍යකරණ මුදලාලිලාට උකහ ගත හැකි නම් මාධ්‍ය යනු කෙතරම් පරිස්සමෙන් භාවිතා කල යුතු හා සමාජගත කලයුතු මෙවලමක් දැයි උගත හැකිය…

සැබෑ මාධ්‍ය හිමිකරුවකු ලෙස මාර්ක් සකර්බර්ග් ගේ දූරදර්ශී නිවැරැදි තීරණයට ලෝක වාසී ප්‍රජාවගේ පැසසුම් හිමි විය යුතුව ඇත…

මාර්ක් සකර්බර්ග් වැඩි දුරටත් සදහන් කරනුයේ ඔවුන්ගේ මාධ්‍ය අවකාශය තුල මැතිවරණය සමයේ නිදහස් සාධාරණ මැතිවරණයක් වෙනුවෙන් ඩොනල්ඩ් ට්‍රම්ප්ට එම නිදහස ලභා දුන් බවත් ජනතා පරමාධිපත්‍යයෙන් ලැබී ඇති ප්‍රතිපල අනුව ආණ්ඩු ක්‍රම ව්‍යවස්තා අනුකූලව රටේ ඉදිරියට ක්‍රියාත්මක වීමට ඉඩ නොදී තම මාධ්‍ය අවකාශය හරහා සිදුකල කඩාකප්පල් කාරී කැරලිකාරී ක්‍රියාව නිසා ඔහුගේ ගිණුම් අත් හිටවූ බවයි….

මාධ්‍ය දේශපාලණික බලපුලුවන්කාර කම් වලට වඩා ඉහළින් ඇති පූජණීයත්වයට පත්කල හැකි ඉතා සුපරික්ෂාකාරීව නිවැරැදිව විද්‍යාත්මකව හැසිරවිය යුත්තක් බවට අපේ රටේ මාධ්‍ය කරුවන්ද සිතට ගැනීමට කාළය පැමිණ ඇත…

සුමුදු මද්දුමආරච්චි

මිලානෝ

ඉතාලිය.

Comment (0) Hits: 147

නව වසරේ ප්‍රථමයා ඉතාලියෙන්..

වර්ෂ 2020 අවසන් ව 2021 නව වර්ෂය ආරම්භය සනිහටුන් වීමත් සමගම ඉතාලියේ මිලානෝ නගරයේ මාන්ජගල්ලි ( Mangiagalli ) රෝහලේ මධ්‍යම රාත්‍රී දොලහයි එකට 12.01 පළමු දරු උපත සිදුවී ඇත.

උපත් බර ග්‍රෑම් තුන්දහස් පන්සිය හැට පහකින් 3,565g යුතු පිරිමි දරුවා නමින් අලෙස්සියෝ ලෙස, උදා වූ 2021 නව වසරේ පළමු දරුවා ලෙස වාර්ෂික උපත් ලේඛනයේ තම නම සටහන් කරගනිමින් වරප්‍රසාද රාශියකට හිමිකම් ලබා ගෙන ඇත. 

Il primo nato del 2021 ( ඉල් ප්‍රීමො නාතො දෙල් 2021) ලෙස මන්ජගල්ලි රෝහල වෙත ඉතාලියේ සෑම නගරයකින්ම සුභපැතුම් ලැබෙමින් පවතී….

WhatsApp Image 2021 01 01 at 16.11.24

රෝහලටත් සැමටත් ඉතා සුභ කරුණක් ලෙස සියල්ලන් ඉතා ප්‍රීතිමත්ව නව වසරට සූදානම් වෙමින් සිටී….

sumusu M 150pxසුමුදු මමද්දුමආරච්චි

මිලානෝ ඉතාලිය

Comment (0) Hits: 215

Page 6 of 57