V2025

විනෝදාස්වාද

මෙරට සිනමාවට අද්විතිය සේවයක් කළ ජී.ආර්. පද්මරාජ් අභාවප්‍රාප්ත වෙයි

මෙරට චිත්‍රපට ක්ෂේත්‍රයට අද්විතිය සේවයක් කළ නිෂ්පාදකවරයෙකු මෙන්ම සුප්‍රසිද්ධ ව්‍යපාරිකයකු වූ ජී.ආර්. පද්මරාජ් මහතා අභාවප්‍රාප්ත විය.

CEL සමාගමේ කළමනාකාර අධ්‍යක්ෂවන ජී.ආර්.පද්මරාජ් ඊයේ ජිවිතක්ෂයට පත්ව ඇත්තේ, ඉන්දියාවේ දී ශල්‍යකර්මයකට රෝහල්ගතව සිටියදී ය.

මියැදෙන විට ඔහුගේ වයස අවුරුදු 69 කි.

ඔහු ලංකාවේ ජනප්‍රියම සිනමා සමාගමක වන 'සිනමාස්' සමාගම මෙන්ම හැඳල විජය චිත්‍රාගාරයේ අයිතිකරු වන කේ ගුණරත්නම්ගේ පුතණුවන්ය.

ගුණරත්නම් රබින්ද්‍රනාත් පද්ධමරාජ් මහතා 1951 වසරේ කොළඹදී උපත ලැබුවේ ය.

ගල්කිස්ස ශාන්ත තොමස් විද්‍යාලයේ ආදි සිසුවකු වන පද්මරාජ් මහතා දරුවන් තිදෙනෙකුගේ පියෙකි.

තම පියාගෙන් උරුම වූ කේ ජි ආයතනය මෙන්ම සැෆයාර්, කිංග්ස්ලි, කැපිටෝල්, බොරැල්ල ලිඩෝ, මහනුවර වෙම්බ්ලි, මීගමුවේ රාජ්, යාපනයේ ලිඩෝ, අම්පාර හා මඩකලපුව විජයා ඇතුළු සිනමාහල් රාශියක හිමිකරු වන ආර් පද්ම රාජ ‍ක්ෂේත්‍රයේ නිහතමානී පුද්ගලයකු ලෙස සැලකේ.

Comment (0) Hits: 94

මිලානෝ වියා පාදොවා ධර්ම නිකේතනයේදී සෙත්පතා බෝධි පූජාවක් !

මිලානෝ වියා පාදොවා නො: 318 ධර්ම නිකේතනයේදී පසුගිය සෙනසුරාදා සන්ධ්‍යාවේ සවස 6.00ට වත්මන් විපක්ෂ නායක සජිත් ප්‍රේමදාස එම මැතිණිය,මංත්‍රී නලින් බණ්ඩාර හා එම මැතිණිය ඇතුලු සමස්ථ රටවැසියන් හා ලෝක වාසීන් වෙනුවෙන් සෙත්පතා බෝධි පූජාමය පිංකම මිලානෝ සමගි ජනබලවේගයේ ක්‍රියාකාරීන් හා මිලානෝ වැසියන්ගේ සහභාගීත්වයෙන් සිදුවිය….  

බඬල්කුඹුරේ ධම්මංශ නායක හිමිපානන් ඇතුළු තුන් නමක් විසින් උද්ගත කොරෝනා වසංගතයෙන් පීඩා විඳින විපක්ෂ නායක තුමා එම බිරිඳ, නලින් බණ්ඩාර මංත්‍රී තුමා හා එම බිරිඳ ඇතුලු සමස්ථ රටවැසියන් වෙනුවෙන් සෙත්පතා සිදුකළ බෝධි පූජා පිංකම,පවතින කොරෝනා වෛරසය නිසාවෙන් සීමිත පිරිසක් සමග සෞඛ්‍ය මාර්ගෝපදේශ අනුව සිදුකරන ලදී…

මිලානෝ සමගි ජනබලවේගයේ ප්‍රධාන ක්‍රියාකාරීකයකු හිටපු මීගමුව නාගාරික මංත්‍රී වරයකුවන අසේල දාබරේ  හා පිරිස විසින් සංවිධානය කරන ලද පිංකම වෙනුවෙන් මිලානෝ නුවර විශාල ජන සහභාගීත්වයෙන් සිදුවීමට නියමිතව තිබුනද විහාරාධිපති හිමියන්ගේ ඉල්ලීම හා කොවිඩ් නීති රෙගුලාසි ප්‍රකාරව ක්‍රියාකාරී සීමිත පිරිසක් පමණක් සහභාගී වෙමින් සිදු කළ සාර්ථක ආමිසපූජාවක් ලෙස ප්‍රාදේශීය ඉතාලි ජනමාධ්‍ය හා එම ප්‍රදේශයේ ඉතාලි ජාතිකයන් විසින්ද ඇගයීමක ලක් විය..

sumusu M 150pxසුමුදු මද්දුමආරච්චි,

මිලානෝ 

ඉතාලිය

WhatsApp Image 2021 05 30 at 17.59.20

WhatsApp Image 2021 05 30 at 17.59.21

WhatsApp Image 2021 05 30 at 17.59.21 1

 

WhatsApp Image 2021 05 30 at 17.59.21 2

WhatsApp Image 2021 05 30 at 17.59.23

WhatsApp Image 2021 05 30 at 17.59.22

 

Comment (0) Hits: 224

'ජෝ ලාරා' හෙවත් ​​ටාසන් මියයයි

ටාසන් චිත්‍රපටයේ ටාසන්ගේ චරිතයට රගපෑ අමෙරිකාවේ ප්‍රවීණ නළුවෙකු වු ජෝ ලාරා ගුවන් අනතුරකින් ජීවිතක්ෂයට පත්ව ඇත.

මිය යන විට ජෝ ලාරා, 58 වැනි වියෙහි පසු විය.

අමෙරිකාවේ නැෂ්විල් නගරයට ආසන්න විලක් මතට ජෝ ලාරා ඇතුළු පිරිස ගමන් ගත් සැහැල්ලු ගුවන් යානය කඩා වැටී ඇති බව විදෙස් මාධ්‍ය වාර්තා කරයි. මියගිය පිරිසට අතර ජෝ ලාරාගේ බිරිඳ ද වේ.

යානය කඩා වැටෙන අවස්ථාවේ එහි 07 දෙනෙකු ගමන් කර ඇති අතර අනතුරින් සියලුදෙනාම මියගොස් ඇත.

ගලවා ගැනීමේ සේවකයින් පවසන්නේ අනතුරට ලක්වූ ස්ථානයේ සුන්බුන් සහ මිනිස් දේහයන් හමු වූ බවයි.

ලෝක ප්‍රසිද්ධ රංගන ශිල්පියෙකු ලෙස සැලකෙන 58 හැවිරිදි ජෝ ලාරා 1989 වසරේ දි "ටාසන් ඉන් මෑන්හැටන්" චිත්‍රපටයේ පළමු වරට ටාසන්ගේ චරිතයට රංගනයෙන් දායක වී ඇති අතර පසුව 1996 වර්ෂයේ දී "ටාසන් ද එපික් ඇඩ්වෙන්චර්ස්" නම් කතා මාලාවට රංගනයෙන් දායක වී තිබේ.

Comment (0) Hits: 127

කරාතේ හා ටෙනිස් ක්‍රීඩාවේ දියුණුවට ගිවිසුමක්

ජාතික හා ජාත්‍යන්තර ජයග්‍රහණ අපේක්ෂාවෙන් ශ්‍රී ලංකාව තුළ කරාතේ සහ ටෙනිස් ක්‍රීඩා ඉහළ නැංවීම සඳහා අදාළ සංගම් සමග ගිවිස ගැනීම තරුණ හා ක්‍රීඩා අමාත්‍ය නාමල් රාජපක්ෂගේ ප්‍රධානත්වයෙන් පසුගියදා පැවැත්විණි.

ඒ අනුව ශ්‍රී ලංකා කරාතේ දෝ සංගමය සමඟ තරුණ හා ක්‍රීඩා අමාත්‍යංශයේදීත් ටෙනිස් සංගමය සමග ශ්‍රී ලංකා ටෙනිස් සංගම් මූලස්ථානයේදීත් අදාළ ගිවිසුම්වලට එළැඹිණි.

මහේල ජයවර්ධනගේ සභාපතිත්වයෙන් යුතු ජාතික ක්‍රීඩා සභාව සහ උසස් දක්ෂතා කමිටුව විසින් ජාතික හා ජාත්‍යන්තර ජයග්‍රහණ ලබාගත හැකි බවට නිර්දේශ කරමින් ප්‍රමුඛත්වය දිය යුතු බවට නිර්දේශ කළ ක්‍රීඩාවන් 05 අතරට කරාතේ සහ ටෙනිස් ක්‍රීඩාව ද ඇතුළත්ය.

තරුණ හා ක්‍රීඩා අමාත්‍ය නාමල් රාජපක්ෂගේ උපදෙස් පරිදි එම ක්‍රීඩාවන්හි එක් අවුරුදු උසස් දක්ෂතා ක්‍රීඩා සංවර්ධන ව්‍යාපෘතියක් සඳහා මෙම ගිවිසුම්ගතවීම හා මූල්‍ය ප්‍රදානයන් සිදුවිය.

කරාතේ ක්‍රීඩාවේ නිරත ක්‍රීඩක ක්‍රීඩිකාවන්ගේ දක්ෂතා වැඩිදියුණු කරමින් ඔවුන්ව දිරි ගැන්වීමේ අරමුණ ඇතිව රුපියල් 20,300,000/-ක මුදලක් ශ්‍රී ලංකා කරාතේ දෝ සංගමයටත් ටෙනිස් ක්‍රීඩාවේ ප්‍රවර්ධනයට රුපියල් 19,464,000/-ක මුදලක් ශ්‍රී ලංකා ටෙනිස් සංගමයටත් මෙම ගිවිසුමට සමගාමීව ප්‍රදානය කෙරිණි.

තරුණ හා ක්‍රීඩා අමාත්‍යංශයේ ක්‍රීඩා සංවර්ධන දෙපාර්තමේන්තුව විසින් කරාතේ දෝ සංගමය සහ ටෙනිස් සංගමය වෙත මෙම මූල්‍ය ප්‍රදානය පිරිනමන ලදි.

තරුණ හා ක්‍රීඩා අමාත්‍යංශය වෙනුවෙන් ක්‍රීඩා සංවර්ධන දෙපාර්තමේන්තුවේ අධ්‍යක්ෂ ජනරාල් අමල් එදිරිසූරිය  සහ ශ්‍රී ලංකා කරාතේ දෝ සංගමය වෙනුවෙන් එහි සභාපති එච්.එම්.සිසිර කුමාරත් ශ්‍රී ලංකා ටෙනිස් සංගමය වෙනුවෙන් එහි සභාපති බින් ඉසැක් මහතාත් අදාළ ගිවිසුම්වලට අත්සන් තැබූහ.

මෙම අවස්ථාවන් සඳහා තරුණ හා ක්‍රීඩා අමාත්‍යංශයේ සහ ක්‍රීඩා සංවර්ධන දෙපාර්තමේන්තුවේ නිලධාරී මහත්ම මහත්මීන් සහ ශ්‍රී ලංකා කරාතේ දෝ සංගමයේ සහ ශ්‍රී ලංකා ටෙනිස් සංගමයේ නිලධාරී මහත්ම මහත්මීහු පිරිසක් සහභාගි වූහ.

Comment (0) Hits: 123

Page 4 of 64