V2025

විනෝදාස්වාද

ප්‍රබල මානව හිමිකම් ක්‍රියාකරුවෙකුගේ සමුගැනීම !

යාපනයේ පෞද්ගලික රෝහලක ප්‍රතිකාර ලබමින් සිටි මන්නාරම හිටපු රදගුරු රායප්පු ජෝශප් පියතුමන් අද (01) අලුයම ස්වර්ගස්ත වී තිබේ.

සති කිහිපයක සිට රෝහල්ගතව ප්‍රතිකාර ලබමින් සිටි රායප්පු ජෝශප් පියතුමන් 2016 ජනවාරි 16 වන දින දක්වා මන්නාරම රදගුරුවරයා ලෙස කටයුතු කරනු ලැබීය. එසේම ප්‍රබල මානව හිමිකම් ක්‍රියාකාරිකයකු ලෙස කටයුතු කළ අතර ඒ හේතුවෙන් විවිධ අපවාදයන් එල්ලවුවත් ඒ හමුවේ අවසන් මොහොත දක්වා සටන් කළ අයෙකු ලෙසත් ප්‍රසිද්ධය.

1940 අප්‍රේල් 16 වන දින ඩෙල්ෆ්හිදී උපත ලැබූ ජෝසප් පියතුමන් ස්වර්ගස්ත වන විට 80 වන වියෙහි පසු විය.

මේ එතුමන් සම්බන්ධව සමාජ මාධ්‍ය තුළ පලව තිබූ සටහන් කිහිපයකි.

WhatsApp Image 2021 04 01 at 11.48.28 AM

WhatsApp Image 2021 04 01 at 11.48.27 AM

 

 

Comment (0) Hits: 183

‘‘කළු රංජිත් සුදු මිනිසෙකි’’ ජනගත කෙරේ

එළඹෙන අප්‍රියල් 05වන දිනයේ දී මෙරට ප්‍රථම තරුණ පිබිදීම වූ 71 අරගලයට වසර 50ක් සපිරේ. එම අරගලයේ ක්‍රියාකාරී සාමාජිකයෙකු වූ රංජිත් දිසානායක හෙවත් ‘‘කළු රංජිත්’’ගේ ජීවන අත්දැකීම් අළලා ජයසිරි අලවත්ත විසින් රචිත ‘‘කළු රංජිත් සුදු මිනිසෙකි’’ කෘතිය අප්‍රියල් පස්වන දින සවස 03.00ට කොළඹ 07 ආනන්ද කුමාරස්වාමි මාවගේ පිහිටි මහවැලි කේන්ද්‍ර ශ්‍රවණාගාරයේ දී ජනගත කෙරේ.

මුඛ්‍ය දේශනය පවත්වනු ලබන්නේ 71 තවත් ක්‍රියාකාරී සාමාජිකයකු වූ පියසිරි කුලරත්න විසිනි.

නිදහස් අදහස් දැක්වීම් මහින්ද දේශප්‍රිය සහ උපුල් ශාන්ත සන්නස්ගල විසින් පවත්වනු ලබන අතර ‘සත්සර ඇමතුම’ අජිත් කුමාරසිරිගෙනි.

‘‘කළු රංජිත් සුදු මිනිසෙකි’’ කවිවර ප්‍රකාශනයකි.

මේ විවෘත ආරාධනය ‘‘කළු රංජිත්’’ට ආදරය කරන සියලු දෙනාට ම එම අවස්ථාවට සහභාගි වන ලෙසයි.

kalu ranjith coer sample

Comment (0) Hits: 500

ආපහු යන්න හදන සුදු රෙදි හොරා.....

මේ සුදු රෙදි හොරා ඡායාරූපයට නැගුනේ අලිකොටාර ජලාශයේ සිට උමා ඔය වතුර දකු‍ණට ගෙන යන්නට ඉදිකරමින් තිබෙන ඇළ මාර්ගය ආසන්නයේ දී ය. දින හතරක් උදේ පාන්දර උත්සහ කළෙමි. සේද පටි දෙකක් වන් දිගැති වලිගය මුදා ආඩම්බර පාන මේ වැඩිහිටි පිරිමි පක්ෂියා මිස, උගේ කිරිල්ලිය හෝ පැටවුන් මෙවර කැමරාවෙන් තබා ඇස් දෙකෙන් වත් දකින්නට සිටියේ ද නැත.

රැහැන් මාරා/සුදු රෙදි හොරා නැත්තම් රෙදි හොරා ලෙස හැඳින්වෙන Asian Paradise Flycatcher (Terpsiphone paradisi) තව දවස් කිහිපයකින් ලංකාවෙන් ඌ උගේ ඉන්දීය වාස භුමියට වසන්තය ද සමඟ ඉගිල යනු ඇත්තේය.

Terpsiphone paradisi paradisi උප විශේෂයේ මේ දැකුම්කළු (පිරිමි) කුරුල්ලා වලිගයේ මැද පිහාටු යුගල දික්වීමෙන් ඉතා දිගු සුදු පාට රැහැන් යුගලක් සෑදී තිබේ. මේ රූපයේ සිටින කුරුල්ලා ගේ වලිගය උගේ ශරීරයේ ප්‍රමාණය මෙන් දෙගුණයක් හෝ එයටත් වඩා දිග ය. ජීව විද්‍යාත්මකව නාමර කඩවසම් වැඩුණු සොඳුරු පිරිමි පක්ෂියෙකි.

ලංකාවේ අපි ‘සුදු රෙදි හොරා/රෙදි හොරා‘ කියා ඌ හදුන්වයි.

ඔක්තෝබර් මාසයේ දී පමණ ලංකාවට පැමිණෙන මේ කුරුල්ලා පහත රට තෙත් කලාපයේත් ආසන්නයේ කඳුකරයෙත් අප්‍රේල් මස මුල් සතිය දක්වා වාසය කරන ‘නිහැරියෙකි‘.

මෙවර තවම දකින්නට නැති වුවත්, මේ කුරුල්ලාගේ ගැහැණු සතා කෙටි සිවුරු පාට වලිගයක් සහිතය. සිවුරු හොරා ලෙස ලංකාවේ අපි හදුන්වන්නේ ද ඒ ගැහැණු සතාය. සුදුරෙදි හොරා තරම් ම දිග වලිගයක් සහිත නමුත් පැහැයෙන් සුදු නොව සිවුරු පාට කුරුල්ලා (පිරිමි) වයස අවුරුදු 2 ½ කට අඩු නොවැඩුණු පිරිමි සතා ය. වැඩිහිටි වයසට පිය නගන විට සිවුරු පැහැ සුන්දර දිගු වලිගය සුදු පැහැ ගනී. සිවුරු පාට - දිගු වලියක් නොමැති - බඳ පෙදෙස අලු-සුදු පැහැ ගන්නා කුරුල්ලා සුදු රෙදි හොරා ගේ නොවැඩුණු පිරිමි සතා විය හැකිය.

ලංකාවටම ආවේනික රැහැන් මාරා ගේ උප විශේෂය Terpsiphone paradisi ceylonensis වේ. මා කුඩා කාලයේ දී නම් වැලිමඩ හේනබැද්ද වත්ත, වැල්ලවාය-බුත්තල සුලබ දකින්නට ලැබුණු මේ කුරුල්ලන්ගේ ගහණය වේගයෙන් අඩු වෙමින් තිබේ. පසුගිය මාස 4 පුරාම එකම කුරුල්ලෙකු හෝ කැමරාවට හසු කර ගැනීමට මට හැකි වූවේ නැත.

කුරුලු පාරාදීයක මාස 5 ක් ගත කළ නමුත් වෙනදා මෙන් මෙවර සිය ගණන් කුරුල්ලන් දකින්නට ලැබුණේ නැත. දේශීය විශේෂ පසෙකින් තබමු. ආදම් ගේ පාලම දිගේ, අන්දමන් දූපත් දිගේ ලංකාවට ඇවිත් මේ රට පාරාදීසයක් කර අප්‍රේල් මාසයේ ආපසු යන නිහැරියන් ද, දැන් සුලබ නොවේ.

සටහන හා ඡායාරූපය

රජිත් කීර්ති තෙන්නකෝන්

sudu redi hora

Comment (0) Hits: 332

අමීර් ඛාන්ටත් කොරෝනා

ජනප්‍රිය බොලිවුඩ් නළු අමීර් ඛාන් ට කොරෝනා වෛරසය ආසාදනය වී ඇතැයි ඉන්දීය මාධ්‍ය වාර්තා කර ඇත.

මේ අනුව ඔහු ආසාදිත බව තහවුරුවීමෙන් පසුව මුම්බායි හි පිහිටි සිය නිවසේ නිරෝධායනය වෙමින් සිටින බව ද එම වාර්තාවල සඳහන් වෙයි.

Comment (0) Hits: 188

Page 9 of 64