V2025

විනෝදාස්වාද

බර ඉසිලීමේ නව ශ්‍රී ලංකා වාර්තා 03ක්

උස්බෙකිස්තානයේ පැවැත්වෙන ආසියානු බර ඉසිලීමේ ශූරතාවලියේ කාන්තා කිලෝග්‍රෑම් 81 බර පංතියේ නව ශ්‍රී ලංකා වාර්තා 03 ක් පිහිටවීමට ශ්‍රී ලංකා බර ඉසිලීමේ ක්‍රීඩිකා චතුරිකා වීරසිංහ සමත් විය.

Comment (0) Hits: 203

ගුවන් හමුදාවේ රොෂාන්ගෙන් පිහිනුම් වාර්තා 02ක්

ශ්‍රී ලංකා ගුවන් හමුදාවේ නායක ගුවන් භට රොෂාන් අබේසුන්දර අද(11) නව ආසියානු වාර්තාවක් සහ ශ්‍රී ලංකා වාර්තාවක් පිහිටුවීමට සමත් විය.

ඒ, තලෙයිමන්නාරම සිට ඉන්දියාවේ ධනුෂ්කෝඩි දක්වා පිහිනා ගොස් නැවත තලෙයිමන්නාරමට පැමිණෙමින්ය.

සාගරය, පරිසරය රැක ගැනීමේ පණිවිඩය ලෝකයට රැගෙන යාමේ අරමුණෙන්, ශ්‍රී ලංකා ගුවන් හමුදාවේ නායක ගුවන් භට රොෂාන් අබේසුන්දර ඊයේ(10) දිනයේදී ‍මෙම වාර්තාව පිහිටුවීමට තලෙයිමන්නාරමෙන් ගමන් ආරම්භ කළේය.

ඔහු තලෙයිමන්නාරමේ සිට ධනුෂ්කෝඩි දක්වා ගමන් කළේ, පැය 10යි විනාඩි 31ක කාලයකිනි.

එය නව ශ්‍රී ලංකා වාර්තාවකි.

රොෂාන් අබේසුන්දර අද දිනයේදී ඉන්දියාවේ ධනුෂ්කෝඩි සිට තලෙයිමන්නාරමට පැමිණියේ ආසියානු වාර්තාවක් ද පිහිටුවමිනි.

ඒ ගමන ඔහු නිම කළේ පැය 17යි විනාඩි 48යි තත්පර 43ක කාලයකිනි.

රොෂාන් ඊයේ සහ අද දින දෙක තුළ කිලෝමීටර 59යි දශම 3ක මුළු දුරක් ආවරණය කළේය.

ඒ අනුව 1971 වසරේදී කුමාර් ආනන්දන්, තබා තිබූ ආසියානු වාර්තාව, රොෂාන් අබේසුන්දර අද තමන් සතු කර ගත්තේය.

කුමාර් ආනන්දන් 1971 වසරේදී කිලෝ මීටර 59යි දශම 3ක දුර, පැය 51ක කාලයකින් අවසන් කරමින් පිහිටුවා තිබූ වාර්තාව රොෂාන් අබේසුන්දර අද බිඳ දැමුවේ පැය 28යි විනාඩි 19යි තත්පර 43ක සමස්ත කාලයක් සටහන් කරමිනි.

Comment (0) Hits: 185

ආසියානු බර ඉසිලීමේ ශූරතාවලියේ ලෝකඩ පදක්කම ශ්‍රී ලංකාවට

උස්බෙකිසථානයේ පැවැත්වෙන ආසියානු බර ඉසිලීමේ ශූරතාවලියේ කිලෝ ග්‍රෑම් 55 බර පන්තියේ ලෝකඩ පදක්කම දිනා ගැනීමට ශ්‍රී ලංකාවේ ඉසුරු කුමාර සමත් විය.

කිලෝ ග්‍රෑම් 55 බර පංතියේ ලෝකඩ පදක්කම දිනාගත් ඉසුරු කුමාර එම බර පංතියේම ක්ලීන් ඇන්ඩ් ජර්ක් ඉසව්වෙන් රිදී පදක්කම දිනා ගැනීමටත් ඔහු සමත් විය.

මෙම බර ඉසිලීමේ ශූරතාවලිය, ටෝකියෝ ඔලිම්පික් උළෙලට සුදුසුකම් ලබා ගන්නා තරගාවලියකි.

Comment (0) Hits: 176

ශ්‍රී ලංකා වොලිබෝල් සම්මේලනයේ 17 වන සභාපති කංචන ජයරත්න

මෙරට ජාතික ක්‍රීඩාව වන වොලිබෝල් ක්‍රීඩාව නඟා සිටුවීමටත්, ඒ පිළිබඳව රට තුළ ආකර්ශනයක් ගොඩනැගීමටත් ශ්‍රී ලංකා වොලිබෝල් සම්මේලනයේ ඡ්‍යෙෂ්ඨ උප සභාපතිවරයා ලෙස සුවිශාල මෙහෙයක් ඉටුකළ කංචන ජයරත්න අද  (04) ශ්‍රී ලංකා වොලිබෝල් සම්මේලනයේ සභාපතිවරයා ලෙස නිතර.යෙන් තේරී පත්විය.

මීට ඉහත සභාපතිධූරයේ කටයුතු කරන ලද්දේ නියෝජ්‍ය කථානායක රංජිත් සියඹලාපිටියයි.

ශ්‍රී ලංකා වොලිබෝල් සම්මේලනයේ 17 වැනි සභාපතිවරයා ඇතුළු නිලධාරී මණ්ඩලය තෝරා ගන්නා නිලවරණය අද  (04) පෙරවරුවේ ක්‍රීඩා අමාත්‍යාංශයේ “ඩන්කන්වයිට්” ශ්‍රවණාගාරයේ දී පැවැත්විනි. රංජිත් සියඹලාපිටිය නිලවරණය සදහා කෑගල්ල වොලිබෝල් සංගමයෙන් නාමයෝජනා ඉදිරිපත් කොට තිබූ අතර, කංචන ජයරත්න ඇහැලියගොඩ වොලිබෝල් සංගමයෙන් නාමයෝජනා ඉදිරිපත් කොට තිබුනි.

ශ්‍රී ලංකා වොලිබෝල් සම්මේලනයේ හිටපු සභාපති නියෝජ්‍ය කථානායක රංජිත් සියඹලිපිටිය තම නාම යොජනා පත්‍රය ඉල්ලා අස්කර ගැනීම හේතුවෙන් කංචන ජයරත්න ශ්‍රී ලංකා වොලිබෝල් සම්මේලනයේ 17 වන නව සභාපතිවරයා ලෙස නිතරගයෙන් තේරී පත් විය.

මෙරට ජාතික ක්‍රීඩාව වන වොලිබෝල් ක්‍රීඩාව ලෝකයේ රටවල් 221 ක් ක්‍රීඩා කරන ප්‍රධාන පෙළේ ක්‍රීඩාවක් වන අතර, කුඩා කළ සිටම ක්‍රීඩාවෙන් දස්කම් පෙන්වා ඇති කංචන ජයරත්න දක්ෂ වොලිබෝල් ක්‍රිඩකයෙකු ද වේ. කංචන ජයරත්න වෙන්නප්පුව ඡෝශප් වාස් විද්‍යාලීය කණ්ඩායම නියෝජනය කළ අති දක්ෂ ක්‍රීඩකයෙකි. පාසල් අවධියේ දී වොලිබෝල්, ක්‍රිකට්, පාපන්දු, මළල ක්‍රීඩා, හා බේස්බෝල් යන ක්‍රීඩා රැසක නිරත වෙමින් සමස්ථ ලංකා, ජාතික ජයග්‍රහණයන් ලබා ඇති කණ්ඩායම් නියෝජනය කල ක්‍රිඩකයෙකු ද වේ. එමෙන්ම ටයිකොන්ඩෝ සහ කුන්ෆු ආත්මාරක්ෂක ක්‍රීඩාවන්හි ද පුහුණුව ලබා සිටින කංචන, එම ක්‍රීඩාවන්හි ජාතික ශූරතා තරගවලට සහභාගී වී ජයග්‍රහණ ලබා ඇත.

කංචන ජයරත්න ශ්‍රී ලංකා වොලිබෝල් සම්මේලනයේ උප සභාපතිවරයා ලෙස 2009 වසරේ දී පත්විය. එතැන් සිට මේ දක්වා වසර 12 ක් ශ්‍රී ලංකා වොලිබෝල් සම්මේලනයේ ඡ්‍යෙෂ්ඨ උප සභාපතිවරයා ලෙසත්, තරග කමිටු සභාපතිවරයා ලෙසත්, පුහුණුකරුවන් තේරීමේ කමිටුවේ සභාපතිවරයා ලෙසත් කටයුතු කර ඇත. මේ වන විට ශ්‍රී ලංකා ටයිකොන්ඩෝ සංගමයේ සභාපතිධූරය, රත්නපුර දිස්ත්‍රික් වොලිබෝල් සංගමයේ සභාපතිධූරය, රත්නපුර දිස්ත්‍රික් පාපන්දු සංගමයේ සභාපතිධූරය, රත්නපුර දිස්ත්‍රික් ක්‍රිකට් සංගමයේ සභාපතිධූරය සහ රත්නපුර ටයිකොන්ඩෝ සංගමයේ සභාපතිධූරය හොඹවනු ලබයි.

ශ්‍රී ලංකා වොලිබෝල් සම්මේලනයේ සභාපතිවරයා ලෙස ඉදිරියේ දී වොලිබෝල් ක්‍රීඩාව ශක්තිමත් කරමින් ක්‍රීඩාවෙන් ජාතික හා ජාත්‍යන්තර මට්ටමේ ජයග්‍රහණ අත්කර ගැනීම අරමුණු කොටගෙන තමා කටයුතු කරන බවත්, ඒ සදහා තම උපරිම දායකත්වය නව සභාපතිවරයා ලෙස ලබාදෙන බව ද කංචන ජයරත්න මෙහිදී පැවැසීය.

Comment (0) Hits: 234

Page 11 of 68