V2025

විනෝදාස්වාද

ජ්‍යෙෂ්ඨ මාධ්‍යවේදී සමන් වගආරච්චි : ඔබට සුබ ගමන් !

ජ්‍යෙෂ්ඨ මාධ්‍යවේදියෙකු මෙන්ම මාධ්‍ය නිදහස වෙනුවෙන් සටන් කළ වාමධාරාවේ සිවිල් ක්‍රියාධරයෙකු වූ සමන් වගආරච්චි අද ( 15) පෙරවරුවේ අභාවප්‍රාප්ත විය.කෙටි කලක් ලියුකේමියා රෝග‌යෙන් ‌පෙළුණු ඔහු මහරගම අපේක්ෂා රෝහලේ ප්‍රතිකාර ලබමින් සිටියදී අද අභාවයට පත්වන විට වයස අවුරුදු 63 ක් විය.

80 දශකයේ මුල් යුගයේ දී ජවිපෙ පූර්ණකාලීනයෙකු වශයෙන් කටයුතු කළ සමන් එහි ‘සමාජවාදී කලා සංගමයේ’ ලේකම් වරයා වශයෙන් කලා කටයුතු වලට පය තැබුවේ ය. ජවිපෙ ප්‍රකට ‘විමුක්ති ගී’ ප්‍රසංගය රට පුරා ගෙන යෑමට ඔහු විශාල දායකත්වයක් දුන්නේ ය.පසුව ජවිපෙ දේශපාලනයෙන් ඉවත් වූ ඔහු 'ජනතා කලා සංගමය' ආරම්භ කිරීමට මුල්විය.

එමගින් ගුණදාස කපුගේ නන්දන මාරසිංහ ප්‍රමුඛ කණ්ඩායමක් සමග රට පුරා ගී ප්‍රසංගයක් පැවැත්වීය.පසුකලෙක ‘නිර්මාණ සංවාද කුලකය’ සංවිධානය ආරම්භ කිරීමට ද සමන් වගආරච්චි මුල් විය. නිර්මාණ සංවාද කුලකය මගින් කලාව සම්බන්ධයෙන් රට පුරා සම්මන්ත්‍රණ රාශියක් පැවැත්වීය.

පසුකලෙක එජාප ආණ්ඩුවේ මාධ්‍ය මර්දනයට එරෙහිව පෙරට ආ සමන් 'නිදහස් මාධ්‍ය ව්‍යාපාරයේ' ආරම්භක සම කැඳවුම්කරු විය.සමන් මාධ්‍ය රස්සාවට අත්පොත තැබුවේ අභාවයට පත් ගාමිණී විජේතුංග ගේ මග පෙන්වීම යටතේ 80 දශකයේ මැද භාගයේ පරණ ලංකාදීප දිනපතා පුවත්පතේ සිනමා විචාරකයෙකු ලෙස ය.

එකල ඔහු කොළම් තීරු පුවත් පතක් ද එළි දැක්වූයේ ය.පසුව යුක්තිය පුවත්පතට සම්බන්ධ වූ සමන් වගආරච්චි එහි විශේෂාංග කර්තෘ වරයා ද විය. එවක ලක්බිම පුවත් පත ආරම්භ කරද්දී එහි විශේෂාංග කර්තෘ ධූරයට පත් සමන් පසුව ලේක්හවුසියේ දිණමින පුවත්පතේ කර්තෘ ධූරයට පත් විය.

ඉන්පසුව කලක් ඇමරිකා එක්සත් ජනපදයේ කැලිෆෝනියාවේ ජීවත් වූ සමන් වගආරච්චි යළි ලංකාවට පැමිණ ලක්බිම පුවත්පතේ ප්‍රධාන කර්තෘ ධූරය බාර ගත්තේ ය.

ඉන්පසුව ලේක්හවුස් ආයතනයේ කර්තෘ මණ්ඩල අධ්‍යක්ෂ ධූරය හෙබැවූ සමන් ප්‍රජාතන්ත්‍රවාදය සඳහා මාධ්‍යවේදියෝ සංවිධානයේ සමාරම්භකයෙකු ද විය.

වරෙක ඔහු එක්සත් ජාතික පක්ෂයෙන් මධ්‍යම පළාත් සභාවට තරඟ කළ නමුත් පරාජයට පත්විය.විචිත්‍රවත් මාධ්‍ය ජීවිතයක් සහ මාධ්‍ය ක්‍රියාධර ජීවිතයක් ගත කළ සමන් තම ජීවිත කාලයේ ලංකාවේ මාධ්‍ය කලාව සහ මාධ්‍ය නිදහස වෙනුවෙන් දුන් දායකත්වය ගරු කටයුතු ය.

බොහෝ මාධ්‍ය සහ කලා සංවිධාන ආරම්භ කිරීමට මුල් වූ සමන් ඒවා දිගු කාලීනව පවත්වාගෙන යෑමට අපොහොසත් වීම දුර්වලතාවයකි.අවසන වියපත් වියේදී දුර්ලභව වැළඳෙන ලියුකේමියා රෝගයට ගොදුරු වීමට සිදුවීම අභාග්‍යයකි. නමුත් ඔහු තම පුද්ගලික සහ සමාජීය යුතුකම් කොටස තම රටේ පුරවැසියන් වෙනුවෙන් ඉටුකළා යැයි සතුටු විය හැකි ස්ථානයක සිටිය බව අපට විශ්වාස ය.

(ලංකා ඊ නිව්ස්)

Comment (0) Hits: 326

ඇලන් බෝඩර් පදක්කම ඩේවිඩ් වෝනර්ට

වසරේ ඔස්ට්‍රේලියානු ක්‍රිකට් ක්‍රීඩකයාට හිමි ඇලන් බෝඩර් පදක්කම මෙවර දිනා ගැනීමට ආරම්භක පිතිකරු ඩේවිඩ් වෝනර් සමත් වී ඇත.

වාර්ෂික ඔස්ට්‍රේලියානු ක්‍රිකට් සම්මාන උළෙලේදී මෙම පදක්කම දිනා ගෙන ඇත.

මෙවර ඔස්ට්‍රෙලියානු වාර්ෂික ක්‍රිකට් සම්මාන උළෙල මෙල්බර්න්හිදීයි පැවැත්විණ.

ඔස්ට්‍රේලියාව නියෝජනය කරන ක්‍රිකට් ක්‍රීඩක ක්‍රීඩිකාවන් රැසකගේ සහභාගීතවයෙන් මෙය පැවැත්විණ.

මෙවර සම්මාන උළෙලේදී වසරේ ඔස්ට්‍රේලියානු ක්‍රිකට් ක්‍රීඩකයාට හිමි ඇලන් බෝඩර් පදක්කම සඳහා ස්ටීව් ස්මිත්, පැට් කමින්ස් හා ඩේවිඩ් වෝනර් නම් නිර්දේශ වී තිබීම විශේෂත්වයකි.

කෙසේ වෙතත් සම්මාන උළෙලේදී තුන්වන වරටත් වසරේ ඔස්ට්‍රේලියානු ක්‍රිකට් ක්‍රීඩකයාට හිමි ඇලන් බෝඩර් පදක්කම දිනා ගැනීමට ඩේවිඩ් වෝනර් සමත් විය.

සම්මානය දිනා ගැනීමෙන් අනතුරුව ඩේවිඩ් වෝනර් ඉතා හැඟීම්බරව අදහස් පළ කිරීම බොහෝ දෙනාගේ අවධානයට යොමු වූහ.

සම්මාන උළෙලේදී එලිස් පේරි වසරේ ක්‍රීඩිකාවට හිමි බෙලින්ඩා ක්ලාක් පදක්කමෙන් පිදුම් ලැබුවා ය.

ඇය ද එම සම්මානයෙන් පිදුම් ලැබූ තෙවන අවස්ථාව මෙයයි.

වසරේ ජාත්‍යන්තර 20යි 20 ක්‍රීඩකයා ලෙස ද ඩේවිඩ් වෝනර් සම්මාන හිමි කර ගත්තේ ය. .

එරෝන් ෆින්ච් සම්මානයෙන් පිදුම් ලැබුවේ වසරේ ජාත්‍යන්තර එක්දින ක්‍රීඩකයා ලෙසයි.

වසරේ ටෙස්ට් ක්‍රීඩකයා ලෙස මර්නස් ලබුෂේන් සම්මානයෙන් පිදුම් ලැබී ය.

Comment (0) Hits: 352

කුසලම්මේ - මංජුල වෙඩිවර්ධන

ආදරය නම්, 
පෘථිවිය තරම් දරුපෙම
තනිව ඉසිලී ම ය.
දරුවන් මතක විශ්වය,
හද වර නැඟීමය.
නිහඬතා පිරිසිඳ
නිහඬව හිඳීම ය. 
නික්ම යන විට වුව
හිස'ත ගා යෑම ය.
ආදරය වර නඟා ගන්නට
හිතට ඉඩ දීමය. 

- මංජුල වෙඩිවර්ධන (2020 මාර්තු 09)

Comment (0) Hits: 290

ශ්‍රී ලංකාවට ආසියානු විවෘත පිහිනුම් හා කිමිදුම් තරගාවලි ජයග්‍රහණ

තායිලන්තයේ බැංකොක් නුවර පැවති ආසියානු විවෘත පිහිනුම් හා කිමිදුම් තරගාවලිය 2019 දී ශ්‍රී ලංකික දරු දැරියන් ජයග්‍රහණ රැසක් හිමිකර ගත්තේය.

නිදහස් ආර , පසුපස ආර, ලය ආර මීටර 25 හා 50 තරග සදහා සහභාගිවෙමින් ග්‍රීන්හිල් (මහනුවර) විද්‍යාලයේ පසිඳු රත්නායක රන් පදක්කමක් හා රිදී පදක්කම් තුනක් ලබාගත් හා , ත්‍රිත්ව විද්‍යාලයේ හෙලිත හේරත් රිදී පදක්කම් හතරක් මෙන්ම ග්‍රීන්හිල් (මහනුවර) විද්‍යාලයේ දිනුග අත්තනායක , උසිත විජේසිංහ, දිනුල් අත්තනායක , තිනුලි රත්නායක , ශාන්ත සිල්වෙස්ටර විද්‍යාලයේ දෙව්සර අබේරත්න ලෝකඩ පදක්කම් ජයග්‍රහණය කළේය.

Comment (0) Hits: 355

Page 7 of 49