විනෝදාස්වාද

තායිවාන විවෘත මලල ක්‍රීඩා උළෙලේදී ශ්‍රී ලංකා ක්‍රීඩකයෙකු සහ ක්‍රීඩිකාවක් මීටර් 400 පිරිමි සහ කන්තා ඉසව් දෙකෙන් පළමු ස්ථාන හිමි කරගෙන තිබේ.

එහි මීටර 400 කාන්තා ධාවන ඉසව්ව සඳහා ශ්‍රී ලංකාව නියෝජනය කරමින් තරුෂි කරුණාරත්න සහ නදීෂා රාමනායක අද තරග බිමට එක් විය.

තරුෂි කරුණාරන්ත එම ඉසව්වේ ප්‍රථම ස්ථානය දිනා ගත්තේ තත්ත්පර 52යි දශම 4යි 8ක කාලයකින් තරගය අවසන් කරමිනි.

ඇය මීටර 400 ඉසව්ව සඳහා දැක්වූ හොදම දක්ෂතාවයද එය වීම විශේෂත්වයකි.

තත්ත්පර 53යි දශම 9යි 3ක් කාලයකින් තරගය අවසන් කළ නදීෂා රාමනායක එම ඉසව්වේ සිව්වැනි ස්ථානය දිනා ගත්තාය.

මෙම තරගාවලියේ මීටර 400 පිරිමි ධාවන ඉසව්වේ ප්‍රථමස්ථානය දිනා ගැනීමට ශ්‍රී ලංකාවේ අරුණ දර්ශන සමත් විය.

ඔහුගේ දක්ෂතාව දැක්වූයේ තත්ත්පර 45යි දශම 8යි 2ක් ලෙසයි.

ශ්‍රී ලංකාවේ ගයන්තිකා අබේරත්න මෙම තරගාවලියේ මීටර 1500 කාන්තා ධාවන ඉසව්වේ දෙවැනි ස්ථානය දිනා ගැනීමටද සමත් වූවාය.

ඇයගේ දක්ෂතාවය සටහන් වුණේ මිනිත්තු 4යි තත්ත්පර 24යි දශම 6යි 6ක් ලෙසයි.

තායිවාන විවෘත මලල ක්‍රීඩා තරගාවලිය පැවැත්වෙන්නේ තායිවානයේ තායිපේහිදීයි.

ජපානයේ පැවැත්වෙන ලෝක ශූරතා පැරා මලල ක්‍රීඩා ශූරතා තරගාවලයේදී නව ලෝක වාර්තාවක් පිහිටුවීමට ශ්‍රී ලංකාවේ සමිත දුලාන් සමත්විය.

F -44 හෙල්ල විසිකිරීමේ ඉසව්වෙන් සමිත සිය පළමු උත්සාහයේදී මීටර් 66.49 ක දක්ෂතාවක් වාර්තා කරමින් මෙම ජයග්‍රහණය සඳහා අත් කර ගත්තේය.

ජර්මනියේ පැවැති Anhalt 2024 මලල ක්‍රීඩා ශුරතා තරගාවලියේ දී තත්පර 10.16ක කාලයක් සමඟින් පිරිමි මීටර 100 ඉසව්වේ ප්‍රථම ස්ථානය දිනා ගැනීමට යුපුන් අබේකෝන් ඊයේ (24) සමත් විය.

අවසන් තරගය ශ්‍රී ලංකාවේ වේලාවෙන් රාත්‍රී 11.35 ට පැවැත්වුනු අතර යුපුන් තත්පර 10.16ක කාලයක් වාර්තා කරද්දී දෙවන සහ තෙවන ස්ථාන වාර්තා කළ කාලය වන්නේ පිළිවෙලින් තත්පර 10.17ක් සහ 10.21කි.

පිරිමි මීටර් 100 ඉසව්වේ පළමු වටයේ තරඟය ( Heat) ජය ගනිමින් යුපුන් මෙම අවසන් තරගයට සුදුසුකම් ලැබුවේ තත්පර 10.15ක කාලයක් වාර්තා කරමින්ය.

දකුණු ආසියාවේ වේගවත්ම මිනිසා ලෙස යුපුන් අබේකෝන් සැලකේ.

ඔලිම්පික් ගිනි සිළුව රැගෙන යාමේ අවස්ථාව ශ්‍රී ලාංකීකයෙකු වන තර්ෂන් සෙල්වරාජාට හිමිව තිබේ.

සාමාන්‍ය පුරවැසියන්ගේ සිට ප්‍රභූවරුන් දක්වා 10,000 කට පමණ පිරිසකට රට පුරා, එහි රිලේ කොටසක් සඳහා ගිනිසිළුව සහිත පන්දම රැගෙන යෑමේ අවස්තාව හිමිවන අතර ඒ අනුව ශ්‍රී ලාංකිකයෙකු වන තර්ෂන් සෙල්වරාජාට ද මෙකී අවස්ථාව හිමි ඇත.

මේත් සමඟින් මෙම ගිනිසිළුව රැගෙන යෑමේ ගෞරවයට පාත්‍ර වූ ප්‍රථම ලාංකිකයා ලෙසයි තර්ෂන් ඉතිහාසයට එක්වේ.

ශ්‍රී ලංකාවේ උපන් දැනට පැරීසියේ ජීවත් වන තර්ෂන් සෙල්වරාජා වෘත්තියෙන් බේකරි හිමිකරුවෙක් වන අතර පැරීසිය පුරාම ප්‍රසිද්ධත්වයට පත්ව ඇත්තේ ඔහු නිෂ්පාදනය කරන තුනී පාන් විශේෂයක් වන baguette හේතුවෙනි.

ප්‍රංශයේ රජ මැදුරට වාර්ෂිකව baguette ලබා දෙන්නා වන්නේ ද තර්ෂන් ය.

ප්‍රංශයේ පැරිස් නුවර පැවැති ‘Grand Prix de la Baguette de Traditional Francaise de la Ville De Paris’’ නම් තරගයෙන් ජය ගැනීම සමඟ හොඳම පැරිසියානු baguette යන කීර්තිමත් නාමය හිමිකර ගැනීමට ඔහු සමත් වූයේය.

තමාට ලැබුන මේ අවස්ථාව ගැන තර්ෂන් මාධ්‍ය වෙත මෙලෙස අදහස් පළ කර තිබුණි.

“මේක පුදුම සහගත දෙයක් මට. මේ වෙනුවෙන් මාව තෝරගත්ත එකට ස්තූතියි. ඔලිම්පික් කමිටුවේ හිටිය ක්‍රීඩා අමාත්‍යවරයා තමා මාව තෝරගෙන තිබුණේ. මේ ගැන හිතුවාම ගොඩාක් සතුටයි. ප්‍රංශයේ දහස් ගණන් ජනතාවක් ඉන්නවා. මම ගොඩාක් වාසනාවන්තයි මේ අවස්ථාව ලැබුණ එකට. කොහෙදී ද ගිනි සිළුව මට ලැබෙන්නේ කියලා මම දන්නේ නැහැ. නමුත් ජූලි මස 15වැනිදා ගිනි සිළුව පැරිසියට එනවා.”