V2025

විනෝදාස්වාද

මැ.කො.ට 65යි!!!

මැතිවරණ කොමිසමේ සභාපති මහින්ද දේශප්‍රිය මහතාගේ 65 වන උපන් දිනය අදට (06) යෙදී තිබේ. 

ඒ මහතා අද කොළඹ, නාරාහේන්පිට මහ ලේකම් කාර්යාල සංකීර්ණය වෙත පැමිණි අවස්ථාවේදී එහි පිරිසක් ඒ මහතාටත් නොදන්වාම කුඩා උපන් දින සැමරුමක් සූදානම් කර තිබුණු අතර එහි ඡායාරූප පහතින් දැක්වේ. 

මහින්ද දේශප්‍රිය මහතාගේ උපන් දිනය වෙනුවෙන්  Newstube අපෙන් පැතුම්!!!

WhatsApp Image 2020 06 06 at 14.51.29

WhatsApp Image 2020 06 06 at 14.51.29 1

WhatsApp Image 2020 06 06 at 14.51.30

WhatsApp Image 2020 06 06 at 14.51.31

Comment (0) Hits: 344

කොරෝනා කාලේ : ලාංකික වෛද්‍යවරයෙක් සහ බ්‍රිතාන්‍ය හෙදිය රෝහලේම විවාහ වෙයි !

කොරෝනාවෛරස් වසංගතය හේතුවෙන් සිය විවාහ මංගල උත්සවය අවලංගු කිරීමට සිදුවූ වෛද්‍යවරයෙකු සහ හෙදියක ඔවුන් සේවය කරන රෝහලේදී ම විවාහ වී තිබේ.

34 හැවිරිදි ජෑන් ටිපිං සහ ශ්‍රී ලාංකික සම්භවයක් සහිත 30 හැවිරිදි අන්නාලන් නවරත්නම් ලන්ඩනයේ ශාන්ත තෝමස් රෝහලේ පිහිටි දේව සභාවකදී විවාහපත් වූහ.

ආරාධිතයින් දූරස්ථව ඔවුන්ගේ සුවිශේෂී දිනය සැමරීමට එක්ව සිටි අතර එක් සාක්ෂිකරුවෙකු විසින් විවාහ මංගල දේව මෙහෙය සජීවීව සමාජ මාධ්‍ය ඔස්සේ මුදා හැර තිබිණි.

ඔවුන් දෙපළ පැවසුවේ, "සියලු දෙනා තවමත් සෞඛ්‍ය සම්පන්නව සිටින අතරතුර" සිය මංගල උත්සවය සිදු කිරීමට තීරණය කළ බවය.

ජෑන් ටිපිං සහ අන්නාලන් නවරත්නම් අගෝස්තු මාසයේ පැවැත්වීමට සැලසුම් කර තිබූ මංගල උත්සවය අවලංගු කර දැමුවේ, ඔවුන්ගේ දෙමාපියන්ට උතුරු අයර්ලන්තයේ සහ ශ්‍රී ලංකාවේ සිට ආරක්ෂිතව පැමිණීමට නොහැකි වනු ඇතැයි යන බිය හේතුවෙනි.

ඒ අනුව දකුණු ලන්ඩනයේ පදිංචි එම යුවළ සිය මංගල උත්සවය අගෝස්තු මාසයට පෙර පෞද්ගලික උත්සවයක් වශයෙන් පැවැත්වීමට තීරණය කළහ.

 112518089 mediaitem112518087

ගිලන් රථ හදිසි සේවා හෙද නිලධාරිනියක වන ජෑන් ටිපිං පැවසුවේ, "අපිට අවශ්‍ය වුණේ අපට ආදරය කරන සියලු දෙනාට තිරයක් හරහා හෝ අපේ විවාහ සැමරීම දැකගන්න සැලැස්වීමටයි," යනුවෙනි.

අප්‍රේල් 24 වන දා පැවති විවාහ උත්සවය "ආදරණීය" එකක් වූ බව පැවසූ ඇය සඳහන් කළේ, තමන් දෙදෙනා සේවය කරන ස්ථානයේ ම විවාහ වීම "අසාමාන්‍ය" දෙයක් ලෙස දැනුණු බවය.

මේ අතර, ශාන්ත තෝමස් රෝහලේ වෛද්‍යවරයෙකු වන අන්නාලන් නවරත්නම් පැවසුවේ, "අපි දෙන්නා අපි වෙනුවෙන් ම කැපවුණ එක ඉතාමත් සතුටට පත්වූ" බවය.

විවාහ උත්සවයේදී නර්තන සහ මංගල කතා ද පැවැත්වුණ අතර දුරස්ථ මංගල සාදයක් ද විය.

විවාහය ලියාපදිංචි කළ මියා හිල්බර්න් දේවගැතිවරිය පැවසුවේ, "එහි කොටස්කරුවෙකු වීම ගැන අතිශය සතුටට පත්වන" බවය.

මෙම විවාහ උත්සවය, බ්‍රිතාන්‍යයේ බොහෝ ජනමාධ්‍ය ප්‍රධාන පුවතක් ලෙසින් පළ කර තිබිණ. එය සැල වූ බ්‍රිතාන්‍යයේ සෞඛ්‍ය ලේකම් මැට් හැන්කොක් ට්විටර් ඔස්සේ පළ කර තිබුණේ, "ඉතා අගනා දෙයක්" බවය.

Comment (0) Hits: 433

ඇව්රෝ එංජිමට පිළියම් කළ : පිළිම නෙළා නැති යාපනයේ විරුවෙක් !

එක්සත් රාජධානියේ "ඇව්රෝ" ගුවන්යානා නිෂ්පාදන සමාගම දැවැන්ත අර්බුදයකට මුහුණපාමින් සිටියේය. තම ජෙට් යානාවල එන්ජිමෙහි පවත්නා දෙදරීම නිසා එහි අලවිය පහත වැටෙමින් තිබුණි.. එරට කිසිදු ඉන්ජෙරුනේරුවරයකුට එයට පිළියම් සොයා ගැනීමට නොහැකි විය...
 
අවසානයේ මෙයට පිළියම් සොයන්නට මැලේසියන් සම්බවයක් සහිත ලාංකිකයකුට ඇරයුම් ලැබුණි... ඔහු එකල පේරාදෙණිය සරසවියේ ආචාර්යවරයකු ලෙස සේවය කල මහාලිංගම් මහතාය... ඇව්රෝ ගුවන් සමාගම මුහුණ දෙමින් තිබු ජෙට් යානාවල එන්ජිමේ පවත්නා දෙදරීමේ දෝෂයට පිළියම් සොයා දෙන මෙම අපුරු මිනිසා එකල ලෝකය මවිත කළේය...
 
මෙයින් මහා උද්දාමයට පත්වූ එක්සත් රාජධානිය, මෙම අපුරු මිනිසාගෙන් ඉල්ලා සිටියේ ඕනෑම වරයක් ඉල්ලා සිටින ලෙසයි... විශාල මුදල් කන්දරාවක්, තනතුරු, යානවාහන, එරට පුරවැසිභාවය ඒ අතර විය.. මුදල් සදහා ඕනෑම දෙයක් කරන මෙවැනි සමාජයක මේ අපුරු මිනිසා ඉල්ලා සිටියේ ජෙට් යානා එන්ජිමකි.. ඒ පේරාදෙණිය සරසවිය උදෙසාය... අද දක්වා පේරාදෙණිය සරසවියේ සිසු දරුවන් ගුවන්යානා තාක්ෂණය පිළිබදව අධ්‍යනය කරන්නේ මේ එංජිම හරහාය... බොහෝ වරප්‍රසාද වෙනුවට ඔහු ඉල්ලා සිටියේ තමා ජීවත්වන රටේ දරුවන් අනාගතය වෙත ගෙන යන්නට ගුවන් එංජිමකි....
 
ජනතාවගේ හෝ සාමුහිකත්වයක බලපෑම නිසා මහා පුරුෂයන් වන බොහොමයක් දෙනා පාලකයාගේ ගරුත්වය,ප්‍රශංසාව නිරතුරුව බලාපොරොත්තු වන බිමක මෙවැනි උදාරතර මිනිසුන් රටට වාසනාවකි... මහාලිංගම් මහාචාර්යවරයාට මේ පොළවේ කෙතරම් වටිනාකමක් ලබුනේදැයි මම නොදනිමි... පාලකයන් ඔවුන්ට වටිනාකම් ගොඩනගා ගත හැකි මිනිසුන් මෙන්ම ඔවුන්ගේ මරණද විකුණති... එහෙත් විකිණිය නොහැකි සැබෑ මිනිසුන් මගහරිති.. මෙම උදාර මිනිසා මීට වසර කීපයකට පෙර නිසොල්මනේ යාපනය රෝහලේදී අවසන් ගමන් ගියේ ජීවත් වූ බිමට මහා කීර්තියක් මෙන්ම අනාගත පරපුරේ අනාගතය උදෙසා මහා ජවයක් මේ පොළවේ තබමිණි... නුබ වැනි ආදරණීය මිනිසුන් හැමදාම ආදරයෙන් සිහිපත් කරන්නෙමු...
 
IMG 20200601 WA0000
( උපුටා ගැනීමකි)
Comment (0) Hits: 638

ශෙහාන්ට ක්‍රිකට් තහනම් !

ක්‍රිකට් ක්‍රීඩක ශෙහාන් මධුශංකට සියළුම වර්ගයේ ක්‍රිකට් තරඟ තහනම් කර ඇති බව වාර්තා වෙයි.

ඒ මත්ද්‍රව්‍ය ලඟ තබා ගැනීමේ චෝදනාවට අත්අඩංගුවට පත්වීම හේතුවෙන් ය.

ශ්‍රී ලංකා ක්‍රිකට් ආයතනයේ ලේකම් මොහාන් ද සිල්වා මාධ්‍ය වෙත පවසා ඇත්තේ  මැයි 26 වනදා  සිට ක්‍රියාත්මක වන පරිදි මෙම තහනම පැනවෙන බවයි. 

ශෙහාන් මධුශංක ක්‍රිකට් ක්‍රීඩාවට, ක්‍රිකට් ආයතනයට මෙන්ම ක්‍රීඩකයින්ට ද අපකීර්තියක් ඇතිවන ආකාරයෙන් කටයුතු කර ඇති බවත්  මොහාන් ද සිල්වා එහිදී පවසා ඇත.

ශෙහාන්  සම්බන්ධයෙන් ක්‍රිකට් ආයතනය මගින් පරීක්ෂණයක් සිදුකෙරෙන අතර එය අවසන් වන තෙක් මෙම තහනම බලපැවැත්වෙන බවත් ඔහු පවසා ඇත.

Comment (0) Hits: 276

Page 2 of 49