V2025

විනෝදාස්වාද

කසුන් සමරතුංග ලියූ 'අංගුලිමාල සුළඟ' සහෘදගත වෙයි! 

කසුන් සමරතුංග රචනා කළ 'අංගුලිමාල සුළඟ' කාව්‍ය සංග්‍රහය එළැඹෙන ජනවාරි 13 වන සඳුදා දින සහෘදගත වන්නට නියමිත ය. 

කොළඹ ජාතික පුස්තකාල සහ ප්‍රලේඛන සේවා මණ්ඩල ශ්‍රවනාගාරයේ දී එදින සවස 3.00ට ග්‍රන්ථය එළි දැක්වීමේ උත්සවයෙහි කටයුතු ආරම්භ වේ. 

විමල් කැටිපෙආරච්චි සහ මහින්ද ප්‍රසාද් මස්ඉඹුල ආරාධිත දේශනා පැවැත්වීමට නියමිත අතර ළහිරු කිතලගම සභාව මෙහෙය වනු ඇත.

මීට පෙර 'නොසන්සුන් මොහොතක හීනයක්' කාව්‍ය සංග්‍රහය සහ 'විත අස පත' තීරු ලිපි සංග්‍රහය රචනා කළ කතුවරයා ගේ තුන්වන සාහිත්‍යමය ප්‍රයත්නය මෙය වෙයි. 'අංගුලිමාල සුළඟ' KSP ප්‍රකාශනයකි. මිල රු: 200.00 යි.

CCCC

Comment (0) Hits: 436

‘මිස්ටර් යුනිවර්ස් නොබෙල් කින් 2019’ කිරුළ දිලුකට

පිලිපීනයේදී පැවති ‘මිස්ටර් යුනිවර්ස් නොබෙල් කින් 2019’ (Mr. Universe Noble King 2019) තරගයේදී එම කිරුළ දිනා ගැනීමට ශ්‍රී ලංකාවේ දිලුක රාජපක්ෂ සමත් විය.
මෙම තරගය පිලිපීනයේ, මැනිලා නුවරදී පසුගිය 15 වනදා පැවැත්විණ.

26 හැවිරිදි දිලුක රාජපක්ෂ මේ වනවිට නිරූපණ ක්ෂේත්‍රයේ නිරත ව සිටී.

රටවල් 25ක් එම කිරුළ වෙනුවෙන් තරග වැදී ඇති අතර අවසන් මහා තරගයට රටවල් 15ක් තේරී පත්විය.

එමෙන්ම අනුඛණ්ඩයක්ව පැවති ටැලන්ට් රවුන්ඩ් වටයෙන් ජයග්‍රහණය කිරීමට ද දිලුක රාජපක්ෂ සමත් විය.

ශ්‍රී ලංකාවේ පාරම්පරික අංගම්පුර සටන් කලාවේ ගින්දර සමග අංගයක් ඉදිරිපත් කිරීමෙන් මෙම ජයග්‍රහණය ලබා ගැනීමට හැකි වී ඇත.

තරගයේ ජාතික අධ්‍යක්ෂක, නිල පුහුණුකරු හා නිල නර්තන අධ්‍යක්ෂක ලෙස කටයුතු කර ඇත්තේ රුක්මල් සේනානායක මහතා ය.

මිස්ටර් යුනිවර්ස් නොබෙල් කින් කිරුළක් ශ්‍රී ලංකාව දිනා ගත් පළමු අවස්ථාව මෙය වීම ද විශේෂත්වයකි.

79376602 603365507099990 1319104990563794944 o

79940790 603365667099974 1297106576095576064 o

Comment (0) Hits: 555

සුජාතා අත්තනායකට ගෞරව ආචාර්ය උපාධියක්

ප්‍රවීණ ගායන ශිල්පිනී විශාරද සුජාතා අත්තනායක මහත්මිය, සෞන්දර්ය කලා විශ්වවිද්‍යාලය පිරිනමන ගෞරව ආචාර්ය උපාධියෙන් පිදුම් ලබා ඇත.

කොළඹ නෙළුම් පොකුණ රඟහලේ පසුගියදා පැවැත්වුණු සෞන්දර්ය කලා විශ්වවිද්‍යාලයීය උපාධි ප්‍රධානෝත්සවයේදීයි අත්තනායක මහත්මිය මෙම ගෞරව ආචාර්ය උපාධියෙන් පිදුම් ලබන ලදී.

සංගීත් නිපුන්, මහාචාර්ය සනත් නන්දසිරි මහතා අතින් ඇයට මෙම උපාධිය පිරිනමා ඇත.

Comment (0) Hits: 466

ලොව ලාබාලතම වසරේ පුද්ගලයා ලෙස පුංචි ග්‍රේටා ඉතිහාසයට එක්වෙයි

දේශගුණික විපර්යාස හා දේශගුණික හදිසි තත්ත්වයන් පිළිබඳ ඈ ලොව අමතා නැඟූ අසමසම හඬ නිසා පසුගිය කාල වකවානුව තුළ ලොව කා අතරත් කතාබහට ලක්වූ චරිතයක් වූයේ 16 හැවිරිදි පුංචි ග්‍රේටා තන්බර්ග් දැරියයි.

දේශගුණික විපර්යාසයන් පිළිබඳව හඬක් නඟමින් ලොවක දෙනෙත් විවර කිරීමට සමත් වූ ග්‍රේටා තන්බර්ග් දැරිය දේශගුණික විපර්යාස පිළිබඳ ගෝලීය ව්‍යාපාරයක ප්‍රධාන රුව විය. තවමත් පාසල් වියේ පසුවන ස්වීඩන් ජාතික ග්‍රේටා තන්බර්ග් ටයිම් සඟරාව විසින් 2019 වර්ෂය සඳහා 'වසරේ පුද්ගලයා' (Person of the Year) වශයෙන් නම් කර තිබේ.

ඒ අනුව ටයිම් සඟරාවේ වසරේ පුද්ගලයා යන පිදුම් නාමය ලබන ලාබාලතම පුද්ගලයා ග්‍රේටා තන්බර්ග් වේ.

වසරේ පුද්ගලයා තේරීම 1927 වර්ෂයේ පටන් ටයිම් සඟරාව සිදුකළ සම්ප්‍රදායකි. ඒ අනුව පුංචි ග්‍රේටා ලොව ලාබාලතම වසරේ පුද්ගලයා ලෙස ඉතිහාසයට එක් වෙයි.

ටයිම් සඟරාව නිකුත් කළ නිවේදනයට සුළු මොහොතකට මත්තෙන් ග්‍රේටා ස්පාඥ්ඥයේ මැඩ්‍රිඩ් අගනුවර පැවති එක්සත් ජාතීන්ගේ දේශගුණ සමුළුව අමතමින් පවසා සිටියේ එළඹෙන දශකය පෘථිවියේ අනාගතය නිර්වචනය කරනු ඇති බවයි.

ටයිම් සඟරා කවරයේ “තාරුණ්‍යයේ බලය” යන තේමාව යටතේ පුංචි ග්‍රේටා ගේ ඡායාරූපයක් ඇතුලත් කර තිබේ.

Comment (0) Hits: 480

Page 8 of 49