V2025

විනෝදාස්වාද

ඉන්ස්ටග්‍රෑම් සහ මැසෙන්ජර් බිඳ වැටෙයි

ජනප්‍රිය සමාජ ජාලා යෙදුම් වන  Instagram හා Facebook Messenger සේවාවන් මේ වන විට ලොව පුරා බිඳවැටී ඇති බව විදෙස් මාධ්‍ය වාර්තා කර සිටී.

මේ අතර Windows Central වෙබ් අඩවිය පවසන්නේ Facebook හා WhatsApp සේවාවන් හි බිඳවැටීම් ද ලොව ඇතැම් රටවලින් වාර්තා වන බවයි.

කෙසේවෙතත් මෙම සේවාවන් හි හිමිකාරීත්ව සමාගම වන ෆේස්බුක් සමාගම හෝ එහි ප්‍රධානී මාර්ක් සකර්බර්ග් අදාළ බිඳවැටීම පිළිබඳව මෙතෙක් නිවේදනයක් නිකුත් කර නොමැත.

Comment (0) Hits: 153

LPL දෙවන ගැටුම : ගාලු අභිමානය Jaffna Stallionsට

ලංකා ප්‍රිමියර් ලීග් ක්‍රිකට් තරගාවලියේ දෙවැනි තරගයෙන් කඩුලු 08ක ජයක් වාර්තා කිරීමට ජැෆ්නා ස්ටැලියන්ස් කණ්ඩායම ඊයේ (27) සමත් විය.
 
හම්බන්තොට  සූරියවැව ක්‍රීඩාංගනයේ පැවැති තරගයේ දී ඔවුන් හමුවේ පරාජයට පත් වූයේ ගෝල් ග්ලැඩියේටර්ස් කණ්ඩායමයි.
 
තරගයේ කාසියේ වාසිය දිනූ ගාලු කණ්ඩායමේ නායක ශහිඩ් අෆ්රිඩි පළමුවෙන් පන්දුවට පහර තීරණය කළේය.
 
ඒ අනුව ඔවුන් කඩුලු 8ක් දැවී ලකුණු 175ක් ලබා ගත්තේ ශහිඩ් අෆ්රිඩි පන්දු 23කින් වාර්තා කළ වේගවත් ලකුණු 58න් ශක්තිමත් වෙමිනි.
 
ඔහුගේ ඉනිම හයේ පහර 6කින් සහ හතරේ පහර 3කින් වර්ණවත් වෙද්දී ගාලු ඉනිම වෙනුවෙන් ධනුෂ්ක ගුණතිලක ද ලකුණු 38ක් රැස් කරන ලදි.
 
පන්දු යැවීමේ දී ඩුවාන් ඔලිවියර් ලකුණු 44කට කඩුලු 4ක් බිද හෙලූ අතර, වනිදු හසරංග ලකුණු 12ක් පමණක් ලබා දී කඩුලු 2ක් බිද හෙළීය.
 
පිළිතුරු ඉනිම ක්‍රීඩා කළ ජැෆ්නා ස්ටැලියන්ස් කණ්ඩායම පන්දුවාර 19.3ක් අවසානයේ කඩුලු 2ක් පමණක් දැවී ජයග්‍රාහී ඉලක්කය පසු කළේය.
 
අගනා ඉනිමක් ක්‍රීඩා කළ අවිශ්ක ප්‍රනාන්දු පන්දු 63 කින් ලකුණු 92ක් රැස් කළේ හයේ පහර 7ක් ද ඉනිමට එක් කරමින්ය.
 
ෂොයිබ් මලික් නොදැවී ලකුණු 27ක් ලබා ගත් අතර, ඔවුන් දෙදෙනා අතර තෙවැනි කඩුල්ලට ගොඩ නැගුණු නොබිදුණු සබදතාවය ලකුණු 110කි.
 
පන්දු යැවීමේ දී මොහොමඩ් අමීර් සහ මොහොමඩ් ශිරාස් අතරේ එක් කඩුල්ල බැගින් බෙදී ගියේය.
Comment (0) Hits: 173

චීන ධඡය සඳ මතට.....

සඳ මත සිය ධජය එසවීමට චීනය සමත් වී තිබේ.

සඳ මත ජාතික ධජයක් එස වූ දෙවන රට බවට පත්වීමට චීනය සමත් විය.

1969 වසරේ දී ගගනගාමීන් සහිත ඇපලෝ 11 යානය මගින් අමෙරිකාව සඳ තරණය කළ ලොව පළමු රට බවට පත්විය.

එහිදී සිය ධජය සඳ මත එසවීමට අමෙරිකානු ගගනගාමීන් සමත් විය.

චීනය ගගනගාමීන් රහිත චැන්ග් අ ෆයිව් අභ්‍යවකාශ යානය පසුගිය දා සඳ මත ගොඩබෑමට සමත් වුණේ, අමෙරිකානු අභ්‍යවකාශ මෙහෙයුමෙන් වසර 50 කට පමණ පසුවයි.

සඳෙන් පාෂාණ සාම්පල රැගෙන එම අභ්‍යවකාශ යානය යළි පෘථීවිය බලා පිටත්වීමට පෙර ලබා ගත් ඡායාරූප කිහිපයක් ප්‍රසිද්ධ කිරීමට චීන ජාතික අභ්‍යවකාශ පරිපාලනය පියවර ගෙන ඇත.

 
 
Comment (0) Hits: 197

තිළිණිගේ තනියහන සැප්තැම්බර් 26 අන්තර්ජාලයට !

ලංකාවේ සංගීත ක්ෂේත්‍රය තාක්ෂණය සහ ආකර්ශණීය ශ්‍රව්‍ය දෘශ්‍ය පරාසයන් අතික්‍රමණය කරමින් තිබෙන අවධියක, එකී පරාසයන්හි රසය රසික සමූහයේ සන්තෘප්තිය උදෙසා නිමැවුණු තිළිණි රුද්‍රිගෝ යොවුන් ගායන ශිල්පිණියගේ පළමු මියුසික් වීඩියෝව 'තනියහන' එළඹෙන සැප්තැම්බර් මස 26 වැනිදා අන්තර්ජාලයට නිකුත් කිරීම සිදුවේ.

මෙම මියුසික් වීඩියෝවේ ගී පද රචනය දිල්ශි තත්සරණ විසින් සිදුකර ඇති අතර, මියුසික් වීඩියෝවේ තිර රචනය සහ අධ්‍යක්ෂණය දක්ෂ නිර්මාණකරුවෙක් ‍වන චාමර ගුරුගේ විසින් සිදුකර තිබේ.

නවීන වීඩියෝ තාක්ෂණය සහ ගීයේ සියුම් අර්ථ සමූහයන් රසිකයන්ගේ හදවත ස්පර්ශවන ආකාරයෙන් රූපගත කර ඇති මෙම ශ්‍රව්‍ය දෘශ්‍ය නිර්මාණයට ජනප්‍රිය රංගන ශිල්පීන් සහ ශිල්පිනියන් වන ජයනි සේනානායක, යශෝධා රසඳුනි, ශ්‍යාමිලා කල්හාරි, මනෝජා ෆඩිනැන්ඩස්, මල්කා නූපෙහේවා, අමන්දා උදානි රුද්‍රිගෝ සහ ගීත් රත්නායක රංගනයයෙන් දායකත්වය ලබාදී ඇත.

එසේම මෙම 'තනියහන' සොඳුරු නිර්මාණයේ තාල නිර්මාපාකයා වන්නේ හර්ෂ අරවින්ද ය, එසේම එහි සමස්ත නිෂ්පාදන සහය මාධව මංචනායක විසිනි.

Comment (0) Hits: 321

Page 8 of 57