V2025

විනෝදාස්වාද

NoBan4Women : ලෝකයේම අවධානයට

රුසියාවේ පැවැත්වෙන 2018 පාපන්දු ලෝක කුසලානයේ ඉරානය සහ මොරොක්කෝව අතර 15 වනදා පැවති තරගය අවස්ථාවේ ප්‍රේක්ෂකාගාර තුළ ප්‍රදර්ශනය කල බැනරයක් සම්බන්ධව ලොව පුරා අවධානය යොමුව ඇත.

NoBan4Women යනුවෙන් සඳහන් කර තිබු එම බැනරය ප්‍රදර්ශනය කර ඇත්තේ ඉරානය තුළ කාන්තාවන්ට ක්‍රීඩාංගන වෙත ඇතුළුවීමට පනවා ඇති තහනමට විරෝධය දැක්වීමක් වශයෙන්ය.

"#NoBan4Women" ලෙස යොදමින් ට්වීටර් ආදී සමාජ ජාල ක්‍රියාකාරීන්ද  තුළද ක්‍රීඩා ලෝලීන්ද මෙම ඉල්ලීමට සහය දක්වා ඇති අතර මේ වන විට ඉරාන පාලනයද කාන්තාවන්ට අදාළව පනවා ඇති ක්‍රීඩාංගන ආශ්‍රිත තහනම සංශෝධනය කිරීම කෙරෙහි අවධානය යොමුකර ඇති බවද වාර්තා වෙයි.

Dfv0Ke8W0AEXDf2

Dfv3VQlXkAAjxoK 1

DfvlyBXW4AAMjXl

Comment (0) Hits: 260

මැතිවුස් ගිය පයින් ආපහු එයි!

හිටපු ටෙස්ට් ක්‍රිකට් නායක මෙන්ම කණ්ඩායමේ සිටින ජ්‍යෙෂ්ඨ පිතිකරුවකු වන ඇන්ජලෝ මැතිව්ස් සහ වේගපන්දු යවන ක්‍රීඩක ළහිරු ගමගේ කොදෙව් දූපත්හී තරග සංචාරය අතහැර දමා අද (13 වැනිදා) දිවයින බලා පැමිණීමට නියමිතව ඇත.

ඇන්ජලෝ මැතිව්ස් පෞද්ගලික හේතුවක් මත තරගාවලියෙන් ඉවත්වන බවට ශ්‍රී ලංකා ක්‍රිකට් ආයතනය නිවේදනයක් නිකුත් කර ඇත.  ළහිරු ගමගේට තරගාවලිය අතහැර දිවයිනට පැමිණීමට සිදුව ඇත්තේ  පළමු ටෙස්ට් තරගයේදී ඇඟිල්ලේ සිදුවූ අස්ථී බිඳී යාමක් හේතුවෙන් ය.

ඒ අනුව  ශ්‍රී ලංකා ජාතික කණ්ඩායමේ ඇතිවූ පුරප්පාඩු දෙක පිරවීමට බංග්ලාදේශයේ සංචාරයක් සඳහා ශ්‍රී ලංකා ‘ඒ’ කණ්ඩායමේ උපනායකයා ලෙස නම්කර සිටි තුන් ඉරියව් ක්‍රීඩක දසුන් ශානක සහ ආරම්භක පිතිකරු ධනුෂ්ක ගුණතිලක කොදෙව් දූපත් බලා පිටත්ව යෑමට නියමිතව ඇත.

ටෙස්ට් තරග 3 ක් සඳහා ශ්‍රී ලංකා කණ්ඩායම නියෝජනය කර ඇති දසුන් ශානක එහිදි රැස්කර ඇත්තේ ලකුණු 29 ක් වන අතර ලකුණු රැස්කරීමේ සාමාන්‍යය 5.80 කි. ධනුෂ්ක ගුණතිලක ටෙස්ට් තරග 2 කදී ලකුණු 48 ක් රැස්කර ඇති අතර ලකුණු ලබාගැනීමේ සාමාන්‍යය 12.00 කි.

Comment (0) Hits: 191

2018 ලෝක පාපන්දු ශූරතාව හෙට ඇරඹේ !

රුසියාවේ සත්කාරකත්වයෙන් පැවැත්වෙන 2018  ලෝක කුසලාන පාපන්දු  තරගාවලිය හෙට (14දා) ආරම්භ වීමට නියමිතය.

තරගාවලියේ දී පිරිනමන ජුලියස් රිමේට් රන් කුසලානය දිනා ගැනීම සඳහා ලෝකයේ කලාප මට්ටමින් කණ්ඩායම් 32 ක් මෙවර තරග වැදීමට නියමිතය.  

අවසන් වරට 2014 දී  පැවති ශූරතාව හිමි කර ගත්තේ ප්‍රබල ජර්මන් කණ්ඩායමයි. මෙතෙක් වැඩිම වාර ගණනක් කුසලාන දිනා ගෙන ඇත්තේ බ්‍රසීල කණ්ඩායම විසිනි. ඔවුන් පස් වතාවක් ශූරතාවට හිමිකම් කියා ඇත. 

සත්කාරක රුසියාව සිය පළමු තරගයට සහභාගීවීමට නියමිතව ඇති අතර ඒ සෞදි අරාබියට එරෙහිවය.
sport preview putin world cup

මෙවර තරගාවලිය සම්බන්ධව  දක්වමින් සත්කාරක රුසියාවේ ජනාධිපති  ව්ලැදිමීර් පුතින් සඳහන් කර ඇත්තේ තම රටේ කණ්ඩායම වර්තමානයේ සැළකිය යුතු මට්ටමේ දක්ෂතා අතර නොමැති නමුත්  මෙවර තරගාවලියේදී අවසානය දක්වා සටන් කරන බවට විශ්වාස කරන බවය.

මෙවර තරගාවලියේ කාල සටහන පහත දැක්වේ.

world cup bracket printable

Comment (0) Hits: 218

ඕස්ට්‍රේලියානු ඉතිහාසයේ හමුවූ විශාලතම මාලුවා

ඕස්ට්‍රේලියානු ඉතිහාසයේ හමුවූ විශාලතම මාලුවා අල්ලා ගැනීමට ඕස්ට්‍රේලියානු ධීවරයන් පිරිසක් සමත් වී ඇත. 

මෙම කොප්පරා මත්ස්‍යාගේ බර කිලෝග්රෑම් 439 ක් වන අතර ජෝර්ජ් ලිරන්සීස් ඇතුළු තිදෙනෙකුගෙන් යුතු ධීවරයන් කණ්ඩායමක් විසින් ඕස්ට්‍රේලියාවේ  මල්ලකූටා ප්‍රදේශයට ආසන්න නිව් සවුත්වෙල්ස් සහ වික්ටෝරියා මායිමට එපිට මුහුදේ දී මෙම මත්ස්‍යයා අල්ලා ගනු ලැබ ඇත.

පැය දෙකකට ආසන්න කාලයක සටනකින් පසුව මෙම මත්ස්‍යයා බෝට්ටුවට නංවා ගැනීමට ඔවුන්ට හැකිවූ බවද විදෙස් මාධ්‍ය වාර්තා කරයි.

9817038 3x4 700x933

9817106 3x2 940x627

Comment (0) Hits: 275

Page 8 of 26