V2025

විනෝදාස්වාද

‘‘කළු රංජිත් සුදු මිනිසෙකි’’ ජනගත කෙරේ

එළඹෙන අප්‍රියල් 05වන දිනයේ දී මෙරට ප්‍රථම තරුණ පිබිදීම වූ 71 අරගලයට වසර 50ක් සපිරේ. එම අරගලයේ ක්‍රියාකාරී සාමාජිකයෙකු වූ රංජිත් දිසානායක හෙවත් ‘‘කළු රංජිත්’’ගේ ජීවන අත්දැකීම් අළලා ජයසිරි අලවත්ත විසින් රචිත ‘‘කළු රංජිත් සුදු මිනිසෙකි’’ කෘතිය අප්‍රියල් පස්වන දින සවස 03.00ට කොළඹ 07 ආනන්ද කුමාරස්වාමි මාවගේ පිහිටි මහවැලි කේන්ද්‍ර ශ්‍රවණාගාරයේ දී ජනගත කෙරේ.

මුඛ්‍ය දේශනය පවත්වනු ලබන්නේ 71 තවත් ක්‍රියාකාරී සාමාජිකයකු වූ පියසිරි කුලරත්න විසිනි.

නිදහස් අදහස් දැක්වීම් මහින්ද දේශප්‍රිය සහ උපුල් ශාන්ත සන්නස්ගල විසින් පවත්වනු ලබන අතර ‘සත්සර ඇමතුම’ අජිත් කුමාරසිරිගෙනි.

‘‘කළු රංජිත් සුදු මිනිසෙකි’’ කවිවර ප්‍රකාශනයකි.

මේ විවෘත ආරාධනය ‘‘කළු රංජිත්’’ට ආදරය කරන සියලු දෙනාට ම එම අවස්ථාවට සහභාගි වන ලෙසයි.

kalu ranjith coer sample

Comment (0) Hits: 560

විමලා අමරදේවයන් ද නික්ම යයි

ආචාර්ය පණ්ඩිත් අමරදේවයන්ගේ බිරිඳ වන විමලා අමරදේව මහත්මිය අද(08) අභාවප්‍රාප්ත වී තිබේ.

මිය යන විට ඇය 86 වැනි වියේ පසුවිය .

විමලා අමරදේව මහත්මිය උපත ලැබුවේ 1934 වසරේ දෙසැම්බර් මස 05වනදාය.

1963 වසරේ දී ඇය පණ්ඩිත් අමරදේවයන් සමඟ යුග දිවියට එළඹුණි.

අමරදේවයන්ගේ සංගීත පර්යේෂණ කටයුතු සදහා දායකත්වය ලබා දුන් ඇය, ජන ගී සම්ප්‍රදායන් පිළිබඳවද මනා දැනුමකින් හෙඹි ගායනවේදිනියකි.

Comment (0) Hits: 260

අමීර් ඛාන්ටත් කොරෝනා

ජනප්‍රිය බොලිවුඩ් නළු අමීර් ඛාන් ට කොරෝනා වෛරසය ආසාදනය වී ඇතැයි ඉන්දීය මාධ්‍ය වාර්තා කර ඇත.

මේ අනුව ඔහු ආසාදිත බව තහවුරුවීමෙන් පසුව මුම්බායි හි පිහිටි සිය නිවසේ නිරෝධායනය වෙමින් සිටින බව ද එම වාර්තාවල සඳහන් වෙයි.

Comment (0) Hits: 237

කොදෙව්වන්ට එරෙහිව ශ්‍රී ලංකාවට විශිෂ්ට ජයක්

බටහිර ඉන්දීය කොදෙව් කණ්ඩායමට එරෙහි දෙවන 20/20 ක්‍රිකට් තරගයෙන් ශ්‍රී ලංකාවට ලකුණු 43ක විශිෂ්ට ජයක් හිමිවිය.

ඒ අනුව, තරග 3කින් සමන්විත තරගාවලිය 1-1ක් ලෙස දෙපිලම සම තත්ත්වයේ පසුවේ.

තරගයේ ප්‍රථමයෙන් පන්දුවට පහර දුන් ශ්‍රී ලංකා කණ්ඩායම නියමිත පන්දුවාර 20 අවසානයේ කඩුලු 6ක් දැවී ලකුණු 160ක් ලබා ගත්තේය.

ලංකාව ඉනිමේ පළමු කඩුල්ලේ සබඳතාව ලකුණු 95කි.

ධනුෂ්ක ගුණතිලක ලකුණු 56ක් ලබාගත් අතර පැතුම් නිශ්ශංක ලකුණු 37ක් ලබා ගත්තේය.

පිළිතුරු ඉනිම ක්‍රීඩාකළ බටහිර ඉන්දිය කොදෙව් කණ්ඩායමේ සියලු ක්‍රීඩකයින් පන්දුවාර 18යි පන්දු 4ක් අවසානයේදී ලකුණු 117 කට දැවී ගියේය.

ශ්‍රී ලංකා දඟ පන්දු බලඇණිය බටහිර ඉන්දීය කොදෙව් පිතිකරුවන්ගේ සියලු බලාපොරොත්තු බොඳ කිරීමට සමත් විය.

වනිදු හසරංග හා ලක්ෂාන් සඳකැන් අතරේ කඩුලු 3 බැගින් බෙදී ගිය අතර අකිල දැනට එක් කඩුල්ලක් දවා ගත්තේය.

සුපිරි පිතිකරු ක්‍රිස් ගේල් ලකුණු 16කට දැවී ගියේය.

තරගයේ වීරයා සම්මානය වනිදු හසරංගට හිමිවිය.

Comment (0) Hits: 258

Page 13 of 68