V2025

පුවත්

ඡන්දයට පෙර අර්ජුන් නොඑන හැඩයි !

බැඳුම්කර ගනුදෙනුවට සම්බන්ධ සැකකරුවෙකු බවට පත්ව සිටින හිටපු මහබැංකු අධිපති අර්ජුන් මහේන්ද්‍රන් මහතා පළාත් පාලන මැතිවරණයට පෙර ශ්‍රී ලංකාවට නොඑන බව වාර්තාවේ.

මැතිවරණයට පෙර ලංකාවට පැමිණියහොත් ඔහුව අත්අඩංගුවට ගෙන ඇතැමුන් දේශපාලන වාසි ලබාගැනීමට ඉඩ ඇති බැවින් එම තීරණය ගෙන ඇතැයි පැවසේ.

කෙසේවුවද ශ්‍රීලනිප මූලස්ථානයේ අද(03) පැවති මාධ්‍ය හමුවකට එක්වෙමින් අමාත්‍ය සුසිල් ප්‍රේමජයන්ත මහතා පැවසුයේ, අර්ජුන් මහේන්ද්‍රන් මහතා ශ්‍රී ලංකාවට ගෙන්වා ගැනීමේ ප්‍රධාන වගකීම අගමැතිවරයා සතු වන බවයි.

2015 වර්ෂයේදී මහබැංකු අධිපති ලෙස අර්ජුන් මහේන්ද්‍රන් මහතා පත් කරන විට ඔහු පිළිබඳව සම්පූර්ණ වගකීම තමා ගන්නා බව අග්‍රාමාත්‍යවරයා පාර්ලිමේන්තුවේදී ප්‍රකාශ කළ බව ද ඇමතිවරයා එහිදී සිහිපත් කළේය.

උසාවියට කැඳවන නියෝගයක් :

බැඳුම්කර ගනුදෙනුව සම්බන්ධයෙන් ප්‍රකාශයක් ලබා ගැනීම සඳහා ලබන 15 වැනිදාට පෙර අපරාධ පරීක්ෂණ දෙපාර්තමේන්තුවේ පෙනී සිටින ලෙස මහ බැංකුවේ හිටපු අධිපති අර්ජුන් මහේන්ද්‍රාන් මහතාට කොටුව මහේස්ත්‍රාත් අධිකරණය විශේෂ නියෝගයක් නිකුත් කර තිබේ.

දැනට සිංගප්පූරුවේ වාසය කරන්නේ යයි සැලකෙන මහබැංකු හිටපු අධිපති අර්ජුන් මහේන්ද්‍රන් මහතා පෙබරවාරි පහළොස් වනදාට ප්‍රථම ශ්‍රී ලංකාවට පැමිණ රහස් පොලිසිය වෙත කට උත්තරයක් ලබාදෙන නියෝගයක් නිකුත් කරන ලෙස නීතිපති දෙපාර්තමේන්තුවේ ජ්‍යෙෂ්ඨ නියෝජ්‍ය සොලිසිටර් වසන්ත කෝදාගොඩ මහතා කළ ඉල්ලීමක් සැලකිල්ලට ගනිමින් විමර්ශනයට සහාය දැක්වීමක් ලෙස කොටුව මහේස්ත්‍රාත් ලංකා ජයරත්න මහත්මිය ඊයේ (02දා) මෙම නියෝගය නිකුත් කළාය.

එම නියෝගයේ ඉංග්‍රීසි පිටපතක් සිංගප්පුරුවේ අන්තර්ජාතික පොලිසිය මගින් මහේන්ද්‍රන් මහතාට ලැබීමට සලස්වන ලෙස ද මහේස්ත්‍රාත්වරිය දැනුම් දී සිටියාය.

Comment (0) Hits: 1055

ලැප්ටොප් නැටුම හබක් !

70 වැනි නිදහස් සැමරුම් උළෙලට එක්කර තිබූ 'ලැප්ටොප්' නර්තනාංගය ඉවත් කිරීමට කටයුතු කර තිබේ.

අග්‍රාමාත්‍ය රනිල් වික්‍රමසිංහ මහතා, අධ්‍යාපන අමාත්‍ය අකිල විරාජ් කාරියවසම් මහතා හා අධ්‍යාපන ලේකම් සුනිල් හෙට්ටිආරච්චි මහතා විසින් මෙම නර්තාංගයෙන් ලැප්ටොප් ඉවත්කිරීමට තිරණය කර තිබේ.

එය සමාජ මාධ්‍ය හරහා ප්‍රචාරයවීමත් සමග දැඩි විරෝධයක් එල්ල වීමෙන් අනතුරුව එම නර්තනාංගයෙන් ලැප්ටොප් ඉවත්කර ඇති බව වාර්තා වෙයි.

Comment (0) Hits: 984

ආහාර ලබා දෙමින් සිටියදී ඇතා බෙල්ලන්විල හිමියන් "අල්ලා ගෙන" ; ආදාහන කටයුතු 08 දා

 අපවත්වී වදාළ මහාචාර්ය, බෙල්ලන්විල විමලරතන නාහිමියන්ගේ ශ්‍රී දේහය පිළිබඳ ආදාහන පූජෝත්සවය එළැඹෙන 08දා පැවැත්වීමට තීරණය කර තිබේ.

ශ්‍රී ජයවර්ධනපුර විශ්වවිද්‍යාල ක්‍රීඩා පිටියේදී පස්වරු 3.00ට ආරම්භවීමට නියමිතය.

සිය විහාරස්ථානයට අයත් ඇතෙකු පහර දෙනු ලැබීමෙන් රෝහල් ගතව ප්‍රතිකාර ලබමින් සිටි බෙල්ලන්විල විමලරතන නාහිමියන් සෙනසුරාදා (පෙබරවාරි 03) අපවත් වූහ.

'මියන් කුමාර' නමැති හස්තියාගේ පහර දීමට ලක්ව බරපතළ තුවාල ලබා සිටි එහිමියන් සිකුරාදා කළුබෝවිල ශික්ෂණ රෝහලට ඇතුළත් කරනු ලැබ තිබිණි.

 99871654 gettyimages 485027367

ආහාර ලබා දෙමින් සිටියදී ඇතා විසින් බෙල්ලන්විල විමලරතන හිමියන් "අල්ලා ගනු ලැබූ බව" ඇත් ගොව්වා මාධ්‍ය වෙත පවසා තිබිණි.

 බෙල්ලන්විල විමලරතන හිමියන්ගේ ඉලඇටවලට බරපතළ හානී සිදු වී තිබු බව කළුබෝවිල ශික්ෂණ රෝහලේ වෛද්‍යවරයෙකු පැවසීය.

අභ්‍යන්තර රුධිර වහනය හේතුවෙන් අසාධ්‍ය තත්ත්වයේ පසු වූ එහිමියන් පසුව පෞද්ගලික රෝහලක් වෙත ගෙන යන ලද බවත් ඉහත කී වෛද්‍යවරයා වැඩිදුරටත් සඳහන් කළේය.

ආහාර ලබා දෙමින් සිටියදී ඇතා විසින් බෙල්ලන්විල විමලරතන හිමියන් "අල්ලා ගනු ලැබූ බව" ඇත් ගොව්වා මාධ්‍ය වෙත පවසා තිබිණි.

එහිදී එහිමියන් බිම ඇදවැටුණු බව කී ඇත් ගොව්වා "ඊට පස්සේ දළ දෙකෙන් අනින්න ගියා, ඒක වැදුනේ නැහැ," යනුවෙන් වැඩිදුරටත් සඳහන් කර ඇත.

'මියන් කුමාර' නමැති හස්තියා මියන්මාරයෙන් තෑගී වශයෙන් ලැබුණු ඇතෙකි.

බෙල්ලන්විල රජමහ විහාරයේ විහාරාධිකාරීව වැඩ විසූ උන්වහන්සේ කෝට්ටේ සංඝ සභාවේ තමන් දැරූ අනුනායක පදවියෙන් පසුගියදා ඉල්ලා අස් වූහ.

එසේම උන්වහන්සේ ශ්‍රී ජයවර්ධනපුර විශ්ව විද්‍යාලයේ කුලපති ධුරය ද හෙබවූහ.

බෙල්ලන්විල නාහිමියෝ කලක් ලන්ඩන් විශ්ව විද්‍යාලයට අනුබද්ධ ආසියා සහ අප්‍රිකානු අංශයේ සිංහල සහ පාලි භාෂා අධ්‍යයන අංශයේ ආචාරවරයෙකු ලෙස ද කටයුතු කර ඇත.

(මූලාශ්‍රය - බීබීසී සිංහල සේවය)

Comment (0) Hits: 988

විශේෂ අවශ්‍යතා සහිත දරුවන්ගේ කුසලතා ඇගයීමට එඩ්වඩ් කුමරු හා ආර්යාව අන්ධ විද්‍යාලයට

ජාතික ප්‍රතිපත්ති හා ආර්ථික කටයුතු මාත්‍යාංශය සහ ජාතික තරුණ සේවා සභාව එක්ව සංවිධානය කරනු ලබන 2017 එඩින්බරො ආදිපාද තිළිණ ප්‍රදානෝත්සවය පෙබරවාරි 04 වනදා ට කොළඹ අරලියගහ මන්දිරයේ පැවැත්වීමට කටයුතු සංවිධානය කර ඇත.

එම වැඩසටහනට සමගාමීව එක්සත් රාජධානියේ වෙසෙක්හි අර්ල්වරයා වන එඩ්වර්ඩ් කුමරුගේ සහ එම කුමරියගේ සම්භාවනීය සහභාගීත්වයෙන් රත්මලාන අන්ධ විද්‍යාලයේ හා බිහිරි විද්‍යාලයේ යෞවන තිළිණ ඒකකවල ප්‍රදර්ශනය හා ක්‍රියාකාරකම් පිළිබඳ වැඩසටහනක් විශේෂ අවශ්‍යතා සහිත දරුවන් සඳහා පාසලේ තිර ලාභීන්ගේ දක්ෂතා ඇගයීමේ උත්සවයට පැමිණි පැමිණි එඩ්වඩ් කුමරු එම ආර්යාව උණුසුම් අයුරින් පිළිගත්හ.

එඩ්වඩ් කුමරු හා ආර්යාව පිළිගත් අයුරු

View the embedded image gallery online at:
http://newstube.lk/news?start=11088#sigProId8b916361b1

Comment (0) Hits: 1177

හක්බෙල්ලන් 775 ක් සමඟ පුද්ගලයෙකු අත්අඩංගුවට

නාවික හමුදාවට ලද තොරතුරකට අනුව වයඹ නාවික විධානයට අනුයුක්ත නාවිකයන් පිරිසක් විසින්  (පෙබරවාරි 01) කල්පිටිය, ආනවාසල ප්‍රදේශයේදී නීති විරෝධී ලෙස හක්බෙල්ලන් 775 ක් ලඟ තබා ගත් පුද්ගලයෙකු අත්අඩංගුවට ගෙන ඇත.

මෙවැනි හක් බෙල්ලන් තබා ගැනීම විකිණීම සහ ප්‍රවාහනය 1996 අංක දෙක දරණ ධීවර හා ජලජ සම්පත් පනත යටතේ සපුරා තහනම් කර ඇති අතර, එම හක්බෙල්ලන් තොගය මිල කළ නොහැකි වටිනාකමකින් යුක්ත වේ. එහිදී ඩිංගි යාත්‍රාවක් සහ කිලෝග්‍රෑම් 10 ක පමණ බරකින් යුත් තහනම් දැලක් ද අත්අඩංගුවට පත් විය. එම පුද්ගලයා හක්බෙල්ලන් තොගය සහ ඩිංගි යාත්‍රාව ඉදිරි නීතිමට කටයුතු සඳහා පුත්තලම සහකාර ධීවර අධ්‍යක්ෂක කාර්යාලය වෙත භාර දීමට කටයුතු කෙරිණි.

View the embedded image gallery online at:
http://newstube.lk/news?start=11088#sigProIdf30f3c0f6c

Comment (0) Hits: 1008

රාජ්‍යය බුද්ධි සේවය කෝකටත් තෛලයද? 'ලංකා ගාර්ඩියන්' කතු වැකිය

ඕනෑම බොරුවක් ජනතාව අතරට යැවීම සඳහා මෙරට නිර්මාණය වී ඇති පාරසරික සහ සංස්කෘතික තත්වය ඉතාම අප්‍රසන්න වාතාවරණයක් නිර්මාණය කොට ඇති කුණු කන්දකින් හමන දුර්ගනදය හා සමානය. ඉවත් නොකරන කුණු ගොඩක් අසල ගෙවා දමන ජීවිත එම කුණුගොඩ සහ එහි දුර්ගන්දය සමඟ ජීවත් වීමට හුරුවේ. ශ්‍රී ලංකාව සමස්ථයක් ලෙස අත්විඳිමින් සිටින්නේ එම අවාසනාවන්ත තත්වයටදෝ යන්න මතුකළ හැකි ප්‍රධාන ගැටලුවකි. මුලාවේ හෙලීම සහ වගවීම් මෙන්ම වගකීම් වලින් පලායෑම හැරෙන්නට වෙනත් උපායක් නැත්තට නැති සැටියෙකි.

වසර ගණනාවක් තිස්සේ ප්‍රධාන පෙළේ මෙන්ම අප්‍රධාන යැයි නම් කරනු ලබන පෙළේ මාධ්‍යය තම පුවත් වාර්තාකාරණය ජනතාව අතරට යැවීම සඳහා අමුතුම පන්නයේ උපායක් අනුගමනය කරනු ලබති. එනම්; තම පුවත් නිර්මාණකරණය සඳහා රාජ්‍යය බුද්ධි අංශය උපුටා දැක්වීමය. එම උපාය ඔස්සේ ජනතාව උසී ගැන්වීමට මෙන්ම; ජනතාව අතර වැරදි චිත්තරූපයක් මැවීමට ඇති හැකියාව සැබවින්ම අමුතුම එකකි. ඊට ප්‍රභල දේශපාලන බලයක් තිබේ. රටේ කුමන හෝ දේශපාලන පරිසරයක් නිර්මාණය වූ විට බුද්ධි අංශය ඉදිරියට දමා, එය මෙසේ කියන්නේය; එය රහස්‍යය වාර්තාවක් අවහවල් පුද්ගලයාට ලබා දුන්නේය; ආදී වශයෙන් වැල් වටාරම් රාශියක් ගොතා රට හමුවේ තබන්නේය.

මෙම මූලික කාරණය සමස්ථ සමාජයේ පවතින ප්‍රධාන ව්‍යාකූලතාවයක සංඥා නිකුත් කොට තිබේ.

ශ්‍රී ලංකාවේ පුරවැසියන් බුද්ධිමය දේපල පනත ශතයකට මායිම් නොකරන්නා සේම ජනමාධ්‍යය වෘත්තියමය මූලධර්මයන් මත පිහිටා කටයුතු කිරීම ක්‍රමිකව නමුත් නියතවම අතහැර දමමින් සිටිති. මන්ද එවැනි දෑ අනුගමනය කිරීම වඩාත් ලෙහෙසියෙන් මුදල් ඉපැයීමේ මඟ අහුරුවාලන බැවින් විය හැකිය.

READ MORE AT;

Comment (0) Hits: 983

බෙල්ලන්විල නාහිමියෝ හෘදයාබාධයක් හේතුවෙන් අපවත් වෙති

බෙල්ලන්විල විහාරස්ථානයේ මියන් කුමාර් ඇතාට ආහාර ලබා දිමට යාමේදී ඇතා කළ පහරදීමක් හේතුවෙන් බරපතල තුවාල ලබා සිටි බෙල්ලන්විල විමලරතන නා හිමියෝ කොළඹ පෞද්ගලික රෝහලකදී අද දහවල් හෘදයාබාධයක් හේතුවෙන්  (03) අපවත් වූහ.

ඇතාට ආහාර ලබාදීමට යාමේ කළ පහරදීමකින් උන්වහන්සේගේ ඉලඇටවලට හානි සිදුවී ඇති අතර, කළුබෝවිල ශික්ෂණ රෝහලට ඇතුළත් කිරීමෙන් පසුව ශල්‍ය කර්මයකට භාජනය කර ඇත.

බෙල්ලන්විල විහාරස්ථානයේ මියන් කුමාර් ඇතාට ආහාර වශයෙන් සියඹලා ලබා දීමට යාමේදී එම ඇතා එකවර සියල්ල අනුභව කිරීමට යාමේදී විමලරතන නා හිමියෝ අනතුරට ලක් වී ඇති අතර, මෙම සිදුවීමෙන් උන්වහන්සේගේ පෙනහළුවලට දැඩි හානි සිදුවී ඇත.

ඒ අනුව ප්‍රතිකාර ලබා දෙන අතරතුරදී උන්වහන්සේ හට හෘදයාබාධයක් ඇතිවීම හේතුවෙන් දහවල් 12ට පමණ අපවත් වූ බව කොළඹ ආසිරි රෝහල් ආරංචි මාර්ග වැඩිදුරටත් පවසයි.

උන්වහන්සේගේ දේහය පිළිබද ආදාහන පූජෝත්සවය කටයුතු පිළිබද පසුව දැනුම් දීමට නියමිතය.

27331803 10155367551484226 5653770549502858047 n

Comment (0) Hits: 1103

පිළිකා ඖෂධ නිපදවීමේ කම්හලකට ගිවිසුම් ගසයි

නැනෝ තාක්ෂණය ඔස්සේ පිළිකා නාශක ඖෂධ නිෂ්පාදනය කිරීමේ කර්මාන්ත ශාලාවක් ඉදිකිරිම සදහා මුල්ගල් තැබීම සෞඛ්‍ය, පෝෂණ හා දේශීය වෛද්‍ය අමාත්‍ය දොස්තර රාජිත සේනාරත්න මහතාගේ ප්‍රධානත්වයෙන් පයාගල මලේගොඩ ප්‍රදේශයේ දී ඊයේ (02) පෙරවරුවේ සිදු කරන ලදි.

ශ්‍රී ලංකාවට අවශ්‍ය ඖෂධ නිෂ්පාදනය කිරීමේ වැඩපිළිවෙල යටතේ මෙම කර්මාන්ත ශාලාව රුපියල් බිලියන 1.4 ක ආයෝජනයකි.

ඉන්දියාවේ “ස්පෑල්” සමාගම සහ “සෑන්ස් ඇක්ටිව්” පෞද්ගලික සමාගම ඒකාබද්ධව මෙම කර්මාන්ත ශාලාව ඉදිකරනු ලබයි. ඒ අක්කර 15 ක භූම්භාගයකයි.

කලුතර දිස්ත්‍රික්කයේ රැකියා විරහිත තරුණ තරුණියන් 500 කට මෙමගින් රැකියා අවස්ථා උදාවෙයි.

මෙහි ගිවිසුම් අත්සන් කිරිම කලුතර “අවානි” හෝටලයේ දී සිදු කෙරුනි.

ලක් රජය වෙනුවෙන් රාජ්‍ය ඖෂධ නිෂ්පාදන නීතිගත සංස්ථාවේ සභාපති වෛද්‍ය සයුර සමරසුන්දර මහතා සහ ඉන්දීය “ස්පෑල්” සමාගමේ සභාපති විජය ප්‍රකාශ් මහතා මෙම ගිවිසුමට අත්සන් කරන ලදි.

මෙම අවස්ථාවට රාජ්‍ය ඖෂධ නිෂ්පාදන නීතිගත සංස්ථාවේ කළමණාකාර අධ්‍යක්ෂ එම් සුන්දරලිංගම් මහතා ද එක්ව සිටියේය.

 

 

Comment (0) Hits: 823

ලසන්ත ඝාතනය : හිටපු පොලිස් ලොක්කෝ තුනක් මාට්ටු !

සන්ඬේ ලීඩර් හිටපු කර්තෘ ලසන්ත වික්‍රමතුංග මහතා ඝාතනය කිරීමේ සිද්ධියේ සම්බන්ධයෙන් සැකපිට ඉහළ පෙළේ පොලිස් නිලධාරීන් තිදෙනකු ඇතුළු පොලිස් නිලධාරීන් කිහිප දෙනකු අත්අඩංගුවට ගැනීම සඳහා අපරාධ පරීක්ෂණ දෙපාර්තමේන්තුව විමර්ශනයක් අරඹා තිබේ.

මෙම ඝාතනය සිද්ධියේ සාක්කි වසන් කිරීම සම්බන්ධයෙන් සැකකරුවන් ලෙස නම් කිරීමට ඉඩ ඇති හිටපු පොලිස්පති ජයන්ත වික්‍රමරත්න මහතා ඇතුලූ හිටපු උසස් පොලිස් නිලධාරීන් තිදෙනකුගේ විදේශ ගමන් තහනම් කරන ලෙස ගල්කිස්ස මහේස්ත්‍රාත් අධිකරණය ඊයේ නියෝග කළේය.

හිටපු පොලිස්පති ජයන්ත වික්‍රමරත්න මහතාට අමතරව හිටපු ජ්‍යෙෂ්ඨ නියෝජ්‍ය පොලිස්පති ප්‍රසන්න නානායක්කාර සහ හිටපු ජ්‍යෙෂ්ඨ පොලිස් අධිකාරී හේමන්ත අධිකාරී මහත්වරුන්ගේ ද විදෙස් ගහන් තහනම් කරන අධිකරණය නියෝග කළේය.

ගල්කිස්ස හිටපු OIC රිමාන්ඩ් :

මේ අතර සන්ඩේ ලීඩර් පුවත්පතේ ප්‍රධාන කර්තෘ ලසන්ත වික්‍රමතුංග මහතා අබිරහස් ලෙස ඝාතනය කිරීමේ සිද්ධිය සම්බන්ධයෙන් විමර්ශන සිදුකරද්දී සාක්කි විනාශ කළේයැයි සැකපිට අත්අඩංගුවට ගත් ගල්කිස්ස පොලිසියේ අපරාධ අංශයේ හිටපු ස්ථානාධිපති උප පොලිස් පරීක්ෂක තිස්ස සුගතපාල මහතා අධිකරණයයට ඉදිරිපත් කිරීමෙන් පසු පෙබරවාරි 16 දක්වා රිමාන්ඩ් භාරයට පත්කර කරන ලෙස මහේස්ත්‍රාත් අධිකරණය නියෝග කළේය.

සැකකරු ඊයේ (02) රාත්‍රී 10.30 ට පමණ මහේස්ත්‍රාත් නිල මැදිරියට ඉදිරිපත් කරමින් රහස් පොලිසියේ සමූහ මංකොල්ල විමර්ශන අංශයේ නිලධාරීන් ප්‍රකාශ කළේ ආරක්ෂක අමාත්‍යංශයේ සිටි උසස් නිලධාරියකුගේ උපදෙස් පරිදි උසස් පොලිස් නිලධාරීන් පිරිසක් මෙම සිද්ධියේ සාක්කි විනාශ කළ බවට කරුණු අනාවරණය වන බවයි.

Comment (0) Hits: 937

මෛත්‍රී, ජනාධිපති ධූරයෙන් සමුගන්නා දිනය මෙන්න !

තමා ජනාධිපති ධූරයෙන් සමුගන්නේ හොරුන්ට දඬුවම් ලබාදී සහ වංචා දූෂණ සිදු කරමින් ජනතා මුදල් සොරාකන සියලූදෙනාට දඬුවම් ලබාදීමට අවශ්‍ය නව නීති රීති සියල්ල සම්පාදනය කිරීමෙන් අනතුරුව බව ජනාධිපතිවරයා කියා සිටියි.

ජනාධිපති මෛත්‍රීපාල සිරිසේන මහතා මේ බව ප්‍රකාශ කළේ අද (02) පස්වරුවේ හෙට්ටිපොළ ප්‍රදේශයේ පැවති මැතිවරණ ප්‍රචාරක රැළියක් අමතමිනි.

පොඩි මිනිසුන්ගේ දුක වේදනාව හා ඔවුන්ගේ දහඩිය සුවඳ හඳුනන නායකයෙකු මෙන්ම ඔවුන් වෙනුවෙන් ජීවිතය පූජා කිරීමට සුදානම් කෙනෙකු ලෙස අද තමන් මෙම වගකීම ඉටුකර තිඛෙන බව ජනාධිපතිවරයා එහිදී සඳහන් කළේය.

 ''මම දැන් වැඩක් දීලයි ආවේ''

ශ්‍රී ලංකන් ගුවන් සේවයේ සහ මිහින් එයාර් ගුවන් සේවයේ සිදුවූ වංචා දූෂණ පිළිබද සොයා බැලීමේ නව ජනාධිපති කොමිසම අද රාත්‍රීයේ ගැසට් කරන බව ජනපතිවරයා එහිදී කියා සිටියේය.

''මම දැන් එන්න කළින් වැඩක් දීලයි ආවේ. ශ්‍රී ලංකන් සහ මිහින් ලංකා ගැන ජනාධිපති කොමිසම පිහිටුවන ගැසට්පත්‍රයට අත්සන් කරලයි ආවේ.‘ යැයි ජනාධිපතිවරයා පැවසිය.

මෙම බරපතළ වංචා දූෂණ සිදුකළ අය පිළිබඳව ඉදිරියේදී රටට කරුණු අනාවරණය වනු ඇති බව මෙහිදී සඳහන් කළ ජනාධිපතිවරයා, වැරදි කළ කිසිවෙකුට බේරි සිටීමට හැකි නොවනු ඇති බව ද කියා සිටියේය.

නව දේශපාලන ගමනක් :

තමන් මෙම වැඩකොටස ඉටුකරන්නේ රට සහ ජනතාව වෙනුවෙන් බව පැවසූ ජනාධිපතිවරයා, දූෂිත සාම්ප්‍රදායික දේශපාලන ගමන වෙනස් කර නව දේශපාලන ගමනකට රටේ ජනතාව සූදානම් විය යුතු බව ද කියා සිටියේය.

මෙලෙස වංචා දූෂණ පිලිබඳ සෙවීමට කොමිෂන් සභා පත්කරමින් වැරදිකරුවන්ට දඬුවම් ලබාදීමේ ක්‍රමය රට තුළ ක්‍රියාත්මක වන්නේ බණ්ඩාරනායක මැතිතුමාගේ පාලන සමයෙන් පසුව බව සඳහන් කළ ජනාධිපතිවරයා, වංචාවට දූෂණයට එරෙහි බණ්ඩාරනායක ප්‍රතිපත්තිය සමග එම වගකීම වෙනුවෙන් අද තමන් කැපවී සිටින බව ද අවධාරණය කළේය.

පසුගිය ආණ්ඩු සමයේදී රට තුළ අන්ත දූෂිත ඇමතිවරුන් සිටියත් ඔවුන්ට එරෙහිව එම නායකයින් කිසිඳු පියවරක් නොගත් බව ද ජනාධිපතිවරයා සඳහන් කළේය.

ආර්ථීක කළමණාකරණ වගකීම බාරගන්නවා :

රටේ සහ ජනතාවගේ ජීවන වියදම් පිළිබඳව මතුව ඇති ගැටලූ විසඳමින් ඉදිරියට ගමන් කරන අතර වසර 03 ක් එක්සත් ජාතික පක්ෂයට භාරදී තිබූ රටේ ආර්ථීක කළමණාකරණ වගකීම තමා විසින් භාරගෙන අවශ්‍ය විසදුම් රටත් ජනතාවත් වෙනුවෙන් ලබා දෙන බව ද මෙහිදී පැවසු ජනාධිපතිවරයා, දේශීය කර්මාන්ත හා දේශීය කෘෂිකර්මාන්තය රකින වැඩපිළිවෙළ ද වහ වහා ආරම්භ කරන බව කියා සිටියේය.

පඩුවස්නුවර ආසනයේ ශ්‍රී ලංකා නිදහස් පක්ෂ ප්‍රධාන සංවිධායක අමාත්‍ය දයාසිරි ජයසේකර මහතා විසින් මෙම ජනහමුව සංවිධානය කරතිබිණ.

Comment (0) Hits: 973

හිටපු මහ බැංකු අධිපති සැකකරුවකු කර උසාවියට කැඳවයි

බැඳුම්කර ගනුදෙනුව සම්බන්ධයෙන් ප්‍රකාශයක් ලබා ගැනීම සඳහා ලබන 15 වැනිදාට පෙර අපරාධ පරීක්ෂණ දෙපාර්තමේන්තුවේ පෙනී සිටින ලෙස මහ බැංකුවේ හිටපු අධිපති අර්ජුන් මහේන්ද්‍රාන් මහතාට කොටුව මහේස්ත්‍රාත් අධිකරණය විශේෂ නියෝගයක් නිකුත් කළේය.

දැනට සිංගප්පූරුවේ වාසය කරන්නේ යයි සැලකෙන මහබැංකු හිටපු අධිපති අර්ජුන් මහේන්ද්‍රන් මහතා පෙබරවාරි පහළොස් වනදාට ප්‍රථම ශ්‍රී ලංකාවට පැමිණ රහස් පොලිසිය වෙත කට උත්තරයක් ලබාදෙන නියෝගයක් නිකුත් කරන ලෙස නීතිපති දෙපාර්තමේන්තුවේ ජ්‍යෙෂ්ඨ නියෝජ්‍ය සොලිසිටර් වසන්ත කෝදාගොඩ මහතා කළ ඉල්ලීමක් සැලකිල්ලට ගනිමින් විමර්ශනයට සහාය දැක්වීමක් ලෙස කොටුව මහේස්ත්‍රාත් ලංකා ජයරත්න මහත්මිය අද (02දා) මෙම නියෝගය නිකුත් කළාය.

එම නියෝගයේ ඉංග්‍රීසි පිටපතක් සිංගප්පුරුවේ අන්තර්ජාතික පොලිසිය මගින් මහේන්ද්‍රන් මහතාට ලැබීමට සලස්වන ලෙස ද මහේස්ත්‍රාත්වරිය දැනුම් දී සිටියාය.

 

1517560513 Mahendran Aloysius and Palisena named suspects 3

මහ බැංකුවේ හිටපු අධිපති අර්ජුන් මහේන්ද්‍රන් සහ අර්ජුන් ඇලෝසියස් සැකකරුවන් ලෙස නම්කරයි.

එසේම, දැඩි මතභේදයට තුඩුදී තිබෙන 'මහබැංකු බැඳුම්කර සිද්ධියේ' සැකකරුවන් ලෙස, හිටපු මහබැංකු අධිපති අර්ජුන් මහේන්ද්‍රන්, පර්පෙචුවල් ට්‍රෙෂරීස් සමාගමේ සභාපති අර්ජුන් ඇලෝසියස් සහ එම සමාගමේ ප්‍රධාන විධායක අධ්‍යක්ෂ කසුන් පළිසේන යන පුද්ගලයින් නම් කිරීම සඳහා කොළඹ කොටුව මහේස්ත්‍රාත් අධිකරණය අද රහස් පොලීසියට අවසර ලබා දුන්නේය.

රහස් පොලිසිය වෙනුවෙන් නීතිපති දෙපාර්තමේන්තුවේ නිලධාරීන් කළ ඉල්ලීමක් සලකා බැලීමෙන් පසුව කොළඹ කොටුව මහේස්ත්‍රාත් ලංකා ජයරත්න මහත්මිය මෙම නියෝග නිකුත් කළාය.

මහබැංකු බැඳුම්කර සිද්ධිය පිළිබඳව සොයා බැලූ ජනාධිපති කොමිසම සිදුකර තිබෙන නිර්දේශ මත, රහස් පොලිසිය පරීක්ෂණයක් ආරම්භකර ඇති බව නීතිපති දෙපාර්තමේන්තුවේ අතිරේක සොලිස්ටර් ජනරාල්වරයා අධිකරණය හමුවේ කියා සිටියේය.

එම පරීක්ෂණවල දී අදාළ සිද්ධියට මහ බැංකුවේ හිටපු අධිපති අර්ජුන් මහේන්ද්‍රන්, පර්පෙචුවල් ට්‍රෙෂරීස් සමාගමේ සභාපති අර්ජුන් ඇලෝසියස් හා එම සමාගමේ ප්‍රධාන විධායක කසුන් පළිසේන යන පුද්ගලයන් සම්බන්ධ බවට සැකකෙරෙන තොරතුරු අනාවරණය වී ඇති බැවින්, ඔවුන් සැකකරුවන් ලෙස නම් කිරීමට ඉඩදෙන මෙන්, රජයේ නීතිඥවරයා අධිකරණයෙන් ඉල්ලා සිටියේය.

කොළඹ කොටුව මහේස්ත්‍රාත්වරිය අර්ජුන් මහේන්ද්‍රන්, අර්ජුන් ඇලෝසියස් සහ කසූන් පළිසේන යන පුද්ගලයින් මහබැංකු බැඳුම්කර සිද්ධියේ සැකකරුවන් ලෙස නම් කිරීමට අවසර ලබා දුන්නේ එම ඉල්ලීම පිළිගනිමිනි.

විශේෂ නියෝගයක් !

මේ අතර අර්ජුන් ඇලෝසියස් මහතාගේ පර්පචුවල් ට්‍රේෂරීස් සමාගම සතු වත්කම් සහ අරමුදල් කිසිඳු පාර්ශවයකට තෑගි කිරීම, මාරු කිරීම, ආයෝජනය කිරීම තහනම් කරමින් කොටුව මහේස්ත්‍රාත් අධිකරණය අද (02) විශේෂ නියෝගයක් නිකුත් කළේය.

 

Comment (0) Hits: 950

පෙබරවාරි 06 පාර්ලිමේන්තු විවාදයත් කඩාකප්පල් කිරීමේ සුදානමක්

 
එළඹෙන පෙබරවාරි 06 වනදා පැවැත්වීමට නියමිත ජනාධිපති කොමිෂන් වාර්තා 2 ක පිළිබඳ පාර්ලිමේන්තු විවාදය කඩාකප්පල් කිරීමේ සුදානමක් ඇති බව දුෂණ විරෝධී පෙරමුණේ සභාපති උලපනේ සුමංගල හිමියන් සඳහන් කරයි.
 
උන්වහන්සේ මෙම අදහස් පළකර සිටියේ ඊයේ (01) පැවති දේශපාලන සංවාදයකට එක්වෙමින්ය.
 
එහිදී වැඩිදුරටත් අදහස් දැක්වූ උලපනේ සුමංගල හිමියන් සඳහන් කර සිටියේ 6 වැනිදා පාර්ලිමේන්තුව කැඳවීමේ විවාදය ජනාධිපති කොමිෂන් වාර්තා දෙක පිළිබඳ පිළිබඳ විවාදය පැවැත්වීමේ අපේක්ෂාව මෙම වාර්තා දෙකෙහි ඇතුළත් කාරනා පිළිබඳ ජනතාව වැඩිදුරටත් දැනුවත්වීම වුවත් එම අවස්ථාව වළක්වාලීම වෙනුවෙන් මෙම කඩාකප්පල්කාරී කටයුත්ත සිදුවීමට යන බවය.
 
අදාළ කොමිෂන් සභා වාර්තා දෙකෙහි සඳහන් දුෂණ සහ වංචා පිළිබඳ විවාද කිරීමට පැය 24ක කාලයක් වෙන් කළත් එම කාලය කොහෙත්ම ප්‍රමාණවත් නොවන බවත් ඒ හමුවේ ලබාදුන් සීමිත කාලය තුළ පවා පැවැත්වීමට නියමිත විවාදය කඩාකප්පල්කාරී කිරීමේ සුදානම පාර්ලිමේන්තු විවාදය සිදුකළ බවට බොරු මවාපෑමක් සිදුකර ජනතාව රැවටීමේ සුදානමක් බවද උන්වහන්සේ පැවසීය.
 

 කොමිෂන් වාර්තා පිළිබඳ විවාදය පෙබ. 6න් අවසන් නෑ

මේ අතර ඊයේ (01) නිවේදනයක් නිකුත් කරමින් කතානායක කාර්යාලය සඳහන් කර සිටියේ ජනාධිපති කොමිෂන් වාර්තා දෙක පිළිබඳ විවාදය පෙබරවාරි 06 වනදා පැවැත්වීමට දින නියම කරගෙන ඇත්තේ එම විවාදය මැතිවරණ ක්‍රියාවලියටද බාදාවක් නොවන පරිදි කටයුතු කල යුතුව තිබූ නිසා වුවත් එම විවාදය පෙබරවාරි 06 වනදා සම්පූර්ණයෙන්ම පවත්වා අවසන් වන බවක්   ඉන් අදහස්  නොවන බවත්ය.

 විවාදයේ දිනය වෙන්කළේ  පක්ෂ නායකයින්ගේ පොදු එකඟතාවයෙන් 

එසේම පාර්ලිමේන්තුවේ පක්ෂ නායකයින්ගේ අදහස් පරිදි ඒ සඳහා අවශ්‍ය තරම් ඉදිරි දින යොදාගැනීමේ හැකියාව පවතින බවත් “පෙබරවාරි 06"  විවාදය  සඳහා යොදාගැනීම පිළිබඳව තීරණය කරන  ලද්දේ  2018.01.30  දින  පැවැති පක්ෂ නායක රැස්වීමේ දී බවද එම නිවේදනයේ සඳහන් කර ඇත.

තවද මීට පෙර අග්‍රාමාත්‍යවරයා   විසින් යෝජනා කර තිබූ  දිනය මැතිවරණ ක්‍රියාවලිය සමඟ ප්‍රායෝගික අපහසු වන  බව  මැතිවරණ  කොමිසන් සභාව  විසින් පෙන්වා දීමේන් අනතුරුව ඒකාබද්ධ විපක්ෂය හා ජනතා විමුක්ති පෙරමුණේ නියෝජිතයන්  විසින් විකල්ප දිනයක්  ලෙස පෙබරවාරී 06 සලකා බැලිය හැකි බව පෙන්වා දුන් බවත්  ශ්‍රි ලංකා  නිදහස් පක්ෂ නියෝජිතයා ද ඊට එකඟතාවය පල කල අතර, ද්‍රවිඩ  ජාතික සන්ධානයේ  නියෝජිතයා ද   එදින  විවාදය සඳහා තම පක්ෂය   සූදනම් බව දැන්වූ බවද අදාළ නිවේදනයේ වැඩිදුරටත් සඳහන් කර තිබේ.

පාර්ලිමේන්තුව පෙබරවාරි 06 පැවැත්වීමේ  බහුතර අදහස පිළිබඳව අග්‍රාමාත්‍යවරයා දැනුවත් කළ බවත් ඒ පිළිබඳව අග්‍රාමාත්‍යවරයා  එකඟත්වය පල කිරීම මත ජනවාරී 06  දින පාර්ලිමේන්තුව කැඳවන ලෙස  ස්ථාවර  නියෝග අංක 14  යටතේ අග්‍රාමාත්‍යවරයා  වෙත  පැවරී  ඇති බලතල ප්‍රකාරව කථානායකවරයාගෙන් නිලවශයෙන් ලිඛිතව ඉල්ලා  සිටින  ලද බවත් එම නිවේදනයේ සඳහන්ය.

Comment (0) Hits: 975

රවි ''කී කතාව සහ කී නොකී කතාව'' රටටම කියන්න යයි !

බැඳුම්කර සිද්ධිය සම්බන්ධයෙන් පලවන ඇතැම් ප්‍රකාශයන් තුලින් මෙම මැතිවරණ සමය තුල තමන්ටත්, එක්සත් ජාතික පක්ෂයටත් බලවත් අගතියක් සිදුව ඇතයි පවසන හිටපු මුදල් අමාත්‍ය රවී කරුණානායක මහතා, එම චෝදනා සම්බන්ධයෙන් තම ස්ථාවරය පැහැදිලි කරමින් ටැබ්ලොයිඩ් ප්‍රකාශනයක් මුද්‍රණය කර ඉදිරිදින කිහිපයේදී ජනතාව අතරට ගොස් බෙදා හැරීමට කටයුතු යොදා ඇතැයි වාර්තාවේ.

තමන්ගේ වරප්‍රසාද කඩවීමක් සම්බන්ධව පාර්ලිමේන්තුවේ සිදුකිරීමට නියමිතව තිබූ විශේෂ ප්‍රකාශය කතානායකවරයා පූර්ව දැනුම්දීමකින් තොරව අත්හිටුවීම නිසා ඔහු එම ප්‍රකාශය මාධ්‍යවෙත නිකුත්කර තිබිණ.

එම ප්‍රකාශයේ ඇතුලත් තොරතුරු පාදක කර ගනිමින් ඉහත සඳහන් ටැබ්ලොයිඩ් ප්‍රකාශනය සකස්කර ඇතැයි පැවසේ.

බැදුම්කර කොමිසමේ වාර්තාවේ සඳහන්ව ඇතැයි ජනාධිපතිවරයා කීවු ප්‍රකාශ තුලින් තමාට බලවත් අගතියක් සිදුවූ බව පවසන රවී කරුණානායක මහතා, කෙසේවුවද මැතිවරණය ඉලක්කකර ගනිමින් ජනාධිපතිවරයා කරන කියන දෑ එතරම් බැරෑරුම්ව නොසලකන බවද කියා සිටියි.

ravi pic 1000 px

වීඩියෝ

 

සබැඳි පුවත් :
වාරණයවූ රවීගේ විශේෂ ප්‍රකාශය මෙන්න

මතු සම්බන්ධයි

Comment (0) Hits: 1046

මන්නාරමේ ගමකින් ඉවත් වන ලෙස පුරාවිද්‍යා නියෝගයක් (වීඩියෝ)

වසර හතලිහකට වඩා වැඩි කාලයක් මන්නාරම මලික්කයිපිටි ග්‍රාමයේ නිල අයිතිය සහිතව ජීවත් වන ගම්වාසීන් පිරිසකට පලාතෙන් ඉවත් වන ලෙස පුරා විද්‍යා දෙපාර්තමේන්තුව විසින් නිවේදනය කිරීමත් සමග ප්‍රදේශවාසීහු නොසන්සුන් වී සිටිති.

වසර දෙදහසකට වඩා පැරණි පුරා විද්‍යා නටබුන් මලික්කයිපිටි ග්‍රාමයේ ඇතැයි පවසා එම පුරාවස්තු පිහිටි ස්ථානයේ සිට මීටර 500 ක් තුළ ජීවත් වන ජනතවට ඉවත් වන ලෙස දැනුම් දී ඇත.

මන්නාරම නානාට්ටාන් ප්‍රාදේශීය කොට්ඨාශයේ පිහිටා තිබෙන මලික්කයිපිටි ග්‍රාමයේ පවුල් 69 ක් ජීවත් වන අතර ඒ අතරින් පවුල් බහුතරයකට මෙලෙස ඉවත් වන ලෙස දැනුම් දී තිබේ.

එමෙන්ම එම ඉඩම් තුළ වගා කටයුතු නොකරන ලෙසද පුරා විද්‍යා නිලධාරීන් විසින් දැනුම් දී ඇත.

යුද්ධය නිමා වීමෙන් පසු ස්ථිර නිවාස තනා ගනිමින් ජීවත් වන තමන් මේ හේතුවෙන් මහත් අපහසුතාවයට පත්ව ඇති අතර තම ඉඩම් සදහා ඔප්පු තිබියදීත් ඉඩම් වලින් ඉවත් වන ලෙස පුරා විද්‍යා නිලධාරීන් දිනපතා කරන දැනුමි දීම මහත් අසාධාරණයක් බව ගම්වාසීහු පෙන්වා දෙති.

පුරාවිද්‍යා හා වන රක්ෂිතවලට අයත් භූමි ප්‍රදේශ වල වාඩිලාගෙන හිඳීමට බාධා නොකරන බලධාරීන් දෙමළ ජනතාව එහි පදිංචි වීම වැලක්වීමට ගන්නා උත්සාහය ගැන නොසතුට පල කරන උන්හිටිතැන් අහිමිවූවන් කිහිපවර ඊට විරෝධය පල කර තිබේ.

වීඩියෝ

 

(radiogagana)

 

Comment (0) Hits: 919

දිලිත්ගේ අලුත් පත්තරේ 'සත්හඬ' නමින් !

ප්‍රකට ව්‍යාපාරික දිලිත් ජයවීර මහතා 'ජනයුගය' පුවත්පත් ආයතනයේ නවීන මුද්‍රණාලය මිලදී ගනිමින් අලුතින් ප්‍රකාශයට පත් කිරීමට නියමිත ජාතික පුවත්පත සඳහා 'සත්හඬ' වෙළඳ නාමය යොදා ගැනීම සඳහා මේවනවිට සාකච්ජා ආරම්භ කර ඇති බව වාර්තාවේ.

මෙම නව පුවත්පත සඳහා 'දෙරණ' නාමය යොදා ගැනීමට මුලදී තීරණයවී තිබුන ද දෙරණ මාධ්‍ය ජාලයේ අධ්‍යක්ෂ මණ්ඩල සාමාජිකයින් ගෙන් බහුතරය එම තීරණයට විරෝධය පළකර ඇති අතර පුවත්පත් ආයතනය හා මුද්‍රණාලය වෙනම සමාගම් ලෙස පවත්වාගෙන යන ලෙස දිලිත් ජයවීර මහතාට යෝජනා කර ඇතැයි පැවසේ.

ඒ අනුව, මෑතකදී වැසුන 'සත්හඬ' පුවත්පතේ වෙළඳ නාමය ලබාගැනීම සඳහා දිලිත් ජයවීර මහතා එම පුවත්පත පවත්වාගෙන ගිය 'පීපල්ස් පවර් මිඩියා' සමාගමේ බලධාරියකු සමග සාකච්ජා කර තිබෙන නමුත් ගනුදෙනුව සම්බන්ධයෙන් එකගත්වයක් ඇතිකර ගැනීමට මෙතෙක් අපොහොසත්ව ඇත.

අද දෙරණ රුපවාහිනී හා ගුවන් විදුලි මාධ්‍ය ජාලයේ සභාපතිවරයා වන දිලිත් ජයවීර මහතා, ලංකාවේ ප්‍රසිද්ධම දැන්වීම් ආයතනයක් වන 'ට්‍රයි ඇඩ්' ආයතනයේද ප්‍රධානියා වේ.

විශාල මුදලක් ආයෝජනය කරමින් ආරම්බ කල 'ජනයුගය' පුවත්පත ආර්ථික දුෂ්කරතා හේතුවෙන් පසුගියදා වසා දැමිණ.

එසේම, ආණ්ඩුවේ ප්‍රබලයකුගේ මැදිහත්වීමෙන් පවත්වාගෙන ගිය 'සත්හඬ' පුවත්පතද ආර්ථික දුෂ්කරතා මත මිට සති දෙක තුනකට පෙර වසා දමනු ලැබිය.

 සබැඳි පුවත්:

ගෝඨාට 'කඩේ' යන්න 'බැඳුම්කර' පත්තරය 'දෙරණ' ලේබලයෙන් !

Comment (0) Hits: 4469

ඡන්දය ඉවරවෙනතෙක් අලෝසියස්ට විසුමක් නැහැ ! - බැංකු ගිණුම් තවදුරටත් අත්හිටුවයි !!

අපරාධ පරීක්ෂණ දෙපාර්තමේන්තුව වෙනුවෙන් නීතිපතිවරයා විසින් අද (01) දින කොළඹ මහාධිකරණයට කරන ලද ඉල්ලීම සළකා බැලු කොළඹ මහාධිකරණය මහ බැංකුවේ මූල්‍ය විමර්ශන අංශයේ අධ්‍යක්ෂවරයා විසින් පසුගිය සතියේදී පර්පචුවෙල් ටේ‍රෂරීස් සමාගමට අයත් ආයතන 24 ක බැංකු ගිණුම් අත්හිටුවීමට ගත් තීරණය දීර්ඝ කිරීමට නියෝග කළේය.

මෙම ගිණුම් අත්හිටුවීමේ තීන්දුව දින 30 ක් සඳහා වලංගු වන අතර, එය නැවත අලූත් කිරිමේ හැකියාව පවතී.

මෙම ක්‍රියාමාර්ග ගෙන ඇත්තේ පර්පචුවෙල් ට්‍රේෂරිස් සමාගම හෝ ඒ වෙනුවෙන් කටයුතු කරන වෙනත් පාර්ශ්ව මහබැංකු බැ`දුම්කර ගනුදෙනුවෙන් අයථා ලෙස උපයන ලද මුදල් වෙනත් පාර්ශ්ව වෙත ගලායම වැළැක්වීම පිණිසය.

ඒ අනුව අනාගතයේදී උක්ත සමාගම විසින් සාපරාධී ලෙස උපයන ලද මුදල් රජයට නැවත අයකර ගැනීමේ සහ රාජසන්තක කරගැනීමේ ක්‍රියාමාර්ග නිෂ්ඵල නොවනු පිණිස එම සමාගමේ ගිණුම්වල මුදල් ආරක්ෂා වී පවතිනු ඇත.

 

බැඳුම්කර ගනුදෙනුවෙන් රජයට අහිමි වූ මුදල් නැවත අය කර ගැනීමේ ක්‍රියාමාර්ගවල මෙන්ම මෙම සාපරාධි ක්‍රියාවට සම්බන්ධවූවන්ට දඬුවම් ලබාදීමට ගෙන යන වැඩපිළිවෙළේ සාර්ථකත්වය මෙම නඩු තීන්දුව තුළින් තවදුරටත් තහවුරු වනු ඇතැයි ජනාධිපති මාධ්‍ය අංශය පවසයි.

Comment (0) Hits: 990

BBC ය පිරිමින්ට වැඩි සැලකිලි දක්වන බවට චෝදනා !

සාධාරණ ලෙස වැටුප් ගෙවීමට අසමත් වීමෙන් BBC මාධ්‍ය ආයතනය සමානාත්මතා නීති බිඳ දමා ඇතැයි එහි සේවයේ නියුතු කාන්තාවන් 170 ගෙන් සැදුම් ලත් කණ්ඩායමක් චෝදනා එල්ල කරති.

එබැවින් ආයතනය තමන්ගෙන් සමාව අයැදිය යුතු බවත්, හිඟ පඩි ගෙවිය යුතු බවත්, විශ්‍රාම වැටුප් සංශෝධනය කළ යුතු බවත් ඔවුන් ඉල්ලා ඇතැයි බ්‍රිතාන්‍ය ජනමාධ්‍ය වාර්තා කර තිබේ.

BBC කාන්තා ව්‍යාපාරයට අනුව, සමාන වැටුප් ගෙවීමට අපොහොසත් වීම පිළිබඳව පැහැදිලි කරුණු ගෙනහැර දක්වන සාක්ෂි ඔවුන් විසින් බ්‍රිතාන්‍ය පාර්ලිමේන්තු තාක්ෂණ, සංස්කෘතික, මාධ්‍ය සහ ක්‍රීඩා (DCMS) කමිටුව වෙත ඉදිරිපත් කොට ඇත.

පුරුෂයකු හා සම තනතුරේ සිටින කාන්තාවකට අඩු වේතනයක් හිමිවීම සහ ලෙඩ නිවාඩු හෝ මාතෘ නිවාඩු වැනි ප්‍රතිලාභ නොලැබෙන බාල ගණයේ ගිවිසුම් වල එළැඹ සිටීම යන සිදුවීම් ඇතුලත් උදාහරණ 14 ක් ඔවුන් එහිදී ඉදිරිපත් කර තිබේ.

ළිං මැඩි මානසිකත්වයෙන් :

එක සමාන වැටුප් නීති පිළිබඳව කියා සිටීමෙන් පසුව පමණක් සිය ගෙවීම් ප්‍රමාණය ඉහල දැමු නමුත් තවමත් තමන්ට හිමිවන්නේ එම රැකියාවේම නිරත වන පිරිමි සගයන්ට වඩා අඩු, එනම් පවුම් 10, 000 ක් පමණ වේතනයක් බව 2001 සිට 2016 දක්වා ස්කොට්ලන්ත BBC සේවයේ සෞඛ්‍ය වාර්තාකාරිනිය වශයෙන් රැකියාවේ නියුතුව සිටි එලනොර් බ්‍රැඩ්ෆෝඩ් පවසන්නීය.

“BBC කළමනාකරුවන් පෞද්ගලිකවම මේ සඳහා පිටුබලය ලබා දෙන මුත් සමහරක් තවමත් සිටින්නේ ළිං මැඩි මානසිකත්වයෙන්. ඒවගේම සම කාන්තා වැටුප් මාතෘකාව කරලියට ගෙන අවස්ථාවලදී තමන්ට එරෙහිව එල්ල වන සැඟවුණු තර්ජන වලට මුහුණ දීමට ද ස්ත්‍රීන්ට සිදුව තිබෙනවා,” යනුවෙන් කාන්තා කාර්ය මණ්ඩලයට එල්ල වී ඇති තර්ජන පිළිබඳව ද ලිඛිත සාක්ෂිය මඟින් කරුණු සපයා ඇත.

වැඩි පඩි ගන්නා 2/3 ක් පිරිමි:

සිය කාර්යමණ්ඩලයේ වැඩි වැටුප් ලබන්නන්ගෙන් තුනෙන් දෙකක්ම පුරුෂයන් බවට පසුගිය වසරේදී BBC සේවය විසින් කළ හෙළිදරව්වෙන් අනතුරුව සම වැටුප් නොගෙවීම පිළිබඳව ඔවුන් වෙත දැඩි විවේචන එල්ල වන්නට විය.

මාධ්‍ය ආයතනයේ “රහසිගත සහ නීති විරෝධී” වැටුප් සංස්කෘතියට විරෝධය පල කරමින් මෙම මස මුලදී කැරී ග්‍රේසී චීන සංස්කාරකවරියගේ ඉල්ලා අස්වීමත් සමඟ එම පීඩනය තවත් ඉහල ගොස් තිබේ.

(radiogagana)

Comment (0) Hits: 909

ගෝඨාට 'කඩේ' යන්න 'බැඳුම්කර' පත්තරය 'දෙරණ' ලේබලයෙන් !

පසුගියදා වසා දමනු ලැබූ 'ජනයුගය' පුවත්පත 'දෙරණ' නමින් යලි ප්‍රකාශයට පත් කිරීමට මේවනවිට සාකච්ජා ආරම්භ වී තිබේ.

බැඳුම්කර පත්තරය ලෙස දේශපාලන ක්ෂේත්‍රයේ ආන්දෝලනයට ලක්වූ 'ජනයුගය' පුවත්පත් ආයතනය මිළදි ගැනීම සඳහා 'අද දෙරණ' නාලිකාවේ සභාපති දිලිත් ජයවීර මහතා, 'ජනයුගය' පුවත්පත් ආයතනයේ ප්‍රධානි අර්ජුන් ඇලෝසියස් මහතා සමග පසුගිය දින කිහිපයෙහි සාකච්ජා වට කිහිපයක් පවත්වා ඇතැයි වාර්තාවේ.

ඒ පළමු පියවර ලෙස 'ජනයුගය' පුවත්පත් ආයතනයේ නවීන මුද්‍රණාලය මිලදී ගැනීම සඳහා ජයවීර මහතා විසින් එකඟත්වයකට පැමිණ ඇතැයි පැවසේ.

විශාල මුදලක් ආයෝජනය කරමින් ආරම්බ කල 'ජනයුගය' පුවත්පත ආර්ථික දුෂ්කරතා හේතුවෙන් පසුගියදා වසා දැමිණ.

ප්‍රශ්නගත බැඳුම්කර ගනුදෙනුව සම්බන්ධයෙන් චෝදනා ලැබ සිටින අර්ජුන් ඇලෝසියස් මහතාට අයත් පර්පචුවෙල් ව්‍යාපාර සමූහයේ සමාගම් 28හිම බැංකු ගිණුම් වහාම ක්‍රියාත්මක වන පරිදි තහනම් කිරීමට මහ බැංකු මූල්‍ය බුද්ධි ඒකකය පියවර ගෙන තිබීම එම පුවත්පත වසා දැමීමට ආසන්නතම හේතුව විය.

අද දෙරණ රුපවාහිනී හා ගුවන් විදුලි මාධ්‍ය ජාලයේ සභාපතිවරයා වන දිලිත් ජයවීර මහතා, ලංකාවේ ප්‍රසිද්ධම දැන්වීම් ආයතනයක් වන 'ට්‍රයි ඇඩ්' ආයතනයේද ප්‍රධානියාවේ.

දැඩි ගෝඨාවාදියකු ලෙස සැලකෙන දිලිත් ජයවීර මහතා මෙසේ මාධ්‍ය ජාලයක් ගොඩනගන්නේ ඉදිරි ජනාධිපතිවරණයට ගෝඨාභය රාජපක්ෂ මහතා ගෙන ඒමේ අරමුණින් විය හැකියැයි මේවනවිට දේශපාලන ක්ෂේත්‍රයේ කසුකුසුවක් හටගෙන තිබේ.

Comment (0) Hits: 1583

Page 617 of 642