V2025

පුවත්

අගමැති, මැලේසියානු අග්‍රාමාත්‍යවරයා හමුවේ

අග්‍රාමාත්‍ය රනිල් වික්‍රමසිංහ මහතා සහ මැලේසියානු අග්‍රාමාත්‍ය ශ්‍රී හාජි මොහොමඩ් නජිබ් බින් තුන් හාජි අබ්දුල් රසාක් (Sri Haji Mohammad Najib bin Tun Haji Abdul Razak) 19 වනදා අරලියගහ මන්දිරයේ දී හමු වී සාකච්ඡා පවත්වා ඇත.

මෙම අවස්ථාවට ඉඩම් සහ පාර්ලිමේන්තු ප්‍රතිසංස්කරණ අමාත්‍ය සහ ආණ්ඩු පාර්ශවයේ ප්‍රධාන සංවිධායක ගයන්ත කරුණාතිලක, විශේෂ කාර්යභාර අමාත්‍ය සරත් අමුණුගම, සංවර්ධන උපාය මාර්ග හා ජාත්‍යන්තර වෙළඳ අමාත්‍ය මලික් සමරවික්‍රම, නීතිය හා සාමය සහ දක්ෂිණ සංවර්ධන අමාත්‍ය සාගල රත්නායක, සංවර්ධන කාර්යභාර සහ විදේශ කටයුතු අමාත්‍ය තිලක් මාරපන, විදුලි සංදේශ හා ඩිජිටල් යටිතල පහසුකම් අමාත්‍ය හරින් ප්‍රනාන්දු, ජාතික ප්‍රතිපත්ති හා ආර්ථික කටයුතු නියෝජ්‍ය අමාත්‍ය ආචාර්ය හර්ෂ ද සිල්වා, අග්‍රාමාත්‍ය ලේකම් සමන් ඒකනායක, මැලේසියාවේ ශ්‍රී ලංකා මහ කොමසාරිස් ඒ.ජේ.එම් මුසම්මිල්, වැඩ බලන රජයේ ප්‍රවෘත්ති අධ්‍යක්‍ෂ ජනරාල් නීතිඥ සුදර්ශන ගුණවර්ධන යන මහත්වරුන් ඇතුලු පිරිසක් සහභාගී වී සිටියහ.

View the embedded image gallery online at:
http://newstube.lk/news?start=3906#sigProId0d7ad32ac9

Comment (0) Hits: 155

ගතවන අවුරුද්ද මාධ්‍යවේදිනියන්ට අපලයි

ලොව පුරා වෙසෙන මාධ්‍යවේදීන් සහ මාධ්‍යවේදිනියන් 65 දෙනකු ගෙවුණු 2017 වසර තුලදී ඝාතනය වී ඇතැයි ජාත්‍යන්තර රාජ්‍ය නොවන සංවිධානයක් අනාවරණය කරයි.

මාධ්‍යවේදීන්ට එරෙහිව දියත් කෙරෙන ප්‍රචණ්ඩත්වය සහ අපයෝජන පිළිබඳව දේශසීමා රහිත වාර්තාකරුවෝ (RSF) සංවිධානය විසින් මේ වසරේ එලි දැක්වූ වාර්ෂික වාර්තාවට අනුව තවත් 326 දෙනකු සිරගත කර, 54 දෙනකු ප්‍රාණ ඇපකරුවන් ලෙසින් රඳවා තබාගෙන ඇති අතර දෙදෙනකු අතුරුදහන්ව තිබේ.

ඝාතනයට ලක්වූ මාධ්‍යවේදීන් 65 දෙනා සිය රාජකාරි කටයුතුවල නියැලෙමින් සිටින විට දී මාරාන්තික තුවාල ලැබීමෙන් (උදාහරණයක් වශයෙන් කාලතුවක්කු බෝම්බ ප්‍රහරයකින්) හෝ ඔවුන්ගේ වාර්තාකරණයෙන් යම් පුද්ගලයකු කෝපයට පත්වීම හේතුවෙන් මරණයට පත් පුද්ගලයෝ වෙති.

කෙසේ වෙතත් පසුගිය 14 වසරට සාපේක්ෂව වෘත්තීය මාධ්‍යවේදීන් අවම වශයෙන් ඝාතනයට ලක් වූ වසර මෙය බව සංඛ්‍යාලේඛන මගින් පෙන්වා දෙයි.

අතිශය අනතුරුදායක අඩියකට වැටි ඇති සිරියාව, යේමනය සහ ලිබියාව වැනි රටවලින් වාර්තාකරුවන් පලා යමින් සිටින නමුත් ඔවුන් ආරක්ෂා කිරීමේ අවශ්‍යතාව ක්‍රමයෙන් ඉහල යමින් පවතින බව RSF සංවිධානය ප්‍රකාශ කර තිබේ.

නමුත් මෙම වසර මාධ්‍යවේදිනියන්ට එතරම් යහපත් එකක් නොවන බව ද ඔවුන් පෙන්වා දී ඇත.

2017 වසර තුලදී වාර්තාකාරිනියන් 10 දෙනෙක් ජිවිතක්ෂයට පත්ව තිබේ. එය 2016 වසරට සාපේක්ෂව දෙගුණයකි.

ඔවුන්ගෙන් බහුතරයක් මෝල්ටාවේ ඩැෆ්නී ගලිෂියා, ඉන්දියාවේ ගෞරි ලංකේෂ් වැනි අත්දැකීම් සපිරි ගවේෂණාත්මක මාධ්‍යකරණයේ නියැලුණු අය වෙති.

“දුෂණ සහ පාරිසරික අපචාර වැනි ප්‍රධාන පෙළේ පුවත් වාර්තාකරණයේ නියැලෙන ගවේෂණාත්මක මාධ්‍යවේදීන් වැදගත් ක්‍රියා කලාපයක් ඉටු කරනවා සේම ඔවුන්ගේ වාර්තාකරණයෙන් කෝපයට පත්වන උදවියගේ ඉලක්ක බවට පත් වෙනවා,” යනුවෙන් RSF හි මහ ලේකම් ක්‍රිස්ටොප් ඩේලුආ පවසයි.

සිරගත කර සිටින වාර්තාකරුවන්ගෙන් අඩකට ආසන්න පිරිසක් රටවල් 5 ක පමණක් රඳවා ඇතැයි දේශසීමා රහිත වාර්තාකරුවන්ගේ සංවිධානය සඳහන් කරයි.

(radiogagana)

Comment (0) Hits: 220

කොළඹට එජාපෙන් රෝසි

කොළඹ මහ නගර සභාවේ නගරාධිපති අපේක්ෂිකාව ලෙස හිටපු ඇමතිනී රෝසි සේනානායක මහත්මිය නම් කිරීමට එක්සත් ජාතික පක්ෂය තීරණය කර තිබේ.

කොළඹ මහ නගර සභාව සඳහා පුරපති අපේක්ෂකත්වය නම් කළ ද අනෙකුත් සියලුම මහ නගර සභා, නගර සභා සහ ප්‍රාදේශීය සභාවල නගරාධිපති, උප නගරාධිපති හා සභාපති යන තනතුරු විවෘතව තැබීමටද එක්සත් ජාතික පක්ෂය තීරණය කර ඇත.

එක්සත් ජාතික පක්ෂය ප්‍රමුඛ එක්සත් ජාතික පෙරමුණ හෙට (20) සහ අනිද්දා (21) පළාත් පාලන මැතිවරණය සඳහා නාමයෝජනා බාරදීමට නියමිතය.

Comment (0) Hits: 305

ඖෂධ සමාගම් ඉල්ලපු නිසා මිල වැඩි කරන්න සිදුවුණා - ඇමති රාජිත

ඖෂධ මිල 5%කින් වැඩිකිරීමට තීරණය කරනු ලැබුවේ ඖෂධ ආනයනකරුවන් සහ ඖෂධ ආනයනකරුවන්ගේ වාණිජ මණ්ඩලය සිදුකළ ඉල්ලීමකට අනුව බව සෞඛ්‍ය, පෝෂණ හා දේශීය වෛද්‍ය අමාත්‍ය රාජිත සේනාරත්න සඳහන් කරයි.

“ඖෂධ මිල සියයට 5කින් වැඩිවීම පිළිබඳව සුව ඇමති කරුණු පැහැදිලි කරයි” යනුවෙන් අමාත්‍යංශයේ මාධ්‍ය අධ්‍යක්ෂවරයාගේ අත්සනින් යුතුව අද (19) නිකුත් කර ඇති නිවේදනයේ මේ බව සඳහන් වෙයි.

එම නිවේදනයට අනුව ඖෂධ මිල වැඩි කිරීම සඳහා වන ඉල්ලීම ඖෂධ ආනයනකරුවන් ඉදිරිපත් කර තිබෙන්නේ ඩොලරයට සාපේක්ෂව ලෝක වෙළඳපොලේ ඖෂධ මිල ඉහළයාම පදනම් කරගෙනය.

ඒ අනුව අදාළ ඉල්ලේම සම්බන්ධව ජාතික ඖෂධ නියාමන අධිකාරිය අධ්‍යයනයක් සිදුකළ බවත් ඖෂධ මිල 5%කින් වැඩි කිරීමේ තීරණය ගනු ලැබුවේ ඉන් පසුව බවත් එම නිවේදනයේ සඳහන්ව ඇත.

මෙම මිල වැඩිවීම සඳහන් ගැසට් නිවේදනය වසරක කාලයක් සඳහා බලපැවැත්වෙන බවත් එම කාලය තුළ ලෝක වෙළඳපොලේ ඖෂධ මිල ඉහල ගියද ශ්‍රී ලංකාව තුළ ඖෂධ මිලේ වෙනසක් සිදුනොවන බවට සෞඛ්‍ය අමාත්‍යවරයා පැවසු බවද එම නිවේදනයේ සඳහන්ය.

එසේම ගැසට් නිවේදනයේ සඳහන් ආකාරයට වඩා වැඩි මිලකට ඖෂධ අලෙවි කරන අලෙවිසැල් සම්බන්ධව විමර්ශනය කිරීම සඳහා ජාතික ඖෂධ නියාමන අධිකාරිය කටයුතු කරන බවද එම නිවේදනයේ වැඩිදුරටත් සඳහන්ව ඇත.

මේ අතර 5%කින් ඖෂධ මිල වැඩිකිරීම සම්බන්ධව පාරිභෝගික අයිතීන් සුරැකීමේ ජාතික ව්‍යාපාරය සඳහන් කර සිටින්නේ තමන් විසින් එල්ලකළ චෝදනාව අමාත්‍යවරයාගේ කරුණු පැහැදිළි කිරීමේ නිවේදනය හරහා ඔප්පුවී ඇති බවය.

එම පුවත https://newstube.lk/news/330-2017-12-18-16-38-42

අමාත්‍යවරයා නිකුත් කළ නිවේදනය පහත පළකර ඇත.

IMAGE01020002

 

Comment (0) Hits: 160

නි. අමාත්‍ය නිමල් ලංසා ඉල්ලා අස්වෙයි

ස්වදේශ කටයුතු නියෝජ්‍ය අමාත්‍ය ගම්පහ දිස්ත්‍රික් පාර්ලිමේන්තු මන්ත්‍රී නිමල් ලංසා සිය නියෝජ්‍ය අමාත්‍ය ධුරයෙන් ඉල්ලා අස්වී ඇත.

පාර්ලිමේන්තු මන්ත්‍රී නිමල් ලංසාගේ ඉල්ලා අස්වීමේ ලිපිය මේ වන විට ජනාධිපතිවරයා වෙත යොමුකර ඇත.

මේ අතර ඒකාබද්ධ විපක්ෂයේ දේශපාලන ආරංචිමාර්ග සඳහන් කර සිටින්නේ නිමල් ලංසා මන්ත්‍රීවරයා නියෝජ්‍ය අමාත්‍යධුරයෙන් ඉල්ලා අස්වී ඒකාබද්ධ විපක්ෂය හා එක්වූ බවය.

කෙසේ වුවත් ආණ්ඩුවේ දේශපාලන ආරංචිමාර්ග සඳහන් කර සිටින්නේ නිමල් ලංසා සිය ධුරයෙන් ඉවත්වීම ආණ්ඩුවට හෝ ශ්‍රී ලංකා නිදහස් පක්ෂයට කිසිඳු ගැටළුවක් නොවන බවත් එය කොතරම් ආශීර්වාදයක්ද යන්න ඉදිරියේදී ඔප්පුවනු ඇති බවත්ය.

ආණ්ඩුවේ ප්‍රකාශකයා වෙතින් newstube.lk වැඩිදුරටත් කරුණු විමසීමේදී ඔහු සඳහන් කර සිටියේ ඉදිරියේදී ඒකාබද්ධ විපක්ෂයේ ප්‍රබලයන් කිහිපදෙනෙකු ආණ්ඩුවට එක්වීමට නියමිත බවත් ඔවුන්ට දේශපාලන ශක්තියක් ලබාදීම සඳහා මේ අවස්ථාව ප්‍රයෝජනයට ගැනීමට කටයුතු කරන බවත්ය.

එසේම නිමල් ලංසා ඒකාබද්ධ විපක්ෂයට එක්වීමට තීරණය කර ඇති බව තමන් නිල වශයෙන් නොදන්නා බවත් එසේ එක්වීමට තීරණය කර ඇත්නම් එය පුදුමවීමට කාරණයක් නොවන බවද ඔහු පැවසීය.

Comment (0) Hits: 225

වතුකරයේ ළමුන්ගේ වර්ධනය හීන කරන පටිපනු රෝගයක් !

කඳුකරයේ වතු ආශ්‍රිත දරුවන් අතර පටිපණු රෝගයක් සීඝ්‍රයෙන් ව්‍යාප්තවී යමින් පවතින බව පේරාදෙණිය විශ්ව විද්‍යාලය විසින් අනාවරණය කර ගෙන තිබේ.

වයස අවුරුදු 12 දක්වා දරුවන් අතරින් සියයට තිහකට මෙම රෝගය වැළදී ඇතැයි පේරාදෙණිය වෛද්‍යපීඨයේ පරපෝෂී විද්‍යා දෙපාර්තමෙන්තුවේ අංශ ප්‍රධානී ජ්‍යෙෂ්ඨ කථිකාචාර්ය සුසුජි වික්‍රමසිංහ පවසයි.

ඇස්කාරීස් ලැම්බ්‍රිකෝයිඩේස් (Ascaris Lumbricoides) නම් පටිපණු රෝගය වතුකරයේ දරුවන්ට වැළදී ඇති අතර රෝගය වළක්වා ගැනීම සදහා කඩිනම් පියවර ගත යුතුව ඇතැයි ඔහු පෙන්වා දෙයි.

Up Country 2

ජ්‍යෙෂ්ඨ කථිකාචාර්ය සුසුජි වික්‍රමසිංහ

නාගරික ප්‍රදේශවල මෙම රෝග ව්‍යාප්ති අගය 1%ක් වැනි අවම අගයක පවතින නමුත් මහනුවර හා ඒ අවට වතු ඇසුරින් කළ පර්යේෂණයකදී වතුකරයේ දරුවන්ට 30%ක් වැනි අගයක මෙම රෝගය වැළදී ඇති බව අනාවරණය වී ඇත.

වතුකරයේ නිසි සනීපාරක්ෂක පහසුකම් නොමැතිවීම මත රෝගය සීඝ්‍රයෙන් පැතිර යන බවත් එකම වැසිකිළිය පවුල් කිහිපයක් භාවිතා කිරීම, කුඩා ළමුන් එළිමහනේ මළ පහ කිරීම හා එහි බැක්ටීරියා ආහාරවලට මිශ්‍රවීම මගින් රෝගය පැතිර යන බවත් මෙම කරුණු පේරාදෙණිය විශ්ව විද්‍යාලය මගින් සංවිධානය කරන ලද ඝර්ම කළාපීය රෝග සම්බන්ධ අන්තර් ජාතික සමුඵවේදි විශේෂ සාකච්ඡාවකට බඳුන් කළ බවද ජ්‍යෙෂ්ඨ කථිකාචාර්ය සුසුජි වික්‍රමසිංහ ප්‍රකාශ කරයි.

මෙම රෝගය වැළඳීම මගින් ළමුන්ගේ වර්ධනයේ හීන වීමක් ඇති වන අතර නිසි පරිදි ඖෂධ ගැනිමෙන් මෙම රෝගය ඉතා පහසුවෙන් වලක්වා ගත හැකි බව ජ්‍යෙෂ්ඨ කථිකාචාර්ය සුසුජි වික්‍රමසිංහ වැඩි දුරටත් පෙන්වා දෙයි.

ආසාදිත අයකුගේ මළපහ සමඟ පිටවන පණු බිත්තර ජලය සහ කෑම සමග මිශ්‍රව තවත් අයෙකුගේ ශරීරය තුළට ඇතුළු වීමෙන් මෙම රෝගය ව්‍යාප්ත වන පෙන්වා දෙන ජ්‍යෙෂ්ඨ කථිකාචාර්ය සුසුජි වික්‍රමසිංහ අවධාරණය කරන්නේ වතු නිවාස ආශ්‍රිත සනීපාරක්ෂිත කටයුතු තව දුරටත් සංවර්ධනය කළ යුතු බවයි.

මෙම රෝගය වලක්වා ගැනීම සඳහා සෞඛ්‍ය අංශ මගින් නිසි ප්‍රතිකාරයන් අඛන්ඩව ක්‍රියාත්මක කළ යුතුව තිබෙන බවද හෙතෙම වැඩි දුරටත් අවධාරණය කරයි.

(radiogagana - නදීක දයා බණ්ඩාර)

Comment (0) Hits: 219

'කයිවාරුව විතරයි' : අඩුකළ බෙහෙත් මිල යළි වැඩිකරලා !

''රජය විසින් මිල අඩුකළ බෙහෙත් වර්ග 48 මිල නැවත වැඩිකරලා. අවසානයේ පාරිභෝගිකයාට ඉතුරු උනේ ඇමතිතුමාගේ කයිවාරැ විතරයි’ යයි පාරිභෝගික අයිතීන් සුරැකීමේ ජාතික ව්‍යාපාරය පවසයි.

එම සංවිධානයේ සභාපති රංජිත් විතානගේ විසින් නිකුත් කරන ලද නිවේදනයක එබව සඳහන් වේ.

එම නිවේදනයේ වැඩිදුරටත් මෙසේද දැක්වේ.

2016 ඔක්තෝබර් 21 අංක 1989/61 අතිවිශේෂ ගැසට්පත මගින් අත්‍යවශ්‍ය බෙහෙත් වර්ග 48 මිල අඩු කරන ලද අතර ඒ පිළිබදව විශාල මාධ්‍ය ප්‍රචාරයක් ලබා දෙන ලද. සෞඛ්‍ය අමාත්‍යංශය ඒ සදහා විශාල මුදලක්ද වියදම් කර ඇත.

එහෙත් 2017 දෙසැම්බර් මස 14 දින අංක 2049/31 අති විශේෂ ගැසට් පත්‍රය මගින් නැවත එම බෙහෙත් වර්ග 48 මිල ඉහළ දමා ඇත.

මෙම නිසා මෙරට රෝගීන්ට මේවන විට බෙහෙත් මිලදී ගැනීමට සිදුව ඇත්තේ එම මිළ ගණන් වලටය.

බෙහෙත් වර්ග 48 ක මිල අඩු කිරීම නිසා ප්‍රමිතියකින් යුක්තව බෙහෙත් නිෂ්පාදනය කරන ලද සමහර සමාගම් දේශීය වෙළදපොලෙන් ඉවත් විය.

 ඇමතිට හිතවත් සමාගම් !

ඒ අනුව සිදුවූයේ බාල වර්ගයේ බෙහෙත් නිපදවන අඩු මිලක් නියමවි තිබූ බෙහෙත් වල මිල වැඩිවීමය. එම සමාගම් ඇමතිවරයාට හිතවත් සමාගම් බවටද විවිධ කතා ඇති විය.

කෙසේ වෙතත් අවසානයේ සිදු වූයේ අඩු මිලක් නියම වි තිබූ බෙහෙත් වර්ගවලට පිය පුතු අනුග්‍රයෙන් වැඩි මිලක් නියමවීමය.

අපට යහපාලන රජයෙන් ඇසිය යුතුව ඇත්තේ මෙරට ජනතාව ගොනාට ඇන්දවීම නවතා දමන්නේ කවදාද? යන්න හා ප්‍රචාරණ කටයුතු සදහා විශාල ලෙස චියදම් කරන ලද මුදල ගෙවන්නේ කවුද යන්න පමණි.''

 

Comment (0) Hits: 283

රනිල් මහින්ද මෛත්‍රී තුන තල් රා, පොල් රා, කිතුල් රා වගේ

තල් රා, පොල් රා, කිතුල් රා, වෙනස්ව පෙනුනත් සියල්ල තාල වර්ගයේ මෙන් රනිල්, මහින්ද මෛත්‍රී යන කණ්ඩායම්ද පාර්ශව තුනක් ලෙස පෙනෙන එකම කඳවුරක් බවත් ඔවුන් යටතේ දූෂිතයන් පාදඩයන් සල්ලාලයන්ගේ තිප්පොළවල් බවට පත්වී තිබෙන ප‍්‍රාදේශීය සභා ජනතාවගේ නියෝජිත ආයතන බවට පත්කිරීමේ අභියෝගය ජනතා විමුක්ති පෙරමුණ බාරගන්නා බව ජනතා විමුක්ති පෙරමුණේ නායක පාර්ලිමේන්තු මන්ත්‍රී අනුර කුමාර දිසානායක සඳහන් කරයි.

අනුර දිසානායක මන්ත්‍රීවරයා මේ බව සඳහන් කර සිටියේ 17 වනදා සුගතදාස ගෘහස්ත ක්‍රීඩාගාරයේ පැවති ජනතා විමුක්ති පෙරමුණේ පළාත් පාලන අපේක්ෂක සමුළුව අමතමින්ය.

එහිදී සමුළුව අමතමින් ඔහු මෙසේද පැවසීය.

අපි ඉදිරියේ තියෙන්නේ 2015 මාර්තුවල පවත්වන්න නියමිතව තිබුණු මැතිවරණයක්. අවුරුදු තුනකට ආසන්න කාලයක් මැතිවරණය කල් ගිහිල්ලා. පළාත් පාලන ආයතනයක නිල කාලයම අවුරුදු හතරයි. ඡන්දය කල් දාන්න ආණ්ඩුවට විවිධ දේශපාලන වුවමනාවල් තිබුණා. අද අපි මේ ඡන්දයට මුහුණ දෙන්නේ 2012 වසරේදී පාර්ලිමේන්තුවේ සම්මත කරගත් ඉතාම විකෘති ඡන්ද ක‍්‍රමය යටතේ නොවෙයි.

විකෘති ජන්ද ක්‍රමය වෙනස් කළා

බහු පක්ෂ දේශපාලනය මුළුමනින්ම අකුලා දමා ද්වි පක්ෂ දේශපාලනයකට දොරටු විවෘත කරන විකෘති ක‍්‍රමයක් තිබුණේ. 2017 සැප්තැම්බර් මාසයේදී ඒ ඡන්ද ක‍්‍රමය වෙනස් කොට, ජනතාවට හිතවාදී මැතිවරණ ක‍්‍රමයක් ඇතිකර ගන්න ජනතා විමුක්ති පෙරමුණ දැවැන්ත කාර්ය භාරයක් ඉටුකළා. ඒ ජයග‍්‍රහණයන් සමග ප‍්‍රජාතන්ත‍්‍රවාදී ලෙස ජනතාවට තමන්ගේ නියෝජිතයා තෝරා පත්කර ගැනීමේ අරමුණට පටහැනිව යම් දේශපාලන කඳවුරකට බලය තහවුරුකර ගැනීමේ සීමා නිර්ණයකුත් තිබුණා. මේ තත්ත්වයත් වෙනස්කර ගන්න අභියාචනා කොමිෂන් සභාවක් හරහා අපිට හැකි වුණා.

අශෝක සහ උපුල් ජවිපෙ සමඟ

ඒ අභියාචනා කොමිෂන් සභාවේ සභාපති හැටියට කටයුතු කළ අශෝක පීරිස් මැතිතුමා ඒ කොමිෂන් සභාවේ සාමාජිකයෙකු ලෙස කටයුතු කළ නීතිඥ උපුල් කුමරප්පෙරුම මැතිතුමාත් මේ සමුළුවට සහභාගි වී ඉන්නවා. මේ වගේ ජයග‍්‍රහණ එක්කයි මේ මැතිවරණයට අපි එකතු වෙලා ඉන්නේ.

ජනාධිපතිට අභියෝග කළා

මෛතී‍්‍රපාල සිරිසේන ජනාධිපතිවරයාගේ කණ්ඩායම මැතිවරණය කල් දාගන්න අධිකරණ කි‍්‍රයාමාර්ගවලට ගිය බව අපි දන්නවා. ඉන් දවස් තුනකට පස්සේ එතුමා පාර්ලිමේන්තුවට ආවා. එතකොට අපි කතාකරමින් සිටියා. එදා අපි එතුමාට බල කරලා, අභියෝග කරලා, කිව්වා ඔයාගේ චක්ගෝලයන්ට කියලා මේ නඩුව ඉල්ලා අස්කර ගන්න කියලා. ඡන්දය කල් දාන්න පවරා තිබුණු නඩුව සතියක් යනකොට ඉල්ලා අස්කර ගත්තා. ජනතා විමුක්ති පෙරමුණ මෙම මැතිවරණයට අවතීර්ණ වෙන්නේ ඡන්දය කල්දාන්න ආණ්ඩුව විවිධ උපක‍්‍රම අනුගමනය කළ වෙලාවක, ඒ සියලූ කුමන්ත‍්‍රණ පරාජය කළ ජයග‍්‍රහණයත් එක්කයි. පළාත් පාලන මැතිවරණය කියන්නේ ජනතාවගේ ගම්වල තිබෙන ප‍්‍රශ්න විසඳා ගන්න නියෝජිතයන් පත්කර ගන්නා මැතිවරණයයි. නමුත් තෝරා යැවූ අය කරල තියෙන්නේ මොනවාද? පුවත්වල පළවූ තෝරාගත් කිහිපයක් ගැන මම කියන්නම්.

පළාත් පාලන ලොක්කන්ගේ කෙරුවාව

‘මාවනැල්ල ඩිපෝ අධිකාරිට අරණායක සභාපති පහරදෙයි’, ‘නියාගම සභාපතියි, ගෝලයොයි යුවලකට තුවාල වෙන්න ගහලා’, ‘කොලොන්නාව නගර සභාවේ සභාපති, උප සභාපති සමග ගුටි හුවමාරුවක’, ‘සිසුන් හතරක් සහ සිසුවියන් හතර දෙනෙකුට පහරදුන් හිටපු ප‍්‍රාදේශීය සභා මන්තී‍්‍ර සොයා පොලිස් පරීක්ෂණ’, ‘බැංකුවට පැන බිරියට පහරදුන් සන්ධාන මන්තී‍්‍ර අල්ලන්න අධිකරණ නියෝගයක්’, ‘පොස්පේට් සේවකයන්ට පහරදුන් තලාව ප‍්‍රාදේශීය මන්තී‍්‍ර රිමාන්ඞ් භාරයට’, ‘පුද්ගලයෙකුට පහරදීම නිසා බියගම ප‍්‍රාදේශීය සභාවේ සන්ධාන මන්තී‍්‍ර අත්අඩංගුවේ’, ‘සංචාරක හෝටලයේ කළමනාකරුට පහරදී දේපළවලට හානි කළ බදුල්ල නගර සභාවේ සන්ධාන මන්තී‍්‍ර රිමාන්ඞ් භාරයේ’, ‘කාන්තාවකට පහරදුන් කතරගම මන්තී‍්‍ර ඇපමත මුදාහරී’, ‘පොලිස් කොස්තාපල්ට පහරදුන් ඇඹිළිපිටිය ප‍්‍රාදේශීය සභා සභාපති රිමාන්ඞ් භාරයේ’, ‘වාරිමාර්ග නිලධාරියෙකුට පහරදුන් කරුවලගස්වැව සභාපති රිමාන්ඞ් භාරයේ’, ‘මීගමුව නගර සභාවේ සන්ධාන මන්තී‍්‍ර ජේලර්ගේ කන පලයි’, ‘පෑලියගොඩ සභාපති සහ උපසභාපති ගුටි ඇන ගනිති’, ‘බුලත්සිංහල පොලිසියට පහරදුන් ප‍්‍රාදේශීය සභා මන්තී‍්‍ර ගමෙනුත් පැන ගිහින්’, ‘දැරණියගල ප‍්‍රාදේශීය සභා සභාපති කී‍්‍රඩකයෙකුට පහරදී අත්අඩංගුවේ’, ‘වෛද්‍යවරයෙකුගේ බිරියකට තර්ජනය කළ සන්ධාන මන්තී‍්‍රට ලක්ෂ දෙකක ඇප’, ‘බෙන්තොට ප‍්‍රාදේශීය සභාවේ සභාපති උපසභාපතිගේ දතක් ගලවයි’, ‘අල්ලස්ගෙන වලල්ලාවිට ප‍්‍රාදේශීය සභා සභාපති අත්අඩංගුවට’, ‘යටියන්තොට ප‍්‍රාදේශීය සභා සභාපති අල්ලස් ගනිද්දී අත්අඩංගුවට’, ‘හිඟුරක්ගොඩ ප‍්‍රාදේශීය සභාවේ සභාපතිගේ හොර වාහන අටක් අල්ලයි’, මේ වගේ තව විශාල ලැයිස්තුවක් මා අතේ තිබෙනවා.

පසුගිය කාලය පුරාම, හොරුන්ගේ දූෂිතයන්ගේ සහ දාමරිකයන්ගේ ගුහාවක් බවට ප‍්‍රාදේශීය සභා පත්කරගෙන තිබුණා.

ජවිපෙ වගකීම

ඒ නිසා, අද අපිට වගකීමක් පැවරී තිබෙනවා. දූෂිතයන්ගේ, පාදඩයන්ගේ, සල්ලාලයන්ගේ තිප්පොළවල් බවට පත්වී තිබෙන, මේ ප‍්‍රාදේශීය සභා ජනතාවගේ නියෝජිත ආයතන බවට පත්කිරීමට. ඒ අභියෝගය සහ වගකීම ජනතා විමුක්ති පෙරමුණේ ඔබ අප හැමට තිබෙනවා. අපි ඒ කාර්ය භාරය ඉටුකළ යුතුව තිබෙනවා. ඒ ඇයි? උඩ ඉන්න ජාතික මට්ටමේ වංචනිකයන්ගේ, දූෂිතයන්ගේ පාලනයේ ආරක්ෂාව වෙනුවෙන් ප‍්‍රාදේශීය සභා යාන්ත‍්‍රණය ගොඩනඟලා තිබෙනවා. ඇමතිගේ ඡන්දයට වැඩකරන්න, ඇමතිගේ කොන්ත‍්‍රාත් එක කරල දෙන්න ඉහළ දේශපාලන යාන්ත‍්‍රණයේ බලය පහළ යාන්ත‍්‍රණයේ වංචනිකයන්ගේ, දූෂිතයන්ගේ, සල්ලාලයන්ගේ තැනක් බවට පත්කරගෙන තිබෙනවා. ගම්බිම් පිටින් ජනතාව බියට පත්කරමින් තිබෙනවා. දැරියන්ව දූෂණයට පත්කරනවා. මේ අය කි‍්‍රයා කළේ වනසරාලා වගේ. ඔවුන් විරාජමානව වැජඹුණා.

මේ ප‍්‍රාදේශීය සභා හරහා හැදෙන යාන්ත‍්‍රණය ඉහළ බල අධිකාරය ශක්තිමත් කර තිබෙනවා. ඒනිසා මේ පළාත් සභා මැතිවරණයේදී ඉහළ පාලන පාදඩ යාන්ත‍්‍රණය ගම් මට්ටමින් බිඳවට්ටා දුර්වල කොට, ජනතා විමුක්ති පෙරමුණේ යාන්ත‍්‍රණය ජයග‍්‍රහණය කොට, ශක්තිමත් මට්ටමින් ඔසවා තැබිය යුතුයි. ඉහළ පාදඩයන්ගේ ආරක්ෂාව, රැකවරණය සහ බලය ශක්තිමත් කළ පහළම තැනින් එය බිඳ දැමීම ආරම්භ කළ යුතුයි.

බොරු දේශප්‍රේමය

මහින්ද රාජපක්ෂ කියන්නේ රට බෙදීම වළක්වන්න තමන්ට ඡන්දය දෙන්න කියලයි. මේක රටේ ඉරණම තීරණය කරන ඡන්දය කියලා ඔවුන් දිගින් දිගටම කියනවා. රට බෙදන එක වළක්වන්න ජී. එල්.ගේ පක්ෂයට ඡන්දය දෙන්න කියන එකයි, ඔවුන්ට ඉතිරිවී තිබෙන්නේ. බොරු දේශපේ‍්‍රමිත්වය මේ ඡන්දයේදී ද, පාවිච්චි කරනවා. මාතෘ භූමිය පිළිබඳවත්, රටේ ජනතාව පිළිබඳවත් ඔවුන්ට තියෙන්නේ ව්‍යාජ රඟපෑමක් විතරයි. ජනතා විමුක්ති පෙරමුණේ ඉන්නේ සිංහල, දෙමළ, මුස්ලිම් ජන කොට්ඨාසයන් තුනේම සම අයිතීන් වෙනුවෙන් පෙනී සිටින ජාතිකත්ව වශයෙන් නොබෙදී සිටිය යුතු රට බෙදීමට විරුද්ධ ස්ථාවරයකයි. ඊටත් වඩා වැඩි බරකින් අපේ රටේ ජාතිවාදයටත් විරුද්ධයි. ජාතික අසමානතාවයටත් ඒ වගේම විරුද්ධයි. ජාතික සමගිය වෙනුවෙන් හැම ජන කොට්ඨාසයකම සම අයිතිය වෙනුවෙන් එකමුතු වී සටන් කරන, මේ රටේ එකම දේශපාලන ව්‍යාපාරය ජනතා විමුක්ති පෙරමුණ පමණයි. අනික් පැත්තෙන් මෛතී‍්‍රපාල සිරිසේන මහත්තයාගේ කණ්ඩායම ඉන්නවා. මේ කඳවුරු තුනක් නොවන බව දැන් හොඳටම පැහැදිලියි. මෙච්චර කාලයක් ඒ බව හංගලා තිබුණා. හැබැයි මේ ගෙවීගිය දින කීපය ඇතුළේ මේ සියලූ දෙනාම එක කඳවුරක බව වෙන කවරදාටත් වඩා හොඳින් ඔප්පුකර තිබෙනවා.

Comment (0) Hits: 192

පුංචි ඡන්දය පෙබරවාරි 10 - ප්‍රචාරණ නීති අද සිට වැඩ

යෝජිත පළාත් පාලන මැතිවරණය 2018 වසරේ පෙබරවාරි 10 වනදා පවත්වන බව මැතිවරණ කොමිසම නිවේදනය කරයි.

එසේම පළාත් පාලන ආයතන 248ක් වෙනුවෙන් වන නාම යෝජනා බාරගැනීම අද (18) සිට එළඹෙන 21 වනදා දහවල් 12.00 දක්වා සිදුවන බවත් තැපැල් ජන්ද සඳහා ඉල්ලුම්පත් බාරගැනීමේ අවසන් දිනය එළඹෙන 22 වනදා වන බවත් එම කොමිසම නිවේදනය කරයි.

කොළඹදී අද (18) පැවති මාධ්‍ය හමුවකදී මැතිවරණ කොමිසමේ සභාපති මහින්ද දේශප්‍රිය මහතා මේ බව කියා සිටියේය.

එසේම අද සිට මැතිවණ ප්‍රචාරක කටයුතු සම්බන්ධයෙන් මැතිවරණ නීති ක්‍රියාත්මක කරන බවද සභාපතිවරයා පැවසීය.

Comment (0) Hits: 182

අතුරුදහන් වූවන් සොයා ගැනීමට ජාත්‍යන්තර සහාය (වීඩියෝ)

යුද සමයේ දී ශ්‍රී ලංකාවේ අතුරුදහන් වු පුද්ගලයන්ගේ සංඛ්‍යාව නිවැරදිව සොයාගැනීම සදහා ගත යුතු පියවර සම්බන්ධයෙන් ජාත්‍යන්තර සංවිධාන හා එක්ව ශ්‍රී ලංකාවේ මානව හිමිකම් සංවිධාන කොළඹදී වට මේස සාකච්ඡාවක් පවත්වා තිබේ.

ගෝතමාලාවේ වෝහාරික මානව විද්‍යා පදනම (FAFG) හා ජාත්‍යන්තර අතුරුදහන් වුවන්ගේ කොමිසමේ (ICMP) නිලධාරීන්ගේ සහභාගිත්වයෙන් පැවති එම වට මේස සාකච්ඡාව සංවිධානය කර ඇත්තේ මෙරට ක්‍රියාත්මක වන මානව හිමිකම් සංවර්ධනය සදහා වු මධ්‍යස්ථානය (CHRD) විසිනි.

කොළඹ පුද්ගලික හෝටලයකදී මාර්තු මස 17 සහ 18 යන දෙදින තුළ පැවති එම වට මේස සාකච්ඡාව සදහා යුද සමයේදී උතුරේ මෙන්ම දකුණේත් අතුරුදහන් වු පුද්ගලයන්ගේ පවුල් වල සාමාජිකයන් සහභාගී වී තිබේ.

අතුරුදහන් වුවන් සම්බන්ධයෙන් සොයා බැලීම සදහා ගෝතමාලාව අනුගමනය කර ඇති අත්දැකීම් වට මේස සාකච්ඡාව තුලදී ලබා ගැනිමට හැකි වු බව ඊට සහභාගී වු අතුරුදහන් මාධ්‍යවේදී ප්‍රගීත් එක්නැලිගොඩගේ බිරිද වන සන්ධ්‍යා එක්නැලිගොඩ කියා සිටියාය.

රජයේ කාර්යාලය:

අතුරුදහන්වුවන් සම්බන්ධයෙන් සොයා බැලීම සදහා රජය විසින් ආරම්භ කිරීමට නියමිත කාර්යාලය කෙසේ සකස් විය යුතු ද යන්න සම්බන්ධයෙන් ද එහිදි සාකච්ඡා වු බව ඇය වැඩි දුරටත් පැවසුවාය.

ගෝතමාලාවේ වෝහාරික මානව විද්‍යා පදනම පසුගිය සමයේ ත්‍රිකුණාමල දිස්ත්‍රික්කයේ දීද මෙවැනිම වට මේස සාකච්ඡාවක් පවත්වා තිබේ.

 වීඩියෝ 

පසුගිය නොවැම්බරයේ දී අතුරුදහන්වුවන් සදහා වන ජාත්‍යන්තර කොමිසම සහ ගෝතමාලාවේ වෝහාරික මානව විද්‍යා පදනම යුද්ධයේදී පිඩාවට පත් ජනතාව ,අතුරුදහන්වුවන්ගේ පවුල් වල ඥාතීන් මෙන්ම රජයේ සහ සිවිල් ක්‍රියාකාරීන්ද මුණගැසී සාකච්ඡා පවත්වා තිබේ.

 රාජ්‍ය අනුග්‍රහය:

 ගෝතමාලාවේ සිදුවු සමුල සාතන හා අතුරුදහන් වුවන් පිළිබදව නිවැරදි තොරතරු සොයාගැනීමට ගෝතමාලාවේ වෝහාරික මානව විද්‍යා පදනම සමත්ව ඇති බව අතුරුදහන්වුවන් පිලිබදව සොයා බැලීමේ කමිටුවේ සුන්දරම් මහේන්ද්‍රන් පවසයි.

එරට සමුල සාතනයට ලක්වු පිරිස් සම්බන්ධයෙන් සොයා ගැනීමට සමත් කම් දැක්වු එම සංවිධානය සමුල සාතනය වුවන් වල දමා තිබු තැන් වලින් සිරුරු කොටස් ගොඩ ගෙන ඔවුන් වෙත අවසන් ගෞරව දැක්වීම සදහා ඔවුන්ගේ පවුල් වල සාමාජිකයන්ට අවස්ථාව හිමි කර දී ඇති බව පෙන්වා දෙන සුන්දරම් මහේන්ද්‍රන් අවධාරණය කරන්නේ ඒ සදහා ඔවුන්ට එම රජයේ පුර්ණ අවසරය ලැබී ඇති බවයි.

නමුත් පසුගිය සමයේ ශ්‍රී ලංකාවේ සිදු වු එවැනි සිද්ධින් සම්බන්ධයෙන් තොරතුරු අනාවරණය කරගැනීම සදහා ශ්‍රී ලංකා රජය කොතෙක් දුරට ගෝතමාලාවේ වෝහාරික මානව විද්‍යා පදනමට බලතල ලබා දෙන්නේද යන්න සම්බන්ධයෙන් ප්‍රශ්නකාරී බව ඔහු කියා සිටියේය.

 පුද්ගල අතුරුදහන් වීම් විසිදෙදහසක්

 යුද සමය සහ ඉන් පසු කාලය තුල තමන්ට වාර්තාවී ඇති ශ්‍රී ලංකාවේ පුද්ගල අතුරුදහන් වීම් විසිදෙදහසක් සම්බන්ධයෙන් අතුරුදහන්වුවන් පිලිබදව සොයා බැලීමේ කමිටුව ඉකුත් නොවැම්බරයේ එක්සත් ජාතීන්ට දැනුම් දී තිබේ.

ශ්‍රී ලංකාවේ යුද්ධයේ අවසාන භාගයේදී හතලිස් දහසකටත් හැත්තෑ දහසකටත් අතර ජනකායක් මිය ගිය බවට එක්සත් ජාතීන්ගේ සංවිධානය ගණන් බලා ඇති අතර මන්නාරමේ රදගුරු රායප්පු ජෝසප් උගත් පාඩම් හා සංහිඳියාව සඳහා වන ජනාධිපති කොමිසමට (LLRC) කියා තිබුනේ වන්නියේ විසූ එක්ලක්ෂ හතලිස් දහසකට අධික පිරිසක් ආගිය අතක් නැති බවයි.

(radiogagana)

Comment (0) Hits: 260

ගෝල්ඩන් කී වංචාවටත් වඩා බරපතල වංචාවක් !

ශ්‍රී ලංකා මහ බැංකුවේ මුදල් මණ්ඩලයේ ලියාපදිංචි මූල්‍ය සමාගමක් වන ඊ.ටී.අයි. ෆයිනෑන්ස් ආයතනයේ වත්මන් තත්ත්වය මීට වසර ගණනාවකට පෙර ශ්‍රී ලංකාවේ සිදු වූ විශාලතම මූල්‍ය වංචාව වන ගෝල්ඩන් කී තැන්පතු වංචාවටත් වඩා බරපතල එකක් බව ආර්ථික විශ්ලේෂකයෝ පෙන්වා දෙති.

තැන්පත්කරුවන් 9056 දෙනෙක් ගෝල්ඩන් කී සමාගමේ රුපියල් මිලියන 26500 ක් තැන්පත් කර තිබුණු අතර වංචාව තුළින් පීඩාවට හා සිත්තැවුලට පත් තැන්පත්කරුවන් 26 දෙනකු සිය දිවි නසාගැනීම් හා විවිධ අසනීප හේතුවෙන් ජීවිතක්ෂයට පත්ව තිබුණි.

මෙම බරපතල වංචාව හේතුවෙන් සෙලින්කෝ සමූහ ව්‍යාපරයේ සභාපති සෙලින්කෝ සභාපති ලලිත් කොතලාවල ට සහ ඔහුගේ බිරිය වූ සිසිලියා කොතලාවල ට සිර දඩුවම් හිමි විය.

ස්වර්ණවාහිනිය විකිනීමට :

ඊ.ටී.අයි. ෆයිනෑන්ස් ආයතනයේ‍ දිනෙන් දින ඔඩු දුවන මෙම බරපතල මූල්‍ය කඩා වැටීම හමුවේ ඊ.ඒ.පී සමූහ ව්‍යාපාරයට අයත් ස්වර්ණවාහිනියunnamed ඇතුළු එදිරිසිංහ ට්‍රස්ට් ඉන්වෙස්ට්මන්ට්, ස්වර්ණ මහල්, එදිරිසිංහ ඩිවලොපර්ස්, ඊ.ඒ.පී.සිනමා, , සුව නෙත අක්ෂි රෝහල යන ව්‍යාපාර ඒකාබද්ධ කර විකුණා දැමීමට ඊ.ඒ.පී සමූහයේ වත්මන් පාලකයින් උතසහා දරා ඇති අතර ඒ සියලු උත්සාහයන් අසාර්ථක වී ඇත.

ප්‍රකට ව්‍යාපාරිකයකු වන ධම්මික පෙරේරා, බැදුම්කර මගඩියට සම්බන්ධන අර්ජුන් ඇලෝෂියස් මෙන්ම ජාත්‍යන්තර ජාවාරම්කරුවකු වන සුදීර් ජයරාම් නම් මැලේසියානු ජාතිකයකු ද මෙම ව්‍යාපාර සමූහය මිලට ගැනීමට පැමිණ ඇති අතර දිනෙන් දින අගාධයට යන මෙම ව්‍යාපාර ඔවුන් කුණු කොල්ලෙට ඉල්ලා ඇති බව වාර්තා වේ.

මේ අතර තවත් දේශීය ව්‍යාපාරිකයින් කීප දෙනකු ද මෙම ව්‍යාපාර වෙනුවෙන් යහපත් ලන්සු කීපයක් ඉදිරිපත් කර ඇති අතර මේ වන විට ඔවුන් සමග ඊ.ඒ.පී වත්මන් පාලකයින් සාකච්ඡා කරමින් සිටින බවද වාර්තා වේ.

සබැඳි පුවත් :

ස්වර්ණවාහිනිය ඩොලර් මිලියන 60කට සිංගප්පුරු සමාගමකට !

Comment (0) Hits: 460

රුසියානු තේ වර්ජනය : කෘමියා ඇතුළු වුණ හැටි නවින් කියයි!

“කැප්රා කියන කෘමියෙක් අපේ තේ තොගයකට ඇතුල් වෙලා. ඒ නිසා රුසියානු රජය අපේ තේ ගැනීම තාවකාලිකව නතර කරලා. මෙය පුදුම සහගත දෙයක්. එම කැප්රා කියන කෘමියා ධාන්‍ය බෝගවලට සම්බන්ධ කෘමියෙක් ලෙසයි අපි විශ්වාස කරන්නේ. අපි හිතන විදියට තේ මණ්ඩලයේ මතය නම් මෙම කෘමියා වෙනත් වරායකින් ඇතුල්වෙන්න ඇතියි කියන එකයි." යයි වැවිලි කර්මාන්ත අමාත්‍ය නවීන් දිසානායක මහතා ඊයේ (17) නුවරඑළියේ පැවති උත්සවයක් අමතමින් පැවසිය.

ඒ, රුසියානු තේ තහනමට බලපෑ හේතු පිළිබද අදහස් දක්වමිනි.

 මෙම ගැටළුව රාජතාන්ත්‍රීක මට්ටමින් විසදා ගැනීමට පියවර ගන්නා බවද අමාත්‍යවරයාඑහිදී පැවසිය.

''රුසියාව යනු ශ්‍රී ලංකාවේ විශාලතම තේ ගැණුම්කරුවා වනවා. ශ්‍රී ලංකාව අපනයනය කරන තේ වලින් සියයට 25ක්ම මිළදි ගන්නේ රුසියාවයි. එය එරට මුළු තේ අවශ්‍යතාවයෙන් සියයට 23ක්. ශ්‍රී ලංකාවේ තේ වලට රුසියාව පනවා ඇති තහනම හේතුවෙන් තේ කර්මාන්තයේ නිරත ලක්‍ෂ 3 කට ආසන්න පිරිසකට බලපෑම් එල්ල විය හැකි බව කඳුරට ජනතා පෙරමුණේ නායක, රාජ්‍ය අමාත්‍ය වී රාධ ක්‍රිෂ්ණන් මහතා එහිදී කියා සිටියේය.

 ms 2 1000pxඅනවශ්‍ය බියක් ඇතිකර ගත යුතු නැ- ජනාධිපති

 මේ අතර හපුතලේ අද (17) පැවති ජනහමුවක් අමතමින් ජනාධිපති මෛත්‍රීපාල සිරිසේන මහතා පැවසුයේ, රුසියාව විසින් ශ්‍රී ලංකාවේ තේ සඳහා පනවනු ලැබූ තාවකාලික තහනම ඉවත් කර ගැනීම සඳහා කඩිනමින් කටයුතු කරන බවයි.

මේ පිළිබඳ රුසියානු ජනාධිපති ව්ලැද්මීර් පුටින්ගෙන් විශේෂ ඉල්ලීමක් සිදුකරන බවත්, මිත්‍ර රාජ්‍යයක් ලෙස ඔවුන්ගේ සහාය ශ්‍රී ලංකාවට හිමිවනු ඇති බවටත් ජනාධිපතිවරයා මෙහිදි විශ්වාසය පළ කළේය.

එබැවින් තහනම පිළිබඳ තේ කර්මාන්තයේ නිරත කිසිවෙකුත් අනවශ්‍ය බියක් ඇතිකර ගත යුතු නැතැයි ජනාධිපතිවරයා පැවසිය.

අදාළ ගැටළුවට වගකිව යුතු සමාගමට එරෙහිව සම්පූර්ණ පරීක්‍ෂණයක් සිදුකර නීතිමය ක්‍රියාමාර්ග ගැනීමට ඉදිරියේදී කටයුතු කරන බව ජනාධිපතිවරයා මෙහිදි අවධාරණය කළේය.

 

Comment (0) Hits: 228

කැන්සල්වූ පොහොට්ටු රකින්න භික්ෂුන් මැදිහත් වෙයි

ශ්‍රී ලංකා පොදුජන පෙරමුණ විසින් පළාත් පාලන මැතිවරණයට ඉදිරිපත් කර ප්‍රතික්ෂේප වූ නාම යෝජනා භික්ෂුන්වහන්සේලා මැදිහත්ව නැවත ලබා ගැනීමේ උත්සාහයක් ඇති බව වාර්තා වෙයි.

වාර්තා වන ආකාරයට මහින්දවාදී භික්ෂුන්වහන්සේලා කිහිපනමක් මේ පිළිබඳ පොදුජන පෙරමුණේ සභාපති ජී.එල්. පීරිස් සමඟ සාකච්ඡා කර ඇත.

එහිදී මෙම භික්ෂුන්වහන්සේලා පෙන්වාදී ඇත්තේ අර්බුද මතුව ඇති සියළු නාම යෝජනා නැවත සකස්කර භාරදීම වෙනුවෙන් මැතිවරණ කොමිසමේ සභාපති මෙන්ම අවශ්‍ය වුවහොත් ජනාධිපතිවරයා සමඟද සාකච්ඡා කිරීමට තමන්වහන්සේලා සුදානම් බවය.

එසේම පොදුජන පෙරමුණට වැඩි බලයක් ලබාගැනීමට විශ්වාසයෙන් සිටි මහරගම , පානදුර, වලල්ලාවිට වැනි පළාත් පාලන ආයතන සඳහා තරග කිරීමට අවස්ථාවක් නොමැතිනම් මැතිවරණයට ඉදිරිපත්වීම තේරුමක් නැති කාර්යයක් වන බවද එහිදී සාකච්ඡා කර ඇත.

කෙසේ වුවත් මෙහිදී ජී.එල්.පීරිස් මහතා පෙන්වාදී ඇත්තේ භික්ෂුන්වහන්සේලා සඳහන් කරන ආකාරයේ කටයුත්තකට නෛතික රාමුව තුළ ඉඩක් නොමැති බවය. නමුත් සෑම පක්ෂයකටම අවස්ථාව ලබාදෙන පදනමින් පොදු සම්මුතියක් ඇතිකර ගැනීම වැදගත් බවද ඔවු සඳහන් කර තිබේ.

Comment (0) Hits: 214

පැයට 60යි: පාසල් පරිගණක මධ්‍යස්ථාන කුළියට

පාසල් සතු පරිගණක මධ්‍යස්ථාන භාවිතය ටෙක් ශ්‍රී ලංකා නම් සමාගමට ලබාදීම සඳහා අධ්‍යාපන අමාත්‍යංශය ගෙන ඇති තීරණය සම්බන්ධව ලංකා ගුරු සංගමය විරෝධය පළකර සිටියි.

රාජ්‍ය දේපල අවභාවිතයක්

මේ සම්බන්ධව මාධ්‍ය නිවේදනයක් නිකුත් කරන ලංකා ගුරු සංගමය එහිදී වැඩිදුරටත් පෙන්වා දෙන්නේ රාජ්‍ය දේපලක් පෞද්ගලික සමාගමකට ලාභ ඉපයීමට ලබාදීම රාජ්‍ය දේපල අවභාවිතා කිරීමක්ද වන බවය.

 ප්‍රධාන ලේකම් ජෝසප් ස්ටාලින්ගේ අත්සනින් යුතුව නිකුත් කර ඇති මාධ්‍ය නිවේදනය අනුව පාසල්වලට පිහිටි පරිගණක සම්පත් මධ්‍යස්ථාන මුදල් අයකර පාඨමාලා පැවැත්වීමට ටෙක් ශී‍්‍ර ලංකා ආයතනයට ලබාදීමට අධ්‍යාපන අමාත්‍යාංශය ගෙන ඇති තීරණය 2017.08.03 දිනැති ED/08/26/05/11/01 අංකයෙන් යුතු අධ්‍යාපන ලේකම් වෙනුවට අධ්‍යක්ෂක (තොරතුරු හා සන්නිවේදන තාක්ෂණ) අත්සනින් පරිගණක සම්පත් මධ්‍යස්ථානවලට යොමුකර ඇත.

පැයකට 60යි

‘‘ටෙක් ශී‍්‍ර ලංකා ආයතනය මගින් පවත්වන පාඨමාලා සඳහා පරිගණක සම්පත් මධ්‍යස්ථානවල ඉඩකඩ පහසුකම් ලබාදීම - 2017’’ යන ශීර්ෂයෙන් යුතු එම ලිපියට අනුව ටෙක් ශී‍්‍ර ලංකා ආයතනය පවත්වන පාඨමාලා සඳහා සම්පත් මධ්‍යස්ථානවල ඉඩකඩ මුදල් අයකොට ලබාදිය යුතු බවත් පරිගණක සම්පත් මධ්‍යස්ථාන ලබාදීමේදී අන්තර්ජාල පහසුකම් සහිත පරිගණයක් සඳහා පැයකට රු.60/- බැගින් ද, මධ්‍යස්ථානයේ උපදේශකවරයෙක් පැය 05 ක් සේවය කළහොත් රු.500/- ක් ද, පැය 05 කට වැඩි නම් රු.750/- ක් ද ගෙවන බවත් සඳහන් කර තිබේ.

එසේම මේ වන විට ටෙක් ශී‍්‍ර ලංකා ආයතනයේ සභාපති නෙරංජන් නානායක්කාර නමැති පුද්ගලයෙකුගේ අත්සනින් අදාළ පරිගණක සම්පත් මධ්‍යස්ථාන කළමනාකරුවන් දැනුවත් කර ලිපියක් යොමුකර ඇති බවත් ඊට අනුව ඔවුන් 6 ශ්‍රේණියේ සිට 9 ශ්‍රේණිය දක්වා ශිෂ්‍ය ශිෂ්‍යයාවන් ඉලක්ක ගත කර මුදල් අයකොට පාඨමාලා ආරම්භ කරන බව දන්වා ඇති බවද ලංකා ගුරු සංගමයේ නිවේදනයේ දැක්වේ.

චක්‍රලේඛ උල්ලංඝණය කරලා

මේ සම්බන්ධව වැඩිදුරටත් අදහස් දක්වන ලංකා ගුරු සංගමය පෙන්වා දෙන්නේ මහජන මුදලින් නඩත්තු කරන රජයේ සම්පත් පුද්ලික ආයතනවලට ලාභ ඉපයීමට ලබාදීම රජයේ දේපළ අයථා ලෙස භාවිත කිරීමක් වන බවත් හිටපු අධ්‍යාපන ලේකම් එස්.එම්. ගෝඨාභය ජයරත්න මහතා 2012.08.10 දින නිකුත් කළ 2012/25 දරණ චක‍්‍රලේඛයේ මෙවැනි කුලියටදීම් සිදු නොකළ යුතු බවට ඇති චක්‍රලේඛයද මේ හරහා උල්ලංඝණය වන බව පෙන්වා දෙයි.

Comment (0) Hits: 254

පළාත් පාලන මැතිවරණයේ පළමු ජනහමුව ජනපති ප්‍රධානත්වයෙන් හපුතලේදී .....

මෙවර පළාත් පාලන මැතිවරණය සදහා ජනාධිපතිතුමාගේ ප්‍රධානත්වයෙන් පැවැත්වෙන එක්සත් ජනතා නිදහස් සන්ධානයේ පළමු ජන හමුව ලෙස ලංකා වතු කම්කරු කොංග්‍රසය නියෝජනය කරමින් සෙන්දිල් තොණ්ඩමන් මහතා විසින් සංවිධානය කරන ලද විශේෂ ජන හමුවක් ජනාධිපති ගරු මෛත්‍රීපාල සිරිසේන මැතිතුමාගේ ප්‍රධානත්වයෙන් අද (17) පස්වරුවේ හපුතලේදී පැවැත්විණි.

එක්සත් ජාතික පක්ෂය නියෝජනය කළ හල්දුම්මුල්ල ප්‍රාදේශීය සභාවේ හිටපු උපසභාපති සුගුමාරන් නායර්, හපුතලේ ප්‍රාදේශීය සභාවේ හිටපු මන්ත්‍රි අශෝක උදයකුමාර යන මහත්වරුන් ද මෙහිදී ජනාධිපතිතුමාට සහය පළකරමින් ශ්‍රී ලංකා නිදහස් පක්ෂය හා එක් විය.

අමාත්‍යවරුන් වන නිමල් සිරිපාල ද සිල්වා, ඌව පළාත් ප්‍රධාන අමාත්‍ය චාමර සම්පත් දසනායක, පළාත් අමාත්‍ය සෙන්දිල් තොණ්ඩමන් යන මහත්වරුන් ඇතුථ පළාත් මැති ඇමතිවරුන් ඇතුථ දේශපාලන ක්‍රියාකාරින් රැසක් මීට එක්විය.

( ඡායාරූප : උදේශ් ගුණරත්න - ජනාධිපති මාධ්‍ය අංශය )

View the embedded image gallery online at:
http://newstube.lk/news?start=3906#sigProId87c81e3a66

Comment (0) Hits: 200

ගුවන්යානා ඉන්ධන භූමිතෙල් වීමෙන් කෝටි 49ක පාඩුවක්

හදිසි මිලදී ගැනීමක් ලෙස ඉන්දියන් තෙල් සමාගමෙන් මිලදීගත් ගුවන්යානා ඉන්ධන මෙට්‍රික් ටොන් 14000 ක් නියමිත ප්‍රමිතියෙන් නොමැති නිසා ප්‍රතික්ෂේප වී තිබේ.

එම ප්‍රතික්ෂේපිත ඉන්ධන භූමිතෙල් ලෙස මිලදී ගැනීමට තීරණය කිරීම නිසා රුපියල් කෝටි 49 ක පාඩුවක් දැරීමට ඛනිජ තෙල් සංස්ථාවට සිදු වී තිබේ.

පසුගිය 8 වෙනි දිනට පැමිණීමට නියමිත ගුවන්යානා ඉන්ධන රැගත් නෞකාව ප්‍රමාද වීම නිසා ඉන්දියන් තෙල් සමාගමෙන් මෙම ඉන්ධන තොගය මිලදී ගෙන තිබේ.

පසුව එම ඉන්ධන භූමිතෙල් ලෙස එම මිලට ගැනීමට තීරණය කර ඇත.

ගුවන්යානා ඉන්ධන ලීටරයක් රුපියල් 80 ක් වන අතර භූමිතෙල් ලීටරයක් වන්නේ රුපියල් 45 කි. සංස්ථාවට කෝටි 49 ක පාඩුව සිදු වී ඇත්තේ මේ නිසාය.

එමඟින් රුපියල් 35 ක අමතර පිරිවැයක් ලීටරයකින් පාඩු ලැබීමට සංස්ථාවට සිදුව තිබේ.

හදිසි මිලදී ගැනීම නිසා ලීටරයක් ඩොලර් තුනකට අමතර වියදමක් දරා ආනයනය කළ අතර එමඟින්ද කෝටි 65 කට අධික පාඩුවක් විඳීමට සිදුව තිබේ.

Comment (0) Hits: 390

හෙජින් බේරුම් ක්‍රියාවලියට මිලියන 417ක් ගෙවලා

රුපියල් බිලියන 14.62කට ආසන්න අලාභයක් සිදු වී ඇති හෙජින් ගනුදෙනුවේ බේරුම් කිරීමේ ක්‍රියාවලිය සඳහා පසුගිය සන්ධාන පාලන සමයේ දී ශ්‍රී ලංකා මහා බැංකු අරමුණුවලට පටහැනිව රුපියල් මිලියන 417.32 මුදලක් ගෙවා ඇති බව එහි අභ්‍යන්තර ආරංචි මාර්ග සඳහන් කරයි.

ශ්‍රී ලංකා මහා බැංකුව මෙම ගෙවීම් සිදු කර ඇත්තේ හෙජින් ගනුදෙනුවේ බේරුම් කිරීමේ ක්‍රියාවලිය සඳහා පෙනී සිටි විදේශීය නිතීඥයන්ට 2010 වසරේ සිට 2014 වසර දක්වා කාලය සඳහාය.

මීට අමතරව ශ්‍රී ලංකා මහ බැංකුව විසින් අවලංගු කිරීමේ කටයුතු සඳහා වන පරිපාලන වියදම් ලෙස ආයෝජන ආරවුල් නිරවුල් කිරීම සඳහා වන ජාත්‍යන්තර මධ්‍යස්ථානයට රුපියල් මිලියන 25.62ක්ද, 2015 වසර සඳහා විදේශීය නීතිඥ ගාස්තුවලට අදාළව ගිණුම්වල රුපියල් මිලියන 13.08 ප්‍රතිපාදනයක් ද කර තිබුණි.

විදේශීය නීතිඥයන් සඳහා ශ්‍රී ලංකා මහ බැංකුවේ අරමුණුවලට පටහැනිව හෙජින් ගනුදෙනුවේ බේරුම් කිරීමේ ක්‍රියාවලිය සඳහා ගෙවා ඇති රුපියල් මිලියන 417.32 ක මුදල පිළිබඳව ශ්‍රී ලංකා මහ බැංකුවේ මූල්‍ය අංශයේ ඉහළ පෙළේ නිලධාරියකුගෙන් කළ විමසීමක දී ප්‍රකාශ කළේ හිටපු මහ බැංකු අධිපති අජිත් නිවාඞ් කබ්රාල් මහතා අදාළ ගෙවීම කිරීමට උපදෙස් ලබා දුන්නේ එම මුදල් ආපසු අය කර ගැනීමේ පදනමකින් තොරව බවය.

අවිධිමත් හෙජින් ගනුදෙනුව පිළිබඳව නීතිපති දෙපාර්තමේන්තුව අපරාධ පරීක්ෂණ දෙපාර්තමේන්තුව හා අල්ලස් හෝ දුෂණ චෝදනා විමර්ශන කොමිෂන් සභාව ඉතාම ගැඹුරින් අධ්‍යයන කටයුතු සිදු කරමින් සිටින බැවින් අදාළ ආයතනවල පරීක්ෂණවලට දිය හැකි උපරිම සහාය ලබා දීමට තීරණය කර ඇති බව ඛණිජ තෙල් සම්පත් සංවර්ධන අමාත්‍ය අර්ජුන රණතුංග මහතා මේ සම්බන්ධයෙන් කළ විමසීමක දී පැවසීය.

(සත්හඬ)

Comment (0) Hits: 590

දකුණේ ප්‍රබලයෙක් මත්ද්‍රව්‍ය ජාවාරම්කරුවකු රකී?

මත්ද්‍රව්‍ය ජාවාරමට සම්බන්ධ සැකකරුවන් අත්අඩංගුවට ගැනීමේ දී අත්අඩංගුවට ගැනීමට නියමිත ප්‍රධානම සැකකරුවෙකුට ප්‍රබල ඇමැතිවරයෙකුගේ රැකවරණය ලැබීම නිසා ඔහු අත්අඩංගුවට ගැනීමට පොලිස් මත්ද්‍රව්‍ය නාශක ද අංශයට නොහැකි වී ඇත.

පාකිස්ථානයේ සිට මාලදිවයින හරහා දෙවුන්දර දක්වා ප්‍රවාහනය කරන මත්කුඩු මාළු පෙට්ටිවලට අසුරා බෙදා හැරීම සම්බන්ධ පෑලියගොඩ මාළු වෙළෙඳපොළේ ප්‍රබල ව්‍යාපාරිකයෙකු වන විල්බට් නැමැත්තා ඇතුළු බෙදාහැරීමට සම්බන්ධ පුද්ගලයෙකු වන නාරද නැමැත්තා ද අත්අඩංගුවට ගෙන තිබේ.

කෙසේ වෙතත් සිද්ධීන් යටපත් කිරීමට මේ වන විට රුපියල් කෝටි 20ක් දක්වා ගනුදෙනුවක් සිදු වෙමින් පවතින අතර මෙම තත්ත්වය නිසා සැගව සිටින අය අත්අඩංගුවට ගැනීම ප්‍රමාද කරන බව වාර්තාවේ.

 දෙවුන්දර ඩිලයිට් :

 දෙවුන්දර ඩිලයිට් නමින් ප්‍රසිද්ධ මෙහි ප්‍රධාන තැරව්කරු දකුණේ ප්‍රබල ඇමැතිවරයෙකු සමඟ පවත්වනු ලබන සම්බන්ධතාව නිසා ඔහු අත්අඩංගුවට ගැනීමට නොහැකි වී ඇත.

මෙම ජාවාරම්කරුවන් සමඟ කඹුරුපිටියේ මධූෂ නැමැත්තා සම්බන්ධකම් පවත්වන බවට තොරතුරු හෙළිව තිබේ.

(සත්හඬ)

Comment (0) Hits: 266

Page 218 of 224