V2025

පුවත්

මගේ උපදෙස් පිළිපැද්දා නම් ආණ්ඩුව පරදින්නේ නෑ - මන්ත්‍රී චතුර සේනාරත්න

තමන් ලබාදුන් උපදෙස් අනුව කටයුතු නොකිරීම නිසා පළාත් පාලන මැතිවරණයේදී ආණ්ඩුවට පරාජය වන්නට සිදුවූ බවත් පාර්ලිමේන්තු මන්ත්‍රී චතුර සේනාරත්න සඳහන් කරයි.

තමන් තමන් කී දේ නොඇසූ නායකයන්ට පළාත් පාලන මැතිවරණය හරහා කන හරහා පහරක් ගැසූ ජනතාවට තමන් හිස නමා ආචාර කරන බවද මන්ත්‍රීවරයා සඳහන් කර සිටියි.

පසුගියදා ප්‍රසිද්ධ සභාවකදී මන්ත්‍රීවරයා මේ බව සඳහන් කල අතර එහිදී වැඩිදුරටත් පවසා සිටියේ ජනවාරි 08 වැනිදා ජනතාව පාරට බැස්සේ එක එකාගෙ ඡන්ද ව්‍යාපාරවලට බැදුම්කර මගඩියෙන් සල්ලි අරගෙන ඒවයින් මඩි තරකර ගන්න නොවන බවය.

එසේම මෙම ඡන්ද ප‍්‍රතිඵලය ගැන තමන් වේලාසන දැන සිටි බවත් මේ රටේ ජනතාව ගන්නා තීන්දු තීරණ ගැන තමන් දන්නා බවත් මන්ත‍්‍රිවරයා පැවසු අතර බහ තෝරන වියේ සිට තම පියගෙ හෝ විජය කුමාරතුංග මහතාගේ මේ රටේ දේශපාලන පොරපිටියේ තැලී පොඩි වී තෙම්පරාදු වී ඒ පන්නරය ගත් බවද ඔහු වැඩි දුරටත් කියා සිටියේය.

Comment (0) Hits: 383

මහදැනමුත්තාගේ ක්‍රමයට වැඩ කර එල්ල කළ තඹුත්තේගම ප්‍රහාරය ජවිපෙ හෙළාදකියි

රාජාංගන පානීය ජල ව්‍යාපෘතිය සඳහා විරෝධය දැක්වූ ගොවි ජනතාවට පොලීසිය ලවා ප‍්‍රහාර එල්ල කරවීමත් පසුව ගොවි-ගෙවිලියන් 50කට ආසන්න ප‍්‍රමාණයක් රක්‍ෂිත බන්ධනාගාර ගතකරවීමත් දැඩි පිළිකුළෙන් යුතුව හෙළා දකින බව ජනතා විමුක්ති පෙරමුණ පවසයි.

28 වනදා තඹුත්තේගම සිදුවූ සිදුවීම පිළිබඳ නිවේදනයක් නිකුත් කරමින් ජනතා විමුක්ති පෙරමුණ මේ බව සඳහන් කර සිටියි.

පොදු ජනතාවගේ ගැටලූවට ඇහුම්කන් නොදීමත් තම ගැටලූ සඳහා උද්ඝෝෂණ කි‍්‍රයාමාර්ගවල නිරතවන ජනතාව අධිකරණ නියෝග මත මර්දනය කිරීමත්, ඔවුනට කඳුළු ගෑස් ජල ප‍්‍රහාර හා බැටන් ප‍්‍රහාර එල්ල කරවීමත් අපේ රටේ සියලූම ආණ්ඩුව ජානගත ලක්‍ෂණය වී තිබෙන බවද එම නිවේදනයේ සඳහන්ය.

එසේම විපක්‍ෂයේ සිටින විට ජනතාව ගැන කිඹුල් කඳුළු හෙළන ධනපති නායකයන් බලය අතට ගත්විට හැසිරෙන්නේ බැටන් පොලූවලින් වෙඩි උණ්ඩවලින් ප‍්‍රශ්න විසඳිය හැකි යැයි සිතා බවත් මේ ආණ්ඩුවද එවැනි මුග්ධ ආණ්ඩුවක් බව ප්‍රහාරයෙන් පැහැදිලි වන බවද එහි සඳහන්ව ඇත.

ජවිපෙ විසින් නිකුත් කර ඇති නිවේදනයේ වැඩිදුරටත් මෙසේද සඳහන්ව ඇත.

"අපේ රටේ ආණ්ඩු හැමවිටම ජනතාවගේ දෑස් වසා ජනතාවට හානිකර ව්‍යාපෘති අරඹා ඇති බව ජනතාව අත්දැකීමෙන් දනී. ජලය පිළිබඳ ප‍්‍රශ්නයේදී ගොවි ජනතාවට අයිති ජල සම්පත සමාගම්වලට විකිණීම ආණ්ඩුවල ප‍්‍රතිපත්තිය වී තිබේ. තමන් නොදන්නා රහසිගත ජල ව්‍යාපෘතියකදී ජනතාව ඊට එරෙහි වන්නේ ඒ නිසාය. එය සාධාරණය. වගකිව යුතු ආණ්ඩුවක් නම් කළ යුතුව තිබුණේ, එක්කෝ අදාළ බලධාරීන් මැදිහත් වී ගොවි ජනතාවට කරුණු අවබෝධ කරදී ඔවුන්ගේ සැකය දුරු කිරීමය. නැත්නම් මෙම ජල ව්‍යාපෘතිය හානිකර වූවක් නම් නවතා දැමීමය. එහෙත් ආණ්ඩුව කටයුතු කළේ එසේ නොවේ. අධිකරණ වාරණ නියෝග ගත් ආණ්ඩුව, පොලීසිය ලවා උද්ඝෝෂණය කළ ගොවි ජනතාවට එලව එලවා පහර දුන් අතර අවසානයේ 50කට ආසන්න ප‍්‍රමාණයක් රක්‍ෂිත බන්ධනාගාරගත කළේය. ඒ අතර ජල ව්‍යාපෘතිය තාවකාලිකව නතර කළ බවද කියයි. එය මුලින්ම සිදුකළේ නම් මේ කිසිදු ගැටලූවක් මතුවන්නේ නැත. ගොවි ජනතාව පහර කන්නේ හෝ සිරගත වන්නේ නැත. එහෙත් ආණ්ඩුව කටයුතු කළේ ‘මහදැනමුත්තාගේ’ ක‍්‍රමයටය.

කෙසේ වුවත් රාජාංගන ගොවි ජනතාවගේ හඬට ඇහුම්කන් දෙනවා වෙනුවට ඔවුනට පොලීසිය ලවා පහරදී, සිරගත කරමින් ගොවි ජනයා මර්දනය කිරීමට ආණ්ඩුව ගත් නින්දිත කි‍්‍රයාමාර්ග යළිත් දැඩි පිළිකුළෙන් යුතුව හෙළා දකින අපි, අත්අඩංගුවට ගත් ගොවි නායකයින් ඇතුළු ගොවි ජනතාව වහාම නිදහස් කරන ලෙසත් ගොවි ජනයා මර්දනය කිරීම වහාම නවතන ලෙසත් ගොවි ජනතාවගේ ජීවන වෘත්තියට හානිකර කි‍්‍රයාමාර්ග වහා නවතන ලෙසත් ජනතාවගේ අවබෝධයෙන් හා කැමැත්තෙන් තොරව මෙම සැක සහිත ජල ව්‍යාපෘතිය කි‍්‍රයාවට නොනගන ලෙසත් ආණ්ඩුවට බලකරමු.'

Comment (0) Hits: 229

වන්ධ්‍යාකරණය සඳහා ඖෂධමය ක්‍රමයක් බටහිර වෛද්‍ය ක්‍රමයේ නෑ

වන්ධ්‍යාකරණය සඳහා මේ දක්වා බටහිර වෛද්‍ය ක්‍රමයෙහි ඖෂධමය ක්‍රමයක් නොමති බව සෞඛ්‍ය සේවා අධ්‍යක්ෂ ජනරාල් විශේෂඥ වෛද්‍ය අනිල් ජාසිංහ සඳහන් කරයි.

"මාධ්‍ය මඟින් මතු කෙරෙන වඳ පෙති පිළිබඳව සෞඛ්‍ය පෝෂණ සහ දේශීය වෛද්‍ය අමාත්‍යංශයේ දැනුවත් කිරීමයි" මැයෙන් නිවේදනයක් නිකුත් කරමින් සෞඛ්‍ය සේවා අධ්‍යක්ෂ ජනරාල්වරයා මේ බව සඳහන් කරන අතර බටහිර වෛද්‍ය විද්‍යාවට අනුව වන්ධ්‍යාකරණය සඳහා වර්තමානයේ ඇති එකම ක්‍රමය ශල්‍යකර්මය බවද සඳහන් කර ඇත.

මෙම නිවේදනය නිකුත් කොට තිබෙන්නේ පසුගිය දිනවල සිදුවූ සිදුවීම්වලින් පසුව වඳ පෙති පිළිබඳ සෞඛ්‍ය අමාත්‍යාංශයෙන් සිදුකළ විමසීම් සඳහා ප්‍රතිචාර දැක්වීමක් වශයෙන් වන අතර එහි වැඩිදුරටත් මෙසේද සඳහන් කර තිබේ.

ඇතැම් පුද්ගලයන්ට ප්‍රජනක හැකියාව ස්වාභාවිකව නොමැති වන අවස්ථා ඇති අතර ඒ සඳහා පවුල් සැළසුම් සේවාවන්වල ප්‍රතිකාර ලබාගනිති. අනෙක් අතට තම පවුල සම්පුර්ණ කල පුද්ගලයින් ඉදිරියට අනවශ්‍ය ගැබ් ගැනීම් වළක්වා ගැනීම සඳහා ස්ථිර ක්‍රමයක්, එනම් වන්ධ්‍යාකරණය සඳහා ඉල්ලුම් කල හැක. ඉහත අවස්ථාවන් දෙක සඳහාම මහජනතාවට අවශ්‍ය සේවාවන් ලබාදීමට පවුල් සැලසුම් සේවාවන් සංවිධානය වී ඇත.

Comment (0) Hits: 285

සුසන්ත පුංචිනිලමේ 7 වනදා පොහොට්ටුවේ වේදිකාවට : සුසිල්, ජෝන්, ටී.බී, ලක්ෂ්මන් මාර්තු අග

ශ්‍රී ලංකා පොදුජන පෙරමුණ විසින් ජනමතයට ගරු කර මහ මැතිවරණයක් ලබාදෙන ලෙස බලකරමින් සංවිධානය කර තිබෙන රැලි මාලාවේ පළමු රැලිය මාර්තු 7 වනදා නුගේගොඩ පැවැත්වෙන අතර එම වේදිකාවට නියෝජ්‍ය අමාත්‍ය සුසන්ත පුංචිනිලමේ ගොඩවීමට නියමිත බව වාර්තා වෙයි.

දේශපාලන ආරංචිමාර්ග සඳහන් කරන ආකාරයට පසුගිය දිනවල බැසිල් රාජපක්ෂ මහතා සමඟ සිදුකළ සාකච්ඡාවෙන් පසුව නියෝජ්‍ය අමාත්‍යවරයා ශ්‍රී ලංකා පොදුජන පෙරමුණ ඇතුළු ඒකාබද්ධ විපක්ෂය සමඟ එකතුවීමට තීරණය කර ඇති අතර ඒ බව සංකේතවත් කරමින් නුගේගොඩ වේදිකාවට ගොඩවීමට එකඟතාව පළකර ඇත.

එසේම තවදුරටත් ජනතාවට බොරු කළ නොහැකි බව පවසමින් තමන් පාර්ලිමේන්තුවේ විපක්ෂයේ අසුන් ගන්නා බවට සුසන්ත පුංචිනිලමේ නියෝජ්‍ය අමාත්‍යවරයා පසුගියදා සඳහන් කරන්නට යෙදුනේද බැසිල් රාජපක්ෂ සමඟ සිදුකළ සාකච්ඡා සාර්ථකවීමෙන් පසුව බවද වාර්තා වෙයි.

සුසිල්, ජෝන්, ටී.බී, ලක්ෂ්මන්

මේ අතර ශ්‍රී ලංකා නිදහස් පක්ෂය නියෝජනය කරන ජේෂ්ට නායකයින් තිදෙනෙකු ඇතුළු පිරිසක් 07 වනදා පොහොට්ටු වේදිකාවට ගොඩවීමට නියමිත සිටියත් පාක්ෂිකයින් වෙතින් එල්ලවිය හැකි විරෝධතා හේතුවෙන් එම තීරණය පසුවට කල්තබා ඇති බවද වාර්තා වෙයි.

ඒකාබද්ධ විපක්ෂය නියෝජනය කරන පක්ෂ නායකයකු newstube.lk වෙත සඳහන් කල ආකාරයට ශ්‍රීලනිපය නියෝජනය කරන වත්මන් ආණ්ඩුවේ අමාත්‍යවරුන් වන සුසිල් ප්‍රේමජයන්ත, ජෝන් සෙනවිරත්න සහ ටී.බී. ඒකනායක මෙසේ නුගේගොඩ වේදිකාවට එක්කර ගැනීමට අපේක්ෂාවෙන් සිටි බවය. එසේම ලක්ෂ්මන් වසන්ත පෙරේරා අමාත්‍යවරයාද මේ වන විට තමන් සමඟ එක්වීමට නියමිත බවය.

මාර්තු අග තීරණාත්මකයි

මේ අතර ශ්‍රී ලංකා පොදුජන පෙරමුණ ආරංචිමාර්ග සඳහන් කර සිටින්නේ මාර්තු මාසයේ අග භාගය වන විට සුසිල් ප්‍රේමජයන්ත, ජෝන් සෙනවිරත්න සහ ටී.බී. ඒකනායක, ලක්ෂ්මන් වසන්ත පෙරේරා ඇතුළු ශ්‍රීලනිප අමාත්‍යවරුන් පිරිසක් පාර්ලිමේන්තුවේ විපක්ෂයේ අසුන් ගැනීමට නියමිත බවය.

එතෙක් ඔවුන් ශ්‍රී ලංකා පොදුජන පෙරමුණේ වේදිකාවකට ගොඩනොවන බවද එම ආරංචිමාර්ග සඳහන් කර සිටියි.

Comment (0) Hits: 422

SF ට නීතිය හා සාමය දෙන්න ශ්‍රීලනිපය එකඟවෙයි

ෆිල්ඩ් මාර්ෂල් සරත් ෆොන්සේකා අමාත්‍යවරයාට නීතිය හා සාමය අමාත්‍යංශය ලබාදීම සම්බන්ධව ශ්‍රී ලංකා නිදහස් පක්ෂය එකඟතාව පලවී ඇති බව වාර්තා වෙයි.

ශ්‍රීලනිප මහ ලේකම් දුමින්ද දිසානායක අමාත්‍යවරයා මේ බව ප්‍රකාශකර ඇති අතර එහිදී ඔහු පෙන්වාදී ඇත්තේ සරත් ෆොන්සේකා අමාත්‍යවරයාට එම ධූරය හොඳින් ගැලපෙන බවත් ශ්‍රී ලංකා නිදහස් පක්ෂයේ යම් යම් අමාත්‍යවරුන් සිදුකරන ඇතැම් ප්‍රකාශ ඔවුන්ගේ පෞද්ගලික මතය මිස ශ්‍රී ලංකා නිදහස් පක්ෂයේ සථාවරය නොවන බවත් ය.

එසේම 2020 වසර දක්වා වත්මන් යහපාලන ජාතික ආණ්ඩුව ක්‍රියාත්මක වන බවත් අමාත්‍ය මණ්ඩල සංශෝධනයට අදාළ ශ්‍රී ලංකා නිදහස් පක්සයේ අමාත්‍යධුර සංශෝධනය සිදුකරන දිනය මේ දක්වා ප්‍රකාශ වී නොමැති වුවත් එවැනි සංශෝධනයක් ගැන බලාපොරොත්තුවෙන් සිටින බවත් අමාත්‍යවරයා පවසා ඇත.

තවද අමාත්‍යධුර සංශෝධනය පිළිබඳ අවසන් තීන්දුව ගනු ලබන්නේ ජනාධිපති මෛත්‍රිපාල සිරිසේන විසින් බවත් එම සංශෝධනය ගැන ජනාධිපතිතුමා මේ දක්වා දැනුම්දීමක් සිදුකර නොමැති බවත් දුමින්ද දිසානායක අමාත්‍යවරයා වැඩිදුරටත් පවසා ඇත.

Comment (0) Hits: 568

ශ්‍රී ලංකාව පොකුරු බෝම්බ සම්මුතියට එක්වෙයි

2018 මාර්තු 01 වෙනිදා සිට ශ්‍රී ලංකාව පොකුරු බෝම්බවලට එරෙහි ඔස්ලෝ සම්මුතියට එක් විය.

පොකුරු බෝම්බ භාවිතය, නිෂ්පාදනය, පැවරීම සහ රැස් කිරීම තහනම් කරන එක්සත් ජාතීන්ගේ නෛතික ලියැවිල්ලට ශ්‍රී ලංකාව අත්සන් තැබූ බව ශ්‍රී ලංකා විදේශ කටයුතු අමාත්‍යංශය සිකුරාදා (මාර්තු 02) නිවේදනය කළේය.

ඒ අනුව පොකුරු බෝම්බ සම්බන්ධ ජාත්‍යන්තර සම්මුතියට (ඔස්ලෝ සම්මුතියට) අත්සන් තැබූ 103 වෙනි රට බවට ශ්‍රී ලංකාව පත්වන බව ශ්‍රී ලංකා රජප පවසයි.

යුද ගැටුම් පැවති අවධියේදී ශ්‍රී ලංකාව විසින් පොකුරු බෝම්බ භාවිත කරනු ලැබ ඇති බවට චෝදනා එල්ල විය.

කෙසේ වෙතත් ශ්‍රී ලංකා ආරක්ෂක අංශ පොකුරු බෝම්බ භාවිත කළ බවට කිසිදු සාක්ෂියක් නොමැති බවත්, 'ශ්‍රී ලංකාව කිසි දිනෙක පොකුරු බෝම්බ භාවිත කර නොමැති බව සහ ඉදිරියේදී ද භාවිත නොකරන බව ශ්‍රී ලංකා රජයේ ස්ථාවරය යයි බදාදා පැවති කැබිනට් තීරණ දැනුම්දීමේ මාධ්‍ය හමුවේදී ප්‍රකාශයට පත්විය.

ශ්‍රී ලංකාවේ සිවිල් යුද්ධයේ අවසාන සමයේ රජය විසින් ප්‍රකාශයට පත් කරන ලද යුද මුක්ත කලාපයට පහර දීමේ දී පොකුරු බෝම්බ යොදා ගත් බව දැක්වෙන ඡායාරූප ඇතුළත් සාක්ෂි තිබෙන බවට පසුගිය කාලයේ චෝදනා එලල්වී තිබුණි.

bomb search

උතුරේ යුද කලාපයේ බිම් බෝම්බ ඉවත් කිරීමේ නිරත වෙමින් සිටි කණ්ඩායම්වලට පුපුරා ගිය සහ පුපුරා නොගිය පොකුරු බෝම්බ හමු වී තිබුණු බවට ද මාධ්‍ය වාර්තා පලවී තිබුණු අතර ශ්‍රී ලංකා ආණ්ඩුව එය ප්‍රතික්ෂේප කළේය.

ශ්‍රී ලංකාව පසුගිය වසර අවසානයේ පුද්ගල නාශක බිම්බෝම්බ තහනම් කිරීමේ සම්මුතියේ 163 වෙනි රාජ්‍ය පාර්ශ්වය බවට පත්වෙමින් එයට ද අත්සන් තැබීම සිදුකෙරිණි.

2017 දෙසැම්බර් 13 වෙනිදා ශ්‍රී ලංකාව එම සම්මුතියට එක් වූ අතර 'ඔටාවා සම්මුතිය' නැතහොත් 'බිම්බෝම්බ තහනම් කිරීම පිළිබඳ සම්මුතිය' යනුවෙන් මෙය සාමාන්‍යයෙන් හැඳින්වේ.

'පුද්ගල නාශක බිම්බෝම්බ භාවිතා කිරීම, රැස් කිරීම, නිෂ්පාදනය කිරීම, හා පැවරීම තහනම් කිරීමේ සහ ඒවා විනාශ කිරීම පිළිබඳ මෙම සම්මුතියේ අරමුණ වනුයේ ලොව පුරා පුද්ගල නාශක බිම්බෝම්බ භාවිතය අවසන් කිරීමය.

පුද්ගල නාශක බිම්බෝම්බ තහනම් කිරීම පිළිබඳ සම්මුතියේ විශේෂ නියෝජිත මිරෙද් අල්-හුසේන් කුමරු ශ්‍රී ලංකා රජයේ ඇරයුමෙන්, 2018 මාර්තු 5 වැනිදා සිට 7 වැනිදා දක්වා මෙරට නිල සංචාරයක නිරත වීමටද නියමිතයි.

එහිදී උතුරු පළාතේ ක්ෂේත්‍ර සංචාරයක ද නිරත වීමට නියමිත විශේෂ නියෝජිත මිරෙද් අල්-හුසේන් කුමරු එහිදී බිම්බෝම්බ ඉවත් කිරීමේ කටයුතු නිරීක්ෂණය කිරීමට නියමිත අතර බිම්බෝම්බ ඉවත් කිරීමේ නියෝජිතායතන මෙන්ම බිම්බෝම්බ වින්දිතයන්ද හමුවනු ඇත.

බිම්බෝම්බ ඉවත් කිරීම සඳහා මේ තාක් සිදු කරන ලද කාර්ය භාරය මෙන්ම වසර 2020 වන විට ශ්‍රී ලංකාව බිම්බෝම්බවලින් තොර රටක් බවට පත් කිරීම සඳහා පිළියෙළ කර ඇති සිය සැලසුම් විදහා පෙන්වීමට විශේෂ නියෝජිතවරයාගේ සංචාරයෙන් ශ්‍රී ලංකාවට අවස්ථාව හිමි වෙන බව විදේශ කටයුතු අමාත්‍යංශය පවසයි.

Comment (0) Hits: 287

තඹුත්තේගම වැනි සිදුවීම් ඉදිරියටත් සිදුවිය හැකියි : බුද්ධි වාර්තා අනතුරු අඟවයි !

පසුගියදා තඹුත්තේගම පැවති ගොවි උද්ඝෝෂණය මුළුමනින්ම අහිංසක ගොවි ජනතාව නොමගයවා සිදුකළ දේශපාලන කටයුත්තක් බවත් ඉදිරියේද තවත් මෙවැනිම ආකාරයට ජනතාව නොමගයවා සිවිල් කෝලාහල තත්ත්වයක් ඇති කිරීමේ අවධානමක් පිළිබඳ බුද්ධි අංශ අනතුරු අඟවා ඇත.

තඹුත්තේගම සිදුවීම සම්බන්ධව විශේෂ වාර්තාවක් ඉදිඉපත් කරමින් මෙම අනතුරු හැඟවීම සිදුකර ඇති අතර ජනතා උද්ඝෝෂණය පොලිසියට එරෙහි ප්‍රහාරයක් දක්වා වර්ධනය කිරීමේ වගකීම ගන්නට සංවිධායකයින් කිසිවෙක් නැති බව ප්‍රදේශයේ ජනතාවද සඳහන් කර සිටියි.

එසේම එම ප්‍රදේශයේ ජනතාව සඳහන් කර සිටින්නේ අදාළ ව්‍යාපෘතිය හරහා චීන සමාගමක් වෙත රාජාංගන වැවේ ජලය මුළුමනින්ම පාහේ ලබාදීමට රජය කටයුතු කර ඇති බවත් ඒ තුළ ඉදිරියේදී එම වැවේ ජලය පරිභෝජනය කරන ගොවි ජනතාවට එම ජලය සීමා සහිත වන බව සඳහන් කරමින් අදාළ උද්ඝෝෂණය සඳහා ජනතාව උනන්දු කරවූ බවය.

එසේම අදාළ ව්‍යාපෘතියේ සැබෑ තත්ත්වය සම්බන්ධව ගොවි සමිති නියෝජිතයන් දැනුවත්ව සිටියත් විපක්ෂය නියෝජනය කරන ප්‍රාදේශීය දේශපාලන නායකයන්ගේ උසිගැන්වීම හමුවේ සිදුවූ ජනතා නැගිටීම හමුවේ ඔවුන් නිහඬ වූ බවත් ඒ තුළ අවසානයේ දියත්වූ ප්‍රචණ්ඩකාරී හැසිරීම පාලනය කරගන්නට ඔවුන් අසමත්වූ බවද වාර්තා වෙයි.

එසේම උද්ඝෝෂණය සඳහා ප්‍රදේශයේ ජනතාව හැරුණු විට වෙනත් ප්‍රදේශ වලින්ද පිරිස් සහභාගීව සිටි බවත් ඔවුන් ආරම්භයේ පටන් ගැටුම්කාරී වාතාවරණයක් ඇතිකර ගැනීමට කටයුතු කළ බවද එම ප්‍රදේශයේ ජනතාව සඳහන් කර සිටියි.

කෙසේ වුවත් මේ වන විට සාක්ෂි සහිතව අනාවරණය වී ඇත්තේ අදාළ ව්‍යාපෘතිය වත්මන් ආණ්ඩුව ජල සම්පත විකුණන ප්‍රතිපත්තියක සිට දියත්කරන ලද්දක් ලෙස ප්‍රචාරය දියත් වුවත් එය අමුලික අසත්‍යක් වන බවය.

දිනේෂ් ඇමතිගේ කැබිනට් සංදේශය මෙන්න

dinesh cabinat

අදාළ ව්‍යාපෘතිය 2014 අගෝස්තු මස 18 වන දින රාජපක්ෂ ආණ්ඩු සමයේදී අමාත්‍ය මණ්ඩල සංදේශ 37/2014 යටතේ ජල සම්පාදන සහ ජල ප්‍රවාහන ඇමති, වත්මන් ඒකාබද්ධ විපක්ෂයේ පාර්ලිමේන්තු කණ්ඩායම් නායක මන්ත්‍රී දිනේෂ් ගුණවර්ධන විසින් කැබිනට් මණ්ඩලයට යොමුකොට අවශ්‍ය අවසරය ලබා පටන් ගත් ව්‍යාපෘතියක් වන බවට මේ වන විට අනාවරණය වී ඇත.

එසේම අදාළ ව්‍යාපෘතිය රාජාංගනය ජලාශය ප්‍රධාන ජල මූලාශ්‍රය කර ගනිමින් ආරම්භ කිරීමට සැලසුම් කර ඇති අතර මේ වෙනුවෙන් රාජංගනය වැවෙන් ජලය ලබා ගැනීමට වාරිමාර්ග දෙපාර්තමේන්තුවෙන් අනුමැතියද ලබා දී ඇති බවද මේ වන විට හෙළිව තිබේ.

ඊට අදාලව නිකුත් කර ඇති කැබිනට් පත්‍රිකාව මේ වන විට මාධ්‍ය වෙත ලැබී ඇති අතර ඊට අනුව මේ ව්‍යාපෘතියට විදේශීය මුදල් ලෙස ඇමෙරිකානු ඩොලර් මිලියන 71ක් සහ ශ්‍රී ලංකා රජය රුපියල් මිලියන 4182 ශත 14 ක මුදලක් වැය සැපයෙන බව සඳහන්ව තිබේ.

උසිගන්වන විට උසිගැන්වෙන : මොනවද මේ ජීවිත

ඒ අනුව ඉතා පැහැදිළිව පෙනෙන්නට ඇත්තේ ආණ්ඩුවේ කටයුතු අඩාල කරලීම සඳහා ජනතාව නොමගයවා උසිගන්වන පසුබිමක් නැවතත් නිර්මාණය වී ඇති බවය.

කෙසේවුවත් මේවා මෙහෙයවන පිරිස් සිදුකරන්නේ ජනතාව සිරගතවීමේ සිට ඔළු පැලෙන තුරු පොලිස් ප්‍රහාරයට ලක්වන තැන දක්වා ජනතාව උසිගන්වා ඒ වීඩියෝ දර්ශන සඳහා ආණ්ඩුවේ මර්දනකාරී හැසිරීම ගැන පසුබිම් කථන සහ මාධ්‍ය සාකච්ඡා පැවැත්වීම පමණය.

ඒ අර්ථයෙන් මේ සිදුවීම ජනතාවට කදිම පාඩමක්ය. මෙතැන් පටන් කරන්නට ඇත්තේ වලක වැටීම සිරුරට රිදුම් ගෙන දෙන්නක් වුවත් මොලය අරඹයා ආයෝජනයක් ලෙස සලකා, පියවි සිහියෙන් යුතුව කටයුතු කිරීමය.

Comment (0) Hits: 258

තාජුඩීන්ගේ ඝාතනය: සන්නිවේදන උපකරණ රස පරික්ෂකට

රගර් ක්‍රිඩක මොහොමඩ් වසිම් තාජුඩීන්ට තර්ජනය කර ඊ මෙල් පණිවිඩ හා බද්ධ කරනු ලැබු ඡායාරූප එවිම සම්බන්ධයෙන් විමර්ශනය කිරිම සදහා ඔහු භාවිතා කරන ලද ලැප්ටෝප් යන්ත්‍ර දෙක හා ඩෙස්ක් ටොප් පරිගණකය රජයේ රස පරික්ෂක වෙත යොමු කර වාර්තාවක් කැඳවිමට කොළඹ අතිරේක මහෙස්ත්‍රාත් චාන්දනි ඩයස් මහත්මිය ඊයේ(28) නියම කළාය.

තජුඩින්ගේ සමීප මිතුරන්ගේ ප්‍රකාශ මත ලද තොරතුරු අනුව ඔහු මියයාමට පෙර තර්ජනය කිරිම් හා බද්ධ කරන ලද ඡායාරූප එවිම සම්බන්ධයෙන් කරුණු අනාවරණය වන බැවින් ඒ සම්බන්ධව විමර්ශණය කිරිම සදහා මේ ලැප්ටොප් හා පරිගණක යන්ත්‍ර රජයේ රස පරික්ෂක වෙත යොමු කර වාර්තාවක් කැඳවන ලෙසට රහස් පොලිසිය අධිකරණය වෙත ඉල්ලීම් කර තිබිණ.

වර්ෂ 2012/1/1 සිට 2012/5/17 දක්වා කාලය තුළ දී මේ යන්ත්‍ර තුළ අන්තර්ගත ව තිබු දත්ත සම්බන්ධ සම්පුර්ණ වාර්තාවක් කැඳවන ලෙසට රහස් පොලිසිය අධිකරණයෙන් ඉල්ලා තිබිණ.

තාජුඩින් පුද්ගලික ගුවන් ගමන් බලපත්‍ර නිකුත් කිරිමේ (සිටු ක්‍රියේෂන්) නැමැති ආයතනයේ සේවය කළ බවත් මහනුවර මිරා ට්‍රැවල්ස් ආයතනයේ තිබි ලැප්ටෝප් යන්ත්‍ර දෙක හා කුරුණැගල අස්ලිය විදේශ රැකියා ආයතනයේ තිබි පරිගණක යන්ත්‍රය රහස් පොලිසිය සියභාරයට ගෙන තිබිණ.

මෙහි ඇති සැකසහිත ඊමේල් හා ඡායාරූප සම්බන්ධ වාර්තාවක් කැඳවිමට රහස් පොලිසියේ සැරයන් රන්තප්‍රිය මහතා අධිකරණයෙන් ඉල්ලා සිටි‍යේය.

වසිම් තාජුඩින්ගේ දුරකථනයට 2012/5/17 වන දින රාත්‍රි 12.32කට 0773554441 දරණ අංකයෙන් මිස් කොල් ඇමතුමක් ලැබි ඇති බවත් ඊට අදාල විස්තර දුරකථන වාර්තාවල ද සදහන් නොවන බැවින් කාර්මික උපකරණ හා කුළුණ පිළිබඳ සටහන් රහස් පොලිසිය වෙත ලබා දෙන ලෙසට ඩයලෝක් ආයතනයේ ප්‍රධාන විධායක නිලධාරිවරයා වෙත නියෝගයක් නිකුත් කරන ලෙසට ද රහස් පොලිසිය ඉකුත් පෙබරවාරි 16 වන දින අධිකරණයෙන් ඉල්ලා තිබිණ.

1979 අංක 15 අපරාධ නඩු විධාන සංග්‍රහයේ 124 වගන්ති ප්‍රකාරව මෙම නියෝගය නිකුත් කරන ලෙසට රහස් පොලිසිය අධිකරණයෙන් ඉල්ලා තිබිණ.

(s.readsrilanka)

Comment (0) Hits: 302

විශ්වාසභංගය පුස්සක් වෙයි : අගමැති ඉවරයි නම් ආණ්ඩුවත් ඉවරයි

අග්‍රාමාත්‍ය රනිල් වික්‍රමසිංහ ඉලක්ක කර අග්‍රාමාත්‍යවරයාට එරෙහි විශ්වාසභංගයක් ගෙන ඒම සඳහා පවතින ව්‍යවස්ථාවේ ප්‍රතිපාදන නොමැති බව නීති ක්ෂේත්‍රයේ ප්‍රවීණයකු සඳහන් කරයි.

අග්‍රාමාත්‍යවරයාට එරෙහිව විශ්වාසභංග යෝජනාවක් ගෙන ඒම සම්බන්ධව මේ වන විටත් දේශපාලන ක්ෂේත්‍රයේ මතුව තිබෙන සංවාදය පිළිබඳ newstube.lk සිදුකල අදහස් විමසීමේදී ඔහු මේ බව සඳහන් කර සිටියේය.

19 වන ව්‍යවස්ථා සංශෝධනය අනුව අග්‍රාමාත්‍යධූරය වඩාත් බලවත්ව ඇති බවත් ඒ හේතුවෙන් අග්‍රාමාත්‍යවරයා ඉවත් කිරීමක් වෙනුවෙන් විශ්වාසභංගයක් ගෙන එනවා නම් එය කලයුතු වන්නේ ආණ්ඩුවට එරෙහි විස්වාසභංග යෝජනාවක් ගෙන විත් එය සම්මත කිරීම හරහා පමණක් වන බවද ඔහු පෙන්වා දෙයි.

එසේම අගමැතිවරයාට එරෙහිව විශ්වාස භංග යෝජනාවක් ගෙන එනවා කියා දෙයක් ව්‍යවස්ථාවේ සඳහන් නොවන බවද පෙන්වා දෙන ඔහු වැඩිදුරටත් සඳහන් කර සිටින්නේ 19 වන ව්‍යවස්ථා සංශෝධනයේ 48 (2) වගන්තිය තුළ ඒ බව සැකයෙන් තොරව පැහැදිළිව සඳහන් වන බවය.

19 වන ව්‍යවස්ථා සංශෝධනයේ 48 (2) වගන්තිය
48 580px

එසේම එම ව්‍යවස්ථා සංශෝධනය අනුව ජනාධිපතිවරයාට හිතූ ලෙස පාර්ලිමේන්තුව විසුරවා හැරීමට බලයක් නොමැති බවත් එවැන්නක් ජනාධිපතිවරයා සිදුකරනවා නම් ඊට ව්‍යවස්ථාවේ බලය හිමිවන්නේ 2020 මාර්තු 01 හෝ ඊට පසු දිනයක බවද ඔහු සනහන් කරයි.

ඒ පාර්ලිමේන්තුවේ පළමු සභාවාරයේ සිට වසර 4 1/2 ක කාලයක් ගතවන තුරු පාර්ලිමේන්තුව විසිරවීමේ බලයක් ජනාධිපතිවරයාට නොමැතිවීම නිසා වන අතර එහෙත් පාර්ලිමේන්තුවේ 2/3 ක අත්සන් සහිත ලියවිල්ලක් හරහා පාර්ලිමේන්තුව විසුරවා හැරීමක් සිදුකල හොත් ඒ හරහා අග්‍රාමාත්‍යධූරයද බල රහිත කල හැකි බව ඔහු සඳහන් කර සිටියි.

කෙසේ වුවත් මේ වන විට ඒකාබද්ධ විපක්ෂය සඳහන් කර සිටින්නේ අගමැති රනිල් වික‍්‍රමසිංහ මහතාට එරෙහිව එජාප ය විසින්ම ගෙන එන විශ්වාස භංග යෝජනාව සදහා දැනටමත් එක්සත් ජාතික පක්‍ෂ ප‍්‍රබලයන් අත්සන් කරමින් සිටින බවත් නොසිතන ප‍්‍රබලයන් රැසක් ඒ සදහා අත්සන් තබනු ඇති බවටත් තොරතුරු ඇති බවය.

එසේම කොළඹදී පැවති මාධ්‍ය හමු ගණනාවකදී එම පාර්ශවයේ නියෝජිතයන් සඳහන් කර සිටියේ අග්‍රාමාත්‍ය රනිල් වික්‍රමසිංහට එරෙහි විශ්වාසභංගයක් ගෙන එනවා නම් ඊට ඒකාබද්ධ විපක්ෂයේ සම්පුර්ණ සහය ලබාදෙන බවය.

ජනාධිපති නිහඬව සිටීමේ රහස !

මේ අතර එක්සත් ජාතික පක්ෂය නියෝජනය කරන පාර්ශව වෙතින් පවා අග්‍රාමාත්‍යවරයාට එරෙහි විශ්වාසභංගයක් සම්බන්ධව අදහස් පළවුවත් ජනාධිපතිවරයාms 11 1000px ඒ පිළිබඳ නිහඬව සිටින්නේ ව්‍යවස්ථාවේ ඒ සඳහා ඇති ප්‍රතිපාදන සම්බන්ධව මේ වන විටත් ඔහු දැනුවත් නිසා බව දේශපාලන ආරංචිමාර්ග පෙන්වා දෙයි.

තවද එම ආරංචිමාර්ග සඳහන් කර සිටින්නේ පළාත් පාලන මැතිවරණයෙන් පසුව අග්‍රාමාත්‍යවරයා ඉවත් කිරීමට අදාළව තිබෙන නෛතික පසුබිම සම්බන්ධව ජනාධිපතිවරයා නීති උපදෙස් ලබාගත් අවස්ථාවේ ද මේ පිළිබඳ දැනුවත්ව ඇති බවය.

එසේම අදාළ නෛතික පසුබිම ජනාධිපතිවරයා විසින් ශ්‍රීලනිප නියෝජනය කරන පාර්ශවද දැනුවත් කර ඇති බවත් මීට පෙර අග්‍රාමාත්‍යධුරයේ රනිල් ඉන්නා තුරු අමාත්‍ය මණ්ඩලයට ඒම ප්‍රතික්ෂේප කළ පිරිස් මේ වන විට නිහඬව සිය අමාත්‍යාංශ වෙත යමින් සිටින්නේ ඒ අනුව බවද දේශපාලන ආරංචිමාර්ග වැඩිදුරටත් සඳහන් කර සිටියි.

Comment (0) Hits: 919

සහෝදර පාලනයට එරෙහිව යහපාලනය දෝතට ගන්න - ටෙලිකොම් සේවකයින් ජනාධිපතිට ලියයි

වත්මන් පරිපාලනය යටතේ ශ්‍රී ලංකා ටෙලිකොම් රුපියල් බිලියන 38ක ණය කන්දරාවක් සහිත ආයතනයක් බවට පත්ව ඇති බවත් ඒ හේතුවෙන් මාසිකව වැටුප් ගෙවිම සඳහා බැංකු අයිරාවන් ලබා ගැනීමට සිදුව ඇති තත්ත්වයක් මතුව ඇති බව වාර්තා වෙයි.

ශ්‍රී ලංකා ටෙලිකොම් සුරැකීමේ සංවිධානය නමින් ජනාධිපතිවරයා වෙත යැවුණු ලිපියක මේ බව සඳහන් වෙයි.

දුෂිත නිලධාරීන් අරක්ගෙන

එහි වැඩිදුරටත් සඳහන් වන ආකාරයට 2017 වසරේ ටෙලිකොම් ආයතනයට ලැබිය යුතු විදේශ වත්කම් ආදායමෙන් බිලියන 1.5 ක මුදලක් හොර රහසේ තමන්ගේ ගිණුමට බැරකර ගැනීමට ආයතනයේ ඉහළ නිලධාරියෙකු කටයුතු කර ඇති අතර ඒ හේතුවෙන් ටෙලිකොම් ආයතනයේ වාර්ෂික ලාභය බිලියනයකටත් වඩා අඩුවී ඇත.

එසේම ටෙලිකොම් ආයතනයේ සේවකයන් සඳහා ලබා දුන් සිව් මසක වැටුපක් වූ ප‍්‍රසාධ දීමනාව එක් මසක වැටුපක් දක්වා අඩු කරන්නට කටයුතු කර ඇති අතර ඊට හේතුවී ඇත්තේ ආයතනයේ උද්ගතව ඇති මුල්‍ය අර්බුදය බව සඳහන් කරන එම ලිපිය වැඩිදුරටත් පෙන්වා දෙන්නේ ටෙලිකොම් ආයතනයේ දෛනික කටයුතු කොන්ත්‍රාත් පදනම මත වෙනත් පුද්ගලික අංශ වෙත ලබා දීම සහ ටෙලිකොම් ආයතනයේ ඉහල නිලධාරීන් සිදුකරන මුල්‍ය අක්‍රමිකතා හේතුවෙන් බරපතල මුල්‍ය අර්බුදය මතුවී ඇති බවය.

මේ බව පෙන්වා දෙමින් ශ්‍රී ලංකා ටෙලිකොම් සුරැකීමේ සංවිධානය සඳහන් කර සිටින්නේ වසර 150 කට වඩා පැරණි ශ්‍රී ලංකා ටෙලිකොම් ඉතිහාසයේ කිසිම දිනක මෙවන් දුර්වල තත්ත්වයකට මෙම ආයතනය පත්ව නොමැති බවය.

ප්‍රධාන විධායක නිලධාරියෙක් තවමත් නෑ

එසේම විධායක නිළධාරි දිලීප විජේසුන්දර සේවයෙන් ඉවත්කරලීමට දුෂිත ඉහල නිලධාරීන් කිහිපදෙනෙකු කටයුතු කල බවත් ඒ සඳහා ජනාධිපතිවරයාගේ සහෝදරයා වන ආයතනයේ සභාපතිවරයාද සහය ලබාදුන් බව සේවකයින්ගේ විශ්වාසය වන බවය.

ජනවාරි මස 01 දා සිට මාර්තු 31 වෙනිදාට පෙර නව විධායක නිළධාරිවරයකු පත්කර ගැනීම සඳහා සේවකයන්ට පොරොන්දු ප‍්‍රකාශයක් ආයතනය තූල ප‍්‍රචාරයකර සිටි නමුත් මේ වන තුරු ඒ වෙනුවෙන් කටයුතු කරන බවක් පෙනෙන්නට නොමැති බවත් එම ලිපියේ සඳහන්කර තිබේ.

රාජපක්ෂ හිතවාදීන්ගේ හුරතලේ

කෙසේ වුවත් තවද පරිපාලනයේ වන දුර්වලතා මත මේ වන විට ආයතනයට ලැදිව අවංක සේවයක් සිදුකළ ඉහළ නිලධාරීන් ඇතුළු සේවක පිරිස් එම තනතුරු වලින් ඈත්කර ඇති බවත් එම නිලතල සඳහා රාජපක්ෂ හිතවාදී නිලධාරීන් එක්කර තිබෙන බවද සඳහන් එම ලිපිය ජනාධිපතිවරයා වෙත අවධාරණය කර සිටින්නේ පෙබරවාරි 10 වෙනිදෑන් පසුව ජනාධිපතිවරයා මහජනතාවට මාධ්‍ය හරහා පොරොන්දු වූ වෙනස ශී‍්‍ර ලංකා ටෙලිකොම් ආයතනයෙන් ආරම්භ කරන ලෙසය.

එසේම ශ්‍රී ලංකා ටෙලිකොම් ආයතනයේ මතුව ඇති මුල්‍ය අර්බුදය මෙන්ම පරිපාලනයේ කඩාවැටීම සම්බන්ධව ජනාධිපතිවරයා වෙත යවා ඇති එම ලිපිය අවසන් කර ඇත්තේ "පවුල් පාලනයට එරෙහිව යහපාලනයක් ගොඩනැගු ඔබ මේ මොහොතේ සහෝදර පාලනයට එරෙහිව යහපාලනය දෝතට ගෙන කටයුතු කරනු ඇතැයි අපි මද මොහොතක් ඔබ ගැන විශ්වාසයෙන් නෙත් අයා බලා සිටින්නෙමු" යනුවෙනි.

මේ අතර ආයතනයේ කාලයක සිට පවතින ගැටළු කිහිපයක් සම්බන්ධයෙන් ටෙලිකොම් පාලනාධිකාරිය කිසිදු පියවරක් නොගැනීම හේතුවෙන් අඛණ්ඩ වැඩ වර්ජනයකට යාම සඳහා ශ්‍රී ලංකා ටෙලිකොම් වෘත්තීය සමිති සුදානමක් පවතින බවද වාර්තා වෙයි.

මේ බව සඳහන් කරන වෘත්තීය සමිති ක්‍රියාකාරීන් පෙන්වාදෙන්නේ ආයතනයේ සිදුවන අකටයුතුකම් සහ පවතින අඩුපාඩු සම්බන්ධව පශ්න කරන වෘත්තීය සමිති මර්ධනය කිරීමට ටෙලිකොම් ආයතනයේ මානව සම්පත් කළමණාකාරීවරිය කටයුතු කරමින් සිටින බවත් ඇතැම් වෘත්තීය සමිති නායකයන්ගේ වැඩ තහනමටද ලක් කොට තිබෙන බවත්ය.

එසේම ටෙලිකොම් ආයතනයේ සේවකයන්ට පසුගිය වසරට අදාල ප්‍රසාද දීමනා පවා නොගෙවා ඇති බවත් මෙම වසරට අදාල 10% වැටුප් වර්ධකයෙන් අඩක් පමණක් ගෙවීමට කටයුතු කර ඇති බවත් මේ ආකාරයට ටෙලිකොම් ආයතනයේ පවතින ගැටළු නිරාකරණය කිරීමට ජනපති හෝ අගමැතිවරයා මැදිහත් නොවන්නේ නම් තමන් නියත වශයෙන්ම දැඩි වෘත්තීය ක්‍රියාමාර්ග ගන්නා බව වෘත්තීය සමිති අවධාරණය කර සිටියි.

Comment (0) Hits: 668

කොමිසම් සභාවලින් චූදිතයින් වන අයවලුන්ට අල්ලස් කොමිසමෙන් නඩු !

 පරීක්ෂණ කොමිෂන් සභා මඟින් අනාවරණය කර ගනු ලබන කරුණු පදනම් කරගෙන නඩු පැවැරීමේ බලය අල්ලස් හෝ දූෂණ චෝදනා විමර්ශන කොමිෂන් සභාව වෙත පැවැරෙන පරීක්ෂණ කොමිෂන් සභා (සංශෝධන) පනත, පාර්ලිමේන්තුවට ඉදිරිපත් කර සම්මත කර ගැනීමට රජය තීරණය කරයි.

කෙටුම්පත රජයේ ගැසට් පත්‍රයේ පළ කිරීමටද පියවර ගැනේ.

අල්ලස් පනත යට‍තේ හෝ වත්කම් හා බැරකම් නීතිය යටතේ නඩු පැවැරීමේ බලය, අල්ලස් හෝ දූෂණ චෝදනා විමර්ශන කොමිෂන් සභාවේ අධ්‍යක්ෂ ජනරාල්වරයා වෙත ලබාදීමට හැකි වන ලෙස නීතිමය විධිවිධාන සැලැස්වීම මෙමඟින් සිදු කෙරෙන බව සම කැබිනට් ප්‍රකාශක ගයන්ත කරුණාතිලක මහතා පැවැසුවේය.

ඇමැති මණ්ඩල තීරණ දැනුම් දීමේ මාධ්‍ය හමුවට සහභාගි වෙමින් රජයේ ප්‍රවෘත්ති දෙපාර්තමේන්තුවේදි ඇමැතිවරයා මේ බව ඊයේ (28) ප්‍රකාශ කෙළේය.

1948 අංක 17 දරණ පරීක්ෂණ කොමිෂන් සභා පනත සංශෝධනය කිරීම සඳහා වන අදාළ සංශෝධන නීති කෙටුම්පත් සම්පාදක විසින් ව්‍යවස්ථා කෙටුම්පත් කර තිබේ.

ජනාධිපති මෛත්‍රීපාල සිරිසේන මහතා ඉදිරිපත් කළ එම කෙටුම්පත පාර්ලිමේන්තුවේ 2/3 කට නොඅඩු විශේෂ බහුතරයකින් සම්මත කර ගත යුතු බව නීතිපතිවරයා විසින් දැනුම් දී ඇතැයි ද ඇමැතිවරයා කීය.

Comment (0) Hits: 306

චීන තානාපති ගෝඨාභය හමුවෙයි

චීන මහජන සමූහාණ්ඩුවේ ශ‍්‍රී ලංකා තානාපතිවරයා වන චෙංග් ෂෙයුආන් සහ ආරක්‍ෂක අමාත්‍යංශයේ හිටපු ලේකම් ගෝටාභය රාජපක්‍ෂ මහතා අතර විශේෂ හමුවක් සිදුව ඇති බව වාර්තා වෙයි.

ගෝටාභය රාජපක්‍ෂ මහතාගේ නිල ෆේස්බුක් ගිණුමේ මේ බව සදහන් කර ජායාරූපයක් පළකර ඇති අතර ඵලදායි සාකච්ඡාවක් පැවැත්වුණු බව පමණක් එහි සඳහන්ව ඇත.

කවස

නමුත් ඒ සාකච්ඡාව කුමක්ද යන්න එහි සඳහන්ව නොමැත.

කෙසේ වුවත් මීට පෙර ජනතා විමුක්ති පෙරමුණේ මන්ත්‍රී බිමල් රත්නායක සඳහන් කර සිටියේ මීළඟ ජනාධිපතිවරයේදී වත්මන් ජනාධිපතිවරයාට එය ජයග්‍රහණය කිරීම සඳහා ගෝඨාභය රාජපක්ෂ මහතාව අගමැති ලෙස පත්කරගැනීමේ සැළැස්මක් ඇති බවය.

 

Comment (0) Hits: 242

ජනාධිපති මාධ්‍ය අංශයේ ලලිත් ද සිල්වා ත් ගෙදර

ජනාධිපති මාධ්‍ය අංශයේ උපදේශකයකුව සිටි නුගේගොඩ හෝටල් පාසලේ ප්‍රධානියා මෙන්ම ප්‍රවීණ මාධ්‍යවේදී සහ විදෙස් පුවත් විචාරකයකුවූ ඒ. බී. ලලිත් ද සිල්වා එම ධූරයෙන් ඉවත්කර ඇති බව වාර්තා වෙයි.

දේශපාලන ආරංචිමාර්ග සඳහන් කර සිටින ආකාරයට එම ධූරයෙන් ලලිත් ද සිල්වා ඉවත් කර ඇත්තේ "තමාට පැවරුණ විශේෂ කාර්යක් ජනාධිපති මාධ්‍යයේ නැතිබැවින් තවදුරටත් එම ධූරයේ සිටීමෙන් ප්‍රයෝජනයක් නැති බවට ඔහු විසින්ම ජනපතිවරයාට යොමුකර තිබූ ලිපියකට" අනුවය.

නුගේගොඩ පිහිටි හෝටල් පාසලෙහි හිමිකරු වන්නේද ලලිත් ද සිල්වා මහතා වන අතර ජනාධිපති මාධ්‍ය අංශයෙන් සමුගත් ඔහු ඉදිරියේ කුමක් කරන්නේද යන්න සම්බන්ධව තීරණයක් ගෙන නොමැති බවද ඔහුට සමීප ආරංචිමාර්ග සඳහන් කර සිටියි.

මීට පෙර ජනාධිපති අතිරේක ලේකම් (මාධ්‍ය) ලෙස කටයුතු කළ නිමල් බෝපගේ මහතා එම ධූරයෙන් ඉවත් කෙරුණු අතර ජනාධිපති මාධ්‍ය අංශයේ ජායාරූප අංශය සම්බන්ධයෙන්ද ඉදිරියේදී වෙනස්කම් කිහිපයක් සිදුවිය හැකි බවට ජනාධිපති කාර්යාල ආරංචිමාර්ග සඳහන් කර සිටියි.

Comment (0) Hits: 308

රනිල්ට එරෙහි විශ්වාසභංගයට ජවිපෙ කොන්දේසි මෙන්න

අග‍්‍රාමාත්‍ය රනිල් වික්‍රමසිංහට එරෙහිව විශ්වාසභංගයක් ගෙන එනවා නම් එම විශ්වාසභංගය වංචා-දූෂණ සම්බන්ධයෙන්, හොරු ආරක්‍ෂා කිරීමට එරෙහිව චෝදනා එල්ල කරමින් ඔහු අගමැතිධුරයේ කටයුතු නිසි ආකාරව ඉටු නොකිරීමට එරෙහිව නිශ්චිත කරුණු දක්වා ගෙන එන විශ්වාසභංග යෝජනාවකට තම සහය හිමිවෙන බව ජනතා විමුක්ති පෙරමුණ සඳහන් කරයි.

ඊයේ (28) පැලවත්ත පක්ෂ මුලස්ථානයේ පැවති මාධ්‍ය හමුවකට එක්වෙමින් ජවිපෙ නායක පාර්ලිමේන්තු මන්ත්‍රී අනුර කුමාර දිසානායක මේ බව සඳහන් කර සිටියේය.

එසේම අගමැති රනිල් වික‍්‍රමසිංහට එරෙහිව ගෙන එන විශ්වාසභංගය යම්කිසි බල පොරයක වුවමනාව වෙනුවෙන් එසේත් නැතිනම් දේශපාලන ගේමක් වෙනුවෙන් ගෙන එනවා නම්, විශ්වාසභංගය ගෙන එන මොහොතේ එහි තිබෙන දේශපාලන වුවමනාවන් පිළිබඳව සලකා බලා කටයුතු කිරීමට තම පක්ෂය බලාපොරොත්තු වන බවද ඔහු පැවසීය.

කෙසේ වෙතත් රනිල් වික‍්‍රමසිංහගේ අගමැති ධුරය ආරක්‍ෂා කිරීමවත් එය පවත්වාගෙන යාමවත් කිසිසේත්ම ජනතා විමුක්ති පෙරමුණට අදාළ කාරණයක් නොවන බවත් විශ්වාසභංගය නිශ්චිත පරිදිම ඔහු වංචාවට හවුල් වූ බවටත් ඔහු වංචනිකයින් ආරක්‍ෂා කළ බවටත් වංචනිකයින්ට රැකවරණය ලබාදීම ආදී නිශ්චිත කරුණු වෙනුවෙන් ගෙන ආ යුතු බවද එහිදී ජවිපෙ නායකයා අවධාරණය කර සිටියේය.

එහිදී වැඩිදුරටත් අදහස් දක්වමින් ජවිපෙ නායක පාර්ලිමේන්ති මන්ත්‍රී අනුර දිසානායක මෙසේද පැවසීය.

විශ්වාසභංගය ඉදිරිපත් කිරීමේදී එහි අඩංගුව ඉදිරිපත් කළ යුතුයි. අග‍්‍රාමාත්‍යවරයා ලෙස මහ බැංකු බැඳුම්කර ගනුදෙනුවේ හවුල්කාරයෙක් බවට පත්වී සිටීම, මහ බැංකු අධිපතිවරයා පත්කිරීමට ප‍්‍රයත්න දැරීම, ඒ වගේම මහ බැංකු වංචා ආරක්‍ෂා කිරීමට උත්සාහ කිරීම, ඒ වගේම රාජපක්‍ෂ පවුලේ වංචා-දූෂණ ආරක්‍ෂා කිරීමට ප‍්‍රයත්න දැරීම, සිරිලිය ගිණුමේ වංචා වෙනුවෙන් ශිරන්ති රාජපක්‍ෂ එෆ්.සී.අයි.ඞී.යට ගෙනයාමට ඉඩ නොදීම, ඇතැම් අයගේ පාස්පෝට් ප‍්‍රශ්නවලදී නීතිපති දෙපාර්තමේන්තුවට කතාකොට ඇතැම් අයට ඇප ලබාදෙන ලෙස ඉල්ලීම වැනි වංචනික කටයුතුවලට ආරක්‍ෂාව ලබාදීම ආදී කරුණු සහිතව විශ්වාසභංගය ගෙන එනවා නම් එයට සහාය ලබාදීමට අපි සූදානම්.

මහ බැංකු වංචාව යනු ගමේ තරුණයින් කණ්ඩායමක් මුහුණු බැඳගෙන ගොස් බැංකුවක් මංකොල්ල කාපු වර්ගයේ එකක් නෙවෙයි. එම දූෂිත ගනුදෙනුව සිදුවුණේ සිංගප්පූරු පුරවැසියෙකු අගමැතිවරයාගේ ආරාධනය අනුව පැමිණ මහ බැංකු අධිපතිධුරය දරමිනුයි. එසේ තිබියදී දැන් ඔහු හොයාගන්න බැහැ කියන කතාව විහිළුවක්. අගමැතිවරයා ඔහු ලංකාවට ගෙන්වා ගැනීමට සෘජුව වගකීම බාරගත යුතුයි. අගමැතිවරයා ඒ සඳහා සෘජුව මැදිහත් විය යුතුයි. මොකද, මෙම මහ බැංකු වංචාව ආරාධිත මංකොල්ලයක්. ආරාධනය කරපු අගමැතිවරයා ඒ වෙනුවෙන් වගකීම බාරගත යුතුයි.

හරිනම් සිදුවිය යුතුව තිබුණේ, පොලීසිය විසින් අග‍්‍රාමාත්‍යවරයා සිය භාරයට ගැනීමයි. නමුත් දැන් සිදුවෙලා තිබෙන්නේ අගමැතිවරයා විසින් පොලීසිය තමන්ගේ භාරයට ගැනීමයි. ඇත්තටම සිදුවිය යුතු දෙය අනෙක් පැත්තටයි සිදුවෙලා තිබෙන්නේ.

Comment (0) Hits: 278

මහින්දට විපක්ෂනායක වීමට අවස්ථාවක් !

පාර්ලිමේන්තුවේ විපක්‍ෂ නායක ධුරය කුරුණෑගල පාර්ලිමේන්තු මන්ත්‍රී මහින්ද රාජපක්ෂ මහතා ප්‍රමුඛ ඒකාබද්ධ විපක්ෂයට ලබාගැනීමට අවශ්‍ය නම්, ඔවුන් පොදුජන පෙරමුණ පක්‍ෂයේ සාමාජිකයන් බව ප්‍රකාශ කර කථානායකවරයාගෙන් ඉල්ලීමක් කළ යුතු බව මහානගර සහ බස්නාහිර සංවර්ධන අමාත්‍ය පාඨලී චම්පික රණවක මහතා පැවසීය.

බත්තරමුල්ලේදී පැවැති මාධ්‍ය හමුවකදී අදහස් දක්වමින් අමාත්‍යවරයා මේ බව පවසා සිටියේය.

මේ පිළිබඳ වැඩිදුරටත් අදහස් දැක්වූ අමාත්‍යවරයා,

''මුල් අවස්ථාවේදී ඔවුන් පාර්ලිමේන්තුවේ විපක්‍ෂ නායක ධුරය ඉල්ලුවා. ඒ අවස්ථාවේදී ආපු තර්කය තමයි ඔවුන් තරග කරලා තිබුණේ එක්සත් ජනතා නිදහස් සන්ධානයෙන් කියන කාරණය.

පාර්ලිමේන්තුවෙන් එළියේ තියෙන දේශපාලන පක්‍ෂ ගැන පාර්ලිමේන්තුවට වැඩක් නැහැ. පාර්ලිමේන්තුවේ ඇතුළේ තිබෙන පක්‍ෂ නියෝජනය කරන්නේ කවුද කියන එකයි වැදගත්.

මේ පාර ඡන්දයේ දී සිදුවූ‍ විශේෂ දේ තමයි එක්සත් ජනතා නිදහස් සන්ධානයෙන් පාර්ලිමේන්තුවට ආපු 45 ආසන්න මන්ත්‍රීවරුන් ප්‍රමාණයක් ශ්‍රී ලංකා පොදුජන පෙරමුණ නැමැති පක්‍ෂය හරහා එයට උදව්ක්, එයට කැමැති වෙලා ඇවිත් තියෙනවා.

දැන් එතුමන්ලාට තිබෙන්නේ ඒ පක්‍ෂය තමන්ගේ පක්‍ෂය හැටියට තමන් පිළිගන්නා බව, තමන් ඒ පක්‍ෂයේ සාමාජික බව ප්‍රකාශ කරලා කථානායකතුමාට ඉල්ලීමක් කිරීමයි.

එහෙම ඉල්ලීමක් කළොත් අපි එය පිළිගන්නවා’ යැයි ප්‍රකාශ කළේය.

Comment (0) Hits: 355

"මීතොටමුල්ල කසළ කන්දේ වැරදිකරුවන්ට මෙතෙක් දඬුවම් ලබාදී නැහැ" - ඇමති පාඨලී

මීතොටමුල්ල කුණු කන්ද නායයාමට අදාලව පත්කළ ජාන්ධිපති කොමිසමේ නිර්දේශ අතර රාජ්‍ය ආයතන පහක් සහ මේ අපරාධයට වගකිව යුත්තන් හැටියට පුද්ගලයින් ගණනාවක් නම් කර තිබෙන නමුත් ඒ කිසිම පුද්ගලයෙකුට හෝ රාජ්‍ය ආයතනයකට, මේ මිය ගිය ජීවිතවල වගකීම දරණ කිසි කෙනෙකුට මේ වන තෙක් දඬුවම් ලබාදී නොමැති බව අමාත්‍ය පාඨලී චම්පික රණවක සඳහන් කරයි.

මහානගර හා බස්නාහිර සංවර්ධන අමාත්‍ය පාඨලී චම්පික රණවක මෙම අදහස් පළකර සිටියේ, ශ‍්‍රී ලංකා ඉඩම් ගොඩකිරීමේ සහ සංවර්ධනය කිරීමේ සංස්ථාවේ සේවකයින් ඇගයීම වෙනුවෙන් සංවිධානය කර තිබූ ‘සංස්ථා අභිමානී’ උත්සව අවස්ථාවට සහභාගී වෙමින්ය.

එහිදී වැඩිදුරටත් අදහස් දක්වමින් අමාත්‍යවරයා සඳහන් කර සිටියේ මීතොටමුල්ලේ කසල කන්ද නාය යෑමේ අවධානම පිළිබඳ කිහිප වතාවක් අනතුරු ඇඟවීම් කළ නමුත් කවුරුත් ඒවා ගණන් ගත්තෙ නැතිබවය.

ඒ නිසාම වගකිවයුතු පාර්ශව කාලයට ප‍්‍රශ්න විසඳන්න ඉඩදී කටයුතු කල බවත් ඒ හේතුවෙන් තිස් ගණනකගේ ජීවිත නැති වූ බවත් එය මේ රටේ අනාගතයට කිසිසේත් සුදුසු තත්වයක් නොවන බවද අමාත්‍යවරයා සඳහන් කර සිටියේය.

එසේම යහපාලනයක් තිබෙන්න කලින් රටක පාලනයක් තිබිය යුතු බවද, කසළ කන්දක් කඩා වැටී තිස් ගණනක් ඝාතනය වීමට වගකිව යුතු පිරිස්වලට දඬුවම් ලබාදීමට බැරි පාලනයකින් වැඩක් නැති බව අමාත්‍යවරයා සඳහන් කළේ ය. එය කසළ කන්දට, කසළ ගොඩගැසීමටත් වඩා ඉතාම භයානක වරදක් සේම මියගිය පිරිසට කරන ඉතාම බලගතු අවමානයක් බව ද අමාත්‍යවරයා පැවසීය.

එහිදී වැඩිදුරටත් අමාත්‍යවරයා මෙසේද අදහස් දැක්වීය.

මේ රටේ තිබෙන ප‍්‍රධාන අභියෝගය අධිවේගී පාරවල් තැනීමට වඩා වර්තමානයේ ප‍්‍රධානම අභියෝගය වන්නේ ජලකළමනාකරණයයි. රටේ එක් පැත්තක ගංවතුර ඇතිවන විට තවත් පැත්ත නියඟය ඇතිව තිබෙනවා. ඒ නිසා මේ ගංවතුර පාලනය කර ඒ වැඩිවන වතුර නියඟය පවතින ප‍්‍රදේශ කරා රැගෙන යාමේ යෝධ ජල ව්‍යාපෘතියක් රටට අවශ්‍යව තිබෙනවා. ඕලන්ද යුගයේ මෙන් ජලය භාවිත කර ප‍්‍රවාහන පද්ධතියක් ඇතිකර ගැනීම ගැන සලකා බලන්න ඕන. කැළණි ගඟෙ ජලය භාවිත කර ඵලදායී ප‍්‍රවාහන පද්ධතියක් ඒ ආශ‍්‍රයෙන් නිර්මාණය කර ගන්නට හැකියාව තිබෙනවා. කැලණි ගඟෙ වැඩිවන ගංවතුර පාලනය කිරීමෙන් ගංඟාව ආශි‍්‍රත නගර නිර්මාණය කර ගනිමින්, වැඩි වතුර වියළි කලාප වෙත රැගෙන යාමට කටයුතු කිරීම තුළින් එම ප‍්‍රදේශවල ගොවිජනතාව දුකින් මුදවා ගැනීමට හැකියාව තිබෙනවා.

එවැනි මහාපරිමාණ ව්‍යාපෘතීන්, විශේෂයෙන්ම ගංවතුර පාලනය කිරීමේ උපාය මාර්ග සඳහා ගොඩනැගිය යුතු ආයතනය ඉඩම් සංවර්ධනය කිරීමේ සංස්ථාව බවත් ඒ සඳහා මූලික පිඹුරුපත් මේ වන විට සකස් කරමින් සිටින බව ද අමාත්‍යවරයා වැඩිදුරටත් පැවසීය.

Comment (0) Hits: 225

පුංචි ජන්ද ප්‍රතිඵලයේ සැඟවී රාජපක්ෂවරුන්ගේ පව් සේදීමේ ව්‍යාපෘතියක් !

පළාත් පාලන මැතිවරණය ප්‍රතිඵලය පෙන්වා දෙමින් මේ වන විට පසුගිය රාජපක්ෂ පාලනය සමයට අදාලව ඔවුන්ට එල්ලවී ඇති සියළු චෝදනාවන්ගෙන් නිදහස්වීමේ ව්‍යාපෘතියක් දියත් කර ඇති බවට මානව හිමිකම් ක්‍රියාකාරීන් චෝදනා කරයි.

නඩු දින ආසන්නයේ මාධ්‍ය හමු සහ නිවේදන

සැළසුම්කර ඇති ව්‍යාපෘතියට අනුව දිනපතා මාධ්‍ය හමු පවත්වමින් සහ නිවේදන නිකුත් කරමින් රාජපක්ෂවරුන්ට එරෙහිව එල්ලවී ඇති සියළු චෝදනා පදනම් විරහිත බවත් ඒ සියල්ල වත්මන් ආණ්ඩුව සිදුකරන දේශපාලන පළිගැනීමක් බවට අදහසක් සමාජගත කිරීම මෙහි අපේක්ෂාව වී ඇති බවද ඔවුන් පෙන්වා දෙයි.

ඒ අනුව රාජපක්ෂවරුන්ගේ සම්බන්ධයක් ඇති බවට චෝදනා නැගී තිබෙන සහ ඊට අදාළව නෛතික ක්‍රියාමාර්ග සිදුවෙමින් පවතින ආසන්න දිනයන් යොදාගෙන මෙම ව්‍යාපෘතිය ක්‍රියාවට නැගෙමින් තිබෙන බවද ඔවුන් සඳහන් කර සිටියි.

ප්‍රසිද්ධිය ගන්න මාධ්‍ය ක්‍රියාන්විතයක්

එසේම විද්‍යුත් මාධ්‍ය, පත්තර සහ සමාජ ජාල වෙබ් අඩවි යොදාගෙන අදාළ නිවේදන සහ මාධ්‍යහමු සඳහා පුළුල් ප්‍රචාරයක් ලබාදීමට කටයුතු සකස්කර ඇති බවත් ඉදිරියේදී එම කටයුතු අඛණ්ඩව සිදුකිරීම සඳහා පුර්ණකාලීන මාධ්‍ය ඒකකයක් යොදවා ඇති බවද එම ආරංචිමාර්ග වැඩිදුරටත් සඳහන් කර සිටියි.

මානව හිමිකම් ක්‍රියාකාරීන් සඳහන් කරන ආකාරයට අදාළ නිවේදන සහ මාධ්‍ය හමු ප්‍රචාරය වීමෙන් අනතුරුව ඒවායේ ඇති කරුණු සනාථ වන ආකාරයට ප්‍රතිචාර දැක්වීම සඳහාද පිරිසක් යොදවා ඇති බවත් ඒ සඳහා ඔවුන්ට දෛනික වටුප්ගෙවීමක් පවා සිදුකරන බවට වාර්තාවී ඇති බවද ඔවුන් සඳහන් කරයි.

වාරණ නියෝග පිට පිට ගැනීමේ සුදානමක්

එසේම ඊට සමගාමීව අදාළ චෝදනා යටතේ අත්අඩංගුවට ගැනීමේ සුදානමක් පිළිබඳ සඳහන් කරමින් ඊට එරෙහිව වාරණ නියෝග ගැනීමේ සැළසුම්සහගත කටයුත්තක්ද දියත් කර ඇති බව මානව හිමිකම් ක්‍රියාකාරීන් පෙන්වාදෙයි.

ඒ පිටුපස ඇත්තේ නෛතික කටයුතු අඩාල කිරීමේ අපේක්ෂාව බවත් ජනතා අනුකම්පාව ලබාගනිමින් චෝදනා සම්බන්ධ විමර්ශන පවත්වන නිලධාරීන් අධෛර්යමත් කිරීමේ සැලැස්මකට අනුව මෙම කටයුතු සිදුවන බවත් ඒ පිළිබඳ ජනතාව අවධියෙන් සිටිය යුතු බවද මානව හිමිකම් ක්‍රියාකාරීන් අවධාරණය කර සිටියි.

ගෝඨාභයගේ නිවේදනය

ඔවුන් වැඩිදුරටත් සඳහන් කරන ආකාරයට ලසන්ත වික්‍රමතුංග ඝාතනයට තමාගේ සම්බන්ධයක් ඇති බවට ප්‍රකාශ කිරීම ජනතාව නොමඟ යැවීමට සහ සත්‍ය තොරතුරු වසන් කිරීමට ගන්නා උත්සාහයක් බවට ආරක්ෂක අමාත්‍යංශයේ හිටපු ලේකම් ගෝඨාභය රාජපක්ෂ නිවේදනයක් නිකුත් කරන්නට කටයුතු කර ඇත්තේ එම සැලැස්ම අනුවය.

ඇවන්ගාඩ් මැරිටයිම් සර්විස්, රක්නා ලංකා ආරක්ෂක සේවය, ගුවන් හමුදාවට මිග් යානා මිලදී ගැනීම හා ඩී.ඒ. රාජපක්ෂ පදනම වැනි විෂයන් රැසක් යටතේ විවිධ විමර්ශන පවත්වමින් තම චරිතය ඝාතනය කිරිමට වත්මන් ආණ්ඩුව උත්සාහ දරමින් සිටින බව එම නිවේදනය හරහා ගෝඨාභය මහතා සඳහන් කර ඇත.

එසේම හිටපු පුවත්පත් කර්තෘවරයෙකු වන ලසන්ත වික්‍රමතුංග ඝාතනයට තමන් සම්බන්ධ බව පවසා එමගින් හෝ තමන් අත්අඩංගුවට ගැනීමේ උත්සාහයක් පවතින බව ගෝඨාභය රාජපක්ෂ මහතා එහි සඳහන් කර තිබේ.

තවද දේශපාලන අරමුණු මුල් කර ගනිමින් පොලිසිය පවා සාවද්‍ය සාක්ෂි නිර්මාණය කරමින් රජය ගෙන යන මර්ධනකාරී වැඩපිලිවෙලට සහය ලබාදෙන බවත් යා මෙරට නීතිය ක්‍රියාත්මක කරන ආකාරය පිලිබඳව රට තුළ පමණක් නොව ඒ හරහා ජාත්‍යන්තරව ද රටට මහත් අපකීර්තියක් සිදුවන බව එම නිවේදනයේ සඳහන් කර ඇත.

විමර්ශන අඩාල කරන්න හදන්නේ - මානව හිමිකම් ක්‍රියාකාරීන්

කෙසේ වුවත් මානව හිමිකම් ක්‍රියාකාරීන් සඳහන් කර සිටින්නේ රටේ නීතිය ක්‍රියාත්මකවීම පිළිබඳ බරපතල ලෙස රට අපකීර්තියට පත්වුයේ මේ වන විට නීතිය ක්‍රියාත්මක වන ආකාරය සම්බන්ධව නොවන බවත් ගෝඨාභය රාජපක්ෂ ආරක්ෂක අමාත්‍යංශයේ ලේකම් ලෙස සිටියදී ලසන්ත ඝාතනය සම්බන්ධව ජාත්‍යන්තර මාධ්‍ය ප්‍රශ්න කල විට ඊට ලබාදුන් පිළිතුරේ ස්වභාවය නිසා බවත්ය.

කවුද ලසන්ත ? ලසන්ත ගැන ගෝඨාභය කියූ කතා අමතකද ? මානව හිමිකම් ක්‍රියාකාරීන්

 ඒ බව සිහිපත් කරමින් මානව හිමිකම් ක්‍රියාකාරිකයකු මෙසේ newstube.lk වෙත සිය අදහස දැක්වීය.

"අපි කැමතියි මුලින්ම සිහිපත් කරන්න එදා බීබීසී මාධ්‍ය ජාලය සමඟ ගෝඨාභය රාජපක්ෂ ආරක්ෂක අමාත්‍යංශයේ ලේකම් ලෙස සිදුකළ සාකච්ඡාව. youtube ඇති. අමතක ඕන කෙනෙකුට එය නරඹන්න පුළුවන්. ටිකක් බලන්න ඒ සාකච්ඡාවේදී ගෝඨාභය රාජපක්ෂ හැසිරෙන ආකාරය.
බීබීසී මාධ්‍යවේදියා අහනවා ලසන්ත ඝාතනය ගැන. එතකොට ගෝඨාභයගේ මුහුණ බලන්න. ඔහුට ඒ ප්‍රශ්නය අල්ලන්නේ නෑ. ඔහු අහනවා කවුද ලසන්ත වික්‍රමතුංග ? ඔහු තවත් එක් පුද්ගලයෙක් විතරයි. මිනී මැරුම් ඕන තරම් වෙනවා, හැම තැනම වෙනවා, කියනවා.

පස්සේ ගෝඨාභය හිනා වෙනවා. හොඳට හිනා වෙමින් අහනවා, "ලෝකය පුරාම මිනී මැරුම් වෙනවා ඇයි ලසන්ත ගැන අහන්නේ කියලා. කවුද ලසන්ත ? ටැබ්ලොයිට් ලියන කෙනෙක්. මට ඒ ගැන අවධානයක් නැහැ කියනවා.

නමුත් බීබීසී මාධ්‍යවේදියා අහනවා, ජනතාව කලබල වෙලා කියලා. ඊට මොකක්ද ගෝඨාභය දක්වන ප්‍රතිචාරය, ඔහු අහනවා ඇයි ඔබ මේ එක්කෙනෙක් ගැන විතරක් කණගාටු වෙන්නේ ? එල්ටීටීඊය ගොඩක් මිනී මරලා තියනවා කියලා."

අන්න එහෙම ප්‍රශ්නය ඇහුවට කේන්ති ගිය, අධිආරක්ෂිත කලාපයක් තුළ මහ දවාලේ සිදුවූ ඝාතනයක් ගැන තමන්ගේ තැකීමක් නෑ කියන කෙනා අද කියනවා මාර වැඩේ, මේ ගැන පරීක්ෂණ කරන්න එපා, මට චෝදනා කරන්න එපා, රටට අපකීර්තියක් අත්වෙයි කියලා, මේ මොකටද එන්නේ, මේ අන් කිසිවක් නෙවෙයි, පළාත් පාලන ජන්ද ප්‍රතිඵලයෙන් ගොඩ එන්න හදන්නේ, අද අපිට කනගාටුවක් තියනවා මේ ආණ්ඩුව ගැනත්, සියළු විමර්ශන දැනුවත්ව පමාකලා. බොරදියේ මාළු බාන්න ගියා. අද ඒ ගැන අගමැතිට වගේම සාගල රත්නායක චෝදනා ලබා තියනවා. මානව හිමිකම් ගැන බරපතලව හිතන රටක නම් මේ ඇති අගමැතිටයි, සාගල ඇමතිටයි ගෙදර යන්න. නමුත් අපේ ඒ ගැන බරපතල සිතීමක් නෑ. මිනිස්සු මානව හිමිකම් ගැන තැකීමක් නෑ. ඒත් අමතක කරන්න එපා. සාගලට නැතිවුණේ නීතිය හා සාමය අමාත්‍යංශය විතරයි. නමුත් මේ සමස්ථ සමාජයට අහිමි කරන්න යන්නේ සමාජ යුක්තිය ඉටුවීම. ජනතාව ඒ ගැන අවබෝධයෙන් අවධානයෙන් කටයුතු කරන්න ඕන. ලසන්තගේ ඉරණම හෙට ඕන කෙනෙකුට අත්වෙන්න පුළුවන්. ඒ කරන කෙනා කවුරු වුනත් ඔහුගේ හෝ ඇයගේ තරාතිරම නොබලා නීතිය හමුවේ යුක්තිය ඉටුකරගනීමයි අවශ්‍ය."

Comment (0) Hits: 394

Page 218 of 255