පුවත්

ශ්‍රීලන්කන් ගුවන් සමාගමට එයාර් බස් ගුවන් යානා මිලදී ගැනීමේදී අමෙරිකානු ඩොලර් මිලියන 2ක අල්ලසක් ලබා ගත්තේ යැයි කියන සිද්ධිය  සම්බන්ධයෙන් රක්ෂිත බන්ධනාගාර ගත කර සිටි එම සමාගමේ හිටපු ප්‍රධාන විධායක නිලධාරි කපිල චන්ද්‍රසේන ඇප මත මුදා හරින ලෙස කොළඹ මහේස්ත්‍රාත්  අසංග. එස්. බෝදරගම අද (05) නියෝග කළේ ය.  

2025/2026 අධ්‍යන වර්ෂය සඳහා රජයේ විශ්වවිද්‍යාලවලට සිසුන් බඳවා ගැනීම 2026 සැප්තැම්බර් මාසයේ පළමු සතියේ සිට ආරම්භ කිරීමට සැලසුම් කර ඇති බව අග්‍රාමාත්‍ය ආචාර්ය හරිනි අමරසූරිය පාර්ලිමේන්තුවේ දී අද (06) ප්‍රකාශ කළා ය.

පාර්ලිමේන්තු මන්ත්‍රීවරුන් වෙනුවෙන් ක්‍රියාත්මක වන රුපියල් දෙලක්ෂ පනස් දහසක ප්‍රතිලාභ සහිත සමූහ රක්ෂණ යෝජනා ක්‍රමය යටතේ තමාට හිමි හිමිකම ප්‍රතික්ෂේප කර, එම මුදල් දිට්වා අරමුදල වෙත ලබාදෙන ලෙස පාර්ලිමේන්තු මන්ත්‍රී රවී කරුණානායක පාර්ලිමේන්තුවෙන් ඉල්ලීමක් කර ඇත.

දික්ඕවිට ප්‍රදේශයේ දී පොලිස් මත්ද්‍රව්‍ය නාශක කාර්යාංශය විසින් අවස්ථා තුනක දී අත්අඩංගුවට ගත් මත්ද්‍රව්‍ය කිලෝ 600 අධික  තොගය සම්බන්ධයෙන් සිදු කරන විමර්ශනයේ සැකකරුවෙක් වන දිසානායක මුදියන්සේලාගේ බන්දුල දිසානායක යන අය මෙම ජාවාරම මෙහෙයවා ඇති බව විමර්ශන අනාවරණය කළ බව පොලිස් මත්ද්‍රව්‍ය නාශක කාර්යාංශය වැඩිදුර වාර්තාවක් ඉදිරිපත් කරමින් කොළඹ ප්‍රධාන මහේස්ත්‍රාත් අසංග එස්. බෝදරගම හමුවේ ඊයේ (5) දැනුම් දුන්නේය.

ගණේමුල්ල සංජීව ඝාතන සිද්ධිය සම්බන්ධයෙන් සිදුකරන විමර්ශනවලට අදාළව වැලිසර අධි ආරක්ෂිත බන්ධනාගාරයේ රඳවා සිටින ප්‍රබල පාතාල ක්‍රියාකාරිකයකු වන චමින්ද රවී ජයනාත් නොහොත් ‘දෙමටගොඩ චමින්ද’ නමැත්තා ගෙන් ප්‍රකාශයක් සටහන් කර ගැනීමට කොළඹ ප්‍රධාන මහෙස්ත්‍රාත් අසංග එස්. බෝදරගම කොළඹ අපරාධ කොට්ඨාශයට ඊයේ (05)  අවසර ලබා දුන්නේ ය.

මුදල් විශුද්ධිකරණ පනත යටතේ තිස්තුන් කෝටියක මුදලක් තම ගිණුමට බැර කරවා ගැනීමේ සිද්ධියට අදාලව රක්ෂිත බන්ධනාගාරගත කර සිටි ලොකු පැටී ලබන 15 දක්වා යළි රක්ෂිත බන්ධනාගාරගත කිරීමට කොළඹ ප්‍රධාන මහේස්ත්‍රාත් අසංග එස්. බෝදරගම මහතා ඊයේ (5) නියෝග කළේ ය.

අද දවස අපිට ඉතාමත් සුවිශේෂී දවසක්. Shirly Samarasinghe සහෝදරයා ගේ නවතම සිනමා නිර්මාණය වන "සිලිලාරේ..." අද කීර්තිමත් ලන්ඩන් ආසියානු සිනමා උළෙල (London Asian Film Festival) හරහා සිය ජාත්‍යන්තර ගමන් මග ආරම්භ කරනවා.

ආණ්ඩුක්‍රම ව්‍යවස්ථාවේ 12 (1) වගන්තිය යටතේ නීතිය සැමට එක සමානයි ලෙස දක්වා ඇති වගන්තිය උල්ලංඝණය වී ඇති බව පවසමින් නව ජනතා පෙරමුණ විසින් අද දින තලංගම පොලිසියේ පොලිස් ස්ථානාධිපතිතුමන් ඇතුළු ඉහළ පෙලිස් නිලධාරින් කිහිපදෙනකු සම්බන්ධව පැමිණිල්ලක් බාර දෙන ලදී.

ස්පාටකස් ලිපි කියවන පාඨක ප්‍රජාව වෙනුවෙන් ම සංවිධානය කළ සම්මන්ත්‍රණයක් එළඹෙන 09වන දා උදැසන 09.00 සිට සවස 03.00 දක්වා කොළඹ, මරදාන, ඩීන්ස් පාරෙහි පිහිටි CSR මධ්‍යස්ථානයේ දී පැවැත් වේ.

අගෝඩා ලෝක සංචාරක සිතියමට මෑතක දී එකතු වූ ශ්‍රී ලංකාවේ නුවරඑළිය දිස්ත්‍රික්කයේ සුවිශේෂිතම සංචාරක කේන්ද්‍රස්ථානයක් වන ලංකාවේ උසම ජනාවාසය හැටියට සැලකෙන මුහුදු මට්ටමින් අඩි 7360ක් උසින් පිහිටි ශාන්තිපුර ගම්මානයට පිවිසෙන එකම මාර්ගය පසුගිය දිත්වා සුළි කුණාටුව හේතුවෙන් නාය යෑමට ලක්ව දැඩි අවදානම් තත්ත්වයක සහ මාර්ගය දෙපස කසළ එක් රැස්වී අප්‍රසන්න තත්ත්වයකට පත්ව ඇති බව ප්‍රදේශවාසීන් සංචාරක මග පෙන්වන්නන් සහ රියදුරු සංගම් චෝදනා කරති.

ශ්‍රී ලංකා පොදුජන පෙරමුණේ ජාතික සංවිධායක පාර්ලිමේන්තු මන්ත්‍රී නාමල් රාජපක්ෂ, තමිල්නාඩු මැතිවරණයෙන් ජයගත් තලපති විජේට සිය සුබාශිංසන එක් කළේ ය.ඒ, ඔහු සිය X ගිණුමේ පණිවුඩයක් තබමිනි.

සිංහල, දෙමළ, මුස්ලිම් සියලු ජනතාව සහෝදරත්වයෙන් ජීවත්වන රටක් අවශ්‍ය බවත්, ජාතික සමගිය වෙනුවෙන් තබන ලද ශක්තිමත් පියවර කිසිසේත් ආපසු හරවන්නේ නැති බවත් ජනාධිපති අනුර කුමාර දිසානායක පැවසී ය.

ශ්‍රී ලංකා ප්‍රජාතාන්ත්‍රික සමාජවාදී ජනරජයේ ආණ්ඩුක්‍රම ව්‍යවස්ථාවේ 91(1) ඈ (xiii) වගන්තිය ප්‍රකාරව ද්විත්ව පුරවැසිභාවය දරන අයෙකු ලෙස දැනට මතුවී ඇති ආන්දෝලනාත්මක තත්වය මත යොමුකෙරෙන විවෘත ප්‍රශ්නාවලියක් දිනන දකුණ සංවිධානය විසින් මුදල් අමාත්‍යංශ ලේකම් ආචාර්ය හර්ෂන සූරියප්පෙරුම වෙත ඉදිරිපත් කර ඇත.

ශ්‍රී ලංකා උසාවියක් ඉදිරියේ විභාග වන, තවමත් තීන්දුව නැති නඩුවක තීන්දුව පිළිබඳව ජනාධිපතිතුමා ඉගි කරන බවත්, ඒ තීන්දුව කුමක්ද යන්න පිළිබඳ ජනාධිපතිතුමාට පූර්ව දැනුමක් තිබෙන බවත්, ඒසේ වන්නේ කෙසේ ද යැයි මහාචාර්ය ජී. ඒල් පීරිස් විමසයි.

පසුගිය මාසය කිහිපයක කාලය තුළ ශ්‍රී ලංකාව තුළ පරිගණක හා සන්නිවේදන ක්ෂේත්‍ර, ගෙවීම් පද්ධති සම්බන්ධ අපරාධ සීඝ්‍ර ලෙස වර්ධනය වීමක් නිරීක්ෂණය විය. මෙහි ප්‍රතිඵලයක් ලෙස මහා භාණ්ඩාගාරයට ඩොලර් මිලියන 2.5ක් අහිමිවීම, රජයේ තැපැල් දෙපාර්තමේන්තුවට ඩොලර් මිලියන 6 අහිමිවීම, රජයේ බැංකුවකට සහ සේවක අර්ථසාධක අරමුදලට කොටස් හිමි වාණිජ බැංකුවක රුපියල් බිලියන 13 ක් අහිමිවීම, තවත් වාණිජ බැංකුවක වෙබ් අඩවියට සමාන වෙබ් අඩවියක් යොදාගෙන ගනුදෙනුකරුවන්ට වංචා සිදු කිරීම,පසුගිය කාලසීමාව තුළ වඩාත් අවධානය යොමු වූ සිදුවීම් විය.

අද වන විට වත්මන් රජය රටේ ජනතාවගේ ආර්ථික, සමාජිය, දේශපාලන අයිතිය විනාශ කරමින් සිටින බවත් වැට් බද්දෙන් ආවරණය වන ප්‍රමාණ ප්‍රතිශතය ඉහළ දමා රටේ ජනතාවගේ පීඩනය අසහනය දරිද්‍රතාව දුක කඳුළ වේදනාව ඉහළටම ගෙනවිත් ඇති බවත් විපක්ෂ නායක සජිත් ප්‍රේමදාස පවසයි.

අභිරහස් ලෙස මියගිය මුදල් අමාත්‍යාංශයේ සහකාර අධ්‍යක්ෂක රංග නිශාන්ත ගේ පශ්චාත් මරණ පරීක්ෂණය:

කාල් මාක්ස් ගේ 208වන ජන්ම දිනය නිමිති කරගනිමින් පවත්වන විශේෂ සමරු උත්සවය මැයි මස 05වන දා (හෙට) සවස 03.00ට කොළඹ 07, නිදහස් මාවතෙහි පිහිටි ජාතික පුස්තකාල ශ්‍රවණාගාරයේ දී පැවැත්වේ.