පුවත්

හිටපු ජනාධිපති මහින්ද රාජපක්ෂගේ බිරිඳ, ශිරන්ති රාජපක්ෂ විමර්ශනයට අදාළව ප්‍රකාශයක් ලබා ගැනීම සඳහා හෙට(27) පොලිස් මූල්‍ය අපරාධ කොට්ඨාශය හමුවට කැඳවා ඇත.

ලංකා ඉතිහාසයේ ජනාධිපතිවරණ අපේක්ෂකයකු විදිහට වැඩිම බොරු පොරොන්දු දී ජනතාව රැවටූ නායකයා වෙන කිසිවකු නොව වත්මන් ජනාධිපති අනුර කුමාර දිසානායක යැයි නව ජනතා පෙරමුණ පක්ෂ නායක සුගිෂ්වර බණ්ඩාර පැවසී ය.

පාර්ලිමේන්තු නියෝජ්‍ය මහ ලේකම් ගේ වැඩ තහනම තුළින් කතානායකවරයා තමන් ගේ නොදන්නාකම නැවත වතාවක් ප්‍රදර්ශනය කර ඇතැයි පිිවිතුරු හෙළ උරුමය පක්ෂ නායක නීතිඥ උදය ගම්මන්පිල පැවසී ය.

අධ්‍යාපන ප්‍රතිසංස්කරණ නැවැතීමේ වගකීම විපක්ෂය පිට පැටවීමට රජය උත්සාහ කළ ද එම ප්‍රතිසංස්කරණ ක්‍රියාත්මක වීම නැවැත්වූයේ වත්මන් ජනාධිපතිවරයා ප්‍රමුඛ රජය යැයි විපක්ෂ නායක සජිත් ප්‍රේමදාස පැවසී ය.

ශ්‍රී ලංකාවේ විද්‍යාත්මක හා තාක්ෂණික ක්ෂේත්‍රයේ නව යුගයක් සනිටුහන් කරමින් මෙරට ප්‍රථම කොන්ටම් පරිගණකය (Quantum Computer) පසුගියදා හදුන්වා දුන්නේ ය.

ආණ්ඩුව සූදානම් වන්නේ වෛද්‍යවරු සහ විශේෂඥ වෛද්‍යවරු බෙදා වෙන් කර, විශේෂඥ වෛද්‍ය සේවාව මුදලාලිකරණය කිරීමට බවත්, නිදහස් සෞඛ්‍ය සේවාව සහ වෘත්තීය සමිති අයිතිය වෙනුවෙන්, වෛද්‍ය නිලධාරී සංගමයේ අරගලයට තම සංගමයේ පූර්ණ සහයෝගය පළ කරන බවත් සෞඛ්‍ය වෘත්තියවේදීන්ගේ විද්වත් සංගමයේ සභාපති රවී කුමුදේශ් සදහන් කරයි.

පල්ලේගම විජිත හිමියන් ගේ "සත්කාරය" වාර්ෂික සිසු තිළිණ ප්‍රදානය 14 වන වරටත් හෙට (27) දෙනියාය පල්ලේගම ද්විතීයික විද්‍යාලයේ දී පැවැත්වීමට නියමිත ය .

මාලිගාවත්ත වකුගඩු රෝහලේ ගැටලුවට විසඳුම් ලබාදීමට ලබා දුන් දින 7ක කාලය බදාදායින් අවසන් වන බැවින් එදිනට පෙර සාධාරණ විසදුමක් ලබා නොදෙන්නේ නම් ඒළඹෙන 28වන දා සිට විකිරණ තාක්ෂණවේදීන්ගේ සංගමය අඛණ්ඩ වෘත්තීය අරගලයකට අවතීර්ණ වන බව එම සංගමය ප්‍රකාශ කරයි.

රුසියානු සාහිත්‍ය කවයේ විසිවන සමරුව නිමිත්තෙන් පැවැත්වෙන රුසියානු සාහිත්‍ය සන්ධ්‍යාව ජනවාරි 29වන දා සවස 03.00ට කොළඹ 07, නිදහස් මාවතේ, අංක 10 දරන ස්ථානයෙහි පිහිටි රුසියානු මන්දිර ශ්‍රවණාගාරයේ දී පැවැත් වේ.

නදීකා බණ්ඩාර ගේ ‘අමන්ඩාගේ සයිකෝසියානු දවස්’ නවකතාව පිළිබඳ කතාබහක් ‘මෙටොනිමි- ආශාවේ ඉකොනොමිය’ හෙවත් ‘අමන්ඩාගේ සයිකෝසියානු දවස්’  යන තේමාව යටතේ 2026 ජනවාරි 30 සිකුරාදා සවස 3.00 ට අංක. 325, බෞද්ධාලෝක මාවත, කොළඹ 07 ශ්‍රී ලංකා පුවත්පත් මණ්ඩල ශ්‍රවණාගාරයේ දී පැවැත්වේ. 

නොරොච්චෝලේ බලාගාරයට ගෙන්වා ඇති පළමු, දෙවන පමණක් නොව තුන්වන ගල් අඟුරු නැව ද ප්‍රමිතියෙන් තොර යැයි පෙරටුගාමී සමාජවාදී පක්ෂයේ අධ්‍යාපන ලේකම් පුබුදු ජයගොඩ පැවසී ය.

නීතිපති පාරින්ද රණසිංහ වෙත අසත්‍ය චෝදනා, අවලාද සහ අපහාස සිදු කරමින් ඔහු ධුරයෙන් ඉවත් කිරිම සඳහා දැරූ උත්සාහය පරාජය කිරීමට හැකිවීම සතුටට කරුණක් යැයි Free Lawyers සංවිධානය සඳහන් කරයි.

පසුගිය දා පාර්ලිමේන්තුවේ දී වත්මන් රජය අප රටේ ක්ෂුද්‍ර කුඩා හා මධ්‍ය පරිමාණ ව්‍යාපාරිකයන් වෙනුවෙන් සහන පොලී වැඩසටහනක් පිළිබඳව විපක්ෂය දැනුවත් කළ බවත් එය බැලු බැල්මට හොඳ වැඩසටහනක් වුව ද මේ වන විට අප රටේ ක්ෂුද්‍ර කුඩා හා මධ්‍ය පරිමාණ ව්‍යාපාරිකයන් අසාදු ලේඛන ගත වී ඇති බැවින් මේ අය වෙනුවෙන් ලබා දෙන ණය සහනය විපතට පත් ක්ෂුද්‍ර කුඩා හා මධ්‍ය පරිමාණ ව්‍යාපාරිකයන්ගෙන් 50%කට ලබා ගත නොහැකි යැයි විපක්ෂ නායක සජිත් ප්‍රේමදාස පැවසීය.

තමන් ගේ ආණ්ඩුව රැක ගැනීම සඳහා: රටේ සංස්කෘතිය, ආගමට දහමට, රටේ පවතින නීතියට පටහැනිව වුව ද ආණ්ඩුව කටයුතු කරන බව ලාල් කාන්තගේ කතාවෙන් වැටහෙන්නේ යැයි යැයි ශ්‍රී ලංකා පොදුජන පෙරමුණේ ජාතික සංවිධායක නාමල් රාජපක්ෂ පැවසී ය.

ශ්‍රීලංකා නිදහස් පක්ෂයේ හිටපු මහලේකම් ලෙස දයාසිරි ජයසේකර පිළිබඳව පක්ෂයක් ලෙස විනය ක්‍රියාමාර්ග ගන්නා මෙන් ඉල්ලා ශ්‍රීලංකා නිදහස් පක්ෂයේ විධායක සභිකයකු වන එච්. එම්. පී. හේරත් විසින් පක්ෂයේ ජ්‍යේෂ්ඨ උප සභපති නිමල් සිරිපාල ද සිල්වා වෙත පැමිණිල්ලක් ඉදිරිපත් කර ඇත.

ලොව විශාලතම ජාත්‍යන්තර නාට්‍යය උළෙල දෙක ලෙස එඩිංබරෝ ජාත්‍යන්තර නාට්‍ය උළෙල හා නවදිල්ලි ජාත්‍යන්තර නාට්‍ය උළෙල හෙවත් භාරත් රන් මහෝත්සව් උලෙළහි ප්‍රදර්ශනය කිරීම සඳහා ලංකාවේ නාට්‍ය දෙකක් තෝරාගෙන ඇත.

රෝහල් පද්ධතියේ සහ වෛද්‍යවරුන්ගේ ගැටලු විසඳීම සම්බන්ධයෙන් සෞඛ්‍ය අමාත්‍යවරයා ලබා දුන් එකඟතා ඉටුකිරීම ඉල්ලමින් රජයේ වෛද්‍ය නිලධාරීන්ගේ සංගමය විසින් ආරම්භ කරන ලද අඛණ්ඩ වෘත්තිය ක්‍රියාමාර්ග මාලාවේ පළමු පියවර වන පැය 48ක දීප ව්‍යාප්ත සංකේත වැඩ වර්ජනය, ප්‍රකාශ කළ පරිදිම අද දින උදෑසන 08.00 අවසන් කරන ලදී.