එකුන් තිස් වරක දේහපාලන භූමියේත්, ඒ අතරතුර ජනමාධ්‍ය ක්ෂේත්‍රයේත් ලැබුවා වූ අත් දැකීම්, භාවිතා පාදක කර ගනිමින් ඥානසිරි කොත්තිගොඩ විසින් රචිත ''නව සමසමාජ පක්ෂයේ මුල මැද අග සහ මම'' කෘතිය ජූලි 07වන දා 03.00ට කොළඹ 07, නිදහස් මාවතෙහි පිහිටි ජාතික පුස්තකාල හා ප්‍රලේඛන සේවා මණ්ඩල ශ්‍රවණාගාරයේ දී ජනගත කරයි.
"ඩිජිටල්කරණය" තුළින් මහජන සේවා වඩාත් කාර්යක්ෂම, විනිවිදභාවයකින් යුක්ත සහ පහසු ආකාරයෙන් ලබාදීමේ ජාතික වැඩපිළිවෙල ශක්තිමත් කරමින්, රාජ්‍ය ආයතන වෙත බැංකු කාඩ්පත් මගින් (POS යන්ත්‍ර හරහා) මුදල් ගෙවීමේ නව පහසුකම හඳුන්වාදීමේ සමාරම්භක උත්සවය අද (ජූලි 02) තිඹිරිගස්යාය ප්‍රාදේශීය ලේකම් කාර්යාල පරිශ්‍රයේ දී අග්‍රාමාත්‍ය ආචාර්ය හරිනි අමරසූරිය ගේ ප්‍රධානත්වයෙන් පැවැත්විණි.
ක්‍රිෂ් ගනුදෙනුව සම්බන්ධයෙන් සිදුකරන විමර්ශනවලට අදාළව පොලීසිය භාරයට ගෙන තිබෙන සිය පරිගණක, ජංගම දුරකථන ඇතුලු ඉලෙක්ට්‍රෝනික උපාංග මුදාහරින ලෙස නියෝගයක් නිකුත් කරන ලෙස ඉල්ලා ඩිල්ෂාන් එල්මෝ ඇලෝසියස් ද සිල්වා නමැත්තකු විසින් ඉදිරිපත් කර ඇති ඉල්ලීමක් සම්බන්ධයෙන් හෙට (03) කරුණු දක්වන ලෙස දන්වා කොළඹ මහේස්ත්‍රාත් අධිකරණය විසින් අපරාධ පරීක්ෂණ දෙපාර්තමේන්තුවේ මූල්‍ය අපරාධ විමර්ශන කොට්ඨාසයේ ස්ථානාධිපතිවරයාට නොතීසි නිකුත් කරනු ලැබීය.
සෑම පුරවැසියෙකු ගේ ම භාෂා අයිතියට ගරු කරන, සමානාත්මතාව ආරක්ෂා කරන සහ විවිධත්වය ශක්තියක් බවට පත් කරන ශ්‍රී ලංකාවක් ගොඩනැඟීමට රජය කැපවීමෙන් කටයුතු කරන බව අග්‍රාමාත්‍ය ආචාර්ය හරිනි අමරසූරිය ප්‍රකාශ කළා ය.
රටේ ආරක්ෂාව භාරව සිටි ඉහළම නිලධාරීන් ගේ අතිවිශාල ධනස්කන්ධය සහ ඔවුන් සතු සුඛෝපභෝගී දේපළ පිළිබඳව මේ වන විට බරපතළ සමාජ කතාබහක් නිර්මාණය වී තිබේ. හිටපු ආරක්ෂක ලේකම් කමල් ගුණරත්න සහ හිටපු යුධ හමුදාපති විකුම් ලියනගේ ගේ වත්කම් පිළිබඳව නැගෙන චෝදනා මේ වන විට නීතිමය ක්‍රියාමාර්ග දක්වා වර්ධනය වෙමින් පවතී.
ඩෙංගු වසංගතය හිස ඔසවා තිබෙන මොහොතේ පවා ආණ්ඩුව කටයුතු කරන්නේ ඩෙංගුවලින් මිදෙන්න නම් විරුද්ධ පක්ෂයේ අය සිරගත කළ යුතු ය යන ස්ථාවරයේ සිට යැයි හිටපු සෞඛ්‍ය අමාත්‍ය රාජිත සේනාරත්න පැවසී ය.
වසර 2022දී රට මුහුණ දුන් දැඩි ආර්ථික අර්බුදය නිමා කරමින් වර්තමානයේ ලබා තිබෙන ප්‍රගතිය හමුවේ ශ්‍රී ලංකාව ‘ඉහළ මැද ආදායම්’ ලබන රටක් ලෙස ලෝක බැංකුව ශ්‍රේණිගත කර ඇත.
බණ්ඩාරනායක අනුස්මරණ ජාත්‍යන්තර සම්මන්ත්‍රණ ශාලාව, ශ්‍රේෂ්ඨාධිකරණ සංකීර්ණය, නෙලුම් පොකුණ රඟහල සහ දකුණේ පවුල් දහස් ගණනකගේ ආරක්ෂාව සැලසූ “ගිං ගඟ” ගංවතුර ආරක්ෂණ ව්‍යාපෘතිය යනාදි සියල්ල චීන ජනතාව ගෙන් ලැබුණු ත්‍යාග බවත්, ඔවුන්ගේ ත්‍යාගශීලීභාවයෙන් තොරව මේවා කිසිවක් අපට සාක්ෂාත් කරගත නොහැකි වන බවත් එක්සත් ජාතික පක්ෂ සභාපති, හිටපු අමාත්‍ය වජිර අබේවර්ධන පැවසී ය.
හිටපු බුද්ධි ප්‍රධානී සුරේෂ් සලේට අයත් දුරකතන සහ ලැප්ටොප් පරිගණක මුරපද වැඩිදුර පරීක්ෂණ සඳහා අපරාධ පරීක්ෂ දෙපාර්තමේන්තුව වෙත ලබාදෙන ලෙස කොටුව මහෙස්ත්‍රාත් පසන් අමරසේන අද (1) නියෝග කළේ ය.
රටේ ගොවි ජනතාව මුහුණ දෙන වී මිල ගැටලුව ඇතුළු කෘෂිකාර්මික අර්බුද පිළිබඳ සාකච්ඡා කිරීම සඳහා ගොවි සංවිධාන නියෝජිතයන් සමග විශේෂ හමුවක් මැදිරිගිරිය නව නගරයේ දී පැවැත්විණි.
ඉදිරියේදී ඇති විය හැකි එල්-නිනෝ දේශගුණික බලපෑමට මුහුණ දීම සඳහා අවශ්‍ය පියවර ගැනීම වෙනුවෙන් පරිසර අමාත්‍ය වෛද්‍ය දම්මික පටබැඳි ගේ සභාපතීත්වයෙන් යුතුව පත් කළ විශේෂ අමාත්‍ය මණ්ඩල අනුකමිටුව සහ නිලධාරී කමිටුව පළමු වරට ජනාධිපති කාර්යාලයේ දී ඊයේ (30) රැස් වූහ.
ශ්‍රී ලංකා ආයෝජන මණ්ඩලය සතුව තිබූ පැරණි බලය සහ කාර්යක්ෂමතාව නැවත ස්ථාපිත කර, එය 2005 වසරට පෙර පැවැති ආකාරයටත් වඩා ශක්තිමත් දේශපාලන අනුග්‍රහයක් සහ අන්තර්-ආයතනික බලපෑමක් සහිත, ආයෝජකයින් සඳහා "එකම වහලක් යටින් සියලු සේවා සපයන මධ්‍යස්ථානයක්" (one-stop shop) බවට පරිවර්තනය කිරීම තම අපේක්ෂාව බව ශ්‍රී ලංකා ආයෝජන මණ්ඩලයේ නව සභාපති දුමින්ද හුලංගමුව පැවසී ය.
පාස්කු ඉරිදා ත්‍රස්ත ප්‍රහාරය සම්බන්ධයෙන් සිදුකෙරෙන විමර්ෂණවලට අදාළව අපරාධ පරීක්ෂණ දෙපාර්තමේන්තුවේ රැදවුම් භාරයේ සිටිය දී උපවාසයක් ආරම්භ කළ, රාජ්‍ය බුද්ධි සේවයේ හිටපු අධ්‍යක්ෂ සුරේෂ් සලේ තමන් නිරත්වී සිටි උපවාසය අවසන් කිරීමට තීරණය කර තිබෙනවා.
ව්‍යසන කළමනාකරණ ජාතික සභාව සඳහා අද (30) ජනාධිපති කාර්යාලයේදී පැවැත්විණි.
“ඩොලර් බිලියනයක පද්ධතිමය විදේශ විනිමය වංචාව” සම්බන්ධයෙන් විධිමත් පරීක්ෂණයක් පැවැත්වීම සඳහා වගකිවයුතු රාජ්‍ය මූල්‍ය සහ නීති බලාත්මක කිරීමේ ආයතන වහාම රජයේ මුදල් පිළිබඳ කාරක සභාව හමුවට කැඳවන ලෙස විපක්ෂ පාර්ලිමේන්තු මන්ත්‍රී රවී කරුණානායකඑහි සභාපතිවරයා ගෙන් ඉල්ලීමක් කර ඇත.
ජනාධිපති අනුර කුමාර දිසානායක මහතා විසින් ශ්‍රී ලංකා ආයෝජන මණ්ඩලයේ නව සභාපති සහ සාමාජිකයකු ලෙස ජනාධිපති ජ්‍යෙෂ්ඨ ආර්ථික උපදේශක දුමින්ද හුලංගමුව පත් කරනු ලැබ ඇත.
ජාතික ලොතරැයි මණ්ඩලය වෙත අනුමත ක්‍රමවේදයෙන් පරිබාහිරව සහ එහි අනුමත ධූරාවලියේ නොමැති තනතුරුවලට නිලධාරීන් තිදෙනකු කොන්ත්‍රාත් පදනම මත බඳවාගෙන, එවකට මුදල් අමාත්‍යවරයාව සිටි රවී කරුණානායක ගේ කාර්ය මණ්ඩලයේ සේවයට යොමු කිරීම තුළින් ‘දූෂණය’ නමැති වරද සිදුකළැයි කියන සිද්ධියකට ජාතික ලොතරැයි මණ්ඩලයේ හිටපු සභාපතිනි ශ්‍යාමිලා පෙරේරා අල්ලස් කොමිසම විසින් අද (30) අත්අඩංගුවට ගන්නා ලදී.
ජනාධිපති අනුර කුමාර දිසානායක, ජාත්‍යන්තර මූල්‍ය අරමුදලේ ආසියා සහ පැසිෆික් දෙපාර්තමේන්තුවේ නියෝජ්‍ය අධ්‍යක්ෂ Sonali Jain-Chandra මහත්මිය ගේ ප්‍රධානත්වයෙන් යුත් ජාත්‍යන්තර මූල්‍ය අරමුදලේ නියෝජිත පිරිසක් සමග හමුවක් අද (30) ජනාධිපති කාර්යාලයේ දී පැවැත්විණි.
newstube.lk වෙබ් අඩවියේ පළවන සියළු ප්‍රවෘත්ති සහ විශේෂාංග ආශ්‍රිතව කිසිවකුට හානිකර යමක් පළ වී ඇත්නම් ඒ අගතියට පත් පාර්ශවයට ඊට ප්‍රතිචාර දැක්වීමට ඇති අයිතියට අපි ගරු කරමු.
ඔබගේ ප්‍රතිචාර
