පුවත්

තමාට අසාධාරණ ලෙස ක්‍රීඩා සම්මානයක් අහිමි වූ බවට ශිෂ්‍යාවක් ප්‍රකාශ කරමින්, සිරිමාවෝ බණ්ඩාරනායක විද්‍යාලයේ වාර්ෂික වර්ණ රාත්‍රී උත්සවයෙන් පසුව සමාජ මාධ්‍යවල හුවමාරුවන වීඩියෝවක්, පුළුල් මහජන විවාදයක් ඇතිකර තිබේ.

ඩී.ඇස්.සේනානායක විදුහලේ ආදී ශිෂ්‍ය සංගමයේ 88 වසර කණ්ඩායමෙන් ගුරුවරුන් වෙත සෑම මසකම අඛණ්ඩව වෛද්‍ය පහසුකම් ලබාදීමේ වැඩසටහනක් ආරම්භ කර ඇත.

යාපනය තිස්ස විහාරය ඉදිරිපිට ඇති වූ උණුසුම් තත්ත්වය හේතුවෙන් අත්අඩංගුවට ගත් පුද්ගලයින් 5දෙනා යාපනය මල්ලාකම් මහේස්ත්‍රාත් අධිකරණයට ඉදිරිපත් කිරීමෙන් පසු රුපියල් ලක්ෂය බැගින් වූ ශරීර ඇප මත මුදා හැර ඇති බව වාර්තා වේ.

ආපදා සහන සැලසීමේදී මූලික අයිතිවාසිකම් උල්ලංඝණය වී ඇද්දැයි සොයා බැලීම සදහා මානව හිමිකම් කොමිෂන් සභාව විශේෂ කණ්ඩායම් පත්කර තිබේ.

මාතර දිස්ත්‍රික්කයේ උග්‍ර ගැස් හිගයක් නිසා පාරිභෝගික ජනතාව දැඩි පීඩාවකට පත්ව ඇතැයි වාර්තාවේ.

කල්පිටිය ප්‍රාදේශීය ලේකම් කොට්ඨාසයේ රාජ්‍ය නිලධාරීන් ආපදා සහනාධාර බෙදීමේ කටයුතුවලින් ඉවත් වී තිබේ.

කටුනායක අධිවේගී මාර්ගයේ කෙරවලපිටිය අන්තර් හුවමාරුවේදී ගාස්තු අය කිරීම අත්හිටුවීමට අතිවිශේෂ ගැසට් නිවේදනයක් නිකුත් කර තිබේ.

"අද වන විටත් අවතැන් වෙච්ච, ගොවි බිම් අහිමි වෙච්ච, වගා බිම්, ගේ දොර අහිමි වෙච්ච , ජීවිත නැති වුණ මිනිසුන්ට කථා බහ කරලා මේ ප්‍රශ්නයට සාර්ථක විසඳුමක් ලබා දෙන්න ආණ්ඩුවට උවමනාවක් නෑ.ජනාධිපතිතුමා කොච්චර පාර්ලිමේන්තුවට ඇවිත් පොරොන්දු දුන්නත්, ජනාධිපතිතුමන්ගේ භාෂාවෙන්ම කියනවා නම් ඇත්ත කියනවා නම් එළියේ කියන්න, බොරු කියනවා නම් පාර්ලිමේන්තුවේ කියන්න කියනවානේ. ඉතින් ජනාධිපතිතුමා ඒ උපදේසය එතුමා පෙර පරිදී පුරුද්දට වගේ ඒ විදිහටම හැසිරෙනවා." යැයි ශ්‍රී ලංකා පොදු ජන පෙරමුණේ ජාතික සංවිධායක පාර්ලිමේන්තු මන්ත්‍රී නාමල් රාජපක්ෂ පැවසීය.

මෙරට භාවිතය තාවකාලිකව අත්හිටුවීමට පියවර ගත් 'ඔන්ඩැන්සෙට්‍රොන්' (Ondansetron) නැමැති ඖෂධය සම්බන්ධයෙන් පුළුල් පරීක්ෂණයක් පැවැත්වීම සඳහා සත් දෙනෙකුගෙන් යුත් විශේෂඥ කමිටුවක් පත් කර ඇති බව සෞඛ්‍ය අමාත්‍යාංශය පවසයි.

ආපදාවෙන් පීඩාවට පත්වූවන් හට රජයෙන් ලබා දෙන සහනාධාර මුදල් මෙන්ම බැංකු ණය ලබා ගැනීමේදී ජනතාව ඉතා කල්පනාකාරීව කටයුතු කළ යුතු බව මහ බැංකු අධිපති ආචාර්ය නන්දලාල් වීරසිංහ  පවසයි.

මීට වසරකට දෙකකට පෙර තමා පැවසූ දෑ එදා විහිළුවට ලක් කළ ද එදා තමා ගේ සංකල්ප විවේචනය කළ රජය අද ඒවා ජාතික ප්‍රතිපත්තියක් ලෙස පාර්ලිමේන්තුවේම එළි දැක්වීම පිළිබඳ සතුටු වන බවත්, සත්‍ය ජය ගන්නා බවත් විපක්ෂ නායක සජිත් ප්‍රේමදාස පැවසී ය.

අයහපත් කාලගුණ තත්ත්වය හේතුවෙන් වගා බිම් රැසක් විනාශ වූ අතර ඒ හේතුවෙන් මේ දිනවල එළවළු මිලද සීඝ්‍ර ලෙස ඉහළ ගොස් ඇතැයි වාර්තා වේ.

ත්‍රස්තවාදය වැළැක්වීමේ නව පනත් කෙටුම්පත සම්බන්ධයෙන් ජනතාවගේ මත විමසුමක් සිදු කරන අතර එළැඹෙන පෙබරවාරි 28 දක්වා කාලය තුළ ඒ සඳහා අදහස් දැක්වීම සිදු කළ හැකි බව අධිකරණ සහ ජාතික ඒකාබද්ධතා අමාත්‍ය, නීතිඥ හර්ෂණ නානායක්කාර පවසයි.

සූර්යබල ගබඩාකරණ පද්ධති ආනයනය කිරීමේදී පනවා තිබූ සියයට 46ක ආනයන බද්ධ ඔක්තෝබර් 15 දින සිට ආහෝසි කළ බව ද, ඒ අනුව දැනට ගිවිසුම් ගත මෙගාවොට් 01කට වඩා වැඩි බැටරි ගබඩාකරණ පහසුකම් සඳහා බැටරි ගෙන්වීමේ දී පෙර තිබූ ආනයන බද්ධ නොපැනවෙන බව ද බලශක්ති අමාත්‍ය කුමාර ජයකොඩි පැවසී ය.

ආණඩුව ඹෟෂධ මිල අඩු කිරීම සඳහා, බ්‍රිතාන්‍යයේ ප්‍රමිතිගත ඖෂධ බෙහෙත් තිබිය දී ඉංදියාවේ බාල ඖෂධ රැගෙන විත් ඇතැයි සර්වජන බලය උප සභාපති ආචාර්ය චන්න ජයසුමන පැවසී ය.

සපුගස්කන්ද රිය අනතුරට සම්බන්ධ හිටපු කතානායක පාර්ලිමේන්තු මන්ත්‍රී අසෝක රන්වල රිය අනතුරට ලක්වූ අවස්ථාවේ ඔහු මත්පැන් පානය කර ඇති බවට සනාථ වී නොමැති බව රජයේ රස පරීක්ෂක දෙපාර්තමේන්තුව පවසයි.

තමන් පැදවූ ජීප් රථයේ ගැටී තුවාල ලැබුවන්ට සානුකම්පිත දීමනාවක් ලෙස මුදල් ලබාදීමට කැමති බව පාර්ලිමේන්තු මන්ත්‍රී හිටපු කථානායක අශෝක රන්වල සිය නීතිඥවරුන් මගින් ඊයේ (19)  අධිකරණයට දැනුම් දුන්නද, තුවාල ලැබූ පාර්ශවය එම මුදල් ලබාගැනීම ප්‍රතික්ෂේප කළේය.

ආපදාවට ලක්වූ නිවාස පිරිසිදු කර ගැනීම සඳහා ලබාදෙන රුපියල් 25,000ක සහනාධාරය තමන්ට මෙතෙක් ලැබී නොමැති බව පවසමින් පුත්තලම ප්‍රාදේශීය ලේකම් කොට්ඨාසයේ පවුල් දහසකට අධික පිරිසක් ඊයේ විරෝධතාවක නිරත විය.