පුවත්

වත්මන් රජය බලයට පැමිණියේ කෙසේ හෝ වසර පහ ඇදගෙන යාමට නොව අභ්‍යන්තරව මෙන්ම බාහිරව ද ඇති විය හැකි ඕනෑම කම්පනයකට ඔරොත්තු දිය හැකි, නොසැලෙන ආර්ථිකයක් ගොඩනැගීමට බවත්, අද රටේ ආර්ථිකය ගමන් කළ යුතු දිශාව පිළිබඳ නිසි දැක්මක් සහ සැලැස්මක් ඇතිව රජය වැඩ කරමින් සිටින බවත් ජනාධිපති අනුර කුමාර දිසානායක පැවසී ය.

ආණ්ඩුවට හිතවත් ව්‍යාපාරිකයෝ කිහිපදෙනෙක් අසල තබා ගෙන ඔවුන්ට වාසි වෙන විදියට තීන්දු තීරණ ගන්නවා. තමන්ට හිතවත් ව්‍යාපාරිකයන්ට වාසි වෙන විදියට තීන්දු තීරණ ගෙන ඒ පීඩනය මේ රටේ ජනතාව මත පටවන්නේ යැයි ශ්‍රී ලංකා පොදුජන පෙරමුණේ ජාතික සංවිධායක පාර්ලිමේන්තු මන්ත්‍රී නාමල් රාජපක්ෂ පැවසී ය.

වත්මන් ජාතික ජන බලවේග රජය (මාලිමාව) බලයට පත් වී මාස 18ක් ගත වී ඇතත්, තමන් කෙරෙහි බලාපොරොත්තු තැබූ ජනතාව වෙනුවෙන් එකදු සාර්ථක කාර්යයක් හෝ ඉටු කිරීමට අපොහොසත් වී ඇතැයි එක්සත් ජනරජ පෙරමුණ චෝදනා කරයි.

මෙම මස 30වන දිනට යෙදී ඇති වෙසක් පොහොය දින: අනුරාධපුරය සහ මාතර, තිහගොඩ මිදෙල්ලවල පුරාණ රජ මහා විහාරයෙහි පැවැත්වෙන රාජ්‍ය වෙසක් උත්සවය සහභාගි වන බැතිමතුන් ගේ ගමන් පහසුව වෙනුවෙන් විශේෂ දුම්රිය සේවාවක් ක්‍රියාත්මක කිරීමට සැලසුම් කර ඇතැයි දුම්රිය ගමනාගමන අධිකාරි ජී. ඩී. ඒ. සමරසිංහ සඳහන් කරයි.

2014 වසරේ සංචාරක ප්‍රවර්ධන කාර්යාංශයේ මිලියන 7.8 ක මුදලක් භාවිතා කර ඌව පළාත් සභා මැතිවරණ ප්‍රචාරණ කටයුතු කිරීමට අදාළව එවකට හිටපු ඇමති බැසිල් රාජපක්ෂ, එහි සභාපති භාෂ්වර ගුණරත්න, කළමනාකාර අධ්‍යක්ෂක රූමි ජව්ෆර්, ඇතුළු පිරිස අත්අඩංගුවට ගෙන අධිකරණයට ඉදිරිපත් කරන ලෙස කොටුව මහේස්ත්‍රාත් පසන් අමරසේන අපරාධ පරීක්ෂණ දෙපාර්තමේන්තුවට නියෝග කළේ ය.

අබිරහස් ලෙස මියගිය ශ්‍රී ලංකන් ගුවන් සමාගමේ හිටපු ප්‍රධාන විධායක කපිල චන්ද්‍රසේන ගේ මරණයට අදාළව සාක්ෂි ලබාදීම සඳහා ජනාධිපති නීතිඥ රියන්සි අර්සකුලරත්න සහ නීතීඥ උදාර මුහන්දිරම් යන දෙදෙනාට අධිකරණයෙන් සිතාසියක් ලද හොත් පමණක් අධිකරණයේ පෙනී සිටින ලෙස අද (29) කොටුව මහේස්ත්‍රාත් පසන් අමරසේන දැනුම් දුන්නේ ය.

විදුලි බලය සැපයීමට අදාළ සියලු සේවා, ඉන්ධන, ඛනිජ තෙල් නිෂ්පාදන, ගෑස් සැපයීම හෝ බෙදාහැරීම, රෝහල්, බෙහෙත් ශාලා, මෙන්ම මගී හෝ භාණ්ඩ ප්‍රවාහනය ආදී සේවා රැසක් අත්‍යවශ්‍ය සේවා ලෙස ප්‍රකාශයට පත් කරමින් අති විශේෂ ගැසට් නිවේදනයක් නිකුත් කර ඇත.

අති විශේෂ ගැසට් නිවේදනයක් නිකුත් කරමින් රට තුළ පවතින මහජන හදිසි අවස්ථා තත්ත්වය තවදුරටත් දීර්ඝ කර ඇත.

ප්‍රවාහන, මහාමාර්ග හා නාගරික සංවර්ධන අමාත්‍යාංශයේ ලේකම් මහාචාර්ය කපිල පෙරේරා සිය ධුරයෙන් ඉල්ලා අස්වීමට තීරණය කර ඇතැයි දැනගන්නට ලැබී තිබේ.

නීති විරෝධී අයුරින් රුපියල්  20,730,000ක් වටිනා විදේශීය සිගරට්  පෙට්ටි මෙරටට ගෙනා  (කූරු 138,200) චීන ජාතිකයින්  14 දෙනෙක් කටුනායක බණ්ඩාරණායක ගුවන්තොටුපල රේගු නිලධාරින් සිය භාරයට ගෙන ඇත.

1931 දේවාලගම් පනතෙහි 41 සහ 42 වගන්තිය සංශෝධනය කරන්නැයි ඕමල්පේ සෝභිත හිමි තමා ගෙන් ඉල්ලා සිටියේ යැයි අනුර කුමාර දිසානායක ජනාධිපතිවරයා පැවසී ය.

"ශ්‍රී ලංකාව යළි ගොඩනැඟීමේ" (Rebuilding Sri Lanka) විශේෂ රාජ්‍ය අරමුදල වෙත රුපියල් බිලියන 6.1 කට අධික දේශීය මුදලක් සහ ඇමරිකානු ඩොලර් මිලියන 11.4 ක දැවැන්ත විදේශීය ආධාර මුදලක් ගලාවිත් ඇති බව ජනාධිපති ලේකම් කාර්යාලය (Presidential Secretariat) නිල වශයෙන් තහවුරු කර තිබුණ ද, එම මුදල් වියදම් කළ ආකාරය පිළිබඳ කිසිදු නිල තොරතුරක් හෝ විගණන වාර්තාවක් නොමැති බව පැවසේ.

ලොව පුරා ඉස්ලාම් භක්තිකයින් මහත් බැතියෙන් සමරන ඊදුල් අල්හා හජ් උත්සවය අදට යෙදී තිබේ. ඉස්ලාම් බැතිමතුන් ගේ විශ්වාසයට අනුව අල්ලාහ් දෙවියන් කෙරෙහි ඊබ්‍රාහිම් නබිතුමන් ගේ භක්තිය සහ අසමසම පරිත්‍යාගය සංකේතවත් කරන හජ් සැමරුම සුවිශේෂ වන්නේ ඉස්ලාම් දහමේ පංච මහා වගකීම්වලින් පස්වැන්න ලෙස සැලකෙන මක්කම වන්දනාව හේතුවෙනි.

2026 වෙසක් පුණ්‍ය මහෝත්සවය නිමිත්තෙන් 2026 මැයි 30 සහ 31 යන දෙදින සියලු ම මත්පැන්හල් වසා තැබිය යුතු බව සුරාබදු කොමසාරිස් ජනරාල් එම්. බී. එන්. ඒ. පේමරත්න නිවේදනයක් නිකුත් කරමින් දන්වා සිටි.

ජනතා විමුක්ති පෙරමුණේ ප්‍රධාන ලේකම් ටිල්වින් සිල්වා සහ ශ්‍රී ලංකාවේ වියට්නාම තානාපතිනි ත්‍රින් තී ටැම් සහ උප තානාපති ලී වැන් හොන්ග් අතර හමුවක් ඊයේ (26) පැලවත්ත ජවිපෙ ප්‍රධාන කාර්යාලයේ දී සිදුකෙරිණි.

මාර්ටින් වික්‍රමසිංහ ගේ 136වන ජන්ම සංවස්තරය නිමිති කර ගනිමින් මාර්ටින් වික්‍රමසිංහය භාරකාර මණ්ඩලය සහ ජාතික පුස්කතකාලය එක්ව සංවිධානය කරන, මහාචාර්ය ජයදේව උයන්ගොඩ විසින් රචිත ''නවකතාවක් පමණක් නොවන නවකතාවක්'' කෘතිය මැයි 29වන දා සවස 02.30ට ජාතික පුස්තකාල හා ප්‍රලේඛන මණ්ඩල ශ්‍රවණාගාරයේ දී පැවැත්වේ.

2022 වසරේ ජූලි මස 14වන දා ජනාධිපති ලේකම් කාර්යාලයට අයුතු ඇතුළු වීමක් සිදු කළ සිද්ධිය සම්බන්ධයෙන් නඩුව කැඳවූ අවස්ථාවේ දී අධිකරණයේ පෙනී නොසිටි කාශ්‍යප හිමි ඇතුළු සැකකරුවන් හය දෙනෙක් අත්අඩංගුවට ගෙන අධිකරණයට ඉදිරිපත් කරන කොටුව මහේස්ත්‍රාත් පසන් අමරසේන කොළඹ අපරාධ කොට්ඨාසයට අද (27) නියෝග කළා.

ජනාධිපති ලේකම් කාර්යාලයෙන් ජාතික නිදහස් පෙරමුණට ලබා දුන් වාහන අවභාවිතා කළ බව කියන සිද්ධියට අදාළව ඇප මත මුදා හැර ඇති හිටපු ජාතික නිදහස් පෙරමුණ පාර්ලිමේන්තු මන්ත්‍රී ජයන්ත සමරවීර යන අය අත්අඩංගුවට ගෙන අධිකරණයට ඉදිරිපත් කරන ලෙස කොළඹ කොටුව මහේස්ත්‍රාත් පසන් අමරසේන අද (27) නියෝග කළේය.