පුවත්

දිට්වා සුළි කුණාටුවෙන් පුද්ගලයින් සියගණනක් මිය යාම, තවත් සිය ගණනක් අතුරුදන් වීම සහ ලක්ෂ සංඛ්‍යාත පිරිසක් අවතැන් වීම සම්බන්ධයෙන් වාරිමාර්ග ඇමතිවරයාට ජම්පර අඳින්න වෙන බව බදුල්ල දිස්ත්‍රික් මන්ත්‍රී චාමර සම්පත් දසනායක පාර්ලිමේන්තුවේදී ඊයේ පැවසීය.

ශ්‍රී ලංකා බලධාරීන් විසින් ජාත්‍යන්තර මූල්‍ය අරමුදලේ හදිසි මූල්‍යයන පහසුකම (Rapid Financing Instrument -RFI) යටතේ එක්සත් ජනපද ඩොලර් මිලියන 200ක මූල්‍ය පහසුකමක් ඉල්ලා ඇති බව ජාත්‍යන්තර මූල්‍ය අරමුදල පවසයි.

මේ වන විට රට මුහුණ පා ඇති ආපදාව ආර්ථිකය ගොඩනැංවීමේ ක්‍රියාවලියක් බවට පරිවර්තනය කර නොගතහොත් තවත් ඛේදවාචකයකට මුහුණ දිමට සිදුවනු ඇතැයි හිටපු අමාත්‍ය පාඨලී චම්පික රණවක පැවසී ය.      

“දිට්වා“ සුළි කුණාටුවෙන් විපතට පත් ජනතාවට බෙදාදුන් සහනාධාර මළු අලෙවි කළ බවට තොරතුරු කීපයක් ලැබීම නිසා ඒ සම්බන්ධව අත්‍යාවශ්‍ය සේවා කොමසාරිස් ජනරාල් දෙපාර්තමේන්තුව විසින් පරීක්ෂණ ආරම්භ කර ඇත.

ඇත්ත සංඛ්‍යා ලේඛන වසන් කර, සිදු වූ ව්‍යසනයේ බරපතළකම දියාරු කර හරින්නට ආණ්ඩුව සූදානම් වන්නේ යැයි නව ජනතා පෙරමුණ පක්ෂ නායක සුගීෂ්වර බණ්ඩාර පැවසී ය.

ව්‍යසනකාරී අවස්ථාවේ කිසිම දේශපාලන උවමනාවක් වෙනුවෙන් මිනිසුන්ගේ මනෝභාවයන් වෙනස් නොකරන ලෙස ඉල්ලා සිටින බව නුවරඑළිය දිස්ත්‍රික් මාලිමා මන්ත්‍රීනී නීතිඥ අනුෂ්කා තිලකරත්න  පාර්ලිමේන්තුවේදී පැවසුවාය.

බිඳවැටුණු රන්ටැඹේ - මහියංගන සම්ප්‍රේෂණ පද්ධතියේ අලුත්වැඩියා කටයුතු එළඹෙන ඉරිදා (07) වනවිට යථා තත්ත්වයට පත්කොට එම ප්‍රදේශවලට විදුලි සබඳතාව ලබාදීමට අපේක්ෂා කරන බව බලශක්ති අමාත්‍යංශය නිවේදනය කර තිබේ.

සමාජ මාධ්‍ය හෝ දේශපාලන වශයෙන් කිසිවකු මර්දනය කිරීමට හදිසි නීතිය අතට ගැනීමට කිසිම උපදෙසක් ලබාදී නැතැයි මහජන ආරක්ෂක ඇමැති ආනන්ද විජේපාල  පැවසීය.

අයවැය විසර්ජන පනත් කෙටුම්පත (2026) තෙවැනි වර කියවීම තුනෙන් දෙකේ වැඩි ඡන්දයෙන් සංශෝධන සහිතව පාර්ලිමේන්තුවේදී අද (5) පස්වරුවේ සම්මත විය.

දිවයිනේ දිස්ත්‍රික්ක 25ටම බලපා ඇති ආපදා තත්ත්වය හේතුවෙන් සිදුවු ආපදා මරණ සංඛ්‍යාව 607ක් දක්වා ඉහළ ගොස් ඇතැයි ආපදා කළමණාකරණ මධ්‍යස්ථානය පවසයි.

ආපදාවෙන් නිවාස නැති වී කඳවුරු වල සිටින උදවියට කුලී නිවසකට යාමට අවශ්‍ය නම් මාස තුනක් දක්වා රුපියල් 25000 බැගින් ලබාදෙන බව ජනාධිපති අනුර කුමාර දිසානායක  පාර්ලිමේන්තුවේදී පැවසීය.

ගම්පහ, දිවුලපිටිය කළුඅග්ගල කන්දේ නායයෑමේ අවදානමක් හේතුවෙන් පවුල් 100ක් පමණ පදිංචි ස්ථානවලින් තාවකාලිකව ඉවත් කිරීමට පියවර ගෙන තිබේ.

දිවයිනට බලපා ඇති ඊශාන දිග මෝසම් කාලගුණය හේතුවෙන් දෙසැම්බර් මස 9,10 සහ 11 යන දිනවලදී වර්ෂාපතනය වැඩිවිය හැකි බව කාලගුණවිද්‍යා දෙපාර්තමේන්තුව පවසයි.

"ව්‍යසන මැද මනුෂ්‍යත්වය" මැයෙන් අසිරි හදවත (Glorious Heart )  සංවිධානය මගින් ආපදාවෙන් විපතට පත් වූ ජනතාවට සහන සැලසීමේ වැඩසටහන දිස්ත්‍රික් ගණනාවක් ආවරණය කරමින් ක්‍රියාත්මක කරන ලදී.

වාරිමාර්ග දෙපාර්තමේන්තුව යටතේ පාලනය වන ප්‍රධාන හා මධ්‍ය පරිමාණ ජලාශ 74ක් වාන් දමන බව වාරිමාර්ග දෙපාර්තමේන්තුව සඳහන් කරයි.

අයහපත් කාලගුණ තත්ත්වය සම්බන්ධයෙන් කාලගුණ විද්‍යා දෙපාර්තමේන්තුව පසුගිය 11 වැනිදා පෙර දැනුම් දීම් කර ඇති බවට විපක්ෂය සාක්ෂි සහිතව ඊයේ රට හමුවේ අනාවරණ කළේය.

ඊයේ (දෙසැම්බර් 4) වන දා සවස 6.00 වන විට ආපදා තත්ත්වය හේතුවෙන් මෙරට වාර්තා වී ඇති මරණ සංඛ්‍යාව 481ක් බවත්, අතුරුදන් සංඛ්‍යාව 345ක් බව ආපදා කළමනාකරණ මධ්‍යස්ථානය පවසයි.

දිට්වා සුළි කුණාටුව හේතුවෙන් ඇතිවූ නායයෑම්වලින් ශ්‍රී ලංකාවට සිදුව ඇති හානිය සහ පාඩුව නිවැරැදිව ඇස්තමේන්තු කිරීම රජයට තනිව කළ නොහැකි බැවින් ඒ සඳහා ලෝක බැංකුවේ සහාය ලබාගෙන තිබෙන බව ශ්‍රී ලංකාවේ සහ මාලදිවයිනේ ලෝක බැංකු කළමනාකරු ගෙවෝර්ග් සාර්ගසියාන් ප්‍රකාශ කළේය.