පුවත්

මෙරට සෞඛ්‍ය සේවාවේ භෞතික සම්පත් ඉහළ නංවමින් ජනතාවට ලබාදෙනු ලබන ප්‍රතිකාර සේවා විධිමත්ව සහ වඩා කාර්යක්ෂමව සිදු කිරීමට සෞඛ්‍ය හා ජනමාධ්‍ය අමාත්‍ය වෛද්‍ය නලින්ද ජයතිස්ස ගේ උපදෙස් සහ මඟ පෙන්වීම යටතේ නිශ්චිත සැලසුම් කරන ලද වැඩපිළිවෙළක් මේ වනවිට ක්‍රියාවට නංවා ඇත‍.

ධර්මයේ වේශයෙන්ම ධර්මය විකෘති කරන අවස්ථාවල දී පෙර රජ දවස සිටි රජවරුන්ගේ ක්‍රියා මාර්ග ගන්නා ලෙසට කෙරුණු ආරාධනාවකට ජනාධිපති අනුර කුමාර දිසානායක මහතා පසුගියදා ප්‍රසිද්ධියේ එකඟත්වය පළ කළ බවත්, ඇතැම් රජවරු ඒ ඒ පාලන කාලවල දී සංඝයා වහන්සේ ඝාතනය කළ ආකාරයට ම ජනතා විමුක්ති පෙරමුණ ද වර්ෂ 1987 – 89 කාලවලදී සංඝයා වහන්සේලා ඝාතනය කළ බව එක්සත් ජාතික පක්ෂය සඳහන් කරයි.

පළාත් සභා ඡන්ද විමසීම පැවැත්වීමකින් තොරව ආණ්ඩුකාරවර පාලනය යටතේ පළාත් සභා පවත්වාගෙ යෑම පළාත් පරිපාලනය බිඳවැටීමට හේතු වී ඇති බැවින්, වහා පළාත් සභා ඡන්ද විමසීම පැවැත්වීමට රජය පියවර ගත යුතු බවත්, ක්‍රියාකාරී දේශපාලන පක්ෂ සියල්ල ම පාහේ පැරණි ඡන්ද ක්‍රමය යටතේ ඊළඟ ඡන්ද විමසීම පැවැත්වීමට විරුද්ධත්වයක් නොමැති බැවින් පළාත් සභා මහජන නියෝජිතයින් සහිතව ක්‍රියාත්මක කිරීමට අවශ්‍ය පියවර ගන්නා ලෙස ආණ්ඩුකාරවරුන්ගේ සංසදය ඉල්ලා සිටී.

ශ්‍රි ලංකා පොත් ප්‍රකාශකයින්ගේ සංගමය විසින් සංවිධානය කරනු ලබන 27වන ජාත්‍යන්තර පොත් ප්‍රදර්ශනය එළඹෙන සැප්තැම්බර් 25වන දින සිට ඔක්තෝබර් ඔක්තෝබර් 04වන දින දක්වා කොළඹ බණ්ඩාරනායක අනුස්මරණ ජාත්‍යන්තර සම්මන්ත්‍රණ ශාලා පරිශ්‍රයේ දී (BMICH) පැවැත්වීමට කටයුතු යොදා ඇත.

ඊයේ (30) මධ්‍යම රාත්‍රියේ සිට වහා ක්‍රියාත්මක වන පරිදි සියලු ඉන්ධන මිල ගණන් ඉහළ දැමීමට ලංකා ඛනිජ තෙල් සංස්ථාව පියවර ගෙන ඇත. ඒ අනුව ලංකා සුදු ඩීසල් ලීටරයක මිල රුපියල් 15කින් ඉහළ දමා ඇත; එහි නව මිල රුපියල් 407කි. 

වෙසක් පුර පසළොස්වක පොහොය දිනය නිමිත්තෙන් සෙංකඩගල (මහනුවර) නගරය වර්ණවත් වෙසක් සැරසිලිවලින් අලංකාරව සැරසී තිබේ.බුදු දහමට ගෞරව දැක්වීමේ අරමුණින්: දාන, ශීල, භාවනා ඇතුළු ආගමික කටයුතු රැසක් නගරය පුරා සංවිධානය කර ඇත.

නිදහස් මාධ්‍ය ව්‍යාපාරයේ (FMM) වාර්ෂික මහ සභාව 2026 මැයි 29 වන දා කොළඹ 05, බර්නාඩ් සොයිසා මාවතේ පිහිටි ශ්‍රී ලංකා පුවත්පත් ආයතන ශ්‍රවණාගාරයේ දී (SLPI) පැවැත්විණි.

ශ්‍රී දළදා මාලිගාවේ වාර්ෂික වෙසක් පෙරහර මංගල්‍යය සිරිත් පරිදි ඊයේ (30) පස්වරුවේ වීදි සංචාරයට එක් විය.

සෞඛ්‍ය හා ජනමාධ්‍ය අමාත්‍ය වෛද්‍ය නලින්ද ජයතිස්ස සහ ලංකාවේ කියුබානු ජනරජයේ තානාපතිනි පැට්‍රීෂියා ලාසාරා පෙගෝ ගුවේරා (Mrs. Patricia Lázara Pego Guerra) අතර සෞඛ්‍ය ක්ෂේත්‍රය ඇතුළු ද්විපාර්ශ්වික සබඳතා ශක්තිමත් කිරීම උදෙසා වූ  සාකච්ඡාවක් පසුගිය දා සෞඛ්‍ය හා ජනමාධ්‍ය අමාත්‍යාංශයේ දී පැවැත්විණි. 

වර්තමානයේ දී අටමස්ථානාධිපති ලෙස කටයුතු කරන පල්ලේගම හේමරතන නමැති භික්ෂුව වෙත එල්ල වී ඇති චෝදනා සැලකිල්ලට ගනිමින් එම භික්ෂුව අදාළ තනතුරුවලින් තාවකාලිකව ඉවත් කිරීමට මල්වතු මහා විහාරීය කාරක සංඝ සභාව තීරණය කර ඇතැයි එම සභාව සඳහන් කරයි.

වෙසක් පුර පසළොස්වක පෝය නිමිත්තෙන් ශ්‍රී දළදා මාලිගාවට සහ මහනුවර නගරයට පැමිණෙන ජනතාව වෙනුවෙන් දිවා රාත්‍රී දන්සැලක් අද ශ්‍රී දළදා මාලිගා පරිශ්‍රයේ දී ආරම්භ විය.

වෙසක් පුර පසළොස්වක පොහොය දිනය නිමිත්තෙන් ශ්‍රී දන්ත ධාතුන් වහන්සේගේ ආශිර්වාද ලබා ගැනීම සඳහා දහස් සංඛ්‍යාත සැදැහැවතුන් අද දිනය පුරා මහනුවර ශ්‍රී දළදා මාලිගාව වෙත පැමිණෙමින් සිටී.

ජීවිතය සාර්ථක කර ගැනීම සඳහා බෞද්ධ දර්ශනය තුළ ඉගැන්වීම් කර ඇති වත් පිළිවෙත් අනුගමනය කිරීමට මෙවර වෙසක් දිනයේ දී අධිෂ්ඨාන කර ගත යුතු යැයි මල්වතු පාර්ශවයේ අනුනායක පූජ්‍ය දිඹුල්කුඹුරේ විමලධම්ම හිමියෝ පවසති.

සම්බුදු තෙමඟුල සැමරෙන වෙසක් උත්සවය ලොව පුරා වෙසෙන බෞද්ධ ජනතාවගේ උතුම්ම මංගල්‍යය යි. බෞද්ධ උරුමයන්ගෙන් සුපෝෂිත ප්‍රෞඪ සංස්කෘතියකට උරුමකම් කියන ශ්‍රී ලාංකේය ජනතාව ලෝකවාසී බෞද්ධයන් සමඟ එක්ව මෙම උතුම් තෙමඟුල බැතියෙන් සමරති.

තිලෝගුරු බුදු රජාණන් වහන්සේගේ සම්බුද්ධ තෙමඟුල සැමරීමේදී ආමිස පූජාවලට වඩා ප්‍රතිපත්ති පූජා සඳහා මුල්තැන දීම ඉතා වැදගත් වන බව අස්ගිරි පාර්ශවයේ අනුනායක පූජ්‍ය නාරම්පනාවේ ආනන්ද හිමියෝ පවසති.

කරුණාව සහ ප්‍රඥාව පෙරහැරිව මෙම උතුම් වෙසක් මංගල්‍යෙය් දී අන් අයට පිහිට වීමට කටයුතු කළ යුතු යැයි අස්ගිරි පාර්ශවයේ අනුනායක පූජ්‍ය වේඩරුවේ උපාලි හිමියෝ පවසති.

ලාංකීය ශාස්ත්‍රීය කතිකාවෙහි පුරෝගාමී ශාස්ත්‍රවේදිනියක වන ආචාර්ය කුමාරි ජයවර්ධන ඇගයීම ජුනි ‌02වන දින සවස 04.30ට කොළඹ විශ්වවිද්‍යාලීය නව කලාගාරයේ දී පැවැත්වේ.

සඳරැසි සුදසිංහ කිවිඳිය විසින් රචිත ''ගිනි වැදුණු පියාපත්'' කෘතිය පාදක කර ගනිමින් පවත්වන සංවාදය කතුවරිය ගේ ද සහභාගිත්වයෙන් මැයි 31වන දා (හෙට) සවස 02.30ට කළුතර කළමුල්ල පියවර කොළ කැඳ පුස්තකාලයේ දී පැවැත් වීමට නියමිත ය.