#newstube

මෙරට ජනගහණයෙන් සියයට 10ක් විවිධ මානසික රෝග වලින් පෙළෙන බව සෞඛ්‍ය අමාත්‍යංශය පවසයි.

ජනගහණයෙන් සියයට දෙකක ප්‍රමාණයකට බරපතළ මානසික රෝගී තත්ත්වයන්ගෙන් පෙලෙන බව සෞඛ්‍ය සේවා අධ්‍යක්ෂ ජනරාල් වෛද්‍ය අසේල ගුණවර්ධන පැවසුවේය.

ලෝක මානසික සෞඛ්‍ය දිනය වෙනුවෙන් ඊයේ 08) පැවති ජාතික සැමරුම් උත්සවයට එක්වෙමින් සෞඛ්‍ය සේවා අධ්‍යක්ෂ ජනරාල්වරයා පැවසුවේ මෙම තත්ත්වය සියදිවි හානිකර ගැනීම සඳහා ද වැඩි වශයෙන් බලපා ඇති බවය.


ගම්පහ පාසල් සිසුන්ගෙන් 24%කට විෂාදය


මේ අතර කැලණිය විශ්වවිද්‍යාලයේ මනෝවිද්‍යා අධ්‍යයන අංශයේ මහාචාර්ය මියුරු චන්ද්‍රදාස පවසන්නේ, ගම්පහ දිස්ත්‍රික්කයේ පාසල් සිසුන්ගෙන් සියයට විසිහතරක් (24%) විෂාදයෙන් පෙළෙන බවට සායනික වශයෙන් තහවුරු වී ඇති බවයි.

මෙය භයානක තත්ත්වයක් බවද හෙතෙම සඳහන් කළේය.

කැලණිය විශ්වවිද්‍යාලය සහ මොනෑෂ් විශ්වවිද්‍යාලය එක්ව ගම්පහ දිස්ත්‍රික්කයේ පාසල් සිසුන් එක්දහස් හතළිස්පස් දෙනකු (1,045) සහභාගි කරගෙන සිදුකළ
පරියේෂණයකින් මේ බව හෙළිව තිබේ.

එසේම සිසුන්ගෙන් සියයට හැටක (60%) පිරිසක් විශේෂ රෝග තත්ත්වයක් නොමැතිව මානසික ආතතියෙන් පෙළෙන බවද හඳුනාගෙන ඇත.

මෙම තත්ත්වයෙන් පැහැදිලි වන්නේ පාසල් සිසුන්ගෙන් බහුතර පිරිසකට ඔරොත්තු දීමේ හැකියාව නොමැතිකම බව මහාචාර්යවරයා පෙන්වා දුන්නේය.

ඊට ප්‍රධාන හේතුවක් ලෙස හඳුනාගෙන ඇත්තේ මෙම දරුවන්ගේ ගැටලුවලට දෙමව්පියන් ඇහුම්කම් නොදීම සහ ඔවුන්ගේ ප්‍රශ්න නොසලකා හැරිමයි. මීට අමතරව කුඩා කාලයේ ඔවුන්ට සිදුවූ වධහිංසා සහ අපයෝජනවලට පිළියම් යොදා නොමැතිවීම, නිරන්තරයෙන් විභාග සඳහා යොමු කිරීම, විශේෂයෙන් මාස තුනකට වතාවක් වාර විභාග පැවැත්වීම ද මෙසේ දරුවන් ආතතියට පත්වීමට හේතුවක් බව මහාචාර්යවරයා වැඩිදුරටත් පෙන්වා දුන්නේය.

 

(වරුණි පෙරමුණ)

1990 දශකයෙන් පසු, විශේෂයෙන් ම චන්ද්‍රිකා කුමාරතුංග ගේ ආගමනයෙන් පසු ලංකාවේ නීති පද්ධතියේ (system) විශාල බිඳ වැටීමක් දක්නට ඇතැයි දේශපාලන විශ්ලේෂක විපුල කරුණාතිලක පැවසී ය.

ලංකාවේ පළවෙනි චිත්‍රපට තුනට ම මගේ සීයා 40-50 දශකයේදී මුදල් යොදවා ඇත.

ශ්‍රී ලංකාවේ චිත්‍රකතා (Comics) ඉතිහාසය දෙස අවධානය යොමු කිරීමේ දී එය 20 වන සියවසේ මැද භාගය තෙක් දිව යන බව දක්නට ලැබේ.

හෙන්ලි විදේශ ගමන්බලපත්‍ර දර්ශකයේ නවතම ශ්‍රේණිගත කිරීම ශ්‍රී ලංකා විදේශ ගමන්බලපත්‍රය ස්ථානයක් පහළට ගොස් ලොව 98වන ස්ථානයට පත්ව ඇත.

වත්මන් ශ්‍රී ලංකා විදේශ ගමන්බලපත්‍රයෙන් ලොව රටවල් 41කට පමණක් වීසා රහිත ප්‍රවේශය ලබාගත හැකිය.

අවසන් වරට ඉකුත් සැප්තැම්බර් 11 වනදා නිකුත් කරන ලද දර්ශකයේ ශ්‍රී ලංකාව 97 වන ස්ථානයේ සිටියේය.

2024 වසරේ දී 96 වන ස්ථානයේ සිටි ශ්‍රී ලංකාව මෙම වසර මුලදී 91 වන ස්ථානය දක්වා ස්ථාන 5ක් ඉදිරියට පැමිණ කැපී පෙනෙන ප්‍රගතියක් අත්කරගෙන තිබුණි.

ලොව බලවත්ම විදේශ ගමන් බලපත්‍රයට හිමි ගෞරවය තවමත් සිංගප්පූරුව සතුව ඇති අතර, එම ගමන්බලපත්‍රයට රටවල් 193කට වීසා රහිතව ගමන්කළ හැකිය.

දකුණු කොරියාව (190) එහි දෙවන ස්ථානයේ ද, ජපානය (190) තෙවන ස්ථානයේද පසුවේ.

අසල්වැසි ඉන්දියාව ද ස්ථාන 5කින් පහළට පැමිණ මේ වනවිට 85වන ස්ථානයේ රැඳී සිටියි. එම විදේශ ගමන්බලපත්‍රය යටතේ රටවල් 57කට වීසා රහිත ප්‍රවේශය ලබාගත හැකිය.

දකුණු ආසියානු රටවල් වන බංග්ලාදේශය මෙහි 100වන ස්ථානයේද, පාකිස්තානය 103වන ස්ථානයේද පසුවෙයි.

මෙහි අවසන් ස්ථානය එනම් 106වන ස්ථානයේ ඇෆ්ගනිස්තානය රැඳී සිටියි. එරට පුරවැසියන්ට රටවල් 24කට පමණක් වීසා රහිතව ගමන්කළ හැකිය.

(adaderana)

දෙනියාය කොටපොල විවිධ සේවා සමුපකාරයට නියෝජිතයන් තෝරා පත් කර ගැනීම සඳහා පැවැති නිලවරණයෙන් විපක්ෂ කණ්ඩායම බලය තහවුරු කරගෙන තිබේ.

ලංකාවේ විශාලතම සමූපකාරය වන බෙරලපනාතර සමූපේ ඡන්ද විමසීමේදී 84ට 15ක් ලෙස ජයග්‍රහණය කිරීමට පොදු විපක්ෂය සමත් විය.

එක්සත් ජාතික පක්ෂය සහ සමසමාජ පක්ෂය නිරන්තරයෙන් උත්සාහ කළේ: ජාති, ආගම්, කුලය නමැති සාධක ඉවත් කර දේශපාලනය කිරීම වුව ද, අවාසනාවකට පළමුවෙන් ම: ජාති, ආගම්, කුලය පදනම්ව දේශපාලනයෙහි නියැළුණේ ජනතා විමුක්ති පෙරමුණ යැයි සමබිම පක්ෂයේ නායක දීප්ති කුමාර ගුණරත්න පැවසී ය.

ලංකා ගමනාගමන මණ්ඩලයේ වෘත්තීය සමිති අටක නියෝජිතයන් සඳහා විවෘත නිදහස් ගමන් අවසර පත්‍ර 138ක් නිකුත් කිරීමෙන් රුපියල් කෝටි හතරකට වැඩි පාඩුවක් සිදුව ඇතැයි ජාතික විගණන කාර්යාලය නිකුත් කළ වාර්තාවක සඳහන් වේ.

එසේම හුවමාරු පදනම මත දුම්රිය දෙපාර්තමේන්තුවෙන් ලබා ගත් දුම්රිය නිදහස් ගමන් අවසර පත් විසි දෙකක් වෘත්තිය සමිති සඳහා ලබාදීමෙන් තවත් කෝටි දෙකකට වැඩි පාඩුවක් සිදුව ඇතැයි ජාතික විගණන කාර්යාලය පැවසීය

රජය පිළිගත් වෘත්තිය සමිති සම්මේලනයක් වෙනුවෙන් නිලධාරීන් දෙදෙනකු පූර්ණ කාලීනව සම්මේලනයේ කටයුතු සඳහා නිදහස් කළ හැකි බවත් එසේ මුදා හරින නිලධාරියෙකුට දිවයිනේ ඕනෑම ස්ථානයකට ගමන් කිරීම සඳහා නිදහස් දුම්රිය බලපත්‍ර සහ ලංකා ගමනාගමන මණ්ඩලයේ නිදහස් ප්‍රවේශ පත්‍ර ලබාදිය යුතු බවත් පැවසිය. කෙසේ වෙතත් ඉහත නිදහස් ගමන් බලපත්‍ර නිකුත් කර ඇත්තේ ඒ නීතියට පටහැනිව බවද එම වාර්තාව ප්‍රකාශ කරයි.

මේ තොරතුරු සඳහන් වන්නේ ශ්‍රී ලංකා ගමනාගමන මණ්ඩලයේ 2023 වාර්ෂික වාර්තාවට ඇතුළත් කරනු ලැබ ඇති විගණන ලේඛනයේය.


( lankadeepa | සුජිත් හේවාජුලිගේ)

ලංගම බස් රථ අලුත්වැඩියා කිරීමට සපයන අමතර කොටස්වල ප්‍රමිතිය අන්තිම සවුත්තු යැයි ප්‍රවාහන, මහාමාර්ග, වරාය සහ සිවිල් ගුවන් සේවා ඇමැති බිමල් රත්නායක පාර්ලිමේන්තුවේදී ඊයේ (11දා) පැවසීය.

තමන්ට ජීවිත තර්ජන ඇති බැවින් යාපනයට පැමිණිය නොහැකි බැවින් 2011 වර්ෂයේදී යාපනයේදී අතුරුදන් කළ දේශපාලන ක්‍රියාකාරීන් දෙදෙනෙකු වූ ලලිත් කුමාර් වීරිරාජ් සහ කුගන් මුරුගානන්දන්ගේ අතුරුදහන් කිරීමට අදාළ නඩුවේ සාක්ෂි ලබා දීම ඔන්ලයින් මාර්ග ගත ක්‍රමය ඔස්සේ ලබා දිමට අවසර ඉල්ලා  හිටපු ජනාධිපති ගෝඨාභය රාජපක්ෂ යාපනය මහේස්ත්‍රාත් අධිකරණයට ලිඛිත ඉල්ලීමක් සිදු කර ඇත.

ජ්‍යෙෂ්ඨ නියෝජ්‍ය පොලිස්පති ලලිත් පතිනායක පොලිස් පරිපාලන තනතුරෙන් ඉවත් කර ඇතැයි පොලිස් මූලස්ථාන ආරංචි මාර්ග සඳහන් කරයි.

විදු­ලි­බල මණ්ඩ­ලය ප්‍රති­ව්‍යූ­හ­ගත කරනු ලබ­න්නේම විදු­ලි ­බිල අඩු කිරීම ඉලක්ක කර­ගෙන බව කැබි­නට් ප්‍රකා­ශක, ඇමැති, වෛද්‍ය නලින්ද ජය­තිස්ස පැව­සීය.

ඔහු මේබව කියා සිටියේ, රජයේ ප්‍රවෘත්ති දෙපා­ර්ත­මේ­න්තුවේ ඊයේ (08) පැවැති කැබි­නට් තීරණ දැනු­ම්දීමේ මාධ්‍ය හමු‍වේදී ය.

විදු­ලි­ බිල අඩු වුණ අවස්ථා, වැඩි වුණ අවස්ථා සහ අඩු වැඩි නොකර පවත්වා ගෙන ගිය අව­ස්ථා­ව­ලුත් තිබුණ බව හෙතෙම කීවේය.

ඇමැ­ති­ව­රයා වැඩි­දු­ර­ටත් මෙසේ ද පැව­සීය.

“කාල­යක් තිස්සේ විදු­ලි­බල මණ්ඩ­ලය අර­ගෙන ආව පාඩු­වක් තිබෙ­නවා. මහ­ජන අද­හස් විම­සීමේ ක්‍රියා­ව­ලි­යක තමයි මහ­ජන උප­යෝ­ගිතා කොමි­සම ඉන්නේ. විදුලි බිලේ කොහොම සංශෝ­ධ­න­යක් කර­නව ද කියන එක තාමත් මහ­ජන උප­යෝ­ගිතා කොමි­සම ප්‍රකා­ශ­යට පත් කරලා නැහැ. විදු­ලි­බල මණ්ඩ­ල­යත් යෝජ­නා­වක් ඉදි­රි­පත් කරලා තිබෙ­නවා. මහ­ජ­න­තා­වත් විවිධ දේ ප්‍රකා­ශ­යට පත් කරලා තිබෙ­නවා. ඒ සියල්ල මත පද­නම් වෙලා විදුලි බිල ගැන මහ­ජන උප­යෝ­ගිතා කොමි­සම තීර­ණ­යක් ලබා­ග­නීවි.

පාරි­භෝ­ගි­ක­යන්ගේ පැත්තෙන් එන ඉල්ලීම, කර්මා­න්ත­ක­රු­වන්ගේ හා ආයෝ­ජ­ක­ය­න්ගෙන් එන ඉල්ලීම් සියල්ල සලකා බල­මින් විදු­ලි­බල මණ්ඩ­ලය ලාභ ලබන ආය­ත­න­යක් බවට පත් කර­ගැ­නී­මට නම්, අනි­වා­ර්යෙන්ම ප්‍රති­ව්‍යු­හ­ග­ත­ක­ර­ණ­යට යා යුතු වෙනවා. ඉංජි­නේ­රු­වන්ට සහ කාර්ය මණ්ඩ­ල­යට කිසිදු ප්‍රශ්න­යක් වෙන්නේ නැහැ. ඔබ දැන­ට­මත් සේවය කර­මින් ඉන්න ඒ ඒ අංශ­ව­ලට ඇතු­ළත් වෙන්න. එහෙම නැතුව කිසිම ප්‍රශ්න­යක් වෙන්නේ නැහැ.”

(නුවන් කොඩි­කාර)

1937 නොවෙම්බර් 25 වැනි දින කෑගල්ලේ ප්‍රදේශයේ රන්දෙණිය ග්‍රාමයේ දී නන්දසේන සමරසිංහ නමින් උපත ලද මොහු කලා ලොව තුළ සේන සමරසිංහ නමින් ප්‍රකට විය.

කෘෂිකර්ම අමාත්‍ය ලාල් කාන්ත ගේ වත්කම් බැරකම් ප්‍රකාශයට අදාළව හිරු ප්‍රවෘති වාර්තාකරණය සම්බන්ධයෙන් ඔහු ගේ නීතිඥවරයා විසින් හිරු මාධ්‍ය ජාලය වෙත යවන ලද ලිපියට ප්‍රබල ප්‍රතිචාරයක් දක්වන හිරුමාධ්‍ය ජාලයේ නීතිඥවරු ලාල් කාන්ත වෙත ලිපියක් යොමු කර ඇත.

"ගෙයක්" කියන ශබ්දය කටින් පිට කරාම ඒක ඇහෙන කෙනාගෙ ඔළුවෙ මැවෙනව ගෙයක රූපයක්. 

කෘෂිකර්ම පශුසම්පත් ඉඩම් හා වාරිමාර්ග කැබිනට් අමාත්‍ය කේ.ඩී ලාල්කාන්ත 2007 අංක 56 දරන සිවිල් හා දේශපාලන අයිතිවාසිකම් පිළිබඳව ජාත්‍යාන්තර සම්මුති (ICCPR පනත) උල්ලංඝනය කරමින් බෞද්ධාගමට සහ මහා සංඝ රත්නයට අපහාස කර ඇතැයි නාමල් රාජපක්ෂ පැවසී ය.   

ඊයේ (06) මධ්‍යම රාත්‍රියේ සිට ක්‍රියාත්මක වන පරිදි ලාෆ්ස් ගෑස් මිල ගණන් සංශෝධනය කර ඇත.

ජනාධිපති මාධ්‍ය අධ්‍යක්ෂ ධුරය බඳු වගකිව යුතු තනතුරක් දරන තැනැත්තකු මාධ්‍යවේදීන් කෙරෙහි හැසිරිය යුතු අන්දම මෙසේ නොවිය යුතු බවත්, එවැන්නෙකු ගෙන් පොදු සමාජය අපේක්ෂා කරන්නේ වඩාත් පරිණත වෘත්තීයමය සහ ආචාර සම්පන්න හැසිරීමක් බවත් නිදහස් මාධ්‍ය ව්‍යාපාරය සඳහන් කරයි.

අපේ රටේ ජාතික තේ නිෂ්පාදනයට 60%ක් හෝ ඊට ආසන්න ප්‍රමාණයක් කුඩා තේවතු හිමියන් දායකත්වය ලබා දෙන අතර ඔවුන්ට තේ වතු ඉඩම්වලින් 30%ක හෝ 40%ක හිමිකම් තිබෙන බවත්, මෙසේ අඩු ඉඩම් ප්‍රමාණයක් ඇති අය විශාල දායකත්වයක් ලබා දෙන විට වැඩි ඉඩම් අයිතියක් ඇති රාජ්‍ය සමාගම් හෝ පෞද්ගලික වතු සමාගම් ලබා දෙන්නේ අඩු දායකත්වයක් යැයි විපක්ෂ නායක සජිත් ප්‍රේමදාස පැවසී ය.