V2025

පුවත්

පක්ෂයක විනය කියන දේ මහින්ද උගන්වයි : මෛත්‍රී ජනාධිපතිට හින්ට් ගොඩයි

සියළුම සාමාජිකයන් පක්ෂ නායකත්වය ගනු ලබන තීරණය සමඟ එකට සිටිය යුතු බවත් එසේ නොවන අය වහාම පක්ෂයෙන් ඉවත් කළ යුතු බව හිටපු ජනාධිපති මහින්ද රාජපක්ෂ සඳහන් කර ඇත.

හිටපු ජනාධිපතිවරයා මේ බව සඳහන් කර තිබෙන්නේ කටුණායක - සීදූව නගරසභාවට ශ්‍රී ලංකා පොදුජන පෙරමුණෙන් තේරී පත්වූ මන්ත්‍රීවරයකු එම පක්ෂයේ තීන්දුවට පිටුපෑ බවත් ඒ හේතුවෙන් එම නගරසභාවේ බලය පොදුජන පෙරමුණෙන් ගිළිහී ගිය බවට ලැබුණු පැමිණිල්ල සම්බන්ධවය.

එහිදී ශ්‍රී ලංකා පොදුජන පෙරමුණේ නීතීඥ කණ්ඩායම කැඳවා තිබෙන හිටපු ජනාධිපතිවරයා අදාළ මන්ත්‍රීවරයාට එරෙහිව පක්ෂ ව්‍යවස්ථාව අනුව කටයුතු කරන ලෙසත් පක්ෂ විනය කඩකිරීම සම්බන්ධව නිදහසට කරුණු විමසා දැඩි විනය ක්‍රියාමාර්ග ගන්නා ලෙසද දැනුම්දී ඇති බව පොදුජන පෙරමුණේ අභ්‍යන්තර ආරංචිමාර්ග සඳහන් කර සිටියි.

පක්ෂ විනය රකින්න බැරි අයට නිදහසේ ඉන්න ශ්‍රීලනිපයට යන්න කියන්න

එසේම තම තමන්ගේ හිතු මතයට වැඩ කිරීමට අවශ්‍ය නම් පක්ෂ නායකත්වයක් කියා දෙයක් අවශ්‍ය නැති බවත් එවැනි නිදහසක් අපේක්ෂා කරන අයට ශ්‍රී ලංකා නිදහස් පක්ෂයට යන ලෙස දන්වන ලෙසද හිටපු ජනාධිපතිවරයා සිනා සෙමින් පැවසූ බව එම ආරංචිමාර්ග සඳහන් කරයි.

හාමුදුරුවන්ට කියලා විශේෂයාක් නෑ : තීන්දුව පිළිගන්න බැරිනම් යන්න පුළුවන්

මේ අතර ඌව පළාත් සභාව යටතේ වන පළාත් පාලන ආයතනයකද ශ්‍රී ලංකා පොදුජන පෙරමුණේ ප්‍රශ්නයක් මතුව තිබෙන අතර එහි නායකත්වය ගෙන කටයුතු කර ඇත්තේ භික්ෂුවකි. එහෙත් පොදුජන පෙරමුණ භික්ෂූන්ට පළාත් පාලන ආයතන වල මුල් පුටු නොදීමට ගෙන ඇති තීරණය හේතුවෙන් එම භික්ෂුව කළකිරී ඇති බව පාක්ෂිකයන් හිටපු ජනාධිපතිවරයා දැනුවත් කොට තිබේ.

එහිදීද හිටපු ජනාධිපතිවරයා දැනුම්දී ඇත්තේ පක්ෂ විනය අංක එක බවත් නායකත්වය ගන්නා තීන්දු වලට පිටුපාන කිසිවෙකු පක්ෂයේ සිටිය යුතු නැති බවය.

Comment (0) Hits: 671

ශ්‍රීලනිපයේ බහුතරය රනිල්ට විරුද්ධව : චන්ද්‍රිකාගේ තීන්දුව ශ්‍රීලනිපයට දැනුම්දෙයි

අග්‍රාමාත්‍ය රනිල් වික්‍රමසිංහට එරෙහිව ඉදිරිපත්ව තිබෙන විශ්වාසභංග යෝජනාවට පක්ෂව ජන්දය ලබාදිය යුතු බව ශ්‍රීලංකා නිදහස් පක්ෂයේ බහුතර මතය වී ඇති බව වාර්තා වෙයි.

රාජ්‍ය අමාත්‍යවරයෙකු උපුටා දක්වමින් එම පක්ෂයේ අභ්‍යන්තර ආරංචිමාර්ග මේ බව සඳහන් කරන අතර අග්‍රාමාත්‍ය රනිල් ඉවත්කර ඒ වෙනුවට ශ්‍රීලනිප ජේෂ්ටයෙකු එම තනතුරට පත්කර ගැනීමේ අපේක්ෂාවක් පවතින බවද එම ආරංචිමාර්ග සඳහන් කරා සිටියි.

මේ පිළිබඳ දැනට වාර්තා වන තොරතුරු වලට අනුව නිමල් සිරිපාල ද සිල්වා, අනුර ප්‍රියදර්ශන යාපා සහ එස්.බී. දිසානායක යන අමාත්‍යවරුන්ගේ නම් අග්‍රාමාත්‍යධුරය සඳහා යෝජනා වී ඇත.

එස්.බී ට සහ යාපා ගැන ඒකාබද්ධය උනන්දු නෑ !

කෙසේ නමුත් එස්.බී දිසානායක සහ අනුර ප්‍රියදර්ශන යාපා සම්බන්ධව ඒකාබද්ධ විපක්ෂය නියෝජනය කරන ශ්‍රීලනිප පාර්ශවය එකඟතාවක් දක්වා නොමැත. ඒ හේතුවෙන් අගමැතිධුරය සඳහා නිමල් සිරිපාල ද සිල්වා යෝජනා කිරීමට එකඟත්වයක් ඇතිව තිබේ.

පසුගියදා මාධ්‍ය හමුවේ බස්නාහිර මහ අමාත්‍ය ඉසුර දේවප්‍රිය විසින් ශ්‍රීලනිපයේ අග්‍රාමාත්‍යවරයා ලෙස නිමල් සිරිපාල ද සිල්වාගේ නම සඳහන් කරන්නට යෙදී ඇත්තේද ඒ අනුවය.

චන්ද්‍රිකාගෙන් ප්‍රබලයෙකුට ඇමතුමක් !

මේ අතර හිටපු ජනාධිපතිනී චන්ද්‍රිකා බණ්ඩාරනායක ශ්‍රීලනිපයේ සිටින තම පාක්ෂිකයන් වෙත දැනුම්දී ඇත්තේ මේ අවස්ථාවේ කිසිඳු ආකාරයට අග්‍රාමාත්‍ය රනිල් වික්‍රමසිංහව පරාජය කිරීමට සහය නොදෙන ලෙසය. ආණ්ඩුවේ සිටින ප්‍රබල අමාත්‍යවරයෙකු හරහා මේ බව පක්ෂය තුළට දැනුම්දීමට හිටපු ජනාධිපතිවරිය කටයුතු කර ඇති අතර අග්‍රාමාත්‍යවරයා පරාජය කිරීමට පක්ෂය තීන්දුවක් ගතහොත් ඊට කොන්දේසි විරහිතව විරෝධය පළකරන ලෙසද ඇය දැනුම්දී ඇත.

මෙහිදී හිටපු ජනාධිපතිවරියගේ ස්ථාවරය වී ඇත්තේ පවතින ආණ්ඩුව නියමිත කාලය පවත්වාගෙන යා යුතු බවත් අතර මැද වෙනස්කම් සිදුකිරීමට යාම හමුවේ ඉක්මන් මහමැතිවරණයක් වෙත යාම සුදුසු නොවන බවය. එසේම 2015 ජනාධිපතිවරණය හමුවේ වත්මන් ජනාධිපතිට සහය නොදුන් කිසිවෙක් විශ්වාස කර හදිසි තීන්දු නොගන්නා ලෙස ජනාධිපතිවරයාට දැනුම්දෙන ලෙසද ඇය ශ්‍රීලනිපයේ ප්‍රබලයා දැනුවත් කර ඇත.

සිරිසේන ජනාධිපතිට තියෙන ටිකත් නැතිවෙන වැඩක් !

එහිදී හිටපු ජනාධිපතිවරිය පෙන්වාදී ඇත්තේ යම් ආකාරයට විශ්වාසභංගය ජය ගැනීමට ඒකාබද්ධ විපක්ෂයට හැකි වුවහොත් එය ජනාධිපතිවරයාට වඩා මහින්ද රාජපක්ෂ ලැබූ ජයක් බවට තහවුරු වන බවත් ඒ හේතුවෙන් පක්ෂය තුළ තිබෙන පාලනයත් සිරිසේන ජනාධිපතිවරයාට අහිමිවීයාමේ අවධානමක් පවතින බවය.

අග්‍රමාත්‍යධුරයේ කිසිඳු වෙනසක් සිදුනොවන බව හිටපු ජනාධිපතිනී චන්ද්‍රිකා බණ්ඩාරනායක පසුගියදා මාධ්‍ය හමුවේ ප්‍රසිද්ධියේ ප්‍රකාශකර සිටියේද ඇයගේ මෙම ස්ථාවරය නිසාය. එසේම තමන්ද අගමැති තනතුර සදහා තමන්ද සූට් මහගෙන සිටින බව සඳහන් කරමින් මේ වන විටත් අගමැතිවරයා වීමට අපේක්ෂාවෙන් සිටින පාර්ශව උපහාසයට ලක්කරන්නට ඇය කටයුතු කළේද ඒ අනුව බව දේශපාලන ආරංචිමාර්ග සඳහන් කර සිටියි.

අද (25) ජනාධිපතිවරයා පකිස්ථාන සංචාරය අවසන් කොට ලංකාවට පැමිණ සිටින අතර මේ වන විටත් විශ්වාසභංග යෝජනාව සම්බන්ධව හිටපු ජනාධිපතිනියගේ ස්ථාවරය ජනාධිපතිවරයාට දැනුම්දී ඇති බවද වාර්තා වෙයි.

Comment (0) Hits: 1044

ගෝඨාභයගේ ආරක්ෂාව රංගජීවටත් : යුක්තිය පතන අයට අබ සරණයි

වැලිකඩ බන්ධනාගාරයේ රැඳවියන් ඝාතනය සම්බන්ධයෙන් චෝදනා එල්ල වී ඇති පොලිස් පරීක්ෂක නියෝමාල් රංගජීව අත්අඩංගුවට ගත නොහැකිව පවතින්නේ දේශපාලන මැදිහත්වීමක් මත බව වාර්තා වෙයි.

වැලිකඩ බන්ධනාගාරයේ ඇතිවූ සිදුවීමේදී පොලිස් පරීක්ෂක රංගජීව ආරක්ෂක අංශ සාමාජිකයන් පිරිසක් ද සමග පැමිණ සිරකරුවන් තෝර තෝරා ඝාතනය කළ බවත් ඒ සඳහා කළින් සුදානම් කරගත් ලැයිස්තුවක් ඔවුන් සතුව වූ බවත් වැලිකඩ ඝාතනය සම්බන්ධයෙන් 2015 වසරේදී පත්කළ කමිටුව හමුවේද අනාවරණයවී තිබිණ.

කෙසේ නමුත් අදාළ ඝාතන සිදුවීමට නියෝග නිකුත් කිරීම සම්බන්ධව එවකට ආරක්ෂක අමාත්‍යංශයේ ලේකම් ගෝඨාභය රාජපක්ෂ වෙතද චෝදනා එල්ල විය.

එසේම මිග් ගනුදෙනුවේ සිට ලසන්ත ඝාතනය, රතුපස්වලට හමුදාව යවා ජනතාවට ජීව උණ්ඩ යොදා වෙඩි තැබ්බවීම, රාජපක්ෂ ස්මාරකය ඉදිකිරීම හරහා රාජ්‍ය මුල්‍ය අවභාවිතා කිරීම ඇතුළු චෝදනා රැසක් ගෝඨාභය රාජපක්ෂට එරෙහිව ඇතත් ඒ කිසිවක් සම්බන්ධව විමර්ශන නිසි ලෙස සිදු නොවන තත්ත්වයක් පෙන්නුම් කරයි.

දේශපාලන ගනුදෙනුවක් !

විශ්වාසවන්ත ආරංචිමාර්ග සඳහන් කරන ආකාරයට ගෝඨාභය රාජපක්ෂ සමඟ ආණ්ඩුවේ පාර්ශව මේ චෝදනා විමර්ශන යට ගැසීම වෙනුවෙන් දේශපාලන ගනුදෙනුවක යෙදී සිටින අතර පොලිස් පරීක්ෂක රංගජීව අත්අඩංගුවට ගැනීම වලක්වා ඇත්තේද එම දේශපාලන ගනුදෙනුව මතය.

ආණ්ඩුවේ ප්‍රබල මැදිහත්වීමක් !

එසේම මේ වන විටත් ඔහුට එරෙහිව එල්ලවී තිබෙන චෝදනා සම්බන්ධව සිදුවන නෛතික කටයුතු අඩාල කිරීම සඳහා ගෝඨාභය රාජපක්ෂ තමන් අත්අඩංගුවට ගැනීම වලක්වලන්නැයි ඉල්ලමින් ශ්‍රේෂ්ඨාධිකරණය හමුවේ මූලික මිනිස් අයිතිවාසිකම් පෙත්සම් ගොනු කරමින් සිටින අතර එම නීතිමය ආවරණය ලැබී ඇත්තේද ආණ්ඩුවේ ප්‍රබල මැදිහත්වීමක් මත බවත් වාර්තා වෙයි.

නිලධාරීන්ට බැනලා වැඩක් තියනවද ?

කෙසේ වුවත් පසුගිය රජය සමයේ සිදු වූ විවිධ අපරාධ සම්බන්ධයෙන් පරීක්ෂණ අතරමග ඇණහිට තිබෙන්නේ නීතිපති දෙපාර්තමේන්තුවේ නිළධාරීන් සහ ශ්‍රේෂ්ඨාධිකරණයේ තීන්දු තීරණ නිසා බවට එම ආයතන චෝදනා ලබා ඇති නමුත් එම ආයතන අක්‍රීය වීමටද මේ දේශපාලන ගනුදෙනු හේතුවී ඇති බව සඳහන් වෙයි.

2019 වන තුරු මොකුත් වෙන්නේ නෑ !

මේ වන විටත් පොලිස් පරීක්ෂක රංගජීව, තමන් අත්අඩංගුවට ගැනීම වලක්වන නියෝගයක් නිකුත් කරන්නැයි ඉල්ලමින් ශ්‍රේෂ්ඨාධිකරණය හමුවේ පෙත්සමක් ගොනු කර ඇති අතර විශ්වාසවන්ත ආරංචිමාර්ග සඳහන් කර සිටින්නේ ශ්‍රේෂ්ඨාධිකරණය මගින් පොලිස් පරීක්ෂකවරයා අත්අඩංගුවට පත්වීම වැලැක්වීමේ තීන්දුවක් ලබාදීමට ඉඩ තිබෙන බවය.

 ඒ අනුව අප ආරංචිමාර්ග සඳහන් කර සිටින්නේ පවතින දේශපාලන ගනුදෙනුව මත පසුගිය ආණ්ඩුවේ වංචා දුෂණ කිසිවක් සම්බන්ධව නීතිය ක්‍රියාත්මකවීමක් අපේක්ෂා කල නොහැකි බවය. එසේම එම සමයේ සිදුවූ ඝාතන සම්බන්ධවද නීතිය ක්‍රියාත්මකවීමක් අපේක්ෂා කල නොහැකි බවත් වාර්තා වෙයි.

Comment (0) Hits: 1598

විශ්වාස භංගය ගැන බැසිල්වාදීන්ගේ ස්ථාවරය මෙන්න !

වහාම මහ මැතිවරණයක් කරා ආණ්ඩුව තල්ලු කිරීම අගමැතිවරයාට එරෙහිව ඉදිරිපත් කර ඇති විශ්වාස භංගයේ මුලික අරමුණ විය යුතු යයි බැසිල් රාජපක්ෂ මහතාගේ දේශපාලන න්‍යාචාර්යවරුන්  අවධාරණය කර සිටියි.

පසුගිය පළාත් පාලන මැතිවරණයේදී 'පොහොට්ටුවේ' ජයග්‍රහණයට මාවත සැකසීමට දේශපාලන උපාය උපක්‍රම තීන්දු කරනු ලැබුවේ මෙම කණ්ඩායමයි.

බැසිල් රාජපක්ෂ මහතාගේ ජ්‍යෙෂ්ඨ උපදේශකයකු ලෙස සැලකෙන පේරාදේනිය විශ්ව විද්‍යාලයේ දර්ශන අධ්‍යයන අංශයේ අංශාධිපති, ආචාර්ය චරිත හේරත් මහතා, විශ්වාස භංගය සම්බන්ධයෙන් 'ලංකාදීප' පුවත්පතට යොමුකර ඇති විශේෂ ලිපියක සඳහන් වන්නේ, විශ්වාසභංගයෙන් ලැබිය යුතු ජයග්‍රහනය වන්නේ මහ මැතිවරණයක් ලබා ගැනීමේ සටනට ශක්තියක් ලබා ගැනීම බවයි.

''රනිල් ඉවත් කිරීමෙන් ලැබිය හැකි ජයග්‍රනයන් රටේ පැත්තෙන් වඩාත් පළදයක වන්නේ රනිල් නොවන අලුත් අගමැකි යටතේ ඉක්මන් ජන්දයක් ලබා ගැනීමේ එකගතාවයක්වත් ගොඩනගා ගැනීමට ඒකාබද්ධ විපක්ෂයේ කණ්ඩායමට හැකියාව ලැබුනෝතින් පමණක් ය. '' යයි ඔහු පෙන්වා දෙයි.

ආචාර්ය චරිත හේරත් මහතාගේ ලිපියේ වැඩිදුරටත් මෙසේද සඳහන් වේ.

පෙහොට්ටුවේ පාක්ෂිකයින්ගේ අභිලාෂයන්:

''ඒකාබද්ධයේ අය මේ මොහොතේ සිතිය යුත්තේ එලියේ සමාජයේ පොරකමින් තමන්ට සහයෝගය පළකරන පෙහොට්ටුවේ පාක්ෂිකයින්ගේ අභිලාෂයන් හොදට කිරා මැන බැලීමෙන් පසුව බවය.

මට තේරෙන දේශපාලනයට අනුව නම් අපේ පාක්ෂිකයින් රනිල්ට වගේම රනිල්ගේ කැබිනට් එකේ ඇමතිකම් දරන ශ්‍රී ලනීපයේ කණ්ඩායමටත් එකවගේම විරුද්ධය.

ඒ අර්ථයෙන් නිමල් සිරිපාල අගමැති කිරීමෙන් හෝ කරු ජයසූරිය අගමැති කිරීමෙන් පොහොට්ටුවේ පාක්ෂිකයන්ගේ අභිලාෂයට කිසිදු පිලිගැනීමක් ලැබෙන්නේ නැත...

mr rw

''පොහොට්ටුවට (ඒකාබද්ධයට) වඩාත් වැදගත් වන්නේ ජනාධිපතිවරණය නොව එයට පෙර මහ මැතිවරණයක් කැදවා ගැනීමය. ''

 අනෙක් අතට එජාපයේ නිල නායකත්වයත් (රනිල්) සහ පොහොට්ටුවේ නොනිල නායකත්වය (මහින්ද) එළියේ තියාගෙන ආණ්ඩුවක් කිරීම මේ පාර්ලිමේන්තුවේ යථාර්ථයක් වන්නේ පරිවාස කාලයකට පමණක්ම බව තේරුම් ගැනීමත් මෙතැනදි ඉතාමත් වැදගත්ය.

එසේ නොවන්නේ යැයි කියන්නෝ කරන්නේ දේශපාලන විහිලූ සැපයීම පමණක් බව මගේ අදහසය.

ආණ්ඩු ක්‍රම ව්‍යවස්ථාවට අනුව මීලගට යෙදෙන ජාතික මැතිවරණය වන්නේ ජනාධිපතිවරණයක් බව කවුරුත් දන්නා කාරණයක්ය.

එහෙත් පොහොට්ටුවට (ඒකාබද්ධයට) වඩාත් වැදගත් වන්නේ ඒ පටිපාටයේ තියෙන ජනාධිපතිවරණය නොව එයට පෙර මහ මැතිවරණයක් කැදවා ගැනීමය.

අනෙක් අතින් ශ්‍රී ලනීපයේ දැන් ඉන්න ඇමතිවරුන්ට කෙසේ වෙතත් මෛත්‍රී ජනාධිපතිතුමන් වුවත් කෙළින්ම ජනාධිපතිවරණයකට ගමන් කිරිමට නොව මහ මැතිවරණයකට පසුව එන ජනාධිපතිවරණයකට මුහුණදිමට කැමති විය හැකි බව මගේ අදහසය.

දේශපාලනය න්‍යාය පත්‍රය:

මහින්ද ජනාධිපතිතුමන්ගේ පැත්තෙන් සහ පොහොට්ටුවේ පාක්ෂිකයින්ගේ පැත්තෙන් නම් දේශපාලනය න්‍යාය පත්‍රයේ පළමුවත් දෙවනුවත් තෙවනුවත් තිබෙන්නේ මහ මැතිවරණයක් දක්වා බලවේග මෙහෙයවීමය.

ඒ සදහා ව්‍යවස්ථාවේ ඉඩක් නැතැයි කියා කල් මැරිමෙන් සිදුවෙන දේශපාලන යහපතක් නැත.

ඒ සදහා ව්‍යවස්ථාවේ ඇති ඉඩ පාවිච්චි කරමින් පාර්ලිමේන්තුවේ තුනෙන් දෙකක යෝජනා සම්මතයක් හරහා මෙ වැඬේ කරන්නට දේශපාලනමය මැදිහත්වීමක් කිරීම අත්‍යාවශ්‍යය.

කුප්‍රකට 19 සංශෝධනයට සම්මත වූ ආකාරය :

 අද මුලු රටම අක්‍රිය කරන කුප්‍රකට 19 ව්‍යවස්ථා සංශෝධනයට පාර්ල්මේන්තුවේ තුනෙන් දෙකක බලයක් ගත්තේ ඒ ආන්ඩුවේ අගමැතිට හෝ ජනාධිපතිට තුනෙන් දෙකක ජනවරමක් පාර්ලිමේන්තුවේ තිබී නොවන බව අපගේ මතකයේ තබා ගැනීම මෙහිදි ඉතාමත් වැදගත්ය.

බලවේග මෙහෙයවන ආකාරයට අනුව මිස නිශ්චිතව තියෙන තුනෙන් දෙකක ජනවරමක් මේ කාලයේ කාටවත් ලැබෙන්නේ නැත.

සෝභිත හිමිගේ කුඩා බලවේගය දෙතුන් සියයක ජනතාවක් සමග පාර්ලිමේන්තු වට රවුමේ සිටියා පමණය. නැති තුනෙන් දෙකක් පාරලිමේන්තුව ඇතුළේ අපුරුවට ගොඩ නැගුනේය.

ඒ නිසා මේ විශ්වාසභංගය ජයගන්නේ නම් ඒ ජයග්‍රහනයෙන් ජනතාවට ලබා දිය යුතු කොටස වන්නේ ඒ අයගේ කැමැත්තට ගැලපෙන ආණ්ඩුවක් හා අගමැතිවරයෙක් තෝරා ගැනීමට ඉඩ ලබා දිමය.

ශ්‍රීලනීපයේ සහාය නොලැබී යාමේ අවධානම !

මේ එකක්වත් වෙන්නේ නැතිව මේ විශ්වාසභංගය පරාජයට පත්වී හෝ අවසාන මෙහොතේ ශ්‍රී ලනීපයේ සහාය නොලැබී යාමේ ඉඩක්ද මේ තුළ තිබෙන බව අපි අමතක කළ යුතු නැත.

එවැනි තත්වයක් නිසා නැවත වරක් රනිල්ගේ එජාපයත් ජනාධිපතිතුමන්ගේ ශ්‍රී ලනීපයත් අතර භංගවී ඇති විශ්වාසය අලූතින් හදගැනීමටද ඒ අය මෙය පාවිච්චි කරන්නට ඉඩ ඇත.

එවැනි දෙයකට ‘පාවිච්චිවීමට’ හෝ යන එනමං නැතිව සිටින ශ්‍රී ලනීපයේ නායකයෝ කීපදෙනෙකු යලිත් අපේ ජන්දයෙන් පාර්ලිමේන්තු යැවිමකට මේ විශ්වාසභංගය යොද ගැනීමේ කිසිදු ඉඩක් අපි දිය යුතු නැත.

අවසාන වශයෙන් කිව යුත්තේ ‘දුවන මුවන් දැක නොදමව් නෙලූ පලා’ කියා කීවාක් මෙන් කොහේවත් නැති විශ්‍වාසභංගයක් නිසා ඒකාබද්ධය හා පොදුජන පක්ෂය සතු ජනතා ශක්තිය බිම දැමිය යුතු නැති බවය.

අපේ සටන විය යුත්තේ කුමක්ද ?

අපේ සටන ඇත්තේ මේ ආණ්ඩුව ගෙදර යැවීමට මිස ඒ වැඩෙන් ‘එක කෑල්ලක් ගලවන්නට ගොස් අපේ ලොකු කෑල්ලක් ගලවා ගැනීමට’ නොවන බව තේරුම් ගැනීම ඉතාමත් වැදගත්ය.

මේ විශ්වාසභංගය යනු දිනේශ් විමල් වාසු උදය ඩලස් වැනි ඒකාබද්ධයේ නායකයින් සහ බැසිල් රාජපක්ෂ වැනි පොදුජන පක්ෂයේ නායකියන් කරන අවසාන සටන නොවිය යුතු බව කියන්නේ ඒ සියලූ දෙනාගේ මැදිහත් විම්වලට ගරු කිරිමක් ද වශයෙනි.

- ආචාර්ය චරිත හේරත්ගේ සම්පුර්ණ ලිපිය මෙතනින්

පාර හරිද? - - ආචාර්ය චරිත හේරත්ගේ විග්‍රහයක්

Comment (0) Hits: 714

පලා බබාලාට බුලත් දෙන්න විදුහල්පතිලාට නියෝගයක් : බුලත් දෙන්න කියන මන්ත්‍රී ලැයිස්තුව මෙන්න

කොළඹ කලාපයේ පළාත් සභා සහ පළාත් පාසල්වල පැවැත්වෙන පොදු උත්සව අවස්ථා සඳහා ප්‍රදේශය නියෝජනය කරන සියලු ම පාර්ලිමේන්තු මන්ත්‍රීවරුන්ට හා පළාත් සභා මන්ත්‍රීවරුන්ට ආරාධනා පත්‍ර ලබා දිය යුතු බව නියෝගයක් නිකුත් කර ඇති බව වාර්තා වෙයි.

මෙම ලිපිය කොළඹ කලාප අධ්‍යාපන අධ්‍යක්ෂවරයාගේ අත්සනින් යුතුව විදුහල්පතිවරුන් වෙත යොමු කර ඇත.

ඒ පසුගිය 20 වනදා වන අතර එහි වැඩිදුරටත් සඳහන්ව ඇත්තේ අදාළ දේශපාලනඥයන් පාසලේ උත්සව සඳහා පැමිණි විට ඔවුන්ට නිසි ගෞරව දැක්වීම රාජ්‍ය නිලධාරියෙකු ලෙස විදුහල්පතිවරුන් විසින් අනිවාර්යයෙන් කළ යුතු දෙයක් බවය.

බුලත් දෙන්න කියන මන්ත්‍රී ලැයිස්තුව මෙන්න

අදාළ ලිපිය සමඟ පාසල් වල උත්සව සඳහා ආරාධනා කළයුතු මන්ත්‍රීවරුන්ගේ නම් ලැයිස්තුවක්ද ඊට ඇතුළත් කර තිබෙන අතර ඒ නවුසර් ෆවුසි, ජයන්ත ද සිල්වා, මොහොමඩ් ෆයිරූස්, අනුරාධ විමලරත්න, අර්ෂාඩ් නිසාම්දීන්, මොහොමඩ් ෆායිස්, එස්. කුහරවර්ධන්, කේ.ටී. කුරුසාමී, මොහොමඩ් අක්‍රම්, සුසිල් කිඳෙල්පිටිය, සුනිල් වටගල, හෙක්ටර් බෙත්මගේ යන නම් ඊට ඇතුළත්ව තිබේ.

කොළඹ කලාප අධ්‍යාපන අධ්‍යක්ෂවරයා මෙම මන්ත්‍රීවරුන් නම් කර ඇත්තේ, කොළඹ කලාපයේ සංවර්ධන ව්‍යුහ කමිටු රැස්වීමේ නියෝජිතයින් යන පදනම මත පිහිටා ය.

කොළඹ කලාප අධ්‍යාපන අධ්‍යක්ෂවරයාගේ අත්සනින් නිකුත් කල නියෝගය ඇතුළත් ලිපිය

Captureන

Comment (0) Hits: 608

එජාප ප්‍රතිසංවිධාන වාර්තාව 29 වනදා කෘත්‍යාධිකාරී මණ්ඩලයට : ඉරාන් ඉල්ලා අස්වෙයි ?

එක්සත් ජාතික පක්ෂයේ ප්‍රතිසංවිධාන කමිටු වාර්තාව එළඹෙන 29 වනදා පක්ෂයේ කෘත්‍යාධිකාරී මණ්ඩලයට නිකුත් කරන බවත් එහිදී ලැබෙන නිර්දේශයන් මත කඩිනමින් තීන්දු තීරණ ගන්නා බවට එම පක්ෂයේ නායක අග්‍රාමාත්‍ය රනිල් වික්‍රමසිංහ පොරොන්දුවූ බව එජාප පාර්ලිමේන්තු මන්ත්‍රීවරයෙකු සඳහන් කරයි.

පසුගියදා පැවති පාර්ලිමේන්තු කණ්ඩායම් රැස්වීමේදී පක්ෂ නායකත්වය අදාළ පොරොන්දුව ලබාදුන් බවත් අග්‍රාමාත්‍යවරයාට පක්ෂව විශ්වාසභංග යෝජනාවේදී ජන්දය ලබාදෙන බවට වන ලියවිල්ලට අත්සන් තැබුණේ එයින් අනතුරුව බවද මන්ත්‍රීවරයා වැඩිදුරටත් සඳහන් කර සිටියි.

සිඩ්නිගේ යෝජනාවට මන්ත්‍රී කණ්ඩායමෙන් අත්පොලසන්

එසේම විශ්වාසභංග යෝජනාවේදී අග්‍රාමාත්‍යවරයා රැකගන්නා බවත් එහෙත් ඊට පෙර පක්ෂයේ ප්‍රතිසංවිධාන කටයුත්ත සාර්ථකව සිදුකල යුතු බවට සිඩ්නි මන්ත්‍රීවරයා කළ යෝජනාව සියළු දෙනා අත්පොලසන් දී අනුමත කල බවද මන්ත්‍රීවරයා පැවසීය.

පක්ෂ ප්‍රතිසංවිධාන කටයුත්තේදී රනිල් නායකත්වයෙන් ඉවත්වීම අනිවාර්යයි

කෙසේ වෙතත් රාජ්‍ය අමාත්‍යවරුන් වන පාලිත රංගේබණ්ඩාර සහ වසන්ත සේනානායක දිගින් දිගටම සඳහන් කර සිටින්නේ පක්ෂ නායකත්වයෙන් රනිල් වික්‍රමසිංහ ඉවත්වීම පක්ෂ ප්‍රතිසංවිධාන කටයුත්තේදී සිදුවිය යුතු බවය.

එසේම පක්ෂයේ සිටින ඉහළ නිලධාරීන්ද එම තනතුරු වලින් ඉවත්ව දෙවන පෙළ නායකත්වයට වගකීම් ලබාදිය යුතු බවත් එසේ නොවුණහොත් අග්‍රාමාත්‍යවරයාට විශ්වාසභංග යෝජනාවේදී සහය දෙන ලියවිල්ලට අත්සන් තැබූ පිරිස්ද ජන්ද විමසීමේදී විශ්වාසභංග යෝජනාවට පක්ෂව ජන්දය ප්‍රකාශ කල හැකි බවද ඔවුන් අවධාරණය කරයි.

ඉරාන් ඉල්ලා අස්වෙයි ?

මේ අතර දැනටමත් එක්සත් ජාතික පක්ෂයේ භාණ්ඩාගාරික ලෙස කටයුතු කරන මුදල් රාජ්‍ය අමාත්‍ය ඉරාන් වික්‍රමරත්න එම ධුරයෙන් ඉල්ලා අස්වී ඇති බවට නිල නොවන මට්ටමින් වාර්තා වෙයි.

අප මේ පිළිබඳ විමසා බැලීම සඳහා ඉරාන් වික්‍රමරත්න රාජ්‍ය අමාත්‍යවරයා සම්බන්ධකර ගැනීමට උත්සාහ කළත් එය සාර්ථක වුයේ නැත.

Comment (0) Hits: 738

විශ්වාසභංගය සම්බන්ධ ශ්‍රීලනිප තීරණය අද (25)

අග්‍රාමාත්‍ය රනිල් වික්‍රමසිංහට එරෙහිව ඉදිරිපත්ව තිබෙන විශ්වාසභංග යෝජනාව සම්බන්ධව ශ්‍රී ලංකා නිදහස් පක්ෂය ප්‍රමුඛ නිදහස් සන්ධානයේ තීන්දුව අද (25) ගැනීමට නියමිත බව දේශපාලන ආරංචිමාර්ග සඳහන් කර සිටියි.

එම පක්ෂයේ ආරංචිමාර්ග පෙන්වා දෙන්නේ අද ඒ පිළිබඳ විශේෂ සාකච්ඡාවක් ජනාධිපතිවරයාගේ උපදේශකත්වයෙන් පැවැත්වීමට නියමිත බවය.

කෙසේ වුවත් මේ වන විට ශ්‍රීලනිප අභ්‍යන්තරයේ විශ්වාසභංග යෝජනාවට පක්ෂව සහ විපක්ෂව මත දෙකක් ඉදිරිපත්වී ඇති බවත් එහෙයින් බොහෝ දුරට විශ්වාසභංගය සඳහා අවසන් තීරණය ජනාධිපතිවරයාගේ තීන්දුව මත තීරණය වනු ඇති බවද එම ආරංචිමාර්ග පෙන්වා දෙයි.

Amaraweera 670pxඑන සතියේ තීන්දුවක් ගන්නවා - අමාත්‍ය මහින්ද අමරවීර

එහෙත් එක්සත් ජනතා නිදහස් සන්ධානයේ මහ ලේකම් අමාත්‍ය මහින්ද අමරවීර සඳහන් කරන්නේ විශ්වාසභංගය සම්බන්ධව ශ්‍රීලනිප : සන්ධාන තීන්දුව එළඹෙන සතිය තුල ප්‍රකාශයට පත්කරන බවය.

එහිදී ජනාධිපතිවරයාගේ ප්‍රධානත්වයෙන් පොදු තීන්දුව ගැනීමට අපේක්ෂා කරන බවත් පක්ෂයේ බෙදීමක් ඇති නොවන ලෙස එකට සිට කටයුතු කිරීම තම අපේක්ෂාව බවද අමාත්‍යවරයා සඳහන් කර සිටියි.

අලුත් අවුරුද්දට පෙර අලුත් දේශපාලන කතාවක් ඇහෙයි - අමාත්‍ය ඩිලාන්

මේ අතර බදුල්ලේ පැවති ජනහමුවක් අමතමින් රාජ්‍ය අමාත්‍ය ඩිලාන් පෙරේරා සඳහන් කර සිටින්නේ9b5e3c23201c499fb8c94515eb3a267b L අලුත් අවුරුද්දට පෙර දියවන්නාව පැත්තෙන් අලුත් දේශපාලන කතාවක් ඇසීමට නියමිත බවයි.

එහෙයින් මේ දිනවල නිහඬ විප්ලවයක් සිදුකරමින් සිටින බවත් ඒ විප්ලවයේ ප්‍රතිඵල හොඳ මට්ටමින් ලැබෙමින් තිබෙන බවද අමාත්‍යවරයා සඳහන් කර සිටියි.

Comment (0) Hits: 543

අගමැතිට එරෙහි විශ්වාසභංගය සඳුදා පාර්ලිමේන්තු න්‍යාය පුස්තකයට

අග්‍රාමාත්‍ය රනිල් වික්‍රමසිංහට එරෙහිව කතානායකවරයාට බාරදී තිබෙන විශ්වාසභංග යෝජනාව එළඹෙන සඳුදා පාර්ලිමේන්තු න්‍යාය පුස්තකයට ඇතුළත් කරන බව පාර්ලිමේන්තුවේ නියොජ්‍ය මහ ලේකම් නීල් ඉද්දවෙල සඳහන් කරයි.

දින 5න් විවාදය සුදානම් !

එසේම න්‍යාය පුස්තකයට ඇතුළත් කර දින 5 කට පසුව එය පාර්ලිමේන්තු න්‍යාය පත්‍රයට ඇතුළත් වන බවත් ඉන් අනතුරුව ඕනෑම දිනයක විවාදයට ගැනීමට හැකි බවද ඔහු සඳහන් කරයි.

කෙසේ වුවත් පාර්ලිමේන්තු පක්ෂ නායක හමුවේදී මේ වන විටත් එකඟතාව පැමිණ ඇත්තේ අදාළ විස්වාසභංග යෝජනාව අප්‍රේල් 4 වනදා විවාදයට ගැනීමටය.

පාර්ලිමේන්තුවේ නියෝජ්‍ය මහ ලේකම්වරයා සඳහන් කර සිටින්නේ අදාළ විවාදය පවත්වා ඒ අවස්ථාවේම ජන්ද විමසීම සිදුකල හැකි බවත් කිසියම් මන්ත්‍රී යෝජනාවක් ඉදිරිපත් වන්නේ නම් නමින් ජන්දය ප්‍රකාශ කිරීමටද අවස්ථාව ලබාගත හැකි බවය.

Comment (0) Hits: 540

ඇමති රාජිත සහ "චතුර පුතා" අතර විවාදයක් !

අග්‍රාමාත්‍ය රනිල් වික්‍රමසිංහට එරෙහිව ඉදිරිපත්වී තිබෙන විශ්වාසභංග යෝජනාව සම්බන්ධව අමාත්‍ය රාජිත සේනාරත්න සහ පාර්ලිමේන්තු මන්ත්‍රී චතුර සේනාරත්න අතර දැඩි මත ගැටුමක් ඇතිව තිබෙන බව වාර්තා වෙයි.

මත ගැටුමට හේතුව වී ඇත්තේ අදාළ විශ්වාසභංග යෝජනාව පරාජය කල යුතු බවට රාජිත සේනාරත්න අමාත්‍යවරයා දැඩි ස්ථාවරයක සිටීමත් ඊට විරුද්ධ මතයේ චතුර සේනාරත්න මන්ත්‍රීවරයා දැඩිව සිටීමත්ය.

රනිල් විතරක් නෙවයි ලොක්කෝ සේරම වෙනස් වෙන්න ඕන - චතුර සේනාරත්න

එසේම මන්ත්‍රී චතුර සේනාරත්න අග්‍රාමාත්‍ය රනිල් වික්‍රමසිංහව එම ධුරයෙන් පමණක් නොව එජාප නායකත්වයෙන්ද ඉවත් කල යුතු බවට දැඩි ස්ථාවරයක සිටින බවත්, එක්සත් ජාතික පක්ෂය ඉදිරියට ගෙනි යාමට නම් නායකත්වය පමණක් නොව පක්ෂයේ ඉහල තනතුරු සියල්ල වෙනස් විය යුතු බවට අදහසක සිටින බව මන්ත්‍රීවරයාගේ දේශපාලන සමීපතමයකු නිව්ස් ටියුබ් වෙත පැවසීය.

ජනාධිපති අගමැති රකින පෙරමුණේ ඉස්සරහම ඉන්නේ මම - රාජිත සේනාරත්න

එහෙත් රාජිත සේනාරත්න අමාත්‍යවරයා දිගින් දිගටම සඳහන් කර සිටින්නේ විශ්වාසභංග යෝජනාව පරාජය කර අග්‍රාමාත්‍යවරයා සහ ආණ්ඩුව ආරක්ෂා කල යුතු බවය.

අගමැති ඉවත්කරන්න අවශ්‍ය ඒකාබද්ධ විපක්ෂයට නම් චතුරගේ අවශ්‍යතාව මොකක්ද?

අවස්ථා ගණනකදී අමාත්‍යවරයා මේ බව සඳහන් කර සිටි අතර පසුගියදා මාධ්‍යවේදීන් පිරිසක් සමග සෞඛ්‍ය අමාත්‍යාංශයේ පැවැති සාකච්ඡාවක දී සෞඛ්‍ය අමාත්‍යවරයා සඳහන් කර ඇත්තේ තමන් ජනාධිපතිවරයා සහ අග්‍රාමාත්‍යවරයා ආරක්ෂා කරන පෙරමුණේ ඉදිරියෙන්ම සිටින බවත් අග්‍රාමාත්‍යවරයාට එරෙහි විශ්වාස භංගය අවශ්‍ය රාජපක්ෂලා ප්‍රමුඛ ඒකාබද්ධ විපක්ෂයට පමණක් බවත්ය.

එසේම තමන්ට එරෙහිව ඉදිරිපත්ව ඇති නඩු හබ වලින් බේරීම සදහා ඔවුන් විවිධ ක්‍රියාමාර්ග ගනිමින් සිටින බවත් එය නොතේරෙන රජයේ සිටන ඇතැම් මැති ඇමැතිවරුන් ද විවිධ අදහස් පළ කරන බවද අමාත්‍යවරයා පවසා ඇත.

කෙසේ නමුත් දේශපාලන ආරංචිමාර්ග සඳහන් කර සිටින්නේ මේ වන විට එජාප නායකත්වය වෙනස් කිරීමේ සටනේ එක් පියවරක් ලෙස අග්‍රාමාත්‍ය රනිල් වික්‍රමසිංහට එරෙහි විශ්වාසභංගයට සහය දිය යුතු බවට චතුර සේනාරත්න මන්ත්‍රීවරයා එජාප මන්ත්‍රීවරුන්ට දුරකථන ඇමතුම් ලබාදෙමින් සිටින බවය.

එසේම අග්‍රාමාත්‍ය රනිල් සහ ඔහුගේ මිතුරන් පිරිඅ දිනපතා පක්ෂය අගාධයට ගෙන යන බවත් ඒ හේතුවෙන් ඔවුන් සියළු දෙනා ඉවත් කරන තුරු පක්ෂයට ජයග්‍රහණය කල නොහැකි බවද ඔහු එහිදී සඳහන් කරන බව වාර්තා වෙයි.

Comment (0) Hits: 702

තේවලට සීනි දැමූවන් වහාම හෙළිදරව් කරන්න : සුනිල් හඳුන්නෙත්ති

තේ නිෂ්පාදනයේදී සීනි සහ ග්ලූකෝස් මිශ‍්‍ර කරනු ලබන බවට අනාවරණය කරගෙන තිබෙන තේ කර්මාන්ත ශාලා 53 වහාම රටට හෙළිකර නීතිය හමුවට පමුණවන ලෙස පාර්ලිමේන්තු මන්ත්‍රී සුනිල් හඳුන්නෙත්ති අවධාරණය කරයි.

මන්ත්‍රීවරයා මෙසේ අවධාරණය කර ඇත්තේ වැවිලි කර්මාන්ත අමාත්‍ය නවීන් දිසානායක වෙත ලිපියක් යොමුකරමින්ය.

මෙවැනි ජාවාරම්කාර කටයුතු හේතුවෙන් ‘ශ‍්‍රී ලංකා තේ’ නාමය අපකීර්තියට පත්වන බවත් ඔවුන් කවුදැයි යන්න හෙළිනොකිරීම හේතුවෙන් සාධාරණ ලෙස තේ කර්මාන්තයේ නියැලෙන අයද එම දූෂිතයින් ගණයටම අයත්වී සමානව අපකීර්තියට ලක්වන බවද එම ලිපිය හරහා මන්ත්‍රීවරයා පෙන්වා දී ඇත.

තේ මණ්ඩලයේ හිටපු සභාපතිගේ අනාවරණය

තේ මණ්ඩලයේ එවකට සභාපති රොහාන් පෙතියාගොඩ මහතා ජනමාධ්‍යට කියා තිබුණේ රත්නපුර, ගාල්ල සහ මාතර දිස්ත‍්‍රික්කවල තේ කර්මාන්ත ශාලා 80ක් වැටලීමේදී මෙම කම්හල් 53 ක් සීනී හා ග්ලූකෝස් මිශ‍්‍ර කර දළු ඇඹරීම කරන බව සොයා ගත් බවය.

අභ්‍යන්තර අවවාදදීම පමණක් ප්‍රමාණවත් නෑ!

එසේම ඒ සමඟ අනාවරණය වූයේ අදාළ කම්හල් 53 ට අභ්‍යන්තරික ලෙස අවවාද කිරීමක් පමණක් සිදුකිරීමට තේ මණ්ඩලය කටයුතු කර ඇති බවය.

වැවිලි කටයුතු අමාත්‍යංශය යටතේ තිබෙන ශ්‍රී ලංකා තේ මණ්ඩලය අදාළ වැටලීම් සිදුකිරීම අගය කරන කටයුත්තක් වන නමුත් මන්ත්‍රීවරයා අමාත්‍යවරයා වෙත යොමුකළ ලිපියේ දැක්වෙන්නේ තේ කර්මාන්තයේ කීර්තිනාමයට හානි කළ 53 දෙනාගේ නම් සහිතව හෙළිදරව් කිරීමට නොහැකි නම් අවම වශයෙන් සාධාරණ ලෙස තේ නිෂ්පාදනය කරනු ලබන්නේ යැයි හඳුනාගත් 27 දෙනාගේ නම් ප‍්‍රසිද්ධ කිරීමවත් සිදුකල යුතු බවය.

Comment (0) Hits: 515

විශ්වාසභංගයෙන් පසු මෛත්‍රීට දෝෂාභියෝගයක් !

ශ්‍රී ලංකා නිදහස් පක්ෂය බෙදීමකට ලක්කර ජනාධිපතිවරයා දේශපාලනිකව අස්ථාවර කිරීම අගමැති රනිල් වික්‍රමසිංහ මහතාට එරෙහිව ඒකාබද්ධ විපක්ෂය විසින් ඉදිරිපත් කර ඇති විශ්වාස භංගයේ මුලික අරමුණක් වී ඇතැයි ශ්‍රීලනිප ජ්‍යෙෂ්ඨ අමාත්‍යවරයකු 'නිව්ස් ටියුබ්' වෙත පැවසිය.

යම් හෙයකින් මෙම විශ්වාස භංගයෙන් අගමැතිවරයා පරාජයට පත්වුවහොත් ඒ සමගම ජනාධිපතිවරයාට එරෙහිව දෝෂාභියෝගයක් ගෙන ඒමට සැලසුම් කර ඇතැයි ද ඔහු කියා සිටියේය.

මේ වන විටත් ආණ්ඩුවේ සිටින ශ්‍රීලනිප මැති ඇමතිවරුන්ගේ අති බහුතරයක් රාජපක්ෂවරුන් සමග එකඟතාවයකින් ක්‍රියා කරති.

 z p04 Dividing

විශ්වාස භංග යෝජනාව අගමැතිවරයා සහ ජනාධිපතිවරයා අතර "විරසකයක් ඇති කිරීමේ" සහ "ජාතික ආණ්ඩුව විනාශ කිරීමේ" කුමන්ත්‍රණයක් - ශ්‍රීලනිප මහ ලේකම්

 මේ අතර ශ්‍රීලනිප මහ ලේකම් අමාත්‍ය දුමින්ද දිසානායක මහතා පවසන්නේ, විශ්වාස භංග යෝජනාව අගමැතිවරයා සහ ජනාධිපතිවරයා අතර "විරසකයක් ඇති කිරීමේ" සහ "ජාතික ආණ්ඩුව විනාශ කිරීමේ" කුමන්ත්‍රණයක් බවයි.

'බීබීසී සිංහල සේවය' සමග සාකච්ජාවකට එක්වෙමින් ඔහු එබව අවධාරණය කර සිටියේය.

එහෙයින්, ඒකාබද්ධ විපක්ෂය විසින් අගමැති රනිල් වික්‍රමසිංහ මහතාට එරෙහිව ඉදිරිපත් කිරීමට සැරසෙන විශ්වාස භංග යෝජනාවට තමන් තරයේ විරුද්ධ බවද ඔහු කියා සිටියේය.

එය තමන්ගේ පෞද්ගලික මතය විනා ශ්‍රී ලංකා නිදහස් පක්ෂයේ ස්ථාවරය නොවන බව අවධාරණය කරන ඇමතිවරයා, අදාළ විශ්වාස භංග යෝජනාව සම්බන්ධයෙන් පක්ෂය මෙතෙක් කිසිදු තීරණයකට එළැඹ නැති බවත් පැවසිය.

Comment (0) Hits: 6572

විශ්වාස භංගය හරහා ජවිපෙ කොටු කිරීමේ සුදානමක් !

විශ්වාස භංගයේ ජය පැරදුම කෙසේවෙතත් ඒ හරහා ශ්‍රීලනිපය, ජවිපෙ හා දෙමල සන්ධානය දේශපාලනික අවුලකට යැවීමත් ඒ හරහා එම පක්ෂවල සැබෑ ස්වරුපය ජනතාවට හෙළිදරව් කිරීමත් ඒකාබද්ධ විපක්ෂයේ මුලික අරමුණ බව එහි ප්‍රධානියකු 'නිව්ස් ටියුබ්' වෙත පැවසිය.

මෙම විශ්වාස භංග යෝජනාවෙන් එජාපය පමණක් නොව ශ්‍රීලනිපය, ජවිපෙ හා දෙමල සන්ධානය ද බරපතල දේශපාලන අර්බුදයකට ගොස් ඇති බවත් එය ඒකාබද්ධ විපක්ෂය ලැබූ ජයග්‍රණයක් බවත් ඔහු කියා සිටියේය.

මෙම විශ්වාස භංගයේදී ජවිපෙ අගමැති රනිල්ට බේරාගැනීමට කටයුතු කළහොත් ජවිපෙ ආණ්ඩුවේ කොටස්කාරයකු ලෙස ජනතාව තුල තහවුරු කල හැකියැයි ඔහු අවධාරණය කර සිටියේය.

ජවිපෙ හා ඒකාබද්ධය අතර රහස් ගනුදෙනුවක් !

කෙසේවුවද එජාප ජ්‍යෙෂ්ඨ අමාත්‍යවරයකු 'නිව්ස් ටියුබ්' වෙත පැවසුයේ, ජනතා විමුක්ති පෙරමුණ හා ඒකාබද්ධ නායකයින් අතර රහස් ගනුදෙනුවක් ඇද්දැයි ජනතාව තුල මතුව ඇති බවයි.

විශ්වාස භංගයට සහය පලකරන බවට ජවිපෙ නායක අනුර කුමාර දිසානායක මහතා කර ඇති ප්‍රකාශය එම සැකයට හේතුවී ඇතැයි පැවසු එම අමාත්‍යවරයා, කෙසේවෙතත් ජනතා විමුක්ති පෙරමුණ හා රාජපක්ෂවරුන් අතර රහසිගතව හෝ සන්ධානයක් ඇතැයි පලවන වාර්තා කිසිඳු ලෙසකින් පිළිගත නොහැකිවබව අවධාරණය කර සිටියේය.

මේ සම්බන්ධයෙන් 'නිව්ස් ටියුබ්' කල විමසීමකදී ජවිපෙට හිතවත් සිවිල් සංවිධාන ක්‍රියාකාරිකයකු පැවසුයේ, ජනතා විමුක්ති පෙරමුණ කිසිඳු විටෙක එජාපයේ හෝ රාජපක්ෂවරුන්ගේ හෝ වෙනත් කිසිඳු බලවේගයක 'බළල් අතක්' නොවනු ඇති බවයි.

විශ්වාස භංගයේදී දෙපාර්ශයෙන් කිසිඳු පාර්ශවයකට සහය පලකිරීමට නොහැකිබවත් දෙපාර්ශවයටම එරෙහිව බරපතල චෝදනා තිබෙන බවත් ඔහු අවධාරණය කළේය.

 bimal r 1000px'' මහින්දගේ බලාපොරොත්තුව ඔහුට සහ ඔහුගේ පවුලේ සාමාජිකයන්ට එරෙහි නඩුහබ යටපත් කර දැමීම" - බිමල් රත්නායක

 මේ අතර ජනතා විමුක්ති පෙරමුණේ විග්‍රහ කර ඇත්තේ, අගමැති රනිල් වික්‍රමසිංහ මහතාට එරෙහි විශ්වාසභංග යෝජනාව හිටපු ජනාධිපති මහින්ද රාජපක්ෂ මහතාගේ තවත් දේශපාලන සූදුවක් ලෙසය.

ජනතා විමුක්ති පෙරමුණේ දේශපාලන මණ්ඩල සභික පාර්ලිමේන්තු මන්ත්‍රී බිමල් රත්නායක මහතා බීබීසී සිංහල සේවය සමඟ සාකච්ඡාවකට සහභාගී වෙමින්, ඉදිරිපත් කරනු ලැබ ඇති විශ්වාසභංග යෝජනාව මගින් හිටපු ජනාධිපතිවරයා බලාපොරොත්තු වෙන්නේ "රජය පෙරළා දැමීමට නොව ඔහුට සහ ඔහුගේ පවුලේ සාමාජිකයන්ට එරෙහි නඩුහබ යටපත් කර දැමීම" යයි කියා සිටියේය.

"මහින්ද රාජපක්ෂ මහත්මයා දේශපාලනයේ හැමවිටම සූදු තමයි කරන්නේ. එතුමාගේ කණ්ඩායම රවි කරුණානායකට එරෙහි විශ්වාසභංග යෝජනාව ගෙනාවා. ඒත් එතුමා ඊට අත්සන් කළේ නැහැ .ඡන්දය දුන්නෙත් නැහැ. ජවිපෙ අපි එදා ඒ යෝජනාවට පක්ෂව ඡන්දය දුන්නා." පාර්ලිමේන්තු මන්ත්‍රී බිමල් රත්නායක මහතා පවසයි.

හිටපු ජනාධිපති මහින්ද රාජපක්ෂ මෙම යෝජනාවට අත්සන් නොකළා පමණක් නොව එමගින් ආණ්ඩුව පෙරළා දමා අගමැති පදවිය භාර ගැනීමට සූදානම් නැති බවත් මන්ත්‍රීවරයා සඳහන් කරයි.

"මොකක්ද එහෙනම් මෙතැන තියෙන අරමුණ? අරමුණ තමයි ආණ්ඩුව සොලවා දැමීම. ආණ්ඩුව බයට පත් කරලා, එමගින් රාජ්‍ය සහ පොලිස් නිලධාරීන්ට පණිවුඩයක් දෙනවා - තමන්ට එල්ල වී ඇති නඩුහබ ටික නතර කර ගැනීමට.ඒ අතරම ආණ්ඩුව තවත් පිරිහීමට පත් කරමින් තමාට වඩාත් සුදුසු මොහොතක ආණ්ඩු බලය අල්ලා ගැනීම තමයි එතුමාගේ උපක්‍රමය වී තිබෙන්නේ" ජවිපෙ පාර්ලිමේන්තු මන්ත්‍රීවරයා වැඩි දුරටත් පවසයි.

 'අපි අත්සන් කලානම් යෝජනාව හබක්' :

ඒකාබද්ධ විපක්ෂ කණ්ඩායම විසින් ඉදිරිපත් කරනු ලැබ ඇති විශ්වාසභංග යෝජනා කෙටුම්පත කිසිවිටක සිය පක්ෂයට ඉදිරිපත් නොකළ බවත් ඔහු කියා සිටියේය.

"එම කෙටුම්පත ජවිපෙටත් ඉදිරිපත් කළානම් ආණ්ඩුවට එරෙහි අපේ අදහස් ද ඊට එක් කරනවා.මොකද මේ සිරිසේන - රනිල් ආණ්ඩුව 2015 ජනවාරි 08 මහජන විශ්වාසය සහමුළින්ම භංග කරපු ආණ්ඩුවක්. හැබැයි! අපේ අදහස් එක් කළා නම් ඒකාබද්ධ විපක්ෂ කණ්ඩායමේ බොහෝ දෙනකුටත් ඊට අත්සන් කරන්න බැරි වෙනවා" පාර්ලිමේන්තු මන්ත්‍රී බිමල් රත්නායක මහතා ප්‍රකාශ කළේය.

 

Comment (0) Hits: 702

මැතිවරණ කොමිසමට එරෙහිව මාතරින් ශ්‍රේෂ්ඨාධිකරණයට පෙත්සමක්

''මාතර මහා නගර සභාවේ බලය ශ්‍රී ලංකා පොදුජන පෙරමුණට හිමිකරදීම නීතියට පටහැනියි''

54.28% ක් විරුද්ධව සිටියදී 45.72%ක සුලූතරයක් ලැබූ ශ්‍රී ලංකා පොදුජන පෙරමුණට මාතර මහා නගර සභාවේ පාලන බලය හිමිකරදීම නීතිවිරෝධී බව ප්‍රකාශ කරන ලෙස ඉල්ලමින් මාතර මහා නගර සභාවේ හිටපු නාගරික මන්ත්‍රීවරයෙකු වූ එච්. එම්. සුනිල් තිලකුමාර මහතා ඊයේ (23) ශ්‍රේෂ්ඨාධිකරණයේ මූලික අයිතිවාසිකම් නඩුවක් ගොනු කර ඇත.

මැතිවරණ කොමිෂන් සභාව තමන්වෙත පැවරී ඇති බලය නිසි පරිදි ක්‍රියාවේ නොයෙදවීම නිසා ප්‍රකාශිත මාතර ජනමතය විකෘති වී ඇති බවත්, හිමි නොවූ බලයක් එක් පක්‍ෂයකට හිමිකරදී ඇති බවත් ඔහු සිය පෙත්සමින් කියා සිටියි.

එයින් තමන්ගේ සහ මාතර ජනතාවගේ මූලික අයිතිවාසිකම් උල්ලංඝණය වී ඇති බැවින් මාතර ජනමතයට හානියක් නොවන පරිදි ක්‍රියාකරන ලෙස මැතිවරණ කොමිසම වෙත නියෝග කරන ලෙසත්, එතෙක් සුලූතර ජනමතයකට හිමිකම් කියන නගරාධිපතිවරයෙකු හා නියෝජ්‍ය නගරාධිපතිවරයෙකු නම්කර මාතර මහා නගර සභාවේ පාලන බලය ක්‍රියාත්මක කිරීම අත්හිටුවන අතුරු තහනම් නියෝගයක් නිකුත් කරන ලෙසත් ඔහු සිය පෙත්සම මගින් ශ්‍රේෂ්ඨාධිකරණයෙන් ඉල්ලා සිටී.

Comment (0) Hits: 680

විශ්වාසභංග යෝජනාවේ අත්සන් 56ක් ! නොපෙනෙන අත්සන සිරිසේන ජනාධිපතිගේ

අග්‍රාමාත්‍ය රනිල් වික්‍රමසිංහට එරෙහි විශ්වාසභංග යෝජනාව ඒකාබද්ධ විපක්ෂයේ මුලිකත්වයෙන් ගෙනවිත් ඇතත් එම දේශපාලන ව්‍යාපෘතිය පිටුපස සිටින්නේ ජනාධිපති මෛත්‍රීපාල සිරිසේන බව ජනතා විමුක්ති පෙරමුණ සඳහන් කරයි.

දේශපාලන සංවාදයකට එක්වෙමින් පාර්ලිමේන්තු මන්ත්‍රී බිමල් රත්නායක මේ බව අවධාරණය කර සිටියි.

කතානායකවරයා වෙත ලබාදුන් විශ්වාසභංග යෝජනාව ඇතුළත් ලේඛනයේ අත්සන් 55ක් පෙනෙන්නට තිබුණත් එහි අත්සන් 56ක් තිබෙන බව සඳහන් කල බිමල් රත්නායක මන්ත්‍රීවරයා එම නොපෙනෙන අත්සන ජනාධිපතිවරයාගේ බවද පවසයි.

විශ්වාසභංගය දිනන්න මහින්දට අවශ්‍ය නෑ !

එසේම අදාළ විශ්වාසභංග යෝජනාව ගෙන ඒම සඳහා මහින්ද රාජපක්ෂ පාර්ශවය ජනාධිපතිවරයාට සහය ලබාදී ඇති නමුත් විශ්වාසභංග යෝජනාව ජයග්‍රහණය කරවීමට බරපතල වුවමනාවක් නොමැති බවත් එම උවමනාව ඇත්තට ඇත්තේ මෛත්‍රීපාල සිරිසේන ජනාධිපතිට පමණක් බවද බිමල් රත්නායක මන්ත්‍රීවරයා පැවසීය.

"මහින්ද අගමැති කිරීමට' පළාත් පාලන ජන්දයේ ජනවරමක් ඉල්ලු ඒකාබද්ධ විපක්ෂය විශ්වාසභංග යෝජනාවක් ගෙනවිත් අග්‍රාමාත්‍යධූරය ඉල්ලා නොසිටින්නේද එනිසා බවද ඔහු පැවසීය. එපමණක් නොව මහින්ද රාජපක්ෂ මෙම විශ්වාසභංගයට අත්සන් නොකළේද එනිසා බවත් ඔහු පැවසීය.

මහින්ද කියන්නේ තමන්ට හිමි බලය අනුන්ට දෙන කෙනෙක් නෙවෙයි !

එසේ නොවන්න මහින්ද රාජපක්ෂ තමන්ට බලය ලබාගැනීමට ඇති අවස්ථාව ලෙහෙසියෙන් අත්හරින්නෙකු නොවන බවත් එය ඉතිහාසය දන්නා ඕනෑම අයෙකු දන්නා කාරණයක් බවද බිමල් රත්නායක මන්ත්‍රීවරයා සඳහන් කර සිටියි.

අදාළ විශ්වාසභංග යෝජනාවේ ජනාධිපතිවරයාට එරෙහිව කිසිඳු විවේචනයක් නොමැත්තේද මෙය ජනාධිපතිවරයාගේ ප්‍රොජෙක්ට් එකක් නිසා බවත් අවම වශයෙන් අග්‍රාමාත්‍යවරයා ප්‍රමුඛ ආණ්ඩුවට එරෙහි විශ්වාසභංග යෝජනාවේ කිසියම් හෝ සඳහනක් ජනාධිපතිවරයා සම්බන්ධව නොමැති බවද ඔහු පෙන්වා දෙයි.

ජනාධිපති සියඹලා ගෙනල්ලාම නැද්ද ?

මෙම සත්‍ය තත්ත්වය පැවසීමට එජාප මැති ඇමතිවරු බයවී සිටින නමුත් මේ ආණ්ඩුව පිහිටුවීමට ජනවාරි 08 ජනවරම ලැබුණේ ජනාධිපතිවරයාට බවත් අගමැති රනිල් කියන්නේ ඒ ජනවරම අස්සට ගොස් අවස්ථාව ලබාගත් අයෙක් පමණක් බව පෙන්වා දෙන ඔහු සැබෑ විශ්වාසභංගය ගෙන ඒමට අවශ්‍ය වන්නේ ජනවාරි 08 ජනවරමට පිටුපෑ ජනාධිපතිවරයාත් සමඟ බවද පවසයි.

Comment (0) Hits: 1727

රුපියල් කෝටි 5ක් වටිනා මත්පැන් තොගයක් සමඟ සැකකරුවෙකු අත්අඩංගුවට

රුපියල් කෝටි 5 කට ආසන්න වටිනාකමකින් යුතු විදේශීය මත්පැන් තොගයක් සමඟ පුද්ගලයෙකු කොටහේන ප්‍රදේශයේදී අත්අඩංගුවට ගත් බව පොලීස් මාධ්‍ය ප්‍රකාශක කාර්යාලය පවසයි.

22 වනදා දහවල් 1ට පමණ පොලිස් මත්ද්‍රව්‍ය කාර්යාංශයට ලැබුණු තොරතුරක් මත කොටහේන පොලිස් වසමේ කේ.සී.සිරිල්.සී.පෙරේරා මාවත ප්‍රදේශයේ දී මෙම වැටලීම සිදුකර ඇති අතර මෙම විදේශ මත්පැන් තොගය අතර ෂැම්පේන් සහ වයින් බෝතල් 15,431 ක් තිබි ඇති බවද වාර්තා වෙයි.

ආර්.ඒ.ද මාවත, කොළඹ 3 ප්‍රදේශයේ පදිංචිකරුවකු වන සැකකරු 44 වියේ පසුවන්නෙකු වන අතර ඔහුව මේ වන විට පොලිස් ඇප මත මුදා හැර ඇත.

Comment (0) Hits: 540

එජාපය ජයගත් මීගමුවේ නගරාධිපතිධුරයත් පොහොට්ටුවට : ශ්‍රීලනිපයත් හවුල් වෙලා

මීගමුව නගරසභාවේ නගරාධිපතිධුරය සඳහා අද (23) පැවැත්වූ රහස් ජන්දය ජය ගැනීමට ශ්‍රී ලංකා පොදුජන පෙරමුණ සමත්ව ඇත.

එහිදී පොදුජන පෙරමුණ නියෝජනය කරමින් නගරාධිපතිධුරය සඳහා ඉදිරිපත්වූ දයාන් ලන්සා ජන්ද 25ක් ලබාගෙන ඇත.

එක්සත් ජාතික පක්ෂය නියෝජනය කල රොයිස් විජිත ප්‍රනාන්දු ලබාගෙන තිබෙන්නේ ජන්ද 19ක් පමණි.

එසේම මීගමුව නගර සභාවේ උප නගරාධිපතිධුරය ශ්‍රී ලංකා නිදහස් පක්ෂය ලබාගෙන ඇති අතර නගරාධිපතිධුරය සඳහා දයාන් ලන්සාට සහයදීමට ශ්‍රීලංකා නිදහස් පක්ෂය ප්‍රමුඛ සන්ධානයත් ස්වාධීන කණ්ඩායම මෙන්ම එක්සත් ජාතික නිදහස් පෙරමුණ ද කටයුතු කර ඇත.

2018 පළාත් පාලන මැතිවරණයේ මීගමුව නගරසභා ප්‍රතිඵලය

Captureම

Comment (0) Hits: 507

එජාපය දිනූ ගාල්ලේ නගරාධිපතිධුරය පොහොට්ටුවට !

මෙවර පළාත් පාලන මැතිවරණයේදී එක්සත් ජාතික පක්ෂයට බලය හිමිවූ ගාල්ල මහ නගර සභාවේ නගරාධිපතිවරයා ලෙස ශ්‍රී ලංකා පොදුජන පෙරමුණේ ප්‍රියන්ත සහබන්දු ගොඩගම තේරී පත්ව ඇති බව වාර්තා වෙයි.

නගරාධිපතිවරයා තේරීම සිදුවුයේ අද (23) පැවති රහස් ජන්දයෙනි.

25594039 1381564785281727 8152141229209793419 nමෙහිදී උප නගරාධිපතිවරයා ලෙස එක්සත් ජාතික පක්ෂ මන්ත්‍රී හුසේන් මොහොමඩ් පත්ව ඇති අතර ඒ නිතරගයෙනි.

ගාල්ල මහ නගර සභාව පසුගිය මැතිවරණයෙන් එජාපය ජයග්‍රහණය කළේ වසර 16 කට පසුව වන අතර එනම් 2002 වසරට පසුවය. නමුත් මෙවර පළාත් පාලන මැතිවරණය තුළ ගාල්ල මහ නගර සභාව ජයගන්නට එජාපය සමත් වුවත් නගරාධිපතිධුරය අහිමිව ඇත.

2018 පළාත් පාලන මැතිවරණයේ ගාල්ල මහ නගරසභා ප්‍රතිඵලය

Captureගල

Comment (0) Hits: 535

නාමල්ට ඇමරිකාව තහනම් වුණේ මුදල් විශුද්ධිකරණ චෝදනා නිසා !

නාමල් රාජපක්ෂ වෙත ඇමරිකා එක්සත් ජනපදයට ඇතුල්වීම තහනම් කර ඇත්තේ මුදල් විශුද්ධිකරණ චෝදනා ලැබූවන්ගේ ලැයිස්තුවට නම ඇතුළත් කර තිබීම හේතුවෙන් බව ඉන්දීය වෙබ් අඩවියක් අනාවරණය කර සිටියි.

the new indian express නම් එම වෙබ් අඩවිය සඳහන් කරන ආකාරයට නාමල් රාජපක්ෂ මෙන්ම ඔහුගේ පවුලේ උදවියද දුෂණ චෝදනා ලබා ඇති බවත් ඒ බව මහින්ද රාජපක්ෂගෙන් පසුව ලංකා ජනාධිපතිවරයා වූ මෛත්‍රීපාල සිරිසේනද අවධාරණය කර ඇති බව එහි සඳහන් ය.

එසේම එක්සත් ජනපද බලධාරීන් එක් එක් සිදුවීමක් සම්බන්ධව ප්‍රතිචාර නොදක්වන බවත් මුදල් විශුද්ධිකරණ චෝදනා ලැබීම හේතුවෙන් සංචාරක ගමන් ලැයිස්තුවට නම ඇතුලත්ව ඇති බවට තොරතුරු වාර්තා වන බවත් එම වෙබ් අඩවිය වැඩිදුරටත් සඳහන් කර ඇත.

එසේම රාජපක්ෂ පාලන සමයේ සිදුවූ දුෂණ නඩු විභාග කිරීම සඳහා නව අධිකරණ පිහිටුවීමට ලංකාව කටයුතු කරමින් සිටින බවද එහි සඳහන්ව ඇත.

Captureක

සබැදි පුවත්

නාමල්ට ඇමරිකාවට ඇතුල්වීම තහනම් ! : ගුවන්යානයට නගින්නත් එපා කියලා

 

Comment (0) Hits: 620

Page 372 of 421