පුවත්

එළඹෙන අයවැයේ දී රාජ්‍ය සහ පෞද්ගලික අංශ සේවකයින්ට රුපියල් 10,000ක වැටුප් වැඩිවීමක් ලබාදිය යුතු බව ජාතික වෘත්තීය සමිති මධ්‍යස්ථානයේ සභාපති කේ.ඩී ලාල්කාන්ත  පවසයි.

එම මධ්‍යස්ථානය ඊයේ (28) කැඳවා තිබූ ප්‍රවෘත්ති සාකච්ඡාවකට එක්වෙමින් ඔහු මේ බව සඳහන් කළේය.

වැඩිදුරටත් අදහස් දැක්වු කේ.ඩී ලාල්කාන්ත,

"අපිට ආණ්ඩුවට කියන්න අවශ්‍යයි ඉදිරියේ දී එන අයවැයේ දී අපිට රු 10,000ක වැටුප් වැඩිවීමක් අවශ්‍යයි. හරි නිශ්චිතයි කාරණය. රාජ්‍ය අංශයට, පෞද්ගලික අංශයටත් වතු ක්ෂේත්‍රයේ වැඩකරන ජනතාවට මේ රු 10,000 වැටුප් වැඩිවීම අත්‍යවශ්‍යයි. ඒ වගේම දැනට වැඩ නොකරන එහෙත් විශ්‍රාමයෙන් තමන්ගේ ජීවිත ගැට ගසා ගන්න විශ්‍රාමිකයින්ටත් මේ වැටුප් වැඩිවීම අත්‍යාවශ්‍යයි. මෙතැනින් ඉදිරියට අයවැය දක්වා ම අපිට රු10,000ලැබෙනවා කියලා සහතින වෙනකල් ම අඛණ්ඩ විරෝධතා ව්‍යාපාරයක් රටපුරා ම ගෙනියන්න තීරණය කරලා තියෙනවා. හොරකම් කරලා තියෙන ඒවා ගෙනල්ලා හරි, තමන් විවිධ ක්‍රමවලට එකතු කර ගත්ත ධනය දේපළ ඒවා රජයට පවරාගෙන හරි ඉතිරි අවුරුදු 2,3,4 බලයේ ඉන්න ඕනේ නම් පාලකයන්ට අනිවාර්යයෙන් සිදුවෙනවා මේ ඉල්ලීම් ඉටුකරන්න."

එම මාධ්‍ය හමුවට එක්වෙමින් ජාතික වෘත්තිය සමිති මධ්‍යස්ථානයේ කැඳවුම්කරු, වසන්ත සමරසිංහ  පවසා සිටියේ, පසුගිය කාලයේ භාණ්ඩවල මිල වැඩිකිරීම් තවමත් රජයේ සංඛ්‍යා ලේඛනවල නොමැති බවය.

"ඔක්තෝබර් මාසයේ බඩු මිල වැඩිවුණ ඒවා එන්නේ නොවැම්බර් මාසයේ. මේ වෙන විට ආණ්ඩුව ගණන් හදලා තියෙන ආණ්ඩුවේ සංඛ්‍යා ලේඛන 2021 සැප්තැම්බර් මාසය වෙනවිට 4 දෙනෙකුගෙන් යුත් පවුලකට ජීවත්වීමට යන වියදම රු 65,047ක් වෙනවා. දැන් රු 65,000ක් 4 දෙනෙකුට ජීවත්වෙන්න යනවා කියන ආණ්ඩුවේ ම සංඛ්‍යා ලේඛන අනුව අපි කොහොමද ජීවත් වෙන්නේ රු 16,000ක පඩියක් අරන්. අද රාජ්‍ය අංශ සේවකයා කොහොමද රු 31,000ක පඩියක් අරන් ජීවත් වෙන්නේ. ඒ නිසා අද බරපතළ ප්‍රශ්නයක් තියෙනවා වැටුප්වල මේ වැඩිවීම අනුව නම් පඩිය ඩබල් වෙන්න ඕනේ. නැතුව කොහොම ද ජීවත් වෙන්නේ."

අන්තර් පළාත් සංචරණ සීමා ඔක්තෝම්බර් 31 වැනිදා අලුයම 4 .00 ට අවසන් කිරීමට තීරණය කළ බව ජනාධිපති මාධ්‍ය ඒකකය පවසයි.

ඒ, අද(29) පෙරවරුවේ රැස්වූ කොරෝනා මර්දන ජනාධිපති කාර්ය සාධක බලකායේදීය.

එහිදී ගනු ලැබූ තීරණ පහත සදහන් වෙයි..

ශ්‍රී ලංකා මහජන බැංකුව අසාදු ලේඛනගත කළ බව මෙරට පිහිටි චීන තානාපති කාර්යාලයේ ආර්ථික හා වාණිජ කාර්යාලය නිවේදනයක් නිකුත්කරමින් සඳහන් කර ඇත.

ශ්‍රී ලංකා මහජන බැංකුව L/C පැහැර හැරීමේ විෂම සිදුවීමක් අත්විඳ ඇති අතර, ශ්‍රී ලංකාව සමඟ ජාත්‍යන්තර වෙළඳාමේ දී චීන ව්‍යවසායන්ට විශාල අලාභයක් සිදු වූ බව එහි සඳහන් ය.

ඒ අනුව මහජන බැංකුව දැන් ශ්‍රී ලංකාවේ චීන තානාපති කාර්යාලයේ ආර්ථික හා වාණිජ කාර්යාලය විසින් අසාදු ලේඛනගත කර ඇති බවත් නිවේදනයේ සඳහන් ය.

අවදානම් පාලනය ශක්තිමත් කරන ලෙසත්, ශ්‍රී ලංකාව සමඟ ජාත්‍යන්තර වෙළෙඳාමේදී ශ්‍රී ලංකා මහජන බැංකුව විසින් නිකුත් කරන ලද ණයවර ලිපි (L/C) පිළිගැනීමෙන් වළකින ලෙසත් එම කාර්යාලය සියලුම චීන ව්‍යවසායන් වෙත සිහිපත් කරන බවත් අදාළ නිවේදනයේ වැඩිදුරටත් සඳහන් කර ඇත.

LNG බලාගාර පද්ධතිය ඇමරිකාවට පැවරීම මාතෘකාව යටතේ ගොඩනැගෙන මහජන මන්ත්‍රණ සභාව හෙට පැවැත්වෙන බව එම සංවිධායක මණ්ඩලය දන්වයි.

එම අවස්ථාව වෙනුවෙන් සහභාගී වන ලෙස මාධ්‍ය ආයතන වෙත යොමු කර ඇති ලිපිය මෙසේය.

LNG බලාගාර පද්ධතිය ඇමරිකාවට පැවරීම මාතෘකාව යටතේ ගොඩනැගෙන මහජන මන්ත්‍රණ සභාව හෙට (29)

රට තුළ වර්තමානයේ මතුවී ඇති සමාජ දේශපාලන අර්බුදය තුළ LNG බලශක්තිය ඇමරිකානු සමාගමකට පැවරීමේ ක්‍රියාවලිය පිළිබඳ සාකච්ඡාව, රටට ආදරය කරන කිසිම පාර්ශ්වයකට මගහැර යා නොහැකි, මාතෘකාවක් බව පැහැදිලිය.

එබැවින් ඒ පිළිබඳ විද්වත් අදහස් මත ගොඩනැගෙන නිශ්චිත යෝජනා සාකච්ඡා කිරීමේ “මහජන මන්ත්‍රණ සභා සැසියක්” 2021.10.29 (හෙට) දින සවස 3:00ට පිටකෝට්ටේ පිහිටි සෝලිස් උත්සව ශාලාවේදී පැවැත්වීමට අපි තීරණය කළෙමු.

මෙම මහජන මන්ත්‍රණ සභාවේ මූලාසන මණ්ඩලය, පහත දේශපාලන පක්‍ෂ නායකයින් නියෝජනය කරනු ඇත.

මූලාසන මණ්ඩලය

1. පාර්ලිමේන්තු මන්ත්‍රී පූජ්‍ය අතුරලියේ රතන හිමි, 2 . ගරු අමාත්‍ය වාසුදේව නානායක්කාර මැතිතුමා
2. ගරු අමාත්‍ය විමල් වීරවංශ මැතිතුමා,
3. ගරු අමාත්‍ය උදය ගම්මන්පිල මැතිතුමා
4. මහාචාර්ය රෝහණ ලක්‍ෂ්මන් පියදාස මැතිතුමා,
5. ගරු පාර්ලිමේන්තු මන්ත්‍රී මහාචාර්ය තිස්ස විතාරණ මැතිතුමා
6. ශ්‍රී ලංකාවේ කොමියුනිස්ට් පක්‍ෂයේ ප්‍රධාන ලේකම් විශේෂඥ වෛද්‍ය ඩබ්ලිව්. වීරසිංහ මැතිතුමා
7. ගරු පාර්ලිමේන්තු මන්ත්‍රි ටිරාන් අලස් මැතිතුමා,
8. ගරු පාර්ලිමේන්තු මන්ත්‍රි ඒ.එල්.එම්. අතවුල්ලා මැතිතුමා
9. ගරු පාර්ලිමේන්තු මන්ත්‍රී අසංග නවරත්න මැතිතුමා
10. ගරු පාර්ලිමේන්තු මන්ත්‍රී ගෙවිඳු කුමාරතුංග මැතිතුමා

මෙයට, විශ්වාසී,

රාජ්‍ය අමාත්‍ය ජයන්ත සමරවීර සංවිධායක කමිටුව වෙනුවෙන්

ප්‍රකාශයක් ලබා දීම සඳහා අපරාධ පරීක්ෂණ දෙපාර්තමේන්තුව කළ කැඳවීමට සතියක කාලයක් ලබා දෙන ලෙස ආචාර්ය සිරිල් ගාමිණී පියතුමන් අපරාධ පරීක්ෂණ දෙපාර්තමේන්තුවෙන් ඉල්ලා තිබෙන බව වාර්තා වෙයි.

රාජ්‍ය බුද්ධි සේවාවේ ප්‍රධානී සුරේෂ් සලේ කළ පැමිණිල්ලට අදාළව ප්‍රකාශයක් ලබාදීම සඳහා මෙලෙස අද (28) පෙරවරුවේ අපරාධ පරීක්ෂණ දෙපාර්තමේන්තුවට පැමිණෙන ලෙස ආචාර්ය සිරිල් ගාමිණී පියතුමන්ට දැනුම් දී තිබිණි.

නමුත් එම පියතුමන් අද පෙරවරුවේ අපරාධ පරීක්ෂණ දෙපාර්තමේන්තුවට පැමිණ නොසිටි අතර, ඒ වෙනුවට වෙනත් පියතුමන්ලා තිදෙනෙකු එහි පැමිණ අදාළ සතියක් කල් ඉල්ලන ඉල්ලීම සහිත ලිපිය භාරදී තිබේ.

ශාන්ති කුමාර් වැලිවිට පියතුමන්, රවීන් සඳසිරි පියතුමන් සහ ශ්‍රීනාත් මනෝජ් පියතුමන් මෙලෙස පෙරවරුවේ සී.අයි.ඩී.ය වෙත පැමිණ ආචාර්ය සිරිල් ගාමිණී පියතුමන් කරනු ලැබූ ලිඛිත ඉල්ලීම අපරාධ පරීක්ෂණ දෙපාර්තමේන්තුවට භාර දී ඇති අතර සිය ඉල්ලීම අපරාධ පරීක්ෂණ දෙපාර්තමේන්තුවේ නිලධාරීන්ට පිළිගත් බව ඉන් පිටතට පැමිණි පියතුමන්ලා මාධ්‍ය වෙත පවසා ඇත.

මහාචාර්ය නීලිකා මලවිගේව ලෝක සෞඛ්‍ය සංවිධානයේ තනතුරක් සඳහා තෝරා පත්කර ගෙන තිබේ.

ඇයව තෝරා පත්කරගෙන ඇත්තේ ලෝක සෞඛ්‍ය සංවිධානයේ කොවිඩ් -19 සඳහා වූ තාක්ෂණික උපදේශක කමිටුවේ සාමාජිකයෙක් වශයෙනි.

එම තාක්ෂණික උපදේශක කමිටුව පිහිටුවා ඇත්තේ කොවිඩ් 19ට අදාළ විද්‍යාත්මක, තාක්ෂණික සහ උපාය මාර්ගික කරුණු සම්බන්ධයෙන් සොයාබැලීම සඳහා ය.

අපරාධ පරීක්ෂණ දෙපාර්තමේන්තුව භාර නියෝජ්‍ය පොලිස්පති ප්‍රසාද් රණසිංහ ඇතුලු නියෝජ්‍ය පොලිස්පතිවරුන් දෙදෙනකුට සහ පොලිස් ස්ථානාධිපතිවරුන් පස් දෙනකුට වහාම ක්‍රියාත්මක වන පරිදි ස්ථාන මාරුවීම් ලබා ද ඇති බව පොලිස් මුලස්ථානය පවසයි.

අපරාධ පරීක්ෂණ දෙපාර්තමේන්තුව භාර නියෝජ්‍ය පොලිස්පති ප්‍රසාද් රණසිංහ එම තනතුරේ සිට පොලිස් මුලස්ථානයට ස්ථාන මාරුවීම් කර ඇති අතර ඔහුගෙන් හිස් වු අපරාධ පරීක්ෂණ දෙපාර්තමේන්තුව භාර නියෝජ්‍ය පොලිස්පති තනතුරට මාතර හා හම්බන්තොට දිසාව භාර නියෝජ්‍ය පොලිස්පති ඩබ්ලිව් තිලකරත්න පත්කර ඇති බව පොලිස් මුලස්ථාන පවසයි.

කැලණිය විශ්වවිද්‍යාලයේ කුලපති, මල්වතු මහා විහාර පාර්ශ්වයේ කොළඹ හලාවත දෙදිසාවේ ප්‍රධාන සංඝනායක, පෑලියගොඩ විද්‍යාලංකාර මහ පරිවේනාධිපති සහ අධ්‍යක්ෂක, ආචාර්ය වැලමිටියාවේ කුසලධම්ම නා හිමියෝ අපවත් වී වදාළහ.

කොළඹ පෞද්ගලික රෝහලක ප්‍රතිකාර ලබමින් සිටියදී උන්වහන්සේ අපවත් වී ඇති අතර අපවත්වන විට  84 වැනි වියෙහි පසුවූහ.

උන්වහන්සේ දිගුකලක් ආගමික හා සමාජයීය සේවාවන්හි නිරතවෙමින් බෞද්ධ ජනතාවගේ උන්නතිය වෙනුවෙන් සුවිසල් මෙහෙවරක් ඉටු කළේ ය.

මීට අමතරව කුසලධම්ම නාහිමියෝ සමස්ත ලංකා ශාසනාරක්ෂක බල මණ්ඩලයේ සභාපති ධුරය ද හොබවනු ලැබූහ.

1937 පෙබරවාරි 20 වැනි දින වයඹ පළාතේ කුරුණෑගල දිස්ත්‍රික්කයේ දේවමැදි හත්පත්තුවේ දඹදෙණි උඩුකහ උතුරු කෝරළයේ පිහිටි වැලමිටියාව නම් ගම්මානයේ දී පලිහවඩන ආරච්චිලාගේ ටිකිරි බණ්ඩාර නමින් උන්වහන්සේ උපත ලැබූ සේක.

මල්වතු මහා විහාරයේ කොළඹ හලාවත දෙදිසාවේ ප්‍රධාන සංඝනායක සහ උපාධ්‍යාය ධූරයන්ගෙන් පිදුම් ලැබූ නා හිමිපාණෝ, බුරුම රජයෙන් අග්ගමහා සද්ධම්ම ජෝතික ධජ ගෞරවනාමයෙන් පිදුම් ලැබූහ.

වැලමිටියාවේ කුසලධම්ම නාහිමියන්ගේ දේහය අද(28) දහවල් 12 න් පසු මහජන ගෞරවය සඳහා පෑලියගොඩ විද්‍යාලංකාර පිරිවෙනේ තැන්පත් කිරීමට නියමිත අතර ආදාහන පුජෝත්සවය පසුව දැනුම් දෙන බව පෑලියගොඩ විද්‍යාලංකාර මහ පිරිවෙනේ වැඩබලන අධ්‍යක්ෂ පූජ්‍ය වැලමිටියාවේ ඥානරතන හිමි වදාළහ.

ඇවන්ගාඩ් අධිපති නිශ්ශංක සේනාධිපති නමින් පෙනීසිටින නිශ්ශංක යාපා ගේ වත්කම් පිළිබද පරික්ෂණයක් කරන ලෙස ඉල්ලා අල්ලස් කොමිසමට පැමිණිලි කිරීමට තම සංවිධානය කටයුතු කළ බව 43 සේනාංකය පවසයි.

ඊට අනුව 43 සේනාංකය විසින් ඊයේ (27) අල්ලස් කොමිසම වෙත අදාළ පැමිණිල්ල සිදුකර ඇත.

එම අවස්ථාවට 43 සේනාංකය නියෝජනය කරමින් බන්දුල චන්ද්‍රසේකර , නීතීඥවරුන් වන රජික කොඩිතුවක්කු , මුදිත් දිසානායක , ගයාන් ඇතුළු පිරිසක් සහභාගි වූහ.

නීතිපති නඩුව ඉල්ලා අස්කරගෙන !

මේ අතර වරායේ නැංගුරම්ලා තිබු එම්.වි. මහනුවර නෞකාවේ තිබි සොයා ගන්නා ලද පාවෙන අවි ගබඩාව සම්බන්ධ නඩු කටයුත්ත අවසන් කිරිමට ගාල්ල අතිරේක මහේස්ත‍්‍රාත් පවිත‍්‍රා සංජිවනි පතිරණ නියෝග කළාය. මහේස්ත‍්‍රාත්වරිය මෙම නඩු කටයුත්ත මෙසේ අවසන් කරනු ලැබුවේ අපරාධ පරික්ෂණ දෙපාර්තමේන්තුවේ සමුහ මංකොල්ල විමර්ශන අංශයේ ස්ථානාධිපති ප‍්‍රධාන පොලිස් පරික්ෂක සුගත් කුමාර විසින් මෝසමක් මගින් කරණ ලද කරුණු දැක්විමෙන් පසුවය.

ප‍්‍රධාන පොලිස් පරීක්ෂකවරයා කියා සිටියේ මෙහි අපරාධ චෝදනාවක් ගොනු කිරිමට චෝදනා නොමැති බැවින් නඩුව අවසන් කිරිමට නිතිපතිවරයා විසින් උපදෙස් ලබාදි ඇති බවය.

හෙට (28) උදෑසන 9ට අපරාධ පරීක්ෂණ දෙපාර්තමේන්තුව හමුවේ පෙනී සිටින ලෙස අපරාධ පරීක්ෂණ දෙපාර්තමේන්තු නිලධාරීන් විසින් සිරිල් ගාමිණි පියතුමාට දන්වා ඇති බව වාර්තා වෙයි.

නිලධාරීන් අද දින (27) මීගමුවට ගොස් අදාළ දැනුම්දීම සිදුකර ඇති බවත් වාර්තා වෙයි.

සිරිල් ගාමිණි පියතුමන් මේ ආකාරයට අපරාධ පරීක්ෂණ දෙපාර්තමේන්තුවට කැඳවා ඇත්තේ, පාස්කු ඉරුදින ප්‍රහාරයට අදාළව ඔහු සහ තවත් පියතුමන්ලා කිහිප නමක් විසින් පසුගියදා සිදුකර ඇති අසත්‍ය චෝදනා තුලින් පොදු මහජනතාව නොමඟ යැවීම පමණක්ම නොව, හිතාමතාම තමාගේ කීර්තිනාමයට හානි කිරීමක් සිදුකර ඇති බව රාජ්‍ය බුද්ධි සේවාවේ අධ්‍යක්ෂ ජනරාල්වරයා අපරාධ පරීක්ෂණ දෙපාර්තමේන්තුවට කර තිබු පැමිණිල්ලකට අනුව කට උත්තරයක් ලබාගැනීම සඳහාය.

CID යෙන් අධිකරණයට දැනුම් දීමක් !

පාස්කු ප්‍රහාරය සම්බන්ධයෙන් ඉකුත් දා දෙස් විදෙස් ජනතාව දැනුවත් කිරීම සඳහා අන්තර්ජාතික යුක්ති සංසඳය විසින් පැවැත් වූ කරුණු පැහැදිලි කිරීමක දී ඉදිරිපත්වූ අසත්‍ය කරුණු සම්බන්ධයෙන් පරීක්ෂණයක් පවත්වන ලෙස ඉල්ලා රාජ්‍ය බුද්ධි සේවයේ ප්‍රධානී සුරේෂ් සලේ විසින් ඉදිරිපත් කළ පැමිණිල්ලකට අදාළව විමර්ශන ආරම්භ කර ඇතැයි අපරාධ පරීක්ෂණ දෙපාර්තමේන්තුව අද (27) කොළඹ මහෙස්ත්‍රාත් අධිකරණයට දැනුම් දුන්නේය.

එම සිද්ධියට අදාළව රහසිගත වාර්තාවක් ගොනුකරමින් අපරාධ පරීක්ෂණ දෙපාර්තමේන්තුව විසින් කොළඹ ප්‍රධාන මහෙස්ත්‍රාත් බුද්ධික. සී. රාගල වෙත එම දැනුම්දීම සිදුකළේය.

අපරාධ පරීක්ෂණ දෙපාර්තමේන්තුව අධිකරණයට දන්වා ඇත්තේ, 'අන්තර්ජාතික යුක්ති සංසඳය' නැමැති සංවිධානය විසින් ඉකුත් 23 වනදා දේශීය සහ අන්තර් ජාතික ප්‍රජාව දැනුවත් කිරීම සඳහා සූම් තාක්ෂණය ඔස්සේ කරුණු පැහැදිලි කිරීමක් සිදුකර ඇති බවය.

එහිදී ඉදිරිපත්වූ අසත්‍ය කරුණු සම්බන්ධයෙන් විමර්ශනයක් පවත්වන ලෙස රාජ්‍ය බුද්ධි සේවයේ ප්‍රධානී සුරේෂ් සලේ විසින් පැමිණිල්ලක් සිදුකර ඇති බව ද ඔවුන් දන්වා සිටියේය.

එක රටක් එක නීතියක්’ ඇතිකිරීම සදහා ජනාධිපතිවරයා විසින් පත් කළ කාර්ය සාධක බළකාය සම්බන්ධයෙන් අමාත්‍යවරුන්ට මාධ්‍යට මුහුණදීමට නොහැකි තත්ත්වයක් පෙන්නුම් කරයි.

අද (27) මාධ්‍යවේදීන් පරිසර අමාත්‍ය මහින්ද අමරවීරගෙන් මෙකී කාර්‍ය සාධක බලකාය සම්බන්ධයෙන් විමසා සිටි නමුත් ඔහු ඊට කිසිදු ප්‍රතිචාරයක් නොදක්වා මඟහැර ගොස් ඇත.

‘මමත් ඒක දැක්කේ මැසේජ් එකකින්’ යන්න අමරවීර අමාත්‍යවරයා දැක්වූ එකම ප්‍රතිචාරය විය.

මේ සම්බන්ධයෙන් news 1st පළකල වීඩියෝවක් පහත දැක්වෙයි.

එක රටක් එක නීතියක් ජනාධිපති කාර්‍ය සාධක බලකාය සම්බන්ධයෙන් සමාජ මාධ්‍ය තුළ විවිධ විවේචන පලවෙමින් පවති. ඒ අතර දමිළ නියෝජිතයන් නොමැතිවීම සහ කාන්තා නියෝජිතයන් නොමැතිවීම දක්වා තිබේ.

එසේම මෙකී කාර්‍ය සාධක බලකාය ඥානසාර හිමිගේ හිතවතුන් රැසක එකතුවක් බවටත් අදහස් පළවෙමින් ඇත.

පහත දැක්වෙන්නේ එකී ජනාධිපති කාර්‍ය සාධක බලකාය යි.

වත්මන් ආණ්ඩුව පොහොර ගැන මෙලෝ දෙයක් දන්නේ නැතැයි ශ්‍රී ලංකා පොදුජන පෙරමුණේ පාර්ලිමේන්තු මන්ත්‍රී මහාචාර්ය තිස්ස විතාරණ සඳහන් කරයි.

විශාල මිලක් වියදම් කරමින් කිසිම ගුණාත්මක බවක් නැති පොහොර මිලදී ගන්නා බව ගන්නා බවද ඔහු පැවසීය.

ඒ මහතා මේ බව සඳහන් කළේ ලංකා සමසමාජ පක්ෂ ශ්‍රවණාගාරයේදී පැවති විශේෂ සාකච්ඡාවක් අමතමිනි.

දැනට ඉන්දියාවෙන් ආනයනය කරමින් ඇති පොහොර වර්ගයට වඩා ලාභ සහ ගුණාත්මක භාවයෙන් වැඩි පොහොර ස්ලින්ටෙක් ආයතනය විසින් දියුණු කර ඇති බවද ඔහු සඳහන් කළේය.

ශ‍්‍රී ලංකාවට එම පොහොර වර්ගය සාදා විදේශයන්ට අපනයනය කල හැකි බවත් ඔහු තව දුරටත් කියා සිටියේය.

උතුරු පළාත් හිටපු ආණ්ඩුකාර පී.එස්.එම්. චාල්ස් මැතිවරණ කොමිසමේ සාමාජිකාවක ලෙස පත් කර තිබේ.

ජනාධිපති ගෝඨාභය රාජපක්ෂ විසින් ඉදිරිපත් කර තිබූ යෝජනාවට පාර්ලිමේන්තු සභාවේ අනුමැතිය හිමිව තිබේ.

මැතිවරණ කොමිසමේ සාමාජිකයෙකු ලෙස කටයුතු කළ ජීවන් ත්‍යාගරාජා  උතුරු පළාත් නව ආණ්ඩුකාරවරයා ලෙස පත් කිරීමට තීරණය කර ඇති අතර, ඒ අනුව ඔහු මැතිවරණ කොමිසමෙන් ඉල්ලා අස් විය. එම පුරප්පාඩුව සඳහා හිටපු උතුරු පළාත් ආණ්ඩුකාරවරිය පත්කර තිබේ.

පී.එස්.එම්. චාල්ස් මීට පෙර සෞඛ්‍ය හා දේශීය වෛද්‍ය අමාත්‍යංශයේ ලේකම්වරයා ලෙස මෙන්ම රේගු අධ්‍යක්ෂ ජනරාල්වරිය ලෙසද කටයුතු කළ අතර ඊට පෙර ඇය යාපනය දිස්ත්‍රික් ලේකම්වරිය ලෙසද කටයුතු කළාය.

එක්ස්ප්‍රස් පර්ල් නෞකාවේ ගිනිගැනීම හේතුවෙන් අපවිත්‍ර වූ සරුක්කුව වෙරළ තීරය පිරිසිදු කිරීමේ ප්‍රමාදය ගැන සොයා බැලීමට කොළඹ අගරදගුරු අතිඋතුම් මැල්කම් කාදිනල් රංජිත් හිමිපාණන් (26) එම ස්ථානයට පැමිණියහ.

දැඩි ලෙස අපවිත්‍ර වී ඇති සරක්කුව වෙරළ තීරය කාදිනල් හිමියන් පැමිණීමට පෙර කිසියම් පිරිසක් පිරිසිදු කර තිබූ අතර එම අවස්ථාවේ එහි සංවාදාත්මක තත්ත්වයක් හට ගෙන තිබිණ.

කොළඹ අගරදගුරු අතිඋතුම් මැල්කම් කාදිනල් රංජිත් හිමිපාණන් සහ පූජ්‍ය පාහියංගල ආනන්ද සාගර හිමියන් මේ ස්ථානයට පැමිණියේ, එම සංවදාත්මක තත්ත්වයෙන් අනතුරුවයි.

එම ස්ථානයට පැමිණි කාදිනල් හිමියන් රජයෙන් සහ ජනාධිපතිවරයාගෙන් ඉල්ලා සිටියේ, ‍නැව ගිනි ගැනීමෙන් රටට වූ හානිය පිළිබඳ සම්පූර්ණ විමර්ශනයක් කරන ලෙසයි.

”මේක අපේ රට නැව් සමාගම්කාරයො යන්න යයි. අපි රජයෙන් ඉල්ලා සිටින්නේ, ජනාධිපතිතුමාගනේ ඉල්ලා සිටින්නේ මේ රටට හානියක් වුණ මේ සිද්ධිය පිළිබඳ සම්පූර්ණ විමර්ශනයක් කළ යුතුයි. ඇයි මේ නැව දවස් ගණන් ගිනිගන් න ඉඩ තිබ්බෙ? ඇයි ඒ වෙලාවෙම නැව් එළියට ඇදගෙන යන සමාගම් සමග කතා කරලා ඒකට පිළියම් යොදන්න බැරි වුණේ? ඒවා ගැන විමර්ශනයක් කරන්න.. මම නඩුවකුත් දාලා තියෙනවා. මේ ධීවර ජනතාව වෙනුවෙන් දඩ මුදල් ඉල්ලලා මේ පිරිසිදු කිරීමේ වැඩපිළිවෙළ වඩාත් ශක්තිමත්ව ඉෂ්ඨ කරන්න”

තව ද නැව ගිනි ගැනීමෙන් ධීවර ජනතාවට විශාල පාඩුවක් සිදුව ඇති බවත් රටේ ස්වාධීනත්වය, ස්වෛරීත්වය ආරක්ෂා කිරීමට ජනාධිපතිතුමා ද දැනගත යුතුව ඇති බව උන්වහන්සේ වැඩිදුරටත් සඳහන් කළහ.

අදාළ සමාගමට සහ ඉන්ෂූවරන්ස් සමාගමට එරෙහිව මෙම නඩුව ජාත්‍යන්තර අධිකරණය හමුවට ගෙන යා යුතු බව අවධාරණය කළ උන්වහන්සේ ප්‍රකාශ කර සිටියේ, ඒ සඳහා ජනතාව හඬ නැගිය යුතුව ඇති බවයි.

”අපේ රට ස්වාධීන රටක්. ජනාධිපතිතුමත් ඒක දැනන්න ඕන . ස්වාධීනත්වය අපේ ස්වෛරීත්වය ආරක්ෂා කරන්න ඒ වෙනුවෙන් කතා කරන්න. එයාලා වෙනත් රටකට ගිහින් මේ වගේ දෙයක් කළොත් ඩොලර් බිලියන ගණන් ගෙවන්නෙ, මේක දැන් සාකච්ඡා කරලා වැඩක් නෑ. දැන් අපි බලපෑම් කරන්න ඕන. ජනතා හඬ නැගීම කරන්න ඕන. ධීවර ජනතාව හඬ නගන්න ඕන. කරුණාකරලා ජාත්‍යන්තර අධිකරණයට ගෙනියන්න කියලා මේ නඩුව කොම්පැනියට හා ඉන්ෂූවරන්ස් සමාගමට විරුද්ධව එයාලා මේ අපිට බලපෑම් කරලා නිලධාරීන්ට බලකරවලා සොච්චමක් දීලා බේරෙන්න ඒගොල්ලන්ට ඉඩ දෙන්න බැහැ. මේක අපේ රට”

– NEWS1ST

හොර ගල් ඇහිළීමෙන් තොරව ආණ්ඩුව පොහොර නැව පිළිබඳ ඇත්ත කිව යුතු බව ජනතා විමුක්ති පෙරමුණේ මධ්‍යම කාරක සභික, හිටපු පාර්ලිමේන්තු මන්ත්‍රී වෛද්‍ය නලින්ද ජයතිස්ස පවසයි . ඔහු මේ බව සඳහන් කර සිටියේ අද (26) ජවිපෙ මූලස්ථානයේ පැවති මාධ්‍ය හමුවකදී අදහස් දක්වමින් ය.

එහිදී ඔහු වැඩිදුරටත් මෙසේද සඳහන් කළේය .

මේ වන විට කුඹුරේ සිටිය යුතු ගොවියා පාරේ උද්ඝෝෂණවල සහ උපවාසවල නිරත වී සිටිනවා. අනික් පැත්තෙන් ආණ්ඩුව ගොවීන්ගේ ගැටලුවලට සාධාරණ විසඳුමක් දෙන බවක් පෙනෙන්නේ නැහැ. ආණ්ඩුව විසින් ගන්නා සියලු ක්‍රියාමාර්ග විසින් රටේ කෘෂිකර්මාන්තය බිඳ වට්ටන, රට බරපතළ අගාධයකට ඇද දමන තත්වයකට පත් කර තිබෙනවා. ඇත්තටම මෙය සුර අසුර යුද්ධය මෙන් කාබනික රසායන අතර යුද්ධයක් නෙමෙයි; මෝඩ උද්ධච්ච දේශපාලන තීන්දුවක් සහ විශේෂඥභාවය, පරිණතභාවය හා අත්දැකීම් අතර ගැටුමක්. රසායනික හෝ කාබනික යන දෙවර්ගයේම පොහොර හඳුන්වා දෙනු ලබන්නේ විද්‍යාත්මක පදනමකිනුයි. ඒ සඳහා නිර්ණායක සකස් කර ඇත්තේ කෘෂිකර්ම දෙපාර්තමේන්තුව මගිනුයි. ලෝකයේ රසායන හා කාබනික පොහොර මහා පරිමාණයෙන් නිපදවන්නේ බහුජාතික සමාගම් විසිනුයි. මේ නිසා මේ ගැටුම කාබනික සහ රසායනික පොහොර අතර ගැටුමකට ලඝු කිරීම සුදුසු නැහැ.

ආණ්ඩුව පසුගිය අප්‍රේල් 28වැනිදා රසායනික යෙදවුම් තහනම් කරන්න තීන්දුවක් ගත්තා. ඉන්පසුව ආණ්ඩුව මහ කන්නයේ වගාව සඳහා කාබනික යෙදවුම් ගැටලුවකින් තොරව ලබා දෙන බව කිවුවා. ඒ සඳහා රට තුළ කාබනික පොහොර නිෂ්පාදනය කරන බව කිවුවා. නමුත් ටික කලකින් රට තුළ කාබනික පොහොර නිපදවන්න නොහැකි බව ආණ්ඩුව තේරුම් ගත්තා. ඒ අනුව ඔවුන් කාබනික පොහොර ආනයනය කරන්න තීන්දුවක් ගත්තා. දශක දෙකක කාලයක පමණ සිට අපේ රටේ කාබනික පොහොර නිෂ්පාදනය පිළිබඳව පර්යේෂණය කළ කණ්ඩායම් හිටියා. අපේ පක්ෂයේ හිටපු පළාත් සභා මන්ත්‍රී ආචාර්ය අශෝක රංවල සහෝදරයා එවැනි අයෙක්. කාබනික වගාවේ යෙදමින් සිටි අය රටට කාබනික පොහොර ගෙන්වීමට කැමති වුණේ නැහැ. ඒ, එයින් ගැටලු ගණනාවක් ඇති වීමේ අවදානමක් තිබුණු නිසයි. නමුත් රටේ ගොවි ජනතාව පත්වන අසීරුතාව සලකා බලා ඔවුන් එම විරෝධය යම් තරමකට පසුපසට ගත්තා. ඒ, යම් ප්‍රමිතියකට යටත්ව එය සිදු කළ යුතු බවට අවධාරණය කරමිනුයි.

අපේ රටට කාබනික පොහොර ආනයනය කිරීමට ප්‍රමිතීන් පවා සකස් කර තිබුණේ නැහැ. ශ්‍රී ලංකා ප්‍රමිති ආයතනය විසින් ඊට අදාළ ප්‍රමිතීන් සකස් කළේ ඉතාම මෑතදීයි. ඒ අනුව ජීවාණුහරණය කරන ලද කාබනික පොහොර ආනයනය කිරීමට ප්‍රමිතියක් හඳුන්වා දෙනු ලැබුවා. චීනයෙන් කාබනික පොහොර මෙ.ටො. 96,000ක් ආනයනය කර මහ කන්නය වෙනුවෙන් ලබා දෙන බව ආණ්ඩුව විසින් ප්‍රකාශයට පත් කළා. කෘෂිකර්ම ඇමතිවරයා මාධ්‍ය හමුවලදී ඉතාම විශ්වාසයෙන් ඒ බව කිවුවා. නමුත් කාබනික පොහොර ආනයනය කිරීමේදී ඒවා ශාක නිරෝධායන ආඥා පනතට අනුව පරීක්ෂා කළ යුතු වෙනවා. රටකට අහිතකර ක්ෂුද්‍ර ජීවීන් ඇතුල්වීම වැළැක්වීම එහි අරමුණයි. ඒ අනුව මෙම පොහොරවලට අදාළ සාම්පල් ශාක නිරෝධායන සේවාව විසින් පරීක්ෂාවට ලක් කරනු ලැබුවා. ඔවුන් විසින් අවස්ථා දෙකකදී සිදු කරන ලද පරීක්ෂණවලින් මෙම සාම්පල් ප්‍රතික්ෂේප වුණා. සිදු කරන ලද විද්‍යානුකූල පරීක්ෂණ ගණනාවකදී චීනයේ කින්ඩාවෝ බයෝ ටෙක් සමාගම විසින් එවන ලද පොහොර සාම්පලයේ අර්වීනියා කාණ්ඩ දෙකක අහිතකර ක්ෂුද්‍ර ජීවීන් සහ බැසිලස් ක්ෂුද්‍ර ජීවීන් සිටින බව සොයා ගනු ලැබුවා. මෙම ක්ෂුද්‍ර ජීවීන් මහා පරිමාණයෙන් ඇතුල් වුවහොත් එය අපේ රටේ කෘෂිකර්මයට සහ ශාක ගහණයට විශාල බලපෑමක් වන බව ඔවුන් පෙන්වා දුන්නා.

නමුත් මේ පරීක්ෂණයේ ප්‍රතිඵල ලැබීමට පෙර සැප්තැම්බර් 23 එම පොහොර තොගයෙන් මෙ.ටො. 20,000ක් චීන සමාගම විසින් ලංකාවට නැව් ගත කළා. එම නැව ඔක්තෝබර් 22 කොළඹ වරායට පැමිණෙන බව එම සමාගම කෘෂිකර්ම අධ්‍යක්ෂ ජනරාල්ට ලිපියකින් දැනුම් දී තිබුණා. ඔක්තෝබර් 06වැනිදා සාම්පල් පරීක්ෂණයේ ප්‍රතිඵල ලැබෙන විට සැප්තැම්බර් 23 නැව පිටත්වී තිබීම ගැටලු සහගතයි. ඒ වෙනුවෙන් ණයවර ලිපි විවෘත කිරීමට තීන්දු ගත්තේ කවුද? නැවට ලංකාව බලා ඒමට අවසර ලබා දුන්නේ කවුද?

ලංකාව මත්ද්‍රව්‍ය ආනයනය කරන කේන්ද්‍රයක් වී තිබෙන නමුත් විවිධ රටවල අහිතකර ක්ෂුද්‍ර ජීවීන් ලංකාවට ගෙන්වීම විවිධ අණ පනත් නිසා සහ එම නීති ක්‍රියාත්මක කිරීමට බැඳී සිටින කෘෂිකර්ම දෙපාර්තමේන්තුවේ නිලධාරීන් නිසා වැළකී තිබෙනවා. අපේ ශාක හා භූමිය විනාශ වීම වැළැක්වීමට වැට බැඳී තිබෙනවා. මෙම නිලධාරීන් මෙතෙක් තමන්ගේ කාර්යභාරය යම් ප්‍රශස්ත මට්ටමකින් ඉටු කර තිබෙනවා. දැන් චීනයේ සිට ආනයනය කළ ක්ෂුද්‍ර ජීවීන් සහිත පොහොර නැව ලංකාව ආසන්න මුහුදේ සැරිසරමින් තිබෙනවා. ඊයේ දිනයේ කෘෂිකර්ම ඇමතිවරයා රාජ්‍ය ඇමතිවරයා සහ නිලධාරීන් පිරිසක් චීන තානාපතිවරයා හමුවී තිබෙනවා. එහිදී චීනය හා ලංකාව යන රටවල් එකඟ වන තුන්වන පාර්ශ්වයකින් පොහොර සාම්පල් පරීක්ෂාවට ලක් කිරීමට එකඟතාවක් ඇති වී තිබෙන බවට ආරංචි ලැබී තිබෙනවා. කෘෂිකර්ම දෙපාර්තමේන්තුවේ ශාක නිරෝධායන සේවයේ වාර්තා නොසලකා එවැනි තීරණයකට පැමිණියහොත් අතිශය බරපතළයි. අපට මතකයි කලින් චීන තානාපති කාර්යාලය මෙයින් රාජ්‍ය තාන්ත්‍රික ප්‍රශ්න පවා මතු විය හැකි බවට නිවේදනයක් නිකුත් කර තිබුණා. ඒ අනුව මේ සැරසෙන්නේ කුමකටද යන්න පැහැදිලියි. ඔවුන් සූදානම් වන්නේ ක්ෂුද්‍ර ජීවීන් සහිත පොහොර තොගය ගොඩබෑමටයි. ආණ්ඩුව හොර ගල් ඇහිළීමෙන් තොරව මේ පිළිබඳ සත්‍යය හෙළිදරව් කළ යුතුයි. තමන්ගේ නිලධාරීන් ආරක්ෂා කර ගනිමින් කටයුතු කර ගැනීම ආණ්ඩුවේ වගකීමක් වනවා.

මේ වන විටත් ආණ්ඩුව රටේ කෘෂිකර්මයට ඇති තරම් හානි කර තිබෙනවා. රටේ ජනතාව අලුත් අවුරුද්ද සමරන්නේ මෙම මහ කන්නයේ අස්වනු ගෙට ගැනීමෙන් අනතුරුවයි. මේ යන ආකාරයට එළඹෙන අප්‍රේල් මාසයේ සිංහල දෙමළ අලුත් අවුරුද්දට කිරිබත් කන්නට සිදු වෙන්නේ පාකිස්ථානයෙන් ගෙන්වන ලද සහල්වලිනුයි. අවුරුදු සමරන්නට වෙන්නේ ආහාර අහේනියක් මැදයි. ආණ්ඩුව රට තල්ලු කරමින් සිටින්නේ එතැනටයි. කෘෂි විද්‍යාඥයින් විද්‍යානුකූලව තීන්දු ගන්නා ලෙස කියද්දී ජනාධිපතිවරයා, කෘෂිකර්ම ඇමතිවරයා, කෘෂිකර්ම රාජ්‍ය ඇමතිවරයා එකතු වී අපේ රටේ පදනම වන කෘෂිකර්මාන්තයට බරපතළ හානියක් සිදු කරමින් සිටිනවා. මේ තත්වය තුළ අපි ආණ්ඩුවට අවධාරණය කරන්නේ විවිධ බලපෑම් මත, තමන්ට ලැබෙන කොමිස් මත මේ රටට අහිතකර ක්ෂුද්‍ර ජීවීන් සහිත පොහොර ඇතුල්වීමට ඉඩදී රටේ කෘෂිකර්මය හා ශාක ගහණය විනාශ කිරීමේ පාප කර්මයට කර නොගසන ලෙසයි. තමන්ගේ විශේෂඥභාවය, රටට ඇති ආදරය උපරිම ලෙස පෙන්වමින් කොන්ද කෙලින් තබා ගෙන කටයුතු කරන ලෙස කෘෂි ක්ෂේත්‍රයේ සියලු නිලධාරීන්ගෙන්ගෙන් අපි ඉල්ලා සිටිනවා.

චීන කාබනික පොහොර තොගය මෙරටට සපයන ක්වින්ඩාඕ සීවින්ග් බයෝටෙක් ගෘප් සමාගම අද (26) නිවේදනයක් නිකුත් කරමින් පොහොර තොගය නියමිත පරිදි බාරගැනීම වැළැක්වීම සඳහා ගැනුම්කරු විසින් කෘත්‍රිම බාධාවක් නිර්මාණය කළේ යැයි සැකකිරීමට හැකි සාධාරණ හේතු පවතින බව පවසයි.

එම පොහොර තොගය සඳහා සැප්තැම්බර් 17 වැනිදා ණයවර ලිපිය විවෘත කර තිබූ බවත්, ණයවර ලිපියේ සඳහන් භාරදීමේ දිනයට අනුකූලව සැප්තැම්බර් 23 වැනිදා තොගය නැව්ගත කිරීම සිදු වූ බවත් සමාගම නිකුත් කළ නිවේදනයේ සඳහන්ය.

ඒ අනුව දෙපාර්ශ්වයම පිළිගත් තුන් වැනි පාර්ශ්වයකින් යළි පරීක්ෂණයක් කළ යුතු අතර, පොහොර තොගයේ අර්විනියා බැක්ටීරියාව ඇතැයි ඉන් තහවුරු වුවහොත් ගිවිසුම අවසන් කරමින් පොහොර තොගය ඉවත් කරගත යුතු බවත්, එසේ නොමැති බව තහවුරු වුවහොත් ශ්‍රී ලංකාව කොන්දේසි විරහිතව කඩිනමින් ගෙවීම් සිදුකර තොගය ආනයනය සඳහා පියවරගත යුතු බවත් සමාගමේ නිවේදනයේ සඳහන් වෙයි.

එසේම බැක්ටීරියාව නොමැති බව තහවුරු වුවහොත් ශ්‍රී ලංකාවේ ජනමාධ්‍ය වහාම අදාළ ප්‍රවෘත්තිය නිවැරදි කළ යුතු බවත්, සාවද්‍ය පුවත පළකිරීම ගැන නීතිමය තත්ත්වය සොයාබලන බවත් එහි දැක්වේ.

එමෙන්ම මහජන බැංකුව ණයවර ලිපියේ බැඳී සිටින කොන්දේසිවලට අනුකූලව සහ අන්තර්ජාතික වෙළෙඳ නීතිවලට අනුව කටයුතු නොකරන්නේනම් , එම බැංකුව චීනයේ අසාදුලේඛනයට ඇතුළත් කිරීමට හෝ චීන ආයතන එකී බැංකුව සමඟ ගනුදෙනු කිරීම වැළැක්වීම සඳහා යෝජනා කරන බවත් ක්න්ඩාඕ සීවින්ග් බයෝටෙක් ගෘප් සමාගම පවසයි.

එම කරුණ සුදුසු ලෙස නොවිසඳුණහොත් එය ශ්‍රී ලංකා රජයෙ ප්‍රසම්පාදන ක්‍රියාවලියේ කීර්තිනාමයටද බල පා හැකි බවත්, එය ඉදිරියේදී චීන සමාගම් සමඟ ගනුදෙනු කිරීමේදී අවදානමක් ගෙන දිය හැකි බවත් එම නිවේදනයේ සඳහන්ය.

වානිජ අධිකරණයෙන් වාරණයක් !

මේ අතර චීනයේ සිට කාබනික පොහොර නෞකාවක් මෙරටට ගෙන්වා ඇති චීනයේ කින්ඩාවෝ සමාගමටත් එහි දේශීය නියෝජිතයාටත් මහජන බැංකුවටත් එරෙහිව කොළඹ වාණිජ මහාධිකරණය විසින් තවත් වාරණ නියෝගයක් නිකුත් කර තිබේ.

ඒ අනුව අදාළ සමාගම වෙනුවෙන් විවෘත කරන ලද ණයවර ලිපි යටතේ මහජන බැංකු විසින් කිසිදු ගෙවීමක් නොකරන ලෙස එම නියෝගයේ සඳහන්ය.

කොළඹ කොමර්ෂල් පොහොර සමාගම ඉල්ලීමක් මත එම වාරණ නියෝගය නිකුත් කර ඇති බව ජනාධිපති මාධ්‍ය ඒකකය නිවේදනය කරයි.

ජනතා විමුක්ති පෙරමුණ විසින් කෙරවලපිටිය යුගදනවි බලාගාරයේ රජය සතු කොටස්වලින් සියයට හතළිහක් අමෙරිකානු සමාගමක් වෙත පැවරීමට ශ්‍රී ලංකා රජය විසින් අත්සන් කර තිබෙන ගිවිසුම බලරහිත කිරීමේ රිට් ආඥාවක් නිකුත් කරන ලෙස ඉල්ලා අභියාචනාධිකරණයට රිට් පෙත්සමක් ඉදිරිපත් කළ බව වාර්තාවේ.

මෙසේ පෙත්සම ගොනුකර ඇත්තේ ජවිපෙ හිටපු පාර්ලිමේන්තු මන්ත්‍රීවරුන් වන සුනිල් හඳුන්නෙත්ති සහ වසන්ත සමරසිංහ ය.

එම පෙත්සමේ වග උත්තරකරුවන් ලෙස, අග්‍රාමාත්‍ය මහින්ද රාජපක්ෂ ඇතුළු අමාත්‍ය මණ්ඩල සාමාජිකයින්, මහජන උපයෝගීතා කොමිසම, එහි සභාපතිවරයා ඇතුළු සාමාජිකයින්, ලංකා විදුලිබල මණ්ඩලය, අදාළ කොටස් පවරනු ලැබූ අමෙරිකානු එන්.එෆ්.ඊ පවර් හෝල්ඩිං සමාගම, ශ්‍රී ලංකා මහ බැංකුවේ මුදල් මණ්ඩලය ඇතුළු 43 දෙනෙකු නම් කර ඇති බවද වාර්තාවේ.

පෙත්සම්කරුවන් පෙත්සම මගින් පවසා සිටින්නේ අදාළ බලාගාරයේ කොටස් අමෙරිකානු සමාගම වෙත පැවරීමේ දී රජය විසින් අමාත්‍ය මණ්ඩලයේ සාමාජිකයන් වෙත පවා නිසි කරුණු පැහැදිලි කිරීමක් සිදුකර නොමැති බවය.

මෙරටට අහිතකර ද්‍රව්‍ය ඇතුළත් චීන පොහොර නෞකාව සම්බන්ධයෙන් මතුව ඇති අර්බූදය විසදා ගැනීම සදහා කෘෂිකර්ම අමාත්‍ය මහින්දානන්ද අලුත්ගමගේ, රාජ්‍ය අමාත්‍ය ශෂීන්ද්‍ර රාජපක්ෂ, ඇතුළු පිරිසක් චීන තානාපති කී සෙන්හොංග් හමුවීමට චීන තානාපති කාර්‍යාලය ට ගොස් ඇත.

ඊයේ (25) මෙම ගමන සිදුව ඇති අතර කෘෂිකර්ම ලේකම් උදිත් කේ ජයසිංහ , රාජ්‍ය අමාත්‍යංශ ලේකම් එම්. එන්. රණසිංහ සහ කෘෂිකර්ම අධ්‍යක්ෂ ජනරාල් අජන්තද සිල්වා ඇතුලු පිරිසක් ඊට එක්ව ඇති බවත් වාර්තා වෙයි.

සාමාන්‍යයෙන් රාජ්‍යතාන්ත්‍රික කරුණක් ගැන කතා කිරීමට එකී රටේ අමාත්‍යවරුන් තානාපති කාර්‍යාලය ට යන්නේ නැත. ඒ වෙනුවට සම්ප්‍රදාය වන්නේ තානාපති අමාත්‍යංශය ට කැඳවා කරුණු සාකච්ඡා කිරීම යි.

ආරංචි මාර්ග සඳහන් කරන ආකාරයට දෙපාර්ශ්වයටම පිළිගත හැකි රසායනාගාරයක අදාළ පොහොර තොග නැවතත් පරීක්ෂා කිරීම සම්බන්ධයෙන් සාකච්ජා වී ඇති බව දැනගන්නට ඇත.

ලංකාවේ සිදුකළ පරීක්ෂණ 03කදීම අසමත් වූ මෙම පොහොර නෞකාව මේ වනවිට දෙවුන්දරට නාවක සැතපුම් 12ක් දුරින් නවතාගෙන සිටින බවත් වාර්තා වෙයි.