පුවත්

අරගලයේ මුවාවෙන් තමන් ගේ දේශපාලන අරමුණු ඉටු ගැනීම සඳහා එක ජීවිතයක් නැති කරමින් තරුණ පිරිසක් එල්ලුම් ගස් යවා, අවවාද උපදෙස් දී, ප්‍රසිද්ධ මාධ්‍යයට ඇවිත් 'දැන් එන්න එළියට බහින්න;  ගහන්න; අපි බලාගන්නම්' යැයි පැවසූ අය අද රජ වී සිටින බවත්, තරුණයෝ එල්ලුම් ගහට නියම වී ඇති බවත්, ශ්‍රී ලංකා පොදුජන පෙරමුණේ ජාතික සංවිධායක හා පාර්ලිමේන්තු මන්ත්‍රී නාමල් රාජපක්ෂ පැවසී ය.

2026 පෙබරවාරි 12වන දා, යුරෝපා සංගමය (EU) සහ ශ්‍රී ලංකාව විසින් යුරෝපා සංගම්-ශ්‍රී ලංකා ඒකාබද්ධ කොමිෂන් සභා රැස්වීමේ 27 වැනි සැසිවාරය කොළඹ දී කැඳවන ලදී.

ජනාධිපති ලේකම් කාර්යාලය ඉදිරිපිට විරෝධතාවක නිරත මාදැල් ධීවරයන් සමග සාකච්ඡාවකට ජනාධිපති අනුර කුමාර දිසානායක අද (13) ජනාධිපති කාර්යාලයේ දී සහභාගි විය.

බලශක්ති අමාත්‍ය කුම‍ාර ජයකොඩි ගේ ජායාරූපයක් ද භාවිත කරමින් ව්‍යාජව සකසන ලද වට්ස්ඇප් (WhatsApp)  අංකයක් හරහා දිත්වා සුළි කුණ‍ාටුවෙන් හානි වූ පාසල් සඳහා යැයි පවසමින් ආධාර සහ මුදල් එකතු කිරීමේ කූඨ උත්සාහයක් පිළිබඳව දැනගන්නට ලැබී ඇත.

විපක්ෂ නායක සජිත් ප්‍රේමදාස, අද (13) කොළඹ නාරාහේන්පිට අභයාරාමයේ දී මුරුත්තෙට්ටුවේ ආනන්ද ස්වාමීන් වහන්සේ මුණ ගැසුණි.

දේශපාලනය ගැන වැඩි විශ්වාසයක් නොමැති බවත්, නිවැරදි වේලාවට නිශ්චල මුහුද සුනාමියක් දක්වා පරිවර්තනය වන්නේ යැයි සර්වජන බලය නායක පා.ම. දිලිත් ජයවීර පැවසී ය.

රජයේ වෛද්‍ය නිලධාරීන්ගේ සංගමය විසින් සිය ප්‍රවාහන දීමනාව ඇතුළත් DAT දීමනාව වැඩිකිරීම, වෛද්‍යවරුන්ගේ අතිකාල පැය 120 ස්ථාවරකිරීම, 22/99 චක්‍රලේඛය ක්‍රියාත්මක කර වෛද්‍යවරුන්ටත් වාහන, ඉන්ධන ඇතුළත් පහසුකම ලබාදීම ඇතුළු ඉල්ලීම් කිහිපයක් මුල්කරගනිමින් ජනවාරි 22සිට අඛණ්ඩ වෘත්තීය ක්‍රියාමාර්ගවල නිරත වේ.

හර්ෂ ප්‍රභාත් කීරවැල්ල ගේ කුලුඳුල් කාව්‍ය සංග්‍රහය ''නන්දේ'' ජනගත කිරීම පෙබරවාරි 14වන දා සවස 03.45ට කොළඹ 07, නිදහස් මාවතෙහි පිහිටි ජාතික පුස්තකාල ශ්‍රවණාගාරයේ දී පැවැත්වේ.

රජයේ වෛද්‍ය නිලධාරීන්ගේ සංගමය (GMOA) සහ සෞඛ්‍ය සේවයේ අනෙකුත් වෘත්තීය සමිති අතර සාකච්ඡාවේ දී වැඩවර්ජනයක් පිළිබඳ කිසිදු සාකච්ඡාවක් සිදු නොකළ අතර එහි අන්තර්ගතය වූයේ නිදහස් සෞඛ්‍ය සේවාව සහ රෝහල් පද්ධතිය මුහුණ දී ඇති ගැටලු සඳහා පොදු එකමුතුවක් සහ වැඩපිළිවෙලක් නිර්මාණය කිරීම යැයි රජයේ වෛද්‍ය නිලධාරීන්ගේ සංගමය පවසයි.

ප්‍රවීණ මාධ්‍යවේදියකු වන දයා නෙත්තසිංහ සොයුරා ගේ පියා (එන්.දයානන්ද) අභාවප්‍රාප්ත වී තිබේ.

ලක්විජය විදුලි බලාගාරය, ලංකා කෝල් සමාගම (LCC), ශ්‍රී ලංකා විදුලි බල මණ්ඩලය (CEB) සහ ශ්‍රී ලංකා මහජන උපයෝගිතා කොමිසමේ (PUCSL) නියෝජිතයින් ඊයේ (12) එස්. එම්. මරික්කාර් ගේ සභාපතිත්වයෙන් පැවති යටිතල පහසුකම් සහ උපාය මාර්ගික සංවර්ධනය පිළිබඳ  ආංශික අධීක්ෂණ කමිටු (SOC) රැස්වීමට සහභාගී වූහ.

මේ වන විට රටට: දක්ෂ, අවංක, කාර්‍යක්ෂ්ම රාජ්‍ය සේවයක් අවශ්‍යව ඇතැයි හිටපු ජනාධිපතිනි චන්ද්‍රිකා කුමාරතුංග පැවසුවා ය.

ශ්‍රී ලංකාව සඳහා අලුතින් පත්ව ආ ආසියානු සංවර්ධන බැංකුවේ (ADB) අධ්‍යක්ෂිකා ෂැනන් කවුලින් (Ms Shannon Cowlin) සහ ජනාධිපති අනුර කුමාර දිසානායක අතර හමුවක් අද (12) පස්වරුවේ ජනාධිපති කාර්යාලයේ දී පැවැතිවිණි.

ශ්‍රී ලංකාවේ සමස්ත ඛණිජ සම්පත් ගවේෂණය, කැණීම් සහ නිස්සාරණය ඉන්දියානු රාජ්‍ය සහ අර්ධ රාජ්‍ය ආයතන සමාගම්වලට පවරාදීම සඳහා රහසිගත අවබෝධතා ගිවිසුමක් සකස් වෙමින් තිබෙන බව ජාතික නිදහස් පෙරමුණේ (NFP) නායක විමල් වීරවංශ චෝදනා කළේ ය.

ගල් අගුරු ගැටලුව පිළිබඳ 2026.01.10 පාර්ලිමේන්තුවේ ප්‍රශ්න කළ ද නිවැරදි ප්‍රතිචාර නොලැබුණු බවත්, සාමානයෙන් ගල් අගුරු ගොඩ බාන්නේ වාරකන් නොවන කාලයේ බැවින් මේ කාලයේ ටෙන්ඩර් දැමිය යුතු වුව ද එය අගොස්තු වනතුරු කල් ගියේ ඇයි ද යන්න ගැටලුවක් ඇති බවත්, දේශීය සහ ජාත්‍යන්තර නිර්ණායක අනුව එය දවස් 42ක් තිබිය යුතු වුව ද දවස් 21කට අඩු කර තවත් සතියක් වැඩි කිරීමට හේතුව සහ එය කළ පාර්ශ්වය කවුද කියා දැන ගැනීමට අවශ්‍ය යැයි විපක්ෂ නායකවරයා පැවසීය.

තමන්ට දැනෙන ආකාරයට නම් රනිල් වික්‍රමසිංහ  සජිත් ප්‍රේමදාස ව සීරියස් ලෙස නොගන්නා බව දේශපාලන විශ්ලේෂක විපුල කරුණාතිලක පැවසී ය.

ගුණාත්මක ප්‍රවාහන සේවාවක් සහතික කිරීම සඳහා වන උපායමාර්ගික සැලැස්ම සම්බන්ධයෙන් ප්‍රවාහන සහ මහාමාර්ග අමාත්‍යාංශයේ නිලධාරීන් සමග පැවැත් වූ විශේෂ සාකච්ඡාවකට ජනාධිපතිවරයා අද (12) ජනාධිපති කාර්යාලයේ දී එක්විය.

මාදැල් උද්ඝෝෂණය ආරම්භ වී අදට දින නවයක් ගෙවී ගිය ද තවමත් එයට පිළිතුරක් ලබා දීමට රජයට නොහැකි වී ඇතැයි හිටපු අමාත්‍ය මහින්ද අමරවීර පැවසී ය.