V2025

පුවත්

සමාජ මාධ්‍ය ජාල තහනමෙන් සංචාරක කර්මාන්තයට බලපෑම් !

සමාජ මාධ්‍ය ජාල තහනම සිය ව්‍යාපාරික කටයුතුවලට ද දැඩිව බලපා තිබෙන බව සංචාරක කරමාන්තයේ නියුතු පිරිස් ආණ්ඩුවේ බලධාරීන්ට දැනුම් දී ඇතැයි වාර්තාවේ.

මහනුවර දිස්ත්‍රික්කයේ පැතිර ගිය මුස්ලිම් විරෝධී ප්‍රචණ්ඩ ක්‍රියාවලින් අනතුරුව පනවනු ලැබ තිබෙන සමාජ මාධ්‍ය ජාල තහනම ඉවත් කරන දිනයක් පිළිබඳව ආණ්ඩුව මෙතෙක් තීරණයකට එළැඹ නොමැත.

ප්‍රචණ්ඩ ක්‍රියා පැතිරීමත් සමග සමාජ මාධ්‍ය ජාල හරහා වෛරී ප්‍රකාශන මෙන්ම ප්‍රචණ්ඩත්වයට රුකුල් දෙන තොරතුරු හුවමාරු වීම මත සමාජ මාධ්‍ය ජාල අවහිර කිරීමට පසුගිය මාර්තු 07 වෙනි දින ආණ්ඩුව තීරණය කළේය.

නිවේදනයක් නිකුත් කරමින් විදුලි සංදේශ අමාත්‍ය හරින් ප්‍රනාන්දු කියා සිටියේ ශ්‍රී ලංකා විදුලි සංදේශ නියාමන කොමිෂන් සභාව විසින් මෙම "අතිවිශේෂ එහෙත් තාවකාලික" පියවර ගෙන ඇති බවය.

දින කිහිපයක් ඇතුළත (පැය 72ක්) අදාළ අවහිර කිරීම ඉවත් කරනු ඇතැයි ඒ අවස්ථාවේ බලාපොරොත්තු වූ නමුත්, එය ඉවත් කිරීම සම්බන්ධයෙන් ආණ්ඩුව මේ වනතුරුම (සෙනසුරාදා රාත්‍රිය) තීරණයකට එළඹී නැත.

රාජ්‍ය අමාත්‍ය හර්ෂද සිල්වා මහතා පෙරේදා පාර්ලිමේන්තුවේදී සඳහන් කළේ මෙම තහනම දින තුනක කාලයක් සඳහා සළකා බැලූ බවයි. ඊයේ දිනයේදී එම තහනම ඉවත් කරන බව අමාත්‍යවරයා සඳහන් කළත් අද දිනයේදිත් එය ඒ අයුරින්ම ක්‍රියාත්මක වේ.

fb 500

මහනුවර එසේ ප්‍රචණ්ඩ ක්‍රියා හට ගැනුණේ පෙබරවාරි මාසයේ අග භාගයේ තෙල්දෙණිය නගරයේදී පහර කෑමට ලක් වූ දෙදරු පියෙක් මහනුවර ශික්ෂණ රෝහලේ ප්‍රතිකාර ලබමින් සිටියදී මිය යාමත් සමගය.

ඔහුට පහර දී ඝාතනය කිරීම සම්බන්ධයෙන් සැකපිට මුස්ලිම් තරුණයන් පිරිසක් අත්අඩංගුවේ පසුවෙති.

මෙවැනි අවහිර කිරීමක් සිදු වූ පළමු අවස්ථාව :

ශ්‍රී ලංකා ආණ්ඩුව සමාජ මාධ්‍ය ජාල අවහිර කිරීම බොහෝ විශ්ලේෂකයන්ගේ සහ ක්‍රියාකාරීන්ගේ දැඩි විවේචනයට ලක්විය.

BBC සිංහල සේවය සමඟ සාකච්ඡාවකට සහභාගී වූ සමාජ ජාල මාධ්‍ය පර්යේෂක චානුක වත්තේගම පෙන්වා දුන් පරිදි, ශ්‍රී ලංකාව තුළ මෙවැනි අවහිර කිරීමක් සිදු වූ පළමු අවස්ථාව මෙයවේ.

සාමාන්‍ය ජනතාවට සමාජ ජාල භාවිතය අවහිර කරනු ලැබුවත්, රටේ ප්‍රධාන නායකයන් තවදුරටත් ෆේස්බුක් වැනි සමාජ මාධ්‍ය ජාල දිගටම භාවිත කරන බව පර්යේෂිකාවක සහ ක්‍රියාකාරිනියක වන ඉරෝමි පෙරේරා මේ අතර පෙන්වා දී තිබුණි.

muslm 1සමාජ මාධ්‍ය ජාල අවහිර කිරීම පිටිවහලක්

කෙසේ වුවත් සිකුරාදා මහනුවරදී බීබීසී සිංහල සේවය සමග අදහස් දැක්වූ හමුදාපති ලුතිනන් ජනරාල් මහේෂ් සේනානායක කියා සිටියේ මුස්ලිම් විරෝධී කෝලාහල මැඩ පැවැත්වීම පිණිස සමාජ මාධ්‍ය ජාල අවහිර කිරීම පිටිවහලක් වූ බවය.

සමාජ මාධ්‍ය ජාලවල කාර්යභාරය විය යුත්තේ සමාජයට නිසි තොරතුරු ලබාදීම විනා අසත්‍ය තොරතුරු ප්‍රචාරය කිරීම නොවිය යුතු බව ද ඔහු අවධාරණය කළේය.

(මුලාශ්‍රය - බීබීසී සිංහල සේවය)

Comment (0) Hits: 381

සුළුජන ජන්ද ප්‍රශ්නයක් නෑ : 2020 ජනාධිපතිවරණයට සුදානම් -ගෝඨාගෙන් ප්‍රසිද්ධ ප්‍රකාශයක්

රටේ ජනමතය අනුව 2020 ජනාධිපතිවරණයේ අපේක්ෂකත්වය වෙනුවෙන් කැඳවීමක් ලැබුණහොත් තමා ඊට සුදානම් බව ආරාක්ෂක අමාත්‍යාංශයේ හිටපු ලේකම් ගෝඨාභය රාජපක්ෂ ප්‍රසිද්ධියේම සඳහන් කර ඇත.

ඔහු මේ ප්‍රකාශය සිදුකර ඇත්තේ ප්‍රසිද්ධ පුවත්පතක් සමඟ සම්මුඛ සාකච්ඡාවක් සිදුකරමින්ය.

ඇමරිකානු පුරවැසිකම ඉවත්කර ගන්නවා

එහිදී ජනාධිපතිවරණ අපේක්ෂකත්වය සම්බන්ධව වැඩිදුරටත් අදහස් දක්වමින් ආරාක්ෂක අමාත්‍යාංශයේ හිටපු ලේකම්වරයා සඳහන් කර ඇත්තේ එවැනි ආරාධනාවක් ලැබුණහොත් අනිවාර්යයෙන්ම එය භාරගන්නා බවත් ඒ වෙනුවෙන් ඇමරිකානු පුරවැසිභාවයත් ඉවත්කර ගැනීමට තමන් කටයුතු කරන බවය.

ජනමතය ආවොත් දිනන්න පුළුවන්

එසේම එක් වරම තමන් ජනාධිපතිධූර අපේක්ෂකයා ලෙස එන බව පවසනවාට වඩා එය රටේ මතයක් හැටියට වර්ධනයවී පැමිණීම හොඳම ක්‍රමවේදය බවත් ජයග්‍රාහී අපේක්‍ෂකයකු ඉදිරිපත් කරන්න හැකිවන්නේ ඒ ආකාරයට බවත් ඔහු පවසයි.

මෙම සම්මුඛ සාකච්ඡාවේදී දේශපාලන පළපුරුද්ද සම්බන්ධව සිදුකළ විමසීමේදී ඔහු සඳහන් කරන්නේ, මුළු ලෝකයේම අද සාම්ප්‍රදායික දේශපාලනඥයන් ප්‍රතික්‍ෂේප වෙමින් ඇතිබවත් එය ඇමෙරිකාවේ පවා සිදුවන දෙයක් බවය. එසේම ට්‍රම්ප් කියන්නේද පළපුරුදු දේශපාලනඥයෙක් නොවන බවත් එවැනි අය ජනතාව හොයමින් සිටින බවද ඔහු පවසා ඇත.

අපේ පැත්තේ ඕන කෙනෙක් ගන්න සුළුජන ජන්ද ප්‍රමාණය මමත් ගන්නවා - ගෝඨා

මෙහිදී සුළුජාතික ජන්ද දිනාගැනීම සම්බන්ධවද මෙහිදී විමසා ඇති අතර ඊට පිළිතුරු දෙමින් ගෝඨාභය රාජපක්ෂ සඳහන් කරන්නේ "මම නියෝජනය කරන පිලෙන් එන ඕනෑම පුද්ගලයෙක් ගන්නා ඒ සුළු වාර්ගික ඡන්ද ප්‍රමාණයම මට ලැබෙනවා කියලා විශ්වාසයි" යනුවෙන්ය.

තවද තමන් දකින ආකාරයට ඊළඟ ජනාධිපතිවරණය රටේ තීරණාත්මකම මැතිවරණයක් බවත් ඊට ඉදිරිපත්වන අපේක්ෂකයා අනිවාර්යයෙන් රට ගැන ආදරයක් තියෙන, රටේ ස්වෛරීභාවය, ඒකීයභාවය සුරකින, අවුරුදු ගණනාවක් තිබූ ත්‍රස්තවාදය අවසාන කරපු, ජීවිත කැප කළ රණවිරුවන්ගේ සුරක්‍ෂිතභාවය ආරක්‍ෂා කරන ඒ වගේම වැඩකරන්න පුළුවන්, වෛරී දේශපාලනයෙන් තොරව රටේ ආර්ථිකය සංවර්ධනය කරන්න පුළුවන් චරිතයක් වියයුතු බවද ඔහු පවසයි.

Comment (0) Hits: 370

'පොලීසිය කලහකරුවන්ට සහයදිලා' - නුවර ගැටුමේ රහසක් හෙලිවේ (වීඩියෝ)

පැයක් ඇතුලත පහර දී පලා යන්නැයි මහනුවර කලහකාරීන්ට පොලීසිය විසින් කාලය ලබා දී තිබූ බව ඇමති එම්.එච්.ඒ. හලීම් මහතා පවසයි.

පොලීසිය එම ප්‍රහාරයන්ට ඉඩ සලසා දුන් බවත් තම ප්‍රදේශයේම දේශපාලන නායකයෙක්ද ඊට සම්බන්ධන බවද ඇමතිවරයා කියා සිටියේ අගමැති රනිල් වික්‍රමසිංහ මහතාගේ ප්‍රධානත්වයෙන් මහනුවරදී පැවති සාකච්ඡාවකදීය.

මහසොහොන් බලකාය නම් සංවිධානයේ මූලස්ථානය පිහිටා ඇත්තේ දිගන ප්‍රදේශයේ නිසා මේ ආකාරයේ ප්‍රශ්න ඇති වේ යයි තමන්ට සැක සිතුනු නිසා විශේෂ ආරක්‍ෂාවක් දෙන්නැයි පොලීසියෙන් ඉල්ලා සිටි බවද ඔහු කීය.

මහනුවර ප්‍රදේශයේ සිදුවූ කලහකාරී සිදුවීම් වලින් සිදුව ඇති හානි පූර්ණය හා ඉදිරි කටයුතු සම්බන්දයෙන් මෙම සාකච්ඡාව අගමැතිවරයාගේ ප්‍රධානත්වයෙන් පැවති අතර ඊට දේශපාලඥයන් මෙන්ම ප්‍රදේශයේ පිරිස්ද එක්ව සිටියහ.

කෙසේවුවද මෙම අවස්ථාවේදී අදහස් දැක්වූ අමාත්‍ය රවුෆ් හකීම් මහතා පොලිසියේ කිහිප දෙනෙකු මෙම කලහකාරීන්ට සහය දක්වා ඇතත් සමස්ත පොලිස් දෙපාර්තමේන්තුව චෝදනා කල නොහැකි බව පැවසිය.

 

Comment (0) Hits: 421

සමාජ ජාල තහනම තවදුරටත්

මහනුවර දිස්ත්‍රික්කයේ පැතිර ගිය මුස්ලිම් විරෝධී ප්‍රචණ්ඩ ක්‍රියාවලින් අනතුරුව පනවනු ලැබ තිබෙන සමාජ මාධ්‍ය ජාල තහනම ඉවත් කරන දිනයක් පිළිබඳව ආණ්ඩුව මෙතෙක් තීරණයකට එළැඹ නොමැති බව වාර්තා වෙයි.

සමාජ මාධ්‍ය ජාල හරහා වෛරී ප්‍රකාශන මෙන්ම ප්‍රචණ්ඩත්වයට රුකුල් දෙන තොරතුරු හුවමාරු වීම මත සමාජ මාධ්‍ය ජාල අවහිර කිරීමට ආණ්ඩුව තීරණය කළේ පසුගිය 7 වනදා ය.

එහිදී නිවේදනයක් නිකුත් කරමින් විදුලි සංදේශ අමාත්‍ය හරින් ප්‍රනාන්දුද කියා සිටියේ ශ්‍රී ලංකා විදුලි සංදේශ නියාමන කොමිෂන් සභාව විසින් මෙම "අතිවිශේෂ එහෙත් තාවකාලික" පියවර ගෙන ඇති බවය.

අදාළ අත්හිටුවීම පැය 72ක කාලයක් සඳහා බලපවත්වන බව ආණ්ඩුවේ පාර්ශව වෙතින් සඳහන් වුවත් සෙනසුරාදා (10) මධ්‍යම රාත්‍රිය වන විටත් සමාජ මාධ්‍ය ජාල තහනම ඉවත්කොට තිබුණේ නැත.

Comment (0) Hits: 226

තවත් කෙරුමෙකුගේ පුතෙක් හිරේ : මෙවර කෙහෙළියගේ පුතා පිස්තෝලයක් එක්ක

පාර්ලිමේන්තු මන්ත්‍රී කෙහෙළිය රඹුක්වැල්ලගේ පුතා වන රමිත් රඹුක්වැල්ලව නාරාහේන්පිට පොලිසිය මගින් අත්අඩංගුවට ගෙන ඇත.

රිය අනතුරකින් සිදුවූ බහින්බස්වීමකදී නාවල විවෘත විශ්ව විද්‍යාලයේ සිසුවකුගේ හිසට පිස්තෝලයකින් පහරදි තුවාල කර තර්ජනය කළැයි කියන සිද්ධියක් සම්බන්ධව මෙම අත්අඩංගුවට ගැනීම සිදුව තිබේ.

වන විට අදාළ ශිෂ්‍යයා ප්‍රතිකාර ලබා ගැනීම සදහා කොළඹ ජාතික රෝහලට ඇතුළත් කර තිබෙන අතර සැකකාර රමිත් රඹුක්වැල්ල කොළඹ අලුත්කඩේ අධිකරණය වෙත ඉදිරිපත් කිරිමට නියමිත බව පොලිස් ආරංචිමාර්ග සඳහන් කරයි.

චණ්ඩි මල්ලිගේ පුතා සහ ලේලි : 13 තෙක් හිරේ

MK Kasun 1මේ අතර පෞද්ගලික බස් රථ රියදුරෙකුට පහරදීමේ චෝදනාව මත දකුණු පළාත් සභා එක්සත් ජනතා නිදහස් සන්ධාන මන්ත්‍රී එම්.කේ කසුන් සහ ඔහුගේ බිරිඳ 13 වෙනි දින දක්වා රක්ෂිත බන්ධනාගර ගත කර තිබෙන බවද වාර්තා වෙයි.

ඔවුන් 9 වනදා තලංගම පොලිසිය විසින් අත්අඩංගුවට ගෙන 10 වනදා කඩුවෙල මහේස්ත්‍රාත් අධිකරණය වෙත ඉදිරිපත් කිරීමෙන් අනතුරුව මෙම නියෝගය ලබා දී ඇත.

Comment (0) Hits: 1614

ජාතිවාදී ප්‍රචණ්ඩකාරීන්ගේ තොරතුරු රැස් කරන්න : විශේෂ මෙහෙයුම් මැදිරියක්

අම්පාර සහ මහනුවර කේන්ද්‍ර කරගනිමින් සිදුකල ප්‍රචණ්ඩකාරී ක්‍රියාවන් මෙහෙයවූ පුද්ගලයන් සහ කණ්ඩායම් පිළිබඳ තොරතුරු රැස් කිරීම සඳහා විශේෂ මෙහෙයුම් මැදිරියක් ස්ථාපිත කර ඇත.

පොලිස් මුලස්ථානයේ ස්ථාපිත කර ඇති මෙම විශේෂ මෙහෙයුම් මැදිරිය සඳහා ජාතිවාදී ප්‍රචණ්ඩ ක්‍රියාවන්ට සම්බන්ධ කණ්ඩායම් සහ පුද්ගලයන් පිළිබඳ තොරතුරු ලබාදීමට රටේ සාමාන්‍ය පුරවැසියන්ටද අවස්ථාව විවෘත කර තිබේ.

ඒ අනුව අදාළ තොරතුරු 0113 024 892 , 0113 024 883 යන දුරකථන අංක සහ This email address is being protected from spambots. You need JavaScript enabled to view it. යන විද්‍යුත් ලිපිනය ඔස්සේ ලබාදීමට හැකියාව පවතී.

මේ මඟින් ලබාගන්නා තොරතුරු විශ්ලේෂණය කර තහවුරු කරගැනීමෙන් පසුව වැඩිදුර විමර්ශන සඳහා අදාළ ආරක්ෂක අංශ වෙත යොමුකරන බව පොලිස් ආරංචිමාර්ග සඳහන් කර සිටියි.

Comment (0) Hits: 384

මහනුවර සිදුවූ වරද නැවත නොවෙන්න වරදකරුවන්ට දඬුවම් දෙන්න - අගමැති කියයි

මහනුවර ප්‍රදේශයේ පසුගියදා ඇතිවූ කලහකාරී සිදුවීම පිළිබඳ පුර්ණ පරීක්ෂණයක් පවත්වා වැරදිකරුවන්ට තරාතිරම නොබලා දඬුවම් ලබාදිය යුතු බව අග්‍රාමාත්‍ය රනිල් වික්‍රමසිංහ සඳහන් කරයි.

අග්‍රාමාත්‍යවරයා මේ බව සඳහන් කර සිටියේ මහනුවර ප්‍රදේශයේ පසුගියදා සිදුවූ කලහකාරී සිදුවීම් වලින් ජනතාවට සිදුවූ අලාභහානි පිළිබඳ සොයා බැලීමට මහනුවර දිස්ත්‍රික් ලේකම් කාර්යාලයේ අද (10) පැවති විශේෂ සාකච්ඡාවකට සහභාගී වෙමින්ය.

එසේම මෙවැනි සිද්ධි නැවත ලංකාවේ ඇති නොවන්නේ වැරදිකරුවන්ට දඬුවම් කළොත් පමණක් බවත් එවැනි දඬුවමක් ලබානොදුනහොත් මෙවැන්නක් ලංකාවේ වෙනත් තැනකද ඇතිවිය හැකි බව අග්‍රාමාත්‍යවරයා එහිදී අවධාරණය කර සිටියේය.

කලහකාරී සිදුවීම පිළිබඳ තොරතුරු රැසක් මේ වන විටත් පොලිසිය විසින් හෙළිකරගෙන තිබෙන බවත් ඒ සම්බන්ධව තවදුරටත් පරීක්ෂණ පවත්වන ලෙස නීතිය හා සාමය පිළිබඳ අමාත්‍යවරයාට සහ පොලිස්පතිවරයාට දැනුම්දුන් බවද එහිදී අග්‍රාමාත්‍යවරයා පැවසීය.

තවද ශ්‍රී ලාංකිකයන් ලෙස එකට එකතුවී යන ගමනට හානි සිදුවීමට ඉඩදිය නොහැකි බවත් ඒ ගමනට හානි නොවීම සඳහා ප්‍රශ්න ඇතිවූ ප්‍රදේශ සහ ස්ථාන වලට සංඝයාවහන්සේලා සහ පුජකතුමන්ලා ගොස් ජනතාව දැනුවත් කළ යුතු බවද අග්‍රාමාත්‍යවරයා පෙන්වා දී ඇත.
මෙම අවස්ථාව සඳහා රාජ්‍ය පරිපාලන, නීතිය හා සාමය පිළිබඳ අමාත්‍ය රංජිත් මද්දුමබණ්ඩාර, ව්‍යවසාය සංවර්ධන අමාත්‍ය ලක්ෂ්මන් කිරිඇල්ල, ආරක්ෂක රාජ්‍ය අමාත්‍ය රුවන් විජේවර්ධන, ජලසම්පාදන හා ජලාපවහන අමාත්‍ය රාවුෆ් හකීම්, තැපැල් අමාත්‍ය එම්.එච්.ඒ. හලීම්, ආරක්ෂක ප්‍රධානීන් ඇතුළු නිලධාරීන් රැසක් සහභාගීව සිටියහ.

Comment (0) Hits: 248

ප්‍රහාර පාලනය කිරීමට සමාජ ජාල තහනම 'පිටිවහලක් වුනා' - හමුදාපති

තෙල්දෙණිය සහ දිගන ඇතුළු ශ්‍රී ලංකාවේ ප්‍රදේශ කිහිපයක පසුගියදා හටගත් මුස්ලිම් විරෝධී කෝලාහල මැඩ පැවැත්වීම පිණිස සමාජ මාධ්‍ය ජාල අවහිර කිරීම පිටිවහලක් වූ බව හමුදාපති ලුතිනන් ජනරාල් මහේෂ් සේනානායක පවසයි.

මහනුවරදී බීබීසී සිංහල සේවය සමග විශේෂ සාකච්ඡාවකට එක්වෙමින් ඒ බව සඳහන් කළ හමුදාපතිවරයා, සමාජ ජාලවල කාර්යභාරය විය යුත්තේ සමාජයට නිසි තොරතුරු ලබාදීම විනා අසත්‍ය තොරතුරු ප්‍රචාරය කිරීම නොවිය යුතු බව අවධාරණය කළේය.

මහනුවර දිස්ත්‍රික්කය තුළ හටගෙන ඇති නොසන්සුන් තත්ත්වයත් සමග සමාජ මාධ්‍ය ජාල හරහා වෛරී ප්‍රකාශන මෙන්ම ප්‍රචණ්ඩත්වයට රුකුල් දෙන තොරතුරු හුවමාරු වීම මත ශ්‍රී ලංකාව තුළ සමාජ මාධ්‍ය සන්නිවේදනය බදාදා (මාර්තු 07) සිට අවහිර කිරීමට රජය පියවර ගත්තේය.

ආණ්ඩුවේ එම පියවර බොහෝ සමාජ මාධ්‍ය ක්‍රියාකාරීන්ගේ විවේචනයට ලක් වූ අතර, සමාජ ජාලවලට පිවිසීම පිණිස බොහෝ දෙනා VPN තාක්ෂණය භාවිත කරන බව ද වාර්තා විය.

හමුදා සෙබළුන්ට සමාජ ජාල තහනම් :

සමාජ ජාල තහනම පිළිබඳ අදහස් දක්වමින් හමුදාපතිවරයා කියා සිටියේ, "මේක තියෙන්න ඕන හරි දේ කරන්න; මේක තියෙන්න ඕන හරි තොරතුරු, හරි පුද්ගලයන්ට හරි වෙලාවට ලබාදෙන්න," බවය.

"මේක වැරදියට පාවිච්චි කරන එක තමයි මේ රටේ ප්‍රශ්නය."

එබැවින් තමන් පසුගියදා හමුදා සෙබළුන්ට සමාජ ජාල භාවිතා කිරීම තහනම් කළ බවත් ඔහු සිහිපත් කළේය.

ඉතා සුළු සිදුවීම් කිහිපයක් වාර්තා වුවත්, මහනුවර බොහෝ ප්‍රදේශවල තත්වය දැන් සම්පූර්ණයෙන්ම යථා තත්වයට පත්ව තිබෙන බව පවසන හමුදාපතිවරයා, කෙසේ වුවත් ආරක්ෂක හමුදා තවත් දින කිහිපයක් ප්‍රදේශයේ රැඳී සිටිනු ඇතැයි ද පැවසීය.

එසේ තවමත් ආරක්ෂක හමුදා යොදවා තිබෙන්නේ ජනතාව අතර බිඳ වැටුණු විශ්වාසය ගොඩනැගීම සඳහා බව පවසන හමුදාපතිවරයා වැඩිදුරටත් කියා සිටියේ, "හමුදාව දැකීමත් සමහර විට ජනතාවට හිතෙනවා මේකෙන් ඔවුන්ගේ ආරක්ෂාව ඇතිවෙලා තියෙනව කියල," බවය.

"ඇඳිරි නීතිය වුනත් මම යෝජනා කළා අද මගේ උසස් මූලස්ථානවලට අඩුම ගානේ නගර සීමාව තුළවත් ඇඳිරි නීතිය පනවන්න එපාය කියල."

theldeniya 3

"අපි බලා ඉන්දැද්දී මේක කළා, අපි මේක උසිගැන්වුව කියල මම කියන්නේ නෑ. එහෙම අවස්ථාවක් කිසිසේත්ම වුනේ නෑ."

 සිදුවීම් මැඩ පැවැත්වීම පිණිස කටයුතු නොකළ බවට ආරක්ෂක අංශවලට එල්ලවන චෝදනා පිළිබඳව විමසූ අවස්ථාවේ හමුදාපති ලුතිනන් ජනරාල් මහේෂ් සේනානායක කියා සිටියේ යුද හමුදාව, ගුවන් හමුදාව හෝ නාවික හමුදාව කිසිදු අවස්ථාවක එලෙස කටයුතු නොකළ බවය.

විශේෂයෙන්ම ආරක්ෂක හමුදා ප්‍රදේශයට කැඳවනු ලැබුවේ ගැටුම් ආරම්භවීමෙන් දින දෙකකට පසුව හදිසි නීතිය පනවනු ලබෙමීන් අනතුරුව බව පෙන්වා දුන් ඔහු, වෙනත් ප්‍රදේශවල සිට කැඳවනු ලැබූ හමුදාවට තත්වය වටහා ගැනීමට කිසියම් කාලයක් ගතවූවා විය හැකි වුවත් "අපි බලා ඉන්දැද්දී මේක කළා, අපි මේක උසිගැන්වුව කියල මම කියන්නේ නෑ. එහෙම අවස්ථාවක් කිසිසේත්ම වුනේ නෑ."

මුස්ලිම් ජනතාවට එරෙහිව මතු වූ ප්‍රහාර රැල්ල සමග මතු වූ තත්වය පිළිබඳව බීබීසී සිංහල සේවය සමග වැඩිදුරටත් කරුණු දැක්වූ හමුදාපතිවරයා කියා සිටියේ, ශ්‍රී ලංකාව මුහුණ දී ඇති අත්දැකීම් සලකා බලන විට ශ්‍රී ලංකාවේ යළිත් වරක් හදිසි නීතිය පැනවෙනු නොදැකීම සිය අපේක්ෂාව බවය.

එබැවින් ශ්‍රී ලංකාවේ තරුණ පරපුරට යළිත් වරක් හදිසි නීතිය අත්දකින්නට නොලැබෙනු ඇතැයි බලාපොරොත්තු වන බව ඔහු වැඩිදුරටත් කියා සිටියේය.

ශක්තිමත් සැළැස්මක් අවශ්‍යයි

මේ අතර අද( 09) උදෑසන මහනුවරදි ව්‍යාපාරිකයින් පිරිසක් සමඟ පැවති මාධ්‍ය හමුවකදි යුද හමුදාපති ලුතිනන් ජෙනරාල් මහේෂ් සේනානායක මහතා පැවසුයේ, මහනුවර ඇති වූ නොසන්සුන්කාරී තත්ත්වය යළි ඇති නොවීමට ශක්තිමත් සැළැස්මක් අවශ්‍ය බවයි.

30 වසරක් පුරා පැවති යුද්ධයෙන් හමුදා නිලධාරීන් 28,000 ක් මිය ගිය බවත්, 50,000 ක් පමණ තුවාල ලැබු අතර 20,000 ක් පමණ පූර්ණ වශයෙන් අබාධිත තත්ත්වයට පත් වු බවත් එවැනි තත්ත්වයක් නැවත උදා කිරීමට උත්සහ ගැනීම කණගාටුවට කරුණක් බව ද ඔහු සඳහන් කළේය.

තමා ද සිංහල බෞද්ධයෙක් බව පැවසු හමුදාපතිවරයා උඩරට පැවති පෞඩ ඉතිහාසයක් ඇති තැනක මෙවැනි ක්‍රියාවක් සිදුවුයේ කෙසේ ද යන්න අද වන විට විශාල ගැටළුවක් වී ඇති බව ද පැවසීය.

කෙසේ වෙතත් අමිහිරි අතීතයක් ලෙස සිතා මෙය අවසන් කර ශක්තිමත් අනාගතයකට ඉදිරියට යා යුතු බව ද හමුදාපතිවරයා මෙහිදී වැඩි දුරටත් පැවසීය.

Comment (0) Hits: 307

ජාතිවාදී ප්‍රචණ්ඩකාරීන්ට දැඩි දඬුවම් දෙන්න - ප්‍රජාතන්ත්‍රවාදය සඳහා නීතීඥයෝ ඉල්ලති

ජාතිවාදී ප්‍රචණ්ඩ ක්‍රියා පිළිබඳ වගකිව යුත්තන් ඔවුන්ගේ ආගමික හෝ වාර්ගික බැඳියාවන් හා පූර්ව විශිෂ්ටතා නොසළකමින් තරාතිරම නොබලා දඬුවම් පැමිණවීමට අධිකරණයට යොමුකළ යුතු බව ප්‍රජාතන්ත්‍රවාදය සඳහා නීතීඥයෝ එකමුතුව අවධාරණය කරයි.

නිවේදනයක් නිකුත් කරමින් ඔවුන් මේ බව අවධාරණය කරන අතර සිවිල් හා දේශපාලන අයිතිවාසිකම් පිළිබඳ ජාත්‍යන්තර සම්මුති පනත මඟින් වෛරී සහගත ප්‍රකාශන සම්බන්ධව ඇති වගන්ති මඟින් අදාළ පාර්ශව වෙත නඩු පැවරිය යුතු බවත් මෙම ප්‍රචණ්ඩ රැල්ල පිළිබඳ සොයා බැලීමට ජනාධිපති කොමිසමක් සහ සර්ව පාක්ෂික රැස්වීමක් කැඳවන ලෙසද එම නිවේදනයේ වැඩිදුරටත් සඳහන් කර ඇත.

එසේම නීතීඥයින් ඇතුළු සියළු වෘත්තිකයින් මෙන්ම සාමයට ලැදි සමස්ථ ජනතාව ආගමික හා වාර්ගික සමඟිය වෙනුවෙන් නැගීසිටිය යුතු බවද එම නිවේදනය හරහා අවධාරණය කර ඇත.

එසේම දීර්ඝකාලීන සංහිඳියාවක් වෙනුවෙන් බහුජන කොටස් එක්ව වහා කටයුතු කලයුතු බවත් රජය විසින් සාමය හා සංහිඳියාව ඇති කිරීමට ක්ෂණිකව ගන්නා පියවර සඳහා තමන් කොන්දේසි විරහිතව සහය පළකරන බවද ප්‍රජාතන්ත්‍රවාදය සඳහා නීතීඥයෝ එකමුතුව සිය නිවේදනයේ වැඩිදුරටත් දක්වා ඇත.

Comment (0) Hits: 281

සයිබර් ත්‍රස්තවාදයට දැඩි පියවර ගත යුතුයි’’ - චම්පික

සයිබර් ත්‍රස්තවාදය සම්බන්ධයෙන් රජය වහාම දැඩි පියවර ගත යුතු යයි අමාත්‍ය පාඨලී චම්පික රණවක මහතා අවධාරණය කර සිටියි.

සයිබර් ත්‍රස්තවාදීන් සම්බන්ධයෙන් ද රජය පියවර ගත යුතු අතර මෙම ක්‍රියාවන් අවුලූවන සහ ක්‍රියාත්මක කරන පිරිස් පිළිබඳව වහා නීතිය ක්‍රියාත්මක විය යුතු බවද ඇමතිවරයා සඳහන් කරයි.

ඊයේ (09) දින පැවති ජාතික හෙළ උරුමයේ මාධ්‍ය සාකච්ඡාවට එක් වෙමින් ඔහු එබව සඳහන් කළේ ය.

ආගම්වාදී ගැටුම් ඇතිකළ මහසොහොන් බලකාය පසුපස සිටින දේශපාලනඥයින් වහා රටට හෙළි කළ යුතු යයි ද ඔහු එහිදී කියා සිටියේය.

අත් අඩංගුවට ගත් පුද්ගලයින් පිළිබඳව විධිමත් පරීක්‍ෂණයක් සිදු කර, එමගින් කවර ආකාරයක පිරිස්ද, ආගමික නායකයින්, දේශපාලකයින් සම්බන්ධදැයි සොයා බලා විමර්ශනය කර ඒ සියළු දෙනාට දඬුවම් ලබාදිය යුතු බවත් දඬුවම් ලබා නොදීමෙන් සිදුවෙනුයේ තාවකාලික සාමය යට යමින් අනාගතයේදී මෙවැනි සිදුවීම් නැවත සිදුවිය හැකි බවද අමාත්‍යවරයා එහිදී සඳහන් කළේය.

එම මාධ්‍ය හමුවේදී ඇමතිවරයා වැඩිදුරටත් මෙසේද පැවසිය.

දියතලාව බස් රථයේ සිදුවූ පිපිරීම :

වංචනික ප්‍රචාර මගින් එනම් මෑත කාලයේ සිදුවූ එක්තරා සිදුවීමක් වන දියතලාවේ බස් රථයේ සිදුවූ පිපිරීමත් සමග එල්.ටී.ටී.ඊ හිතවාදී කණ්ඩායම් නිකුත් කළාය කියන මාධ්‍ය නිවේදනයක් සමග රාජපක්ෂ මහතාගේ අසූචි වලේ ලැගලා ඉන්න පොහොට්ටුවේ නයකයින්ය කියා ගන්න දේශපාලන සූකරයින් විසින් විශාල ලෙස රට ගිණි තියන්න සැදු බවත්, කොටි ත්‍රස්තවාදීන් නැගිටින බවත්, ආණ්ඩුව කොටි ත්‍රස්තයින් හුරතල් කරන බවටත්, රණවිරුවන්ගෙන් පලි ගැනීම සඳහා එම සිදුවීම සිදුර කර ඇතිබව ප්‍රකාශ කරමින් රටගිනි තැබීම සඳහා විශාල ප්‍රයත්නයක් යෙදූ බවත් පැවසු ඇමතිවරයා, අද එය ආරක්‍ෂක අංශ සෙබලෙකුගේ පෞද්ගලික සිදුවීමක් බවට ඔප්පු වී ඇතැයි ද කිය.

එම සිදුවීම මුල් කර ගනිමින් රටේ ජනවාර්ගික ගැටුමක් ඇතිකිරීමට කටයුතු කළ සූකර දේශපාලනඥයින් සම්බන්ධයෙන් ආණ්ඩුව ගන්නා පියවර කුමක්දැයි ප්‍රශ්නකර සිටි චම්පික රණවක අමාත්‍යවරයා, එවැනි සිදුවීම නැවත නැවත වර්තා කරමින් මේ රට ඇවිලවීමට කටයුතු කළ මාධ්‍ය සම්බන්ධයෙන් ආණ්ඩුව ගවන්නා පියවර ගැන ද ප්‍රශ්න කර සිටියේය.

අම්පාරේ වඳපෙති :

අම්පාරේ ඇති වූ වඳපෙති පිළිබඳ ක්‍රියාවලිය ව්‍යාප්ත කරනු ලැබුවේ රාජපක්ෂ හිතවාදීන් විසින් බවත් එමගින් ජාතික රැුල්ලක් ඇති කර මුස්ලිම් ජනතාවගේ සහ දමිල ජනතාවගේ ශක්තියෙන් මෙම ආණ්ඩුව පවතින බව පෙන්වමින් සිංහල ජනතාව තුළ අනාරක්‍ෂිත හැඟීමක් ඇති කර, සිංහල ජනතාවගේ බහුතරය දිනා ගැනීමේ උත්සාහයක රාජපක්ෂවරුන් නියැලූන බවද ඔහු සඳහන් කළේය.

ඒ සඳහා සූකර දේශපාලකයින් විවිධ තුරුම්පු එකින් එක පසුගිය කාලයේදී පාවිච්චි කළ බවත් එහි ප්‍රතිපලයක් ලෙස අම්පාරේ සිදුවීම හැඳින්විය හැකි බවත්, ඒ පිළිබඳ රස පරීක්‍ෂක වාර්තාවේදී එය පිටිගුලියක් බව අනාවරණය වූ අතර එමගින් ජීවිතවලට, දේපලවලට, සමාජයට සිදුවූ හානිය දස දහස් ගණනක් බව ද ඔහු පෙන්වා දෙන ලදි.

එම සිදුවීම ඇවිලවීම සඳහා නොයෙක් අයුරින් උපකාර කළ සියළු දෙනාට, අත් අඩංගුවට ගත් පිරිස් සඳහා ඇප ලබාදීමට කටයුතු කළ අය පිළිබඳවත් වහාම සොයා බලා කටයුතු කළයුතු බවද ඇමතිවරයා සඳහන් කරයි.

මහසෝන් බලකාය හා ලංකා සී නිව්ස් ???

දිගන සහ මහනුවර ප්‍රදේශයන් හි ඇති වූ ගැටුම් කාරී තත්වය පිළිබඳව ගැනීමේදී මහසෝන් බලකාය කියා එකක් තිබෙන බවත් එහි නායකයින් ජාතික හෙළ උරුමයේ නායකයින්ට සම්බන්ධ බව බංකොලොත් රාජපක්ෂවාදීන් ප්‍රකාශ කරන බවද මහසොහොන් බලකාය වේවා, වීරවංශ බලකාය වේවා, රාජපක්ෂ බලකාය වේවා මේ පිටුපස සිටින්නේ කවුරුන්ද කියා සොයා බලා අවශ්‍යය නීතිය ක්‍රියාත්මක කළ යුතු බව ඇමතිවරයා අවධාරණය කර සිටියේය.

විශේෂයෙන්ම 'ලංකා සී නිවුස්' එක පිළිබඳව පොලිස්පතිවරයා දැනුවත් කර තිබෙන බවත්, උප්පැන්නයක්, හැඳුනුම්පතක්, ගුවන් ගමන් බලපත්‍රයක් නැති උපන් ගෙයිම වංචනික දේශපාලනඥයෙක් මේ පිටුපස සිටින බවත් මරණ ගෙවල් වල මරණ යට ගැහුවා සේ මේවා යට ගහන්න කටයුතු නොකරණ ලෙසද මේ පිළිබඳව නිරන්තර අවධානයෙන් සිටින බව පොලිස්පතිවරයා වෙත දන්වා යැවූ බවද ඔහු සඳහන් කළේ ය.

හදිසියේ මෙවැනි පහරදීම් සිදු කිරීමට හේතුව ???

හදිසියේ මෙවැනි පහරදීම් සිදු කිරීමට හේතුව 2019 ජනාධිපති සිහිනය බොඳව යෑම බව පවසන අමාත්‍යවරයා, 2010 මෙන් සිංහල බහුතරය දිනා ගැනීමට බැරි බව මේ වන විට පැහැදිලි වී තිබෙන නිසා තමන්ට රටේ ජාතික ඡන්දයෙන් තිබෙන්නේ 39% ක් බව අප රට ඉදිරියේ ඔප්පු කිරීම නිසා අපේක්‍ෂා බංගත්වයට පත් ව ඇති බව ද සඳහන් කළේ ය.

එබැවින් තමන්ට එරෙහිව ක්‍රියාත්මක වන ශක්තිමත් චරිතවලට රාජපක්ෂවරුන් බියට පත් වී සූකර දේශපාලනඥයින් ලවා පහරදීමට කටයුතු කරන බවත් ඒ පිළිබඳව තමන් ආඩම්බර වන බවද අමාත්‍යවරයා සඳහන් කරයි.

මෙරට සිංහල, දෙමළ, මුස්ලිම් කිසිම ජන කණ්ඩායමක් නැවත වතාවක් රාජපක්ෂවරුන්ට රැවටීමට නොහැකි බවත්, පසුගිය මැතිවරණවල ඡන්ද ප්‍රතිපල විශ්ලේෂණය කිරීමේ දී මහින්ද සුළඟ බැහැගෙන යන බවත්, මාධ්‍ය සුළඟක් පමණක් ඇති බවත් අමාත්‍යවරයා වැඩි දුරටත් සඳහන් කළේය.

ලේ වැගිරීමක් අවශ්‍ය වෙලා !

දැන් ඔවුනට ලේ වැගිරීමක් අවශ්‍ය බවත් ඒ වෙනුවෙන් ජනතාව තවදුරටත් නොරැවටෙන බවත්, අලූත්ගම සිදුවීම ගැන මුල සිටම පරීක්‍ෂණ කටයුතු සිදුකරන අතර එම ක්‍රියාවන් සඳහා මූල්‍යමය අනුබලයන් දුන්නේ කවුරුන්ද යන්න පිළිබඳව සත්‍ය හෙළිකිරීමට කටයුතු කරන බව පැවසූ අමාත්‍යවරයා, එසේ නොමැති වුව හොත් සිංහල දෙමළ මුස්ලිම් ජනතාව අතර මෙම සැකය ඉදිරියටත් පවතින බවත් කියා සිටියේය.

මහසොහොන් බලකාය කවුද? ඒ සඳහා අනුබල දෙන දේශපාලනඥයින් කවුරුන්ද, ඝාතන කල්ලි කණ්ඩායම් රටට වහාම ඉදිරිපත් කිරීම රජයේ වගකීම වන බවද සඳහන් කල අමාත්‍යවරයා, මෙවැනි ජාතිවාදී, ආගම්වාදී අරගල නැවත සිදු නොවන්නට සියලූ දේශපාලන පක්ෂ මෙන්ම සෑම ආගමික සංවිධානයක්ම ඒකාබද්ධ විය යුතු බවද එහිදි පැවසීය.

 

Comment (0) Hits: 349

"මේක ජාතිවාදය නෙමේ, මෙතන ආවේ මංකොල්ල කන්න"

සිංහල ජනතාව සමග සමගියෙන් සහ සාමයෙන් දිවි ගෙවූ තමන්ට මෙලෙස පහරදීම පිළිබඳ බරපතල කනගාටුවක් දැනෙන බව මුස්ලිම් විරෝධී ප්‍රහාරවලට ලක් වූ මහනුවර ප්‍රදේශවාසීහු පැවසූහ.

mohomedප්‍රහාරකයන් බොහෝ දෙනා ජාතිවාදීන් නොව "මංකොල්ලකරුවන්" බවත් ගිණි තබා විනාශ කරන ලද නිවෙසක වෙසෙන තරුණයෙකු වන මොහමඩ් ෆෛසූල් පැවසීය.

උපන් දා සිට සිංහල ජනතාව සමග සාමයෙන් සමගියෙන් ජීවත් වූ තමන්ට මෙලෙස සැලකුවේ මන්දැයි කනගාටුවෙන් යුතුව ඔහු ප්‍රශ්න කළේය.

 "මේ මිනිස්සුන්ගෙන් බලන්න අපි ජාතිවාදයට ගියාද කියල? මංකොල්ලත් කාල තියෙනව මේ. නංගි ලඟදි බැන්දේ. නංගිගේ, අම්මගේ රත්තරන් බඩු ඔක්කොම මංකොල්ල කාල," මොහමඩ් ෆෛසූල් වේදනාවෙන් යුතුව සඳහන් කළේය.

"මේ මිනිස්සු ජාතිවාදයක් නෙවෙයි මංකොල්ල කන අදහසින් ආවේ."

මේ අතර බීබීසී සිංහල සේවය සමග අදහස් දැක්වූ සිය ව්‍යාපාරික ස්ථානය අහිමි වූ තරුණයෙකු වන එස් මොහමඩ්, තමන්ට රුපියල් ලක්ෂ හතලිහක පමණ පාඩුවක් සිදු වූ බව පැවසීය.

"අපෙන් වෙච්ච වැරැද්දක් නෙවෙයිනේ මේක," ඔහු පැවසුවේ සිය ව්‍යාපාරයට සිදු වූ විනාශය පෙන්වා දෙමිනි.

මෙම ප්‍රහාරවලට මුල් වූයේ පහරකෑමට ලක් වූ පූජාපිටියේ විසූ සිංහල ජාතික රියදුරා රෝහලේදී මියයාමය.

ඔහු ඝාතනය කිරීම සම්බන්ධයෙන් සැකපිට මුස්ලිම් ජාතිකයන් සිව් දෙනෙක් අත්අඩංගුවේ පසුවෙති.

ඒ හැරුණු විට මුස්ලිම් විරෝධී ප්‍රහාර සම්බන්ධයෙන් සැකපිට මහසෝන් බලකායේ නායක අමිත් වීරසිංහ ඇතුළු 81 දෙනෙකු අත්අඩංගුවට ගෙන තිබෙන බව පොලිසිය පවසයි.

 

Comment (0) Hits: 1325

ඇමති මලික් හා එජාප ආසන සංවිධායකයින් ගැටෙයි

අමාත්‍ය මලික් සමරවික්‍රම එක්සත් ජාතික පක්ෂයේ සභාපතිවරයා ලෙස කටයුතු කිරීමේදී අත්තනෝමතික ලෙස බලය පාවිච්චි කරන බවට පක්ෂ අභ්‍යන්තරයේ බරපතල විරෝධයක් මතුව ඇති බව වාර්තා වෙයි.

ඊට ආසන්නතම සිදුවීම ලෙස වාර්තා වන්නේ එජාප ආසන සංවිධායකයන් විසින් පළාත් පාලන ආයතන සඳහා නම් කළ නියෝජිතයන් වෙනුවට වෙනත් නියෝජිතයන් ඒ සඳහා නම් කිරීමට එජාප සභාපතිවරයා කටයුතු කිරීමය.

සිරිකොතේ උණුසුම් තත්ත්වයක්

එසේම අදාළ නම් කපා හැරීම සම්බන්ධව විමසා සිටීමේදී පවා ඊට පිළිගත හැකි පැහැදිළි පදනමක් දැක්වීමට පක්ෂ සභාපතිවරයා අසමත් බවත් ඊයේ (9) සිරිකොත පක්ෂ මුලස්ථානයේ මේ සම්බන්ධව දැඩි වාද විවාද සහ විරෝධතා පැවැත්වුණු බවද වාර්තා වෙයි.

නායකයාගේ යාළුකම හැර මලික්ට තියෙන්නේ වෙන මොනවද ?

අමාත්‍ය මලික් සමරවික්‍රම එජාප සභාපතිවරයා ලෙස තවදුරටත් මේ ආකාරයට අත්තනෝමතිකව බලය පාවිච්චි කරන්නේ නම් ඔහුට එරෙහිව අඛණ්ඩ විරෝධතාවක් දියත් කිරීමට කටයුතු සුදානම් වෙමින් ඇති බවද වාර්තා වෙයි.

තවද පක්ෂ නායක රනිල් වික්‍රමසිංහගේ ඇති දැඩි මිත්‍රත්වය හැරුණු විට එජාප සභාපතිත්වය දැරීමට මලික් සමරවික්‍රම අමාත්‍යවරයාට වෙනත් කිසිඳු දේශපාලන සුදුසුකමක් නොමැති බවත් කිසිදිනක මැතිවරණයකට ඉදිරිපත්වී ජයග්‍රහණය කර නොමැති සහ කිසිඳු ජනපදනමක් නොමැති මෙවැනි පක්ෂ නිලධාරීන් පක්ෂයේ ඉදිරි ගමනට හානියක් පමණක් බවද මලික් විරෝධී පාර්ශව සඳහන් කරන බවද වාර්තා වෙයි.

Comment (0) Hits: 644

මහනුවර ප්‍රහාරයන්ට එරෙහිව එංගලන්තයේ විරෝධතා !

මහනුවර තදාසන්න ප්‍රදේශ ආශ්‍රිතව මුස්ලීම් ප්‍රජාව ඉලක්ක කර දියත් කර ඇති ජාතිවාදී ප්‍රහාරයන්ට එරෙහිව එංගලන්තයේ ලෙස්ටර් (Leicester) ප්‍රදේශයේ වාසය කරන ශ්‍රී ලාංකික සම්භවය ඇති මුස්ලිම් එරටදී විරෝධතා ව්‍යාපාරයක් පවත්වා ඇති බව වාර්තා වෙයි.

පසුගියදා මෙම විරෝධතා ව්‍යාපාරය පවත්වා ඇත්තේ Humberstone Gate අසලදීය.

එම පිරිස ‘අපට සාමය අවශ්‍යයි. අපේ අයගේ ව්‍යාපාර ගිනි තියලා.රජය මේ ගැන බැලිය යුතුයි-අපි ඔක්කොමගෙ එකම ලේ‘ ආදී ලෙස විරෝධතා පුවරු ප්‍රදර්ශනය කරමින් මෙසේ විරෝධය පළකර ඇත.

එසේම එහිදී මාධ්‍ය වෙත අදහස් දක්වමින් එහි සංවිධායකයින් සඳහන් කර ඇත්තේ මෙතෙක් කාලයක් සාමකාමීව සිටි සිංහල මුස්ලීම් ජනතාව භේද කිරීම වෙනුවෙන් අවුරුදු 6 ක පමණ කාලයක සිට පාර්ශව කිහිපයක් උත්සාහ කරමින් සිටින බවත් එම කඩාකප්පල්කාරී ක්‍රියාව කඩිනමින් වළක්වා සහෝදර ජනකොටස් වලට සාමකාමීව සිටීමට අවස්ථාව උදාකිරීමට බලකිරීමක් ලෙස සිය විරෝධතාව සංවිධානය කල බවය.

Comment (0) Hits: 264

"චණ්ඩි මල්ලි"ගේ පුතා සහ ලේලි ගිනි අවියක් සමඟ පොලිස් අත්අඩංගුවට

දකුණු පළාත් සභාවේ එක්සත් ජනතා නිදහස් සන්ධාන මන්ත‍්‍රී එම්.කේ. කසුන් හා ඔහුගේ බිරිද පුද්ගලයෙකුට පහරදීමක් සම්බන්ධව තලංගම පොලිසිය විසින් අත්අඩංගුවට ගෙන ඇති බව වාර්තා වෙයි.

වාර්තා වන ආකාරයට මන්ත‍්‍රීවරයා හා ඔහුගේ බිරිද විසින් මෙසේ පහර දී ඇත්තේ පුද්ගලික බස් රථ රියදුරෙකුට වන අතර දෙපාර්ශවය අතර සිදුවූ බහින්බස් වීමක් හේතුවෙන් මෙම පහරදීම සිදුව ඇත.

මාර්ග අංක 177 ඔස්සේ ධාවවනය වූ මෙම බස් රථය තලංගම කොස්වත්තේදී නවත්වා මෙම පහර දීම සිදුකර කර ඇත.

පොලිසිය විසින් පළාත් සභා මන්ත්‍රීවරයා සහ ඔහුගේ බිරිඳ අත්අඩංගුවට ගන්නා අවස්ථාවේ ඔවුන් සන්තකයේ තිබු පිස්තෝලය සහ ජීව උණ්ඩද අත්අඩංගුවට ගෙන ඇති අතර මන්ත‍්‍රීවරයා විසින් රියදුරාට පහර දෙද්දී මන්ත්‍රී බිරිඳ පිස්තෝලයක්ද ඇතැතිව ‘තොපිල දන්නෙ නෑ කුඩුවෙන්න තියෙන්’ යයි කියමින් පහර දෙන ආකාරය දැක්වෙන වීඩියෝවක් සමාජ ජාලයන්හි සංසරණය වෙමින් තිබේ.

දකුණු පළාත් සභාවේ එක්සත් ජනතා නිදහස් සන්ධාන මන්ත‍්‍රී එම්.කේ. කසුන් මීට පෙර ඝාතනය වූ හිටපු දකුණු පළාත් මන්ත්‍රී එම්.කේ. රංජිත් (චණ්ඩි මල්ලී) ගේ පුත්‍රයාය.

Comment (0) Hits: 347

මහනුවර: "තත්ත්වය සාමාන්‍ය අතට"

ගෙවීගිය පැය 24ක කාලයක් තුළදී වාර්තාවූ සුළු සිදුවීම් කිහිපයක් හැරෙන්නට මහනුවර තත්ත්වය යහපත් අතට හැරෙමින් පවතින බව වාර්තා වේ.

පොලිසිය පෙන්වාදෙන පරිදි දිවයිනේ අනෙකුත් තැන්වල සුළු සිදුවීම් කිහිපයක් වාර්තාවුවද සමස්තයක් ලෙස පවතින්නේ සාමකාමී බවකි.

මහනුවර ජනතාව සිය එදිනෙදා කටයුතුවල යෙදෙන අතර පසුගියදා හටගත් සිදුවීම්වලින් පීඩාවට පත්වූවන් සිය දේපළවලට වූ හානිය සොයාබැලීම සඳහා මගට බැස ඇති බව අප වාර්තාකරුවෝ පවසති.

meheya 600

 මේ අතර, දිගන ප්‍රධාන මුස්ලිම් දේවස්ථානයට ගිනිතැබීම හේතුවෙන් සිකුරාදා (මාර්තු 09) යාඥාව සඳහා ප්‍රදේශයේ පාසලක ක්‍රීඩා පිටියක් තෝරාගෙන තිබේ.

දැඩි හමුදා රැකවරණ මැද ඒ සඳහා ක්‍රීඩා පිටිය සකසන අයුරු අප වාර්තාකරුවන්ට දැකගත හැකි විය.

amry 600

පොලිසිය පවසා තිබුණේ පැය 24 ක කාලය දී ප්‍රදේශ ගණනාවක කළ සෝදිසි මෙහෙයුම්වලදී පැට්‍රොල් බෝම්බ 20 ට වැඩි ප්‍රමාණයක් සොයාගත් බවය.

මේ අතර ගෙලිඔය ඇතුළු ප්‍රදේශ ගණනාවක බෞද්ධ භික්ෂුන් වහන්සේ ඇතුළු සිංහල ප්‍රජාව එක්ව අදාළ ප්‍රදේශවල මුස්ලිම් ජනතාව ඇතුළු ඔවුන්ගේ දෙපළ ආරක්ෂා කිරීම වෙනුවෙන් සංවිධානගතවූ බවට ද තොරතුරු වාර්තා විය.

(බීබීසී සිංහල සේවය)

 

Comment (0) Hits: 263

අලුත් පොහොර ටෙන්ඩරයේදීත් රතුපාටට විශේෂ සැළකිල්ලක්

එළඹෙන කන්නය සඳහා පොහොර මිලදී ගැනීම සඳහා කෘෂිකර්ම අමාත්‍යාංශය විසින් කැඳවා ඇති ටෙන්ඩරයේ එම්ඕපී පොහොර සඳහා මෙතෙක් නොතිබූ කොන්දේසියක් ඉදිරිපත් කර ඇති බවත් එය සැලසුම් කර ලද සැපයුම්කරුවකුට අවස්ථාව ලබාදීම සඳහා එක් කරන ලද කොන්දේසියක් බවටත් සැක මතුවී ඇත.

අදාළ ටෙන්ඩරයේ එම්ඕපී පොහොර සඳහා ඒ ආකාරයට ඉදිරිපත් කර ඇති කොන්දේසිය වන්නේ රතු වර්ණයෙන් යුතු එම වර්ගයේ පොහොර ලබා දිය යුතු බවට වූ කොන්දේසියයි.

මීට පෙර කෘෂිකර්ම අමාත්‍යාංශය එම්ඕපී පොහොර මිලදී ගැනීම සඳහා ඉදිරිපත් කරන ලද කිසිදු ටෙන්ඩරයක මෙම කොන්දේසිය ඉදිරිපත් කර නැති අතර එම්ඕපී පොහොර රතු වර්ණයට හුරු රෝස පාටින් හා සුදු වර්ණයෙන් පවතින බව වාර්තාවේ.

භුමියෙන් සෘජුවම ලබාගන්නා මෙම පොහොර ඒවා හමුවන ප්‍රදේශ අනුව වර්ණ වෙනසක් දක්වතත් ඒවායේ ඇති රසායනික සංයුතියේ කසිදු වෙනසක් නැති බව පොහොර පිළිබඳ විශේෂඥයන්ගේ මතයයි.

රුසියාව උස්බෙකිස්ථානය වැනි රටවල රතු වර්ණයෙන් යුතු එම්ඕපී පොහොර පවතින බවත් ඊශ්‍රායලයේ ඇතුලු අනෙකුත් රටවල ඇත්තේ සුදු වර්ණයෙන් යුතු එම්ඕපී පොහොර බවත් පැවසේ.

මෙම ටෙන්ඩරයට අනුව එම්ඕපී පොහොර මෙට්‍රික් ටොන් 18000 ක් මිලදී ගැනීමට නියමිත අතර මාර්තු 02 දින කැඳවා ඇති මෙම ටෙන්ඩරයේ මිල ගණන් ලබාගැනීම මාර්තු 09 වැනිදා දහවල් අවසන් කිරීමට නියමිතය.

මීට අමතරව එම ටෙන්ඩරයේදී ටීඑස්පී පොහොර මෙට්‍රික් ටොන් 18000 ක් හා ග්‍රැනියුලා වර්ගයේ යූරියා පොහොර මෙට්‍රික් ටොන් 24000 ක් මිලදී ගැනීමට නියමිතය.

කොන්දේසිය දැමූ හේතුව ?

 එම්ඕපී පොහොර සඳහා රතු වර්ණය යන කොන්දේසිය ඉදිරිපත් කළේ ඇයිද යන්න පිළිබඳව කෘෂිකර්ම අමාත්‍යාංශයේ ලේකම්වරයාගෙන් කරන ලද විමසීමකදී ඔහු ප්‍රකාශ කළේ පෞද්ගලික අංශය විසින් රතු වර්ණයෙන් යුතු එම්ඕපී පොහොර වෙළෙඳපොළට නිකුත් කරන බවත් ගොවීන්ගේ කැමැත්ත ඇත්තේ එම වර්ණයේ පොහොරවලට හෙයින් රජයේ එම්ඕපී පොහොර විකුණාගැනීම සඳහා එම කොන්දේසිය දැමූ බවය.

එහෙත් මේ පිළිබඳ කළ විමසීමකදී ගොවි සංවිධාන නියෝජිතයකු වන කවුඩුල්ලේ ජයතිස්ස මහතා ප්‍රකාශ කළේ එම්ඕපී පොහොර සුදු ද රතු ද යන්න පිළිබඳව ගොවියන් තුළ විශේෂ කැමැත්තක් නැති බවත් මේ පාට දෙවර්ගයේම එම්ඕපී පොහොර වෙළඳපොළේ ඇති බවත්ය.

(රාවය)

Comment (0) Hits: 276

නීතිඥවරියන්ට නව ඇඳුමක්

විවෘත අධිකරණවල පෙනී සිටින නීතිඥවරියන් හට නව ඇඳුමක් හඳුන්වාදී තිබේ. මෙය සිදුවූවේ ඊයේට (08) යෙදෙන ලෝක කාන්තා දිනයට සමගාමීවයි.

 මේ අනුව විවෘත අධිකරණවල පෙනී සිටින කාන්තාවන් මීට පෙර ඇඳි සාරියට අමතරව කමිසය සහ කලිසමකින් සැරසී කළු කබාය දැමීමට අවස්ථාව හිමි වේ.

 යටතේ සහ ශ්‍රී ලංකා කාන්තා නීතිඥ සංගමයේ ඉල්ලීම අනුව මෙම කටයුත්ත සිදුව ඇත.

 මෙම නව ඇඳුම සංකේතවත් කරමින් එම නව ඇඳුම පැළඳ ශ්‍රී ලංකා කාන්තා නීතිඥ සංගමයේ සභාපතිනී ජේෂ්ඨ නීතිඥ සන්ධ්‍යා තල්දුව මහත්මිය සහ එම සංගමයේ ලේකම් නීතිඥ රුචිරා ගුණසේකර මහත්මිය කොළඹ දිසා අධිකරණයේ පෙනී සිට තිබේ.

Comment (0) Hits: 243

සමාජ ජාලා අවහිරයට එරෙහිව මානව හිමිකම් කොමිෂමට පැමිණිල්ලක්

සමාජ ජාල අවහිර කිරීම හේතුවෙන් ආණ්ඩුක්රකම ව්‍යවස්ථාවේ 14 (1) (අ ) වගන්තිය උල්ලංඝණය කර ඇති බව පවසමින් පාරිභෝගික අයිතීන් සුරැකීමේ ජාතික ව්‍යාපාරය සභාපති රංජිත් විතානගේ මහතා විසින් මානව හිමිකම් කොමිෂන් සභාවට පැමිණිල්ලක් ඉදිරිපත් කර තිබේ.

ආණ්ඩු ක්‍රම ව්‍යවස්ථාවේ 14 (1) වගන්ති ජාතික ආරක්ෂාව හා ජාතීන් අතර වාර්ගික හා ආගමික සහයෝගීතාව සදහා සීමා කිරීම කළ හැකිවුව ද එසේ එසේ සීමාකිරීමට තරම් හේතුවක් පැනනැගී නැති බැවින් ව්‍යවස්ථාවේ 14 (1) (අ ) වගන්තිය උල්ලංඝණය වීමට එරෙහිව විධිමත් පරීක්ෂණයක් සිදුකරන ලෙස රංජිත් විතානගේ මානව හිමිකම් කොමිෂන් සභාවෙන් ඉල්ලා සිට තිබේ .

මෙම පැමිණිල්ලේ වගඋත්තරකරැවන් ලෙස ශ්‍රී ලංකා විදුලි සංදේශන කොමිෂන් සභාවේ සභාපති ඔස්ටින් ප්‍රනාන්දු ආරක්ෂක අමාත්‍යාංශ ලේකම් කපිල වෛද්‍යරත්න යන මහත්වරුන් නම් කර තිබේ.

පාරිභෝගික අයිතීන් සුරැකීමේ ජාතික ව්‍යාපාරය සභාපතිවරයා පෙන්වා දෙන පරිදි තොරතුරු ලබාගැනීම සදහා සහ අදහස් ප්‍රකාශ කිරීම සදහා ඔහු විසින් සමාජ ජාලා මාධ්‍ය භාවිතා කරනු ලබයි. වගඋත්තරකරුවන් විසින් සමාජජාලා මාධ්‍ය සීමා කිරීම හේතුවෙන් ඔහු හට මුහුණු පොතට පිවිසීම, viber, whatsapp යන ආදියට පිවිසීමට නොහැකිව ඇත.

මානව හිමිකම් කොමිෂන් සභාවට පැමිණිල්ලක්

 

Comment (0) Hits: 274

Page 234 of 275