V2025

ගොසිප්

ජරා වැඩ නොකර ලස්සනට ජීවත් වෙන්න උඹට පුලුවන් : සන්නස්ගල ඉරාජ්ට ලියයි !

Iraj Weeraratneට;

ආදරය තැවරුණු රෝමාන්තික සිංදු අසමින් අමරදේව, නන්දා මාලිනි, වික්ටර් රත්නායක, සුනිල් එදිරිසිංහ, සෝමතිලක ජයමහ යනාදී මිහිරැතියන්ගේ හඬින් භාවනා කරමින් සිටි කාලයක,
.
'අප්පච්චි අහන්නෙ මළ ගෙවල්වල අඬන සිංදු. කිසි ගෝ එකක් වයිබ් එකක් නෑ.'

කියා ඉරාජ් නම් තරුණ සංගීත ශිල්පියෙකුගේ ගීත අසන්නට මට පාර කීවේ මගේ පුතාලා දෙන්නා ය. ඔවුන් දෙදෙනා ඉරාජ්ට වඩා ටිකක් වයසින් අඩු ය. කුඩා කල සිට බටහිර ගීත ඇසූ දෙපුතුන් ඉරාජ් නම් ලාංකීය තරුණයෙකු ඊළඟ ජෙනරේෂන් එකේ හීරෝ ලෙස සැලකීම මා විස්මපත් කළ සිදුවීමක් විය. ඒ මීට දශක එකහමාරකට පමණ පෙර ය.

සුදර්ශියේ පැවති වසන්ත දුග්ගන්නාරාළගේ ප්‍රාසාංගික වැඩකදී හමු වූ ඉරාජ්ට මම දෙපුතුන්ගේ සංගීත ලෝකයේ හීරෝ ඔහු බව කීවෙමි. පසුදින ඉරාජ් ඔහුගේ මිතුරු රනිඳු සමග මත්තෙගොඩ ආවේ ය. එදින ගත් ඡායාරූපයක් මෑතදී ඇල්බමයක තිබී හමු වී මම පුතාට පෙන්වීමි. 'පොඩි කාලෙ' 🤣 පුතා කීවේ ය. බත්තරමුල්ල මගේ ව්‍යාපෘති කාර්යාලයට ඉරාජ් කීප වතාවක් පැමිණ ඇත. අදත් කොළඹ නගරාශ්‍රිත අවන්හලකදී, ප්‍රාසාංගිකයකදී හෝ සාප්පු සවාරියකදී අහඹු දැක්මකින් පමණක් මා අසලට එන ඉරාජ් සිනාමුසු මුහුණින් ආචාර කොට සුහදශීලී කතාවකට සැරසි නිහතමානියෙකි. මගේ පසුගිය උපන් දිනයකදී ඔහු අවසන් වරට මට දීර්ඝායුෂ ප්‍රාර්ථනා කළේ ය.

Kasun Chamara ඔස්ට්‍රේලියාවේ ජීවත් වන සංගීත අභිවෘද්ධිකාමියෙකි. ඔහු මගේ මහනුවර පන්තියේ ශිෂ්‍යයෙකි. සංගීත ලෝකයට පිවිසීමට ඔහු කොළඹ එන්නට සූදානම් වූ විට මම කොළඹ ගොස් කසුන් කල්හාර හෝ ඉරාජ් වීරරත්න හමු වන මෙන් පැවසුවෙමි. ශිල්පීන් දෙදෙනාටම ඒ මොහොතේම කතා කොට කසුන් චාමර දුරකතනයෙන් සම්බන්ධ කළෙමි. ඒ බව කසුන් චාමර ඊයේ පෙරේදා තැප්‍රොබේනයට පැමිණ සිහිගැන්වී ය. කසුන් කල්හාර ඇකඩමියෙන් ශිල්ප හැදෑරූ කසුන් චාමර ඉනික්බිතිව ඉන්දියාවට ගොස් ඒ. ආර්. රහමන් සංගීත පාසලට ඇතුළත් විය.

ඉතිං මේ හදිසියේ මං ඉරාජ්ට ලියන්නේ ඇයි?

ඒ, සුරත නිසා බව නොතේරෙන බබ්බු ෆේස්බුක් එකේ නැත.

පළමුව ඔබ තැප්‍රොබේනියන් එකත් මාත් යොදාගෙන වීඩියෝවක් කර සිදු කර දුන් ප්‍රමෝෂන් කැම්පේන් එකට ස්තුතිවන්ත වෙමි. ඒත් ඔබ වික්ටර් රත්නායකට කළ වැඩේ ඔහු මා තරම් සැහැල්ලුවෙන් භාරගත්තේ නැත. වීඩියෝවක් කර ඔබ බුක්ති වින්දේ ඔබේ ප්‍රකාශන නිදහස විය යුතු ය. ඒ වෙනුවෙන් මගේ සතදෙක ලියා තැබීම මගේ ප්‍රකාශන නිදහස ය. ඒ අනුව කලාව හා කැලෑව තෝරා බේරාගැනීම ගැන මේ මොහොතේ කියමි. ශක්තිකට වුණත් කිව යුත්තේ එයම ය. කොලිටි නැති වැඩ කර අදහස් ප්‍රකාශ කිරීමේ හා ප්‍රකාශන නිදහස වෙනුවෙන් පෙනී සිටින්නන්ගේ පෞරුෂ දීන කරන්න එපා.

සුරත වීඩියෝව සඳහා වස්සාන සිහිනය කෘතිය, එහි පිටකවරය සහ මගේ අම්මා පොතේ සම්පූර්ණ ඡේදයක් අනවසරයෙන් යොදාගැනීම මගේ අයිතීන් මංකොල්ලකෑමකි. නීතිමය පිවිසීමකින් මට ඔබට විරුද්ධව නඩු පැවරිය හැකි ය. රටේ රාජ්‍ය නායකයාගේ කටහඬ ඔබ යොදාගෙන ඇත්තේ අවසර ගෙනදැයි මම නොදනිමි. අශිෂ්ට ලෙස මහමඟ දී ඔබේ හොම්බට දෙකක් අනිනවා ද ශිෂ්ට ලෙස නීතියේ සහය පතනවා දැයි මා තවම තීරණය කොට නැත. එය එසේ තිබියදීත් මම ඔබේ රයිට්ස් වෙනුවෙන් ටැලන්ට්ස් වෙනුවෙන් පෙනී සිටිමි. ඒත් තමන්ට ඇති රයිට් එක කොලිටි විදිහට පාවිච්චි කිරීමට නොදන්නාකම ඔබේ ටැලන්ට් එකට කරන්නේ මහ විනාසයකි. මට නොතේරෙන්නේ මා උපහාසයට ලක් කිරීමට මීට වඩා නිර්මාණාත්මක වීඩියෝවක් කරගන්නට ඔබට බැරි වුණේ මන්ද යන්නයි. කාලෙකට පෙර මියුසික් ෆීල්ඩ් එකේ හීරෝ කෙනෙක් වීමේ පෙරනිමිති පෙන්නූ ඔබ දැන් මියුසික් වීඩියෝස් කරන්නේ ද ඔබේ අසික්කිත නොයිස් ටීවී යූටියුබ් චැනල් එක වටා රොක් වී සිටින අසහනකාරී ඕඩියන්ස් එකටම වීම සෝචනීය ය.

එක්කෝ හිරගේක ලැගලා හැදියං. නැත්නම් සංගීත කලාවේ අසූචි තවරන එක නවත්තපං. ජරා වැඩ නොකර ලස්සනට ජීවත් වෙන්න උඹට පුළුවන්. මට පුදුම සමන්තභද්‍ර බුදුන් වහන්සේ තමන්ගේ දායක සංගීතකාරයාට මේ ඩිංග කියන්නේ නැත්තේ ඇයි කියලා ය. රේටිංග්ස්, වීව්ස් වෙනුවෙන් මිනිස් මාංශ කරද්දීත්; අනේ මේ බුදුන් පවා තමන්ට දායක නම් ඕන ගූ ගොඩක් වළඳන කැත! ☝🤣

ප.ලි. - උඹේ වීඩියෝවට රිප්ලයි ලිවීමෙන් සිද්ද වෙන්නේ ද උඹට වීව්ස් වැඩි වීම පමණක් බව දනිමි.

උපුල් ශාන්ත සන්නස්ගල ගේ ෆේස් බුක් ගිණුමෙන්.

Comment (0) Hits: 812

තවත් ප්‍රාදේශීය පොහොට්ටුවක් : පක්ෂයේ හැටි පෙන්වයි !

කැකිරාව ප‍්‍රාදේශීය සභාවේ සභාපතිවරයා ඇතුළු සිව් දෙනෙකු සභාවේ කැබ් රියකින් පැමිණ හබරණ නගරයේ අවන්හලකින් Fried Rice එකක් ඇනවුම්කර එය ලබාදීම ප‍්‍රමාදවීම නිසා කෝපයට පත්ව එහි හිමිකරුට හා ඔහුගේ බිරිඳ වන අටමස් ගැබිණි මවකට පරුෂ වචනයෙන් බැනවදිමින් හා පහරදෙමින් අවන්හලේ භාණ්ඩවලට පහරදෙමින් යකා නැටීමේ සිද්ධියක් පිළිබඳව හබරණ පොලිසිය පරීක්ෂණයක් ආරම්භ කර ඇත.

සභාපති ඇතුළු සිව් දෙනෙකු මෙම සිද්ධියට සම්බන්ධ බවට හබරණ පොලිසියට එහි හිමිකරු වන සම්පත් විජේකුමාර මහතා විසින් පැමිණිලි කර තිබේ.

ඉකුත් 07 දින පස්වරු 5.00 ට පමණ කැබ් රියෙන් පැමිණ ඇති සභාපතිවරයා වාහනයේ අසුනේ සිටියදීම අවන්හලේ එම අවසථාවේ සිටි වියපත් කෙනෙකුගෙන් කට ගැස්මක් ඇත්දැයි විමසා ඇත. එවැනි දේවල් අලෙවි කිරීමට නොමැති බව පැවසීමෙන් පසු මුදල් නොගෙවා Fried Rice එකක් ඇනවුම් කර ඔවුන් පැමිණි කැබ් රිය පිටත්ව ගොස් තිබේ. එහි හිමිකරු ප‍්‍රසන්න Fried Rice එක පිළියෙළ කර පැය තුනක් පමණ කාලයක් ගිය පසු ඇනවුම් කළ සභාපතිවරයා ඇතුළු පිරිස නොපැමිණීම නිසා වෙනත් අයෙකුට එය අලෙවිකර ඇත.

රාත‍්‍රී 8.40 ට පමණ අධික ලෙස බීමත්ව පැමිණ ඇති සභාපතිවරයා ඇනවුම් කරන ලද Fried Rice එක ඉල්ලා ඇත. එහිදී ප‍්‍රසන්න මහතා සභාපතිවරයා පැමිණීම ප‍්‍රමාදවීම නිසා එය අලෙවි කළ බවත් කඩිනමින් යළිත් එකක් පිළියෙළ කරදිය හැකි බව පැවසීමත් සමග සභාපතිවරයා පැමිණි වාහනයෙන් බැස ඇනවුම භාරදුන් වියපත් පුද්ගලයාට පළමුවෙන් බැනවැදී පහරදීමට උත්සාහ දැරීමේදී අවන්හල් හිමිකරුගේ බිරිඳ මැදිහත්ව තිබේ. අටමස් ගැබිණි මවටද දැඩි ලෙස පරුෂ වචනයෙන් බැන වැදී පහරක් එල්ල කිරීමත් සමග අවන්හල් හිමිකරු මැදිහත්වීමෙන් පසු ඔහුටද පරුෂ වචනයෙන් බැන වැදී පහරදී තිබේ,

පසුව අවන්හල් හිමිකරු විසින් තමාට, බිරිඳට සහ වියපත් මාමාට තම දියණියන් තිදෙනා හා විදේශිකයින් ඉදිරිපිටදී පරුෂ වචනයෙන් බැනවැදී පහරදීම පිළිබඳව පොලිසියට පැමිණිලි කර තිබේ.

මේ පිළිිබඳව හබරණ වැඩ බලන පොලිස් ස්ථානාධිපති කුලතුංග මහතාගෙන් විමසීමේදී කියා සිටියේ සිද්ධියට සම්බන්ධ දෙපාර්ශවයෙන්ම පැමිණිලි කර ඇති බවත් කැකිරාව සභාපතිවරයාට විරුද්ධව පැමිණිල්ලක් නොමැති බවත් වෙනත් පිරිසකට විරුද්ධව ලැබී ඇති පැමිණිල්ලක් පිළිබඳව පරීක්ෂණයක් ආරම්භ කර තිබෙන බවත් ඒ සම්බන්ධයෙන් කිසිවෙකු අත්අඩංගුවට ගෙන නොමැති බවද පැවසිය.

(දිවයින)

Comment (0) Hits: 691

අද සිට ඉර තවත් සැර වෙයි !

ශ්‍රී ලංකාවට හිරු මුදුන්වීම අද (5) සිට ආරම්භ වන බව කාලගුණ විද්‍යා දෙපාර්තමේන්තුව පවසයි.

සූර්යයා දෘෂ්‍ය ලෙස උතුරට ගමන් කිරීමේදී මෙලෙස ශ්‍රී ලංකාව ආශ‍්‍රිත අක්ෂාංශවලට ඉහළින් පවතින අතර මෙම මස 15 වැනිදා දක්වා මෙලෙස ශ්‍රී ලංකාවට හිරු මුදුන් වන බවත් එම දෙපාර්තමේන්තුව පවසයි.

ඊට අනුව අද දිනයේදී දහවල් 12.12ට දකුණු පළාතේ මාතර දිස්ත‍්‍රික්කයේ දික්වැල්ල, කැකනදුර, කොටවිල, මිදිගම යන ප‍්‍රදේශයන්ට හිරු මුදුන්ව පවතියි.

වසරකට දෙවරක් මෙරටට හිරු මුදුන්වන අතර සූර්යයා දෘෂ්‍ය ලෙස දකුණට ගමන් කිරීමේදී අගෝස්තු සහ සැප්තැම්බර් මාස වල එය සිදුවේ. එවිට හිරු මුදුන්වීම ඇරඹෙන්නේ උතුරු පළාතෙනි.

Comment (0) Hits: 810

රැක ගනිමු ක්‍රීඩාව එකමුතුව සංවිධානයේ කැඳවුම්කරු දිලූකට ගෞරව සම්මානයක් !

'රැක ගනිමු ක්‍රීඩාව එකමුතුව' සංවිධානයේ කැඳවුම්කරු, ශ්‍රී ලංකා ජාතික හොකී කණ්ඩායමේ හිටපු උප නායක දිලූක වීරසුරිය මහතාට ආචාර්‍ය අබ්දුල් කලාම් අනුස්මරණ විශිෂ්ටතා සම්මාන උළෙලේ විශේෂ ගෞරව සම්මානයක් හිමිව තිබේ.

ඒ මහතා විසින් සමාජය වෙනුවෙන් කළ සේවය අගයා මෙම විශේෂ ගෞරව සම්මානය ලබා දී ඇති අතර ඊයේ (02) කොළඹ දී පැවති විශේෂ උත්සවයක දී මෙම විශේෂ ගෞරව සම්මානය ලබා දී ඇතැයි ද වාර්තා වේ.

51765253 10216117929593776 3770612425506684928 n

Comment (0) Hits: 703

වෛද්‍යවරුන් විශ්මයට පත් කළ සුවිශේෂී ගැහැණියක් !

ඇය සුවිශේෂී කාන්තාවකි. වයස අවුරුදු 65කි. දුර්ලභ ජාන විකෘති වීමක් සහිත ලොව හමුවන පුද්ගලයින් දෙදෙනාගෙන් ඇය ද කෙනෙකි.

ඇයට පිලිස්සුම් සහ කැපුම් වේදනා නොදැනීම ජෝ කැමරන් නම් ස්කොට්ලන්ත ජාතික කාන්තාවගේ විශේෂත්වයය.

ආහාර පිසින විට අත පිලිස්සුන ද ඇයට එය නොදැනේ.

ජෝ කැමරන්ට මේ තත්ත්වය පිළිබඳ දැනගැනීමට ලැබුණේ ඇය මුහුණ දුන් බරපතල ශල්‍යකර්මයකින් අනතුරුවය.

ඇයගේ එක් අතකට ශල්‍යකර්මය සිදුකරන අවස්ථාවේ වෛද්‍යවරු කැමරන්ට පවසා ඇත්තේ ශල්‍යකර්මයෙන් අනතුරුව දැඩි වේදනාවක් ඇති විය හැකි බවත් ඒ සඳහා වේදනා නාශක ලබා දෙන බවත්ය.

නමුත් තමාට වේදනානාශක අනවශ්‍ය බව ඇය වෛද්‍යවරුන්ට පවසා තිබිණ. වෛද්‍යවරුන් මුලින් එය විශ්වාස නොකළ ද ශල්‍යකර්මයෙන් අනතුරුව ඒ ආකාරයටම ඇයට වේදනාවක් නොදැනුන බැවින් වෛද්‍යවරු ද පුදුමයට පත්වූ බව කැමරන් පවසන්නීය.

ඉන්පසු ඇයව පරීක්ෂාවට ලක්කළ වෛද්‍ය දෙව්ජිත් ශ්‍රීවස්ටාවා ඇයගේ වේදනාව හා සම්බන්ධිත ජාන පරික්ෂාව සඳහා ඔක්ස්ෆර්ඩ් සහ ලන්ඩන් විශ්වවිද්‍යාල වෙත යොමුකර තිබේ.

පරීක්ෂණවලින් අනතුරුව කැමරන්ට වේදනාව දැනෙන්නේ අඩුවෙන් බව වෛද්‍යවරුන්ට තහවුරු විය.

2

"මට වේදනා නාශක අවශ්‍ය නැහැ කිව්වහම ඒ ගොල්ලෝ මුලින් හිනා වුණා," ඇය බීබීසී ස්කොට්ලන්ත සේවයට පැවසීය.

" ඒ වගේම වෛද්‍යවරු මගේ පෙර වෛද්‍ය වාර්තා පරීක්ෂා කළා. එවිට ඔවුන් තේරුම්ගත්තා මම කවදාවත් වේදනා නාශක අරගෙන නැහැ කියල" යනුවෙන් කැමරන් පවසන්නීය .

පසුව ඇය එංගලන්තයේ විශේෂඥ වෛද්‍යවරු වෙත යොමු කරන ලද්දේ මේ පිළිබඳ තව තදුරටත් සොයා බැලීමටය.

"මම සතුටෙන් හිටපු කෙනෙක්. නමුත් මගේ වෙනසක් තියෙනවා කියල මට තේරුනේ නැහැ."

තමාට ප්‍රසව වේදනාව පවා නොදැනුන බව පවසන කැමරන් ඒක පුදුමයකට සහ විනෝදයට හේතුවක් වූ බව පැවසුවාය . කෙසේවෙතත් වේදනාවේ වැදගත්කමද කැමරන් අවදානයට ලක්කරන්නිය.

"වේදනාව තියෙන්නේ හේතුවක් නිසා. එමගින් ඔබට අනතුරු හඟවනවා. ඒ කියන්නේ යම් දෙයක් වීමට පෙර අනතුරු හැඟවීමක් තිබීම වැදගත්"

යම් තුවාලයක් වූ විට සාමාන්‍ය පුද්ගලයින්ට වඩා ඉක්මනින් ඇය සුව අතට හැරෙන බව වෛද්‍යවරු විශ්වාස කරති.

මෙවැනි ජාන සහිත පුද්ගලයින්ට ඉක්මනින් අමතකවීම් සිදුවන බවත් ඔවුන් චකිතයෙන් තොර පුද්ගලයින් බවත් වෛද්‍යවරුන් හඳුනා ගෙන තිබේ.

"සමහර අය මට අකමැති ඇති. ඒ මම සැමවිටම සතුටින් ඉන්න නිසාත් මට බොහෝ දේවල් ඉක්මනින් අමතක වෙන නිසාත්. නමුත් දැන් මට නිදහසට කාරණා තියනවා ඒ ගැන" යනුවෙන් ඇය පැවසීය.

3 1

කැමරන් වැනි තවත් පුද්ගලයින් ලොව සිටිය හැකි බව පර්යේෂකයින්ගේ මතයයි.

"අප මෙතෙක් කළ පරීක්ෂණ උපයෝගී කරගෙන නව ප්‍රතිකාර ක්‍රම නිර්මාණය කළ හැකියි කියල සිතනවා" යනුවෙන් වෛද්‍ය ශ්‍රීවස්ටාවා පැවසීය.

මෙම සොයාගැනීම මගින් ශල්‍යකර්මයකින් අනතුරුව දැනට ලබාදෙන වේදනා නාශක වෙනුවට නව වේදනා නාශක හඳුන්වාදීමට හැකියාව ලැබෙතැයි වෛද්‍යවරු අපේක්ෂා කරති.

එසේම වැඩි ඉක්මනින් තුවාල සුව කරගැනීමට අවශ්‍ය ඖෂධ සොයා ගැනීමට හැකි වෙතැයිද පර්යේෂකයෝ කල්පනා කරති.

එමගින් වසරකට ශල්‍යකර්ම සඳහා මුහුණ දෙන මිලියන 330ක් පමණ වන පිරිසකට සෙතක් වේ යැයි අපේක්ෂා කෙරේ.

(බීබීසී)

Comment (0) Hits: 730

විහාරස්ථාන 55 ක ධාතු කරඩු පූජාවක්

රට පුරා හදුනාගත් විහාරස්ථාන 55ක් උදෙසා ධාතු කරඩු පූජා කිරීමේ සමාරම්භක මොහොතේ තවත් අධියරක් මන්නාරම මාතොට රාජමහා විහාරස්ථානයේ දී අද පෙරවරුවේ පැවැත්විණ.

ඒ බෞද්ධයා නාළිකාවේ නිර්මාතෘ පූජ්‍ය ධරණාගම කුසල ධම්ම හිමියන්ගේ 55 වන උපන්දිනයට සමගාමීවයි.

මෙම අවස්ථාව සංවිධානය කර ඇත්තේ රජයේ වෛද්‍ය නිළධාරීන්ගේ සංගමයේ මන්නාරම දිස්ත්‍රික් රෝහල් නියෝජිත වෛද්‍ය කසුන් චාමරගේ ප්‍රධානත්වයෙනි.

Comment (0) Hits: 878

දිමුත්ට පොලිස් ඇප !

රිය අනතුරක් සම්බන්ධව අත්අඩංගුවට ගනු ලැබූ ශ්‍රී ලංකා ටෙස්ට් ක්‍රිකට් කණ්ඩායමේ නායක දිමුත් කරුණාරත්න පොලිස් ඇප මත අද (31) මුදාහැර ඇති බව වාර්තා වෙයි.

වාර්තා වන පරිදි මෙම අවස්ථාවේදී දිමුත් කරුණාරත්න වාහනය පදවමින් සිට ඇත්තේ මත්පැන් පානය කිරීමෙන් පසුවය.

දිමුත් කරුණාරත්න මේ වසරේ ජුනි, ජූලි මාසවල එංගලන්තයේ පැවැත්වෙන ලෝක කුසලාන ක්‍රිකට් තරගාවලියේදී ශ්‍රී ලංකාව මෙහෙයවීම සඳහා පත් කිරීමට තේරීම් කමිටුවේ අවධානයට ලක්වූ ක්‍රීඩකයන් අතර ඉදිරියෙන් සිටියෙකි.

Comment (0) Hits: 702

ජයසූරියට වැටුණු තහනම ගැන මහේල දුක්වෙයි !

ශ්‍රී ලංකාවේ හොඳම පුත්‍රයෙක්ට වසර දෙකක ක්‍රිකට් තහනමක් වැටීමට ශ්‍රී ලංකා ක්‍රිකට් ක්‍රීඩාවේ කනගාටුදායක දිනයක් බව ශ්‍රී ලංකා ක්‍රිකට් හිටපු නායක මහේල ජයවර්ධන සඳහන් කරයි.

සනත් ජයසූරියට ජාත්‍යන්තර ක්‍රිකට් කවුන්සිලය විසින් පැනවූ වසර දෙකක ක්‍රිකට් තහනම පිළිබඳව සිය ට්විටර් ගිණුමෙන් අදහස් දක්වමින් ඔහු මේ බව සඳහන් කර ඇත.

එසේම ශ්‍රී ලංකාවේ ක්‍රිකට් ක්‍රීඩාව වෙනුවෙන් ආදරය කරන කිසිවෙක් හෝ සිටීනම් එය ආරක්ෂා කරගෙන ඉදිරි පරම්පරාව වෙනුවෙන් දායද කිරීම සඳහා දූෂිණ හෙළිකිරීමට කටයුතු කළ යුතු බවද මහේල ජයවර්ධන සඳහන් කරයි.

අදාළ ට්වීටර් සටහන පහත දැක්වේ.

mayiya

 

Comment (0) Hits: 711

ක්‍රිකට් නායක දිමුත් : පොලිස් අත්අඩංගුවේ !

ශ්‍රී ලංකා ටෙස්ට් ක්‍රිකට් නායක දිමුත් කරුණාරත්න ඊයේ (30) රාත්‍රී සිදුවූ රිය අනතුරක් සම්බන්ධයෙන් පොලිසිය විසින් අත්අඩංගුවට ගෙන ඇති බව වාර්තා වෙයි.

වාර්තාවන පරිදි මෙම අවස්ථාවේදී දිමුත් කරුණාරත්න වාහනය පදවමින් සිට ඇත්තේ මත්පැන් පානය කිරීමෙන් පසුවය.

දිමුත් කරුණාරත්න අද (31) දවස ඇතුළත පොලිසියේ රඳවාගෙන සඳුදා (01) උසාවියට ඉදිරිපත් කිරීමට නියමිතය.

දිමුත් කරුණාරත්න මේ වසරේ ජුනි, ජූලි මාසවල එංගලන්තයේ පැවැත්වෙන ලෝක කුසලාන ක්‍රිකට් තරගාවලියේදී ශ්‍රී ලංකාව මෙහෙයවීම සඳහා පත් කිරීමට තේරීම් කමිටුවේ අවධානයට ලක්වූ ක්‍රීඩකයන් අතර ඉදිරියෙන් සිටියෙකි.

Comment (0) Hits: 721

ලංකාවට ඓතිහාසික ටෙස්ට් ජයක් !

සංචාරක ශ්‍රී ලංකා කණ්ඩායම සහ දකුණු අප්‍රිකා කණ්ඩායම අතර පැවැති දෙවැනි ටෙස්ට් ක්‍රිකට් තරගයෙන් ද ශ්‍රී ලංකා කණ්ඩායම කඩුලු 8ක ජයග‍්‍රහණයක් ලබා ඇත.

මෙම තරගය ශ්‍රී ලංකා කණ්ඩායම ජයගැනීමත් සමග සම්පූර්ණ තරගාවලියේ ජයද ශ්‍රී ලංකා කණ්ඩායමට හිමිව ඇත.

දකුණු අප්‍රිකාවේදී දකුණු අප්‍රිකාවට එරෙහිව ශ්‍රී ලංකා කණ්ඩායමක් විසින් තරගාවලි ජය වාර්තා කළ පළමු අවස්ථාව මෙය වෙයි.

Comment (0) Hits: 729

කුරුණෑගල පොහොට්ටුවේ හීනමානය ඉස්මතුවේ !

කුරුණෑගල දිස්ත්‍රික්කය වගේම විශේෂයෙන් කුරුණෑගල ආසනය ශ්‍රී ලංකා පොදුජන පෙරමුණේ හෙවත් පොහොට්ටුවේ බල ඇතුන් ජීවත්වෙන ප්‍රදේශයකි. නමුත්ඉදිරියට එන වයඹ මහ ඇමති සටන සහ තම තමන්ගේ බලය ස්ථාපිත කරගැනීමේදී මේ පොහොට්ටු බලධාරීන් හීනමානය උලුප්පාගෙන වැඩකරන බව ආරංචි මාර්ග පවසයි.

විශේෂයෙන් ජොන්ස්ටන් ප්‍රනාන්දු, ජයරත්න හේරත් , සාලින්ද දිසානායක නැමැති ජ්‍යෙෂ්ඨයින්ගේ පාලනයට ලක්වූ කුරුණෑගල දිසාව පොහොට්ටුව විනාසය කරා ගෙනියන වැඩසටහනක සිටිනබව දැනගන්නට ලැබී තිබේ.මේ දිනවල ශ්‍රී ලංකා පොදුජන පෙරමුණේ ගම සමග පිළිසඳරක් වැඩසටහන කුරුනෑගල දිස්ත්‍රික්කයේ ක්‍රියාත්මක වෙමින් පැවතුනද නෙලුම් මාවතේ සාකච්ඡාවෙන කිසිම දෙයක් නිකවැරටිය ප්‍රදේශයේ ක්‍රියාත්මක නොවන බව ආරංචි මාර්ග පවසයි.

එයට හේතුව වී ඇත්තේ ජොන්ස්ටන් ප්‍රනාන්දු මන්ත්‍රීවරයාගේ කාර්යමණ්ඩලයේ ක්‍රියාකලාපය බව වැඩිදුර ආරංචි මාර්ග පවසයි. කුරුණෑගල මාවතගම පොල්ගහවෙල ගල්ගමුව ප්‍රදේශවල මේ ගම සමග පිළිසඳරක් වැඩසටහන ක්‍රියාත්මක කිරීමට කටයුතු යොදා තිබුනද නිකවැරටියට කිසිදු ක්‍රියාත්මක කිරීමක් අද වෙනකන් නොකර ඇතිබව දැනගන්නට ලැබී තිබේ.

නෙලුම් මාවතෙන් අසරණ වූ නිකවැරටියට එසේ වෙද්දී ජොන්ස්ටන් මන්ත්‍රීවරයාගේ කාර්ය මණ්ඩලය තවත් හපන්කමක් පෙන්වා ඇතිබව වැඩිදුරටත් දැනගන්නට ලැබී ඇත. එනම් කුරුණෑගල මාස්පොත පන්සලේ නායක හාමුදුරුවන්ගේ අපවත් වීම සම්බන්ධවයි. හාමුදුරුවන්ගේ දේහය අධාහනය කරන දිනයේදී මාස්පොත පංසලට පක්ෂ විපක්ෂ සියළුම මැතිඇමතිවරුන් පැමිණ සිට ඇත. එහිදී ඒ මේ අත දුවමින් පොහොට්ටුවේ මන්ත්‍රීවරුන් උස්සා පෙන්වීමට ජොන්ස්ටන් ප්‍රනාන්දු මන්ත්‍රීවරයාගේ කාර්ය මණ්ඩලය උත්සහ කරමින් සිට ඇතැයි ආරංචි මාර්ග පවසයි. කෙසේ හෝ අධාහන උත්සවයේදී විපක්ෂ නායක මහින්ද රාජපක්ෂ මහතාගේ පණිවිඩය කියවීමට නියමිතව තිබුනේ පොදුජන පෙරමුණේ කුරුණෑගල ආසන සංවිධායක ජයරත්න හේරත් මහතාටය. නමුත් එතන කසුකුසුවක් පටන්ගත් ජොන්ස්ටන් ගේ කාර්ය මණ්ඩලයේ පිරිස මෙම අවස්ථාවද කඩාකප්පල් කිරීමේ මුවාවෙන් එහෙම බෑනේ ජයරත්න ලොක්ක මේකෙන් තවත් උඩ යනවා, ඩී බී ට දෙමු. මොනවා වුනත් ඩී. බී අපේ ලොක්කගේ ගෙදර වැඩක් තිබ්බත් ඇවිත් කරලා දීලා යන මනුස්සයනේ යනුවෙන් කතාබහ කර ඇතිබව දැනගන්නට තිබේ. එසේ කතාකරගත් ජොන්ස්ටන් ප්‍රනාන්දු මන්ත්‍රීවරයාගේ කාර්ය මණ්ඩලය ඩී. බී හේරත් එතෙන්ට කැඳවා හේරත් මහත්තයා ඔයා හිටපු ජනාධිපතිතුමාගේ කතාව කියවන්න ඔයා තමයි සුදුසු යැයි පවසා ඇත. එහිදී ඩී. බී හේරත් අනේ මට බෑ මල්ලි අවුල් හදාගන්න. මම දැන් වෙනදෙයක් බලාගෙන දෙන දෙයක් කාලා ඉන්නේ මේක වෙන කාටහරි දෙන්න යනුවෙන් පවසා ඇත.

ඉන් නොනැවතුණු ජොන්ස්ටන්ගේ කාර්ය මණ්ඩලයේ මල්ලිලා ටික ඒ පණිවිඩය කුරුණෑගල නගරාධිපති තුෂාර සංජීවට පැටවීය. එයින් මහත් සන්තෝසයට පත් තුෂාර සංජීව මහින්ද රාජපක්ෂ මහතාගේ පණිවිඩය ව්‍යාකරණ වෙනස්කරමින් කියවා ඇති අතර ජයරත්න හේරත් මහතා මේ කිසිත් නොදැන සිනහමුසු මුහුණින් මේ කතාවට සවන්දී ඇතැයි වැඩිදුර ආරංචි මාර්ග පවසයි. නමුත් අධාහනය අවසානයේ සියළුම පොහොට්ටු මන්ත්‍රීවරුන් මෙන්ම අනෙකුත් පක්ෂවල මැති ඇමතිවරුන් ජොන්ස්ටන් ප්‍රනාන්දු මන්ත්‍රීවරයාගේ කාර්ය මණ්ඩලයේ නූගත් ක්‍රියාකලාපයන් විවේචනය කරන්නට විය.මුන්ට රැස්වීමක් තියලා සීයක් ගෙනල්ලා පෙන්නන්න බෑ. ඇත්තමයි ජොනී මේ වගේ වැස්සකටවත් ඉස්කෝලේ ගිහින් නැති බුරුවො ටිකක් තියාගෙන මොනවා කරනවද මන්දා. මේකෙන් කෙලවෙන්නේ අපිටමයි. මී හරක් ටිකක්නේ ජොනී වටේ ඉන්නේ. උන් තමයි ඔක්කොම පක්ෂයේ තීන්දු තීරණ දැන් ගන්නේ. එහෙම කීවේ හිරියාලයේ පොහොට්ටු සිංහයාය. ඒ අස්සේ මුන් නගර සභාවේ උඩතට්ටුවේ මීටින් එක තිබ්බේ, පනහක් ඇවිත් හිටියේ නෑනේ යැයි ඩී. බී හේරත් නැවතත් කියා ඇතැයි දැනගන්නට තිබේ.

මේ සිද්ධිය සිදුවීමෙන් පසු ජයරත්න හේරත්ට තමන්ගේ කාර්ය මණ්ඩලය අඩුපාඩුවක් කර ඇතැයි ජොන්ස්ටන් ප්‍රනාන්දු මන්ත්‍රීවරයාට දැනගන්නට ලැබී ඇත. හදිසියේම පසුවදා තමන්ගේ කාර්ය මණ්ඩලයට තමන්ගේ ඉතිහාස භාෂාවෙන් ඇමතු ජොනී, යකෝ මම දේශපාලඥයෙක් සිල්ලර කඩකාරයෙක් නෙමෙයි. දේශපාලනේ කරන්න උඹල දන්නේ නෑ හැමදාමත් උඹල කරන්නේ නාන එක එහෙම නාලා හිතවත්කමෙන් වැඩ කරගෙන යන මිනිස්සුන්වත් මාත් එක්ක තරහ කරවනවා. දැන් ඔය ඇතිකරපු ප්‍රශ්නේ උඹලම මට ලිහලා දීපල්ලා යනුවෙන් දැඩි කෝපයෙන් පවසා ඇතැයි දැනගන්නට ලැබී තිබේ. කෙසේ නමුත් මේ සිද්ධිය සමතයකට පත්කිරීම වෙනුවෙන් ජොන්ස්ටන් ප්‍රනාන්දුගේ ෆේස් බුක් නිලධාරී දක්ෂිත ලංකාතිලක ජොන්ස්ටන් ප්‍රනාන්දු සහ ජයරත්න හේරත් අතට අත දීගෙන ඉන්නා පින්තූරයක් බුකියට අප්ලෝඩ් කළේය. එසේ කලනමුදු තමුන් ඇතුළු කාර්ය මණ්ඩලය කුරුනෑගල තුළ පොහොට්ටුවේ විනාශය වෙනුවෙන් කරගෙන යන වැඩපිළිවෙල ඔවුන්ටද අවබෝදවී නොමැති බව මේ සිද්දිය අපට පැවසු රත්කරව්වේ ආරියදාස වැඩිදුරටත් කියා සිටියේය.

Comment (0) Hits: 777

පොහොට්ටු මන්ත්‍රීලා බූරු පොළේ සූදු කෙළියේදී මාට්ටු !

නවගත්තේගම වෙලේවැව වැලිඅගාරේ මුදලට සුදු කෙළියේ යෙදී සිටි සැකකරුවන් 8 දෙනෙකු අද (21) නවගත්තේගම පොලිසිය විසින් අත්අඩංගුවට ගෙන ඇති අතර ඒ අතර ශ්‍රී ලංකා පොදුජන පෙරමුණ (පොහොට්ටුව) නියෝජනය කරන පළාත් පාලන අමාත්‍යවරුන් දෙදෙනෙකුද වන බව පොලිස් ආරංචිමාර්ග සඳහන් කරයි.

වාර්තා වන ආකාරයට නවගත්තේගම පොලිසියට ලැබුණු තොරතුක් මත අදාළ සුදූකෙළිය පවත්වාගෙන ගිය නිවස වටලා ඇති අතර අත්අඩංගුවට ගත් සැකකරුවන් නවගත්තේගම පොලිසියට රැගෙන එමෙන් පසුව පොලිස් ඇප මත මුදා හැරීමට කටයුතු කර ඇති බවද දැනගන්නට ඇත.

සැකකරුවන්ට යළි හෙට (22) ආණමඩුව මහෙස්ත්‍රාත් අධිකරණයේ පෙනී සිටින ලෙස ද පොලිසිය දන්වා ඇති බවද වාර්තා වෙයි.

Comment (0) Hits: 688

ලසිත් මාලිංග ක්‍රිකට් පිටියෙන් සමුගැනීම ප්‍රසිද්ධ කරයි !

ලංකා එක්දින ක්‍රිකට් කණ්ඩායමේ නායකත්වය දරන ගස් සුපිරි වේග පන්දු යවන ක්‍රීඩක ලසිත් මාලිංග සිය ජාත්‍යන්තර ක්‍රිකට් පිටියෙන් සමු ගැනිම නිවේදනය කරයි.

දකුණු අප‍්‍රිකාව සමග ඊයේ (22) පැවති 20-20 තරගයෙන් පසු මාධ්‍ය හමුවේ ඔහු කියා සිටියේ මීළඟට පැවැත්වෙන 20-20 ලෝක කුසලාන ක්‍රිකට් තරගාවලියෙන් අනතුරුව තමන් ජාත්‍යන්තර ක්‍රිකට් පිටියෙන් සමුගන්නා බවයි.

තම අවසන් එක්දින ක්‍රිකට් තරගාවලිය මීළඟට එංගලන්තයේ දී පැවැත්වෙන ලෝක කුසලාන ක‍්‍රිකට් තරගාවලිය බවද ඔහු කියා සිටියේය.

20-20 ලෝක කුසලාන තරගාවලිය එසන වසරේදී ඕස්ට්‍රේලියාවේදී පැවැත්වෙන අතර එම තරගාවලියෙන් පසු මාලිංග ක්‍රිකට් දිවියෙන් සමු ගැනීමට නියමිතය.

මේ වනවිට මාලිංග 35 වන වියේ පසුවේ

Comment (0) Hits: 815

උදුල් ප්‍රේමරත්න යනු පට්ට මෝඩයෙකි !

හිටපු අන්තරේ කැදවුම්කරු පාතාල නායකයෙකු බේරාගැනීමට ඩුබායි යයි,  පෙරටුගාමී පක්ෂයේ  නායකයෙකුගේ වැඩ මෙහෙමද ? මුන් හැමදාම කලේ අපරාධකාරයින් රකින එක...

 මේ මේ දිනවල නිතර සමාජ ජාලා හා තැන් තැන්වල අසන්නට ලැබෙන කතාවන්හි සොච්චමක්. ඔව්, උදුල් ප්‍රේමරත්න ඩුබායි ගියේය. ඒ ගායන ශිල්පී අමල් පෙරේරා වෙනුවෙන් පෙනී සිටීමටය. අමල් වරදක් කර ඇත. අමල් කළ වරද අමල්ගේ රුචිකත්වයන් හා ඔහුට අදාළ වපසරියේ බේරාගැනීම අමල්ගේ පුද්ගලික කාරණයකි. එහෙත් අමල් යනු ලංකාවේ කලා ක්ෂේත්‍රෙය් තවත් එක් සලකුණකි. ඔහුට ඔහුගෙ වටිනාකම් සම්බන්ධයෙන් තක්සේරුවක් නොතිබෙන්නට පුළුවන එහෙත් ඔහු රටට හා කලා ක්ෂේත්‍රයට අත්‍යවශ්‍ය පුරුකකි. 

ගුණදාස කපුගේ යනු දැඩි මත්පැන් පානය කරන ගායකයන් අතර ප්‍රමුඛත්වයේ සිටි අයෙකු බව නොරහසකි. එහෙත් ඔහුගේ චර්යාවන් හා ජීවන පැවැත්ම ඔහුට අදාළ වුවත් දැඩිව රෝගා තුරවු අවස්ථාවන්හිදී හිතවතුන් පැවසුවේ උඹ උඹට අයිති නැති එහෙත් උඹ අපිට අයිති එකෙක් බවය.  එය අමල්ට අදාලවද එසේමය.  එහෙව් එකෙකු පිටරටකදී වැරදිකරුවෙකු බවට චෝදනා ලබා ඔහුව බේරාගැනීමට රටක පුරුවැසියෙකු ලෙස වන අයිතියට අදාළව කටයුතු කිරීම උදුල් තම වෘත්තිය ඉදිරියට දාම කරන පට්ට මෝඩකමකි.

උදුල්ගේ මේ මෝඩ ඉතිහාසය ඉතා දිගු එකකි. ඔහු අන්තර් විශ්වවිද්‍යාලයීය ශිෂ්‍ය බල මණ්ඩලයේ කැඳවුම්කරු ලෙස සිටියදී රටේ අධ්‍යාපන අයිතිය වෙනුවෙන් අනාගත දරුවන්ගේ අධ්‍යාපනයේ නිදහස වෙනුවෙන් වීදි සටන් මෙහෙයවා රෑ නිදි වරා තම උපාධියද කැපකොට ක්‍රියා කිරීම ඔහු ඉතිහාසයේ කරනු ලැබූ පට්ට මෝඩ ක්‍රියාවකි. 

නිදහසේ අධ්‍යාපනය ලබාගැනීමට ඇති අවස්ථාවන් තිබියදී තෙවරක් සිරගතව මාස ගණනාවක් වැලිකඩ සිරකුටියක රැදෙමින් අනාගත පරපුරක් වෙත අහිමිවන අධ්‍යාපන අයිතියක් වෙනුවෙන් සටන් වැදීම ද තවත් මෝඩ ක්‍රියාවකි. 

එතැනින් නොනැවතී, සමාජය විසින් මාධ්‍යය විසින් ඇගිල්ල දිගු කොට වරදකරුවෙකු යැයි අනුමාන කරන වරදකරුවා මරණ මංචකයට යැවීමේ සිරිතට එරෙහිව කොණ්ඩයා වැන්නන් සිරගත කොට දඩුවම් ලබාදීමට කටයුතු කළ යුතුව තිබියදී ඔහු නිවැරදි කරුවෙකු කිරීමට ප්‍රයත්න දැරීම ද මෝඩ ක්‍රියාවකි. එසේම කොටදෙනියාවේ සේයා ඝාතනයට අත්අඩංගුවට ගත් පාසල් සිසුවා නිදහස් කර ගැනීම සදහා දැවැන්ත මෙහෙයුමක් දියත් කොට ඔහුව නිවැරදි කරුවෙකු බවට පත් කිරීමද උදුල් විසින් ගත් තවත් මෝඩ ක්‍රියාමාර්ගයකි.

 මෙකී මෝඩකම් දිගින් දිගටම උදුල් විසින් ක්‍රියාමත්මක වූ අතර එය රත්නපුර නගරයේදී ගිනි දහවලේ එදා වේල පිරිමසා ගැනීමට තමන්ගේ නිදහස පාවිච්චි කළ බට්ටිට පහරදුන් පොලිස් නිලධාරියාට ගෞරව කිරීම වෙනුවට බට්ටි නැමැති කාන්තාවට සාධාරණය ඉටු කිරීම සදහා ඇය මානව හිමිකම් අයිතිවාසිකම් වෙනුවෙන් හඬ නැගීමට උසි ගැන්වීම හා අවසානයේදී පොලිස් නිලධාරියා වරදකරුවෙකු කොට ඔහුට අදාළ කාන්තාවට වන්දි ලබාදීමට කටයුතු සැලැස්වීම දක්වා වූ ක්‍රියාමාර්ග ගැනීම හා මිනිස් නිදහස සුරැකීමට ගත් ක්‍රියාමාර්ගයන්ට ඇයව පෙළඹවීම ද උදුල් විසින් සිදුකළ පට්ට මෝඩ ක්‍රියා මාර්ගයකි. 

එමතුද නොව ඇඹිලිපිටියේ සාදයක් අතරතුර තරුණයෙකු මිය යාමේ සිද්ධියේදී අදාළ තරුණායාගේ පාර්ශවයන් වෙනුවෙන් පෙනී සිට පොලිස් නිලධාරීන් මාරු කිරීම හා එකී ඝාතනයේදී  පොලීසිය මත වරද පටවා තරුණයාට හා එම පවුලේ ඥාතීන් වෙත සාධාරණය ඉටු කිරීමට යාමද උදුල් විසින් ගත් පට්ට මෝඩ ක්‍රියාමාර්ගයකි. 

නීතිඥ වෘත්තිය භාවිතා කොට කාගේ හෝ නඩුවකට කතා කොට ඉන් ලැබෙන මුදලක් වවාගෙන කෑම වෙනුවට නඩුවක් කතා කිරීමට ගොස් තමන්ගේ අතේ ඇති සොච්චමත් වරද පටවාග ඇති සැකකාර පාර්ශවයන්ට බෙදාදී කන්න අදින්න බොන්න පමණක් නොව ඔවුන්ට ජීවිතය ගෙන යාමට රැකියා සොයාදී ගෙදර ගොස් බිරිඳගේ හා ඥාතීන්ගේ දොස් මුරයන්ට ලක්වීම උදුල්ගේ පට්ට මෝඩ ක්‍රියාවන්හි  තවත් එක් අවස්ථාවකි.

නීතිය ඉදිරියේ වරදකරුවෙකු කිරීමට වරදක් නොකළ පුද්ගලයන් දහස් දෙනා අසරණභාවයෙන් පෙලී, නොකළ වරද පිළිගැනීමට හා දඩුවම් විදීමට හුර කර ඇති සමාජයක  එවැනි සමාජමය තත්වයන් නිවැරදි කිරීමට කටයුතු කිරීමට යාම පවතින ක්‍රමය කනපිට පෙරලීමක් බැවින් මිනිස්සුන්ගේ මිනිස් අයිතිවාසිකම් වෙනුවට ඔහු මත පටවා ඇති දෘෂ්ටිමය පාපයන්ට කර ගැසීමට අදාළ පුද්ගලයන්ට අවස්ථාවන් අහිමි කිරීම උදුල් ප්‍රේමරත්න නම් හිටපු අන්තරේ කැදවුම්කරු හා හිටපු ජවිපෙ හා පෙරටුගාමී ක්‍රියාදරයා හා වර්තමානයේ නීතිඥවරයෙකු ලෙස සිදුකරනු ලැබූ පට්ට මෝඩ ක්‍රියාවන් ලෙස හංවඩු ගසා ඇති ම්ලේච්ඡ සමාජයක සිට උදුල් අමල් වෙනුවෙන් ඩුබායි යාම බොහෝ දෙනාට අදාළව පට්ට මෝඩ ක්‍රියාමාර්ගයකි.

කෙසේ නමුත් උදුල් දන්නා අප මෙකී මෝඩකම් මිනිස් සමාජය තුළ බොහෝ දෙනාගේ දැක්මට වඩා සත්‍යය දක්නා සුළුතරයක් නියෝජනය කරමින් මෝඩ ක්‍රියාවන්ට අනුබල දෙන්නේය..  ඒ කෙසේද යත්, උදුල් ඔබ මෙවැනි මෝඩකම් ඇති තරම් කිරීමට යෝධ බලය හා යෝධ ශක්තිය ලැබේවායි යන්නය..  දහසක් නොව දස දහසක් නුඹට අවලාද නගනු ඇත. එහෙත් අවදිව සිටින සුළුතරයක් දෙනා ඔබගේ මෝඩ ක්‍රියාවන් අනුබල දෙන්නේය. .. අවසානයේ වන ඉල්ලීම වන්නේද උදුල් මෙකි ඉතිහාස ගත ක්‍රියාවන් සිදු කිරිමට ඔබට ශක්තිය ලැබේවා යන්නය.. 

- තුසිත පතිරණ  

Comment (0) Hits: 810

නිල්මිණි සිගේරට ජාත්‍යන්තර සම්මානයක් !

ජපානයේ ඔසාකා ආසියානු සිනමා උළෙලේ තරගකාරී අංශයට ශ්‍රී ලංකාව නියෝජනය කරමින් ඉදිරිපත් වූ නිල්මිණි සිගේරා මහත්මිය, ‘අසන්ධිමිත්තා’ චිත්‍රපටයේ රංගනය වෙනුවෙන් සිනමා උළලේ විශිෂ්ටතම රංගනය සඳහා පිදෙන "යශිකෝ මුතු" සම්මානය දිනා ගත්තාය.

ඇය අද(19) කටුනායක ගුවන් තොටුපළ වෙත පැමිණි අතර, ඇය පිළිගැනීම සදහා ජාතික චිත්‍රපට සංස්ථාවේ සභාපති අනූෂා ගෝකුළ මහත්මිය, අධ්‍යක්ෂ අශෝක හඳගම මහතා ඇතුළු නළුනිළියන් පිරිසක් ගුවන් තොටුපළ විශේෂ අමුත්තන්ගේ මැදිරිය වෙත පැමිණ සිටියහ.

ආසියානු රටවල් 14 ක සහභාගීත්වයෙන් මාර්තු 08 වන දින සිට මාර්තු 17 දින දක්වා මෙම චිත්‍රපට උළෙල ජපානයේ ඔසාකා නුවරදී පැවැත්විණි.

සම්මානිත ලේඛක සමන් වික්‍රමාරච්චි මහතා විසින් රචිත "අසන්ධිමිත්තා" නවකථාව ඇසුරෙන් ප්‍රවීණ චිත්‍රපට අධ්‍යක්ෂක අශෝක හඳගම මෙම චිත්‍රපටය නිපදවා තිබේ.

ඇයට මෙම ජයග්‍රහණය වෙනුවෙන් වටිනා සහතිකයක් සහ ජපානයේ ස්වභාවික මුතුවලින් නිපදවූ යශිකෝ මුතු මාලයක් ද එම චිත්‍රපට උළෙලේ සංවිධායකවරුන් විසින් පිරිනමා තිබුණි.

නිල්මිණි සිගේරා මහත්මිය කොළඹ සිරිමාවෝ බණ්ඩාරනායක විද්‍යාලයේ ගුරුවරියක ලෙස සේවය කරන අතර, ඇය රඟ පෑ පළමු චිත්‍රපටය මෙය වේ.

Comment (0) Hits: 706

කේරල ගංජා සමඟ රයන්ගේ මෝටර් රථය පොලිස් අත්අඩංගුවේ !

මාකඳුරේ මදුෂ් නමැති පාතාල කල්ලි නායකයා සමඟින් ඩුබායිහිදී අත්අඩංගුවට පත් රංගන ශිල්පී රයන් වැන්රෝවන් භාවිතා කරන ලද මෝටර් රථය මිරිස්ස ප්‍රදේශයේ සංචාරක නිකේතනයක රඳවා තිබියදී වැලිගම ⁣මූලස්ථාන පොලීසිය විසින් පසුගියදා අත්අඩංගුවට ගෙන තිබේ.

මෙම මෝටර් රථය රයන් විසින් භාවිතා කරන ලද මෝටර් රථය බවට ඩුබායිහිදි අත්අඩංගුවට පත් සුරන්ජි සුද්දා නොහොත් අමිල ප්‍රසංග හෙට්ටිගේ ගේ සහෝදරයා විසින් පොලීසියට ප්‍රකාශයක් ලබාදී ඇති බවත් අත්අඩංගුවට ගන්නා අවස්ථාවේ මෙම මෝටර් රථයේ තිබී කේරල ගංජා මිලිග්‍රෑම් 5750 ක් හමුවී ඇති බවද වාර්තා වෙයි.

එසේම මෙම මෝටර්රථය වත්තල උස්වැටකෙයියාව ප්‍රදේශයේ කාන්තාවකගේ නමට ලියාපදිංචි කර ඇති බවත් වාර්තා වන අතර සිද්ධිය සම්බන්ධයෙන් වැලිගම පොලිසිය පරික්ෂණ සිදුකරයි .

Comment (0) Hits: 748

ගුරුවරයාගේ පහරදීමෙන් සිසුන් 18ක් රෝහලේ !

පාසලේ ලබාදුන් ක්‍රියාකාරකම් නිසි ලෙස නොකිරීම නිසා ඊට දඬුවමක් ලෙස මඩකලපුව ප්‍රදේශයේ විදුහලක ගුරුවරයකු පහරදීමෙන් පහ වසර සිසුන් 18 ක් කාත්තන්කුඩ් මුලික රෝහලට ඇතුලත් කර ඇති බව වාර්තා වෙයි.

මේ වන විට පහර දුන් ගුරුවරයා කාත්තාන්කුඩ් පොලීසිය විසින් අත් අඩංගුවට ගෙන ඇති බවද වාර්තා වන අතර මෙය සිදුව තිබෙන්නේ ඊයේ (13) දිනයේය.

ගුරුවරයාගේ පහරදීමට ලක්වූ සිසුන් සම්බන්ධව වැඩිදුර තොරතුරු රැස්කිරීම සඳහා මාධ්‍ය කණ්ඩායම් අදාළ රෝහලට ගියද රෝහල් අධ්‍යක්ෂකගේ අනුමැතියක් නොමැතිව ඊට ඉඩ ලබාදිය නොහැකි බව රෝහල් කාර්ය මණ්ඩලය දන්වා ඇති බවත් දැනගන්නට ඇත.

Comment (0) Hits: 717

නිව් වර්ශන් ඔෆ් ඩේසි ආච්චීස් මැණික් මල්ල - නිරෝෂන් මන්ත්‍රීගේ රෙදි කඩය !

මාතර දිස්ත්‍රික් පාර්ලිමෙන්තු මන්ත්‍රි නිරෝෂන් ප්‍රේමරත්න පාර්ලිමෙන්තුවෙ කල කතාවට අනුව, ට්‍රෙන්ඩි නම් ව්‍යාපාරය ආරම්භ කිරීමට මූලිකව කීමනි ගෙවා මාස හයක් පමණ එම ගොඩනැගිල්ල වසා තබා ඇත.

ඔහුගේ මිත්‍රයෙකුට දුක කියූ පසු තලවතුගොඩිං ඉඩමක් වර්ෂ පහකට ඔහුගේ නමට ලියා දී ඇති අතර එය බැංකුවට තබා ඔහු ලෝන් එකක් ගෙන ට්‍රෙන්ඩි ඇඳුම් කඩය පටංගෙන ඇත.

එම ණය මුදලට මසකට වාරිකය හත්ලක්ශ විසිපන්දහසක් ඔහු පාර්ලිමෙන්තු බැංකුවට ගෙවණු ලබයි.

ගොඩනැගිල්ලක් ගෙන මාස හයක් වසා තබන විට සෑම මසකම ගොඩනැගිල්ලෙ කුලිය ගෙවිය යුතුය. අවම කුලිය මසකට රු 80000කි. මාස හයක් රු 80000ට් වැඩි කුළියක් ගෙවමින් ඔහු එම ව්‍යාපාරික ආයතනය වසාදමා ඇත.

එසේම මසකට රු 725000ක මාසික වාරිකයක් ගෙවීමට නම් කඩ කුලිය සේවක වැටුප් හා වේතන,විදුලි බිල්,ජල බිල් ආදියද ගෙවිය යුතුය. විකිණීම සඳහා ඇඳුම් ගතයුතුය.

මේ සියල්ලටම මසකට රුපියල් ලක්ෂ 15කට ආසන්න මුදලක් වැය වෙන බව උපකල්පණය කල හැක.

කෝටි අටක ලෝන් එක ගැනීම සඳහා අවුරුදුු පහක් තමන්ගේ නමට ඉඩං ලියන යාළුවන් ලැබීමෙ සිට ව්‍යාපාරය පටං ගත් සැනිං ලක්ෂ හතක් වැනි වාරිකයක් ගෙවිමට හැකිවීම දක්වාම ඔහු අපව පුදුමයට පත්කරමින් සිටී.

රුක්ෂාන් ගම්ලත්

(මුහුණු පොතින් )

Comment (0) Hits: 1088

Page 5 of 11